Jump to content

அழியும் கடல்களைக் காப்பாற்ற 30 ஆண்டுகள்! வழிகாட்டும் ஆய்வுகள்


Recommended Posts

  • கருத்துக்கள உறவுகள்

அழியும் கடல்களைக் காப்பாற்ற 30 ஆண்டுகள்! வழிகாட்டும் ஆய்வுகள்

கடலியல் ஆய்வு

எதிர்கால சந்ததிகளுக்கு ஒரு பாதுகாப்பான, எதிர்த்திறன் மிகுந்த வளம்மிக்க கடல்களை விட்டுச்செல்லப்போகிறோமா அல்லது மீட்டெடுக்கவே முடியாத மோசமான நிலையில் அவற்றைப் போட்டுவிட்டு போகப்போகிறோமா?

காலநிலை அவசரமும் அதனால் வேகமாகும் புவி வெப்பமயமாதலும், முதலில் பாதிப்பது பூமியின் கடல் பகுதிகளையும் கடல்வாழ் உயிரினங்களையும்தான். அந்தப் பாதிப்பிலிருந்து கடலையும் கடலின் சூழலியல் சமநிலையையும் 2050-ம் ஆண்டுக்குள்ளாகவே மீட்டெடுக்க முடியும் என்று சர்வதேச ஆய்வாளர்கள் சிலர் கூறுகின்றனர்.

நம்மிடம் தகவல்கள் இருக்கின்றன. அறிவு இருக்கிறது. தேவையான கருவிகளும் இருக்கின்றன. செயல்படவேண்டியது மட்டுமே பாக்கி...
பேராசிரியரும் ஆய்வாளருமான கார்லோஸ் டுவார்டே, ஆய்வுக்குவின் துணைத்தலைவர்
எதிர்கால சந்ததிகளுக்கு ஒரு பாதுகாப்பான, எதிர்த்திறன் மிகுந்த வளம்மிக்க கடல்களை விட்டுச்செல்லப்போகிறோமா அல்லது மீட்டெடுக்கவே முடியாத மோசமான நிலையில் அவற்றைப் போட்டுவிட்டு போகப்போகிறோமா என்ற கேள்வி இருந்துகொண்டேயிருக்கிறது. இதுவரை ஏற்பட்ட பாதிப்புகளைச் சரிசெய்யவே வழியின்றி நாம் விழிபிதுங்கிக்கொண்டிருக்க, இன்னொரு புறம் பெருநிறுவனங்களும் மேற்கத்திய நாட்டு மக்களும் கடல் பகுதிகளை மேன்மேலும் சீரழித்துக்கொண்டேயிருக்கின்றனர். இந்நிலையில்தான், இவை அனைத்திலிருந்தும் பெருங்கடல்களைக் காப்பாற்ற இந்த சர்வதேச ஆய்வாளர்கள் குழு திட்டம் தீட்டியுள்ளது. ஆனால், அதற்கு சில கடுமையான, நீண்டகாலத்திற்கான செயல்திட்டம் அவசியம் என்றும் கூறுகிறார்.

 

இந்த செயல்திட்டத்தை உருவாக்க உதவியது, ஹம்ப்பேக் என்றழைக்கப்படும் ஒரு திமிங்கில வகை. 1960-களில் கிட்டத்தட்ட அழியும் நிலைக்குத் தள்ளப்பட்டு, பின்னர் பல்வேறு கடினமான பாதுகாப்பு முயற்சிகளுக்குப் பிறகு, 2015-ம் ஆண்டில் மீட்டெடுக்கப்பட்டது. ஓர் உயிரினத்தைப் பாதுகாப்பது, அதன் வாழ்விடத்தை மீட்டுருவாக்குவது, மாசுபாட்டைக் குறைப்பது, பசுமை இல்ல வாயுக்களின் வெளியீட்டைக் குறைத்து, காலநிலை மாற்றத்தைக் கட்டுப்படுத்துவது போன்ற மிகப்பெரிய வேலைகள் நம்முன் இருக்கின்றன. அவற்றையெல்லாம் நாம் திட்டமிட்டு ஒவ்வொன்றாகச் செய்தாக வேண்டும்.

 

ஹம்ப்பேக் திமிங்கிலம்

 

"உலக நாடுகளின் ஒற்றுமையான செயல்பாடுகளும் பொருளாதார வளங்களை நீண்டகாலத்திற்கான நிலைத்தன்மையோடு பயன்படுத்துவதும்தான் நமக்கு வெற்றியைப் பரிசளிக்கும்!"
என்ற எச்சரிக்கையோடு அந்த ஆய்வுக்கட்டுரையை முடித்துள்ளனர்.
பெருங்கடல்களை மீட்டெடுக்கும் திட்டங்களுக்காக, ஆண்டுக்கு 10 பில்லியன் முதல் 20 பில்லியன் டாலர் வரை செலவாகும் என்று கணக்கிட்டுள்ளனர். இவ்வளவு செலவு இருந்தாலும்கூட, இதில் முதலீடு செய்யப்படும் ஒவ்வொரு டாலருக்குமே 10 டாலர்கள் திரும்பக் கிடைக்கும் என்பதையும் ஆய்வுக்குழுவினர் உறுதியாக நம்புகின்றனர்.

"நம்முடைய பேரக்குழந்தைகளின் தலைமுறைக்கு ஆரோக்கியமான கடல் மற்றும் கடல் சூழலியலை வழங்க நமக்குக் கிடைத்துள்ள அரிய வாய்ப்பு இது. நம்மிடம் தகவல்கள் இருக்கின்றன. அறிவு இருக்கிறது. தேவையான கருவிகளும் இருக்கின்றன. செயல்படவேண்டியது மட்டுமே பாக்கி..." என்று குறிப்பிட்டுள்ளார், ஆய்வுக்குழுவின் துணைத்தலைவரான கிங் அப்துல்லா அறிவியல் மற்றும் தொழில்நுட்பப் பல்கலைக்கழகத்தின் பேராசிரியரும் ஆய்வாளருமான சவுதி அரேபியாவைச் சேர்ந்த கார்லோஸ் டுவார்டே.

கார்லோஸ் டுவார்டே சொல்வதுபோல், நம் எதிர்காலத் தலைமுறைகளுக்காக கடல் சூழலியலைப் பாதுகாக்கத் தேவையான செயல்திட்டத்தை முழுவீச்சில் அமல்படுத்தாமல், அவர்களுக்கு தரமற்ற, மோசமான நிலையில் கடல்களைக் கொடுப்பது மன்னிக்க முடியாத குற்றம். நேச்சர் இதழில் தற்போது வெளியாகியுள்ள இந்த ஆய்வுக்கட்டுரை, பூமியின் கடல் வாழ்வியலை 2050-க்குள் மீட்டுருவாக்க, அழிந்துகொண்டிருப்பதை மீட்டெடுக்க என்னென்ன நடவடிக்கைகளை உடனடியாக எடுக்க வேண்டுமென்று கூறுகின்றது.

கடல்வாழ் உயிரினங்களின் எண்ணிக்கை, அவற்றின் வாழ்விடம், சுழலியல் அமைப்பு, கடந்தகாலச் சூழலியல் பாதுகாப்பு நடவடிக்கைகள், நடைமுறைச் சாத்தியமான தீர்வுகள் போன்றவற்றை அந்த ஆய்வுக்கட்டுரை பட்டியலிட்டுள்ளது. மனிதர்கள், கடந்த சில பத்தாண்டுகளாக, கடல் வாழ்வியலின் மோசமான அளவில் தலையிட்டு மாற்றியமைத்திருக்கிறோம். இருப்பினும்கூட, கடலின் சூழலியல் அதற்கு எதிராகக் குறிப்பிடத்தக்க அளவில் எதிர்த்தும் செயலாற்றியிருக்கின்றன என்பதை இந்த ஆய்வு கண்டுபிடித்துள்ளது. 124 கடல்வாழ் பாலூட்டி வகைகளின் எண்ணிக்கை 47 சதவிகிதம் அதிகரித்துள்ளது. 20-ம் நூற்றாண்டில், பூமி கடல்வாழ் உயிரினங்களை இழந்துகொண்டிருந்த வேகம், தற்போது மட்டுப்பட்டுள்ளது. கடந்த 20 ஆண்டுகளில் ஏற்பட்ட இழப்புகளிலிருந்து சில உயிரினங்கள், சில சூழலியல் முக்கியத்துவம் வாய்ந்த பகுதிகள் மீட்டெடுக்கப்பட்டுள்ளன.

உதாரணம்... 1960-களில் அழிவின் விளிம்பிலிருந்து, 2015-ம் ஆண்டின்போது மீண்டும் இயல்பு வாழ்க்கைக்குக் கொண்டுவரப்பட்ட ஹம்ப்பேக் திமிங்கிலம். சுற்றுச்சூழல் பாதுகாப்பு முயற்சிகளும் அழியும் நிலையிலுள்ள உயிரினங்களுக்கான சட்டமும் சில நூறுகளில் இருந்த இந்தத் திமிங்கிலத்தின் எண்ணிகையைத் தற்போது, பல ஆயிரங்களாக உயர உதவி புரிந்தன. அன்டார்டிகாவிலிருந்து கிழக்கு ஆஸ்திரேலியாவிற்கு இடம்பெயர்ந்து வரும் ஹம்ப்பேக் திமிங்கிலங்களின் அளவு, ஆண்டுக்கு 10 சதவிகிதம் என்ற கணக்கில் அதிகரித்துக்கொண்டிருக்கிறது. 1968-ம் ஆண்டின்போது அப்படி இடம்பெயர்ந்து சில நூறு திமிங்கிலங்களே வந்தன. தற்போது, சுமார் 40,000 திமிங்கிலங்கள் வருகின்றன.

வடக்கு நீர்நாய்கள் (Northern elephant seals), அவற்றிலிருந்து கிடைக்கின்ற இயற்கை எரிவாயுவிற்காகத் தொடர்ந்து வேட்டையாடப்பட்டன. 20-ம் நூற்றாண்டின் தொடக்கத்தில் கிட்டத்தட்ட முற்றிலுமாக அழிந்து, வெறும் 20 வடக்கு நீர்நாய்களே எஞ்சியிருந்தன. பலகட்டப் பாதுகாப்பு முயற்சிகளினால், தற்போது அவற்றின் எண்ணிக்கை 2,00,000 ஆக உயர்ந்துள்ளது. கடலின் சூழலியல் அமைப்பும் வாழ்வியலும் இப்படி மீட்டெடுக்கப்படுவதை சற்று மேலும் துரிதப்படுத்தினால், அடுத்த 30 ஆண்டுகளில் நாம் குறிப்பிடத்தக்க முன்னேற்றத்தைக் கடல் சூழலியலில் காணமுடியும் என்று ஆய்வுக்குழுவினர் வலியுறுத்துகின்றனர். உப்பளங்கள், அலையாத்திக்காடுகள், கடல் புற்கள், பவளப்பாறைகள், சிப்பிப் பாறைகள்,கடல் பாசிகள், மீன்வளம், கடல்வாழ் பேருயிர்கள் மற்றும் ஆழ்கடல் வளம் ஆகியவற்றை மீட்டெடுக்கவும் மீட்டுருவாக்கவும் நடவடிக்கைகளை மேற்கொண்டால், கடல் பகுதிகளை நாம் மீட்டுருவாக்கிவிட முடியும்.

 

இவற்றை மீட்டெடுக்க, சில நடவடிக்கைகளை மேற்கொள்ள வேண்டும். அவை, புத்திசாலித்தனமாகத் திட்டமிட்டு கடல் தாவரங்களை அறுவடைசெய்தல், அவற்றுக்குத் தேவையான இடத்தை ஒதுக்கிப் பாதுகாத்தல், வாழ்விடங்களை மீட்டுருவாக்குதல், மாசுபாட்டைக் குறைத்தல், காலநிலை மாற்றத்தைக் கட்டுப்படுத்த பசுமை இல்ல வாயுக்களின் வெளியீட்டைக் குறைத்தல். கடல் வாழ்வியலை, அதன் சூழலியல் சமநிலையை மீண்டும் கட்டமைப்பது என்பது, மனித இனத்தின் முன் நிற்கக்கூடிய ஒரு மிகப்பெரிய சவால்தான். ஆனாலும், சாத்தியமற்ற காரியம் கிடையாது. நிலைத்தன்மையுடைய எதிர்காலத்திற்கான புத்திசாலித்தனமானதொரு பொருளாதாரத் திட்டமாகவும் இதை நாம் கருதலாம். அத்தகைய பலன்களை இந்த மீட்டுருவாக்கம் நமக்கு எதிர்காலத்தில் கொடுக்கும்.

பவளப்பாறைகள்

 

இந்த நடவடிக்கைகளை மக்கள் தங்கள் வாழ்வாதாரத்தை மேம்படுத்திக்கொள்ளக்கூடிய வாய்ப்பாக, நலன்களாக வடிவமைக்க வேண்டும். இதன்மூலம், பூமிக்கும் மக்களுக்கும் நன்மை பயக்க வேண்டும். திட்டமிட்டபடி, இந்த நடவடிக்கைகளை மக்களின் உதவியோடு முன்னெடுத்தால், ஏற்பட்டிருக்கும் சேதங்களை, கடல் வாழ்வியலை ஒரேயொரு மனிதத் தலைமுறைக்குள்ளாகவே, அதாவது அடுத்த 30 ஆண்டுகளுக்கு உள்ளாகவே நம்மால் சரி செய்துவிட முடியும். வெப்பமண்டலங்களில் அமைந்துள்ள பவளங்களை மீட்டெடுப்பதில் தற்போதைய காலநிலை மாற்றம் பெரும் சிக்கலை ஏற்படுத்தியுள்ளது. ஆகவே, அவற்றை முற்றிலுமாகச் சரிசெய்ய முடியாமல் திணறுகிறோம். இந்நிலையில், இந்த செயல்திட்டத்தை சாத்தியப்படுத்த வேண்டுமெனில், நாம் இன்னொரு சிக்கலையும் சரிசெய்தாக வேண்டும். நேச்சர் ஆய்விதழில் வெளியாகியுள்ள இந்த சர்வதேச செயல்திட்டம் சாத்தியப்பட வேண்டுமெனில், அதற்கு நாம் பாரீஸ் உடன்படிக்கையில் குறிப்பிடப்பட்டுள்ள இலக்குகளை அடைந்தாக வேண்டும். அப்போதுதான் இது சாத்தியப்படும்.

காலநிலை மாற்றத்தைக் கட்டுக்குள் கொண்டுவர, சர்வதேச அளவில் இந்தப் பாரீஸ் உடன்படிக்கை, 2015-ம் ஆண்டு முதன்முதலில் கையெழுத்திடப்பட்டது. புவியின் தட்பவெப்பநிலை மேலும் 2 டிகிரி செல்ஷியஸுக்கும் மேலாக அதிகரிக்காமல் தடுக்க வேண்டுமென்று முடிவுசெய்தது. அதேநேரம், இருக்கின்ற வெப்பநிலையை 1.5 டிகிரி செல்ஷியஸுக்கு உள்ளாகவே வைக்க வேண்டுமென்றும் வலியுறுத்தப்பட்டது.

2017-ம் ஆண்டு ஜூன் மாதம், அமெரிக்க அதிபர் ட்ரம்ப், இரண்டாவது பெரிய பசுமைஇல்ல வாயு வெளியீட்டாளரான அமெரிக்கா-பாரீஸ் உடன்படிக்கையிலிருந்து வெளியேறுவதாக அறிவித்தார். இந்நிலையில், தற்போதைய நிலவரப்படி சமீபத்திய மாநாடுகளில் புவி 1.5 டிகிரியைக் கடந்து வெப்பமடைந்துகொண்டிருப்பது உறுதிசெய்யப்பட்டுள்ளது. பூமியின் 25 சதவிகிதப் பகுதிகளில் வெப்பநிலை வேகமாக அதிகரித்துக்கொண்டேயிருக்கிறது.

 

அழியும் கடல் சூழலியல்

 

காலநிலை மாற்றத்திற்கு எதிரான நான்கு இலக்குகளை பாரீஸ் உடன்படிக்கை நிர்ணயித்தது.

புவியின் வெப்பநிலை 2 டிகிரிக்கு மேல் அதிகரிக்காமல் பார்த்துக்கொள்வது.

வெப்பநிலை 1.5 டிகிரிக்கும் கீழே குறைய, கட்டுப்படுத்த செயல்பட வேண்டும். அதுவே, காலநிலை மாற்றத்தின் பாதிப்புகளை, இழப்புகளைக் குறைக்கும் என்று கூறப்பட்டது.

அதைச் சாத்தியப்படுத்த, அரசுகள் சர்வதேச அளவிலான பசுமை இல்ல வாயு வெளியீட்டை முடிந்த அளவுக்குக் குறைக்க வேண்டும். இதற்கு, சில காலம் தேவைப்படும் என்றாலும், செய்வோம் என்று பாரீஸ் உடன்படிக்கையில் உலக நாடுகள் கையெழுத்திட்டன.

அதேநேரம், விரைவாக வெப்பநிலையைக் குறைக்க என்னென்ன செய்ய வேண்டுமென்று கண்டுபிடிக்கத் தேவையான காலநிலை மாற்றம் குறித்த ஆய்வுகளையும் மேற்கொள்ள வேண்டும்.

இந்த இலக்குகளில் ஒன்றைக்கூட முழுமையாக உலக நாடுகள் பின்பற்றவில்லை. கரிம வெளியீடு அதிகரித்துக்கொண்டேயிருக்கிறது. கடல் அமிலமயமாதல் அதிகரித்துக்கொண்டேயிருக்கிறது. புவியின் வெப்பநிலை, நிர்ணயிக்கப்பட்ட அளவைக் கடந்து அதிகரித்துக்கொண்டிருக்கிறது. இதையெல்லாம் கட்டுப்படுத்த, பாரீஸ் உடன்படிக்கையில் நிர்ணயிக்கப்பட்ட ஒரேயொரு இலக்கையாவது முழுமையாக சாத்தியப்படுத்தினாலே கிட்டத்தட்ட போதுமானது. பசுமை இல்ல வாயுக்களின் வெளியீட்டை இயன்ற அளவுக்குக் குறைத்தாலே, வெப்பநிலையை கட்டுக்குள் கொண்டுவர முடியும். அப்போது, கடல் சூழலியலை மீட்டுருவாக்க, சர்வதேச ஆய்வுக்குழு அமைத்துக்கொடுத்துள்ள இந்தச் செயல்திட்ட வடிவமும் முழுவீச்சில் பலன் கொடுக்கும்.

உலக நாடுகளும் அதில் வாழும் மக்களும், ஒரு குறிப்பிட்ட இலக்கை நோக்கி ஒற்றுமையாக ஓடினால் மட்டுமே இதில் வெற்றி கிடைக்கும். அத்தகைய இலக்காக முதலில் இருக்கவேண்டியது பாரீஸ் உடன்படிக்கைதான். அதற்கு, போதுமான பொருளாதார வளங்களும் தேவைப்படுகிறது. சூழலியல், பொருளாதார, சமூக நலன்களை உள்ளடக்கிய திட்டத்தை அதற்கு வடிவமைக்க வேண்டியது அவசியம். அதுவே, பொருளாதாரப் பலன்களை நல்குவதோடு, சமூக மற்றும் சூழலியல் நன்மைகளையும் செய்யும். அதன்மூலம் சுற்றுச்சூழலும் மீட்டுருவாக்கப்படும், அதைச் சார்ந்து வாழும் மக்கள் சமூகங்களும் பலனடையும்.

இந்த ஆய்வு, 4 கண்டங்களில் ஆய்வு செய்துகொண்டிருந்த, 10 நாடுகளைச் சேர்ந்த உலகின் மிக முக்கியமான கடலியல் ஆய்வாளர்களை ஒன்றிணைத்தது. அதையே உலக அரசுகள் மத்தியிலும் செய்யும் என்று நம்புவோம்.

https://www.vikatan.com/government-and-politics/environment/its-not-too-late-for-us-to-save-the-oceans-says-scientists?artfrm=v3

 

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • யூதனுடன் ஒப்பிட்டு பேசுமளவுக்கு எம்மிடம் எதுவும் இருப்பதாக தெரியவில்லை. அப்படி என்றால் எப்போதோ எங்கோ போயிருப்போம்.  80 இல் ஓடியவர்கள் யார் என்று ஓடினவர்கள்தான் சொல்ல வேண்டும். நாங்கள் இன்னும் இந்த மண்ணை விட்டு ஓடிப்போகவில்லை. ஓடப்போவதுமில்லை. உங்கள் நம்பிக்கை வீண் போகாதவரைக்கும் சந்தோசம்தான்.
    • ஜெனிவாவில் இரட்டை நன்மை : நா.உறுப்பினர் சுமந்திரன் வீரகேசரி வார வெளியீட்டுக்குப் பிரத்தியேக செவ்வி .. !   'புதிய பிரேரணையை இலங்கை நிராகரித்தால் அதன் சர்வதேச உறவில் முறிவுகள் ஏற்படும்' வடமாகாண சபையின் ஐ.நா.வுக்கான தீர்மானம் இனப்படுகொலையை வலியுறுத்தவில்லை' சர்வஜன வாக்கெடுப்பைக் கோருவதானது முரண்பாடான விடயமாகவே இருக்கும். குறைந்தபட்ச சாத்தியப்பாடுகளுடனனேயே குற்றவியல் நீதிமன்றுக்கான முயற்சி. ஐ.நா. மனித உரிமைகள் பேரவையின் அடுத்த மார்ச் மாதக் கூட்டத்தொடரில் இலங்கையின் பொறுப்புக்கூறல் விடயத்தினை மீள எடுப்பதால் அதனை உயரிய இடங்களுக்கு கொண்டு செல்வதற்கான வாய்ப்புக் கிடைப்பதோடு, பேரவையினுள் இலங்கை பற்றிய புதிய தீர்மானமும் தடையின்றி நிறைவேற்றப்பட்டு சர்வதேச மேற்பார்வை தொடர்ந்தும் நீடித்திருக்கும் நிலை ஏற்படுகின்றது. இது எமக்கு இரட்டை நன்மையை அளிக்கின்றது என்று தமிழ்த் தேசியக் கூட்டமைப்பின் ஊடகப்பேச்சாளரும் , யாழ்.மாவட்ட பாராளுமன்ற உறுப்பினருமான ஜனாதிபதி சட்டத்தரணி எம்.ஏ.சுமந்திரன் வீரகேசரி வாரவெளியீட்டுக்கு வழங்கிய பிரத்தியேக செவ்வியின் போது குறிப்பிட்டார் . அச்செவ்வியின் முழுவடிவம் வருமாறு: கேள்வி : - தமிழ்த் தேசியப் பரப்பில் உள்ள மூன்று கூட்டுக்கள் ஒன்றிணைந்து ஜெனிவா மனித உரிமைப் பேரவை உறுப்பு நாடுகளுக்கு அனுப்பி வைத்துள்ள கடிதத்தில் தமிழ்த் தேசியக் கூட்டமைப்பு இதுவரையில் பின்னடித்த விடயங்கள் சிலவற்றை பகிரங்கமாக ஏற்றுக்கொண்டிருக்கின்றதே ? பதில் : - கூட்டமைப்பு பின்னடித்த விடயங்கள் என்று எதனைக் குறிப்பிடுகின்றீர்கள்? கேள்வி : - இனப்படுகொலை நடைபெற்றமை மற்றும் பொறுப்புக்கூறல் விடயத்தினை சர்வதேச குற்றவியல் நீதிமன்றத்திற்கு பாரப்படுத்தல் உள்ளிட்ட விடயங்களைத்தான் கூறுகின்றேன் ? பதில் : - அவ்வாறில்லை. ‘நான் 2013 ஆண்டில் முதன்முதலாக முள்ளிவாய்க்காலில் நடைபெற்றது ஒரு ' இனப்படுகொலை’ என்று குறிப்பிட்டு இலங்கைப் பாராளுமன்றத்திலே உரையாற்றியிருந்தேன் . அது பகிரங்கமாக கூறப்பட்டதொன்றுதானே. கேள்வி : - நீங்கள் பாராளுமன்றத்தில் குறிப்பிட்டிருந்தாலும் ஐ.நா.மனித உரிமைகள் பேரவையில் அல்லது தீர்மானங்களில் இனப்படுகொலை என்பதை வலியுறுத்தவில்லையல்லவா ? பதில் : - முதன் முதலாக 2011 ஆண்டு மார்ச் 31 ஆம் திகதி ஐ.நா செயலாளர் நாயகத்தின் ஆணையின் பிரகாரம் இலங்கை பற்றிய மூன்று நிபுணர்கள் குழுவின் அறிக்கை வெளியிடப்பட்டது . செயலாளர் நாயகம் அந்த அறிக்கையை செப்டெம்பரில் ஐ.நா.மனித உரிமைகள் பேரவைக்கு அனுப்பி வைத்திருந்தார் . அந்த அறிக்கையில் 'இனப்படுகொலை' என்ற சொற்பதம் பயன்படுத்தப்படவில்லை. ‘துன்புறுத்தல்கள்' என்ற சொற்பதமே உள்ளது . அதில் ‘இனப்படுகொலை' என்ற சொற்பதத்தினை பயன்படுத்தாமை தொடர்பில் நாம் நீண்ட நேரம் அவர்களுடன் விவாதித்தோம். அச்சமயத்தில் , ‘இனப்படுகொலை' என்பதற்கான 'நோக்கு' மற்றும் '’குற்றவியல்” ரீதியான குற்றச்சாட்டை நிரூபிப்பதற்கான ஆதாரங்கள் இல்லாமை, அத்துடன் ' கட்டமைக்கப்பட்ட இனப்படுகொலை' என்பது நீண்டகாலமாக நடைபெறுவதால் அதனைக் குறிப்பிட்டு கூறி உள்ளீர்க்க முடியாமை தொடர்பில் எமக்கு தெளிவு படுத்தினார்கள். 2012 ஆம் ஆண்டில் ஐ.நா.மனித உரிமைகள் பேரவையானது , ' பிரகடனத் தீர்மானத்தினையே ' செய்தது . அதன் பின்னர் 2012 , 2013 ஆம் ஆண்டுகளில் நிறைவேற்றப்பட்ட தீர்மானங்கள் கற்றுக்கொண்ட பாடங்கள் மற்றும் நல்லிணக்க ஆணைக்குழுவின் சிபார்சுகளை நடைமுறைப்படுத்துமாறே குறிப்பிட்டிருந்தன. அரசாங்கம் அதனை முன்னெடுக்காததன் காரணத்தினாலேயே 2014 இல் ஐ.நா.மனித உரிமைகள் பேரவை உயர்ஸ்தானிகரின் அலுவலகம் மூலமாக சர்வதேச விசாரணையொன்றை மேற்கொள்வதற்கு பரிந்துரைக்கப்பட்டது . அந்த தீர்மானத்திற்கு அமைவாகவே விசாரணைகள் மேற்கொள்ளப்பட்டு இலங்கை பற்றி ஐ.நா.மனித உரிமைகள் உயர்ஸ்தானிகருடைய அவலுவலகத்தினால் விசாரணை அறிக்கை 2015 செப்டெம்பர் 16 ஆம் திகதி ஜெனிவாவில் வெளியிடப்பட்டது . இதிலும் ' இனப்படுகொலை' என்ற சொற்பதம் பயன்படுத்தப்படவில்லை. குறித்த அறிக்கை வெளியிடப்பட்டபோது, பத்திரிகையாளர் ஒருவர் இனப்படுகொலை என்ற சொற்பதம் இடம்பெறாமை குறித்துக் கேள்வி எழுப்பிய சமயம் உயர்ஸ்தானிகர் இளவரசர் செய்ட் ராட் அல் ஹசைன் , "போதுமான ஆதரங்கள் இல்லாமையாலேயே அச்சொற்பதத்தினை பயன்படுத்தவில்லை" என்று குறிப்பிட்டார் . நாம் சமூகவியல் சார்ந்து இனப்படுகொலை என்று குறிப்பிட்டாலும் குற்றவியல் அடிப்படையில் அதற்கான சான்றுகள் அப்போது போதுமானதாக இருக்கவில்லை. கேள்வி : - 2015 ஆம் ஆண்டு நிறைவேற்றப்பட்ட 30/1 தீர்மானத்திலும் அவ்விடயம் இருக்கவில்லையே ? பதில் : - 2015 ஆம் ஆண்டு நிறைவேற்றப்பட்ட 30/1 தீர்மானம் இலங்கை அரசாங்கத்தினது இணை அனுசரணையைப் பெற்றுக்கொண்டதாகும் . ஏற்கனவே 'இனப்படுகொலை' என்ற சொற்பதத்தினை பயன்படுத்துவதில் உள்ள நிலைமைகளை நாம் புரிந்து கொண்டிருந்தோம். முன்னதாக வெளியான ஐ.நா.வின் இரண்டு அறிக்கைகளில் அச்சொற்பதம் பயன்படுத்தப்பட்டிருக்கவில்லை. அவ்வாறான நிலையில் அச்சொற்பதத்தினைப் பயன்படுத்திவிட்டு பின்னர் அதனை நிரூபிக்க முடியாது போனால் அது எமக்குப் பலத்த பின்னடைவுகளையே ஏற்படுத்தும். அதன் காரணத்தினால்தான், நாம் இனப்படுகொலை , மனிதாபிமானச் சட்ட மீறல்கள், துன்புறுத்தல்கள், போர்க்குற்றங்கள், மனித உரிமைகளுக்கு எதிரான குற்றங்கள் என்று தனித்தனியாக வகைப்படுத்தாது பொதுவாக 'சர்வதேசச் சட்ட மீறல்கள்' என்ற சொற்பதத்தினை ஒரு 'உத்தியாக' பயன்படுத்தி இருந்தோம் . கேள்வி : - சட்ட நுட்பங்கள் அறிந்தவரான நீதியரசர் சி.வி.விக்னேஸ்வரன் முதலமைச்சராக இருந்து வடக்கு மாகாண சபையில் 2015 பெப்ரவரி 10 இல் நிறைவேற்றப்பட்ட தீர்மானத்தில் இனப்படுகொலைச் சொற்பதம் பயன்படுத்தப்பட்டுள்ளதே ? பதில் : - அந்தத் தீர்மானத்தினை அனைவரும் இனப்படுகொலைத் தீர்மானம் என்றே கூறுகின்றார்கள் . அந்த தீர்மானத்தின் இறுதிப்பகுதியை மிகக் கவனமாக அவதானித்தால் , அதில் 'கட்டமைக்கப்பட்ட இனப்படுகொலை' என்றே குறிப்பிடப்பட்டுள்ளது. அதுமட்டுமன்றி, 'கட்டமைக்கப்பட்ட இனப்படுகொலை’ என்பது 'சர்வதேச குற்றங்களில் ஒன்றாக இன்னமும் ஏற்றுக்கொள்ளப்படவில்லை', ஆகவே அது வருங்காலத்தில் ஏற்றுக்கொள்ளப்பட வேண்டும் என்றே அத்தீர்மானம் நிறைவடைகிறது . அந்த தீர்மானம் இலங்கையில் நடந்தது 'சர்வதேச குற்றங்கள் இல்லை' என்ற செய்தியையே ஐ.நா.வுக்கு வழங்கியுள்ளது . அவ்விதமான எமது பலவீனங்களை எடுத்துக் காட்டும் வகையிலும் மக்களுக்கு நன்மை கிடைக்காத முறையிலும் நாம் செயற்படவில்லை. கேள்வி : - நீண்டகாலமாக இலங்கையை சர்வதேச குற்றவியல் நீதிமன்றத்திற்கு கொண்டு செல்ல முடியாது என்று கூறிவந்த நீங்கள் பொது ஆவணத்தில் அவ்விடயம் உள்வாங்கப்படுவதற்கு எவ்வாறு இணக்கம் தெரிவித்தீர்கள் ? பதில் : - கடந்த 10 வருடங்களாக மனித உரிமைகள் பேரவை ஊடான முயற்சியில் பொறுப்புக்கூறல் செய்யப்படவில்லை . கடந்த ஐந்து வருடங்களில் ஆட்சியில் இருந்த அரசாங்கம் ஐ.நா.தீர்மானத்திற்கு இணை அனுசரணை வழங்கி வாக்குறுதிகளை அளித்தாலும் உள்நாட்டில் எந்தவிதமான முன்னேற்றகரமான செயற்பாடுகளையும் முன்னெடுக்கவில்லை . பொறுப்புக்கூறல் விடயத்தில் ஐ.நா.மனித உரிமைகள் பேரவையின் தீர்மானங்கள் நாடுகளை கட்டுப்படுத்தாது . சம்பந்தப்பட்ட நாடு இணங்கினால் மட்டுமே பொறுப்புக்கூறல் தொடர்பாக நிறைவேற்றப்படும் தீர்மானத்தினை நடைமுறைப்படுத்தலாம் . அதுவே மனித உரிமைகள் பேரவையின் அமைப்பு முறைமையாகும் . அந்த அடிப்படையில் தற்போதைய அரசாங்கம் கடந்த செப்டம்பர் கூட்டத்தொடரில் ஐ.நா.தீர்மானத்தினை ஏற்றுக்கொள்ளப்போவதில்லை என்று அறிவித்து விட்டது . அதன் பின்னர் , பொறுப்புக்கூறல் விடயத்தினை மனித உரிமைகள் பேரவையில் வைத்திருப்பதால் பயனில்லை . ஆகவே தான் அதனை அங்கிருந்து மீளெடுத்து சர்வதேச குற்றவியல் நீதிமன்றம் நோக்கி கொண்டு செல்ல வேண்டியுள்ளது . கேள்வி : - இலங்கையின் பொறுப்புக்கூறல் விடயத்தினை சர்வதேச குற்றவியல் நீதிமன்றத்திற்கு கொண்டு செல்வதற்கு முடியும் என்ற நம்பிக்கை உங்களிடத்தில் உள்ளதா ? பதில் : - சர்வதேச குற்றவியல் நீதிமன்றத்திற்கு கொண்டு செல்வதற்கு மூன்று வழிகளே உள்ளன . முதலாவது , ' ரோம் ' சாசனத்தில் சம்பந்தப்பட்ட நாடு கைச்சாத்திட்டிருக்க வேண்டும் . ஆனால் இலங்கை அதில் கையொப்பமிடவில்லை . இரண்டாவது , சம்பந்தப்பட்ட நாடு இணங்கி குற்றவியல் நீதிமன்றப் பொறிமுறைக்கு முகங்கொடுக்க வேண்டும் . இலங்கை அவ்விதமான இணக்கத்தை ஒருபோதும் தெரிவிக்கப்போவதில்லை . மூன்றாவது ஐ.நா.பாதுகாப்புச் சபையின் ஊடாக பரிந்துரைக்கப்பட வேண்டும் . இதுவொன்றே எமக்குள்ள ஒரேவழியாகும் . ஆனால் இதில் வீட்டோ அதிகாரத்தினைக் கொண்டுள்ள ரஷ்யா , சீனா இலங்கையை காப்பாற்றும் என்பதே எனது தர்க்கமாகும் . ஆனால் பல சந்தர்ப்பங்களில் இவ்விதமான விடயங்களில் சீனா வீட்டோவை பயன்படுத்தாது இருந்துள்ளதாக பொது ஆவணத் தயாரிப்பு கலந்துரையாடல்களின் போது எனது நிலைப்பாட்டுக்கு எதிரான தர்க்கங்கள் முன்வைக்கப்பட்டுள்ளன . ஆகவே சர்வதேச குற்றவியல் நீதிமன்றம் சாத்தியமில்லை என்று எதிர்மறையாக சிந்திப்பதை விடவும் ஒரு சதவீதமேனும் உள்ள சாத்திய வழியில் முயற்சித்துப்பார்ப்போம் என்ற நிலைப்பாடு உடையவர்களின் முயற்சிக்கும் கருத்துக்கும் குறுக்கே நிற்பதற்கு நான் விரும்பவில்லை . அதனாலேயே சம்மதம் தெரிவித்தேன் . அவ்விதமான முயற்சி வெற்றி பெற்றால் அதனை மனதார வரவேற்கும் முதல் நபரும் நானே . கேள்வி : - மனித உரிமைகள் பேரவையில் இருந்து பொறுப்புக்கூறல் விடயம் மீள எடுக்கப்படும் பட்சத்தில் அடுத்த கட்டச் செயற்பாடுகள் என்ன ? பதில் : - பொறுப்புக்கூறல் மீளவும் எடுக்கப்பட்டு அதனை மீண்டும் ஐ.நா.செயலாளர் நாயகத்திடம் அனுப்புமாறு ஐ.நா.மனித உரிமைகள் பேரவையின் உயர்ஸ்தானிகரைக் கோரியுள்ளோம் . ஏனென்றால் அவரே இலங்கை விடயத்தினை மனித உரிமைகள் பேரவைக்கு 2011 இல் அனுப்பி வைத்தவர். அவர் அனுப்பி வைத்த விடயம் பத்து ஆண்டுகளாக எந்த முன்னேற்றத்தினையும் எட்டவில்லை என்ற செய்தியையும் அவருக்கே மீள அனுப்பி வைப்பதன் ஊடாக தெரிவிக்க முடியும் . மேலும் மனித உரிமைகள் பேரவையாலோ அல்லது உயர்ஸ்தானிகராலோ இந்த விடயத்தினை நேரடியாக சர்வதேச குற்றவியல் நீதிமன்றத்திற்கு பாரப்படுத்த முடியாது . ஆகவே செயலாளர் நாயகத்திடம் அனுப்பி வைக்கப்பட்டதன் பின்னர் பொதுச்சபையில் இந்த விடயத்தினை விவாதித்துத் தீர்மானம் எடுத்தே அவரால் சாத்தியமான பொறிமுறைகளில் ஒன்றைப் பரிந்துரைக்கலாம். உதாரணமாக, கூறுவதென்றால் பாதுகாப்புச் சபை ஊடாக சர்வதேச குற்றவியல் நீதிமன்றத்திற்கும் அவரால் அனுப்பபடலாம். அல்லது , சிரியா விடயத்திற்காகப் பொதுச்சபையால் உருவாக்கப்பட்ட சாட்சியங்களை சேகரிக்கும் பொறிமுறையைப் போன்றதொரு கட்டமைப்பை உருவாக்கலாம் . நாம் அனுப்பி வைத்துள்ள ஆவணத்தில் சிரியாவை ஒத்தபொறிமுறையை உதாரணமாகக் கூறியுள்ளமைக்கு காரணம் என்னவென்றால், பொறுப்புக்கூறல் விடயத்தினை நீதிமன்றப் படிமுறைக்குள் கொண்டு செல்வதற்காகவே. அவ்விதம் பரிந்துரைக்கும் கட்டமைப்பு செயற்படுவதற்காக ஒருவருட கால அவகாசம் வழங்க முடியும் என்றும் குறிப்பிட்டுள்ளோம் . கேள்வி : - இதில் மியன்மார் பொறிமுறைகள் ஒரு உதாரணமாக உள்ளீர்க்காமைக்கான காரணம் என்ன ? பதில் : - மியன்மார் விடயத்தில் ஐ.நா.மனித உரிமைகள் பேரவையே அந்தப் பொறிமுறையை உருவாக்கியுள்ளது . நாங்கள் இலங்கையின் பொறுப்புக்கூறல் விடயத்தினை மனித உரிமைகள் பேரவையிலிருந்து மீள எடுப்பதற்கான கோரிக்கையை முதலில் விடுத்துவிட்டு பின்னர் அதே ஆவணத்தில் மனித உரிமை பேரவையினால் பரிந்துரைக்கப்பட்ட பொறிமுறையை கோருவதானது முன்னுக்குப்பின் முரண்பாடாக இருக்கும் என்பதால் தான் அப்பொறிமுறையை உள்வாங்கவில்லை . கேள்வி : - இலங்கை அரசாங்கம் ஐ.நா.மனித உரிமைகள் பேரவையின் மார்ச் மாத தீர்மானத்திற்கு இணை அனுசரணை வழங்க முடியாதென கூறியுள்ளதே ? பதில் : - ஐ.நா.மனித உரிமைகள் பேரவையின் இணை அனுசரணை நாடுகள் இறுதி தருணத்திலும் இலங்கை அரசாங்கத்தினை மார்ச் மாதம் நிறைவேற்றவுள்ள தீர்மானத்திற்கு அனுசரணை அளிக்குமாறு கோரியிருந்தன . எனினும் இலங்கை அரசாங்கம் அதற்கு மறுப்பு தெரிவித்து விட்டது . அது உண்மையிலேயே எமக்கு சாதகமான விடயம்தான் . ஏனென்றால் இலங்கை அரசாங்கம் அனுசரணை வழங்குவதாக இணை அனுசரணை நாடுகளிடத்தில் சம்மதம் தெரிவித்திருந்தால் அரசாங்கம் விரும்புகின்ற வகையிலேயே நிறைவேற்றப்படும் தீர்மானம் அமைந்திருப்பதற்கே அதிக சாத்தியங்கள் இருந்தன . அத்தோடு இம்முறை பாதிக்கப்பட்ட எமது தரப்புக்கு சாதகமான நிலைமைகள் ஐ.நா.மனித உரிமைப் பேரவையில் இல்லை. பொறுப்புக்கூறல் பரிந்துரைகளுடன் இலங்கை தொடர்பில் புதிய தீர்மானம் ஒன்றைக் கொண்டுவந்து நிறைவேற்றுவதே மிகச் சவாலான விடயமாகவே உள்ளது . குறிப்பாக பொறுப்புக்கூறலுடன் கொண்டுவரப்படும் தீர்மானத்தின் மீதான வாக்கெடுப்பு நடைபெறும் தருணத்தில் அதற்கு ஆதரவாக உறுப்பு நாடுகளின் வாக்குகளை பெற்றுக்கொள்வது மிகவும் கடினமான விடயமாக இருக்கின்றது . ஆனால் , இலங்கையின் பொறுப்புக்கூறல் விடயத்தினை நாம் பேரவையிலிருந்து மீள எடுக்கும் கோரிக்கையை முன்வைத்திருப்பதன் மூலம் , இலங்கை தொடர்பான பிரேரணையை நிறைவேற்றும் நாடுகளுக்கும் நன்மையே ஏற்பட்டுள்ளது . அதாவது பொறுப்புக்கூறல் விடயங்கள் இல்லாத தீர்மானமொன்றை நிறைவேற்றுவதற்காக உறுப்பு நாடுகளின் ஆதரவினைப் பெறுவதில் கடினமான நிலைமைகள் இருக்கப்போவதில்லை. அவை தயக்கங்களையும் தெரிவிக்காது . ஆகவே ஐ.நா.மனித உரிமைகள் பேரவையில் எமக்கு இம்முறை இரட்டை நன்மையே ஏற்படப்போகின்றது . முதலாவது பொறுப்புக்கூறல் விடயத்தினை ஐ.நா. மனித உரிமைப் பேரவையிலிருந்து மீள எடுத்து உயரிய இடங்களுக்கு கொண்டு செல்வதற்கான வாய்ப்புக் கிடைக்கிறது . இரண்டாவது , இலங்கை பற்றிய தீர்மானமும் தடையின்றி மனித உரிமைகள் பேரவையில் நிறைவேற்றப்பட்டு சர்வதேச மேற்பார்வையுடன் தொடர்ந்தும் உயிர்ப்புடன் இருக்கவுள்ளது . கேள்வி : - இலங்கை அரசாங்கம் எதிர்வரும் மார்ச் மாதத்தில் ஐ.நா.வில் நிறைவேற்றப்படவுள்ள தீர்மானத்தினையும் நிராகரித்தால் என்னவாகும் ? பதில் : - இலங்கை அரசாங்கம் அவ்வாறு கூறினாலும் கடந்த ஐ.நா.தீர்மானத்திற்கு அமைய உருவாக்கப்பட்ட நிலைமாறுகால நீதிக்கான சில கட்டமைப்புக்களை இன்மும் வைத்திருக்கின்றன. அவற்றை வினைத்திறனாகச் செயற்பட இடமளிக்காது விட்டாலும் ஐ.நா.விற்கு காண்பிப்பதற்காக அவ்வாறே வைத்துள்ளன. மேலும் இம்முறை இலங்கைக்கான பொறுப்புக்கூறல் விடயம் இல்லாத தீர்மானத்தினை இலங்கை அரசாங்கம் நிராகரிப்பதற்கு எந்தவிதமான நியாயங்களும் இல்லை. அவ்வாறு நிராகரிக்கின்றபோது , ஒரே நேரத்தில் மேற்குலநாடுகள் உள்ளிட்ட முக்கியமான நாடுகளைப் பகைத்துக்கொள்ள அல்லது இருதரப்பு உறவுகளை முறித்துக்கொள்ள வேண்டிய நிலைமையே ஏற்படும் . அவ்விதமான நிலைப்பாடொன்றை இந்த அரசாங்கம் எடுப்பதற்கு விரும்பாது . கேள்வி : - வடக்கு, கிழக்கில் சர்வஜன வாக்கெடுப்புக் கோரிக்கையை ஐ.நா.வுக்கான பொது ஆவணத்தில் நீங்கள் உள்ளீர்க்க விரும்பாமைக்கான காரணம் என்ன ? பதில் : - தமிழ்த் தேசியக் கூட்டமைப்பும் சரி , ஐ.நா.வுக்கான பொது ஆவணத்தில் கையொப்பமிட்ட ஏனைய கூட்டுக் கட்சிகளாக இருந்தாலும் சரி, ஐக்கிய இலங்கைக்குள்ளேயே இனப்பிரச்சினைக்கான தீர்வு காணப்பட வேண்டும் என்பதில் உறுதியாக இருக்கின்றன . அதேநேரம் , அதிகாரங்கள் அதியுச்சமாக பகிரப்பட வேண்டும் என்பதிலும் மாற்றுக்கருத்திற்கு இடமில்லை. சர்வஜன வாக்கெடுப்பு என்பது பிரிந்து செல்லுதலை மையப்படுத்தியதாகும் . அதிகாரப்பகிர்வினைக் கோரும் ஒவ்வொரு சந்தர்ப்பத்திலும் சிங்களத் தரப்புக்கள் நாட்டை பிரிக்கப்போகின்றோம் என்றே பிரசாரம் செய்கின்றன . அவ்வாறான நிலையில் சர்வஜன வாக்கெடுப்பையும் கோரினால் அவர்கள் செய்யும் பிரசாரம் உண்மையாகிவிடும். மேலும் நாமும் ஐக்கிய இலங்கைக்குள் தீர்வு என்று பல சந்தர்ப்பங்களில் தெரிவித்தமையும் பொய்யாகிவிடும். எனவே அவ்விடயம் உள்ளீர்க்கப்படவில்லை. கேள்வி : - இறுதியாக , ஆணைக்குழுக்களின் அறிக்கைகளை மீளாய்வு செய்வதற்காக ஜனாதிபதியால் பிறிதொரு குழு நியமிக்கப்பட்டுள்ளமையை எவ்வாறு பார்க்கின்றீர்கள் ? பதில் : - ஜெனிவா கூட்டத்தொடர் நெருங்கி வரும் நிலையில் அரசாங்கத்திற்கு ஏற்பட்டுள்ள அச்சம் காரணமாகவே தற்போது இவ்விதமான குழுவை நியமித்து சர்வதேசத்திற்கு போலியானதொரு தோற்றப்பட்டை வெளிப்படுத்த முனைகின்றது . அந்தக் குழுவை நாம் எள்ளளவும் நம்பவில்லை . அதுவெறுமனே கண்துடைப்புச் செயற்பாடாகும் . இதனை சர்வதேச நாடுகளும் நன்கு அறியும் . - வீரகேசரி பத்திரிகை -    
    • “உன்னைத்திருத்து, உலகம் தானே திருந்தும்”… https://www.facebook.com/pragash001/videos/10157638989486056
×
×
  • Create New...

Important Information

By using this site, you agree to our Terms of Use.