Virgin Galactic விண்கலம் பூமிக்குத் திரும்பியது...விண்வெளிக்கு மக்களை அழைத்துச் செல்லும் நாள் நெருங்குகிறது.

[உடையார்]

Virgin Galactic விண்கலம் பூமிக்குத் திரும்பியது...விண்வெளிக்கு மக்களை அழைத்துச் செல்லும் நாள் நெருங்குகிறது

 

வணிக விண்வெளிப் பயணங்கள் கூடிய விரைவில் சாத்தியமாகலாம்.

VSS Unity எனப்படும் Virgin Galactic விண்கலம் அதன் பயணத்தை நிறைவுசெய்துள்ள வேளையில் அந்த நம்பிக்கை தோன்றியுள்ளது.
அது நியூ மெக்ஸிகோ பாலைவனத்தில் பாதுகாப்பாகத் தரையிறங்கியது.

அந்த முன்னோடிப் பயணத்தில், Unity விண்கலம், சிறப்பாக வடிவமைக்கப்பட்ட விமானத்தின் அடிப்பகுதியில் இணைக்கப்பட்டது.

விண்கலத்தைப் பாய்ச்சுவதற்கு முன், அவ்விமானம் அதை அதிக உயரத்திற்குக் கொண்டு சென்றது.

வெற்றிகரமான பயணம் பற்றி சமூக ஊடகங்களில் அறிவித்த Virgin Galactic நிறுவனம், விண்கலத்தின் படங்களையும் பகிர்ந்தது.

அப்பயணத்தில் சேகரிக்கப்பட்ட தகவல்களை அதிகாரிகள் தற்போது ஆராய்ந்துவருகின்றனர்.

அந்தத் தரவுகளைக்கொண்டு, அடுத்த விண்கலப் பயணத்திற்குத் தயார் செய்யப்படும் என்று அந்நிறுவனம் தெரிவித்தது.

கூடுதலான சோதனைப் பயணங்களுக்குப் பிறகே வாடிக்கையாளர்கள், Virgin Galactic நிறுவனத்தோடு விண்வெளிக்குப் பயணம் செய்யலாம்.

அந்த மெய்சிலிர்க்க வைக்கும் சவாரியில், பயணிகள் எடையற்ற தன்மையை சில நிமிடங்களுக்கு அனுபவிக்கலாம்.

அத்துடன், கீழே உள்ள பூமியின் வளைவையும் காணலாம்.

Virgin Galactic நிறுவனம் தனது முதல் வணிகப் பயணத்தை இவ்வாண்டே நடத்த முடியும் என்று எதிர்பார்க்கிறது.

ஒரு பயணச்சீட்டின் விலை
250,000 டாலர் வரை.

உலகளவில், 600க்கும் அதிகமான வாடிக்கையாளர்கள் அப்பயணத்திற்கு முன்பணம் செலுத்தியுள்ளனர்.

 

https://seithi.mediacorp.sg/mobilet/world/virgin-atlantic/4440778.html

 

[உடையார்]

பக்கத்து மாநிலத்திற்கு இப்ப போக முடியவில்லை, அதற்குள் விண்ணுக்கு போகப் போகினமாம், முதலில் பூமியை சுத்தப்படுத்துங்கள்