Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

அமெரிக்கா – கனடா எல்லையை திறப்பதில் ஏன் இந்த அவசரம்?


Recommended Posts

  • கருத்துக்கள உறவுகள்

அமெரிக்கா – கனடா எல்லையை திறப்பதில் ஏன் இந்த அவசரம்?

  • ரொறொன்ரோவிலிருந்து குரு அரவிந்தன்

கனடா – அமெரிக்க எல்லையைத் திறப்பதில் அமெரிக்கா அதிக ஆர்வம் காட்டினாலும் கனடாவின் நலன் கருதி எல்லையைத் திறப்பது சற்றுப் பின்போடப்பட்டுள்ளது. கொரோனா வைரஸின் பரவல் காரணமாக கடந்த மார்ச் மாதம் 21 ஆம் திகதி இந்த எல்லைகள் இருநாட்டின் விருப்பத்துடன் மூடப்பட்டன. பொதுமக்களுக்காக மூடப்பட்டாலும் அத்தியாவசிய வர்த்தக, மற்றும் பொது சுகாதார தேவைகளுக்கான போக்குவரத்துக்காக எல்லைகள் பாவனையில் இருந்தன. எனவே மேலும் ஒரு மாதத்திற்கு எல்லையைத் திறப்பது பற்றிய முடிவு பின்போடப் பட்டிருப்பதாகக் கனடியப் பிரதமர் ஜஸ்ரின் ட்ரூடோ அவர்கள் தெரிவித்துள்ளார். கொரோனா வைரஸின் தாக்கம் குறையும் பட்சத்தில், பொருளாதார நோக்கம் கருதி எல்லைகள் மீண்டும் திறக்கப்படலாம்.

canada-1.jpgஎங்கள் பக்கத்து நாடான அமெரிக்காதான் அதிகளவில் கொரோனா வைரசின் தாக்கத்திற்குள்ளான நாடாக இருக்கின்றது. அத்துடன் கொரோனா வைரஸால் பலியானவர்களில் அதிக தொகையைக் கொண்ட நாடாகவும் அமெரிக்கா இருக்கின்றது. யானையும் ஒரு நாள் அடி சறுக்கும் என்பது போல, தொடக்கத்தில் அவர்கள் விட்ட தவறு காரணமாக இந்த நிலை ஏற்பட்டிருக்கின்றது. இன்றைய நிலையில் (23-04-2020) 876,174 மேற்பட்டோருக்கு அமெரிக்காவில் கொரோனா வைரஸ் பரவியிருக்கின்றது. இதனால் இதுவரை 49,651 அங்கு பலியாகி இருக்கின்றனர். இதில் எங்களுக்கு அருகே எல்லையில் உள்ள நியூயோர்க்கில் மட்டும் 20,861 பேர் மரணமாகி இருக்கிறார்கள். பொருளாதார வீழ்ச்சியை நிவர்த்தி செய்யச் சில மாகாணங்கள் உல்லாசப் பயணிகளின் பாவனைக்காகத் தமது கடற்கரைகளைத் திறந்து விட்டிருக்கிறார்கள்.

அமெரிக்காவின் கெனெக்டிகெட் மாநிலத்தில் உள்ள சவுத் வின்ட்ஸர் மருத்துவமனையில் கொரோனா நோயாளிகளுக்கு சிகிச்சை அளித்த டாக்டர்களுக்கு அந்த நகரத்தவர்கள் மோட்டார் வண்டிகளில் சென்று மரியாதை செலுத்தினர். அங்கு பணியாற்றும் தென்னிந்தியாவில் மைசூரைச் சேர்ந்த தளத்தில் நின்று கடமையாற்றிய மருத்துவரான உமா மதுசூதனனுக்கும் மரியாதை செலுத்தும் விதமாக அந்நகர பொதுமக்கள், காவல்துறை மற்றும், தீயணைப்புத்துறையினர் அவரது வீட்டிற்கு முன்பாக வண்டிகளில் ஊர்வலமாகச் சென்று நன்றி தெரிவித்த காட்சி முகநூலில் பதிவு செய்யப்பட்டிருந்தது.

523-1-8.jpgசீனா நாட்டில் வுகான் மாகாணத்தில் ஆரம்பித்த இந்த தொற்று நோய் அங்கிருந்து உலகெங்கும் பரவியது. அமெரிக்கா, இத்தாலி, ஈரான், ஸ்பெயின், பிரான்ஸ், ஆகிய நாடுகளே இந்த தொற்று நோயால் இதுவரை மிகவும் மோசமாகப் பாதிக்கப்பட்டிருக்கின்றன. உலக ரீதியாகப் பார்க்கும் போது இதுவரை 210 நாடுகளில் பரவி இருக்கின்றது. 2,715,614 பேர் பாதிக்கப்பட்டிருக்கின்றனர், இவர்களில் வைத்தியசாலைகளில் 1,717,920 பேர் சிகிட்சை பெற்று வருகின்றனர். நோய்வாய்ப்பட்டவர்களில் 190,422 பேர் இதுவரை மரணமாகி இருக்கிறார்கள். ஜேர்மனி, யப்பான், வியட்நாம், அமெரிக்கா ஆகிய நான்கு நாடுகள்தான் சீனாவிற்கு வெளியே முதலில் பெரிய அளவில் பாதிக்கப்பட்டன. பாதிக்கப்பட்டவர்களில் இதுவரை சுமார் 715, 000 பேர் சிகிட்சை பெற்றுக் குணமடைந்திருப்பதாகத் தெரிகின்றது. ஆனாலும் இதுவரை இதற்கான மருந்தோ, அல்லது தடுப்பூசிகளோ கண்டு பிடிக்கப்படவில்லை.

கொரோனா வைரஸ் காரணமாகக் கனடாவில் 2020 ஆண்டு ஏப்ரல் 20 ஆம் திகதி மாலை கிடைத்த எண்ணிக்கைபடி 36,823 பேர் பாதிக்கப்பட்டிருந்தனர். இதில் கியூபெக் மாகாணத்தில் 19,319 பேரும், ஒன்ராறியோ மாகாணத்தில் 11,184 பேரும், அல்பேர்டாவில் 2,908 பேரும், வான்கூவர் மாகாணத்தில் 1,699 பேரும் அடங்குவர். கனடாவில் 2020 ஆண்டு ஏப்ரல் 23 ஆம் திகதி மாலை கிடைத்த எண்ணிக்கைபடி 42,110 பேர் பாதிக்கப்பட்டிருந்தனர். இதில் கியூபெக் மாகாணத்தில் 20,965 பேரும், ஒன்ராறியோ மாகாணத்தில் 12,879 பேரும், அல்பேர்டாவில் 3,401 பேரும், வான்கூவர் மாகாணத்தில் 1,795 பேரும் அடங்குவர். ஏப்ரல் 2 ஆம் திகதி 10,132 ஆக இருந்த கனடாவில் பாதிக்கப்பட்டவர்களின் எண்ணிக்கை ஏப்ரல் 23 ஆம் திகதி 42,110 ஆக அதிகரித்திருக்கின்றது. ஒன்ராறியோவில் 2,793 ஆக இருந்த பாதிக்கப்பட்டவர்கள் தொகை 12,879 ஆக அதிகரித்திருக்கின்றது. கனடாவில் கொரோனா வைரஸ்ஸால் ஏற்பட்ட முதலாவது மரணம் மார்ச்மாதம் 9 ஆம் திகதி அறிவிக்கப்பட்டது. ஏப்பிரல் மாதம் 23 ஆம் திகதி மாலை வரை 2,147 பேர் மரணமாகியிருக்கின்றனர்.

கொரோனா வைரஸால் ஏற்படும் மரணங்கள் ஒரு பக்கம் இருக்க கனடாவின் வடகிழக்குப் பகுதியில் இருக்கும் நோவாஸ்கோஷியாவில் 51 வயதான கபிறியல் வோட்மான் என்பவர் சென்ற சனிக்கிழமை றோயல் கனடியன் மவுண்ட் பொலீஸ் சீருடை அணிந்து தனது முன்னாள் நண்பர்கள் இருவரைச் சுட்டுக் கொலைசெய்திருந்தார். அவரது வண்டியும் பொலீஸ் வண்டி போலவே இருந்ததாகச் சொல்கிறார்கள். தொடக்கத்தில் தன்னுடன் தொடர்புடைய சிலரைப் பழிவாங்கும் நோக்கத்தோடு சுட்டுக்கொன்ற இவர் பின் கட்டுக்கடங்காமல் கண்ணில் பட்ட எல்லோரையும் சுடத் தொடங்கினார். அத்துடன் நிறுத்தாமல் இரண்டு குழந்தைகளின் தாயான ஹெய்டி ஸ்ரீவென்ஸன் என்ற பொலீஸார் ஒருவரையும் சுட்டுக் கொன்றார். அதன்பின் இவர் பொலிஸாரின் துப்பாக்கியையும் எடுத்துச் சென்ற வழியெல்லாம் மொத்தமாகப் 22 பேரைச் சுட்டுக்கொலை செய்திருக்கின்றார். சுயதனிமைப்படுத்தலால் எல்லோரும் வீட்டுக்குள் இருந்ததால், பொலீஸ் உடையுடன் வீடுகளுக்குச் சென்று கதவைத் தட்டித் திறந்து இந்த கொலைகளை அவரால் இலகுவில் செய்ய முடிந்தது. இச்சம்பவத்தில் ஐந்து வீடுகளையும் தீக்கிரையாக்கினார். இரண்டு வண்டிகளும் எரியுண்டன. சனிக்கிழமை இரவு ஆரம்பமான இவரது வெறியாட்டம், ஞாயிறு காலைவரை தொடர்ந்தது. ஞாயிறு காலை பொலிஸார் 57 மைல்லளுக்கு அப்பால் கலிபாக்ஸ் செல்லும் பாதையில் இவரைக் கண்டுபிடித்துச் சுட்டுக் கொன்றனர். இச்சம்பவத்தில் கொலையாளியுடன் மொத்தம் 23 பேர் இதுவரை மரணமாகி இருக்கிறார்கள். 1989 ஆண்டு மொறியலில் 15 கல்லூரி மாணவர்கள் கொல்லப்பட்ட சம்பவத்தின் பின் கனடாவில் நடந்த தனிமனித பெரிய தாக்குதல் இதுவாகும்.

524-3.jpgகனடாவில் கொரோனா வைரஸின் தாக்கத்தால் மரணமானவர்களில் தமிழ் சமூகத்தவர்களும் அகப்பட்டிருக்கிறார்கள். அந்தக் குடும்பத்தினர் எல்லாம் இழப்பின் வலியால் துடித்துக் கொண்டிருக்கிறார்கள். எல்லோரும் வீட்டுக்குள் அடைந்திருப்பதால் சமூகத்தில், ஏன் உறவுகளிடையே கூட என்ன நடக்கிறது என்பது அனேகருக்குத் தெரியாத சூழ்நிலையில் இருக்கிறார்கள். அவர்களாக அறிவித்தால் அல்லாமல் யாராவது மரணமானால்கூட கொரோனா வைரஸா காரணம் என்று கேட்பதற்குக்கூடத் தயங்குகின்றார்கள். குடும்பத்தவர்களே அருகே செல்ல முடியாத சுகாதாரக் கட்டுப்பாடுகள் ஒரு பக்கம், ஒருவரின் மரணத்தில் மீண்டும் தங்கள் இருப்பை உறுதி செய்து, வார்த்தையாடி மகிழ்பவர்கள் மறுபக்கம். மரணமானவரின் குடும்பத்தை ஆற்றுப்படுத்துவதை விட்டுவிட்டு, அந்தக் குடும்பத்தைச் சின்னாபின்னமாக்கித் தனிப்பட்ட கோபதாபங்களை ஒருசிலர் தீர்த்துக் கொண்டிருக்கிறார்கள். ஒன்றுமறியா அப்பாவிமக்கள் தான் இவர்களின் பொறியில் சிக்கி பலியாகுகிறார்கள். நாங்கள் மதிக்கும் இங்குள்ள சமூக நலன் விரும்பும் கல்விமான்கள், பெரியவர்கள் சிலர் குறிப்பிட்டது போல ‘இந்தக்கூட்டம்’ இருக்கும் வரை தமிழ் சமூகம் இந்த மண்ணில் ஒருநாளும் உருப்படாது என்பதை மீண்டு உறுதிப்படுத்தி இருக்கிறார்கள். ஆனால் கூடாததிலும் ஒரு நல்ல விடயம் என்னவென்றால் இதன் பின்னணியில் யார் இருக்கிறார்கள், சந்தர்ப்பவாதிகள் யார் என்பதை எல்லாம் புரிந்து கொள்ள கொரோனா வைரஸ் தமிழ் சமூகத்திற்கு, குறிப்பாக அடுத்த தலைமுறையினருக்கு நல்லதொரு சந்தர்பத்தைத் தந்திருப்பதுதான்.

கனடாவில் தபால் விநியோகம் செய்பவர்கள் தொடர்ந்தும் செய்து கொண்டேதான் இருக்கிறார்கள். அவர்களில் 9 பேர் இதுவரை ரொறன்ரோவில் கொரோனா வைரஸால் பாதிக்கப்பட்டதாக அறிவித்திருக்கிறார்கள். எங்கெல்லாம் கடிதங்களை பட்டுவாடா செய்தார்கள் என்பதை அவர்கள் குறிப்பிடவில்லை. தெரிந்தோ, தெரியாமலோ சமூகநலன் விரும்பிகள் யாரும் அவர்களிடம் காகிதம் மூலம் கொரோனா பரவுமா என்று கேள்வி கேட்கவில்லை, பட்டிமன்றமும் நடத்தவில்லை. பத்திரிகை மூலம் கொரோனா வைரஸ் பரவாது என்று தினக்குரல் பத்திரிகையில் வெளிவந்த செய்தி இங்குள்ள பலருக்கு ஆறுதல் தருவதாகவும், நலன் விரும்பிகளின் கேள்விகளுக்குப் பதிலாகவும் அமைந்திருந்தது.

 

http://thinakkural.lk/article/39686

Link to comment
Share on other sites

உடையார் அண்ணை, தலையங்கத்துக்கும் கட்டுரைக்கும் என்ன சம்பந்தம் ?

 

"மரணத்தில் மீண்டும் தங்கள் இருப்பை உறுதி செய்து, வார்த்தையாடி மகிழ்பவர்கள் மறுபக்கம். மரணமானவரின் குடும்பத்தை ஆற்றுப்படுத்துவதை விட்டுவிட்டு, அந்தக் குடும்பத்தைச் சின்னாபின்னமாக்கித் தனிப்பட்ட கோபதாபங்களை ஒருசிலர் தீர்த்துக் கொண்டிருக்கிறார்கள். ஒன்றுமறியா அப்பாவிமக்கள் தான் இவர்களின் பொறியில் சிக்கி பலியாகுகிறார்கள். நாங்கள் மதிக்கும் இங்குள்ள சமூக நலன் விரும்பும் கல்விமான்கள், பெரியவர்கள் சிலர் குறிப்பிட்டது போல ‘இந்தக்கூட்டம்’ இருக்கும் வரை தமிழ் சமூகம் இந்த மண்ணில் ஒருநாளும் உருப்படாது என்பதை மீண்டு உறுதிப்படுத்தி இருக்கிறார்கள். ஆனால் கூடாததிலும் ஒரு நல்ல விடயம் என்னவென்றால் இதன் பின்னணியில் யார் இருக்கிறார்கள், சந்தர்ப்பவாதிகள் யார் என்பதை எல்லாம் புரிந்து கொள்ள கொரோனா வைரஸ் தமிழ் சமூகத்திற்கு, குறிப்பாக அடுத்த தலைமுறையினருக்கு நல்லதொரு சந்தர்பத்தைத் தந்திருப்பதுதான். "

 

கட்டுரையாளர் என்ன சொல்ல வருகிறார் ?

Link to comment
Share on other sites

  • கருத்துக்கள உறவுகள்

குடும்பத்தைச் சின்னாபின்னமாக்கித் தனிப்பட்ட கோபதாபங்களை ஒருசிலர் தீர்த்துக் கொண்டிருக்கிறார்கள். ஒன்றுமறியா அப்பாவிமக்கள் தான் இவர்களின் பொறியில் சிக்கி பலியாகுகிறார்கள். நாங்கள் மதிக்கும் இங்குள்ள சமூக நலன் விரும்பும் கல்விமான்கள், பெரியவர்கள் சிலர் குறிப்பிட்டது போல ‘இந்தக்கூட்டம்’ இருக்கும் வரை தமிழ் சமூகம் இந்த மண்ணில் ஒருநாளும் உருப்படாது என்பதை மீண்டு உறுதிப்படுத்தி இருக்கிறார்கள். 

 

ஏற்றுக்கொள்கின்றேன்.....

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Popular Now

  • Topics

  • Posts

    • (நா.தனுஜா) இலங்கைக்கு வருகைதந்திருக்கும் ஐரோப்பிய ஒன்றியப்பிரதிநிகள் குழுவை இன்றைய தினம் சந்தித்துக் கலந்துரையாடிய சஜித் பிரேமதாஸ தலைமையிலான எதிர்க்கட்சிப் பிரதிநிதிகள், இலங்கைக்கு வழங்கப்பட்டுவரும் ஜீ.எஸ்.பி பிளஸ் வரிச்சலுகையினை நிறுத்தவேண்டாம் என்று  கேட்டுக்கொண்டுள்ளனர். மாறாக அவ்வரிச்சலுகையைத் தொடர்ந்து பெறுவதற்கான மனித உரிமைகள் மற்றும் ஜனநாயகம்சார் கடப்பாடுகளைப் பூர்த்திசெய்வதற்கான அழுத்தங்களை அரசாங்கத்திற்கு வழங்குமாறும் அவர்கள் ஐரோப்பிய ஒன்றியப்பிரதிநிதிகளிடம் வலியுறுத்தியுள்ளனர். இலங்கைக்கு ஜீ.எஸ்.பி பிளஸ் வரிச்சலுகையினைத் தொடர்ந்து வழங்குவது குறித்த மதிப்பீடுகளை மேற்கொள்வதற்காக நாட்டை வந்தடைந்திருக்கும் ஐவரடங்கிய ஐரோப்பிய ஒன்றியப் பிரதிநிதிகள் குழுவினர், நேற்று முன்தினத்தில் இருந்து தமது மதிப்பீட்டுப்பணிகளை ஆரம்பித்துள்ளனர். இந்நிலையில் பிரதான எதிர்க்கட்சியான ஐக்கிய மக்கள் சக்தியின் பிரதிநிதிகளுக்கும் ஐரோப்பிய ஒன்றியப்பிரதிநிகளுக்கும் இடையிலான சந்திப்பு இன்று புதன்கிழமை கொழும்பிலுள்ள எதிர்க்கட்சித்தலைவர் அலுவலகத்தில் நடைபெற்றது. இச்சந்திப்பில் ஐக்கிய மக்கள் சக்தியின் சார்பில் எதிர்க்கட்சித்தலைவர் சஜித் பிரேமதாஸ தலைமையில் பாராளுமன்ற உறுப்பினர்களான லக்‌ஷ்மன் கிரியெல்ல மற்றும் ஹர்ஷ டி சில்வா ஆகியோர் கலந்துகொண்டனர். இதன்போது ஜனநாயகம், மனித உரிமைகள், சிறைக்கைதிகளின் பாதுகாப்பு உள்ளிட்ட பல்வேறு விடயங்கள் தொடர்பில் பேசப்பட்டதுடன் ஐரோப்பிய ஒன்றியத்திற்கும் இலங்கைக்கும் இடையிலான நீண்டகாலத்தொடர்பு குறித்தும் நினைவுகூரப்பட்டது. இச்சந்திப்பின்போது பேசப்பட்ட விடயங்கள் தொடர்பில் பாராளுமன்ற உறுப்பினர் ஹர்ஷ டி சில்வாவிடம் வினவிபோது, ஏற்கனவே வாக்குறுதியளிக்கப்பட்டவாறு பயங்கரவாதத்தடைச்சட்டத்தில் உரியவாறான திருத்தங்கள் மேற்கொள்ளப்படவேண்டியதன் அவசியம் தொடர்பில் இதன்போது வலியுறுத்தப்பட்டது. அதன் அவசியம் தொடர்பில் ஏற்கனவே லக்‌ஷ்மன் கிரியெல்ல பாராளுமன்றத்தில் சுட்டிக்காட்டிப்பேசியுள்ளமை குறித்து நாம் ஐரோப்பிய ஒன்றியப்பிரதிநிதிகளிடம் எடுத்துரைத்தோம். அத்தோடு இலங்கைக்கு வழங்கிவருகின்ற ஜீ.எஸ்.பி பிளஸ் வரிச்சலுகையை நிறுத்தவேண்டாம் என்று சஜித் பிரேமதாஸ ஐரோப்பிய ஒன்றியப்பிரதிநிதிகளிடம் கேட்டுக்கொண்டார். இதன்மூலம் நாட்டுமக்கள் வேலைவாய்ப்பைப் பெற்றிருப்பதுடன், தற்போதைய டொலர் பற்றாக்குறை நிலைவரத்தில் இவ்வரிச்சலுகை மூலமான ஏற்றுமதிகள் நாட்டிற்கு பெரிதும் பயனுள்ளதாக அமையும் என்றும் சஜித் பிரேமதாஸ சுட்டிக்காட்டினார். இவ்வரிச்சலுகையை இரத்துச்செய்வதால் நாட்டுமக்களே பாதிக்கப்படுவர். ஆகவே ஜீ.எஸ்பி பிளஸ் வரிச்சலுகையைப் பெறுவதற்கு அவசியமான மனித உரிமைகள் மற்றும் ஜனநாயகத்தை பாதுகாத்தல் உள்ளிட்ட கடப்பாடுகளைப் பூர்த்திசெய்வதற்கான அழுத்தங்களை அரசாங்கத்திற்கு வழங்குமாறும் ஐரோப்பிய ஒன்றியத்தின் பிரதிநிதிகளிடம் கேட்டுக்கொண்டோம் என்று குறிப்பிட்டார்.   ஜீ.எஸ்.பி.பிளஸ் வரிச்சலுகையை நிறுத்தவேண்டாம் - ஐரோப்பிய ஒன்றியப்பிரதிநிகளிடம் எதிர்க்கட்சி | Virakesari.lk
    • வீட்டில் "இந்தப்பூனையும் பால் குடிக்குமா" என்று இருக்கும் அந்நிய ஆண்களுடன் கண்டம் விட்டு கண்டம் பறந்து சென்று டேற்ரிங் பண்ணிட்டு வருகுதுகள்.....சில மாதங்களில் வேறுஒருத்தரை மணமுடிக்குதுகள்....! சகோதரங்களுக்குள்ளேயே விடாப்பிடியாய் நின்று மணமுடிக்குதுகள்....இப்படி நிறைய பார்த்து மனசு மரத்து போய் விட்டது......! மரத்துக்கும் மரத்துக்கும் கலியாணம், கழுதைக்கும் கழுதைக்கும் கலியாணம்,நாய்க்கும் மனுசனுக்கும் கலியாணம் என்றும் நிறைய பார்த்தாச்சுது.......! வாழ்த்துவதாய் இருந்தால் அது மனப்பூர்வமாய் இருக்க வேண்டும்...... அது முடியவில்லை....! இதையெல்லாம் இரண்டு குலை போட்ட வாழை, நாலு கிளையுடன் நிக்கும் பனை என்று செய்தியாக பார்த்து கடந்து போக வேண்டும்......அவ்வளவுதான்.......!  
    • (ஆர்.யசி)   பயங்கரவாத தடை சட்டம் முழுமையாக நீக்கப்பட வேண்டும், பயங்கரவாத தடை சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள் சகலரும் விடுவிக்கப்பட வேண்டும் என்பதையும்,  அண்மைக் காலங்களில்  பயங்கரவாத தடை சட்டத்தின் கீழ் பல கைதுகள் இடம்பெற்றுள்ளமை, பொது மக்களின் காணி அபகரிப்பு, ஜனநாயக செயற்பாடுகள் அடக்கி ஒடுக்கப்பட்டுள்ளமை போன்ற பல்வேறு விடயங்களை இலங்கை வந்துள்ள ஐரோப்பிய ஒன்றிய கண்காணிப்பு குழுவிடம் தமிழ் தேசிய கூட்டமைப்பினர் எடுத்துக்கூறியுள்ளதுடன் சிறுபான்மை மக்களின் நீண்டகால உரிமைகளை பெற்றுக்கொள்ளும் ரீதியில் அரசாங்கத்திற்கு அழுத்தங்கொடுக்க ஜி.ஸ்.பி பிளஸ் சலுகையை நீக்குமாறும் கேட்டுக்கொண்டுள்ளனர்.       இலங்கையின் நிலைமைகளை நேரில் ஆய்வு செய்து இலங்கைக்கு ஜி.எஸ்.பி பிளஸ் வரிச்சலுகை வழங்க முடியுமா என்பது குறித்து ஆராயும் நோக்கில் இலங்கை வந்க்துள்ள  ஐவர் கொண்ட  ஐரோப்பிய ஒன்றிய குழுவினர் இன்று மாலை  தமிழ் தேசிய கூட்டமைப்பினருடன் கலந்துரையாடியிருந்தனர் . தமிழ் தேசிய கூட்டமைப்பின் தலைவர் ஆர்.சம்பந்தனின் கொழும்பு இல்லத்தில் மாலை 5.15 மணியளவில்  இந்த சந்திப்பு இடம்பெற்றிருந்தது.   இந்த சந்திப்பில் தலைவர் சம்பந்தனுடன் தமிழ் தேசிய கூட்டமைப்பின் ஊடகப்பேச்சாளரும் பாராளுமன்ற உறுப்பினருமான எம்.எ.சுமந்திரன்,இலங்கை தமிழரசு கட்சியின் தலைவர் மாவை சேனாதிராஜா,  தமிழ் தேசிய கூட்டமைப்பின் பங்காளிக்கட்சி தலைவர்களான ரெலோ தலைவர் செல்வம் அடைக்கலநாதன், புளொட் தலைவர் தர்மலிங்கம் சித்தார்த்தன், கூட்டமைப்பு பாராளுமன்ற உறுப்பினர்களான இராசமாணிக்கம் சாணக்கியன், கோவிந்தன் கருணாகரம் ஆகியோரும் சந்திப்பில் கலந்துகொண்டிருந்தனர். சந்திப்பு குறித்து கூட்டமைப்பின் ஊடகப்பேச்சாளரும் பாராளுமன்ற உறுப்பினருமான எம்.எ.சுமந்திரன் கூறுகையில், வருடா வருடம் அவர்களின் மீளாய்வு  குழுவினர் இலங்கை உள்ளிட்ட நாடுகளுக்கான விஜயத்தை மேற்கொண்டு நிலைமைகளை ஆராய்வது வழமையான ஒன்றாகும். அவ்வாறே இம்முறையும் அவர்களின் கண்காணிப்புக்குழு இலங்கை வந்துள்ளதுடன் தமிழ் மக்களின் பிரதிநிதிகள் என்ற விதத்தில் எம்முடனும் அவர்கள் கலந்துரையாடி தமிழர் தரப்பின் பிரச்சினைகள் மற்றும் நிகழ்கால அரசியல் செயற்பாடுகள், வடக்கு கிழக்கு மக்களின் பிரச்சினைகள் குறித்தும், தற்போது நாட்டில் காணப்படும் மனித உரிமை செயற்பாடுகள், நல்லிணக்க முயற்சிகள், ஜனநாயகத்திற்கு எவ்வாறான சவால்கள் ஏற்பட்டுள்ளன, சிறுபான்மை மக்கள் எதிர்கொள்ளும் சவால்கள் நெருக்கடி நிலைமைகள் குறித்து ஒவ்வொன்றாக எம்மிடம் கேட்டறிந்து கொண்டனர், இதே வேளையில் பயங்கரவாத பயங்கரவாத தடை சட்டம் நீக்கப்பட வேண்டியதன் தேவை குறித்து நாம் எடுத்துக் கூறினோம். குறிப்பாக தற்போது நடைமுறையில் உள்ள பயங்கரவாத தடை சட்டம் முழுமையாக நீக்கப்பட வேண்டும், அதேபோல் பயங்கரவாத தடை சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள் சகலரும் விடுவிக்கப்பட வேண்டும். நீண்ட காலமாக இவர்கள் தடுத்து வைக்கப்பட்டுள்ளனர். அத்துடன் அண்மைய கால செயற்பாடுகளின் போதும் பயங்கரவாத தடை சட்டத்தின் கீழ் பல கைதுகள் இடம்பெற்றுள்ளன. இவற்றையெல்லாம் நாம் அவர்களிடத்தில் எடுத்துக் கூறியுள்ளோம், தேசிய பாதுகாப்பு விடயங்களை போலவே ஜனநாயகமும் பாதிக்கப்படக்கூடாது என்பது கவனிக்கப்பட வேண்டிய முக்கிய விடயமாகும். அவ்வாறு இருக்கையில் அப்பாவி பொதுமக்கள் பயங்கரவாத தடை சட்டத்தின் கீழ் கைது செய்யப்படுவது மிக மோசமான செயற்பாடு என்பதை நாமும் எடுத்துக்கூறினோம் மேலும் நாட்டில் இடம்பெறும் நில ஆக்கிமிப்பு செயற்பாடுகள் குறித்தும் இராணுவத்தின் மூலமாக மேற்கொள்ளப்படும் நில ஆக்கிரமிப்பு செயற்பாடுகள் குறித்தும் எடுத்துக்கூறினோம். வடக்கு கிழக்கில் இதுவரை இடம்பெற்றுள்ள ஆகிரமிப்பு செயற்பாடுகள், தமிழ் பேசும் மக்களின் காணிகள்  எவ்வாறு எப்போது ஆக்கிரமிக்கப்பட்டுள்ளது என்ற ஆதாரங்களுடன் நாம் உரிய காரணிகளை எடுத்துக்கூறியுள்ளோம். நீண்டகால அரசியல் தீர்வு விடயங்களில் எமது எதிர்பார்ப்பு என்னவென்பதை கூறியுள்ளோம், தமிழ் மக்க்களின் நீண்டகால அபிலாசைகள் ,சுய உரிமைகளை, கௌரவத்தை உறுதிபடுத்தும் புதிய அரசியல் அமைப்பு உருவாக்கப்பட வேண்டும். இதுவரை காலமாக எமக்கான சம உரிமைகள் நிராகரிக்கப்பட்டதன் விளைவாக தமிழ் மக்கள் பலவற்றை இழந்துள்ளோம். அதற்கான நியாயம் கேட்டு இன்று நாம் போராடிக்கொண்டு உள்ளோம். தேசிய ரீதியிலான எந்தவித முன்னேற்றகரமான நகர்வுகளும் அவதானிக்க முடியாத காரணத்தினால் தான் நாம் சர்வதேச தரப்பை நம்பி செயற்பட வேண்டிய நிலைக்கு தள்ளப்பட்டுளோம். ஆகவே தமிழ் மக்களின் உரிமைகள், சுய கௌரவம், சமத்துவம் மொழி உரிமைகள் உறுதிப்படுத்தும் புதிய அரசியல் அமைப்பு உருவாக்கப்பட வேண்டும் என்பதையும் நாம் வலியுறுத்தியதுடன், சர்வதேச ரீதியில் அவர்களின் ஒத்துபைப்பையும் நாம் கேட்டுக்கொண்டும். மேலும், ஜி.எஸ்.பி பிளஸ் சலுகை குறித்து கலந்துரையாடப்பட்டது. இலங்கைக்கு ஜி.எஸ்.பி பிளஸ் சலுகை இல்லாமால் போனால் நாடாக சகலருக்கும் அதில் பாதிப்பு ஏற்படும். ஒட்டுமொத்த நாட்டின் பொருளாதரத்தைத்தையும் அது பாதிக்கும். ஆகவே அதற்கு நாம் விரும்பாது போனாலும் கூட, எமது மக்களுக்கான உரிமைகளை, அந்தஸ்தை  பெற்றுக்கொள்ளவும், நீண்டகால முரண்பாடுகளுக்கான தீர்வுகளை பெற்றுக்கொள்ளவும் எந்த வகையிலேனும் அழுத்தங்களை பிரயோகித்து எமது இலக்கை அடைய வேண்டியுள்ளது என்பது வெளிப்படையாகவே நாம் தெரிவித்துள்ளோம். ஆகவே நாட்டில் இல்லாது போயுள்ள மனித உரிமைகளை பெற்றுக்கொள்ளவும், சிறுபான்மை மக்களை இலக்குவைத்து பாயும் சட்டங்களிய நீக்கிக்கொள்ளவும் அதற்கான வழியில் அரசாங்கத்தை இயங்க வைக்கும் நோக்கத்தில் ஜி.எஸ்,பி பிளஸ் சலுகையை ரத்து செய்யுமாறும் நாம் ஐரோப்பிய ஒன்றிய விசேட  குழுவிடம் கேட்டுக்கொண்டுள்ளோம். தமிழ் மக்களுக்கு எதிரான செயற்பாடுகள், மற்றும் அண்மைக்கால மனித உரிமை மீறகள் குறித்து அவர்கள் அறிந்திருந்த விடயங்களை ஒவ்வொன்றாக அவர்கள் எம்மிடம் கேட்டறிந்துகொண்டனர். சுமார் ஒரு மணிநேரம் இந்த கலந்துரையாடல் இடம்பெற்றது. ஏனைய எதிர்க்கட்சி தரப்பினருடனும் அவர்கள் காலையில் இருந்து பேச்சுவாரத்தைகளை முன்னெடுத்துள்ள நிலையில் சகல தரப்பின் காரணிகளையும் அவர்கள் கருத்தில் கொண்டுள்ளனர். நாளைய தினம் (இன்று) அரசாங்கத்துடன் அவர்கள் பேச்சுவார்த்தைகளை முன்னெடுக்கவுள்ள நிலையில் நாம் முன்வைத்துள்ள சகல காரணிகளையும் அரச தரப்பிடம் கூறி அதன் பின்னர் அவர்களின் நிலைப்பாட்டையும், தாம் சேகரித்துள்ள காரணிகளையும் தமது அறிக்கையில் முன்வைப்பதாகவும் நாம் கூறியுள்ள காரணிகளையும் குறித்த அறிக்கையில் இணைப்பதாகவும் கூறியுள்ளனர் என்றார். ஐரோப்பிய ஒன்றிய கண்காணிப்பு குழுவிடம் தமிழ் தேசிய கூட்டமைப்பினர் விடுத்துள்ள கோரிக்கை | Virakesari.lk
    • நீங்கள் இருவரும் சொல்வதில் ஒன்றுடன் உடன்படுகிறேன்.  மேற்குலகை பொறுத்தவரை ஹோமோசெக்சுவாலிட்டி இப்போ ஒரு settled matter சட்டரீதியாகவேனும். இப்போ இங்கே பேசு பொருள் gender dysphoria, ஆண்/பெண்ணாக மாறுவது, எந்த வயதில் ஆப்பரேசன் செய்யலாம், அது சம்பந்தமான உரிமைகள் பற்றியே. இப்போ யார் பெண் என்பதே இங்கே பேசுபொருளாக இருக்கிறது. Women v trans women, are trans women, women ? இவைதான் இங்கே பேசப்படுகிறன.
    • நடந்த நிகழ்ச்சிக்கும் இங்கு வாழ்த்துக்கள் கூறியவர்களுக்கும் எந்த சம்பந்தமில்லை நாங்கள் வாழ்த்தவிட்டாலும். எதிர்காலத்தில் இப்படி நடைபெறும்...இருந்தும் வாழ்த்தியது  ஒரு ஊக்குவிப்பு என்பதை எற்றுக்கொள்கிறேன்.  ஆனாலும் வாழ்த்துவதைவிட வேறு வழி இல்லை 
×
×
  • Create New...

Important Information

By using this site, you agree to our Terms of Use.