Sign in to follow this  
புரட்சிகர தமிழ்தேசியன்

இலங்கையில் வாழும் முஸ்லிம்களை ஏன் சோனகர்கள் என அழைகின்றனர்.?

Recommended Posts

இலங்கையில் வாழும் முஸ்லிம்களை ஏன் சோனகர்கள் என்று அழைக்கிறார்கள்.?

fb_img_1588755152435843436588.jpg

இலங்கை வாழ் முஸ்லிம்கள்  சோனகர்கள் என்ற பொதுவான பெயரால் அழைக்கப்படுகின்றனர். இலங்கைவாழ் முஸ்லிம்களை வரலாற்று ரீதியாக நோக்கும் போது இரு வகையான விளக்கங்கள் கொடுக்கப் படுகின்றது.

1. இலங்கை முஸ்லிம்கள் அரபியர்களின் வழித்தோன்றல்கள். அரபியர்கள் ஆரம்ப காலம் தொட்டு இலங்கையுடன் வர்த்தக தொடர்புகளை பேணி வந்தார்.  அரபுலகில் இஸ்லாம்  அறிமுகமான பொழுது இலங்கையிலும் அதன் தாக்கம் ஏற்பட்டது. அரேபியர்கள் இலங்கையில் உள்ள சிங்கள,  தமிழ் பெண்களை திருமணம் செய்துதான் இந்த நாட்டில் முஸ்லிம்களும் இஸ்லாமும் குடி கொண்டது என்று கூறுகின்றனர்.

2.  இலங்கையில் உள்ள முஸ்லிம்கள் இனத்தால் தமிழர்கள். அவர்களின் தாய்மொழி தமிழே. ஆதலால் அவர்கள் தமிழர்கள். மதத்தால் இஸ்லாமியர்கள் என்பது மற்றொரு கருத்து.

உண்மையில் இலங்கையில் வாழ்கின்ற பெரும்பான்மையான முஸ்லிம்கள் கூட இதனையே தமது வரலாறாக கருதுகின்றனர்.

முஸ்லிம்கள் என்போர்  இந்த நாட்டுக்கு வந்தவர்கள். இந்த நாடு பௌத்த நாடு. முஸ்லிம்களாகிய நாம் இந்த நாட்டில் சிறுபான்மை மக்கள். ஆகவே எப்பொழுதும் நாம் அடங்கித்தான் போக வேண்டும், குட்டக்குட்ட குனியதான் வேண்டும், நிமிர்ந்துகூட பார்ப்பதை மகா குற்றமாக பார்க்கும் முஸ்லிம்களும் எம் மத்தியிலும் இல்லாமல் இல்லை.

உண்மையில் இந்த இலங்கை முஸ்லிம்கள் யார்?
அவர்களின் உண்மை வரலாறு என்ன? என்பதன் ஆரம்ப வரிகளாக இவ் ஆக்கம் அமையப் பெற்றிருக்கும்.

இலங்கை முஸ்லிம்கள் வரலாற்றில் சோனகர்கள், மோர் சமூகம் என அழைக்கப்படுகின்றனர். இலங்கை முஸ்லிம்கள் அரபியர்களின் வழித்தோன்றலாக அல்லது இனத்தால் தமிழர்களாக இருந்தால் இவர்களுக்கு சோனகர்கள் என்ற சொற்பிரயோகம் எவ்வாறு வந்தது என்ற கேள்வி எழுகின்றது. சோனகர் என்ற சொல் வரலாற்றில் அரேபியாவில் இஸ்லாம் வருவதற்கு முன்னால் இருந்தே புழக்கத்தில் இருப்பதை வரலாற்றை ஆய்வு செய்யும்போது கண்டு கொள்ளலாம்.

ஆகவே சோனகர்கள் என்பது இந்த நாட்டின் ஒரு பூர்வீக இனமாக வாழ்ந்து உள்ளார்கள். சோனகர்கள் என்பவர்கள் இந்து சமுத்திரத்தின் மிகப் பழங்குடி மக்கள். மனித குலத்தின் வரலாறு துவங்கியபோதே சோனகர்கள் என்று செற்பிரயோகமும் இந்த மண்ணில் தோன்றியுள்ளது.
உலக மக்களால் நம்பப்படுகின்ற முதல் மனிதன் ஆதம் அலைஹிஸ்ஸலாம் இறக்கப்பட்டது இலங்கையில் தான் என்று, ஸ்ரீ பாத மலை இன்றும் மதம்,இனம், மொழிகளுக்கு அப்பால் மக்கள்  அனைவராலும் தரிசித்து வருவது மனித குலத்தின் ஆரம்பம்  இங்கிருந்துதான் ஊற்றெடுக்கின்றது என்ற செய்தியை குறித்து நிற்கின்றது.

ஆகவே முதல் மனிதன் இந்த பூமியில் தோன்றிய பொழுதே மனித சமூகத்தின் வரலாறும் அவர்களின் முதல் மொழியும் பதிவு செய்யப்படுகின்றது. மனித சமூகம் முதல் முதலில் பேசிய மொழி எது என்ற கேள்வி எமக்கு முன்னால் எழுகின்றது.

ஆதம் என்ற சொல் அரபுச் சொல்ல்ல. ஆகவே முதல் மனிதன்  இப்பூமியில் அரபியாக, அரபி மொழி பேசுகின்ற வராக இருந்திருக்க முடியாது. ஆதம் என்பவர் ஒரு  அஜமியாக,  அரபி அல்லாதவராகத்தான் இருந்திருக்க வேண்டும்.

அப்படியானால் அவர் பேசிய மொழி என்ன?

மொழி இயல் ஆராய்ச்சியாளர்களான பாவாணர் மற்றும் ஜராவாதம் என்போர் உலகில் மூத்த மொழி எது என்பது தொடர்பாக 35 ஆண்டுகால ஆராய்ச்சியை மேற்கொண்டார்கள். இவர்களின் ஆய்வின் முடிவில் பல புதிய தகவல்களை கண்டுகொள்ள முடிகின்றது. 

இவர்களின் ஆய்வில் தமிழுக்கு முந்திய ஒரு மொழி இருந்ததாக குறிப்பிடுகின்றார்கள். அந்த மொழி வினையெச்சம், வினைத்தொகை கொண்டது, முற்றுப் பெற்ற வாக்கியங்களாகவும் இருக்கவில்லை என்று குறிப்பிடுகின்றார்கள்.

இதனை “பண்டைய தமிழ் சமூகத்தில் நாடகம்” என்ற நூலில் கலாநிதி கா சிவத்தம்பி அவர்கள் “அந்த மொழி தென்னிலங்கையில் முஸ்லிம்களிடத்தில் இன்னமும் வாழ்ந்து கொண்டிருக்கின்றது” என்று கூறுகின்றார்.

கலாநிதி கா சிவத்தம்பி அவர்களின் ஆய்வு பல விடயங்களை தெளிவுபடுத்துகின்றது.  அதாவது தமிழ் மொழிக்கு முந்திய ஒரு மொழி இருந்திருக்கின்றது. அதுவே உலகின் மூத்த மொழியாக அடையாளப் படுத்தப்பட்டிருக்கின்றன. அந்த மொழி தென்னிலங்கை  முஸ்லிம்களிடத்தில் இன்னமும் வாழ்ந்து கொண்டிருக்கின்றது.
யார் இந்த தென்னிலங்கை முஸ்லிம்கள்?

இங்கு முஸ்லிம்கள் எனக் குறிப்பிடப்படுகின்றவர்கள் இலங்கைச் சோனகர்கள். ஒரு சமூகம் எப்பொழுதும் தன் தாய் மொழியையே பேசும்.  இலங்கை சோனகர்கள் பேசுகின்ற மொழி உலகின் மூத்த மொழி என்றால் உலகின் மூத்த சமூகம் சோனகர்கள் என்பதே இதன் மூலம் தெளிவாகின்றது. ஆகவே அந்த மொழியை சோனக மொழி என அடையாளப்படுத்தலாம்.
உலகில் தோன்றிய ஏராளமான இனங்களும் மொழிகளும் காலத்தால் அழிந்து போயுள்ளன என்பதற்கு ஏராளமான வரலாற்றுச் சான்றுகள் இருக்கின்றன.

உலகையே  பிரமிக்க வைத்த மாயர்கள் கூட அழிந்திருப்பது இதற்கு சான்றாகும். ஆகவே உலகில் தோன்றிய முதல் மொழி சோனக மொழி அழிந்திருப்பதற்கு ஏராளமான வாய்ப்புகள் இருக்கின்றன. அந்த மொழியின் எச்ச சொச்சங்கள் இன்றும் இலங்கை சோனக சமூகத்தில் புழக்கத்தில் இருப்பதனை காணலாம்.

இலங்கை முஸ்லிம்கள் அரபிகளின் வழித்தோன்றலாக இருந்திருப்பின் தனது தந்தையை அபூ என்றும், தாயை உம்மூ என்றும்,  சகோதரியை உஹ்துன் என்றும், சகோதரனை அஹுன் என்றும் அழைத்திருக்க வேண்டும்.  அல்லது இவர்கள் இனத்தால் தமிழர்கள் என்றால் அப்பா, அம்மா, அக்கா,  அண்ணா என்று அழைத்திருக்க வேண்டும்.

இவை இரண்டுக்கும் அப்பால் இச் சோனக சமூகம் வாப்பா, உம்மா, தாத்தா, நானா என்ற சொற்பிரயோகங்களை பயன்படுத்துகின்றார்கள்.  இச்சொற்கள் அரபு மொழிக்கு  உரியதுமல்ல. தமிழ் மொழியை சார்ந்ததுமல்ல. அவ்வாறெனில் சோனகர்களுக்கு மத்தியில் கையாளுகின்ற இச்சொற்கள் தனியானதொரு மொழியின் அடையாளங்களாக விளங்குகின்றன.

ஆகவே இந்த நாட்டில் வாழ்கின்ற சோனகர்களுக்கு மத்தியில் தனியானதொரு மொழி இருந்திருக்கின்றது என்பதனையும் காலத்தால் அம்மொழி பல மாறுதல்களுக்கும் அழிவுக்கும் உட்பட்டுள்ளது என்பதனையும் புரிந்துகொள்ள முடிகின்றது.

இஸ்லாம் அரபு உலகில் தோன்றிய போதும் அதன் கருத்துக்களாலும் நடைமுறைகளும் அதன் பரவலாக்கம்  அரபுலகை தாண்டி வியாபித்தது. இஸ்லாத்தின் அழகிய வாழ்வியலால் கவரப்பட்ட பெருந்தொகையான மக்கள் கூட்டம் கூட்டமாக இஸ்லாத்தை ஏற்றனர்.

இந்நிலை மத்திய கிழக்கை தாண்டி ஆசியா, ஆப்ரிக்கா, ஐரோப்பா என நீண்டு சென்றது. இவ்வரிசையில் தான் இலங்கையின் பூர்வீக குடிகளான சோனகர்கள் இஸ்லாத்தின் கருத்துக்களால் கவரப்பட்டு இஸ்லாத்தை ஏற்றனர். பலஸ்தீனத்தில் உதித்த கிறிஸ்தவத்தை ஐரோப்பியர்கள் ஏற்றுக்கொண்டதனால் அவர்கள் எவ்வாறு ஐரோப்பியாவுக்கு அந்நியர்களாக முடியாதோ அதே போன்றுதான் இஸ்லாத்தை ஏற்றுக் கொண்டதால்  சோனகர்கள் இலங்கைக்குஅன்னியராக முடியாது.  அது அவர்களின் தெரிவுச் சுதந்திரம்.

சோனகர்கள் என்ற பெயர்  இவர்களுக்கு எவ்வாறு வந்தது என்பதனை பார்க்கும்பொழுது  முதல் மனிதன் சுவனத்தில் படைக்கப்பட்டதாகவும் அங்கு நடந்த நிகழ்வுகளால் பூமிக்கு இறக்கப்பட்டதாக இஸ்லாம் உட்பட ஏனைய வேத நூல்களும் குறிப்பிடுகின்றன. முதல் மனிதன் ஆரம்பமாக வசித்த கிராமம் சுவனம் –  அதை சார்ந்தவர்கள் சுவனர்கள்.

அதுவே காலப்போக்கில் சோனகர்கள் என்று மருவியிருக்கலாம்.  சோனகர் இன வரலாறு, முதல் மனிதன் இறக்கப்பட்டதாக நம்பப்படும் ஸ்ரீபாத மலையிலிருந்து ஆரம்பிக்கின்றது.

ஆகவே சோனகர்கள் என்பவர்கள் இலங்கையின் பூர்வீக குடிகள் என்றும் அவர்களுக்கான மிகப்பழமை வாய்ந்த  மொழி உலகத்தில் இருந்திருக்கின்றது என்பதனையும் பார்த்தோம். சோனக  சமூகம் அரபிகளின்  பரம்பரையால் வந்தவர்களுமல்ல, இனத்தால் தமிழர்களுமல்ல.

சோனகம்,  சோனகர்கள் என்பதே தனி இனம் என்பதனையும் பார்த்தோம். இலங்கைச் சோனகர்கள் எவ்வாறு இஸ்லாத்தை ஏற்றார்களோ அதேபோன்று இங்கிருந்த தமிழ் மக்களில் சிலரும் இஸ்லாத்தை  ஏற்றிருக்கிறார்கள். அவர்கள் இனத்தால் தமிழர்களாகவும் மதத்தால் இஸ்லாமியர்களாகவும் வாழ்ந்திருக்கிறார்கள்.

தமிழர்கள் இஸ்லாத்தை ஏற்றுள்ளார், அதேபோன்று சோனகர்களும் இஸ்லாத்தை ஏற்றுள்ளார், அதனால் தமிழர்களும் சோனகர்களும் மதத்தால் ஒற்றுமைப் பட்டுள்ளதால் அவர்களை  இனத்தாலும்  தமிழர்களாக கருத முனைவதனை  ஏற்றுக்கொள்ள முடியாது.

அதேபோன்று வியாபார நோக்கமாய் வந்த அரேபியர்கள் இங்கு வாழ்ந்த சிங்கள, தமிழ், சோனக பெண்களை திருமணம் செய்திருக்கிறார்கள்.  அதன் மூலமாகவும் இஸ்லாம் இங்கு பரவி இருக்கின்றது. ஆகவே சோனகர்கள் என்பவர்கள் தனியான இனம் என்பதனையும் அவர்கள் இஸ்லாத்தை இந்த நாட்டில் ஏற்றுள்ளார்கள் என்பதனையும் அறியலாம்.

இந்த நாட்டின் பூர்வீகக் குடிகள் சோனகர்கள் தான்  என்பதை நிறுவுவதன் மூலம் நாம் ஏனையவர்களை அன்னியர்களாக பார்க்கவில்லை. நாம் அனைவரும் ஒரு பரம்பரையை சார்ந்தவர்கள். சகோதரத்துவ வாஞ்சை என்றும்  எம்மிடம் மிகைத்து காணப்படுகின்றது. இந்த நாட்டு சிங்களவர்கள், தமிழர்கள், கிறிஸ்தவர்கள் அனைவரையும் நாம் சகோதர வாஞ்சையுடனே நோக்குகின்றோம்.
இந்த நாட்டின் நல்லுள்ளம் படைத்த சிங்களவர்களிடம்  நாம் கூறிக்கொள்ள விரும்புவது ஒன்றுதான். ” இந்த நாட்டின் பூர்வீக குடிகள்  சோனகர்களான  இந்த முஸ்லிம்கள்தான் என்பதனை நீங்கள் ஏற்றுத்தான் ஆக வேண்டும் என்ற தேவை கிடையாது.

இந்த நாடு மட்டும் தான் சிங்களவர்களுக்கு இருக்கின்றது என்று நீங்கள் கூறுவதைப் போல நாங்களும் கூறுகின்றோம் “உலகின் பூர்வீக சோனக சமூகத்திற்கும் இந்த நாடு மட்டும் தான் இருக்கின்றது”.

இலங்கை சோனகர்களுடன் ஒரு நிமிடம்…

நாம் இந்த நாட்டின் பாரம்பரிய தொழிலுக்கு, வியாபாரங்களுக்கு கொடுத்த முக்கியத்துவத்தை எமது வரலாற்றை தேடுவதிலும் தொகுப்பதிலும் ஆவணப்படுத்துவதிலும் கொடுக்கவில்லை.

இந்த நாட்டின் பூர்வீகக் குடிகளாக நாமிருந்தாலும் எங்களுடைய வரலாறு மறைக்கப்பட்டு நாம் இந்த நாட்டுக்கு வந்தவர்கள் என்றும்  இந்த நாட்டின் பூர்வீக குடிகள் அல்ல என்றும் எம் மிது பலி சுமத்தி எமக்குள்ள உரிமைகளும் சலுகைகளும் சுதந்திரங்களும் நாளுக்கு நாள் பல விதத்திலும் பரிக்கப்பட்டு மீண்டுமொரு மியன்மார் சமூகமாய் நாம் மாறி விடுவோமா என்ற அவலம் அனைவரையும் சிந்திக்க வைத்துள்ளது.

இத் தருணத்தில் இந்த நாட்டின் பூர்வீக சமூகமான சோனகர்கள் தங்களுடைய வரலாற்றை தொகுப்பதற்கும் பாதுகாப்பதற்கும் முன்வர வேண்டும். இதற்காக இலங்கை சோனக சமூகத்தின் வரலாற்றை ஆவணப்படுத்துவதற்கு  நிறுவனமயப்படுத்தப்பட்ட வேலைத்திட்டங்கள் அவசியம்.

தொல்பொருள் ஆராய்ச்சி என்ற பெயரில் எம் இன வரலாறு அளிக்கப்படும் வேலையே நடைபெற்றுக் கொண்டிருக்கிறது. எமது சமூகத்தில் வரலாற்றுத் துறையில் ஆர்வமுள்ள தேர்ச்சி பெற்ற பாண்டித்தியம் கொண்ட ஆளுமைகளை இனங்கண்டு அவர்களுக்கு எங்களுடைய பணம்களை, பொருள்களை,  இடங்களை முதலீடு செய்து வரும் கால எம் சந்ததியருக்கு மிகச் சிறப்பானதொரு வரலாற்றுத் தொகுப்பை கையளிக்க வேண்டிய தேவை எமக்கு இருக்கின்றது.

இலங்கை
தென்கிழக்குப் பல்கலைக்கழகத்தில் சமூகவியல் மாணவர் ஆய்வு மன்றம் செயற்பட்டு வருகின்றது. இதில் இலங்கை முஸ்லிம்களின் வரலாற்றை தொகுப்பதற்கு என்று தனிப்பிரிவே இயங்கி வருகின்றது.  இப் பணியை செய்வதில் அவர்களின் தேவைகள் ஏராளமாக உள்ளன.

இவர்கள் விடயத்திலும் எமது சமூகத்தின் தனவந்தர்கள், புத்திஜீவிகள்,  இத்துறை சார்ந்தவர்கள் கவனம் எடுக்க வேண்டும் என கேட்டுக் கொள்கின்றேன்.
இறுதியாக “எச்சமூகம் தன் வரலாற்றை அறியவில்லையோ அவர்களுக்கு வருங்காலம் இல்லை” என்பதை தெளிவாக புரிந்துகொள்ளவேண்டும்.

இதற்கு மேலும் எமது வரலாற்றை தொகுப்பதில், தேடுவதில், ஆய்வு செய்வதில் பின் நிற்க முடியாது. ஆகவே எமது சமூகத்தின் தனவந்தர்கள், கல்விமான்கள், இத்துறை சார்ந்தவர்கள், நலன்விரும்பிகள் என அனைவரும் ஒன்று சேர்ந்து இந்த நாட்டின் பூர்வீகக் குடிகளான சோனக சமூகத்தின் வரலாற்றை தேடுவதிலும் ஆராய்வதிலும் தொகுப்பதிலும் கவனம் செலுத்த வேண்டும்.

அதற்காக எம் சமூகத்தின் சகல வளங்களும் அர்ப்பணிக்கப்பட வேண்டும்.
இவ்வுயர்ந்த பணியில் உங்கள் பங்களிப்பையும் உறுதிப்படுத்துங்கள். ஆகக் குறைந்தது நீங்கள் செய்யும் ஒரு share இவ்வாக்கத்தின்  நோக்கத்தை அடைய துணை புரியலாம்.

http://puthusudar.lk/2020/05/06/இலங்கையில்-வாழும்-முஸ்லி/

Share this post


Link to post
Share on other sites
Posted (edited)

இவர்களது புது திரிபு கதை..

தாம் முஸ்லிகளும், இல்லை, அரபிகளும் இல்லை... சோனகர்கள் என்று புதிய விடுகதையுடன் வருகின்றனர்.

கப்பலில் போன அமீர், இறங்கி ஓடி போய் கக்கா, இருந்தபடியால் அமீர் + கக்கா = அமெரிக்கா ஆகியது என்று ஒருத்தர் அவித்து இறக்கினார். இப்ப இனொருவர் கிளம்பி உள்ளார்.

சோனகர் என்பது, செட்டியார் போல ஒரு வியாபார கூட்டங்களுக்கு வந்த காரணப் பெயர்.

இலங்கை சோனகர்களில் பெருபாலானோர், தென் தமிழகத்தின், கேரளத்தின் பல பகுதிகளில் இருந்து குடி பெயர்ந்தோர்.

இவர்கள் பொதுவாக தமிழ் மொழியையே தாய் மொழியாக கொண்டவர்கள். கறுப்பு நிறமானவர்கள்.

அரபிகள் வேறு. ரவூப் ஹக்கீம் சிரிய தேச வம்சாவளி அரபி. கண்டியில் வளர்ந்த ஹக்கீம் பேசுவது சாதாரண தமிழ்

அதுபோல பாகிஸ்தான் வம்சாவளி அரபிகளும் உள்ளனர். சில ஈரானியர்களும் உள்ளனர். இவர்கள் அனைவரும் தமிழே பேசுவர். ஆனால் அது கொழும்பு தமிழ். தாய்மொழிக்கல்வி கட்டாயமானபோது, அவர்கள் தமிழ் மொழியில் படித்தார்கள்.

முஸ்லிம்கள் அல்லது சோனகர் சிங்கள பெண்களை திருமணம் செய்தார்கள் என்பதற்கு பெரிய ஆதாரம் இல்லை. அப்படி செய்திருந்தாலும் சிங்கள மொழியில் தொடர்ந்திருக்க முடியாது. ஏனெனில் முஸ்லிமாக மாத்தி, தமிழையே பேச வைத்திருப்பார்கள்.

இலங்கையில், கிறிஸ்தவ, இந்து தமிழர்களிடையே பெரிய மோதல்கள் இருக்கவில்லை. விடுதலைப் போராட்ட கலங்களில் கூட சேர்ந்தே போரிட்டார்கள். ஆர்ப்பகாலங்களில் முஸ்லீம் இளைஞர்களும் போராட்டத்தில் இருந்தார்கள்.

இலங்கை முஸ்லீம் காங்கிரஸினை உருவாக்கிய, அஸ்ரப் சிறந்த தமிழ் கவிஞர். கிழக்கு மாகாணம் பல இஸ்லாமிய தமிழ் அறிஞர்களை தந்துள்ளது.

ஜெயவர்த்தனே, லலித் அத்துலத் முதலி ஆகியோர் செய்த நரித்தனமான வேலையினால், தமிழர் விடுதலை கூட்டணியில் இருந்த அஷ்ரபினை கிளப்பி, பெரும் பணம், அமைச்சர் பதவி கொடுத்து, ஸ்ரீ லங்கா முஸ்லீம் காங்கிரஸினை உருவாக்கி, மத ரீதியாக பிரித்து மோதவைத்து, தமிழரை வீழ்த்தி, இப்போது அந்த முஸ்லிம்களை வீழ்த்த நடவடிக்கை எடுத்து, கோத்தாவை பதிவுக்கு கொண்டு வந்துள்ளனர். 

காலம் மீண்டும் ஒரு சந்தர்ப்பத்தினை வழங்கி உள்ளது. தமிழர்களாக, தமிழ் மொழி பேசுபவர்களாக ஒன்றிணைந்தால் மட்டுமே, இலங்கைத்தீவில் சிறுபான்மையினர் வாழமுடியும்.

அதனை விடுத்து, சிங்களவர்களை தாஜா பண்ணும் இது போன்ற வேலைகளினால் பயனில்லை என்பது அனுபவ உண்மை.

Edited by Nathamuni
  • Like 2
  • Thanks 1

Share this post


Link to post
Share on other sites
9 hours ago, Nathamuni said:

காலம் மீண்டும் ஒரு சந்தர்ப்பத்தினை வழங்கி உள்ளது. தமிழர்களாக, தமிழ் மொழி பேசுபவர்களாக ஒன்றிணைந்தால் மட்டுமே, இலங்கைத்தீவில் சிறுபான்மையினர் வாழமுடியும்.

அதனை விடுத்து, சிங்களவர்களை தாஜா பண்ணும் இது போன்ற வேலைகளினால் பயனில்லை என்பது அனுபவ உண்மை.

உண்மை.

தமிழ் பேசும் முஸ்லீம்களின் தலைமைகள் இதை தெரிந்தும் சிங்கள தலைவர்களை ஏமாற்ற முடியும் என நம்பி தமது மக்களை ஏமாற்றுகிறார்கள். 

Share this post


Link to post
Share on other sites

மிகவும் மோசமான, கற்பனைகளும் புனைவுகளும் கொண்ட,  ஆய்வுக் கட்டுரை போன்று எழுதி வாசகர்களை முட்டாளாக்க எழுதப்பட்ட குப்பை. ☹️☹️

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கண்ணீர் வர .. 😢 காரமான ஆந்திரா குண்டூர் சிக்கன் கறி..👌  
    • கூட்டமைப்பின் ஏகபோகம் உடையுமா? July 5, 2020 நிலாந்தன்   கிளிநொச்சியைச் சேர்ந்த ஒரு விவசாயியிடம் கேட்டேன் “இந்தமுறை யாருக்கு வாக்களிப்பீர்கள்?” அவர் சொன்னார் “யாருமே அடிச்சு புடிச்சு தரப்போவதில்லை. ஆனால் எல்லாருமே அடிச்சு புடிச்சு தரப்போவதாக வாக்குறுதி தருகிறார்கள். “இதில் யாரை நம்புவது?” நான் கேட்டேன், “அப்படி என்றால் யாருக்குமே வாக்களிக்க மாட்டீர்களா”? அவர் சொன்னார் “இல்லை வாக்களிப்பேன் யாருக்கு வாக்களித்தால் நமது எதிர்ப்பைக் கூடுதலாக காட்டலாமோ அவருக்கு வாக்களிப்பேன்” நான் திரும்ப கேட்டேன் “அப்படி நீங்கள் யாரை தமிழ் எதிர்ப்பின் கூர்மையான வடிவம் என்று கருதுகிறீர்கள் ?” என்று. அவர் சொன்னார் “இதுவரையிலும் யாரையும் அப்படி நான் கருதவில்லை” என்று. “முடிவாக என்ன சொல்கிறீர்கள்?” என்று கேட்டேன். “யாருக்கு வாக்களித்தாலும் யாருமே எங்களுக்கு எதையுமே பெற்றுத் தரப்போவதில்லை” என்று சலிப்போடு சொன்னார். அவர் ஒரு சாதாரண விவசாயி அதுபோலத்தான் சாதாரண தமிழ் வாக்காளர்கள் பெரும்பாலானவர்கள் கருதுகிறார்களா ? தமிழ் எதிர்ப்பை கூர்மையாக காட்டுவது என்ற ஒரு விடயத்தில் தமிழ் மக்கள் கிட்டத்தட்ட ஏழு மாதங்களுக்கு முன்பு மிகத் தெளிவான மக்கள் ஆணை ஓன்றை வழங்கியிருக்கிறார்கள். கடந்த ஆண்டின் இறுதியில் நடந்த அரசுத் தலைவரான தேர்தலின் போது தமிழ் மக்கள் முழுக்க முழுக்க இன உணர்வின் பாற்பட்டு வாக்களித்தார்கள். அவர்கள் வாக்களித்தது சிங்கள வேட்பாளரான சஜித்துக்கு என்று ஒரு தர்க்கத்தை சிலர் முன்வைக்கக் கூடும். ஆனால் அது சஜித்துக்கு ஆதரவான வாக்கு என்பதை விடவும் ராஜபக்ஷக்களுக்கு எதிரான இன உணர்வின் திரண்ட வாக்குகள் என்பதே சரி.     இவ்வாறு திரண்ட மக்கள் உள்ளூராட்சி தேர்தல்களின் போதும் நாடாளுமன்றத் தேர்தல்களின் போதும் மாகாணசபைத் தேர்தல்களின் போதும் கட்சி சார்ந்து சமூகம் சார்ந்து சமயம் சார்ந்து பிரதேசம் சார்ந்து சலுகை சார்ந்து சிந்தித்து வாக்களித்தார்கள். ஆனால் இந்தச் சாய்வுகள் அனைத்தையும் தூக்கி எறிந்துவிட்டு கடந்த ஜனாதிபதி தேர்தலின்போது ஒரு திரளாக உருத் திரண்டார்கள். இவ்வாறு ஏழு மாதங்களுக்கு முன்பு மகத்தான விதத்தில் முன்னுதாரணமாகத் திரண்ட மக்கள் அடுத்த மாதம் ஐந்தாம் திகதி பரிதாபகரமான விதத்தில் சிதறப் போகிறார்களா? அவ்வாறு சிதறுவதற்கான வாய்ப்புகளே அதிகமாக தெரிகின்றன.   இலங்கைத் தீவின் நவீன வரலாற்றில் தமிழ் அரசியலில் ஒரு நாடாளுமன்ற தேர்தலில் கட்சிகளும் சுயேச்சைக் குழுக்களும் தமிழ் மக்களை அதிகரித்த அளவில் கூறு போடும் ஒரு தேர்தல் களம் இது. சாதி சார்ந்து சமயம் சார்ந்து பிரதேசம் சார்ந்து சுயேச்சைக் குழுக்களும் கட்சிகளும் அதிகளவில் போட்டியிடும் ஒரு தேர்தல் களம் இது. இவ்வாறு தமிழ் வாக்குகள் சிதறடிக்கப்படுவதற்கு முழுப்பொறுப்பையும் கூட்டமைப்பே ஏற்க வேண்டும். ஏனெனில் கடந்த 11 ஆண்டுகளாக தமிழ் மக்களின் பிரதிநிதிகளாக அக்கட்சி தான் ஏகபோக பெரும்பான்மையை அனுபவித்தது. கடந்த 11 ஆண்டுகால தமிழ்த் தேசிய அரசியலின் தோல்வியே இம்முறை தேர்தல் களத்தில் கிழக்கில் பிரதேச உணர்வுகளை முன்னிறுத்தியும் வடக்கில் பிற்படுத்தப்பட்ட சமூகங்களை முன்னிறுத்தியும் சமயங்களை முன்னிறுத்தியும் சுயேட்சை குழுக்களும் கட்சிகளும் எழுச்சி பெறுவதற்கு காரணம்.   தேசிய விடுதலைதான் சமூக விடுதலையும் என்ற நம்பிக்கையை தமிழ் வாக்காளர்கள் மத்தியில் பலப்படுத்த தமிழ்த் தேசியக் கட்சிகள் தவறிவிட்டன. வடக்கு கிழக்கு இணைப்பு அதாவது தாயகம் எனப்படுவது ஒரு கோட்பாடு அல்ல. அது ஒரு வாழ்க்கை முறை; அது ஒரு நடைமுறை; அது ஒரு பண்பாட்டு; பரிவர்த்தனை; அது ஒரு சமூகப் பரிவர்த்தனை; அது ஒரு சமூக இடை ஊடாட்டம் என்பதனை நடைமுறையில் நிரூபிப்பதற்கு தமிழ் தேசியக் கட்சிகள் தவறிவிட்டன. கூட்டமைப்புக்கு மாற்றாகக் களத்தில் இறங்கிய கட்சிகள் கிழக்கில் தம்மை நிலைநிறுத்த தவறிவிட்டன. அதாவது அவை பெரும்பாகம் வடக்கு மைய கட்சிகளே.   இப்படிப்பட்டதொரு பின்னணியில் தமிழ் பகுதிகளில் அக முரண்பாடுகளை நிறுவனமயப் படுத்தும் கட்சிகளும் சுயேச்சை குழுக்களும் மேற்கிளம்பியுள்ளன. இங்கு ஒரு உதாரணத்தை சுட்டிக் காட்டலாம் யாழ் தேர்தல் மாவட்டத்தில் பட்டம் சின்னத்தின் கீழ் மக்கள் மேம்பாட்டு ஐக்கிய முன்னணி என்றழைக்கப்படும் சுயேட்சைக் குழு-2 போட்டியிடுகிறது. அதன் தேர்தல் விஞ்ஞாபனத்தை வாசிக்கும் எவருக்கும் ஒன்று புரியும். அவர்கள் தமிழ் தேசியம் என்ற சொல்லை பிரக்ஞை பூர்வமாக பயன்படுத்தாமல் இருக்கலாம். ஆனால் சமூக விடுதலை எனப்படுவது தேசிய விடுதலைக்கு எதிரானது அல்ல என்ற நோக்கு நிலையிலிருந்தே அந்த தேர்தல் விஞ்ஞாபனம் உருவாக்கப்பட்டிருக்கிறது. அப்படி என்றால் தமிழ்த் தேசிய நிலைப்பாட்டுக்கு எதிராக தெற்கு மைய கட்சிகளுடன் கூட்டுச் சேர அச்சுயேச்சைக் குழு தயார் இல்லை என்றுதானே பொருள்? ஆயின் அப்படிப்பட்ட சுயேட்சைக் குழுக்களை அவற்றுக்கு உரிய மதிப்பான இடத்தை கொடுத்து தமக்குள் உள்வாங்குவதற்கு ஏன் மூன்று தமிழத் தேசியக் கட்சிகளாலும் முடியாமல் போயிற்று? அதாவது சமூக விடுதலையைக் கோரும் சமூகங்களை தமிழ்த் தேசிய நோக்கு நிலையிலிருந்து அணுகி அவர்களுடைய பயங்களைப் போக்கும் விதத்தில் செயற்பட தவறிய ஒரு வெற்றிடத்தில் தான் இவ்வாறு சுயேச்சை குழுக்கள் தோன்றியுள்ளன. இதுபோலவே மத நோக்கு நிலையில் இருந்து உருவாக்கப்பட்ட சுயேட்சை குழுக்களையும் தமிழ் தேசிய கட்சிகள் உள்வாங்க தவறிவிட்டன. இதை இன்னும் ஆழமான பொருளில் கூறின் மதப் பூசல்கள் தமிழ்த் தேசிய நோக்கு நிலையிலிருந்து தலையிட்டு தீர்த்து வைக்கப்படாத ஒரு வெற்றிடத்தில் தான் இப்பொழுது இரண்டு சுயேட்சைக்குழுக்கள் அரங்கில் இறங்கியுள்ளன. எனவே இம்முறை தேர்தல் களத்தில் தமிழ் தேசிய வாக்கு வங்கியை சோதனைக்கு ள்ளாக்கும் விதத்தில் உருவாகியிருக்கும் கட்சிகளுக்கும் சுயேற்சைக் குழுக்களுக்கும் தமிழ் தேசிய கட்சிகளே பொறுப்புக்கூற வேண்டும். அதற்குரிய விலையை வரவிருக்கும் தேர்தலில் அவர்கள் கொடுக்க வேண்டியும் இருக்கும். ஏழு மாதங்களுக்கு முன்பு இனமாகத் திரண்ட மக்கள் இப்பொழுது சாதி சமயம் பிரதேசம் என்று சிதறிப் போவதற்கு யார் பொறுப்பு ? இவ்வாறு சிதறினால் அதன் விளைவாக கூட்டமைப்பு இதுவரையிலும் அனுபவித்து வந்த ஏகபோக பெரும்பான்மையை இழக்க வேண்டியிருக்கும். அப்படி இழந்தால் அது ஐநாவின் நிலைமாறுகால நீதி பொறிமுறைக்கு கீழ் ரணில் விக்கிரமசிங்கவுடன் சேர்ந்து கூட்டமைப்பு உருவாக்கிய புதிய யாப்புக்கான வரைவை மேலும் சோதனைக்கு உள்ளாக்கும். ஏற்கனவே அந்த வரைவிற்காக கூட்டமைப்பு ஆகக்கூடிய மட்டும் அடியொட்ட வளைந்து சென்று விட்டது. “சம்பந்தரின் காலத்திலேயே ஒரு தீர்வை காண வேண்டும். அவரைப் போல விட்டுக்கொடுக்கும் ஒரு தமிழ் தலைவர் இனி வரமாட்டார்” என்று டிலான் பெரேரா இடைக்கால வரைவின் மீதான விவாதத்தில் பேசினார். ஆனால் ரனில் விக்ரமசிங்கவின் காலத்தில் விட்டுக் கொடுத்ததை விடவும் மேலும் அதிகமாக விட்டுக் கொடுக்க வேண்டிய தேவையே இப்பொழுது கூட்டமைப்புக்கு ஏற்பட்டிருக்கிறது. ஏனெனில் ராஜபக்ச சகோதரர்களின் இரண்டாவது ஆட்சிக்காலத்தில் அவர்கள் நிலைமாறுகால நீதிக்கு எதிராகவே காணப்படுவார்கள். புதிய யாப்பை உருவாக்க ஒத்துக்கொள்வார்களா? போதாக்குறைக்கு இப்போது மிலிந்த மொறகொட போன்றவர்கள் பதின்மூன்றாவது திருத்தத்தையும் அகற்ற வேண்டும் என்று கூறுகிறார்கள். அதாவது மாகாண முறைமையை அகற்ற வேண்டும் என்று கூறுகிறார்கள். இப்படிப்பட்ட ஒரு பின்னணியில் ஒரு புதிய யாப்பை உருவாக்கத் தேவையான மூன்றில் இரண்டு பெரும்பான்மையை இனிமேல் எதிர்பார்க்கலாமா? ராஜபக்ச சகோதரர்கள் கட்டியெழுப்பத் திடடமிடும் மூன்றிலிரண்டு பெரும்பான்மை தனிச்சிங்கள வாக்குகளை அடித்தளமாகக் கொண்டது. ஆனால் 2015 இல் உருவாக்கப்பட்ட மூன்றிலிரண்டு பெரும்பான்மை எனப்படுவது அரிதானது. எதிரும் புதிருமாக காணப்பட்ட இரண்டு பெரிய சிங்களக் கட்சிகளும் தமிழ் முஸ்லிம் தரப்புகளும் சேர்த்து உருவாக்கிய ஒரு பெரும்பான்மை அது. அதை அடிப்படையாக வைத்து புதிய யாப்புக்கான ஒரு இடைக்கால வரைபு வரை சம்பந்தரால் முன்னேறக் கூடியதாகவிருந்தது. ஆனால் இனி வரக்கூடிய தனிச் சிங்கள வாக்குகளை அடித்தளமாகக் கொண்ட ஒரு பெரும்பான்மையை வைத்துக்கொண்டு அந்த இடைக்கால வரைவை முன் நகர்த்த முடியுமா? அதிலும் குறிப்பாக கோட்டாபய ராஜபக்ச காணி அதிகாரத்தையும் பொலிஸ் அதிகாரத்தையும் தரமாட்டார் என்பது தெளிவாக தெரிகிறது. அப்படி என்றால் அந்த வரைவை சிலவேளைகளில் மேற்கொண்டு நகர்த்துவதற்கு சம்பந்தர் முன்னரை விட அதிகமாக விட்டுக் கொடுக்க வேண்டியிருக்கும். (இனி விட்டுக் கொடுக்க எதுவுமேயில்லை) அப்படி விட்டுக் கொடுப்பதற்கும் அவருக்கு ஏகபோக பிரதிநிதித்துவம் வேண்டும். மாறாக தமிழ்த் தேசிய மக்கள் முன்னணிக்கும் தமிழ் மக்கள் கூட்டணிக்கும் ஆசனங்கள் கிடைத்தால் அந்த ஏகபோகம் சோதனைக்குள்ளாகும். சம்பந்தர் விட்டுக் கொடுக்கும் ஒவ்வொரு தருணத்திலும் அக்கட்சிகள் அதை எதிர்க்கும். சம்பந்தரால் ஒரு கட்டத்துக்கு மேல் நகர முடியாது. அப்படிப்பார்த்தால் கூட்டமைப்பு கடந்த 11ஆண்டுகால அரசியலில் அதன் சாதனை என்று கருதுகின்ற யாப்பு மாற்றத்துக்கான இடைக்கால வரைவை மேற்கொண்டு நகர்த்துவதற்கு அவர்கள் மேலும் அதிகமாக விட்டுக் கொடுக்க வேண்டிய ஒரு காலகட்டத்தில் அக்கட்சி அதன் ஏகபோகத்தை இழக்கக் கூடிய நிலைமைகள் வளர்ந்து வருகின்றனவா? http://thinakkural.lk/article/51743
    • வணக்கம் வாத்தியார்.......! வாடிய நாளெல்லாம் வருந்தி வருந்தித் தவமிருந்து தேடிய நாள் தன்னில் செல்வமாய் வந்தவளே மலடி மலடி என்று வையகத்தால் ஏசாமல் தாயென்ற பெருமை தனை மனங்குளிரத் தந்தவளே அழுதா அரும்புதிரும் அண்ணாந்தால் பொன்னுதிரும் சிரிச்சா முத்துதிரும் வாய் திறந்தால் தேன் சிதரும் பிள்ளையைப் பெற்று விட்டால் போதுமா? பேணி வளர்க்க வேணும் தெரியுமா? அல்லலைக் கண்டு மனசு அஞ்சுமா? குழந்தை அழுவதைக் கேட்டு மனசு மிஞ்சுமா......! ---மண்ணுக்கு மரம் பாரமா---  
    • தமிழ்த் தேசிய மக்கள் முன்னணி அலுவலகம் இராணுவம், பொலிஸாரால் அதிரடியாகச் சுற்றிவளைப்பு July 5, 2020 யாழ்ப்பாணம் கொக்குவிலில் உள்ள தமிழ்த் தேசிய மக்கள் முன்னணியின் அலுவலகம் சற்று முன்னர் 50 க்கும் அதிகமான இராணுவம், பொலிஸாரால் சற்று முன்னர் சுற்றிவளைக்கப்பட்டுள்ளது. யாழ். பொலிஸ் நிலையப் பொறுப்பதிகாரியும் இதன்போது நேரில் வந்திருந்ததாக தமிழ்த் தேசிய மக்கள் முன்னணி வட்டாரங்கள் தெரிவித்தன.   கரும்புலிகள் தினத்தை முன்னிட்டு அங்கு நிகழ்வுகள் ஏதாவது நடைபெறலாம் என்பதாலேயே இந்தச் சுற்றிவளைப்பு இடம்பெற்றதாகவும் அறியவருகின்றது.   http://thinakkural.lk/article/51889