Sign in to follow this  
pri

சில ஞாபகங்கள்-6

Recommended Posts

 

சின்னவளுக்கும் பெரியவளுக்கும் பள்ளிக்கூடம் கிடையாது. எனக்கும் வேலை ஏதும் இல்லை. நீச்சலுக்கும் வேறெந்த வகுப்புக்கும் ஏத்தி இறக்கவேண்டிய தேவையும் கிடையாது. புலம்பெயர் வாழ்வில் வீட்டில் எல்லோரும் சும்மா இருக்க கிடைப்பது எப்போதாவது நடக்கிற குட்டி அதிசயம். கொரோனாவின் புண்ணியத்தில் அது இன்றைக்கு வாய்த்திருக்கிறது.

 
குட்டி அதிசயங்கள் எப்படியும் நிகழலாம். வட்ஸ்அப்பின் புண்ணியத்தில் சில ஆண்டுகளுக்கு முன்னம் அது நடந்தது. சின்ன வயதில் பள்ளியில் கூடப் படித்து எண்பதுகளின் மத்தியில் தொலைந்துபோன நண்பர்கள் சிலர் கனடாவில் கிடைத்தார்கள்.
 
சின்ன வயது முகங்களும் ஒரு தொகை சம்பவங்களும் பத்திரமாகவே இருந்தது. பார்த்த மனிதர்களோடு பொருத்தி பார்த்தேன். சிலருக்கு சாயல் தெரிந்தது. சிலர் வேறு ஒன்றாக தெரிந்தார்கள். நல்ல வேளையாக யாருக்கும் கொம்பு முளைக்காமல் இருந்தது.
 
சில தமிழ் படங்களில் பார்த்திருப்போம். சின்ன வயதில் இருப்பார்கள் . ஒரு பாடல் வரும். பெரியவர்களாக மாறிப்போவார்கள் . கதை மீண்டும் அங்கிருந்து நகரும்.முப்பது வருடங்களுக்கு பிறகான சந்திப்பு. கிட்டத்தட்ட அப்படியொரு அனுபவம்.விட்ட இடத்திலிருந்து பேசுவதட்கும் சிரிப்பதட்கும் பலதும் பத்தும் மிஞ்சியிருந்தது. இப்போதெல்லாம் நேரம் கிடைக்கும்போது சின்ன வயதுக்கு போய்வர முடிகிறது.
 
எங்கள் வீடு. அது இருந்த குட்டி ஒழுங்கை. ஊர் பள்ளிக்கூடம். இதுதான் ஹாட்லிக்கு போகிறவரை எனக்கு தெரிந்த உலகம்.
 
ஒழுங்கை தொடக்கத்தில் சங்கக்கடை இருந்தது. கூப்பனுக்கு அரிசி வாங்க நாலு பேர் வந்து போவார்கள்.
ஒழுங்கை முடிவில் பொதுகிணறு இருந்தது. தேவைப்படுகிறவர்கள் குளிப்பார்கள். மற்றவர்கள் அங்கிருந்து ஊர் புதினம் பேசுவார்கள் . யாருடைய வீட்டில் ஆடு குட்டி போட்டதில் தொடங்கி மீன்சந்தையில் விளைமீனின் அன்றைய விலை வரை அங்கு போகிறவர் தெரிந்து வரலாம்.
 
கிணற்றுக்கு பக்கத்தில் வெள்ளவாய்க்கால் இருந்தது. மழைக்காலத்தில் வெள்ளம் நிரம்பி ஓடும். மற்றைய நாட்களில் வெறும் பள்ளம். அதற்கு அப்பால் பெரிய பனங்காணியும் மூன்று இலந்தை பழமரமும் நடுவில் சுந்தரத்தின் கொட்டில் வீடும் இருந்தது.
 
பள்ளிக்கூடம் முடிந்ததும் இலந்தை பழம் பொறுக்கலாம். கீழே பழம் இல்லாதபோது கல்லை எடுத்து வீசினால் பழம் வந்து சேரும்.
சிலசமயம் கல்லு சுந்தரத்தின் கொட்டிலை பதம் பார்க்கும். அங்கு இருந்து யாரேனும் ஒரு கிழவி சன்னதம் ஆடும். திரும்பி பார்க்காமல் அங்கிருந்து வீட்டுக்கு ஓடி வருவேன். சும்மா படுத்திருக்கிற யாருடைய நாயாவது சேர்ந்து துரத்தும். கையில் நாலு ஐந்து இலந்தை பழமும் காலில இரண்டு மூன்று முள்ளும் மிஞ்சும். ஐந்தாம் வகுப்பு வரை அதுதான் நான் நிகழ்திய ஆகப்பெரும் சாகசம்.
 
 
ஹாட்லிக்கு போன பிறகு வாழ்கை இன்னொரு வட்டத்துக்குள் இடம் மாறியது. வடமராச்சியில் இருந்த எல்லா கிராமங்களும் நகரங்களும் எங்கள் வகுப்புக்குள் வந்து சேர்ந்தது. பார்வையும் பழகிற நண்பர்களும் மெல்ல மெல்ல விரிந்தார்கள். படிப்புக்கு வெளியே எதையாவது தேடுகிற மனிதர்களும் நண்பர்களானார்கள். வகுப்புக்குள் கம்பராமாயணம் படிப்போம். வெளியில் புது கவிதையை பற்றி பேசுவோம்.
 
எண்பத்துமூன்றில் நிலவரம் வேறாக மாறியது. ஆங்கிலம் கலந்த சொற்களோடும் சப்பாத்தோடும் புதியவர்கள் வந்து சேர்தார்கள்.நாப்பதாக இருந்த வகுப்பு ஐம்பத்தைந்தாக உருப்பெருத்தது. வந்தவர்கள் கொழும்பில் வீடு இழந்த கதை சொன்னார்கள். வெறும் கையோடு கப்பல் ஏறியதும் சொன்னார்கள். BBC இல் ஆனந்தி மீதம் நடந்தது சொன்னார். பத்திரிகை பார்த்தால் ஆத்திரம் மட்டும் மிஞ்சியது. படிப்பில் மனம் இருப்புகொள்ள மறுத்தது. எங்கிந்தாயினும் மீட்பனர்கள் வருவார்களா என தேடினோம்.
 
தேடி அலைந்த நாளொன்றில் கொஞ்ச தாடியோடும் நிறைய புதிய சொற்களோடும் தேவர்கள் கண்ணில் பட்டார்கள். எல்லா சிக்கலுக்கும் ஈழமும் மாக்சீசமும் மருந்தென்றார்கள். கைக்கு எட்டிய தூரத்தில் எங்கள் நாடு இருப்பதை காட்டினார். முழுவதுமாக நம்பினோம். வீடு மறந்து போனது. பள்ளிநேரம் பாதியாகி போனது. மீதி நேரம் வாசிகசாலைகளிலும் கோயில்களிலும் அவர்களின் உபதேசம் கேட்டோம். அவர்கள் சொல்வது வேத வாக்காகியது.
சுவர்களை சிவப்பு மை பூசிய போஸ்டர்களால் நிரப்பினோம். அவர்கள் சொன்ன செய்தியை காவி கிராமங்களுக்கு போனோம். பாவப்பட்ட மக்கள் எங்களை தேவ தூதுவர்களாக பார்த்தார்கள். சாப்பாடு தந்தார்கள். கூட்டம் போட தங்கள் கொல்லை புறத்தை தந்தார்கள்.நம்பியதை வகுப்பெடுத்தோம். சிலர் தங்கள் பிள்ளைகளையும் சேர்த்தே அனுப்பினர்.நம்பிகையில் வளர்ந்த யுகமொன்று தோல்வியில் முடிந்தது.
 
தூரதேசங்களில் இவை பற்றி பேசி கழிக்கிற கடைசி சந்ததியாக நாங்கள் இருக்க கூடும்.
 
 
 
 
Edited by pri
  • Like 4

Share this post


Link to post
Share on other sites
Posted (edited)

உங்களைப் போலவே ஆனால் சில பல ஆண்டுகள் பின்னால் ஊர்ப்பள்ளிக்கூடத்திலிருந்து ஹாட்லிக் கல்லூரிக்குப் போனவன் நான்😀

தாடி வைத்து மார்க்கசியம் பேசியவர்களின் கூட்டங்களுக்குப் போகும் வயதில் இருக்கவில்லை. ஆனால் ரொம்பத் த்ரில்லும் கூடவே முந்திரிகைப் பழமும் படிக்க புத்தகங்களும் கிடைத்த பருத்தித்துறை, வல்வெட்டித்துறை முகாம் சென்றிகளுக்கு வீட்டுக்குத் தெரியாமல் போய் வந்ததுண்டு. இப்போது நினைத்தால் அசட்டுத் தைரியம் என்றுதான் சொல்லலாம்!😊

போராடிய இனமா நாங்கள் என்பதே இப்போது மறந்துபோய்விட்டது!

 

Edited by கிருபன்
  • Like 1

Share this post


Link to post
Share on other sites
1 hour ago, கிருபன் said:

உங்களைப் போலவே ஆனால் சில பல ஆண்டுகள் பின்னால் ஊர்ப்பள்ளிக்கூடத்திலிருந்து ஹாட்லிக் கல்லூரிக்குப் போனவன் நான்😀

தாடி வைத்து மார்க்கசியம் பேசியவர்களின் கூட்டங்களுக்குப் போகும் வயதில் இருக்கவில்லை. ஆனால் ரொம்பத் த்ரில்லும் கூடவே முந்திரிகைப் பழமும் படிக்க புத்தகங்களும் கிடைத்த பருத்தித்துறை, வல்வெட்டித்துறை முகாம் சென்றிகளுக்கு வீட்டுக்குத் தெரியாமல் போய் வந்ததுண்டு. இப்போது நினைத்தால் அசட்டுத் தைரியம் என்றுதான் சொல்லலாம்!😊

போராடிய இனமா நாங்கள் என்பதே இப்போது மறந்துபோய்விட்டது!

 

யதார்த்தம் என்பது ஒரு கப்  மரமஞ்சள். 

குடிக்கலாம்  இல்லாவிட்டால் குறோட்டனுக்க ஊத்திப்போட்டு குடிச்சமாதிரியும் நடிக்கலாம். 😀

எல்லாம் குடிக்கிற ஆட்களைப் பொறுத்தது. 🤥 

 

  • Like 1

Share this post


Link to post
Share on other sites
On 30/3/2020 at 05:42, pri said:
தேடி அலைந்த நாளொன்றில் கொஞ்ச தாடியோடும் நிறைய புதிய சொற்களோடும் தேவர்கள் கண்ணில் பட்டார்கள். எல்லா சிக்கலுக்கும் ஈழமும் மாக்சீசமும் மருந்தென்றார்கள். கைக்கு எட்டிய தூரத்தில் எங்கள் நாடு இருப்பதை காட்டினார். முழுவதுமாக நம்பினோம். வீடு மறந்து போனது. பள்ளிநேரம் பாதியாகி போனது. மீதி நேரம் வாசிகசாலைகளிலும் கோயில்களிலும் அவர்களின் உபதேசம் கேட்டோம். அவர்கள் சொல்வது வேத வாக்காகியது.
சுவர்களை சிவப்பு மை பூசிய போஸ்டர்களால் நிரப்பினோம். அவர்கள் சொன்ன செய்தியை காவி கிராமங்களுக்கு போனோம்.

இந்த சிவப்பு மீட்பர்களில் பலர் இன்று புலம்பெயர்ந்து பெண்ஸ்காரில் ஒடிக்கொண்டு விடுதலைக்கு புது அர்த்தம் கற்பித்து கொண்டு இலக்கியவாதிகளாக வலம் வ்ருகின்றனர்

Share this post


Link to post
Share on other sites
1 hour ago, putthan said:

இந்த சிவப்பு மீட்பர்களில் பலர் இன்று புலம்பெயர்ந்து பெண்ஸ்காரில் ஒடிக்கொண்டு விடுதலைக்கு புது அர்த்தம் கற்பித்து கொண்டு இலக்கியவாதிகளாக வலம் வ்ருகின்றனர்

அதைத்தான் என்னால் பொறுக்க முடியாத ஒன்றாய் இருக்குது ஆனாலும் இப்ப எல்லாம் எச்சரிக்கையுடன்  புலியின் புத்தகத்தை யும் பக்கத்தில்   வைத்தே திரிகிறார்கள் .

 

  • Like 1

Share this post


Link to post
Share on other sites
1 hour ago, பெருமாள் said:

அதைத்தான் என்னால் பொறுக்க முடியாத ஒன்றாய் இருக்குது ஆனாலும் இப்ப எல்லாம் எச்சரிக்கையுடன்  புலியின் புத்தகத்தை யும் பக்கத்தில்   வைத்தே திரிகிறார்கள் .

 

சிவப்பு மீட்பர்களில் குறிப்பாக 77 ஆம் அண்டு முதல் 85 ஆண்டுவரை இருந்தவர்கள் வெளியேறி பிறநாடுகளில் கல்வி கற்று அல்லது சிறிலங்கா பல்கலைகழகத்தில் பட்டம் பெற்று தற்பொழுது இலக்கியவாதிகளாக வலம் வருகின்றனர் அத்துடன்....ஆங்கிலத்திலும் தங்களுடைய் புலி எதிர்ப்பு புராணத்தை கக்கி கொண்டு திரியினம்...
கஸ்மீர்,பலஸ்தீனம் எல்லாம் விடுதலை போராட்டமாம் எங்கன்ட மட்டும் பயங்கரவாதமாம்.....

Share this post


Link to post
Share on other sites
22 hours ago, கிருபன் said:

உங்களைப் போலவே ஆனால் சில பல ஆண்டுகள் பின்னால் ஊர்ப்பள்ளிக்கூடத்திலிருந்து ஹாட்லிக் கல்லூரிக்குப் போனவன் நான்😀

தாடி வைத்து மார்க்கசியம் பேசியவர்களின் கூட்டங்களுக்குப் போகும் வயதில் இருக்கவில்லை. ஆனால் ரொம்பத் த்ரில்லும் கூடவே முந்திரிகைப் பழமும் படிக்க புத்தகங்களும் கிடைத்த பருத்தித்துறை, வல்வெட்டித்துறை முகாம் சென்றிகளுக்கு வீட்டுக்குத் தெரியாமல் போய் வந்ததுண்டு. இப்போது நினைத்தால் அசட்டுத் தைரியம் என்றுதான் சொல்லலாம்!😊

போராடிய இனமா நாங்கள் என்பதே இப்போது மறந்துபோய்விட்டது!

 

அட நீங்களும் நம்ம பாடசாலையா .

சில வருட இடைவெளி இருந்தாலும் கிட்டத்தட்ட ஒரே விதமான 
பாடசாலை அனுபவங்களை கடந்திருப்போம் .

Share this post


Link to post
Share on other sites
14 hours ago, putthan said:
14 hours ago, putthan said:

சிவப்பு மீட்பர்களில் குறிப்பாக 77 ஆம் அண்டு முதல் 85 ஆண்டுவரை இருந்தவர்கள் வெளியேறி பிறநாடுகளில் கல்வி கற்று அல்லது சிறிலங்கா பல்கலைகழகத்தில் பட்டம் பெற்று தற்பொழுது இலக்கியவாதிகளாக வலம் வருகின்றனர் அத்துடன்....ஆங்கிலத்திலும் தங்களுடைய் புலி எதிர்ப்பு புராணத்தை கக்கி கொண்டு திரியினம்...
கஸ்மீர்,பலஸ்தீனம் எல்லாம் விடுதலை போராட்டமாம் எங்கன்ட மட்டும் பயங்கரவாதமாம்.....

 

கருத்துக்கு நன்றி .

BTW இன்று  உங்களின் puthan.blugspot.com  வாசித்தேன் .
நன்றாக இருக்கிறது .

  • Like 1

Share this post


Link to post
Share on other sites
On 29/3/2020 at 20:42, pri said:

எங்கள் வீடு. அது இருந்த குட்டி ஒழுங்கை. ஊர் பள்ளிக்கூடம். இதுதான் ஹாட்லிக்கு போகிறவரை எனக்கு தெரிந்த உலகம்.

அநேகமாக எல்லா ஊரிலும் குட்டி ஒழுங்கைகள் நிறைய இருக்கும். நன்றாக எழுதுகிறீர்கள். வாழ்த்துகள்.

Share this post


Link to post
Share on other sites
On 15/4/2020 at 14:40, Kavi arunasalam said:

அநேகமாக எல்லா ஊரிலும் குட்டி ஒழுங்கைகள் நிறைய இருக்கும். நன்றாக எழுதுகிறீர்கள். வாழ்த்துகள்.

நன்றி கவி அண்ணா .

Share this post


Link to post
Share on other sites

போராடுபவர்கள் உறங்கிய போதிலும் போராட்டங்களில் விழுந்த விதைகள் ஒரு போதும் உறங்குவதில்லை, அவை நிலம் பிளந்து துளிர்விட காத்திருக்கும்......நல்ல எழுத்து நடை  pri  வாழ்த்துக்கள்....!  👍

Share this post


Link to post
Share on other sites
On 19/4/2020 at 12:50, suvy said:

போராடுபவர்கள் உறங்கிய போதிலும் போராட்டங்களில் விழுந்த விதைகள் ஒரு போதும் உறங்குவதில்லை, அவை நிலம் பிளந்து துளிர்விட காத்திருக்கும்......நல்ல எழுத்து நடை  pri  வாழ்த்துக்கள்....!  👍

நன்றி suvy .

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • இந்த வயதில் இதெல்லாம் சகஜம்தானே. 90களில் கூட நாங்கள் குஸ்பு ...80களில் ஸ்ரிதேவி...70களில் கே ஆர் விஜயா.. யாழில் கூட ரசிகன் என்னும் பெயரில் ஒருவர் இருக்கின்றார்
    • கிழக்கு மாகாணத்தில் தொல்லியல் ஆய்வை மேற்கொள்வதற்காக புதிய செயலணி உருவாக்கப்பட்டதன் நோக்கம் என்ன? Rajeevan Arasaratnam May 25, 2020கிழக்கு மாகாணத்தில் தொல்லியல் ஆய்வை மேற்கொள்வதற்காக புதிய செயலணி உருவாக்கப்பட்டதன் நோக்கம் என்ன?2020-05-25T11:07:24+00:00 கிழக்கு மாகாணத்தில் தமிழ் மக்களின் காணிகளை முற்றுமுழுதாக அபகரிக்கும் நோக்கத்துடனேயே தொல்லியலுடன் தொடர்புபட்ட இடங்கள் குறித்து ஆராய்வதற்கான செயலணி பாதுகாப்பு செயலாளர் தலைமையில் ஜனாதிபதியால் உருவாக்கப்பட்டுள்ளது என தமிழ்தேசிய மக்கள் முன்னணியின் மட்டுமாவட்ட இணைப்பாளர் தர்மலிங்கம் சுரேஸ் தெரிவித்துள்ளார். கிழக்குமாகாணத்தில் துரித காணி அபகரிப்பை மேற்கொள்வதற்காக பௌத்த ஆலோசனை சபையை சந்தித்த ஜனாதிபதி அந்த பொறுப்பை பாதுகாப்பு செயலாளர் தலைமையிலான செயலணியிடம் வழங்கியுள்ளார் என தர்மலிங்கம் சுரேஸ் தெரிவித்துள்ளார். புனித பூமி என்ற போர்வையில் பௌத்தவிகாரைகளை அமைப்பதற்காக பௌத்த மத சின்னங்களை அடிப்படையாக வைத்து காணிகள் அபகரிக்கப்படுகின்றன என அவர் குறிப்பிட்டுள்ளார். அம்பாறையில் 247 இடங்களும்,திருகோணமலையில் 74 இடங்களும்,மட்டக்களப்பில் 28 விகாரைகள் உட்பட55 இடங்களும் பௌத்த மதத்துடன் தொடர்புiடைய பகுதிகளாக பிரகடனப்படுத்தப்பட்டுள்ளன என அவர் தெரிவித்துள்ளார். கிழக்கு மாகாணத்தில் அண்மைக்காலங்களில் தமிழர்களின் பெருமளவு நிலங்கள் அபகரிக்கப்பட்டுள்ளன என அவர் குறிப்பிட்டுள்ளார். இந்த இடங்களை அபகரிப்பதன் மூலம் தமிழ் மக்களின் காணிகளை முற்றுமுழுதாக அபகரித்து இலங்கையை முற்றுமுழுதாக சிங்கள தீவாக மாற்றுவதற்கான செயற்பாடு ஜனாதிபதியின் தலைமையில் இடம்பெறுகின்றது எனவும் அவர் தெரிவித்துள்ளார். இதற்கு முற்றுப்புள்ளிவைக்கப்படவேண்டுமென்றால் வடக்குகிழக்கு சேர்ந்த தமிழர் தேசம் அங்கீரிக்கப்படவேண்டும் என தமிழ்தேசிய மக்கள் முன்னணியின் மட்டுமாவட்ட இணைப்பாளர் தர்மலிங்கம் சுரேஸ் தெரிவித்துள்ளார். http://thinakkural.lk/article/43323
    • நான் உருளைகிழங்கு பணிஸ் படம்  போடவில்லை, கொம்பு பணிஸ் செய்முறை போட்டேன், அடுத்த முறை செய்வதற்கு கவனிக்கவில்லை, தண்ணியோ எண்ணை பட்ட மாதிரியிருக்கு😀
    • ஜனாதிபதியை கடுமையாக விமர்சிக்கும் இரு இராஜதந்திரிகள்; சர்வதேச அளவிலும் எதிரொலிக்குமா?   தயான் ஜயதிலக்க மற்றும் தமாரா குணநாயகம் ஆகிய இருவரும் கடுமையான ராஜபக்ஷவின் ஆதரவாளர்கள். இவர்கள் இருவரும் முன்னாள் ஜனாதிபதி மகிந்த ராஜபக்ஷ ஆட்சியின் போது ஜெனீவாவிலுள்ள ஐக்கிய நாடுகளின் மனித உரிமைகள் பேரவையில் தூதர்களாக நியமிக்கப்பட்டனர். மேலும், ஜயதிலக்க இலங்கைக்கான பிரான்ஸின் தூதராகவும், தமாரா குணநாயகம் இலங்கைக்கான கியூபாவின் தூதராக பணியாற்றியுள்ளனர். தமாரா குணநாயகம் முன்னாள் ஜனாதிபதி ராஜபக்ஷவின் நீண்டகால நண்பி. போர் வீரர்களின் நினைவு விழாவில் போது கோத்தாபய நிகழ்த்திய உரையை இவர்கள் இருவரும் கடுமையாக விமர்சித்துள்ளார்கள். “நாட்டுக்காக தங்களை அர்ப்பணித்து பணிப்புரியும் இராணுவத்தினருக்கு ஒரு போதும் நான் மன அழுத்தத்தைக் கொடுக்க மாட்டேன். நாட்டுக்குப் பங்கம் விளைக்கும் வகையில் சர்வதேச நிறுவனங்களோ அல்லது அமைப்புகளோ தொடர்ந்து செயற்பட்டால் இலங்கை அதன் உறுப்பினர்களிடமிருந்து விலக ஒருபோதும் தயங்காது” என ஜனாதிபதி தனது உரையில் தெரிவித்தார். இலங்கை தொடர்பான தீர்மானங்களை ஜெனீவாவில் உள்ள மனித உரிமை சபை மட்டுமே தொடர்ந்து ஏற்றுக்கொண்டன. ஐ.நா மனித உரிமை சபைக்கு அச்சுறுத்தல் விடுக்கப்பட்டமை இயல்பாகத் தெரிகிறது. தமாரா குணநாயகம் அறிவிப்பு கோத்தா தனது கருத்தினை தெரிவித்த மறுநாள் தமாரா குணநாயகம் அறிக்கை ஒன்றில் இவ்வாறு வெளியிட்டுள்ளார். ஜனாதிபதியின் அறிக்கையில் தெரியவருவது ஐக்கிய நாடுகள் சபைக்கு தவரான கருத்தை தெரிவித்துள்ளார். இலங்கைக்கு நிச்சயமாக இராணுவத்தைப் பாதுகாப்பதற்குச் சர்வதேச உதவி தேவை. இலங்கை ஐக்கிய நாடுகளின் மனித உரிமைகள் பேரவையில் உறுப்பினராக இல்லை. இது ஒரு அவதானிப்பு நிலை மட்டுமே. எனவே, ”வெளியேறுவது” குறித்து கேள்வி எழும்புவதில்லை. யு.என்.எச்.ஆர்.சியில் இருந்து முழுமையாக விலகுவதற்கான ஒரே வழி ஐ.நா.வை விட்டு வெளியேறுவதுதான். ஜனாதிபதி சர்வதேச அமைப்புகளைப் பற்றி எந்த அறிவும் இல்லாதவர் எனவும் அவர் தெரிவித்துள்ளார். அவர் தொடர்ந்தும் தெரிவிக்கையில், “எங்களைப் போன்ற குறைந்த சக்திவாய்ந்த நாடுகளின் நலன்கருதியே ஐ.நா.சாசனம் நிறுவப்பட்டுள்ளன. அதன் பலவீனங்கள் ஏதுவாக இருந்தாலும், குறைந்த சக்திவாய்ந்த நாடுகள் மற்றும் எங்களைப் போன்ற முன்னாள் காலனித்துவ இறையாண்மையை வெளிப்புற குறுக்கீடு, ஆக்கிரமிப்பு மற்றும் போருக்கு எதிராகப் பாதுகாக்கக்கூடிய ஒரே நிறுவனம் இதுதான்.” இது குறித்து மேலும் தெரிவித்ததாவது, “ஐக்கிய நாடுகள் சபையிலிருந்து விலகுவது உலகின் ஒருதலைப்பட்ச பார்வையைப் பலப்படுத்தும். சுயாதீன மற்றும் இறையாண்மை கொண்ட நாடுகளின் இருப்பு ஐக்கிய நாடுகளின் சாசனத்தில் உள்ள குறிக்கோள்களையும் கொள்கைகளையும் மதிக்க வேண்டும். இந்த அறிக்கை டொனால் ட்ரம்ப் பிளேக் உலக சுகாதார அமைப்பை விட்டு வெளியேறுவதாக அச்சுறுத்தியது போன்றது.” எனவும் தாமரா கூறியுள்ளார். தயான் ஜயதிலக்க கோத்தாவின் அரசியல் மையத்தை குறிவைத்து ஒரு தாக்குதலை நடத்தியுள்ளார். “பொத்துவில் கடல் பகுதியில் அமைந்துள்ள விகாரை பற்றிய தகவலைத் திரட்டுவதற்கா பாதுகாப்பு அமைச்சர், இராணுவ தளபதி மற்றும் கடற்படை தளபதி உள்ளிட்ட தூதுக்குழுவை அனுப்பியதைக் குறிக்கும் வகையில் கடந்த மே 21 ஆம் திகதி பத்திரிக்கை ஒன்றுக்கு ஒரு நீண்ட கடிதம் எழுதினார். அதில் உள்ளடக்கியவை “தூதுக்குழு ஜனாதிபதி ராஜபக்ஷனால் அனுப்பப்பட்டது என்ற உண்மையைக் குறிப்பிட்டு, குறித்த தூதுக் குழு பற்றிய விபரங்களைத் தெரிவிக்கையில், விமானப்படை தளபதி மாத்திரமே குறைவாக இருந்தது. இந்நிலையில் தேசியப் பாதுகாப்புக்குப் பங்கம் விளைவிக்க கூடியவகையில் அச்சுறுத்தலாக அமைந்துள்ளதை பற்றி ஆரம்பத்திலே ஜயதிலக்க தெரிவித்துள்ளார். சிங்கள பௌத்த அரச திட்டம் சிங்கள- பௌத்த பிரதேசத்தில் சிங்கள -பௌத்த நிறுவனங்களிடையே இதுபோன்ற ஒரு சர்ச்சை எழுந்திருந்தால், உயர்மட்ட இராணுவ அதிகாரிகள் அங்குச் சென்று ஒரு இராணுவ தளத்தை அமைப்பது சாத்தியமில்லை என அவர் தொடர்ந்தும் தெரிவித்தார். கிழக்கு மாகாணம் போன்ற பகுதிகளில் பல இன, பல மத, பன்மொழிப் மக்கள் காணப்படுகிறார்கள் இந்த பகுதியில் இவ்வாறான நடவடிக்கை எடுத்திருந்தால், அதாவது, பொலிஸ் சோதனை சாவடி, பொதுவான பொலிஸ் தொலைப்பேசி சுற்றிவளைப்பு ஆரம்பிப்பது சரியான மற்றும் விகிதாச்சார அடிப்படையில் வரவேற்பைப் பெற்று இருந்திருக்கும் என அவர் தெரிவித்தார். கடற் பகுதியிலுள்ள விகாரைக்கு சொந்தமான நிலங்களை சட்டவிரோதமாக முறையில் ஆக்கிரமிப்பு தொடர்ந்து இடம்பெற்று வருகின்றது. இந்நிலையில், சட்டமா அதிபர் ஏன் குற்றவாளிகள் மீது வழக்கு தொடராமல் இருக்கிறார்கள்? உலகில் இராணுவத்தின் அரசு இறுதியில் பிரபல்யமாகும். ஆனால் இப்போது இலங்கையில் முதன்மை தன்மையாக பிரபல்யமாகியுள்து என ஜயதிலக்க தெரிவித்துள்ளார். தயான் ஜயதிலகே கீழே பல கேள்விகளை எழுப்பியுள்ளார் அதற்கான பதில் அந்த கேள்விக்குள்ளே உள்ளடக்கியுள்ளது. “புதிய ஆட்சியின் கீழ் தேசியப் பாதுகாப்பு மற்றும் நாட்டின் பாதுகாப்பிற்கு ஏற்பட்டுள்ள அச்சுறுத்தல் பற்றிய வரையறைகள் மாற்றப்பட்டுள்ளதா? “தேசிய”, “அரசு”, “பாதுகாப்பிற்கு”, “பாதுகாப்பு” மற்றும் “அச்சுறுத்தல்” தகவல் தொழில் நுட்பங்கள் ஆகியவற்றின் வரையறைகள் கடுமையாக மாற்றப்பட்டுள்ளனவா? “வன்முறை மோதல் அல்லது ஆயுதம் ஏந்திய எதிரிகளின் தொடர்பு இல்லாவிட்டாலும், பாதுகாப்பு அமைச்சு, இராணுவமும் பிராந்தியம் / சிவில் மோதல் செயற்பாடுகளில் தலையிடுவதற்குத் தனது பங்கை மாற்றியுள்ளதா? “உலகளாவிய விதிமுறை என்னவென்றால், ஒரு மோதல் அதிகரிக்கும் சந்தர்ப்பத்தில் பொலிஸாரால் பிராந்திய மோதல்களைக் கையாளுகிறது. ஆயுத வன்முறையின் ஒரு குறிப்பிட்ட அளவு தீவிரம் இருக்கும்போதுதான் ஆயுதப்படைகள் அழைக்கப்படுகின்றன. ஒரு மூலோபாய பிரச்சினை அல்லது குறைந்தபட்சம் ஆயுத அச்சுறுத்தல் இல்லாத நிலையில், ஒரு பொலிஸ் நிலையத்திற்குப் பதிலாக ஏன் ஒரு இராணுவ தளத்தை அமைக்க வேண்டும்? “பல இன, பல மத, பன்மொழி சூழலில், பாதுகாப்பு பிறசேர்க்கைகளில் மற்றும் இராணுவ ஆயுதங்களில் அடையாளம் மற்றும் செயற்பாடுகளில் இப்போது வித்தியாசமாக வரையறுக்கப்பட்டுள்ளதா? அத்துடன், ராஜபக்ஷ ஆட்சிகாலத்தில் இருந்த இராணுவத்தின் நடவடிக்கைகள் மற்றும் இலங்கை அரசின் அடையாளம், பங்கு, செயற்பாடு, தன்மை, அதன் வாள் மற்றும் கேடயம் ஆகியவற்றைத் தீவிரமாக வேறுபடுத்தியுள்ளதா? “அப்படியானால், புனரமைப்பு முடிந்ததும், அதற்கு வழிவகுக்கும் சித்தாந்தமும், அரசின் இறுதி வடிவமும் எதை வெளிப்படுத்தும்? ” இந்த கேள்விகளுக்கு அவர் நேரடியான பதிலை அளிக்கிறார். ராஜபக்ஷவின் “புதிய அரசியலமைப்பின் கீழ், இலங்கை அரச ஆயுதங்கள், புதிய நோக்குதலையும் தன்மையும் ஒரு பரிமாணமாகும் ஒரு மத, ஒருமொழி, ஒரு கலாச்சார மேலாதிக்கத்தின் கருவியாக முறைப்படுத்தப்படும்.” பொத்துவில் கடல் பகுதியில் அமைந்துள்ள விகாரை தொடர்பான விடயங்களை விசாரிப்பதற்கான கோத்தாபய ராஜபக்ஷவின் புகைப்படத்தை ஜயதில விளக்குகிறார்: இதில், ஆளுநர், பாதுகாப்பு செயலாளர், இராணுவ தளபதி, மற்றும் பௌத்த துறவி ஆகியோர் இடம்பெற்றுள்ளனர். இலங்கை அரசு ஏற்கெனவே சிங்கள-பௌத்த அரசாகச் செயற்பட்டு வருவதை வெளிப்படுத்துகிறது. மூன்று முக்கிய நாடுகளில் இலங்கைக்கான இலங்கை தூதராக இருக்கும் பல்கலைக்கழக விரிவுரையாளர் கோத்தாபய ராஜபக்ஷவின் அரசியல் திட்டத்தின் மீதான கடுமையான தாக்குதல் இது. இது உள்நாட்டிலும் சர்வதேச அளவிலும் எதிரொலிக்கும். நன்றி: ராவய தமிழில் ; தயா http://thinakkural.lk/article/43235