Sign in to follow this  
உடையார்

கொரோனாவைப் பரப்பும் கழிவறைகள்... கவனம் செலுத்தவேண்டிய விஷயங்கள்! - மருத்துவர் அலெர்ட்

Recommended Posts

கொரோனாவைப் பரப்பும் கழிவறைகள்... கவனம் செலுத்தவேண்டிய விஷயங்கள்!  - மருத்துவர் அலெர்ட்

இதுவரை கை சுத்தம், முகக்கவசம், சமூக இடைவெளியில் மட்டுமே கவனம் செலுத்திவரும் நாம், இனி தினமும் உபயோகப்படுத்தும் கழிவறையிலும் கவனம் செலுத்தவேண்டிய நேரமிது!

``காய்ச்சல், வறட்டு இருமல், தலைவலி, உடல் சோர்வு, இறுதியாக மூச்சுத்திணறல்!" - இவையே கோவிட்-19 கொரோனா வைரஸ் தாக்குதலின் அறிகுறிகளாகக் கேள்விப்பட்டிருப்போம்.

ஆனால், ஒருவருக்கு கொரோனா தொற்று ஏற்பட்ட 5 அல்லது 6-ம் நாளில், அவருக்கு கடுமையான வயிற்றுப்போக்கு ஏற்படுவதாக ஆய்வின் மூலம் கண்டறியப்பட்டுள்ளது. எனவே, வயிற்றுப்போக்கும் கொரோனா தொற்றின் அறிகுறிகளுள் ஒன்றாக தற்போது கூறப்பட்டுவருகிறது.

கொரோனா தொற்று ஏற்பட்டவரின் எச்சில் மற்றும் சுவாச நீர்த்துளிகள் மூலமே மற்றவர்களுக்குப் பரவிவந்ததாக நாம் நினைத்துக்கொண்டிருந்தோம். இந்நிலையில், தொற்று ஏற்பட்டவரின் கழிவின் மூலமும் பரவும் என்று மருத்துவர்கள் தெரிவித்துள்ளார்கள். எனவே, இதுகுறித்து உணவுக்குழாய் மற்றும் இரைப்பை, குடல் அறுவைசிகிச்சை மருத்துவர் ஆனந்திடம் பேசினோம்.

மருத்துவர் ஆனந்த்
``சீனா, அமெரிக்கா, இந்தியா உள்ளிட்ட பல்வேறு உலக நாடுகளில், கோவிட்-19 கொரோனா வைரஸ் குறித்து தொடர்ச்சியாக ஆய்வுகள் செய்யப்பட்டுவருகின்றன. சமீபத்தில், கொரோனா பாதிக்கப்பட்ட நோயாளி ஒருவருக்கு கடுமையான வயிற்றுப்போக்கு ஏற்பட்டுள்ளது. அவரின் மலத்தை எடுத்து ஆய்வுசெய்ததில், அவரது கழிவில் இருந்த கொரோனா வைரஸ், நோய்த் தொற்றை ஏற்படுத்தும் வீரியத்துடன் இருந்தது கண்டறியப்பட்டது. எனவே, கொரோனா பாதிக்கப்பட்ட ஒருவரின் கழிவின் மூலமும் மற்றவர்களுக்குத் தொற்று பரவும் என்பது உறுதிசெய்யப்பட்டுள்ளது.

பாதிக்கப்பட்ட ஒருவரின் இருமல் மூலம் வெளிப்படும் எச்சில் வழியாகவே வைரஸ் மற்றவர்களுக்குப் பரவும் என்பது நம் அனைவரும் அறிந்த ஒன்று. காற்றில் பரவியிருக்கும் வைரஸ், சுவாசம் வழியே நம் உடலுக்குள் செல்கிறது. மூக்கு அல்லது வாய் வழியே உள்ளே செல்கிறது.

அதேவேளை, வாயின் வழியே உடலுக்குள் செல்லும் வைரஸ்களும், சுவாசத்தின் வழியே வந்த வைரஸும் உணவுக்குழலின் வழியே இரைப்பை, பெருங்குடல், சிறுகுடலுக்குள் செல்கிறது. நமது வயிற்றுப்பகுதில் உள்ள இரைப்பை, கணையம் போன்ற உறுப்புகளின்மீது `மியூகோசா' (Mucosa) எனப்படும் வழவழப்பான ஓர் அடுக்கு காணப்படும்.

 

குடல் பகுதி

 

 

உணவுக்குழலின் வழியே செல்லும் வைரஸ்கள், இந்த மியூகோசா அடுக்கின்மீது நன்றாகப் படிந்துகொண்டு நமக்கு உணவு செரிமானப் பிரச்னை, வயிற்றுப்போக்கு, வாந்தி போன்ற வயிற்று உபாதைகளை ஏற்படுத்துகின்றன. எனவே, கொரோனா வைரஸ் பாதித்த நோயாளிகளுக்கு வயிற்றுப்போக்கு ஏற்படுகிறது.

 

நுரையீரலுக்குள் இருக்கும் வைரஸ், இருமும்போது எச்சில் திவலைகளுடன் வெளியில் சென்று மற்றவர்களுக்குத் தொற்று ஏற்படுத்துவதைப்போல வயிற்றுக்குள் இருக்கும் வைரஸ் மலத்தின் வழியே வெளியில் சென்று தொற்றை ஏற்படுத்தும் அபாயம் உள்ளது. எனவே, கொரோனா பாதித்த ஒருவர் பயன்படுத்திய கழிவறையை சரியாக சுத்தப்படுத்தாமல் இன்னொருவர் பயன்படுத்தினால், அதன் மூலமாகவும் அவருக்கு கொரோனா தொற்று ஏற்படலாம்.

இந்த முறையில் தொற்று ஏற்படுவதைத் தடுக்க மருத்துவமனையிலும், கொரோனா பாதித்து வீட்டில் தனிமைப்படுத்தப்பட்டுள்ளவர்களும், தங்களுக்கென்று தனி கழிவறையைப் பயன்படுத்தலாம். ஆனால், இது பெரும்பாலும் சாத்தியமில்லை என்பதால், கொரோனா வைரஸினால் பாதிக்கப்பட்டவர்கள் பயன்படுத்திய கழிவறையை ஒவ்வொரு முறையும் கிருமிநாசினி கொண்டு நன்றாக சுத்தப்படுத்திய பின்னரே மற்றவர்கள் பயன்படுத்த வேண்டும்.

ஒவ்வொரு முறையும் கழிவறை சென்று வந்த பிறகு, கிருமிநாசினி கொண்டு கைகளை நன்றாக சுத்தப்படுத்த வேண்டும். வீட்டில் உள்ள அனைவரும் சுகாதார முறைகளைப் பின்பற்ற வேண்டும். ஏனெனில், நோய் வருவதற்கு முன்பே நம்மை தற்காத்துக்கொள்வதுதான் கொரோனா வைரஸிலிருந்து தப்பிக்க நம்மிடம் இப்போது உள்ள ஒரேவழி.

இதில் கவனிக்கப்படவேண்டிய பிரச்னை என்னவென்றால், இந்தியாவில் பல கிராமங்களில் உள்ள மக்கள் திறந்தவெளியிலேயே மலம் கழிக்கிறார்கள். பலர் பொதுக்கழிவறைகளைப் பயன்படுத்துகின்றனர். லட்சக்கணக்கான மக்கள், தங்களது வீட்டில் அடிப்படை கழிவறை வசதிகள்கூட இல்லாமல் இருக்கிறார்கள். இதுபோல், திறந்தவெளியில் கழிவுகளை வெளியேற்றும்போது, அதன்மூலம் தொற்று நிறைய பேருக்குப் பரவ அதிக வாய்ப்புள்ளது.

எனவே, மனிதக் கழிவுகள் மூலமும் கொரோனா பரவலாம் என்பதைப் பற்றிய விழிப்புணர்வை அரசு மக்களிடம் எடுத்துச்செல்ல வேண்டும். மக்கள் திறந்த வெளியைக் கழிவறையாகப் பயன்படுத்தாமல் இருக்க, போதுமான அடிப்படை கழிவறை வசதிகளை அவர்களுக்கு செய்துதர வேண்டும். ஒவ்வொரு தனிநபரும் தங்களது சுய சுத்தத்தில் எச்சரிக்கையுடன் இருக்க வேண்டும்" என்கிறார், மருத்துவர் ஆனந்த்

 

இதுவரை கை சுத்தம், முகக்கவசம், சமூக இடைவெளியில் மட்டுமே கவனம் செலுத்திவரும் நாம், இனி தினமும் உபயோகப்படுத்தும் கழிவறையிலும் கவனம் செலுத்தவேண்டிய நேரமிது!

 

https://www.vikatan.com/health/healthy/unhygienic-toilets-may-spread-corona-virus

 

 

 

 

  • Like 1

Share this post


Link to post
Share on other sites

இப்படியே போனால் ஆளுக்கு ஒரு கழிவறை தேவைப்படும் ...தண்ணி குடிக்க முடியாது போகும்..சாப்பாட்டுக் கஸ்டம் வரும்...கடைசியில்  சேர்த்துவைத்த காசை குவியலாக்கிவிட்டுத்தான் எம்மை எரிக்க வேண்டிவரும்..

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கொரோனாவும் குடும்ப வன்முறையும்: உளநல மருத்துவ நிபுணர் எஸ். சிவதாஸ் கொரோனா பரவியமையை தொடர்ந்து பிறப்பிக்கப்பட்ட ஊரடங்கு காலத்தில் விபத்துக்கள் மற்றும் ஏனைய நோயாளிகள் மருத்துவமனைக்கு வருவது குறைவடைந்ததால், வீட்டு வன்முறை அதிகரித்துள்ளது என்கிற தோற்றப்பாடு தான் காணப்படுகின்றதே ஒழிய மேற்கு நாடுகள் மாதிரி இங்கே குடும்ப வன்முறைகள் அதிகரிக்கவில்லை.     இப்பொழுது கொரோனா என்கிற பொதுப் பிரச்சினை கொஞ்சம் பெரிதாக வெளியே வந்துவிட்டது. இதனால் குடும்பத்துக்குள் ஒன்றிணைவு கூடும். மதுபாவனையும் குறைந்து காணப்படுகிறது. எமது நாட்டில் மது பாவனையுடன் இணைந்து தான் குடும்ப வன்முறை அதிகரித்து காணப்படுகிறது. முதலிலேயே குடும்பங்களில் பிரச்னைகள் உள்ள குடும்பங்களில் முரண்பாடு கூடத்தான் செய்கிறது. ஆனால், ஏற்கனவே ஆரோக்கியமாக இயங்கி வந்த குடும்பங்கள் இப்போது மிகவும் அற்புதமாக இயங்கிக் கொண்டிருக்கிறன. குடும்பங்களுக்கிடையே முரண்பாடுகள் பெரியளவுக்கு அதிகரிக்காவிடினும், குடும்பங்கள் தங்களுக்கிடையே உள்ள முரண்பாடுகளை தீர்த்துக் கொள்வதற்கு இதுவொரு நல்ல சந்தர்ப்பமாகும். எங்களது குடும்ப கட்டமைப்புக்கள் இன்னும் சிதைந்து போகவில்லை.எங்களுடைய கலாச்சாரத்தில் குடும்ப கட்டமைப்பு என்பது இறுக்கமானதாகவும் வலுவானதாகவும் பாதுகாப்பை தரக் கூடிய அரணாகவும் இன்னமும் இருக்கின்றது என்பது உண்மை தான். நீண்டகாலமாக நடந்த போரில் எம் மக்களுக்கு தாங்குதிறனும் அதிகரித்துள்ளது.இதனால் பிரச்சினைகளுக்கு முகம் கொடுக்கின்ற தன்மையும் உள்ளது. எங்கே குடும்பம் சிதையாமல் இறுக்கமாக ஒருவரை ஒருவர் புரிந்து ஒரு தொழிற்படுகின்ற குடும்பமாக இருக்கும் குடும்பங்களில் சுனாமிக் காலங்களிலும் சரி யுத்த காலத்திலும் சரி இப்போதும் சரி பாதிப்பு குறைவாகத்தான் உள்ளது. http://www.nimirvu.org/2020/05/blog-post_27.html
    • அனுபவஸ்தரின் பேச்சை அசட்டை செய்வதாயில்லை. 😂
    • இலங்கை தொடர்பிலான இந்தியாவின் கொள்கைகள் காரணமாக 15 ஆயிரம் இந்தியர்களை இழந்ததாக இந்தியாவின் முன்னாள் வெளிவிவகார அமைச்சர் நட்வார் சிங் இந்தியாவின் ஹெட்லைன்டுடோ தொலைக்காட்சிக்கு கடந்த காலங்களில் வழங்கியிருந்த பேட்டி தற்போது இணையத்தளங்களில் வைரலாகி வருகிறது. இந்திய மத்திய அரசாங்கத்தின் அமைச்சரவையில் கலந்தாலோசிக்காமலேயே இந்திய முன்னாள் பிரதமர் ராஜீவ் காந்தி, இலங்கைக்கு அமைதிப்படைகளை அனுப்பினார். இலங்கை விடயத்தை ராஜீவ் காந்தி தவறாக கையாண்டார். இதன் காரணமாகவே இலங்கையில் 15 இந்தியர்களை இழந்தோம். யாழ்ப்பாணம் குடாநாட்டின் புவியியல் மற்றும் விடுதலைப் புலிகள் தொடர்பான புரிதல்கள் இல்லாமாலேயே இந்திய அமைதிப்படையினர் இலங்கைக்கு அனுப்பி வைக்கப்பட்டனர். முன்னேற்பாடுகள் இன்றியே அமைதிப்படையில் இலங்கை விடயத்தில் பொறுப்புகளை ஏற்றனர். அன்றைய இலங்கைக்கான இந்திய தூதுவர் திக்ஷிட் எழுதிய புத்தகத்தில் இந்த விடயங்கள் தெளிவாக இருக்கின்றன. இதனை படியுங்கள். இலங்கையில் நாம் 15 ஆயிரம் பேரை இழந்தோம். இலங்கை தொடர்பான இந்தியாவிடம் ஒருங்கிணைப்பின்றி காணப்பட்ட கொள்கைகளே இதற்கு காரணம். இந்திய பிரதமர், மத்திய அரசு, வெளிவிவகார அமைச்சு, பாதுகாப்பு அமைச்சு, புலனாய்வு பிரிவுகள். சி.பி.ஐ. இலங்கை விடயம் தொடர்பிலான வெவ்வேறான கொள்கைகளை கொண்டிருந்தன. தமிழக முதல்வர் எம்.ஜீ.ஆர். இலங்கை தொடர்பாக தமிழகத்தின் தனியான கொள்கையை கொண்டிருந்தார். அனைத்து துறைகளிலும் சிக்கலாக காணப்பட்டன. இலங்கை ஜனாதிபதி ஜே.ஆர். ஜெயவர்தன, இந்தியா எத்தனை கொள்கைகளை கொண்டுள்ளது என இந்திய தூதுவர் திக்ஷிடம் கேட்டிருந்தார். இலங்கை தொடர்பான இந்தியாவின் கொள்கை தொடர்பான பிரச்சினைகள் இறுதியில் ராஜீவ் காந்தியின் படுகொலை முடிந்தது எனவும் நட்வார்சிங் குறிப்பிட்டுள்ளார். https://www.tamilwin.com/community/01/247136?ref=imp-news
    • வெடிச் சம்பவத்தில் இரு சிறுவர்கள் படுகாயம் வவுனியா – செட்டிக்குளம் பிரதேச செயலக பிரிவு, ஆண்டியார் புளியங்குளத்தை அண்டிய புதுக்குளம் கிராமத்தில் இன்று (27) மாலை இடம்பெற்ற வெடிப்புச் சம்பவத்தில் இரு சிறுவர்கள் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர். காட்டுப் பகுதியில் வீதியோரமாக கிடந்த வெடிபொருளை 14 வயது சிறுவன் ஒருவன் வீட்டுக்கு எடுத்துச் சென்று அவரின் சக நண்பனுடன் அப் பொருளை சுத்தியலினால் உடைத்துள்ளார். இதன்போது அது வெடித்ததில் இரு சிறுவர்களும் படுகாயமடைந்துள்ளனர். கால்கள் மற்றும் கைகளில் படுகாயமடைந்த நிலையில் சிறுவர்கள் இருவரும் அயலவர்களின் உதவியுடன் செட்டிக்குளம் வைத்தியசாலையில் அனுமதிக்கப்பட்டுள்ளனர். https://newuthayan.com/வெடிச்-சம்பவத்தில்-இரு/