புதிய அரசியல் கலாசாரம் ஒன்றின் ஊடாகவே வடக்கின் கல்வியை கட்டி எழுப்பலாம்; கணேஷ் வேலாயுதம்

[உடையார்]

புதிய அரசியல் கலாசாரம் ஒன்றின் ஊடாகவே வடக்கின் கல்வியை கட்டி எழுப்பலாம்; கணேஷ் வேலாயுதம்

Bharati May 7, 2020 புதிய அரசியல் கலாசாரம் ஒன்றின் ஊடாகவே வடக்கின் கல்வியை கட்டி எழுப்பலாம்; கணேஷ் வேலாயுதம்2020-05-06T16:56:57+00:00உள்ளூர்

• பானகமுவ நிருபர்

இம்முறை வெளியான க. பொ. த சாதாரணப் பரீட்சைப் பெறு பேறுகளின் அடிப்படையில் வட மாகாணம் தொடர்ந்து ஒன்பதாவது நிலையில் பின்தங்கிய நிலையிலேயே காணப்படுகின்றது. புதிய அரசியல் கலாசாரம் ஒன்றின் மூலமாகவே இதை மாற்றியமைக்க முடியும். தொடர்ந்து எதிர்ப்புவாத அரசியலை மட்டும் பேசிக் கொண்டிப்;பதில் எவ்விதமான அர்த்தமுமில்லை என்று சிவன் அறக்கட்டளையின் இயக்குனரும், ஐக்கிய மக்கள் சக்தி அமைப்பின் யாழ் மாவட்ட முதன்மை வேட்பாளருமான கணேஸ்வரன் வேலாயுதம் தெரிவித்தார்.

அவர் தொடர்ந்து கருத்து தெரிவிக்கையில்

கணிசமாளவு பிரத்தியேக வகுப்புக்கள் ஏனைய மாவட்டங்களில் விட யாழ்ப்பாண மாவட்டத்திலேயே நடைபெறுகிறது. 24 மணித்தியாலத்தில் 365 நாட்களிலும் முழு நேரப்படிப்பே காணப்படுகிறது. ஓய்வு நிலையில்லாமல் இப்படியான படிப்பு ஒரு போதும் வெற்றியளிக்கப் போவதில்லை. பிள்ளைகள் மூச்சுவிடுவதற்கு நேரமில்லை. குறிப்பாக ஓய்வு இல்லாத கல்வியே எம்முடைய தோல்விக்கு முக்கியமான காரணமாக இருக்கிறது.

யாழ்ப்பாண மாவட்ட கல்வி நிலை தொடர்பில் இம்மாவட்டத்திலுள்ள அரசியல்வாதிகள் சரியானமுறையில் தலையீடுகள் செய்வதில்லை. அவர்கள் வெறுமனே எதிர்ப்புவாத அரசியலை மட்டும் பேசி தங்களுடைய இருப்பைத் தக்க வைத்து வருகின்றனர். எனவே புதிய அரசியல் கலாசாரத்தின் ஊடாகத்தான் யாழ் மாவட்டத்தின் கல்வி வீழ்ச்சியை கட்டி எழுப்ப முடியும்.

யாழ் மாவட்ட தமிழ் சமுதாயம்; இந்நாட்டிலே வாழுகின்ற ஏனைய சமூகங்களோடு ஒப்பிடுகையில் கல்வியில் பின்தங்கியவாகளாகவே காணப்படுகின்றனர். யுத்த காலத்திற்குப் பிற்பாடு இது மூடி மறைக்கப்பட்ட விடயமல்ல. வழக்கம் போல் பஸ்ஸைத் தவறவிட்டு நிற்கின்ற காட்சிகளே காட்டப்படுகின்றன. சகல வளங்களும் இல்லா விட்டாலும் இருக்கின்ற வளங்களைப் பயன்படுத்தி கல்வி மேம்பாடு தொடர்பில் ஆவல் கொண்டு உழைப்பவர்கள் மிகவும் அரிதாகவே உள்ளனர். மாணவர்களின் கல்விப் பெறு பேற்றுக் பொறுப்புக் கூற வேண்டியவர்கள் எவராக இருந்தாலும் சரி, யாழ் மாவட்டத்தின் கல்வித் தேவையின் நன்றாக உணர்ந்து செயற்படக் கூடிய நிலையில் எவரும் இல்லை.

கடந்த காலங்களில் வட மாகாண கல்வி மேம்பாட்டுக்காக எமது மூதையர்கள் அல்லும் பகலும் அயராது உழைத்தார்கள். மாணவர்களின் கல்வி முன்னேற்றம் ஒன்றையே கருத்திற் கொண்டு வேளைக்கு உணவெடுக்காது விடுமுறை நாட்கள் அத்தனையையும் மாணவர்களின் படிப்புக்கு என்றே தியாகஞ் செய்து அரும்பெரும் சேவை செய்தமையால் வட மாகாணத்தின் கல்விப் பெருமை எமது நாட்டிலும் மட்டுமல்ல உலகமெங்கும் பேசப்பட்டு வந்;தது என்பதை நாம் எல்லோரும் அறிவோம். அதை எவராலும் மறைக்கவோ மறுக்கவோ முடியாது. ஆனால் இன்று நாங்கள் ஒரு துரதிருஷ்டமான கால கட்டத்தில் இருக்கின்றோம்.

வட மாகாணத்தின் கல்வி சீர் திருத்தம் என்று கோரிக் கொண்டு சீர் திருத்தப் பணிகளை மேற்கொண்டாலும் தீரும்ப திரும்ப தோல்வி நிலையினையே காணுகின்றோம். இதுவரையிலும் ஒரு மாற்றத்தைக் காண முடியவில்லை. இன்றுள்ள அரசல்வாதிகள் கல்வியில் எப்படி புதிய மாற்றத்தை உருவாக்க முடியும்? வட மாகாண கல்விச் சூழலை ; நாசம் பண்ணும் செயற்பாடுகள் எவை என ஆராய்ந்து பார்த்து இதுவரையும் சரியான நடவடிக்கைகளை மேற்கொண்டதாகத் தெரியவில்லை.

எவ்வாறாயினும் எமது மாணவர் சமூகத்தின் எதிர்கால நலனை கருதிற் கொண்டு புதிய அரசியல் கலாசாரத்தின் ஊடகத்தான் ஆக்கபூர்வமான மாற்றங்களை முன்னெடுக்க வேண்டி இருக்கிறது. ;ஆகவே யாழ் மாவட்டத்தின் கல்வி வளர்ச்சிக்காகவும் விருத்திற்காகவும் எடுக்கின்ற முயற்சிகளும் செலவிடுகின்ற காலமும் ஆரோக்கியமானதாக இருக்க வேண்டும். அவையே வெற்றிக்கு வழிகோலும் என்று அவர் மேலும் தெரிவித்தார்

 

http://thinakkural.lk/article/40615

[Vankalayan]

இப்போதைய வடமாகாண கல்வி நிலவரம் குறித்து சிங்களவர்களிடம் கதைத்தபோது , அவர்கள் அதை நம்ப மறுத்தார்கள்। அதாவது அவர்களிடேமே ஒரு நல்ல எண்ணம் இருந்தது। எனவே கல்விமான்கள் இதை மீண்டும் ஒரு முறை சீர்தூக்கி பார்ப்பது நல்லது। புலம்பெயர் இலங்கை தமிழர்கள் இதில் கவனம் செலுத்தவேண்டும்। பணம் மட்டுமல்ல , ஒழுக்கமும் மிக முக்கியம்। 

[Kapithan]

கல்விக்கும் புதிய அரசியல் கலாச்சாரத்திற்கும் இடையே என்ன தொடர்பு ? 🤔

ஆ....ங் .... விளங்கவேயில்லையே  😜

[ஈழப்பிரியன்]

7 minutes ago, Kapithan said:

கல்விக்கும் புதிய அரசியல் கலாச்சாரத்திற்கும் இடையே என்ன தொடர்பு ? 🤔

ஆ....ங் .... விளங்கவேயில்லையே  😜

95 க்கு முதல் யாழில் இருந்த கலாச்சாரமாக இருக்குமோ?

[Dash]

10 hours ago, Vankalayan said:

இப்போதைய வடமாகாண கல்வி நிலவரம் குறித்து சிங்களவர்களிடம் கதைத்தபோது , அவர்கள் அதை நம்ப மறுத்தார்கள்। அதாவது அவர்களிடேமே ஒரு நல்ல எண்ணம் இருந்தது। எனவே கல்விமான்கள் இதை மீண்டும் ஒரு முறை சீர்தூக்கி பார்ப்பது நல்லது। புலம்பெயர் இலங்கை தமிழர்கள் இதில் கவனம் செலுத்தவேண்டும்। பணம் மட்டுமல்ல , ஒழுக்கமும் மிக முக்கியம்। 

முதலில் இந்த வெளி நாட்டுக்கு போகும் கலாச்சாரம் ஒழிய வேணும்; இலங்கை மண்ணில் தான் எமது வருங்காலம் என்ற சிந்தனை வர வேணும்; தாயகத்தில் இருப்பவர்களுக்கு மட்டுமல்ல, புலம்பெயர் நாட்டிலும் தான். ஒருவருக்கு £20,000. கொடுத்து இங்கு வந்ததை விட அதே பணத்தை தாயகத்தில் முதலிட்டு இருந்தால் .....??

[Rajesh]

12 hours ago, உடையார் said:

புதிய அரசியல் கலாசாரம் ஒன்றின் ஊடாகவே வடக்கின் கல்வியை கட்டி எழுப்பலாம்; கணேஷ் வேலாயுதம்

ஊரை ஏமாத்த கணேஷ் கோஷ்டி கிளம்பி இருக்கு.

அரசியல் கலாச்சாரம் மூலம் கல்வி அபிவிருத்தியாம். இப்பிடி மோட்டு சிந்தனைக் கோஷ்டிகள் உலாவரும் வரையில் கல்வி முன்னேற்றம் கஷ்டம் தான்.

[Vankalayan]

14 hours ago, Dash said:

முதலில் இந்த வெளி நாட்டுக்கு போகும் கலாச்சாரம் ஒழிய வேணும்; இலங்கை மண்ணில் தான் எமது வருங்காலம் என்ற சிந்தனை வர வேணும்; தாயகத்தில் இருப்பவர்களுக்கு மட்டுமல்ல, புலம்பெயர் நாட்டிலும் தான். ஒருவருக்கு £20,000. கொடுத்து இங்கு வந்ததை விட அதே பணத்தை தாயகத்தில் முதலிட்டு இருந்தால் .....??

அப்படி பணம் செலவழித்து கெடடவர்களும், ஏமாற்றப்படடவர்களும் நிறையவே உண்டு। அத்துடன் மூளைசாலிகளின் வெளியேற்றமும் இலங்கை தமிழர்களை நிறையவே பாதித்துவிட்ட்து।