Jump to content

Made in China | மீண்டும் முளைக்கும் கொறோனா ‘முதல்’ வாதம்


Recommended Posts

 

Made in China | மீண்டும் முளைக்கும் கொறோனா ‘முதல்’ வாதம்

Made in China | மீண்டும் முளைக்கும் கொறோனா ‘முதல்’ வாதம்

 

கொறோனாவரைஸ் எங்கிருந்து, எப்படி ஆரம்பித்தது என்ற விவாதம் மீண்டுமொரு தடவை மேடைக்கு வந்திருக்கிறது. பார்வையாளர் மத்தியில் பலவித ‘கிசு கிசு’க்கள் தமக்குள் சுய தனிமைப்படுத்தலை மேற்கொண்டுள்ளன. சில நம்பக்கூடியவை, சில முடியாதவை.

கடந்த டிசம்பரில் வைரஸ் முதலில் மனிதருள் குடிபுகுந்தபோது, அது சீனாவின் வூஹான் சந்தையில் இருந்து ஆரம்பித்தது என்னும் கருத்து, உலகத்தால் ஏற்றுக்கொள்ளப்பட்டிருந்தது. அமெரிக்க ஜனாதிபதி டொனால்ட் ட்றம்பும் அதை ‘வூஹான் வைரஸ்’ எனக்கூறி அதற்குச் சான்றிதழ் வழங்கியிருந்தார். வேறு பல சந்தர்ப்பங்களில் போல, இந்தத் தடவையும் ட்றம்ப் கூறியது சரியாக வந்துவிடுமோ என்றதொரு ‘கிசு கிசு’ இப்போது வெளி மண்டலத்துக்கு வந்திருக்கிறது.

வெளவால் வைரஸ்

வூஹானில் இரண்டு ஆய்வுகூடங்களில் வெளவால் வைரஸ்கள் மீது நீண்ட காலமாக ஆராய்ச்சிகள் நடைபெற்று வருகின்றன. டிசம்பரில் வெளி வந்த வைரஸ் வெளவாலிலிருந்து வந்தது என்பதை வெகு சில நாட்களிலேயே உறுதிப்படுத்திவிட்டன இந்த ஆய்வுகூடங்கள். அதெப்படி சாத்தியமானது? ஒப்பிட்டுப் பார்ப்பதற்கு அவரகளிடம் இதே வைரஸ் (மாதிரி) இருந்திருக்க வேண்டும். இங்கு தான் ‘கிசு கிசு’ வே ஆரம்பிக்கிறது. அத்தோடு இந்த இரண்டு ஆய்வுகூடங்களும் பாதுகாப்பு விடயங்களில் மெத்தனப் போக்கைக் கொண்டிருந்தன எனபதும் பதியப்பட்ட ஒன்று.

ஷி ஜென்ங்க்லி என்பவர் வூஹான் இன்ஸ்டிடியூட் ஒஃப் வைரோலொஜி என்ற நிறுவனத்தில் வைரஸ்கள் பற்றி ஆராயும் ஒரு விஞ்ஞானி. அந்த நிறுவனத்தில் BSL-4 தரத்தில் அங்கீகரிக்கப்பட்ட ஒரு ஆய்வுகூடத்தை ஷி நிர்வகிக்கிறார். (Bio Safety Level – 4 என்பது அதியுச்ச பாதுகாப்பு நெறிமுறைகளைக் கடைப்பிடிக்க வேண்டிய ஆய்வு கூடம். இது மூன்று வருடங்களுக்கு முன்னர் ஆர்ம்பிக்கப்பட்டிருந்தது. ஆகக் குறைந்த தரம் BSL-1). வூஹானில் வைரஸ் தொற்றுப் பிரச்சினை அறிவிக்கப்பட்ட போது, அது இந்த ஆய்வுகூடத்திலிருந்து தான் ஆரம்பித்தது என சீனாவிலும், வெளிநாடுகளிலும் வலைத்தளச் சமூகங்கள் குற்றச்சாட்டுகளை முன்வைத்தன.

 

உலக சுகாதார நிறுவனத்தின் இயக்குனர் நாயகம் டாக்டர் ரெட்றோஸ் கெப்றெயேசு, இக் குற்றச்சாட்டுகளை ஒரு பொய்த்தகவல்களின் ‘தகவற்தொற்று’ (‘infodemic’) எனக்கூறிப் புறந்தள்ளி விட்டார். வேறு சிலர், இந்த வைரஸ் ஒரு ‘ஆய்வுகூடத் தயாரிப்பு’ எனக் கூறினர். இருப்பினும், இவ் வைரஸின் மரபணு வரிசையை (genome sequence) செய்த உலகின் பல விஞ்ஞானிகளும் இது ‘ஆய்கூடத் தயாரிப்பாக’ இருக்க வாய்ப்பில்லை எனக் கூறிவிட்டனர். இதனால் இந்த இரண்டு ‘தகவற் தொற்றுக்களும்’ கால்கள் முளைக்க முன்னரே முடக்கப்பட்டு விட்டன.

இவ் வைரஸ் தொற்று விடயத்தில், டாக்டர் ரெட்றோஸ்கெப்றெயேசுவின் கையாளல் ஆரம்பத்திலிருந்தே பிரச்சினைகளுடன் இருந்து வருகிறது. சீனாவில் இவ் வைரஸ் படு வேகமாக வளர்ந்து வருகின்ற வேளையில் அதை ஒரு pandemic தரத்துக்கு உயர்த்துவதற்கு அவர் தயக்கம் காட்டியிருந்தார் என்ற குற்றச்சாட்டுமுண்டு. ஆரம்பத்திலேயே இது pandemic எனப் பிரகடனப்பட்டிருந்தால், சீனாவிலிருந்து பல்லாயிரக் கணக்கானோர் வெளிநாடுகளுக்கு இவ் வைரஸைக் கொண்டுசென்றிருக்க முடியாது. அவரின் தயக்கத்துக்கும், சீனத் தலைவர்களுடனான நெருக்கத்துக்கும் சம்பந்தம் இருக்கிறதா என்ற கேள்விதான் இன்று அவரைப் பதவியிலிருந்து இறக்குவதற்கான முயற்சிகள்.

தற்போது, சீனாவிலும், வெளிநாடுகளிலுமுள்ள பல விஞ்ஞானிகள், இவ் வைரஸ் தொற்று வூஹான் ஆய்வுகூடத்திலிருந்தே ஆரம்பித்தது என்ற கருதுகோளை வலுப்படுத்தி வருகிறார்கள். வ்இஞ்ஞாநி ஷி யின் ஆய்வுகூடத்தில் இருந்து இக் கிருமி கசிந்து வெளியேறியிருக்கிறது என அவர்கள் கருதுகிறார்கள். ஆனால் அதற்கான வலுவான ஆதாரங்கள் இதுவரைக்கும் கிடைக்கவில்லை.

நியூ ஜேர்சி றட்ஜெர்ஸ் பல்கலைக்கழகத்திலுள்ள வாக்ஸ்மான் இன்ஸ்டிடியூட் ஒஃப் மைக்கிறோபயோலொஜியில் பணிபுரியும் உயிரியலாளரான றிச்சார்ட் எப்றைட் கூறுகையில், “ஆய்வுகூட விபத்துக்கள் நடைபெறுவது ஒன்றும் புதிதல்ல. அவற்றைப் பொய்ச் செய்திகள் என்றோ, கட்டுக் கதிகள் என்றோ இலகுவாகப் புறந்தள்ளிவிட முடியாது” என்கிறார்.

ஆராய்ச்சி

சீனாவில், வெளவால் வரைஸ் மீதான ஆராய்ச்சி சார்ஸ் (2002-2003) தொற்று முடிவடையும் காலப்பகுதியில் ஆரம்பிக்கப்பட்டது.

முதலாம் சார்ஸ் தொற்று, சீனாவின் தென் மாகாணமான குவாண்டொங்க்கில் ஆரம்பமாகி ஆசியாவின் பல பகுதிகளிலும் பரவியிருந்தது. கிட்டத்தட்ட 8000 பேர் தொற்றுக்குள்ளாகி, அதில் மரணமடைந்தவர்களில் 84 வீதமானோர் சீனர்கள். அவ் வைரஸ் வெளவாலிலிருந்து காட்டுப் பூனைக்குத் தொற்றி அதிலிருந்து மனிதருக்குத் தாவியது எனப் பின்னர் கண்டுபிசித்திருந்தார்கள். சீனாவின் யுன்னாண் மாகாணத்தில் உள்ள பல குகைகளில் பெருந்தொகையான வெளவால்கள் காணப்படுகின்றன.

கடந்த 10 வருடங்களாக, ஷியும், வூஹான் நகரத்திலுள்ள வேறு பல விஞ்ஞானிகளும் இப்படியான குகைகளுக்குச் சென்று பல வகையான வெளவால்களைப் பிடித்து அவற்றிலிருந்து விதம் விதமான வைரஸ்களைச் சேகரித்து வந்துள்ளனர். ஆசியாவிலேயே மிகப் பெரிய வைரஸ் வங்கி வூஹானில் இருக்கும் ஷி பணி புரியும் இன்ஸ்டிடியூட் தான் என அவர்களது தகவல் நிருபம் தெரிவிக்கிறது.

“வெளவால்களில் அவர்கள் மேற்கொண்ட ஆராய்ச்சிகளின் பயனாக, பல வேறு வடிவங்களில் சார்ஸ் வைரஸ்களை அவர்கள் அடையாளபடுத்தியுள்ளனர் எனவும், அவற்றில் சில மனிதரின் நலத்துக்குத் தீங்கு விளைவிக்கக் கூடியன” என ஷியுடன் இணைந்து ஆய்வறிக்கை ஒன்றை 2010 இல் வெளியிட்ட ஹொங்கொங் பல்கலைக்கழகத்தைச் சேர்ந்த இன்னுமொரு விஞ்ஞானி லியோ பூன் கூறுகிறார்.

ஜனவரி மாதத்தில் கொறோனாவைரஸின் மரபணு வரிசை அறியப்பட்டதும், தனது வைரஸ் வங்கியிலிருந்து எடுக்கப்பட்ட வைரஸின் மரபணு வரிசையுடன் அது 96 வீதம் ஒத்துப்போவதாக ஷி தெரிவித்திருந்தார்.

வூஹான் இன்ஸ்டிடியூட்

வூஹான் இன்ஸ்டிடியூட் இப்படிப் பல ஆராய்ச்சிகளின் மையாமாக இருப்பினும், அது சர்வதேச ரீதியாக அங்கீகரிக்கப்படுவதற்கு வெளிநாட்டு நிபுணர்களின் உதவி தேவைப்பட்டது.

லியோன், பிராண்சிலுள்ள ஜான்மெரியூ BSL-4 ஆய்வுகூடத்துடன் உதவியுடநும், பிரென்ச், சீன அரசுகளின் அங்கீகாரத்துடனும், வூஹானில் 32,292 சதுர அடி பரப்பளவுள்ள வூஹான் இன்ஸ்டிடியூட் ஆரம்பிக்கப்பட்டு, 2017 இல் தனது நடவடிக்கைகளை ஆறம்பித்திருந்தது.

இவ்வாய்வுகூடத்தின் பணியாளர்கள், பிரான்ஸ், கனடா, அமெரிக்கா மற்றும் உள்நாட்டு நிபுணர்களிடம் முறையான பயிற்சிகளைப் பெற்றிருந்தார்கள் என உலக சுகாதார நிறுவனம் தெரிவிக்கிறது. இதை எந்தவொரு உலக நிறுவனங்களும் கண்காணிப்பதில்லை எனவும், உலக சுகாதார நிறுவனம், அவ்வப்போது ஆய்வுகூட பாதுகாப்புக் கையேடுகளைப் பிரசுரிக்கிறது எனவும் அறிய முடிகிறது.

விபத்து

இந்த 11 மில்லியன் மக்கள் வாழும் நகரில், வூஹான் இன்ஸ்டிடியூட்டைத் தவிர வேறு சில ஆய்வுகூடங்களும் வைரஸ்களைச் சேமிக்கும் வேலைகளைச் செய்து வருகின்றன.

பெப்ரவரி மாதத்தின் நடுப்பகுதியளவில், வூஹானை உள்ளடக்கிய, சீனாவின் இரண்டு பிரபலமான பொலிரெக்னிக்குகளைச் சேர்ந்த விஞ்ஞானிகள், வூஹானிலுள்ள நோய்க் கட்டுப்பாட்டு மையத்தின் (Wuhan Certre for Disease Control and Prevention (CDC)) ஆய்வுகூடமொன்றில் நடைபெற்ற வெளவால்கள் தொடர்பான விபத்தொன்று பற்றி ஒரு அறிக்கையை வெளியிட்டிருந்தார்கள். அவ் விபத்தின்போது வெளவால்களினால் தாக்கப்பட்டு, சிறுநீர் கழிக்கப்பட்ட ஒரு ஆராய்ச்சியாளர் 14 நாட்களுக்குத் தனிமைப்படுத்தப்பட்டிருந்தார்.

இந்த நோய்க் கட்டுப்பாட்டு மையம் சார்ஸ்-கொவ்-2 வைரஸின் ‘மூலம்’ எனப் பரவலாகப் பேசப்பட்ட வூஹான் கடலுணவுச் சந்தை இருக்குமிடத்திலிருந்து 280 மீட்டர்கள் தூரத்திலுள்ளது. ஆரம்பத்தில் கோவிட்-19 நோயாளிகள் கொத்துக் கொத்தாக சிகிச்சை செய்யப்பட்டதாக அறிவிக்கப்பட்ட மருத்துவமனை நோய்க் கட்டுப்பாட்டு மையத்துக்கு நேரெதிரே, தெருவுக்கு அப்பால் இருக்கிறது.

Sars-Cov-2 வைரஸ் இப்படியான ஒரு ஆய்வுகூடங்கள் ஒன்றிலிருந்துதான் வெளிவந்திருக்க வேண்டுமென அவ் வறிக்கையை வெளியிட்ட விஞ்ஞானிகள் கருதுகிறார்கள்.

இவ் வைரஸின் மூலம் பற்றிய வேறு ஏதும் தடயங்களை விஞ்ஞானிகள் சமர்ப்பிக்காத வரைக்கும், இதுவே மிகவும் சாத்தியமான ஒன்றாக இருக்கும் என்கிறார் உயிரியலாளர் எப்றைட்.

சார்ஸ் வைரஸ் ஆரம்பத்தில் சிங்கப்பூர், ராய்பேய், பேஜிங்க் (இரண்டு தடவைகள்) ஆகிய இடங்களிலிலுள்ள ஆய்வுகூடங்களிலிருந்து வெளிவந்திருந்தமையை அவர் சுட்டிக்காட்டுகிறார்.

சென்ற டிசம்பர் மாதம், சீனாவின் கான்சு மாகானத்திலுள்ள விலங்குப் பரிசோதனை கூடத்திலிருந்து தப்பிய புருசெல்லா (Brucellaa) என்ற பக்டீரியா 100 பேரில் தொற்றியிருந்தது.

சார்ஸ் மற்றும் இதர கொறோனா குடும்பத்தைச் சேர்ந்த வைரஸ்கள் காற்றில் பரவுவதாகவோ அல்லது உயிருக்குத் தீங்கு விளைவிப்பதாகவோ அறிந்திருக்கப்படவில்லை என்பதால், அவற்றின் மீதான பரிசோதனைகளை மேர்கொள்பவர்கள் குறைந்த பாதுகாப்பு அணிகளுடனும், ஆய்வுகூடத் தொழில்நுட்பவியலாளர்கள் உடற்கவசங்கள் இல்லாமலும், கிருமியகற்றுச் செய்யாமலும் பணியாற்ற அனுமதிக்கப்பட்டிருந்தார்கள். வைரசுடன் பணியாற்றிய எவரும் அதன் தொற்றை வெளியே கொண்டுவந்திருக்கலாம்.

இருப்பினும், Sars-Cov-2 வைரஸ் மனிதரில் தொற்றிக்கொள்வதற்கு முன்னர் இன்னுமொரு விலங்கில் தொற்றிய பின்னரே அது சாத்தியமாகவிருக்க முடியுமெனச் சில விஞ்ஞானிகள் கருதுகிறார்கள். 2003 Sars நோய்த் தொற்று அப்படித்தான் நிகழ்ந்தது.

கோவிட்-19 வைரஸ் அதன் முன்னோடியான SARS வைரஸுக்கு மிக நெருக்கமான தோற்றப்பாட்டைக் கொண்டிருக்கிறது.

ஆனால், ஷியும், அவரது அமெரிக்கச் சகபாடிகளும், ஆய்வுகூடச் சூழலில், இவ் வைரஸ் வெளவால்களிலிருந்து நேரடியாக தொற்றும் வல்லமை உள்ளதென்பதை நிரூபித்துள்ளனர்.

இடை நிலைக் காவிகள்

வைரஸ் மனிதரில் தாவுவதற்கு முன்னர் இடையில் இன்னுமொரு விலங்கில் தாவியிருக்கவேண்டுமென்னும் கருதுகோள் நிரூபிக்கப்படுவதும் அவ்வளவு சுலபமானதாக இருக்குமென்பதில்லை.

வூஹான் நகரையும், அது இருக்கும் ஹூபே மாகாணத்தையும் சீனா இரும்புப் பிடிக்குள் கொண்டுவந்த போது, நோய்த் தடுப்பு நடவடிக்கையாக, வூஹான் கடலுணவுச் சந்தையிலிருந்த, வன விலங்குகள் உட்பட்ட, அத்தனை உயிர்களையும் அரசாங்கம் கொன்றழித்து எரித்து விட்டது. கட்டிடம் முழுவதும் கிருமியழிப்புச் செய்து கழுவித் துடைக்கப்பட்டு விட்டது. எனவே எந்த விலங்கு இந்த வைரஸைக் கொண்டிருந்தது எனக் கண்டுபிடிக்கும் வாய்ப்பு தவறிவிட்டது.

2017 இல் மலேசியாவிலிருந்து சீனாவுக்குக் கடத்தப்பட்டதாகக் கருதப்படும் எறும்புண்ணி விலங்குகளில் காணப்படும் வைரஸின் மரபணு வரிசை, SARS-CoV-2 வைரஸின் மரபணு வரிசையோடு 85.5-92.4 வீதம் ஒத்துள்ளதாக, மார்ச் மாதம் வெளிவந்த Nature என்னும் சஞ்சிகையில் வெளிவந்த ஆய்வறிக்கை ஒன்று தெரிவிக்கிறது.இதன் மூலம் அந்த இடை நிலை விலங்கு எறும்புண்ணியாக இருக்கலாமென ஊகிக்கப்படுகிறது.

தற்போது அமெரிக்கா, உலகின் கோவிட்-19 மையமாக மாறிய பின்னர், ஜனாதிபதி ட்றம்ப், சீனாவே வைரஸை உலகெங்கும் அனுப்பியதென்ற கருத்துப்படப் பேசி வருவதும், அதற்கு சீனா மறுப்பறிக்கை விடுவதுமாக இருப்பதால் SARS-CoV-2 வை ஒரு ‘Made in China’ வைரஸாகக் காட்ட மேற்கு நாடுகள் மேலும் முயற்சிகளை எடுக்கலாம்.

எப்படியிருந்தாலும், தாம் விரும்பிய விலங்குகளுடன் வெகு சமரசமாக ஒத்திசைந்து வாழ்ந்துகொண்டிருந்த வைரஸ்களை நமது வீடுகளுக்குள் கொண்டு வந்த மனிதர்கள் கண்டனத்துக்குரியவர்களே.

– மாயமான்

 

https://marumoli.com/made-in-china-மீண்டும்-முளைக்கும்-கொ/?fbclid=IwAR37Srm1o-mpRZoFp5byvtut9jTLpBmtJQRqsdDeuDefEl2pL09brrXi0sg

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • ஜெனிவாவில் இரட்டை நன்மை : நா.உறுப்பினர் சுமந்திரன் வீரகேசரி வார வெளியீட்டுக்குப் பிரத்தியேக செவ்வி .. !   'புதிய பிரேரணையை இலங்கை நிராகரித்தால் அதன் சர்வதேச உறவில் முறிவுகள் ஏற்படும்' வடமாகாண சபையின் ஐ.நா.வுக்கான தீர்மானம் இனப்படுகொலையை வலியுறுத்தவில்லை' சர்வஜன வாக்கெடுப்பைக் கோருவதானது முரண்பாடான விடயமாகவே இருக்கும். குறைந்தபட்ச சாத்தியப்பாடுகளுடனனேயே குற்றவியல் நீதிமன்றுக்கான முயற்சி. ஐ.நா. மனித உரிமைகள் பேரவையின் அடுத்த மார்ச் மாதக் கூட்டத்தொடரில் இலங்கையின் பொறுப்புக்கூறல் விடயத்தினை மீள எடுப்பதால் அதனை உயரிய இடங்களுக்கு கொண்டு செல்வதற்கான வாய்ப்புக் கிடைப்பதோடு, பேரவையினுள் இலங்கை பற்றிய புதிய தீர்மானமும் தடையின்றி நிறைவேற்றப்பட்டு சர்வதேச மேற்பார்வை தொடர்ந்தும் நீடித்திருக்கும் நிலை ஏற்படுகின்றது. இது எமக்கு இரட்டை நன்மையை அளிக்கின்றது என்று தமிழ்த் தேசியக் கூட்டமைப்பின் ஊடகப்பேச்சாளரும் , யாழ்.மாவட்ட பாராளுமன்ற உறுப்பினருமான ஜனாதிபதி சட்டத்தரணி எம்.ஏ.சுமந்திரன் வீரகேசரி வாரவெளியீட்டுக்கு வழங்கிய பிரத்தியேக செவ்வியின் போது குறிப்பிட்டார் . அச்செவ்வியின் முழுவடிவம் வருமாறு: கேள்வி : - தமிழ்த் தேசியப் பரப்பில் உள்ள மூன்று கூட்டுக்கள் ஒன்றிணைந்து ஜெனிவா மனித உரிமைப் பேரவை உறுப்பு நாடுகளுக்கு அனுப்பி வைத்துள்ள கடிதத்தில் தமிழ்த் தேசியக் கூட்டமைப்பு இதுவரையில் பின்னடித்த விடயங்கள் சிலவற்றை பகிரங்கமாக ஏற்றுக்கொண்டிருக்கின்றதே ? பதில் : - கூட்டமைப்பு பின்னடித்த விடயங்கள் என்று எதனைக் குறிப்பிடுகின்றீர்கள்? கேள்வி : - இனப்படுகொலை நடைபெற்றமை மற்றும் பொறுப்புக்கூறல் விடயத்தினை சர்வதேச குற்றவியல் நீதிமன்றத்திற்கு பாரப்படுத்தல் உள்ளிட்ட விடயங்களைத்தான் கூறுகின்றேன் ? பதில் : - அவ்வாறில்லை. ‘நான் 2013 ஆண்டில் முதன்முதலாக முள்ளிவாய்க்காலில் நடைபெற்றது ஒரு ' இனப்படுகொலை’ என்று குறிப்பிட்டு இலங்கைப் பாராளுமன்றத்திலே உரையாற்றியிருந்தேன் . அது பகிரங்கமாக கூறப்பட்டதொன்றுதானே. கேள்வி : - நீங்கள் பாராளுமன்றத்தில் குறிப்பிட்டிருந்தாலும் ஐ.நா.மனித உரிமைகள் பேரவையில் அல்லது தீர்மானங்களில் இனப்படுகொலை என்பதை வலியுறுத்தவில்லையல்லவா ? பதில் : - முதன் முதலாக 2011 ஆண்டு மார்ச் 31 ஆம் திகதி ஐ.நா செயலாளர் நாயகத்தின் ஆணையின் பிரகாரம் இலங்கை பற்றிய மூன்று நிபுணர்கள் குழுவின் அறிக்கை வெளியிடப்பட்டது . செயலாளர் நாயகம் அந்த அறிக்கையை செப்டெம்பரில் ஐ.நா.மனித உரிமைகள் பேரவைக்கு அனுப்பி வைத்திருந்தார் . அந்த அறிக்கையில் 'இனப்படுகொலை' என்ற சொற்பதம் பயன்படுத்தப்படவில்லை. ‘துன்புறுத்தல்கள்' என்ற சொற்பதமே உள்ளது . அதில் ‘இனப்படுகொலை' என்ற சொற்பதத்தினை பயன்படுத்தாமை தொடர்பில் நாம் நீண்ட நேரம் அவர்களுடன் விவாதித்தோம். அச்சமயத்தில் , ‘இனப்படுகொலை' என்பதற்கான 'நோக்கு' மற்றும் '’குற்றவியல்” ரீதியான குற்றச்சாட்டை நிரூபிப்பதற்கான ஆதாரங்கள் இல்லாமை, அத்துடன் ' கட்டமைக்கப்பட்ட இனப்படுகொலை' என்பது நீண்டகாலமாக நடைபெறுவதால் அதனைக் குறிப்பிட்டு கூறி உள்ளீர்க்க முடியாமை தொடர்பில் எமக்கு தெளிவு படுத்தினார்கள். 2012 ஆம் ஆண்டில் ஐ.நா.மனித உரிமைகள் பேரவையானது , ' பிரகடனத் தீர்மானத்தினையே ' செய்தது . அதன் பின்னர் 2012 , 2013 ஆம் ஆண்டுகளில் நிறைவேற்றப்பட்ட தீர்மானங்கள் கற்றுக்கொண்ட பாடங்கள் மற்றும் நல்லிணக்க ஆணைக்குழுவின் சிபார்சுகளை நடைமுறைப்படுத்துமாறே குறிப்பிட்டிருந்தன. அரசாங்கம் அதனை முன்னெடுக்காததன் காரணத்தினாலேயே 2014 இல் ஐ.நா.மனித உரிமைகள் பேரவை உயர்ஸ்தானிகரின் அலுவலகம் மூலமாக சர்வதேச விசாரணையொன்றை மேற்கொள்வதற்கு பரிந்துரைக்கப்பட்டது . அந்த தீர்மானத்திற்கு அமைவாகவே விசாரணைகள் மேற்கொள்ளப்பட்டு இலங்கை பற்றி ஐ.நா.மனித உரிமைகள் உயர்ஸ்தானிகருடைய அவலுவலகத்தினால் விசாரணை அறிக்கை 2015 செப்டெம்பர் 16 ஆம் திகதி ஜெனிவாவில் வெளியிடப்பட்டது . இதிலும் ' இனப்படுகொலை' என்ற சொற்பதம் பயன்படுத்தப்படவில்லை. குறித்த அறிக்கை வெளியிடப்பட்டபோது, பத்திரிகையாளர் ஒருவர் இனப்படுகொலை என்ற சொற்பதம் இடம்பெறாமை குறித்துக் கேள்வி எழுப்பிய சமயம் உயர்ஸ்தானிகர் இளவரசர் செய்ட் ராட் அல் ஹசைன் , "போதுமான ஆதரங்கள் இல்லாமையாலேயே அச்சொற்பதத்தினை பயன்படுத்தவில்லை" என்று குறிப்பிட்டார் . நாம் சமூகவியல் சார்ந்து இனப்படுகொலை என்று குறிப்பிட்டாலும் குற்றவியல் அடிப்படையில் அதற்கான சான்றுகள் அப்போது போதுமானதாக இருக்கவில்லை. கேள்வி : - 2015 ஆம் ஆண்டு நிறைவேற்றப்பட்ட 30/1 தீர்மானத்திலும் அவ்விடயம் இருக்கவில்லையே ? பதில் : - 2015 ஆம் ஆண்டு நிறைவேற்றப்பட்ட 30/1 தீர்மானம் இலங்கை அரசாங்கத்தினது இணை அனுசரணையைப் பெற்றுக்கொண்டதாகும் . ஏற்கனவே 'இனப்படுகொலை' என்ற சொற்பதத்தினை பயன்படுத்துவதில் உள்ள நிலைமைகளை நாம் புரிந்து கொண்டிருந்தோம். முன்னதாக வெளியான ஐ.நா.வின் இரண்டு அறிக்கைகளில் அச்சொற்பதம் பயன்படுத்தப்பட்டிருக்கவில்லை. அவ்வாறான நிலையில் அச்சொற்பதத்தினைப் பயன்படுத்திவிட்டு பின்னர் அதனை நிரூபிக்க முடியாது போனால் அது எமக்குப் பலத்த பின்னடைவுகளையே ஏற்படுத்தும். அதன் காரணத்தினால்தான், நாம் இனப்படுகொலை , மனிதாபிமானச் சட்ட மீறல்கள், துன்புறுத்தல்கள், போர்க்குற்றங்கள், மனித உரிமைகளுக்கு எதிரான குற்றங்கள் என்று தனித்தனியாக வகைப்படுத்தாது பொதுவாக 'சர்வதேசச் சட்ட மீறல்கள்' என்ற சொற்பதத்தினை ஒரு 'உத்தியாக' பயன்படுத்தி இருந்தோம் . கேள்வி : - சட்ட நுட்பங்கள் அறிந்தவரான நீதியரசர் சி.வி.விக்னேஸ்வரன் முதலமைச்சராக இருந்து வடக்கு மாகாண சபையில் 2015 பெப்ரவரி 10 இல் நிறைவேற்றப்பட்ட தீர்மானத்தில் இனப்படுகொலைச் சொற்பதம் பயன்படுத்தப்பட்டுள்ளதே ? பதில் : - அந்தத் தீர்மானத்தினை அனைவரும் இனப்படுகொலைத் தீர்மானம் என்றே கூறுகின்றார்கள் . அந்த தீர்மானத்தின் இறுதிப்பகுதியை மிகக் கவனமாக அவதானித்தால் , அதில் 'கட்டமைக்கப்பட்ட இனப்படுகொலை' என்றே குறிப்பிடப்பட்டுள்ளது. அதுமட்டுமன்றி, 'கட்டமைக்கப்பட்ட இனப்படுகொலை’ என்பது 'சர்வதேச குற்றங்களில் ஒன்றாக இன்னமும் ஏற்றுக்கொள்ளப்படவில்லை', ஆகவே அது வருங்காலத்தில் ஏற்றுக்கொள்ளப்பட வேண்டும் என்றே அத்தீர்மானம் நிறைவடைகிறது . அந்த தீர்மானம் இலங்கையில் நடந்தது 'சர்வதேச குற்றங்கள் இல்லை' என்ற செய்தியையே ஐ.நா.வுக்கு வழங்கியுள்ளது . அவ்விதமான எமது பலவீனங்களை எடுத்துக் காட்டும் வகையிலும் மக்களுக்கு நன்மை கிடைக்காத முறையிலும் நாம் செயற்படவில்லை. கேள்வி : - நீண்டகாலமாக இலங்கையை சர்வதேச குற்றவியல் நீதிமன்றத்திற்கு கொண்டு செல்ல முடியாது என்று கூறிவந்த நீங்கள் பொது ஆவணத்தில் அவ்விடயம் உள்வாங்கப்படுவதற்கு எவ்வாறு இணக்கம் தெரிவித்தீர்கள் ? பதில் : - கடந்த 10 வருடங்களாக மனித உரிமைகள் பேரவை ஊடான முயற்சியில் பொறுப்புக்கூறல் செய்யப்படவில்லை . கடந்த ஐந்து வருடங்களில் ஆட்சியில் இருந்த அரசாங்கம் ஐ.நா.தீர்மானத்திற்கு இணை அனுசரணை வழங்கி வாக்குறுதிகளை அளித்தாலும் உள்நாட்டில் எந்தவிதமான முன்னேற்றகரமான செயற்பாடுகளையும் முன்னெடுக்கவில்லை . பொறுப்புக்கூறல் விடயத்தில் ஐ.நா.மனித உரிமைகள் பேரவையின் தீர்மானங்கள் நாடுகளை கட்டுப்படுத்தாது . சம்பந்தப்பட்ட நாடு இணங்கினால் மட்டுமே பொறுப்புக்கூறல் தொடர்பாக நிறைவேற்றப்படும் தீர்மானத்தினை நடைமுறைப்படுத்தலாம் . அதுவே மனித உரிமைகள் பேரவையின் அமைப்பு முறைமையாகும் . அந்த அடிப்படையில் தற்போதைய அரசாங்கம் கடந்த செப்டம்பர் கூட்டத்தொடரில் ஐ.நா.தீர்மானத்தினை ஏற்றுக்கொள்ளப்போவதில்லை என்று அறிவித்து விட்டது . அதன் பின்னர் , பொறுப்புக்கூறல் விடயத்தினை மனித உரிமைகள் பேரவையில் வைத்திருப்பதால் பயனில்லை . ஆகவே தான் அதனை அங்கிருந்து மீளெடுத்து சர்வதேச குற்றவியல் நீதிமன்றம் நோக்கி கொண்டு செல்ல வேண்டியுள்ளது . கேள்வி : - இலங்கையின் பொறுப்புக்கூறல் விடயத்தினை சர்வதேச குற்றவியல் நீதிமன்றத்திற்கு கொண்டு செல்வதற்கு முடியும் என்ற நம்பிக்கை உங்களிடத்தில் உள்ளதா ? பதில் : - சர்வதேச குற்றவியல் நீதிமன்றத்திற்கு கொண்டு செல்வதற்கு மூன்று வழிகளே உள்ளன . முதலாவது , ' ரோம் ' சாசனத்தில் சம்பந்தப்பட்ட நாடு கைச்சாத்திட்டிருக்க வேண்டும் . ஆனால் இலங்கை அதில் கையொப்பமிடவில்லை . இரண்டாவது , சம்பந்தப்பட்ட நாடு இணங்கி குற்றவியல் நீதிமன்றப் பொறிமுறைக்கு முகங்கொடுக்க வேண்டும் . இலங்கை அவ்விதமான இணக்கத்தை ஒருபோதும் தெரிவிக்கப்போவதில்லை . மூன்றாவது ஐ.நா.பாதுகாப்புச் சபையின் ஊடாக பரிந்துரைக்கப்பட வேண்டும் . இதுவொன்றே எமக்குள்ள ஒரேவழியாகும் . ஆனால் இதில் வீட்டோ அதிகாரத்தினைக் கொண்டுள்ள ரஷ்யா , சீனா இலங்கையை காப்பாற்றும் என்பதே எனது தர்க்கமாகும் . ஆனால் பல சந்தர்ப்பங்களில் இவ்விதமான விடயங்களில் சீனா வீட்டோவை பயன்படுத்தாது இருந்துள்ளதாக பொது ஆவணத் தயாரிப்பு கலந்துரையாடல்களின் போது எனது நிலைப்பாட்டுக்கு எதிரான தர்க்கங்கள் முன்வைக்கப்பட்டுள்ளன . ஆகவே சர்வதேச குற்றவியல் நீதிமன்றம் சாத்தியமில்லை என்று எதிர்மறையாக சிந்திப்பதை விடவும் ஒரு சதவீதமேனும் உள்ள சாத்திய வழியில் முயற்சித்துப்பார்ப்போம் என்ற நிலைப்பாடு உடையவர்களின் முயற்சிக்கும் கருத்துக்கும் குறுக்கே நிற்பதற்கு நான் விரும்பவில்லை . அதனாலேயே சம்மதம் தெரிவித்தேன் . அவ்விதமான முயற்சி வெற்றி பெற்றால் அதனை மனதார வரவேற்கும் முதல் நபரும் நானே . கேள்வி : - மனித உரிமைகள் பேரவையில் இருந்து பொறுப்புக்கூறல் விடயம் மீள எடுக்கப்படும் பட்சத்தில் அடுத்த கட்டச் செயற்பாடுகள் என்ன ? பதில் : - பொறுப்புக்கூறல் மீளவும் எடுக்கப்பட்டு அதனை மீண்டும் ஐ.நா.செயலாளர் நாயகத்திடம் அனுப்புமாறு ஐ.நா.மனித உரிமைகள் பேரவையின் உயர்ஸ்தானிகரைக் கோரியுள்ளோம் . ஏனென்றால் அவரே இலங்கை விடயத்தினை மனித உரிமைகள் பேரவைக்கு 2011 இல் அனுப்பி வைத்தவர். அவர் அனுப்பி வைத்த விடயம் பத்து ஆண்டுகளாக எந்த முன்னேற்றத்தினையும் எட்டவில்லை என்ற செய்தியையும் அவருக்கே மீள அனுப்பி வைப்பதன் ஊடாக தெரிவிக்க முடியும் . மேலும் மனித உரிமைகள் பேரவையாலோ அல்லது உயர்ஸ்தானிகராலோ இந்த விடயத்தினை நேரடியாக சர்வதேச குற்றவியல் நீதிமன்றத்திற்கு பாரப்படுத்த முடியாது . ஆகவே செயலாளர் நாயகத்திடம் அனுப்பி வைக்கப்பட்டதன் பின்னர் பொதுச்சபையில் இந்த விடயத்தினை விவாதித்துத் தீர்மானம் எடுத்தே அவரால் சாத்தியமான பொறிமுறைகளில் ஒன்றைப் பரிந்துரைக்கலாம். உதாரணமாக, கூறுவதென்றால் பாதுகாப்புச் சபை ஊடாக சர்வதேச குற்றவியல் நீதிமன்றத்திற்கும் அவரால் அனுப்பபடலாம். அல்லது , சிரியா விடயத்திற்காகப் பொதுச்சபையால் உருவாக்கப்பட்ட சாட்சியங்களை சேகரிக்கும் பொறிமுறையைப் போன்றதொரு கட்டமைப்பை உருவாக்கலாம் . நாம் அனுப்பி வைத்துள்ள ஆவணத்தில் சிரியாவை ஒத்தபொறிமுறையை உதாரணமாகக் கூறியுள்ளமைக்கு காரணம் என்னவென்றால், பொறுப்புக்கூறல் விடயத்தினை நீதிமன்றப் படிமுறைக்குள் கொண்டு செல்வதற்காகவே. அவ்விதம் பரிந்துரைக்கும் கட்டமைப்பு செயற்படுவதற்காக ஒருவருட கால அவகாசம் வழங்க முடியும் என்றும் குறிப்பிட்டுள்ளோம் . கேள்வி : - இதில் மியன்மார் பொறிமுறைகள் ஒரு உதாரணமாக உள்ளீர்க்காமைக்கான காரணம் என்ன ? பதில் : - மியன்மார் விடயத்தில் ஐ.நா.மனித உரிமைகள் பேரவையே அந்தப் பொறிமுறையை உருவாக்கியுள்ளது . நாங்கள் இலங்கையின் பொறுப்புக்கூறல் விடயத்தினை மனித உரிமைகள் பேரவையிலிருந்து மீள எடுப்பதற்கான கோரிக்கையை முதலில் விடுத்துவிட்டு பின்னர் அதே ஆவணத்தில் மனித உரிமை பேரவையினால் பரிந்துரைக்கப்பட்ட பொறிமுறையை கோருவதானது முன்னுக்குப்பின் முரண்பாடாக இருக்கும் என்பதால் தான் அப்பொறிமுறையை உள்வாங்கவில்லை . கேள்வி : - இலங்கை அரசாங்கம் ஐ.நா.மனித உரிமைகள் பேரவையின் மார்ச் மாத தீர்மானத்திற்கு இணை அனுசரணை வழங்க முடியாதென கூறியுள்ளதே ? பதில் : - ஐ.நா.மனித உரிமைகள் பேரவையின் இணை அனுசரணை நாடுகள் இறுதி தருணத்திலும் இலங்கை அரசாங்கத்தினை மார்ச் மாதம் நிறைவேற்றவுள்ள தீர்மானத்திற்கு அனுசரணை அளிக்குமாறு கோரியிருந்தன . எனினும் இலங்கை அரசாங்கம் அதற்கு மறுப்பு தெரிவித்து விட்டது . அது உண்மையிலேயே எமக்கு சாதகமான விடயம்தான் . ஏனென்றால் இலங்கை அரசாங்கம் அனுசரணை வழங்குவதாக இணை அனுசரணை நாடுகளிடத்தில் சம்மதம் தெரிவித்திருந்தால் அரசாங்கம் விரும்புகின்ற வகையிலேயே நிறைவேற்றப்படும் தீர்மானம் அமைந்திருப்பதற்கே அதிக சாத்தியங்கள் இருந்தன . அத்தோடு இம்முறை பாதிக்கப்பட்ட எமது தரப்புக்கு சாதகமான நிலைமைகள் ஐ.நா.மனித உரிமைப் பேரவையில் இல்லை. பொறுப்புக்கூறல் பரிந்துரைகளுடன் இலங்கை தொடர்பில் புதிய தீர்மானம் ஒன்றைக் கொண்டுவந்து நிறைவேற்றுவதே மிகச் சவாலான விடயமாகவே உள்ளது . குறிப்பாக பொறுப்புக்கூறலுடன் கொண்டுவரப்படும் தீர்மானத்தின் மீதான வாக்கெடுப்பு நடைபெறும் தருணத்தில் அதற்கு ஆதரவாக உறுப்பு நாடுகளின் வாக்குகளை பெற்றுக்கொள்வது மிகவும் கடினமான விடயமாக இருக்கின்றது . ஆனால் , இலங்கையின் பொறுப்புக்கூறல் விடயத்தினை நாம் பேரவையிலிருந்து மீள எடுக்கும் கோரிக்கையை முன்வைத்திருப்பதன் மூலம் , இலங்கை தொடர்பான பிரேரணையை நிறைவேற்றும் நாடுகளுக்கும் நன்மையே ஏற்பட்டுள்ளது . அதாவது பொறுப்புக்கூறல் விடயங்கள் இல்லாத தீர்மானமொன்றை நிறைவேற்றுவதற்காக உறுப்பு நாடுகளின் ஆதரவினைப் பெறுவதில் கடினமான நிலைமைகள் இருக்கப்போவதில்லை. அவை தயக்கங்களையும் தெரிவிக்காது . ஆகவே ஐ.நா.மனித உரிமைகள் பேரவையில் எமக்கு இம்முறை இரட்டை நன்மையே ஏற்படப்போகின்றது . முதலாவது பொறுப்புக்கூறல் விடயத்தினை ஐ.நா. மனித உரிமைப் பேரவையிலிருந்து மீள எடுத்து உயரிய இடங்களுக்கு கொண்டு செல்வதற்கான வாய்ப்புக் கிடைக்கிறது . இரண்டாவது , இலங்கை பற்றிய தீர்மானமும் தடையின்றி மனித உரிமைகள் பேரவையில் நிறைவேற்றப்பட்டு சர்வதேச மேற்பார்வையுடன் தொடர்ந்தும் உயிர்ப்புடன் இருக்கவுள்ளது . கேள்வி : - இலங்கை அரசாங்கம் எதிர்வரும் மார்ச் மாதத்தில் ஐ.நா.வில் நிறைவேற்றப்படவுள்ள தீர்மானத்தினையும் நிராகரித்தால் என்னவாகும் ? பதில் : - இலங்கை அரசாங்கம் அவ்வாறு கூறினாலும் கடந்த ஐ.நா.தீர்மானத்திற்கு அமைய உருவாக்கப்பட்ட நிலைமாறுகால நீதிக்கான சில கட்டமைப்புக்களை இன்மும் வைத்திருக்கின்றன. அவற்றை வினைத்திறனாகச் செயற்பட இடமளிக்காது விட்டாலும் ஐ.நா.விற்கு காண்பிப்பதற்காக அவ்வாறே வைத்துள்ளன. மேலும் இம்முறை இலங்கைக்கான பொறுப்புக்கூறல் விடயம் இல்லாத தீர்மானத்தினை இலங்கை அரசாங்கம் நிராகரிப்பதற்கு எந்தவிதமான நியாயங்களும் இல்லை. அவ்வாறு நிராகரிக்கின்றபோது , ஒரே நேரத்தில் மேற்குலநாடுகள் உள்ளிட்ட முக்கியமான நாடுகளைப் பகைத்துக்கொள்ள அல்லது இருதரப்பு உறவுகளை முறித்துக்கொள்ள வேண்டிய நிலைமையே ஏற்படும் . அவ்விதமான நிலைப்பாடொன்றை இந்த அரசாங்கம் எடுப்பதற்கு விரும்பாது . கேள்வி : - வடக்கு, கிழக்கில் சர்வஜன வாக்கெடுப்புக் கோரிக்கையை ஐ.நா.வுக்கான பொது ஆவணத்தில் நீங்கள் உள்ளீர்க்க விரும்பாமைக்கான காரணம் என்ன ? பதில் : - தமிழ்த் தேசியக் கூட்டமைப்பும் சரி , ஐ.நா.வுக்கான பொது ஆவணத்தில் கையொப்பமிட்ட ஏனைய கூட்டுக் கட்சிகளாக இருந்தாலும் சரி, ஐக்கிய இலங்கைக்குள்ளேயே இனப்பிரச்சினைக்கான தீர்வு காணப்பட வேண்டும் என்பதில் உறுதியாக இருக்கின்றன . அதேநேரம் , அதிகாரங்கள் அதியுச்சமாக பகிரப்பட வேண்டும் என்பதிலும் மாற்றுக்கருத்திற்கு இடமில்லை. சர்வஜன வாக்கெடுப்பு என்பது பிரிந்து செல்லுதலை மையப்படுத்தியதாகும் . அதிகாரப்பகிர்வினைக் கோரும் ஒவ்வொரு சந்தர்ப்பத்திலும் சிங்களத் தரப்புக்கள் நாட்டை பிரிக்கப்போகின்றோம் என்றே பிரசாரம் செய்கின்றன . அவ்வாறான நிலையில் சர்வஜன வாக்கெடுப்பையும் கோரினால் அவர்கள் செய்யும் பிரசாரம் உண்மையாகிவிடும். மேலும் நாமும் ஐக்கிய இலங்கைக்குள் தீர்வு என்று பல சந்தர்ப்பங்களில் தெரிவித்தமையும் பொய்யாகிவிடும். எனவே அவ்விடயம் உள்ளீர்க்கப்படவில்லை. கேள்வி : - இறுதியாக , ஆணைக்குழுக்களின் அறிக்கைகளை மீளாய்வு செய்வதற்காக ஜனாதிபதியால் பிறிதொரு குழு நியமிக்கப்பட்டுள்ளமையை எவ்வாறு பார்க்கின்றீர்கள் ? பதில் : - ஜெனிவா கூட்டத்தொடர் நெருங்கி வரும் நிலையில் அரசாங்கத்திற்கு ஏற்பட்டுள்ள அச்சம் காரணமாகவே தற்போது இவ்விதமான குழுவை நியமித்து சர்வதேசத்திற்கு போலியானதொரு தோற்றப்பட்டை வெளிப்படுத்த முனைகின்றது . அந்தக் குழுவை நாம் எள்ளளவும் நம்பவில்லை . அதுவெறுமனே கண்துடைப்புச் செயற்பாடாகும் . இதனை சர்வதேச நாடுகளும் நன்கு அறியும் . - வீரகேசரி பத்திரிகை -    
    • “உன்னைத்திருத்து, உலகம் தானே திருந்தும்”… https://www.facebook.com/pragash001/videos/10157638989486056
    • ஒரு ராகம் பாடலோடு  
    • தானும் சனிதான் என்று வெறுட்டல்  விடும் சந்திரன் . https://www.theeyota.com/2021/01/photographer-takes-once-in-lifetime.html?fbclid=IwAR02VDHLs-18XhYSZt6zKsbDqac0Wx4QAKdS2FUpxkvlT9cO7ua5p3FWuwI  
×
×
  • Create New...

Important Information

By using this site, you agree to our Terms of Use.