தமிழகத்துக்கு பாரபட்சம் - கார்த்தி சிதம்பரம் குற்றச்சாட்டு

[ampanai]

குற்றச்சாட்டு கொரோனா நிவாரண நிதி வழங்குவதில் இந்தி பேசும் மாநிலங்களுக்கு முக்கியதுவம் அளிக்கும் மத்திய பாஜக அரசு தமிழகத்தை புறக்கணிக்கிறது என்று சிவகங்கை பாராளுமன்ற உறுப்பினர் கார்த்தி சிதம்பரம் குற்றச்சாட்டியுள்ளார்.

ராமேஸ்வரம் அடுத்த பாம்பன் பகுதியில் வசித்து வரும் தூய்மை பணியாளர்கள்,மீனவர்கள் என வாழ்வாதாரமின்றி தவித்து வரும் சுமார் 1000 பேருக்கு பாம்பன் ஊராட்சி மன்ற அலுவலகத்தில் வைத்து கொரோனா நிவாரண பொருட்களை சிவகங்கை பாராளுமன்ற உறுப்பினர் கார்த்தி சிதம்பரம் வழங்கினார்.

பின்னர் செய்தியாளர்களிடம் பேசிய அவர், மத்தியில் ஆளும் பா.ஜ.க அரசு இந்தி பேசும் மாநிலங்களின் நலனில் மட்டும் கவனம் செலுத்துகிறது. அதன் அடிப்படையில்தான் தமிழகத்துக்கு மிக குறைந்த கொரோனா நிவாரண நிதியை ஒதுக்கியுள்ளது. அதிமுக, பாஜக ஆகிய இரண்டு கட்சிகளும் நல்ல உறவில் இருக்கும் இந்த சூழ்நிலையில் தமிழகத்திறக்கு கிடைக்க வேண்டிய ஜி.எஸ்டி நிலுவை தொகையை கூட பெற முடியவில்லை என்பது வருத்தம் அளிக்கிறது.

பொதுவாக மத்திய அரசு வட மாநிலங்களுக்கு மட்டும் முக்கியதுவம் அளிப்பதுடன், தமிழகத்தை மத்திய அரசு புறக்கணிகிறது என குற்றம்சாட்டினார்.

கொரோனா தொற்று பரவாமல் இருக்க ஊரடங்கு என்பது தேவை ஆனால் பொருளாதாரம் பாதிக்காத அளவு ஊரடங்கை திட்டமிட்டுயிருக்க வேண்டும்.

ஏற்கனவே, நலிவடைந்துள்ள இந்திய பொருளாதாரம் ஊரடங்கு காரணமாக மிகவும் பாதிக்கப்பட்டுள்ளது. ஊரடங்கை திட்டமிட்ட அரசு அதனை எப்படி எதிர்நோக்க வேண்டும் என திட்டமிடவில்லை. தனி நபர்களுக்கும், தொழில் புரிபவர்களுக்கும் ஊரடங்கு காலத்துக்கு முன்பாகவே நிவாரண தொகையை வழங்கியிருக்க வேண்டும் என்று கார்த்தி சிதம்பரம் தெரிவித்தார்.

https://www.bbc.com/tamil/live/global-52643244