கொரோனாவின் மோசமான ஆளுகைக்குள் ஐரோப்பிய நாடுகள்!

[nunavilan]

கொரோனாவின் மோசமான ஆளுகைக்குள் ஐரோப்பிய நாடுகள்!

 

 

     by : Litharsan

உலக நாடுகள் முழுவதும் தீவிரமாகப் பரவிவரும் கொரோனா வைரஸ் குறிப்பாக ஐரோப்பிய நாடுகளைப் புரட்டியெடுத்து வருகிறது.

இந்த வைரஸ் தாக்கத்தால் மருத்துவ வசதிகள் நிறைந்த நாடுகளும் அதனைக் கட்டுப்படுத்தத் திணறிவரும் நிலையில் நாளுக்கு நாள் பல ஆயிரங்களில் மனித உயிர்களைப் பலியெடுத்து வருகிறது கொரோனா. இந்த வைரஸ் ஐரோப்பாவில் மட்டும் 30 ஆயிரத்தும் மேற்பட்டோரைக் காவுகொண்டுள்ளது.

இதன்படி ஐரோப்பிய நாடான இத்தாலி கடும் பாதிப்பை எதிர்கொண்டு 13 ஆயிரத்து 155 பேரை இதுவரை இழந்துள்ளது. மேலும், நேற்று ஒரேநாளில் மாத்திரம் 727 பேரை பலியெடுத்துள்ள வைரஸால் அங்கு மொத்தமாக ஒரு இலட்சத்து 10 ஆயிரத்து 574 பேர் பாதிக்கப்பட்டுள்ளனர்.

மேலும் இத்தாலியில் 4 ஆயிரத்து 35 பேர் தீவிர சிகிச்சையில் உள்ளதுடன் மொத்தமாக அங்கு 16 ஆயிரத்து 847 பேர் குணமடைந்து வெளியேறியுள்ளனர்.

இதனைவிட ஸ்பெயினிலும் தீவிரம் காட்டிவரும் கொரோனா வைரஸ் பரவல் 923 பேரின் உயிரை ஒரேநாளில் பறித்துள்ளது. இத்தாலிக்கு அடுத்து உயிரிழப்பு அதிகமாகப் பதிவாகியுள்ள ஸ்பெயினில் மொத்தம் 9 ஆயிரத்து 387 பேர் மரணித்துள்ளனர்.

மேலும், பிரான்ஸிலும் பெரும் பாதிப்பை இப்போது கொரோனா வைரஸ் ஏற்படுத்திவரும் நிலையில் ஒவ்வொருநாளும் உயிரிழப்போர் எண்ணிக்கை கடுமையான அதிகரிப்பிலேயே செல்கிறது.

அங்கு நேற்று ஒரேநாளில் மட்டும் 509 பேர் உயிரிழந்ததுடன் மொத்த உயிரிழப்பு 4 ஆயிரத்து 32 ஆக அதிகரித்துள்ளது. 4 ஆயிரத்து 861 பேர் நேற்று புதிய நோயாளர்களாக அடையாளம் காணப்பட்டுள்ள நிலையில் அங்கு 56 ஆயிரத்து 989 பேர் மொத்த நோயாளர்களாக உள்ளனர்.

இதனைவிட ஜேர்மனியும் கடும் பாதிப்புக்கு உள்ளாகியுள்ளதுடன் அங்கு நேற்று மட்டும் 156 பேர் மரணித்ததுடன் மொத்த உயிரிழப்பு 931 ஆகப் பதிவாகியுள்ளது.

மேலும், 6 ஆயிரரத்து 173 புதிய நோயாளர்கள் அடையாளம் காணப்பட்டுள்ள நிலையில் மொத்தமாக அங்கு 77 ஆயிரத்து 981 பேர் இதுவரை பாதிக்கப்பட்டுள்ளனர். 3 ஆயிரத்து 408 பேர் அதி தீவிர சிகிச்சைப் பிரிவில் உள்ளதாக தெரிவிக்கப்பட்டுள்ளது.

இதேவேளை, சுவீடனிலும் நேற்று மட்டும் 59 கொரோனா தொற்றாளர்கள் உயிரிழந்துள்ள நிலையில் மொத்த உயிரிழப்பு 239 ஆக அதிகரித்துள்ளது. மேலும் புதிய நோயாளர்கள் 512 பேர் நேற்று பதிவாகி மொத்த பாதிப்பு 4 ஆயிரத்து 947 ஆகக் காணப்படுகிறது.

இதனைவிட நோர்வேயில் நேற்று 5 உயிரிழப்புக்கள் பதிவாகி மொத்த உயிரிழப்பு 44 ஆக அதிகரித்துள்ள நிலையில் அங்கு நேற்று மட்டும் 213 பேர் வைரஸால் பாதிக்கப்பட்டு 4 ஆயிரத்து 877ஆக மொத்த பாதிப்பு ஏற்பட்டுள்ளது.

http://athavannews.com/கொரோனாவின்-மோசமான-ஆளுகைக/