Sign in to follow this  
உடையார்

வடக்கு கடற்றொழிலாளர்களின் எதிர்காலம்

Recommended Posts

வடக்கு கடற்றொழிலாளர்களின் எதிர்காலம்

 

523-1-1.jpgஇலங்கையின் பொருளாதாரம் ஒரு பெரும் நெருக்கடிக்குள் மூள்கிக்கொண்டிருக்கும் போது இலங்கை முழுவதுமிருக்கும் கடற்றொழிலாளர்கள் பாரிய பிரச்சினைகளுக்கு முகம்கொடுக்கிறார்கள். இங்கு வடக்கு கடற்றொழிற்றுறையில் வந்திருக்கும் நெருக்கடியென்பது ஏற்கனவே இலங்கையின் கடற்றொழில் கட்டமைப்பில் இருக்கும் பலவீனங்களையும் கருத்தில் கொண்டுதான் பகுப்பாய்வு செய்யமுடியும்.

குறிப்பாக கடற்றொழில் சார்ந்த ஏற்றுமதி இறக்குமதி, அதாவது திறந்த பொருளாதாரத்தினுடைய தாக்கம், நீண்டகால யுத்தத்ததின் பாதிப்பு, அதன் பின் வந்த இந்திய இழுவைப் படகுகளின் சுரண்டலால் ஏற்பட்ட இழப்புக்கள் தென்னக இடப்பெயர் மீனவர்களின் முரண்பாடு, மற்றும் கடற்றொழில் கூட்டுறவுச்சங்கங்களின் வீழ்ச்சி போன்றவற்றை கவனத்தில் எடுக்க வேண்டும். இந்த நிலையில் தேசிய பொருளாதாரக் கட்டமைப்பின் மாற்றம் பிராந்தியத்தையும் உள்ளூரையும் முதன்மைப்படுத்துகையில் வடமாகாணத்தின் கடற்றொழிலாளர்களுடைய எதிர்கால நிலமை பற்றி ஆராய்வது அவசியம்.

தேசிய பார்வையில் கடற்றொழில்

அண்மையில் பலநாள் கடற்றொழில் படகுகளால் இறக்கப்பட்ட அதிக பெறுமதியான கடலுணவுகள் வீசப்படுவது என்பது பெரும் அதிர்ச்சியை ஏற்படுத்தியது. ஏற்றுமதி அபிவிருத்தி சபையினுடைய தலைவர் பின்வரும் விடையங்களை ஒரு பேட்டியில் கூறியிருக்கிறார். சித்திரை மாத தொடக்ககாலத்தில் இலங்கையினுடைய கடலுணவு ஏற்றுமதியென்பது 25 வீதம் தான் செயற்பட்டது. மேலும் அவர் கூறுவது விமானங்கள் ஊடாக உடன் மீனாக ஏற்றுமதி செய்யும் போக்குவரத்து செலவு தற்போது மூன்று மடங்காக அதிகரித்துள்ளது. இலங்கையினுடைய கடலுணவு ஏற்றுமதிப் பெறுமதியென்பது ஏறத்தாள 300 மில்லியன் அமெரிக்க டொலர் ஆகும். அதாவது கடலுணவுகளான இறால், நண்டு, சிங்க இறால், பெரிய சூரை மீன் போன்ற உணவுகளே ஏற்றுமதி செய்யப்படுகிறது என்றும் குறிப்பிடுகிறார்.

இங்கு உடன் மீனின் ஏற்றுமதி 1 கிலோ 20 அமெரிக்க டொலர் (ரூபா. 4,000) இருந்த ஏற்றுமதிச்சந்தை எதிர்காலத்தில் 6-7 அமெரிக்க டொலருக்கான (ரூபா. 1200 – 1400) குளிரூட்டப்பட்ட கடலுணவுக்கான சந்தையாக மாறப்போகிறது என்கிறார்.

இங்கு நாங்களும் ஒரு விடையத்தை கவனத்தில் கொள்ளலாம். வட மாகாணத்திலிருந்து அன்னிய செலவீனத்தை பெற்றுக்கொள்ளும் ஒரு பெரும் துறையாக கடலுணவுகளின் ஏற்றுமதியே அமைகிறது. ஆயினும் அதற்கூடாக திரட்டப்படும் வருமானத்தில் கடற்றொழிலாளர்களுக்கு கிடைக்கும் பங்கைவிட இடையிலுள்ள வர்த்தகர்களுக்கே இலாபம் சென்றடைகிறது.

இலங்கையினுடைய கடலுணவுகள் சார்ந்த பிரச்சினை என்பது ஏற்றுமதி சார்ந்த பிரச்சினை மட்டுமல்ல இறக்குமதியுடனும் தொடர்புபட்டது. வேடிக்கையான விடையம் என்னவெனில் எம் நாடு ஒரு தீவாக இருக்கும் போது கூட கடலுணவை பெரியளவில் இறக்குமதி செய்கிறது. 2018ம் ஆண்டு நிதியமைச்சின் ஆண்டறிக்கையின் படி பின்வரும் விடையங்கள் குறிப்பிடத்தக்கவை.
978-25.jpgஇவ்வாறு இலங்கையில் கடலுணவின் ஏற்றுமதிக்கு சமமாக இறக்குமதி இருக்கிறது. நாளாந்தம் மக்கள் உட்கொள்ளும் கடலுணவுகளுக்கு கூட ஒட்டுமொத்த இறக்குமதியில்; ஒரு நெருக்கடி வரும் போது சில பிரதேசங்களில் தட்டுப்பாடு உருவாகலாம்.

வடக்கு கடற்றொழிலின் சவால்கள்

யுத்தத்தின் போது இடப்பெயர்வாலும், வன்முறையாலும் பெரியளவில் பாதிக்கப்பட்ட வடமாகாணத்தின் கடற்றொழிலாளர்ககள் கடலுக்கு கூட போக முடியாது நலிவடைந்திருந்தார்கள். யுத்தம் முடிவடைந்த பின்பும் கூட இந்திய இழுவைப்படகுகளின் சுரண்டல் அவர்களை பெரியளவில் தாக்கி பல வுருடங்களாக ஒரு வாரத்தில் மூன்று நாட்கள் மட்டுமே தொழிலுக்கு சென்றனர். திங்கள், புதன், சனிக் கிழமைகளில் இந்திய ரோலர் படகுகள் வருவதால் வடமாகாணத்தின் சிறு கடற்றொழிலாளர்கள் தங்கள் வலைகள் ரோலர் படகுகளால் சேதப்படுத்தப்படும் எனும் அச்சத்தில் தொழிலுக்கு செல்வதில்லை. உண்மையில் கோடிக்கணக்கான பெறுமதியான வலைகள் சேதமடைந்துள்ளன.

கடலுக்கு போகாது பெருமளவில் வாழ்வாதாரங்கள் பாதிப்படைந்தன. இந்த பிரச்சினையை தீர்க்க தமிழ் அரசியல்வாதிகளோ தமிழ் புத்திஐPவிகளோ தழிழ் நாட்டினுடைய அரசியல் ஆதரவை இழக்கலாம் என்று அஞ்சி வடக்கு கடற்றொழிலாளர்களை நீண்ட காலம் கைவிட்ட நிலமை நீடித்தது. 2015ம் ஆண்டுக்கு பின்பு தமிழ்தேசிய கூட்டமைப்பின் பாராளுமன்ற உறுப்பினர்களான சம்பந்தனும் சுமந்திரனும் மட்டுமே இதைத் தீர்ப்பதற்கு முயற்சித்தார்கள். 2016ம் ஆண்டில் கடற்றொழிலாளர்களின் அழுத்தங்கள் மற்றும் போராடட்டங்கள் மத்தியில் இந்தியா மற்றும் இலங்கையினுடைய வெளிவிவகார, கடற்றொழில் அமைச்சர்களுக்கிடையில் முதன்முறை பேச்சுவார்த்தை நடத்தப்பட்டு ஓரளவு பிரச்சினை கட்டுப்படுத்தப்பட்டது.

அடுத்து முல்லைத்தீவு மாவட்டத்தில் தென்பகுதி இடப்பெயர் கடற்றொழிலாளர்களின்; பிரச்சினைகளால் உள்ளூர் கடற்றொழிலாளர்கள் பாதிக்கப்பட்டார்கள். முல்லைத்தீவின் கடற்றொழிலாளர்கள் 72 இடப்பெயர் கடற்றொழிலாளர்களுக்கு அனுமதி கொடுத்திருந்த போதும் பல நுர்ற்றுக்கணக்கான இடப்பெயர் மீனவர்களின் அத்துமீறல் முல்லைத்தீவு மீனவர்களின் உற்பத்தியை பாதித்தது. இந்த பிரச்சினையை கடந்த ஆண்டுகளில் நல் ஆட்சி அரசாங்கம் இலகுவாக தீர்த்திருக்கலாம். ஆனால் அதற்கான அரசியல் விருப்பு இருக்கவில்லை.

இவ்வாறான பிரச்சினைகளுக்கூடாக வடக்கு கடற்றொழிலாளர்களுடைய வருமானம் பாதிக்கப்பட்டபோது அவர்களுடைய வருமானத்தின் ஒரு குறிப்பிட்ட அளவிலான பங்களிப்பில் இயங்கும் கடற்றொழில் சங்கங்களும் நலிவடைந்தன. மேலும் 2010ம் ஆண்டு கடற்றொழில் அமைச்சு கிராம மட்டத்தில் கடற்றொழில் அமைப்புக்களை உருவாக்கியதால் கிராமங்களில் இயங்கிக்கொண்டிருந்த கூட்டுறவு சங்கங்களின் செயற்பாடு பலமிழந்தது. அதாவது ஒரு கிராமத்தில் ஒரு துறைக்கு இரு அமைப்புகள் வழிகாட்டும் போது குழப்பங்கள் உருவாகும். ஆந்த விதத்தில் இந்த கிராமிய கடற்றொழில் அமைப்புக்களை அரசாங்கம் நீக்க வேண்டும்.

வட மாகாணத்தில் யுத்தத்திற்கு பின் பல சர்வதேச அமைப்புகளும் தொண்டு நிறுவனங்களும் ஏற்றுமதி கடலுணவுகளுக்கு முக்கியத்துவம் கொடுத்தே ஊக்குவித்தார்கள். இங்கு இந்தியாவின் பிரபல கிராமிய பொருளாதார பேராசிரியரான உட்சா பட்நாயக்(ருவளய Pயவயெமை) ஏகாதிபத்தியத்திற்கும் அபிவிருத்தி அடையாத நாடுகளின் உணவுப்பாதுகாப்பிற்கும் உள்ள முரண்பாட்டை பகுப்பாய்வு செய்துள்ளார். அபிவிருத்தியடையாத நாடுகளில் மேற்கு நாடுகளுக்கான உணவுப்பொருட்களை உற்பத்தி செய்வதனால்தான் பெருமளவு உணவுப்பாதுகாப்பு பிரச்சினையும் பட்டினியும் உருவாகிறது.

உணவுப்பாதுகாப்பும் கடற்றொழிலும்

வடமாகாணத்தினுடைய கடற்றொழில் மற்றும் கடலுணவுகளின் முக்கியத்துவம் தொடர்பாக நெதர்லாந்தைச் சேர்ந்த கலாநிதி யூரி ஷெல்ரன் (Joeri Scholtens) இன் கலாநிதி பட்டத்திற்கான ஆய்வு ‘விளிம்பு நிலையில் மீன்பிடி’ பல முக்கியமான விடையங்களை எடுத்துக்காட்டுகிறது. குறிப்பாக இலங்கை மக்களினுடைய 65 வீதமான விலங்கு புரதச்சத்து கடலுணவுகளை உட்கொள்வதிலிருந்து கிடைக்கிறது என்று கூறுகிறது. மேலும் அவருடைய ஆய்வு இலங்கையிலிருக்கும் 270,000 கடற்றொழிலாளர்களுள் 41,000 தொழிலாளர்கள் வடமாகாணத்தை சேர்ந்தவர்கள். அதாவது இலங்கையின் சனத்தொகையில் வடமாகாணத்தின் சனத்தொகை 5 வீதமாக இருந்தபோதும் கடற்றொழிலாளர்களின் தொகை 15 வீதமாக அமைந்து வடமாகாணத்தில் ஐந்தில் ஒரு குடும்பங்கள் கடற்றொழில் வாழ்வாதாரத்தில் தங்கியுள்ளன என்று காட்டுகிறது.

நெருக்கடியுடன் பெரும் பெறுமதியான ஏற்றுமதி கடலுணவு வகைகள் குறிப்பாக நண்டு, இறால் போன்ற வற்றிற்கான கேள்வி குறையும் பட்சத்தில் உள்@ரில் விற்கப்படும் மீன் வகைகளை பெரியளவில் உற்பத்தி செய்து நாடுமுழுவதும் விற்பதற்கான ஒரு மாற்றம் தேவைப்படுகிறது. இவ்வாறான மாற்றம் என்பது கடற்றொழிலாளர்களுடைய வருமானத்தை அதிகரிப்பது மட்டுமல்ல மக்களுடைய போசாக்கிற்கு முக்கியமாக அமையும் கடலுணவுகளை இலங்கை முழுவதும் வினியோகிப்பதற்கான ஒரு வாய்ப்பையும் உருவாக்கியுள்ளது.

fishing.jpgஆண்டுதோறும் இறக்குமதி செய்யும் கடலுணவுகள் எனும்போது அமெரிக்க டொலர்களில் ரின் மீன் 57.7 மில்லியன் , மாசி 9.5 மில்லியன், நெத்தலி 54.8 மில்லியன், வேறுவகைக் கருவாடுகள் 22.1 மில்லியன் ஆகும். நெருக்கடியின் மத்தியில் அரசாங்கம் இந்த இறக்குமதியை குறைக்கும் அல்லது நிறுத்தும் சந்தர்ப்பத்தில் வருடாந்த உள்ளூர் சந்தை ரூபா. 3,000 கோடியால் விரிவடையும். இவ்வாறான ஒரு சந்தையை வைத்துக்கொண்டுதான் உள்நாட்டு யுத்தத்திற்கு முன்பு 1982ம் ஆண்டில் வடமாகாணக் கடற்றொழிலாளர்கள் இலங்கையினுடைய மொத்த கடலுணவு உற்பத்தியில் 41.5மூ உற்பத்தியை செய்தார்கள். தற்போது வந்திருக்கும் நெருக்கடி மத்தியில் மீண்டும் கடற்றொழிலாளர்கள் அவ்வாறான ஒரு சந்தையை வென்றெடுக்க முடியுமா?

அவ்வாறு அந்த சந்தையை கைப்பற்றுவதாக இருந்தால் பல வகையான உட்கட்டுமானங்கள் தேவைப்படும். கருவாடு பதனிடும் ஆலைகள், குழிரூட்டப்பட்ட வாகனங்கள் ஏன், புகையிரதத்தில் கூட குழிரூட்டி அமைப்புக்கள் இருந்தால்தான் வடமாகாண கடலுணவுகளை நாடெங்கிலும் வினியோகப்படுத்த முடியும். தற்போது வடமாகாணத்தில் பதிவுசெய்யப்பட்ட கடற்றொழில் சங்கங்கள் 202 உள்ளன. அவற்றில் 152 சங்கங்கள்தான் தற்போது செயற்பாட்டில் உள்ளன. மேலும் கடலோரத்திலிருக்கும் இச்சங்கங்களை வழிகாட்டுவதற்கு பத்து கடற்றொழில் சமாசங்களும் இருக்கின்றன. இயங்காத சங்கங்களை மீண்டும் இயங்கவைக்க வேண்டும், இயங்கும் சங்கங்களை பலப்படுத்த வேண்டும். மேலும் வடக்கு கடற்றொழில்துறையின் மேம்பாடும் வளர்ச்சியும் தொழிலாளர்கள் மற்றும் கூட்டுறவு சங்கங்களுடைய பொருளாதாரக் கட்டமைப்பில் வரும் மாற்றம் சம்பந்தமமான தூரநோக்கில் தங்கியிருக்கிறது.

http://thinakkural.lk/article/39478

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • தமிழர்களுக்கு குரல் கொடுப்பவர்களுக்கும் எமது ஆதரவை தெரியப்படுத்தினால் நல்லது..   Please read and sign the petition.. COVID-19 made all PR efforts online and social media.. So, don't ignore a minute time to argue what it will achieve, etc.. Just show your support..   "MP, Hugh McDermott, the state member for Prospect, NSW, has recently expressed his condolences and solidarity with the Australian Tamil community in his acknowledgment of the Tamil genocide. His statement, however, was met with opposition from the Sinhala nationalist polity who have indulged in a hate campaign against him and his family. "   https://www.change.org/p/mp-hugh-mcdermott-we-demand-that-hugh-mcdermott-sustain-his-support-for-the-australian-tamil-community
    • ஆழ்ந்த இரங்கல்கள்  #ஆறுமுகன்_தொண்டமான்
    • ஹாங் காங் சீனாவின் ஒரு பகுதியாகவே இருந்தது. அவர்கள் Han இனத்தவர்கள்.  பிரித்தானியவே , சீனாவின் 100 வருட மேற்கு காலனித்துவ அரசுகளின் அவமானகரப்படுத்துத்தில்  பிரித்து 100 வருட குத்தகைக்கு எடுத்து.  சீனாவின் வளர்ச்சியை, அதுவும் ஹொங்ஹ காங் சீனாவிடம் மீண்ட பின்பும், இவ்வளவு குறுகிய காலத்தில் சீன அடைந்து விடும் என்பதை மேற்கு ஒரு போதுமே எதிர்பார்க்கவில்லை.  சீனா இது வரை ஹாங் காங் இல் மிகவும் பொறுமையாக இருந்தது. அமெரிக்கா, பிரித்தானிய, ஆஸ்திரேலியே உளவு துறைகளும், பெயரற்ற ராஜதந்திரிககளும் ஹாங் kong இல், ஆர்ப்பாட்டகாரர்களுடன் நடத்திய கூத்துக்கள் விளைவே இந்த சட்டம்.
    • இந்த ராணுவ நடவடிக்கையில் என்னுடன் சிறு வயது முதல்  விளையாடிய, தெரிந்த பலரை இழந்துள்ளேன். ஒரு பனையை  சுற்றி சுற்றி ஹெலி அடிக்க, அருகில் இருந்த சேற்று கிடங்குக்குள் விழுந்து எங்களை காப்பாற்றினோம். இருந்தும் தரையால் வந்த ராணுவத்தால் சுற்றி வளைக்கப்பட்டு கொடுமைகளை அனுபவித்தோம். (எனது ஹம்பர் சைக்கிள் கவச வாகன செயினுக்குள் அகப்பட்டு கிழிந்த இரும்பு தகடானது). ஒவ்வொருவருள்ளும் ஒரு நீண்ட கதை. எனது பாடசாலை வகுப்பு நண்பர் நெல்லியடி முகாமுக்குள் லொறியுடன் சென்று தாக்கியதன் மூலம் ஓரளவு  நீதி கிடைத்தது. உயிர் நீர்த்த போராளிகள், பொது மக்கள், எனது விளையாட்டு கழக நண்பர்கள், அனைவருக்கும் வீர வணக்கங்கள் 
    • எல்லையில் சீனப்படைகள்: பிரதமர் மோடி அவசர ஆலோசனை இந்திய எல்லையில் சீனா படைகளை குவித்துள்ள நிலையில் பிரதமர் மோடி முப்படைத் தளபதி, தேசிய பாதுகாப்பு ஆலோசகர் உள்ளிட்டோருடன் அவசர ஆலோசனை நடத்தினார். இந்திய பிரதமர் மோடி   இந்தியா - சீனா இடையே எல்லைப் பிரச்சினை நீடித்து வருகிறது. எல்லையை ஒட்டியுள்ள பகுதிகளில் இரு நாடுகளின் ராணுவமும் உள்கட்டமைப்புகளை மேற்கொள்ளும்போது அவ்வப்போது பதற்றம் உருவாகிறது. கடந்த 5-ம் தேதி லடாக்கில் உள்ள பாங்காங் ஏரி பகுதியில் இந்திய, சீன ராணுவ வீரர்களிடையே மோதல் ஏற்பட்டது. கைகலப்பில் ஈடுபட்டதுடன், கம்புகள் மற்றும் கற்களாலும் தாக்கினர். இதில் பலர் காயமடைந்தனர்.   பின்னர் அதிகாரிகள் பேச்சுவார்த்தை நடத்தியதையடுத்து மோதல் முடிவுக்கு வந்தது. இதேபோல் கல்வான் பள்ளத்தாக்கிலும் மோதல் போக்கு நீடிக்கிறது. ஆனால் பதற்றத்தை தணிக்க கமாண்டர் நிலை அதிகாரிகளிடையே நடத்தப்பட்ட பேச்சுவார்த்தையில் முன்னேற்றம் ஏற்படவில்லை.   தற்போது லடாக் எல்லையை ஒட்டி உள்ள பாங்காங் ஏரி, கல்வான் பள்ளத்தாக்கு பகுதியில் சீனப்படைகள் அதிக அளவில் குவிக்கப்பட்டுள்ளன. தற்காலிக கூடாரங்களை அமைத்து, சாலை போடும் பணிகளை தொடங்கி உள்ளனர். பதுங்கு குழிகளை அமைக்கும் நோக்குடன் கனரக இயந்திரங்களை கொண்டு வந்திருப்பதாகவும் கூறப்படுகிறது. இதற்கு பதிலடி கொடுக்கும் வகையில் இந்தியாவும் அங்கு படைகளை குவித்து வருகிறது. சீன ராணுவத்தை விட அதிக எண்ணிக்கையில் வீரர்கள் குவிக்கப்பட்டுள்ளதாக தகவல் வெளியாகி உள்ளது.   இந்நிலையில் இந்திய பிரதமர் மோடி தேசிய பாதுகாப்பு ஆலோசகர் அஜித் தோவல், முப்படைத் தளபதி பிபின் ராவத் உள்ளிட்ட அதிகாரிகளுடன் ஆலோசனை நடத்தினார்.   https://www.maalaimalar.com/news/topnews/2020/05/26185055/1554210/prime-minister-modi-meets-with-national-security-advisor.vpf