Jump to content

யாழ். பல்கலைக்கழக விரிவுரையாளர் கண்ணதாசன் விவகாரம் : மீள் விசாரணையா ? விடுதலையா ?


Recommended Posts

  • கருத்துக்கள உறவுகள்

யாழ். பல்கலைக்கழக விரிவுரையாளர் கண்ணதாசன் விவகாரம் : மீள் விசாரணையா ? விடுதலையா ?

(எம்.எப்.எம்.பஸீர்)

 

ஆயுள் தண்டனை விதிக்கப்பட்டுள்ள யாழ் பல்கலைகழகத்தின் இசைத்துறையில், மிருதங்க விரிவுரையாளராக கடமையாற்றும் க. கண்ணதாசன் விவகாரத்தில்,  அவர் குற்றாவாளியாக காணப்பட்டுள்ள குற்றச்சாட்டுக்கள் தொடர்பில் மீள் விசாரணை நடாத்துவதா அல்லது அவரை விடுவிப்பதா என்பது குறித்து எதிர்வரும் ஜூலை மாதம் 14 ஆம் திகதி தீர்மானிக்கவுள்ளது. 

 

தனக்கு விதிக்கப்பட்ட தண்டனைக்கு எதிராக, அவர் தாக்கல் செய்துள்ள மேன் முறையீட்டு மனு  இன்று மேன் முறையீட்டு மன்றின் நீதிபதிகளான அச்சல வெங்கப்புலி மற்றும் பிரியந்த பெர்ணான்டோ முன்னிலையில்  விசாரணைக்கு வந்தது.

இதன்போது சட்ட மா அதிபர் சார்பில் ஆஜரான சிரேஷ்ட பிரதி சொலிசிட்டர் ஜெனரல் குமார் ரட்ணம்,  மேன் முறையீட்டு மனுதாரரின் சட்டத்தரணி ஜானதிபதி சட்டத்தரணி எம்.ஏ. சுமந்திரன் ஆகியோர் மன்றில் முன்வைத்த விடயங்களை ஆராய்ந்தே, மேன் முறையீட்டு நீதிமன்றம்  மேற்படி தீர்மானத்துக்கு வந்துள்ளது.

தமிழீழ விடுதலைப் புலிகளின் அமைப்பில் இருந்த காலத்தில் கட்டாய ஆட்சேர்ப்பு செய்த குற்றத்திற்காக விடுதலைப்புலிகளின் நுண்கலைக் கல்லூரியின பொறுப்பாளராக இருந்த புனர்வாழ்வு பெற்ற முன்னாள் போராளி,யாழ் பல்கலைகழகத்தின் இசைத்துறையில், மிருதங்க விரிவுரையாளராக கடமையாற்றும் க. கண்ணதாசன் என்பவருக்கு வவுனியா மேல் நீதிமன்றம் ஆயுள் தண்டனை வழங்கியிருந்தது.

விடுதலைப் புலிகள் இயக்கத்திற்கு பெண் ஒருவரை கடத்திச் சென்ற குற்றத்திற்காக புனர்வாழ்வு பெற்ற முன்னாள் போராளியும்,  யாழ் பல்கலைக்கழகத்தில் விரிவுரையாளராக பணியாற்றுபவருமான க.கண்ணதாசன் என்பவருக்கே ஆயுள் தண்டனை வழங்கி வவுனியா மேல் நீதிமன்ற நீதிபதி பாலேந்திரன் சசிமகேந்திரன் இந்த தீர்ப்பினை வழங்கியிருந்தார்.

2007 ஆம் ஆண்டு ஜனவரி காலப்பகுதியில் கிளிநொச்சியில் வைத்து விஜயபாலன் மஞ்சுளா என்ற பெண்ணை விடுதலைப் புலிகள் இயக்கத்திற்கு கட்டாய ஆட்சேர்ப்பு செய்த  குற்றச்சாட்டு தொடர்பில் 50 வயதுடைய கனகசுந்தரம் கண்ணதாசன் என்ற முன்னாள் போராளிக்கு எதிராக 2014 ஆம் ஆண்டு மார்ச் மாதம் 09 ஆம் திகதி கிளிநொச்சி பொலிஸ் நிலையத்தில் குறித்த பெண்ணின் தந்தையால் முறைப்பாடு செய்யப்பட்டிருந்தது.

இதற்கு அமைவாக 2015 ஆம் ஆண்டு ஏப்ரல் 15 ஆம் திகதி கொழும்பு பயங்கரவாத விசாரணைப் பிரிவினரால் கைது செய்யப்பட்டு விசாரணைகள் இடம்பெற்று வந்த நிலையில் குறித்த எதிரிக்கு எதிராக 2016 ஆம் ஆண்டு மே மாதம் 11 ஆம் திகதி வவுனியா மேல் நீதிமன்றில் வியபாலன் மஞ்சுளா என்பவரை விடுதலைப் புலிகள் அமைப்பின் செயற்பாட்டுக்காக கடத்திய குற்றச்சாட்டினை உள்ளடக்கி குற்றப் பத்திரம் தாக்கல் செய்யப்பட்டிருந்தது.

2016 மே மாதத்தில் இருந்து குறித்த எதிரிக்கு எதிரான வழக்கு விசாரணைகள் வவுனியா மேல் நீதிமன்ற நீதிபதி பாலேந்திரன் சசிமகேந்திரன் முன்னிலையில் இடம்பெற்றதுடன், இது குறித்த வழக்கை சட்ட மா அதிபர் சார்பில் அரச சட்டவாதி மாதினி விக்னேஸ்வரன் நெறிப்படுத்தியிருந்தார்.

இந் நிலையில் சாட்சி விசாரணைகளின் பின்னர் கடந்த 2017 ஜூலை 25 ஆம் திகதி இந்த விவகாரத்தில் தீர்ப்பு வழங்கிய வவுனியா மேல் நீதிமன்றம், சுமத்தப்பட்டுள்ள குற்றச்சாட்டுக்கள் தொடர்பில் க.கண்ணதாசனை குற்றவாளியாக அறிவித்து அவருக்கு ஆயுள் தண்டனை விதித்தது.

இந்நிலையிலேயே அந்த தண்டனைக்கு எதிராக  க.கண்ணதாசன் மேன் முறையீட்டு நீதிமன்றில் மேன் முறையீடு செய்தார். அது குறித்த வழக்கே இன்று விசாரணைக்கு வந்தது.

 இதன்போது மன்றில் ஆஜரான சட்ட மா அதிபர் திணைக்களத்தின் சிரேஷ்ட பிரதி சொலிசிட்டர் ஜெனரால் குமார் ரட்ணம், ' குறித்த தீர்ப்பு தொடர்பில் முழுமையாக  உடன்பட முடியாவில்லை எனவும், அதனால் அந்த விவகாரத்தை மீள விசாரணை செய்ய அனுமதித்து உத்தரவிட வேண்டும்.' எனவும் தெரிவித்தார்.

 இந் நிலையில் மேன்முறையீட்டு மனுதாரர் சார்பில் ஆஜரான  ஜனாதிபதி சட்டத்தரணி எம்.ஏ. சுமந்திரன்,  சிரேஷ்ட பிரதி சொலிசிட்டர் ஜெனரல் குமார் ரட்ணத்தின்  கருத்தை மேற்கோள் காட்டி,  தனது சேவை பெறுநரான க.கண்ணதாசனை விடுவிக்க வேண்டும் என கோரினார்.

எவ்வாறாயினும் நாட்டில் தற்போது நிலவும் சூழலில், இன்று வழக்கு விசாரணைகளின் போது குற்றவாளி க.கண்ணதாசன் மன்றில் ஆஜர் செய்யப்பட்டிருக்கவில்லை.

இந்நிலையில் , மேன் முறையீட்டு மனுதாரர் எதிர்வரும் ஜூலை 14 ஆம் திகதி மன்றில் ஆஜர்படுத்த உத்தரவிட்ட மேன் முறையீட்டு நீதிமன்றம், அன்றைய தினம் மீள் விசாரணைக்கு உத்தரவிடுவதா அல்லது விடுவிப்பதா என்பது குறித்து ஆராய்ந்து தீர்மானிக்கவுள்ளமை குறிப்பிடத்தக்கது. 

 

https://www.virakesari.lk/article/81956

Link to post
Share on other sites
  • கருத்துக்கள உறவுகள்

இந்த வழக்கும், விசாரணையும், தீர்ப்பும் எதிர்காலத்தில் புதிய பரிமாணத்தில் வெளிச்சத்துக்கு வராத பல விசயங்களை இழுத்து போடலாம். பாதிக்கப்பட்ட பெண்ணின் தந்தை மூலம் நேரடியாக முறைப்பாடு செய்யப்பட்டமை கவனத்துக்குரியது. 

ஆயுதங்கள் மெளனிக்கப்பட்டு, போரும் ஓய்ந்து, பெரிய தலைகளே சுதந்திரமாக திரியும் இந்த காலத்தில் பொதுவாழ்வில் தன்னை இணைத்துக்கொண்ட ஒருவருக்கு தண்டனை அதிகபட்சமாகவே தெரிகின்றது.

Link to post
Share on other sites
  • கருத்துக்கள உறவுகள்

இப்போது இங்கு வழக்காடும் சுமந்திரன் என்பவர் சிங்கள சுமந்திரனா , இல்லை தமிழ் சுமந்திரனா எண்டு யாரவது விளக்கம் கொடுப்பார்களா? இங்கு குற்றம் சாடப்பட்டுள்ள கண்ணதாசன் தமிழனா, சிங்களவனா இல்லை முஸ்லிமா? 

Link to post
Share on other sites
  • கருத்துக்கள உறவுகள்
23 hours ago, Vankalayan said:

இப்போது இங்கு வழக்காடும் சுமந்திரன் என்பவர் சிங்கள சுமந்திரனா , இல்லை தமிழ் சுமந்திரனா எண்டு யாரவது விளக்கம் கொடுப்பார்களா? இங்கு குற்றம் சாடப்பட்டுள்ள கண்ணதாசன் தமிழனா, சிங்களவனா இல்லை முஸ்லிமா? 

ஏன் எல்லோரும் கப்சிப்பாகி விடடார்கள்। சுமந்திரன் புலிகளுக்காக, புலி ஆதரவாளர்களுக்காக வாதாடினால் அதை இலகுவாக மறந்து விடுவார்கள்। ஒரு சிங்களவனுக்காக, சோனவனுக்காக தனது தொழில் ரீதியாக ஏதும் செய்தால் பொய் துப்பாக்கிகளை (வெடிக்காத) கொண்டு வந்து சுட்டு தள்ளி விடுவார்கள்। 

Link to post
Share on other sites
  • கருத்துக்கள உறவுகள்
7 hours ago, Vankalayan said:

ஏன் எல்லோரும் கப்சிப்பாகி விடடார்கள்। சுமந்திரன் புலிகளுக்காக, புலி ஆதரவாளர்களுக்காக வாதாடினால் அதை இலகுவாக மறந்து விடுவார்கள்। ஒரு சிங்களவனுக்காக, சோனவனுக்காக தனது தொழில் ரீதியாக ஏதும் செய்தால் பொய் துப்பாக்கிகளை (வெடிக்காத) கொண்டு வந்து சுட்டு தள்ளி விடுவார்கள்। 

கண்ணதாசனிடம் நல்ல காசு இருந்திருக்கும் அல்லது சுமத்திரன் ஜனாதிபதி சட்டத்தரணி ஆதலால் இந்த கேசை தட்டிக் கழிக்க முடியாத நிர்ப்பந்தமாய் இருக்கும் 
 

Link to post
Share on other sites
  • கருத்துக்கள உறவுகள்
16 hours ago, ரதி said:

கண்ணதாசனிடம் நல்ல காசு இருந்திருக்கும் அல்லது சுமத்திரன் ஜனாதிபதி சட்டத்தரணி ஆதலால் இந்த கேசை தட்டிக் கழிக்க முடியாத நிர்ப்பந்தமாய் இருக்கும் 
 

எத்தனையோ பேர் பணம் , நகையுடன் ஓடி இருக்கிறார்கள். அது வேறு விடயம்.

காசு இருக்குதோ இல்லையோ , இவர் ஒரு தீவிர புலி ஆதரவாளர் என்ற ரீதியில்தான் எத்தனையோ ஆண்டுகள் உள்ளே தள்ளி இருக்கிறார்கள். இதை விட்டுவிட்டு எதையோ எழுதுகிறீர்கள். 

Link to post
Share on other sites
  • கருத்துக்கள உறவுகள்
7 hours ago, Vankalayan said:

எத்தனையோ பேர் பணம் , நகையுடன் ஓடி இருக்கிறார்கள். அது வேறு விடயம்.

காசு இருக்குதோ இல்லையோ , இவர் ஒரு தீவிர புலி ஆதரவாளர் என்ற ரீதியில்தான் எத்தனையோ ஆண்டுகள் உள்ளே தள்ளி இருக்கிறார்கள். இதை விட்டுவிட்டு எதையோ எழுதுகிறீர்கள். 

அவர் புலியில் இருந்திருக்கலாம் ...ஆனால் தற்போது யாழ் பல்கலைக்கழத்தில் இசைத் துறை தலைவராக ,பேராசிரியராக இருந்துள்ளார் 

Link to post
Share on other sites
  • கருத்துக்கள உறவுகள்

ஒரு வழக்கறிஞரிடம் பாதிக்கப்பட்ட ஒருவர் சேவையை பெறுவதற்கு அணுகும்போது அல்லது பாதிக்கப்பட்ட ஒருவருக்கு ஒரு வழக்கறிஞர் சேவையை கொடுக்கும்போது அவர்கள் அரசியல் பின்புலங்கள், விருப்பு, வெறுப்புக்கள் ஆதிக்கம் செலுத்தலாம், செலுத்தாமலும் விடலாம். ஆனால், அவை ஒருவரின் வழக்கை ஒரு வழக்கறிஞர் பொறுப்பு ஏற்பதற்கு காரணமாக அமையும் என்று சொல்வதற்கு இல்லை. சுமந்திரன் அவர்கள் கட்டணம் இல்லாமல் தனது சேவையை கொடுக்கின்றாரா, தானாக பாதிக்கப்பட்டவருக்கு உதவி செய்ய முன்வந்தாரா என்பது பற்றி தெரியாமல் ஒன்றுடன் இன்னொன்றை முடிச்சு போட ஏலாது.

Link to post
Share on other sites
  • கருத்துக்கள உறவுகள்
8 hours ago, நியாயத்தை கதைப்போம் said:

ஒரு வழக்கறிஞரிடம் பாதிக்கப்பட்ட ஒருவர் சேவையை பெறுவதற்கு அணுகும்போது அல்லது பாதிக்கப்பட்ட ஒருவருக்கு ஒரு வழக்கறிஞர் சேவையை கொடுக்கும்போது அவர்கள் அரசியல் பின்புலங்கள், விருப்பு, வெறுப்புக்கள் ஆதிக்கம் செலுத்தலாம், செலுத்தாமலும் விடலாம். ஆனால், அவை ஒருவரின் வழக்கை ஒரு வழக்கறிஞர் பொறுப்பு ஏற்பதற்கு காரணமாக அமையும் என்று சொல்வதற்கு இல்லை. சுமந்திரன் அவர்கள் கட்டணம் இல்லாமல் தனது சேவையை கொடுக்கின்றாரா, தானாக பாதிக்கப்பட்டவருக்கு உதவி செய்ய முன்வந்தாரா என்பது பற்றி தெரியாமல் ஒன்றுடன் இன்னொன்றை முடிச்சு போட ஏலாது.

நீங்கள் கூறியது சரி. இருந்தாலும் இவர் ஒரு முன்னர் புலி ஆதரவாளருக்காக ஆஜராகினர் என்பதை , அந்த உண்மையை ஏற்க மறுக்கிறார்கள். அவரை வெளியே கொண்டு வர வேண்டும் என்பதுதான் எங்கள் விருப்பமும். 

Link to post
Share on other sites
  • கருத்துக்கள உறவுகள்
On ‎16‎-‎05‎-‎2020 at 11:55, Vankalayan said:

ஏன் எல்லோரும் கப்சிப்பாகி விடடார்கள்। சுமந்திரன் புலிகளுக்காக, புலி ஆதரவாளர்களுக்காக வாதாடினால் அதை இலகுவாக மறந்து விடுவார்கள்। ஒரு சிங்களவனுக்காக, சோனவனுக்காக தனது தொழில் ரீதியாக ஏதும் செய்தால் பொய் துப்பாக்கிகளை (வெடிக்காத) கொண்டு வந்து சுட்டு தள்ளி விடுவார்கள்। 

சுமந்திரன் தொடர்பாக எனக்கு தனிப்பட்ட ரீதியில் அபிப்பிராயங்கள் இல்லை , எனினும் பொது வெளியில் தமிழர் நலன் தொடர்பில் சம்பத்தப்பட்டுருக்கும் ஒருவரின் கொள்கை சம்பந்தமான வெளிப்பாடுகளையும் , (புலி ஆயுதம் தூக்கியத்தில் உடன்பாடில்லை , பிரதிநித்துவம் பெற்றுக்கொடுத்த கட்சி 20, 25  வருடங்களிற்கு முன் எப்படி தொடங்கியது என்றே தெரியாது என்பன போன்றன ) அவரின் தனிப்பட்ட தொழில் முயற்சிகளையும் ( தவிபு உடன் சம்பத்தப்பட்ட ஒருவருக்கு ஆஜராகுதல் )  தொடர்பு படுத்திக் கதைத்தல் பொருத்தமற்றது . இது எப்படி என்றால் , பாலியல் வல்லுறவு வழக்கு சந்தேகநபருக்கு ஆஜராகும் வக்கீலும் ஒரு பாலியல் வல்லுறவு பேர்வழி என்று சொல்வது போன்றது ... 

  • Thanks 1
Link to post
Share on other sites
  • கருத்துக்கள உறவுகள்
15 minutes ago, நியாயத்தை கதைப்போம் said:

வேண்டா

பெண்டாட்டி..

கை..

கால்..

மிக சரியான கருத்து. புலிகள் சார்பானவர்களுக்கு ஆஜராவதில்லை , சிங்களவர் முஸ்லிம்களுக்காக ஆஜராகிறார் என்று சத்தம் போடுவார்கள். அப்படி புலிகளுக்கு சார்பாக ஆஜராகியவுடன் என்னென்னமோ எழுதுகிறார்கள்.

அதை இதோடு ஒப்பிட முடியாதாம், இதை அதோடு ஒப்பிட முடியாதாம். எலும்பில்லாத நாக்கு எல்லாத்தையும் பேசும் என்பதுபோல, நினைக்கிற எல்லாத்தையும் எழுதுவார்கள்.

எப்படி இருந்தாலும் இங்குள்ள மக்கள்தான் யாரை தெரிவு செய்ய வேண்டுமென்பதை தீர்மானிக்கிறார்கள் என்பதை சிலர் மறந்து விடுவதுமெண்டு. 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • கொல்வேன் ,கொன்றேன் என்று சொல்லும் ஜனாதிபதி தான் கோட்டபாய - சி.சிறீதரன் பாராளுமன்றில் இன்று ஆற்றிய உரை  
    • வேலை இழப்பு , பொருளாதாரம் , கைகாசு போச்சு.. அருமையான கவிதை பகிர்விற்கு நன்றி தோழர்.👌
    • 46ஆவது ஐ.நா மனித உரிமைகள் பேரவை அமர்வுக்கு முன்னதாக, ஐ.நா. மனித உரிமைகள் ஆணையாளரது இலங்கை பற்றிய அறிக்கை கசிந்துள்ளது.   இலங்கை குறித்த விசாரணையை சர்வதேச குற்றவியல் நீதிமன்றத்திற்குப் பரிந்துரைப்பதன் மூலம், உலகளாவிய அதிகார வரம்பின் கீழ் விசாரணைகள் மற்றும் வழக்குகளை நிறுவுதல் மற்றும் சர்வதேச குற்றங்களில் சிக்கியுள்ள இலங்கை அதிகாரிகள் மீது பொருளாதாரத் தடைகளை விதித்தல் என காட்டமான தீர்மானங்கள் மற்றும் முடிவுகளை உள்ளடக்கியதாக அறிக்கை காணப்படுகிறது. அறிக்கையின் முழு விபரம்: “யுத்தம் முடிவடைந்து ஏறக்குறைய 12 ஆண்டுகள் கடந்துள்ள நிலையில், பொறுப்புக்கூறல் மற்றும் நல்லிணக்கத்திற்கான உள்நாட்டு முயற்சிகள் பலமுறை தீர்வுகளை வழங்கத் தவறிவிட்டன. மேலும், நீதி வழங்கும் முயற்சிகள் கைவிடப்பட்டு, நாட்டில் உயரதிகாரிகள் கடந்த காலக் குற்றங்களை ஒப்புக்கொள்ள மறுத்து வருவதால், இலங்கை கடந்த காலத்தைப் பற்றி மறுக்கும் நிலையில் உள்ளது. இது நிகழ்காலத்திலும் எதிர்காலத்திலும் நேரடித் தாக்கத்தை ஏற்படுத்துகிறது. பாதுகாப்புத் துறையில் எந்தவொரு விசாரணையையும் அல்லது விரிவான சீர்திருத்தங்களையும் செயற்படுத்தத் தவறியுள்ளது. இந்தச் சூழலில், நிறைவேற்று அதிகாரத்தில் நீதித்துறை மற்றும் பிற முக்கிய நிறுவனங்களின் சுதந்திரம் மேலும் வலுவிழந்துள்ளது. சிறுபான்மைச் சமூகங்களுடனான நல்லிணக்கம் மற்றும் மரியாதையை உறுதிப்படுத்தும் ஒரு முழுமையான தேசிய முயற்சியின் ஆரம்பம் தலைகீழாக மாற்றப்பட்டுள்ளது. ஐ.நா. தீர்மானம் 30/1இல் வாக்குறுதியளிக்கப்பட்ட ‘மீண்டும் நிகழாமை’ என்ற உத்தரவாதங்களை அடைவதற்குப் பதிலாக, இலங்கையின் தற்போதைய போக்கு கடுமையான மனித உரிமை மீறல்களுக்கு வழிவகுத்த கொள்கைகள் மற்றும் நடைமுறைகள் மீண்டும் நிகழ்வதைக் எடுத்துக் காட்டுகிறது. இதேவேளை, COVID-19 தொற்றுநோயின் சவால்களை எதிர்கொள்வதை முழுமையாகப் பாராட்டும் அதேவேளையில், கடந்த ஆண்டு இடம்பெற்ற நடவடிக்கைகளில் ஆணையாளர் ஆழ்ந்த அக்கறை கொண்டுள்ளார். இது, மோசமடைந்து வரும் மனித உரிமை நிலைமைகள் மற்றும் எதிர்காலத்தில் உரிமை மீறல்களுக்கான அபாயத்தின் தெளிவான எச்சரிக்கை அறிகுறிகளைக் குறிக்கிறது. எனவே, இதனைத் தடுக்கும் வலுவான நடவடிக்கைக்கு அழைப்பு விடுக்கப்படுகிறது. 2030 நிகழ்ச்சி நிரலுக்கு அரசாங்கத்தின் அர்ப்பணிப்பு இருந்தபோதிலும், தமிழ் மற்றும் முஸ்லிம் சிறுபான்மையினர் ஓரங்கட்டப்பட்டு, தேசியப் பார்வை மற்றும் அரசாங்கக் கொள்கையிலிருந்து விலக்கப்படுகிறார்கள். அதேநேரத்தில், மிக உயர அதிகாரிகளிடமிருந்து பிளவுபடுத்தும் மற்றும் பாகுபாடான சொல்லாட்சிகள், பிரிவினை மற்றும் வன்முறையை உருவாக்கும் அபாயங்கள் ஏற்படுத்தப்படுகின்றன. 2019இல் ஈஸ்டர் ஞாயிறு பயங்கரவாதத் தாக்குதல்களைத் தொடர்ந்து வந்த அவசரகால பாதுகாப்புப் பணிகள் அரசாங்கத்தின் இராணுவ மயமாக்கலாக வளர்ந்திருப்பதாக ஆணையாளர் கவலை கொண்டுள்ளார். பொதுமக்கள் நிர்வாகத்தின் முக்கிய பதவிகளுக்கு போர்க்குற்றங்களில் ஈடுபட்டவர்கள் என நம்பப்படுபவர்கள் உட்பட முன்னாள் இராணுவ வீரர்களை அரசாங்கம் நியமித்துள்ளதுடன், பொதுமக்கள் செயற்பாடுகளை ஆக்கிரமிக்கும் இணையான பணிக்குழுக்கள் மற்றும் ஆணைக்குழுக்களையும் உருவாக்கியுள்ளது. 20ஆவது அரசியலமைப்புத் திருத்தத்தின் மூலம் நிர்வாகத்தின் முக்கியமான மாற்றங்கள், ஜனநாயக நடவடிக்கைகளை அச்சுறுத்துகிறது. சமீபத்திய ஆண்டுகளில் விரிவடைந்த சுயாதீன ஊடகங்கள் உட்பட சிவில் சமூகத்திற்கான இடம் குறுகிய காலத்திற்குள் முடங்கியுள்ளமை குறித்து ஆணையாளர் கவலைப்படுகிறார். அத்துடன், அரச முகவர்களின் மிரட்டல் மற்றும் மனித உரிமை பாதுகாவலர்கள், வழக்கறிஞர்கள், ஊடகவியலாளர்கள், சமூகப் பிரதிநிதிகள் மற்றும் மனித உரிமை மீறல்களால் பாதிக்கப்பட்டவர்கள் மற்றும் அவர்களது குடும்பங்களுக்கு எதிரான துன்புறுத்தல்கள் உள்ளிட்ட அனைத்து வகையான நடவடிக்கைகள், கண்காணிப்புக்களையும் உடனடியாக முடிவுக்கு கொண்டுவருமாறு மனித உரிமைப் பேரவை ஆணையாளர் அதிகாரிகளைக் கேட்டுக்கொள்கிறார். மேலும், முறையான சிவில் சமூக நடவடிக்கைகளை வலியுறுத்துகிறார். எனவே, மனித உரிமைகள் சபை இதற்கு முன்னர் இரண்டு முறைகள், உள்நாட்டுப் பொறுப்புக்கூறல் மற்றும் நல்லிணக்க முயற்சிகளுக்கு தனது ஆதரவை இலங்கைக்குக் கொடுத்துள்ளது, தீர்மானம் 30/1இல் அது உச்சக்கட்டமாகப் பார்க்கப்படுகிறது. சர்வதேச குற்றங்கள் மற்றும் கடுமையான மனித உரிமை மீறல்களுக்குப் பொறுப்புக்கூறலுக்கான ஒரு அர்த்தமுள்ள பாதையைத் தொடர அரசாங்கம் இப்போது அதன் இயலாமை மற்றும் விருப்பமின்மையை நிரூபித்துள்ளது. அதற்குப் பதிலாக அடிப்படையில் வேறுபட்ட அணுகுமுறையை அடையாளம் காட்டியது, இது இழப்பீடு மற்றும் வளர்ச்சியில் கவனம் செலுத்துகிறது, ஆனால், பாதிக்கப்பட்டவர்களுக்கு உண்மை, நீதி போன்ற உரிமைகள் மறுக்கப்படுகிறது. மூன்று முக்கியமான காரணங்களுக்காக மனித உரிமைகள் பேரவை இலங்கை மீது மேலும் நடவடிக்கை எடுப்பது மிக முக்கியமாகும். முதலாவதாக, கடந்த காலச் சூழலில் தப்பிப்பிழைத்த பல்லாயிரக்கணக்கானோரின் வாழ்க்கைத் துணைவர்கள், பெற்றோர்கள், பிள்ளைகள் மற்றும் பிற உறவினர்கள் தங்கள் அன்புக்குரியவர்களின் எதிர்காலத்தைத் தீர்மானிப்பது, நீதியை வழங்குவதும் அவசரகால இழப்பீடுமாகும். இரண்டாவதாகப், பொறுப்புக்கூறல் மற்றும் நல்லிணக்கத்தை முன்னெடுப்பதின் தோல்வியானது, 2030 நிகழ்ச்சி நிரலுக்கு ஏற்ப நிலையான அமைதி, மனித மற்றும் பொருளாதார வளர்ச்சிக்கான வாய்ப்புகளை குறைமதிப்பிற்கு உட்படுத்துகிறது. எதிர்காலத்தில் மனித உரிமை மீறல்கள் மற்றும் மோதல் போக்கு நிகழ்வதற்கான தொடர்ச்சியான வடிவங்களைக் கொண்டுள்ளது. இறுதியாக, இந்த அறிக்கையில் முன்னிலைப்படுத்தப்பட்ட விடயங்கள், ஐக்கிய நாடுகள் சபை, மனித உரிமைகள் சபை உட்பட, அதன் செயற்பாடுகளின் அடிப்படையில் மீண்டும் முக்கியமான சவாலாக உள்ளன. இலங்கையில் 2009இற்குப் பின்னரான ஐக்கிய நாடுகள் சபையின் நடவடிக்கைகள் குறித்து சுயாதீனமாக மதிப்பாய்வு செய்யப்பட்டது. மோதல் முடிவுக்கு வந்ததால் தடுப்பு நிகழ்ச்சி நிரலில் முறையான தோல்வி ஏற்பட்டது. சர்வதேச சமூகம் அந்தத் தவறுகளை மீண்டும் செய்யக்கூடாது, அல்லது பிற சூழல்களில் கடுமையான மீறல்களுக்கு பொறுப்புணர்வைத் தடுக்கவும் அடையவும் அதன் முயற்சிகளை குறைமதிப்பிற்கு உட்படுத்தும் ஒரு முன்னுதாரணத்தை அனுமதிக்கக்கூடாது. 2030 நிகழ்ச்சி நிரலுக்கான அரசாங்கத்தின் உறுதிப்பாட்டை ஆணையாளர் வரவேற்கிறார், அமைதியைக் கட்டமைத்தல் மற்றும் மறுசீரமைத்தல் போன்ற சில நடவடிக்கைகளைத் தொடர வேண்டும். ஆனால், இலங்கை நல்லிணக்கத்தை உறுதிசெய்து, நிறுவனமயமாக்கப்பட்ட மற்றும் முறையான தண்டனையற்ற கலாசாரத்தை திறம்பட நிவர்த்தி செய்தால் மட்டுமே நிலையான வளர்ச்சி மற்றும் அமைதியை அடைய முடியும். எவ்வாறாயினும், தீர்மானம் 30/1 மற்றும் அதனுடன் தொடர்புடைய நடவடிக்கைகளுக்கான ஆதரவைத் திரும்பப் பெறுவதன் மூலமும், அந்தத் தீர்மானத்தின் முழு அளவிலும் அர்த்தமுள்ள நடவடிக்கைகளை மேற்கொள்ளத் தவறியதன் மூலமும், உள்நாட்டுப் பொறிமுறை மூலமாக உண்மையை வெளிக்கொணர்வதற்கான சாத்தியப்பாட்டை அரசாங்கம் பெருமளவில் மூடிவிட்டது. அத்துடன், சமீபத்திய போக்குகளைப் பார்க்கும்போது, அரசாங்கத்தின் புதிய முயற்சிகளில் முன்னேற்றம் உட்பட இலங்கையில் மனித உரிமைகள் நிலைமையைக் கண்காணிப்பதை மேம்படுத்தவும், பொறுப்புக்கூறல் விடயங்களை முன்னேற்றுவதற்கான ஒரு ஒத்திசைவான மற்றும் பயனுள்ள திட்டத்தை வகுக்கவும் சர்வதேச மட்டத்தில் மனித உரிமைகள் பேரவையை ஆணையாளர் அழைக்கிறார். குற்றவியல் பொறுப்புணர்வை முன்னெடுப்பதற்கும் பாதிக்கப்பட்டவர்களுக்கு நிவாரண நடவடிக்கைகளை வழங்குவதற்கும் உறுப்பு நாடுகளுக்குப் பல கடமைகள் உள்ளன. இலங்கையின் நிலைமையை சர்வதேச குற்றவியல் நீதிமன்றத்திற்கு பரிந்துரைப்பதற்கான நடவடிக்கைகளை மேற்கொள்வதோடு மட்டுமல்லாமல், இலங்கையில் உள்ள அனைத்து தரப்பினரும் செய்த குற்றங்களை விசாரிப்பதற்கும், வழக்குத் தொடுப்பதற்கும் உறுப்பு நாடுகள் தீவிர நடவடிக்கையைத் தொடரலாம். அல்லது, பாதிக்கப்பட்டவர்கள் மற்றும் அவர்களின் பிரதிநிதிகளுடன் இணைந்து பொறுப்புக்கூறலுக்கான இத்தகைய வழிகளை ஊக்குவிக்க, சர்வதேச குற்றங்கள் தொடர்பான விசாரணைகளை ஆரம்பிப்பதன் மூலம், இந்த முயற்சிகளை முன்னெடுப்பதற்கான அர்ப்பணிப்புத் திறனை ஆதரிப்பதற்கும் ஊக்குவிக்கிறார். இலங்கை அரசாங்கத்திற்கு என உயர் ஸ்தானிகர் பின்வருவனவற்றைப் பரிந்துரைக்கிறார் அனைவருக்கும் பாகுபாடு காட்டாமை மற்றும் மனித உரிமைகளைப் பாதுகாப்பதன் அடிப்படையில், 2030 நிலையான அபிவிருத்தி நிகழ்ச்சி நிரலுக்கு ஏற்ப, அனைவரையும் உள்ளடக்கிய, பன்மைத்துவ பார்வையை தீவிரமாக ஊக்குவித்தல். அரசியலமைப்பு மற்றும் சட்டத் சீர்திருத்தங்கள் ஐக்கிய நாடுகள் சபையின் மனித உரிமை வழிமுறைகள் மற்றும் மனித உரிமைகள் பேரவையின் தீர்மானங்கள் ஆகியவற்றின் பரிந்துரைகளை ஏற்றிருப்பதை உறுதி செய்தல். சித்திரவதை, பாலியல் வன்முறை மற்றும் பிற மனித உரிமை மீறல்கள் தடைசெய்யப்பட்டுள்ளன, அவை முறையாக விசாரிக்கப்பட்டுத் தண்டிக்கப்படும் என இராணுவம், உளவுத்துறை மற்றும் பொலிஸ் படைகளின் அனைத்து கிளைகளுக்கும் பகிரங்கமாக தெளிவான வழிமுறைகளை வழங்குதல். மனித உரிமைப் பாதுகாவலர்கள், சமூகப் பிரதிநிதிகள் மற்றும் மனித உரிமை மீறல்களால் பாதிக்கப்பட்டவர்களுக்கு எதிரான அனைத்து வகையான கண்காணிப்பு மற்றும் துன்புறுத்தல் மற்றும் பழிவாங்கல்களை உடனடியாக நிறுத்த அனைத்து பாதுகாப்பு நிறுவனங்களுக்கும் உத்தரவிடவும். மொத்த மனித உரிமை மீறல்கள் மற்றும் சர்வதேச மனிதாபிமான சட்டத்தின் கடுமையான மீறல்கள், சித்திரவதை மற்றும் மோசமான சிகிச்சை உள்ளிட்ட அனைத்து குற்றச்சாட்டுகளையும் உடனடியாகவும், முழுமையாகவும், பாரபட்சமின்றி விசாரிக்கவும், வழக்குத் தொடரவும், நீண்டகால ஆதார வழக்குகளில் பொறுப்புணர்வை உறுதி செய்வதற்கு அதிக முன்னுரிமை அளிக்கவும். மனித உரிமைத் தரங்களுக்கு இணங்க, மனித உரிமை மீறல்களில் ஈடுபட்டவர்கள் என நம்பப்படும் அலுவலக பாதுகாப்புப் பணியாளர்கள் மற்றும் பிற பொது அதிகாரிகளை நீக்குதல். பொறுப்புக்கூறல் மற்றும் பொதுமக்கள் மேற்பார்வை ஆகியவற்றை வலுப்படுத்தவும் உறுதிப்படுத்தவும் பாதுகாப்புத் துறையில் பிற சீர்திருத்தங்களைச் செயற்படுத்துதல். மனித உரிமைகள் ஆணையகம் சுயாதீனமாகச் செயற்படுவதற்கும் போதுமான ஆதாரங்களைப் பெறுவதற்கும் கட்டமைப்பு, பாதுகாப்புகளை உறுதி செய்தல். காணாமல்போனோர் அலுவலகம் மற்றும் இழப்பீடுகளுக்கான அலுவலகம் திறம்பட மற்றும் சுயாதீனமாகச் செயற்படக்கூடிய சூழலை உறுதிசெய்க. இரண்டு அலுவலகங்களுக்கும் அவற்றின் ஆணையைத் திறம்பட நிறைவேற்றப் போதுமான ஆதாரங்கள் மற்றும் தொழில்நுட்ப வழிமுறைகளை வழங்குதல், பாதிக்கப்பட்ட, பாதிக்கப்படக்கூடிய குடும்பங்களுக்கான பாலின மையத்துடன் இடைக்கால நிவாரண நடவடிக்கைகளை மேற்கொள்வதுடன், பயனுள்ள மற்றும் விரிவான இழப்பீடுகள் மற்றும் உண்மை மற்றும் நீதியை வழங்குதல். சர்வதேச சிறந்த நடைமுறைகளைக் கடைபிடிக்கும் சட்டம் மாற்றப்படும் வரை புதிய கைதுகளுக்கு பயங்கரவாதத் தடுப்புச் சட்டத்தைப் பயன்படுத்துவது குறித்த தடையை நிறுவுதல். ஜனாதிபதியால் மன்னிப்பு அல்லது பிற வகையான அனுமதியை வழங்குவதற்கான நிலையான நடைமுறைகளை நிறுவுதல். அதை நீதித்துறை மறுஆய்வுக்கு உட்படுத்துதல், மற்றும் கடுமையான மனித உரிமைகள் மற்றும் சர்வதேச மனிதாபிமான சட்ட மீறல்களை கவனத்தில் கொள்ளல். சம்பந்தப்பட்ட துறைசார் ஆணையை வைத்திருப்பவர்களால் புதுப்பிக்கப்பட்ட நாட்டு வருகைகளைத் திட்டமிடுவதன் மூலம் சிறப்பு நடைமுறைகளுக்கான அதன் நிலையான அழைப்பை மதிக்கவும், ஒப்பந்த நடைமுறைகளுடன் தொடர்ந்து ஈடுபடுங்கள்! ஐ.நா. மனித உரிமை வழிமுறைகளின் பரிந்துரைகளை செயற்படுத்துவதில் OHCHR இலிருந்து தொடர்ந்து தொழில்நுட்ப உதவியை நாடுங்கள். மனித உரிமைகள் பேரவை மற்றும் உறுப்பு நாடுகளுக்கு ஆணையாளர் பரிந்துரைக்கிறார் பொறுப்புக்கூறல் மற்றும் நல்லிணக்கத்திற்கான முன்னேற்றம் உட்பட இலங்கையில் மனித உரிமைகள் நிலைமையைக் கண்காணிப்பதை மேம்படுத்த OHCHRஐக் கோருங்கள், மேலும், மனித உரிமைகள் பேரவையில் தொடர்ந்து அறிக்கை செய்யுங்கள். எதிர்கால பொறுப்புக்கூறல் செயன்முறைகளுக்கான ஆதாரங்களைச் சேகரித்துப் பாதுகாப்பதற்கும், பாதிக்கப்பட்டவர்கள் மற்றும் தப்பிப் பிழைப்பவர்களுக்காக வாதிடுவதற்கும், உறுதியான அதிகார வரம்பைக் கொண்ட உறுப்பு நாடுகளில் தொடர்புடைய நீதித்துறை நடவடிக்கைகளை ஆதரிப்பதற்கும் ஒரு பிரத்தியேக ஆதரவை வழங்க வேண்டும். உலகளாவிய அதிகார வரம்பு உள்ளிட்ட உள்நாட்டு அதிகார வரம்புகளில் உள்ள நீதித்துறை நடவடிக்கைகள் மூலம் இலங்கையில் உள்ள அனைத்துத் தரப்பினரும் செய்த சர்வதேச குற்றங்களை விசாரிக்கவும், வழக்குத் தொடரவும் பாதிக்கப்பட்டவர்கள் மற்றும் அவர்களின் பிரதிநிதிகளுடன் ஒத்துழைக்கவும். கடுமையான மனித உரிமை மீறல்கள் மற்றும் துஷ்பிரயோகங்களுக்கு நம்பகமானதாகக் கூறப்படும் குற்றவாளிகளுக்கு எதிராகச் சொத்து முடக்கம் மற்றும் பயணத் தடைகள் போன்ற சாத்தியமான இலக்குத் தடைகளை ஆராயுங்கள்! இலங்கை காவல்துறை மற்றும் இராணுவ பரிமாற்றங்கள் மற்றும் பயிற்சித் திட்டங்களுக்காக அடையாளம் காணப்பட்ட இராணுவ வீரர்களுக்கு கடுமையான சோதனை முறைகளைப் பயன்படுத்துங்கள்! சிவில் சமூக முன்முயற்சிகள் மற்றும் இழப்பீடு மற்றும் பாதிக்கப்பட்டவர்களின் உதவிக்கான முயற்சிகளுக்கு முன்னுரிமை அளித்தல் மற்றும் பாதிக்கப்பட்டவர்களுக்கும் அவர்களது குடும்பத்தினருக்கும் அவர்களின் இருதரப்பு மனிதாபிமான, மேம்பாடு மற்றும் உதவித்தொகை திட்டங்களுக்கு உதவ முன்னுரிமை அளித்தல். பழிவாங்கல்களை எதிர்கொள்பவர்களைப் பாதுகாப்பதற்காக இலங்கை நாட்டினருக்கான புகலிட நடவடிக்கைகளை மறுபரிசீலனை செய்யுங்கள்! மற்றும் சித்திரவதை அல்லது பிற கடுமையான மனித உரிமை மீறல்களின் உண்மையான அபாயத்தை முன்வைக்கும் வழக்குகளில் எவ்விதமான மறுசீரமைப்பையும் தவிர்க்கவும்! ஐக்கிய நாடுகளின் நிறுவனங்களுக்கு பின்வரும் விடயங்களை ஆணையாளர் பரிந்துரைக்கிறார். மனித உரிமைகள் தொடர்பான செயலாளர் நாயகத்தின் அழைப்பு இலங்கையில் உள்ள அனைத்து ஐக்கிய நாடுகளின் கொள்கை மற்றும் திட்டவட்டமான ஈடுபாட்டை வழிநடத்துகிறது என்பதை உறுதிப்படுத்தவும். 2030 நிலையான அபிவிருத்தி நிகழ்ச்சி நிரலுக்கு ஏற்ப, அனைத்து அபிவிருத்தித் திட்டங்களும் உள்ளடக்கம், பாகுபாடு காட்டாதது மற்றும் பயனுள்ள, பொறுப்புணர்வு மற்றும் அனைத்தையும் உள்ளடக்கிய நிறுவனங்களுக்கான ஆதரவு ஆகியவற்றின் அடிப்படையில் நிறுவப்பட்டுள்ளன என்பதை உறுதிப்படுத்தவும். பாதுகாப்பு அமைச்சகம் அல்லது அனைத்து அமைப்புகளுடனும் பாதுகாப்பு அமைச்சகம் அல்லது அமைச்சின் பொது பாதுகாப்பு ஆகியவற்றின் கீழ் ஈடுபடுவதில் கடுமையான மனித உரிமைகள் காரணமாக விடாமுயற்சியுடன் இணைத்தல். ஐ.நா. அமைதி காக்கும் படை உருவாக்கத்தின் சவால்களை முழுமையாகப் புரிந்துகொண்டாலும், ஐ.நா. அமைதி காக்கும் நடவடிக்கைகளில் இலங்கையின் பங்களிப்புகளை மதிப்பாய்வு செய்யுங்கள். - ஆதவன் செய்தி -.   VID.ALARABIYA.NET vid.alarabiya.net      
    • இவ்வளவு கோப‍ப்படுபவர்களால் மக்களை முள்ளிவாய்க்காலுக்கு அழைத்து சென்று எதிரியின் கோர தாக்கதலுக்கு பலியாடுகளாக பலி கொடுக்கும் முடிவை எடுத்த மடைத்தனமான முடிவை  மேற்கொண்டவர்கள் மீது சும்மா பொய்கோபம் கூட காட்ட தெரியவில்லை. 
×
×
  • Create New...

Important Information

By using this site, you agree to our Terms of Use.