தலைமுறைகள் விடைகாண்பர்!

[nochchi]

தலைமுறைகள் விடைகாண்பர்!
----------------------------------------------------------------------

விடுதலைக்கு உரமான வீரத் தளபதிகாள்
கலையாது நினைவுகளில் வாழும் வீரர்களே
விழிநீரால் நினைந்துருகும் நிலையாகப் போனவரே
கலையாத கனவொருநாள் மெய்ப்படும் வேளைவரும்
உறங்காத உணர்வுடனே உயிர்பெறும் பொழுதினிலே
விடிவுபெறும் தேசத்தில் விழிதிறப்பீர் வீரர்களே!

விழிதிறக்கும் வழிகாணும் தலைமுறைகள் எழும்போது
விலங்குடைத்து நிமிர்கின்ற வழிதேடி விடைகாண்பர் 
புலமெங்கும் வளம்பெற்று நிமிர்கின்ற இளையோரும்
தாய் நிலமெங்கும் தமிழோடு வாழ்கின்ற இளையோரும்
அறிவோடு இணைந்தே அறப்போரைத் தொடுத்தாலே
நிலத்துயரை நீக்கிவிடும் நிலைகாண வழிபிறக்கும்!

சாவுகளை எதிர்கொண்டு சரித்திரமாய் வாழ்பவரே
உயி ரீகங்கள் ஒருநாளும் இலக்கின்றி தூங்காது
காலங்கள் கடந்தாலும் கண்மலர்கள் விழித்தெழுந்தே
யாகத்தின் பயனடையும் வேதத்தைப் படைத்திடுவார்
யாதும் ஊரேயென யாக்கைபோகும் வழி போகாது
ஆற்றல் அறிவுகொண்டே தாயகத்தை மீட்டெழுவர்!

ஆனந்தபுர நாயகரே வீரவணக்கம்!

[nochchi]

வாசித்தோருக்கும் வாசித்துப் பச்சைப் புள்ளிகளை  வழங்கிய ஊக்குவித்த நிலமாதி மற்றும் தமிழ்சிறி ஆகியோருக்கு நன்றி

[suvy]

ஆனந்தபுர நாயகரே வீர வணக்கம்.....!

[nochchi]

 

1 hour ago, suvy said:

ஆனந்தபுர நாயகரே வீர வணக்கம்.....!

வாசித்துப் பச்சைப் புள்ளிகளை வழங்கிய சுவி, அம்பனை மற்றும் எப்போதும் தமிழன் ஆகியோருக்கு நன்றி.

[பெருமாள்]

கொர்னோவுக்கு  பிறகு வரும் புதிய உலக ஒழுங்கு மாவீரர்களின் தியாகங்கள் வீண் போகாது பார்த்து கொள்ளும் என்ற நம்பிக்கை துளிர் விடுது . 

[ஈழப்பிரியன்]

எவ்வளவு பலமாக இருந்தாலும் சில பிரச்சனை என்று வந்தால் தப்பவே முடியாது என்பதற்கு

கொரோனாவால் வல்லரசு நாடுகள் படும்பாடு ஒரு பெரிய உதாரணம்.
நொச்சி கவிதை அருமை.

[nochchi]

9 hours ago, பெருமாள் said:

கொர்னோவுக்கு  பிறகு வரும் புதிய உலக ஒழுங்கு மாவீரர்களின் தியாகங்கள் வீண் போகாது பார்த்து கொள்ளும் என்ற நம்பிக்கை துளிர் விடுது . 

முதலில் படித்துக் கருத்தைப் பதிவுசெய்து பாராட்டியமைக்கு நன்றி.

மாறிவரும் உலக ஒழுங்கையும் இந்திய வல்லாதிக்கத்தையும் கையாளக்கூடிய  ஒரு தலைமை வேண்டாம் . ஒரு அறிவாற்றல்கொண்ட குழு ஒன்றிருந்து சரியாகக் கையாண்டு  அரசியல் ராசதந்திரத் தளத்தில் செயற்படுமாயின் சாத்தியமே. ஏன் யூகோசிலாவியா இன்று பல தேசங்களாகாவும் தனித் தேசியமாகவும் உலகில் நிமிர்ந்துள்ளது.  சரியான நகர்வுகளும் உலகோடு ஊடாடி கையாண்ட  அரசியல் நகர்வுகள் மற்றும் காலத்தே பயிர்செய்தமை என்று பல.  

எமதினவிடுதலைக்கும் பொருந்துவன. 

7 hours ago, ஈழப்பிரியன் said:

எவ்வளவு பலமாக இருந்தாலும் சில பிரச்சனை என்று வந்தால் தப்பவே முடியாது என்பதற்கு

கொரோனாவால் வல்லரசு நாடுகள் படும்பாடு ஒரு பெரிய உதாரணம்.
நொச்சி கவிதை அருமை.

படித்துக் கருத்தைப் பதிவுசெய்து பாராட்டியமைக்கு நன்றி.

[nochchi]

வாசித்துப் பச்சைப் புள்ளிகளை வழங்கிய பெருமாள், நந்தன், தமிழினி,  குமாரசாமி ஐயா, காவலூர்கண்மணி மற்றும் நந்தன்  ஆகியோருக்கு நன்றி.

 

[பையன்26]

அருமையான‌ வ‌ரிக‌ள்
நொச்சி ஜ‌யா /
வித்தாகி போன‌ த‌ள‌ப‌திக‌ளுக்கு வீர‌ வ‌ண‌க்க‌ம் /

மீண்டு எழுவோம் என்ற‌ ந‌ம்பிக்கை ப‌ல‌ர் ம‌ன‌தில் இருக்கு /

பொறுத்தார் பூமி ஆள்வார் , 

[Paanch]

On 4/4/2020 at 21:30, nochchi said:

விழிதிறக்கும் வழிகாணும் தலைமுறைகள் எழும்போது
விலங்குடைத்து நிமிர்கின்ற வழிதேடி விடைகாண்பர் 

அவலம் கண்டும் கலங்காது பயம் நெருங்காது விடுதலைநோக்கி தமிழன் வாழ்வதை உறுதிசெய்யும் வரிகள்.

 

[nochchi]

3 hours ago, பையன்26 said:

அருமையான‌ வ‌ரிக‌ள்
நொச்சி ஜ‌யா /
வித்தாகி போன‌ த‌ள‌ப‌திக‌ளுக்கு வீர‌ வ‌ண‌க்க‌ம் /

மீண்டு எழுவோம் என்ற‌ ந‌ம்பிக்கை ப‌ல‌ர் ம‌ன‌தில் இருக்கு /

பொறுத்தார் பூமி ஆள்வார் , 

படித்தக் கருத்திட்டமைக்கும் ஊக்கப்படுத்தியமைக்கும் நன்றி. 

[nochchi]

2 hours ago, Paanch said:

அவலம் கண்டும் கலங்காது பயம் நெருங்காது விடுதலைநோக்கி தமிழன் வாழ்வதை உறுதிசெய்யும் வரிகள்.

 

படித்துக் கருத்திட்டு உற்சாகமூட்டியமைக்கும் நன்றி.

 

உலகத் தமிழினம் செய்யக்கூடிய அதிகபட்ச மான முயற்சி எமது கதைகளை(?) எமது பிள்ளைகளிடம் கடத்துவதும், தமிழ் உணர்வை ஊட்டுவதும் செய்தாலேபோதும் தேடுவார்கள்; அடைவார்கள் என்பது நம்பிக்கை.  தலைமுறைகளிற்கு நாடு தேவை என்பதை இங்கு, அதாவது யேர்மனியிலே மேலெளுந்துவரும்  AfD (Alternative für Deutschland)கட்சியின் எழுச்சி சுட்டுகிறது. சற்றேறக்குறையக் கிட்லர் கால எழுகைபோல  இல்லாவிடினும் ஒரு எழுச்சி தெரிகிறது. ஆகவே தமிழினம் சிந்திக்க வேண்டியது அவசியமானது. எப்போது என்ன மாற்றம் வரும் என்பதை ஊகிக்க முடியாது. கோவிட்-19போல் கோவிட்- 20 வந்து அழிவுகள் பன்மடங்கானால் தம்மை சீர்தூக்குவதா? ஏனைய இனங்களையா என்றால் என்ன விடை?

 

[nochchi]

 பச்சைப் புள்ளிகளை வழங்கிய ஈழப்பிரியன் பாஞ் மற்றும் பையன்ஆகியோருக்கு நன்றி. 

[பாலபத்ர ஓணாண்டி]

பதினொரு வருசம் பறந்தோடிப்போனது..

கனவுபோல கலைந்தோடிப்போனது கண்ணீரும் செந்நீரும் கொண்டெழுதிய காவியம்..

முப்பது வருட தியாகம் முடிவின்றி முடிந்தேபோனது..

தொண்டைக்குள் கிடந்துறுளும் சோகம்..

நினைத்தால் நெஞ்சடைக்கும் துயரம்..

 

நன்றி நொச்சி கவிதை நினைவூட்டலுக்கு..

 

[nochchi]

20 hours ago, பாலபத்ர ஓணாண்டி said:

பதினொரு வருசம் பறந்தோடிப்போனது..

கனவுபோல கலைந்தோடிப்போனது கண்ணீரும் செந்நீரும் கொண்டெழுதிய காவியம்..

முப்பது வருட தியாகம் முடிவின்றி முடிந்தேபோனது..

தொண்டைக்குள் கிடந்துறுளும் சோகம்..

நினைத்தால் நெஞ்சடைக்கும் துயரம்..

 

நன்றி நொச்சி கவிதை நினைவூட்டலுக்கு..

 

பாலபத்ர ஓணாண்டி அவர்களே படித்துக் கருத்திட்டமைக்கு நன்றி.  ஈகங்கள் வீண்போகதென்று நம்புவோம் .