தங்களின் வர்த்தகத்தடை பட்டியலில் உள்ள நிறுவனத்திடமிருந்தே மருத்துவ உபகரணங்களை பெற்ற அமெரிக்கா

[உடையார்]

தங்களின் வர்த்தகத்தடை பட்டியலில் உள்ள ரஷிய நிறுவனத்திடமிருந்து வெண்டிலேட்டர் உள்ளிட்ட மருத்துவ உபகரணங்களை அமெரிக்கா பெற்றுள்ளது.

 

 

 

அமெரிக்க அதிபர் டிரம்ப்

 

நியூயார்க்:

 

உலகையே உலுக்கி வரும் கொரோனா வைரஸ் அமெரிக்காவிலும் கோரத்தாண்டவம் ஆடிவருகிறது. அந்நாட்டில் வைரஸ் தாக்குதலுக்கு இதுவரை 8 ஆயிரத்துக்கும் அதிகமானோர் உயிரிழந்துள்ளனர்.

 

போதிய மருத்துவ உபகரணங்கள் இல்லாமலும் நாளுக்கு நாள் அதிகரித்துவரும் வைரஸ் உயிரிழப்புகளை கட்டுப்படுத்த முடியாமல் அமெரிக்கா திணறி வந்தது. 

 

இதையடுத்து, கொரோனா தொடர்பாக ரஷிய அதிபர் விளாடிமிர் புதினை அமெரிக்க அதிபர் டிரம்ப் தொலைபேசியில் தொடர்பு கொண்டு பேச்சுவார்த்தை நடத்தினர். பேச்சுவார்த்தையின் முடிவில் அமெரிக்காவுக்கு உதவ ரஷிய அதிபர் புதின் முன்வந்தார். 

 

இதற்காக, செயற்கை சுவாசக் கருவிகள் உள்ளிட்ட அதிநவீன மருத்துவ உபகரணங்களுடன் மிகப்பெரிய சரக்கு விமான ரஷியாவில் இருந்து அமெரிக்காவுக்கு அனுப்பி வைக்கப்பட்டது. 

 

நியூயார்க் வந்தடைந்த ரஷிய விமானத்தில் கொண்டுவரப்பட்ட அனைத்து மருத்துவ உபகரணங்களும் அமெரிக்காவின் பல்வேறு மருத்துவமனைகளுக்கு அனுப்பி வைக்கப்பட்டது.

 

 

இதற்கிடையில், 2014 மற்றும் 2015-ம் ஆண்டுகளில் உக்ரேன், கிர்மியா விவகாரங்களின் போது அமெரிக்கா அரசு ரஷியா மீது பல்வேறு பொருளாதாரத்தடைகளை விதித்தது. 

 

ரஷியாவில் உள்ள பல்வேறு நிறுவனங்களுடன் அமெரிக்க நிறுவனங்கள் வர்த்தகம் தடை விதித்தது. மேலும், உலகின் பல்வேறு நாடுகளையும் ரஷிய நிறுவனங்களோடு வர்த்தகம் செய்யவேண்டாம் என அறிவுறுத்தியது. 

 

தங்கள் விதித்த தடைகளை மீறி ரஷியாவுடன் வர்த்தகம் செய்யும் நாடுகளுக்கும் பொருளாதாரத்தடைகளை சந்திக்க நேரிடும் என எச்சரிக்கை விடுத்தது. அமெரிக்கா ரஷிய நிறுவனங்கள் மீது விதித்த வர்த்தகத்தடைகள் இப்போதும் தொடர்ந்து கொண்டுதான் உள்ளது. 

 

 

இந்நிலையில், நியூயார்க் நகருக்கு ரஷியா அனுப்பிய மருத்துவ உபகரணங்களில் வெண்டிலேட்டர் எனப்படும் செயற்கை சுவாசக் கருவியை அமெரிக்காவின் வர்த்தகத்தடை பட்டியிலில் உள்ள நிறுவனத்தின் தயாரிப்பு என்ற தகவல் வெளியாகியுள்ளது.

 

யூபிசெட் என்ற அந்த நிறுவனத்தை கடந்த 2014-ம் ஆண்டிலிருந்தே அமெரிக்கா தனது வர்தக தடைப்பட்டியலில் வைத்துள்ளது. ஆனால், தற்போது கொரோனா அச்சுறுத்தல் நிலவிவரும் நிலையில் ரஷிய அதிபர் புதின் அமெரிக்காவுக்கு வழங்கிய மருத்துவ உபகரணங்களில் செயற்கை சுவாசக்கருவி யூபிசெட் நிறுவனத்தின் தயாரிப்பு என்பது குறிப்படத்தக்கது.

 

 

https://www.maalaimalar.com/news/topnews/2020/04/05050638/1394206/Russian-ventilators-sent-to-U-S-made-by-firm-under.vpf

[உடையார்]

தாங்கள் மட்டும் ஈரனுக்கு விதித்த தடையை எடுக்கமாட்டார்கள், எத்தனை தடவை கேட்டுவிட்டார்கள் . அவர்களும் இப்பூமியின் மக்கள்தான்

[கற்பகதரு]

22 minutes ago, உடையார் said:

தாங்கள் மட்டும் ஈரனுக்கு விதித்த தடையை எடுக்கமாட்டார்கள், எத்தனை தடவை கேட்டுவிட்டார்கள் . அவர்களும் இப்பூமியின் மக்கள்தான்

ஈரான் அமெரிக்க நிபந்தனைகளை ஏற்றுக்கொண்டு நடப்பதை உறுதிப்படுத்தினால் தடையை எடுப்பது பற்றி சிந்திக்கலாம்.

[MEERA]

5 hours ago, உடையார் said:

தாங்கள் மட்டும் ஈரனுக்கு விதித்த தடையை எடுக்கமாட்டார்கள், எத்தனை தடவை கேட்டுவிட்டார்கள் . அவர்களும் இப்பூமியின் மக்கள்தான்

தாங்கள் கோமணத்துடன் நிற்பதால் எதையும் ஏற்பார்பார்கள் அமெரிக்கர்கள்....

[ரதி]

7 hours ago, கற்பகதரு said:

ஈரான் அமெரிக்க நிபந்தனைகளை ஏற்றுக்கொண்டு நடப்பதை உறுதிப்படுத்தினால் தடையை எடுப்பது பற்றி சிந்திக்கலாம்.

உது என்ன நியாயம்? ...உங்களுக்கு தேவை என்றவுடன் வெட்கமில்லாமல் போய் எதிரியின் காலில் விழுகிறீர்கள்...அவர்களும் மனிதர்கள் தான் 

[குமாரசாமி]

3 hours ago, ரதி said:

உது என்ன நியாயம்? ...உங்களுக்கு தேவை என்றவுடன் வெட்கமில்லாமல் போய் எதிரியின் காலில் விழுகிறீர்கள்...அவர்களும் மனிதர்கள் தான் 

தங்கச்சி! அறிவியலுக்கும் விஞ்ஞானத்துக்கும் பகுத்தறிவுவாதிகளுக்கும் ரோசம் மானம் சூடு சுரணை கிடையாது.மனிதாபிமானமும் கிடையாது.
அதற்குத்தான் மனிதனுக்கு மெய்ஞானமும் வேண்டுமென்பது.எல்லோரையும் ஏற்றத் தாழ்வின்றி சகமனிதனாக மதிக்க சொல்வது ஆன்மீகம் மட்டும்தான்.

[கற்பகதரு]

7 hours ago, MEERA said:

தாங்கள் கோமணத்துடன் நிற்பதால் எதையும் ஏற்பார்பார்கள் அமெரிக்கர்கள்....

எங்களுக்கு உள்ள சுதந்திரம் உங்களுக்கு இல்லை.😀

4 hours ago, ரதி said:

உது என்ன நியாயம்? ...உங்களுக்கு தேவை என்றவுடன் வெட்கமில்லாமல் போய் எதிரியின் காலில் விழுகிறீர்கள்...அவர்களும் மனிதர்கள் தான் 

அவர்களும் வெட்கமில்லாமல் எங்கள் கால்களில் வந்து விழவேண்டியது தானே நியாயம்?  

1 hour ago, குமாரசாமி said:

தங்கச்சி! அறிவியலுக்கும் விஞ்ஞானத்துக்கும் பகுத்தறிவுவாதிகளுக்கும் ரோசம் மானம் சூடு சுரணை கிடையாது.மனிதாபிமானமும் கிடையாது.
அதற்குத்தான் மனிதனுக்கு மெய்ஞானமும் வேண்டுமென்பது.எல்லோரையும் ஏற்றத் தாழ்வின்றி சகமனிதனாக மதிக்க சொல்வது ஆன்மீகம் மட்டும்தான்.

ஆகவே, ஈரானியர்கள் அல்லாஹ்ஹிடம் தமக்கு தேவையானதை பெற்றுக்கொள்ளட்டும், ஆன்மீகவாதிகள் தானே?

[குமாரசாமி]

3 minutes ago, கற்பகதரு said:

எங்களுக்கு உள்ள சுதந்திரம் உங்களுக்கு இல்லை.😀

அவர்களும் வெட்கமில்லாமல் எங்கள் கால்களில் வந்து விழவேண்டியது தானே நியாயம்?  

ஆகவே, ஈரானியர்கள் அல்லாஹ்ஹிடம் தமக்கு தேவையானதை பெற்றுக்கொள்ளட்டும், ஆன்மீகவாதிகள் தானே?

இதிலிருந்து உங்களுக்கும் ஆன்மீகம் என்றால் என்ன எவ்வாறு இருக்கவேண்டும் என்பது தெரியவில்லை.