காதல் என்பது எதுவரை?

[Kavi arunasalam]

“என்னதான் தடைகள் வந்தாலும் உண்மையான காதல் அந்தத் தடைகளை எல்லாம் தாண்டி தங்களைச் சந்திப்பதற்கு ஒரு வழியைக் கண்டு பிடித்துவிடும்” காதலுக்கான ஒரு விளக்கத்தை இப்படிச் சொன்னவர், யேர்மனியில் Nordfriesland பகுதியில் உள்ள Suederlugum இல் வசிக்கும் 89 வயதான Karsten.

Karsten இனின் காதலியின் பெயர் Inga. 85 வயதான Inga டென்மார்க் நாட்டைச் சேர்ந்தவர். கொரோனா நோய்த் தொற்றால் ஐரோப்பிய நாடுகள் தங்கள் தங்கள் எல்லைகளை மூட ஆரம்பித்த  பொழுது யேர்மனியும் டென்மார்ககும் தங்கள் எல்லைகளை இரண்டு வாரங்களுக்கு முன்னர் மூடிக் கொண்டன.

எல்லைகள் மூடப் பட்டதால் Karstenனாலும் Ingaவுவாலும் சந்திக்க முடியாமல் போனது. தினமும் சந்தித்து மகிழ்ந்திருந்த இருவரும் தனித்து விடப்பட்ட நிலையில் தவித்துப் போனார்கள். முதுமையால் அவர்கள் இருவரும் தளர்ந்து போயிருந்தலும் அவர்களது காதல் இளமையானது. அவர்கள் காதலிக்கத் தொடங்கி இரண்டு வருடங்கள்தான்.

Karsten தனது நகரத்தில் இருந்து சைக்கிளில் இரண்டு நாடுகளுக்கும் உள்ள எல்லைப் பகுதியான Aventoft வுக்கு வருவது என்றும் Inga தனது நகரன Gallehus வில் இருந்து அந்த எல்லைக்கு காரில் வருவது என்றும் தீர்மானித்துக் கொண்டார்கள்.

இப்பொழுது இருவரும் தினமும் சந்தித்துக் கொள்கிறார்கள். இருவரும் தங்கள் தங்கள் நாட்டு எல்லைகளில் குறிப்பிடப்பட்ட இடைவெளி விட்டு அமர்ந்திருந்து உணவுண்டு, கோப்பி குடித்து, அளவளாவிச் சந்தோசமாக இருக்கிறார்கள். எல்லைகளின் தடை விரைவில் நீங்கி முன்னர் போல் மகிழ்ந்திருப்போம் என இருவரும் தங்கள் நம்பிக்கையுடன் சொன்னார்கள்

[ராசவன்னியன்]

இவங்களுக்கு கணவன், மனைவி, குழந்தை குட்டிகள் இல்லையா..?
யாரும் யாரோடையும் எப்பொழுதும் போகலாமென்ற கற்கால வாழ்க்கையில் என்ன பெருமை இருக்கிறது..?

கீழே செய்தியிலுள்ள காதலுக்கும், இவர்கள் கற்பிக்க முனையும் காதலுக்கும் எந்த வித்தியாசமும் இல்லை என தோன்றுகிறது.

 

[tulpen]

1 hour ago, ராசவன்னியன் said:

இவங்களுக்கு கணவன், மனைவி, குழந்தை குட்டிகள் இல்லையா..?
யாரும் யாரோடையும் எப்பொழுதும் போகலாமென்ற கற்கால வாழ்க்கையில் என்ன பெருமை இருக்கிறது..?

கீழே செய்தியிலுள்ள காதலுக்கும், இவர்கள் கற்பிக்க முனையும் காதலுக்கும் எந்த வித்தியாசமும் இல்லை என தோன்றுகிறது.

 

அந்த இரண்டு முதியவர்களின் வாழ்ககைப்  பின்னணி தொடர்பாக எதுவும்  தெரியாமல்  இந்தியாவல் நடக்கும் கள்ள காதலுடன் இவர்களின் காதலை ஒப்பிட்டிருகின்றீர்கள் ராசவன்னியன். இருவருக்கிடையே ஏற்பட்ட உண்மையான அன்பை  புரிந்து கொள்ளாமல்  வெறும் இந்திய   பார்வையில்  பார்த்ததால் வந்த வினை 

[ராசவன்னியன்]

1 hour ago, tulpen said:

அந்த இரண்டு முதியவர்களின் வாழ்ககைப்  பின்னணி தொடர்பாக எதுவும்  தெரியாமல்  இந்தியாவல் நடக்கும் கள்ள காதலுடன் இவர்களின் காதலை ஒப்பிட்டிருகின்றீர்கள் ராசவன்னியன். இருவருக்கிடையே ஏற்பட்ட உண்மையான அன்பை  புரிந்து கொள்ளாமல்  வெறும் இந்திய   பார்வையில்  பார்த்ததால் வந்த வினை 

நான் இணைத்த செய்தியில் இருப்பது - அவர்கள் கள்ளக் காதலர்கள் அல்ல. இருவரும் தத்தமது திருமணத்திற்கு முன் ஏற்கனவே காதலர்கள் தான். விதி வசத்தால், சூழ்நிலைகளால் இளமையில் பிரிந்தவர்கள்.

ஒருவனுக்கொருத்தி என்பது மனித வாழ்வியல் நெறி, இதில் இந்தியப் பார்வை. ஐரோப்பிய பார்வை என ஏன் வேறுபாடு..?

இந்த முதியவர்கள் நிச்சயம் திருமணமாகாமல் தனியே வாழ்ந்திருக்க வாய்ப்பிலை. அவர்களில் இந்த காலம் கடந்த காதல் இரு வடத்திற்கு முந்தையதுதானே..?

[tulpen]

38 minutes ago, ராசவன்னியன் said:

நான் இணைத்த செய்தியில் இருப்பது - அவர்கள் கள்ளக் காதலர்கள் அல்ல. இருவரும் தத்தமது திருமணத்திற்கு முன் ஏற்கனவே காதலர்கள் தான். விதி வசத்தால், சூழ்நிலைகளால் இளமையில் பிரிந்தவர்கள்.

ஒருவனுக்கொருத்தி என்பது மனித வாழ்வியல் நெறி, இதில் இந்தியப் பார்வை. ஐரோப்பிய பார்வை என ஏன் வேறுபாடு..?

இந்த முதியவர்கள் நிச்சயம் திருமணமாகாமல் தனியே வாழ்ந்திருக்க வாய்ப்பிலை. அவர்களில் இந்த காலம் கடந்த காதல் இரு வடத்திற்கு முந்தையதுதானே..?

இல்லை நண்பரே இருவரும் தமது வாழ்வின் இறுதிப்பகுதியில் இருப்பவர்கள். முதிய வயதில் அவர்களுக்கிடையே ஏற்பட்ட அன்பின் பிணைப்பில்  மனம் நெகிழ்ந்திருக்கிறார்கள். இதுவே அவர்களின் காதல்.   இது ஜதார்த்தம். இதற்கும் அவர்களின் இளமைக்கால வாழ்க்கைக்கும் நீங்கள் கூறிய  ஒருவனுக்கு ஒருத்தி தத்துவத்திற்கும் தொடர்பே இல்லை. 

தமது துணையை இழந்த இரு வயோதிபரகள்  அண்மையில் தமிழகத்தில் ஒரு வயோதிபர் மடத்தில்  காதலித்த  செய்தி வந்ததை தங்களுக்கு இங்கு ஞாபகப்படுத்துகின்றேன். 

[ராசவன்னியன்]

20 minutes ago, tulpen said:

... முதிய வயதில் அவர்களுக்கிடையே ஏற்பட்ட அன்பின் பிணைப்பில்  மனம் நெகிழ்ந்திருக்கிறார்கள். இதுவே அவர்களின் காதல்.   இது ஜதார்த்தம். இதற்கும் அவர்களின் இளமைக்கால வாழ்க்கைக்கும் நீங்கள் கூறிய  ஒருவனுக்கு ஒருத்தி தத்துவத்திற்கும் தொடர்பே இல்லை...

எனக்கென்னமோ இது சரியா படலை. மனமும் ஒப்பவில்லை.
அவர்கள் எப்படியோ இருந்துவிட்டு போகட்டும்..

நாம் அடுத்த வேலையை பார்ப்போம்.

[uthayakumar]

44 minutes ago, tulpen said:

இல்லை நண்பரே இருவரும் தமது வாழ்வின் இறுதிப்பகுதியில் இருப்பவர்கள். முதிய வயதில் அவர்களுக்கிடையே ஏற்பட்ட அன்பின் பிணைப்பில்  மனம் நெகிழ்ந்திருக்கிறார்கள்.

அழகு இல்லாத பூவும் இல்லை 
அந்த காதல் இல்லாத வாழ்வும் இல்லை .😉

[suvy]

அவர்கள் ஒன்றும் உடல் இச்சைக்காகப் பழகுபவர்கள் போல் தெரியவில்லை. ஒருவர் சொல்வதை ஒருவர் பொறுமையாக கேட்க ஒரு துணை தேவை.அது காதலாகவோ நட்பாகவோ மனைவியாகவோ துணைவியாகவோ எப்படி வேண்டுமானாலும்  இருந்துட்டு போகலாம். பிள்ளைகள் எல்லாம் நிண்டு கேட்கும் எண்டு நம்புகிறீர்களா.அவங்கள் கேட்க மாட்டாங்கள்.அறுபதாம் கலியாணத்துக்கு கூட அதே பெண்ணைத்தான் அழைத்து வந்து கட்டி வைக்கிறாங்கள்......!  😁