“நாங்கள் விட்டுக் கொடுக்க மாட்டோம்” - கோவிட்-19 குறித்துப் பாடல் வெளியிட்ட டுவைன் பிராவோ!

[ampanai]

கொரோனா வைரஸ் பாதிப்புக்கு எதிராக உலகம் முழுவதும் போராடி வரும் இந்த நேரத்தில், மேற்கிந்திய தீவுகள் ஆல்-ரவுண்டர் டுவைன் பிராவோ மக்களின் மன உறுதியை உயர்த்துவதற்காக ஒரு புதிய பாடலை வெளியிட்டுள்ளார்.

கொரோனா வைரஸ் பாதிப்புக்கு எதிராக உலகம் முழுவதும் போராடி வரும் இந்த நேரத்தில், மேற்கிந்திய தீவுகள் ஆல்-ரவுண்டர் டுவைன் பிராவோ மக்களின் மன உறுதியை உயர்த்துவதற்காக ஒரு புதிய பாடலை வெளியிட்டுள்ளார். தன்னுடைய இன்ஸ்டகிராம் பதிவில் பிராவோ, உலக அளவில் 27.000 பேரைக் கொன்ற கோவிட்-19க்கு எதிரான ஒரு புதிய பாடலை வெளியிட்டார். “நாம் விட்டுக் கொடுக்கவில்லை. தொற்றுநோயால் ஏற்பட்ட இந்த பாதிப்பில், உங்கள் அனைவருக்கும் எனது மனமார்ந்த பிரார்த்தனை! ஒன்றாகப் போராடுவோம். இந்த பாதிப்பில் ஒரு நேர்மறையான பாடல்,” என்று பிராவோ அந்த மூன்று நிமிட 31 விநாடிப் பாடலுக்குத் தலைப்பிட்டார்.

பாடலில், மேற்கிந்திய தீவுகள் ஆல்-ரவுண்டர், கைகளைத் தொடர்ந்து கழுவுதல், வீட்டில் தங்கி இருத்தல், விலகி இருப்பதைப் பின்பற்றுவது போன்ற தேவையான அனைத்து முன்னெச்சரிக்கை நடவடிக்கைகளையும் மேற்கொள்வதன் மூலம் கொரோனா வைரஸுக்கு எதிராகப் போராடுமாறு மக்களைக் கேட்டுக்கொள்கிறார்.

 

முன்னதாக, நியூசிலாந்து ஸ்பின்னர் இஷ் சோதி, கொரோனா வைரஸ் பாதிப்பின் காரணமாக தங்களைத் தனிமைப்படுத்திக் கொள்வதற்கான வித்தியாசமான யோசனை ஒன்றைக் கூறினார். சோதியின் இந்தியன் பிரீமியர் லீக் அணியான ராஜஸ்தான் ராயல்ஸ் ட்விட் செய்த ஒரு வீடியோவில், சோதி கொடிய தொற்றுநோயைப் பற்றி சில ராப் வசனங்களைத் தட்டிக் கொடுத்து, மக்களை வீட்டுக்குள் இருக்கச் சொன்னார்.

“கொரோனா வைரஸ் இன்று எனக்கு வராதே. கொரோனா வைரஸ், எனக்கு கிரிக்கெட் விளையாட வேண்டியுள்ளது. கோவிட்-19 என்றால் என்ன என்பது எனக்குத் தெரியும். எனது டிவி திரையில் உங்கள் பெயரைக் கேட்டு நான் சோர்ந்து விட்டேன்,” என்று சோதியின் பாடல் தொடர்கிறது.

கொரோனா வைரஸ் வெடிப்பிற்கு எதிரான நம் போராட்டத்தில் அரசாங்கம் மட்டுமல்ல, மருத்துவ நிபுணர்களும் வகுத்துள்ள வழிகாட்டுதல்களைக் கண்டிப்பாகப் பின்பற்ற வேண்டும் என்று இந்திய கேப்டன் விராட் கோலியும் தனது நாட்டு மக்களை வலியுறுத்தியுள்ளார்.

“வணக்கம். நான் விராட் கோலி. இன்று உங்களிடம் நான் ஒரு கிரிக்கெட் வீரனாகப் பேசவில்லை. இந்தியக் குடிமகனாகப் பேசுகிறேன். கடந்த சில நாட்களாக மக்கள் கும்பலாகச் செல்வது, ஊரடங்கு உத்தரவை மதிக்காமல் நடப்பது, அரசை மதிக்காமல் செயல்படுவது - இது கொரோனாவுக்கு எதிரான போராட்டத்தை நாம் சாதாரணமாக எடுத்துக் கொண்டுள்ளதையே காட்டுகிறது. ஆனால், உண்மையில் இந்தப் போராட்டம் சுலபமானது கிடையாது.

எல்லோரும் தள்ளி இருத்தலை கடைப்பிடிக்க வேண்டும் என்று கேட்டுக் கொள்கிறேன். மேலும் அரசு கொடுக்கும் வழிமுறைகள் படி நடந்து கொள்ள வேண்டும் என்றும் விரும்புகிறேன். நீங்கள் அசட்டுத்தனமாக வெளியே சுற்றுவதனால் உங்கள் குடும்பத்தில் ஒருவருக்கு வைரஸ் பாதிப்பு ஏற்படலாம். நாம் நமது கடமையைச் செய்தால் மட்டுமே, இந்தப் போராட்டத்தில் நம்மால் வெற்றி பெற முடியும். விதிகளை மீறுவது இந்த நாட்டின் நலனிற்கு எதிராகச் செயல்படுவதாகும். உங்களைப் போல நானும் தற்போது உள்ள சூழல் சரியாக வேண்டும் என்று விரும்புகின்றேன். அரசின் வழிமுறைகளைப் பின்பற்றி நடக்கவும். ஹெய் ஹிந்த்!,” என்று நெகிழ்ச்சியோடு தெரிவித்துள்ளார். 

கடந்த செவ்வாய்க் கிழமை முதல் 21 நாட்களுக்கு இந்தியா முழுவதற்கும் ஊரடங்கு உத்தரவைப் பிறப்பித்துள்ளார் பிரதமர் நரேந்திர மோடி.

 

https://sports.ndtv.com/tamil/cricket/dwayne-bravo-releases-new-song-on-covid-19-watch-video-2202206?pfrom=home-topstories