நிர்ணய விலையில் வட மாகாணத்திற்கு வருகிறது அத்தியாவசிய பொருட்கள்.

[புரட்சிகர தமிழ்தேசியன்]

கொள்ளைக்காரர்கள், பதுக்கல் பேர்வழிகளின் தலையில் இடி..! நிர்ணய விலையில் வட மாகாணத்திற்கு வருகிறது அத்தியாவசிய பொருட்கள்..

வடக்கே வரும் பொருட்களுக்கான விலைகள் இனி இறங்கும்.

கொரோன தொற்று நோய் காரணமாக வடமாகாணத்தில் ஏற்பட்டுள்ள பொருள்களின் அதி கூடிய விலையேற்றத்தை தடுக்க வடக்கின் 5 மாவட்டங்களுக்கும் அத்தியாவசியப் பொருள்கள் கொண்டு வரப்படவுள்ளன.

இது தொடர்பில் அந்தந்த மாவட்ட செயலர்களுக்கும் அறிவிக்கப்பட்டுள்ளது. இதன் பிரகாரம் 5 மாவட்டத்திற்கும் ஒரு லட்சத்து 55 ஆயிரம் கிலோ சீனி 117 ரூபா விலையிலும் , ஒரு லட்சம் கிலோ வெங்காயம் 160 ரூபா  விலையிலும் , ஒரு லட்சத்து 50 ஆயிரம் சமன் ரின் 100 ரூபா விலையிலும், ஒரு லட்சத்து 50 ஆயிரம் கிலோ அரிசி 98 ரூபா விலையிலும் அனுமதிக்கப்பட்டு கடிதம் அனுப்பி வைக்கப்பட்டுள்ளது.இதன் பிரகாரம் உடனடியாக.

யாழ்ப்பாணம் மாவட்டம் :

1) அரிசி 20 ஆயிரம் கிலோ

2) சீனி 50 ஆயிரம் கிலோ

3) பருப்பு 20 ஆயிரம் கிலோ

எடுத்து வரும் அதே நேரம் உள்ளூர் மீனவர்களின் நன்மை கருதி மீன் ரின் எடுத்து வரப்படவில்லை.

முல்லைத்தீவு மாவட்டம் :

1) 50 ஆயிரம் மீன் ரீன்

2) 50 ஆயிரம் கிலோ அரிசி

3) 25 ஆயிரம் கிலோ சீனி 

4) 15 ஆயிரம் கிலோ பருப்பு

5) 15 ஆயிரம் கிலோ பெரிய வெங்காயம்

அனுமதிக்கப்பட்ட நிலையில் அரிசி தவிர்ந்த ஏனைய பொருட்கள் ஏற்றப்படுகின்றன.

மன்னார் மாவட்டம் :

1) 25 ஆயிரம் கிலோ பருப்பு.

 2) 25 ஆயிரம் மீன் ரின்.

 3) 30 ஆயிரம் சீனி.

  4) 10 ஆயிரம் கிலோ பெரிய வெங்காயம்

அனுமதிக்கப்பட்ட நிலையில் தேவை கருதி அரிசி , மீன் ரின் தவிர்த்து சீனி , பருப்பு , வெங்காயம் ஏற்றப்படுகின்றது.

இதே போன்று கிளிநொச்சி மாவட்டத்திற்கும் அனுமதிக்கப்பட்ட பொருட்களில் அரிசி தவிர்ந்த ஏனைய பொருட்கள் எடுத்து வரப்படுகின்றன.

கொரோனா வைரஸ் பரவலினாலும் ஊரடங்கு சட்டத்தினாலும் முடக்கப்பட்டிருக்கும் வடக்கு மக்களுக்கு உதவுங்கள்.

https://jaffnazone.com/news/16930

[Dash]

எனக்கு புரியவில்லை;இலங்கையில் இறுக்கமான விலை நிர்ணயம் எப்பவுமே உண்டு,அப்படி இருக்கும் போது சந்தையில் புதிதாக பொருட்கள் வருவது விலையில் மாற்றங்களை ஏற்படுத்த போவதில்லை

[உடையார்]

9 minutes ago, Dash said:

எனக்கு புரியவில்லை;இலங்கையில் இறுக்கமான விலை நிர்ணயம் எப்பவுமே உண்டு,அப்படி இருக்கும் போது சந்தையில் புதிதாக பொருட்கள் வருவது விலையில் மாற்றங்களை ஏற்படுத்த போவதில்லை

 

[Rajesh]

19 hours ago, புரட்சிகர தமிழ்தேசியன் said:

கொள்ளைக்காரர்கள், பதுக்கல் பேர்வழிகளின் தலையில் இடி..! நிர்ணய விலையில் வட மாகாணத்திற்கு வருகிறது அத்தியாவசிய பொருட்கள்..

எப்ப வரும்? எப்ப விலை இறங்கும்?