Sign in to follow this  
போல்

ரட்னஜீவன் ஹூல் மீதான அரசாங்கத்தின் அழுத்தம் வெட்கம் கெட்டது – மனோ கணேசன் சீற்றம்

Recommended Posts

 

Manoganeshan.jpg

பேராசிரியர் ரட்னஜீவன் ஹூல் வரலாறு முழுக்க சுயாதீனமானவர் என்றும் தேர்தல்கள் ஆணைக்குழுவில் நியமிக்கப்பட முன்னமேயே, அவர் பக்க சார்பற்றவர் என நாட்டுக்கு நீரூபித்தவர் என முன்னாள் அமைச்சர் மனோ கணேசன் தெரிவித்துள்ளார்.

கடந்த காலங்களில் விடுதலை புலிகள் பலம்பெற்று இருந்த காலத்தில் கூட அவர் துணிச்சலுடன் தனது கருத்துகளை முன்வைக்க தவறவில்லை என்பதை சுட்டிக்காட்டிய மனோ கணேசன், அவர் மீதான வெட்கம் கெட்ட அழுத்தத்தை அரசு நிறுத்த வேண்டும் என கோரிக்கை விடுத்துள்ளார்.

சர்வதிகார போக்குக்கு எதிராக ஜனநாயகத்தை வலுப்படுத்தும் நோக்கில், எங்களது ஆட்சியில் கொண்டுவரப்பட்ட சுயாதீன தேர்தல்கள் ஆணைக்குழுக்களின் முக்கியத்துவத்தை இன்று நாடு உணர்கின்றது என்றும் இதன் நடுநிலையாக தேர்தல்கள் அணைக்குழுவும், அதன் மூன்று அங்கத்தவர்களும் செயற்படுவதை நாடு அவதானிக்கின்றது என்றும் அவர் சுட்டிக்காட்டினார்.

இந்த பின்னணியில் இந்நாட்டில் ஜனநாயகம் கேள்விக்கு உள்ளாக்கப்படும் போதெல்லாம், இந்த சுயாதீன செயற்பாட்டில் தீவிர முன்முயற்சியுடன், பேராசிரியர் ரட்னஜீவன் ஹூல் அவர்களை இந்த அரசாங்கம் குறிவைத்து அழுத்தம் செலுத்த முயலுகின்றமை எமக்கு தெளிவாக தெரிகிறது என்றும் மனோ கணேசன் குறிப்பிட்டார்.

அரசியல் கட்சிகளின் தேவைக்காக செயற்படுகிறார் என்றும், அவர் 21 நாட்கள் தனிமைப்படுத்தலுக்கு உள்ளாக்கப்பட வேண்டும் என்றும் அரசாங்கம் நேரடியாகவும், மறைமுகமாகவும் அவர் மீது பழி தீர்க்க முயல்வதாகவும் மனோ கணேசன் குற்றம் சாட்டினார்.

தாம் இழுத்த இழுப்புக்கு அவர் உடன்படவில்லை என்ற காரணத்தால், நீண்ட காலமாகவே அவர் மீது அரசாங்கத் தரப்பு காட்டாமாக உள்ளார்கள் என்றும் இன்று அது அதிகரித்துள்ளது எனவும் சுட்டிக்காட்டிய மனோ கணேசன் இந்த வெட்கம் கெட்ட செயலை உடன் தலையிட்டு ஜனாதிபதி கோட்டாபய ராஜபக்ஷ நிறுத்த வேண்டும் என கோரிக்கை விடுத்துள்ளார்.

https://www.ibctamil.com/srilanka/80/143745?ref=ibctamil-recommendation

Share this post


Link to post
Share on other sites

வடக்கில் மே18 இனப்படுகொலை வாரத்தை அனுஷ்டித்த கஜேந்திரகுமார் பொன்னம்பலம் கோஷ்டியை சொறிலங்கா போலீஸ் காடையர்கள் அச்சுறுத்தியபோது  வாய்திறக்காத மனோ கணேசன் இப்ப வேதனைப்படுறது எவ்வளவு நடிப்பு?

மனோ கணேசன் சுய ஆதாயத்துக்காக பலருக்கு அடிமை சேவகம் செய்றது புதுசில்லையே!

  • Like 1

Share this post


Link to post
Share on other sites

ரத்னஜீவன் ஹூல் மீதான அரசின் அழுத்தம் வெட்கத்திற்குரியது : மனோ கணேசன்

சர்வதிகார போக்குக்கு எதிராக ஜனநாயகத்தை வலுப்படுத்தும் நோக்கில், எங்களது ஆட்சியில் கொண்டுவரப்பட்ட சுயாதீன தேர்தல்கள் ஆணைக்குழுக்களின் முக்கியத்துவத்தை இன்று நாடு உணர்கின்றது. இதன் நடுநாயகமாக தேர்தல் ஆணையகமும், அதன் மூன்று அங்கத்தவர்களும் செயற்படுவதை நாடு அவதானிக்கின்றது.

இந்த பின்னணியில் இந்நாட்டில் ஜனநாயகம் கேள்விக்கு உள்ளாக்கப்படும் போதெல்லாம், இந்த சுயாதீன செயற்பாட்டில் தீவிர முன்முயற்சியுடன், செயற்படும்  தேர்தல் ஆணையகத்தின் அங்கத்தவர் பேராசிரியர் ரத்னஜீவன் ஹூலை இந்த அரசாங்கம் குறிவைத்து அழுத்தம் செலுத்த முயலுகின்றமை எமக்கு தெளிவாக தெரிகிறது.

அரசியல் கட்சிகளின் தேவைக்காக செயற்படுகிறார் என்றும், அவர் 21 நாள் தனிமைப்படுத்தலுக்கு உள்ளாக்கப்பட வேண்டும் என்றும் அரசாங்கம் நேரடியாகவும், மறைமுகமாகவும் அவர் மீது பழி தீர்க்க முயல்வதாக நாம் கருதுகிறோம்.

தாம் இழுத்த இழுப்புக்கு அவர் உடன்படவில்லை என்ற காரணத்தால், நீண்ட காலமாகவே அவர் மீது அரசாங்க அமைச்சர்கள் காட்டாமாக உள்ளார்கள்.

இது இன்று அதிகரித்துள்ளது. இந்த வெட்கம் கெட்ட செயலை உடன் தலையிட்டு ஜனாதிபதி கோத்தாபய ராஜபக்ச நிறுத்த வேண்டும் என தமிழ் முற்போக்கு கூட்டணி தலைவரும், முன்னாள் தேசிய ஒருமைப்பாடு, அரச கரும மொழிகள், சமூக மேம்பாடு, இந்து சமய விவகார அமைச்சரும், கொழும்பு மாவட்ட எம்பியுமான மனோ கணேசன் கூறியுள்ளார்.

இது தொடர்பில் அமைச்சரின் ஊடக செயலகம் விடுத்துள்ள செய்தி குறிப்பில் தெரிவிக்கப்பட்டுள்ளதாவது,

பேராசிரியர் ரத்னஜீவன்  ஹூல் வரலாறு முழுக்க சுயாதீனமானவர்தான். தேர்தல்கள் ஆணைக்குழுவில்  நியமிக்கப்பட முன்னமேயே, அவர் பக்கச்சார்பற்றவர் என நாட்டுக்கு நீரூபித்தவர்.

கடந்த காலங்களில் விடுதலை புலிகள் பலம் பெற்று இருந்த காலத்தில் கூட அவர் துணிச்சலுடன் தனது கருத்துகளை முன்வைக்க தவறவில்லை. இன்று அவர் எந்தவொரு கட்சிக்கும் சார்பாக செயற்படவில்லை. எமக்கும் அப்படி ஒரு சார்பு நிலை தேவைப்படவும் இல்லை.

அவர் சார்பு நிலை எடுப்பாரெனில் மக்கள் நலன் சார்ந்ததாகவும், ஜனநாயகம் சார்ந்ததாகவே இருக்கின்றது. இந்த அடிப்படையில் இலங்கையிலும், இலங்கை விவகாரங்களில் அக்கறை கொண்ட சர்வதேச சமூகத்தின் மத்தியிலும் அவர் மீதான  ஏற்புடைமை பழுதுபடாமல் இருக்கின்றது.

நாடு திரும்பியுள்ள, பேராசிரியர் ரத்னஜீவன்  ஹூலின் புதல்வி, தனிமைப்படுத்தலுக்கு உள்ளாக்கப்பட்டு வீடு திரும்பியுள்ளார்.

இதை ஒரு சாட்டாக வைத்துக்கொண்டு,  ரத்னஜீவன்  ஹூலின் மீது புதிய அழுத்தங்கள் செலுத்தப்படுகின்றன. கொழும்பில் இருந்து யாழ்ப்பாணம்  சென்ற பயணத்தில் வீதி தடைகளில் அவருக்கு தொல்லை தரப்பட்டுள்ளது.

அவரையும் 21 நாள் தனிமைப்படுத்தலுக்கு உள்ளாக்கி முடக்க அரசாங்கம் திட்டமிடுவதாக தெரிகிறது. இவை சிறுபிள்ளைத்தனமான செயல்களாகும். அரசாங்கத்தின் பல நடவடிக்கைகளை பார்த்து ஏற்கனவே நாடும், உலகும் சிரிக்க தொடங்கி விட்டன. மென்மேலும் நகைப்புக்கு  ஆளாக வேண்டாம் என அரசாங்கத்துக்கு கூறி வைக்க விரும்புகிறேன்.    

https://www.virakesari.lk/article/82500

Share this post


Link to post
Share on other sites
1 hour ago, Rajesh said:

இவை சிறுபிள்ளைத்தனமான செயல்களாகும். அரசாங்கத்தின் பல நடவடிக்கைகளை பார்த்து ஏற்கனவே நாடும், உலகும் சிரிக்க தொடங்கி விட்டன

சீனா  தான் இன்று உலகம் அந்த உலகம் மகிந்தாவின் /கொத்தவின் பொக்கற்றுக்குள்....

Share this post


Link to post
Share on other sites

மனோ கணேசன் அவர்களே நீங்கள் உண்மையை கூறினாலும் சிலருக்கு அது புரிவதில்லை. புரிந்தாலும் புரியாதவர்கள் போல இருப்பார்கள். அவர்கள் எதிர்பார்ப்பது போல நீங்கள் பேச வேண்டுமாம். இல்லாவிடடாள் இங்கு இந்த திரியில் கிழித்து (?) போடுவார்கள். இனி பேசும் முதல் இந்த களத்தில்வந்து அவர்களின் கருத்தை கேட்டு விட்டு பேசவும்.

Share this post


Link to post
Share on other sites
5 hours ago, Rajesh said:

கொழும்பில் இருந்து யாழ்ப்பாணம்  சென்ற பயணத்தில் வீதி தடைகளில் அவருக்கு தொல்லை தரப்பட்டுள்ளது.

பலமாதங்களா தமிழ் மக்களை சோதனை சாவடிகளில அகோர வெயிலில இறக்கி சோதனை செய்யேக்க வாய்திறக்காத மனோ கணேசன் இப்ப வேதனைப்படுறது எவ்வளவு நடிப்பு?

மனோ கணேசன் சுய ஆதாயத்துக்காக பலருக்கு அடிமை சேவகம் செய்றது புதுசில்லையே!

  • Like 3

Share this post


Link to post
Share on other sites

மனோகணேசன் அரசியல்வாதி. அரசியல்வாதிகளிடம் அதிகமாக எதிர்பார்ப்பது ஏமாற்றத்திலே முடியும். ☹️

3 hours ago, Vankalayan said:

மனோ கணேசன் அவர்களே நீங்கள் உண்மையை கூறினாலும் சிலருக்கு அது புரிவதில்லை. புரிந்தாலும் புரியாதவர்கள் போல இருப்பார்கள். அவர்கள் எதிர்பார்ப்பது போல நீங்கள் பேச வேண்டுமாம். இல்லாவிடடாள் இங்கு இந்த திரியில் கிழித்து (?) போடுவார்கள். இனி பேசும் முதல் இந்த களத்தில்வந்து அவர்களின் கருத்தை கேட்டு விட்டு பேசவும்.

மக்களின் எதிர்பார்ப்பை பூர்த்தி செய்வதுதானே அரசியல்வாதிகளின் வேலை 🤔😂

Share this post


Link to post
Share on other sites

ராஜபக்ச சகோதரர்கள் சிங்கள ஒற்றுமையை சிதைத்து வருகிறார்கள்.  தமிழர் குறுக்கால போகாமல் எட்ட நிண்டு வேடிக்கை பார்க்கவேண்டும்.

  • Like 1

Share this post


Link to post
Share on other sites
7 hours ago, விவசாயி விக் said:

ராஜபக்ச சகோதரர்கள் சிங்கள ஒற்றுமையை சிதைத்து வருகிறார்கள்.  தமிழர் குறுக்கால போகாமல் எட்ட நிண்டு வேடிக்கை பார்க்கவேண்டும்.

சரியா சொல்லி இருக்கிறீர்கள் 

Share this post


Link to post
Share on other sites

பேரா.ஹூல் சுய தனிமைப்படுத்தல் செய்யவேண்டியதில்லை – தேர்தல் ஆணையத் தலைவர்

 
 
தேர்தல் ஆணையாளர்களில் ஒருவராகிய பேராசிரியர் ரட்ணஜீவன் ஹூல் மற்றும் அவரது மகள் எழிலினி தொடர்பாகத் தென்னிலங்கை ஊடகங்களில் வந்த செய்திகள் தவறானவை என ஆணையத்தின் தலைவர் மஹிந்த தேசப்பிரிய தெரிவித்துள்ளார்.

மே 04, லண்டனிலிருந்து திரும்பிய எழிலினி, இதர பயணிகளைப் போல், 14 நாட்கள் கட்டாய தனிமைப்படுத்தலில் வைக்கப்பட்ட பின்னர் பரிசோதனையில் நோயில்லை என உறுதிப்படுத்தப்பட்ட பின்னர் விடுவிக்கப்பட்டிருந்தார். அதற்கான அத்தாட்சிப் பத்திரத்தில் இராணுவத் தளபதி ஷவேந்திர சில்வாவும், மருத்துவ அதிகாரி அனில் ஜசிங்கவும் கையெழுத்திட்டிருந்தார்கள்.

மகளை அழைத்துக்கொண்டு, ஆணையப் பணிமனைக்குச் சென்றபோது பேரா. ஹூல் ஆணையத்தின் வாகனத்தைத் தனிப்பட்ட காரணங்களுக்குப் பாவித்தார் எனவும், எழிலினி மேலும் 14 நாட்கள் சுய தனிமைப்படுத்தலில் செல்லாது தேர்தல் ஆணையத்துக்குச் சென்றது தவறு என்றும் தென்னிலங்கை ஊடகங்கள் சில குற்றம்சாட்டியிருந்தன. அதே வேளை யாழ்ப்பாணம் சென்ற பேராசிரியர் ஹூலின் வீட்டிற்குச் சென்ற காவற்துறையினரால் பேராசிரியர் ஹூல், எழிலினி மற்றும் ஹூலின் வாகனச் சாரதி அனைவரும் சுய தனிமைப்படுத்தலில் சென்றிருக்கவேண்டுமென நிர்ப்பந்திகப்பட்டிருந்தார்கள் எனவும், வாகனச்சாரதி தடுத்துவைக்கப்பட்டு 3 மணித்தியாலங்கள் விசாரிக்கப்பட்டிருந்ததாகவும் பேரா. ஹூல் நேற்று ‘கொலொம்பொ ரெலிகிராஃப்’ பத்திரிகையில் குறிப்பிட்டிருந்தார்.

பின்னர் தேர்தல் ஆணையத் தலைவர் தலையிட்டு வாகனச் சாரதியை விடுவித்திருந்தார். இன்றய அறிக்கையில், ஆணையத் தலைவர் “எழிலினியைத் தவிர மற்றவர்கள் சுய தனிமைப்படுத்தல் செய்யவேண்டியதில்லை எனவும், ஆணைய அலுவலகத்தின் பணிப்பின் பேரிலேயே பேராசிரியர் அலுவலக வாகனத்தைப் பாவிக்கவேண்டி வந்தது” எனவும் தெரிவித்துள்ளார்.

பேராசிரியர் யாழ்ப்பாணத்தில் வசித்து வருவதால், யாழ்ப்பாண அலுவலகத்தின் வாகனத்தையே பாவிக்கும்படி அலுவலகம் அவருக்குப் பணித்திருந்தது. ஊரடங்கு நடைமுறையின் காரணமாகத் தனியார் வாகனத்தைப் பாவிக்க முடியவில்லை எனவும், பொதுப் போக்குவரத்து பாவனையில் இல்லாமையால், மே 20 கொழும்பு அலுவலகத்தில் நடைபெறவிருந்த கூட்டத்தில் கலந்துகொள்வதற்காக ஹூல், ஆணையத்தின் அனுமதியுடன் அலுவலக வாகனத்தில் கொழும்பு வந்திருந்தார். அவர் மீண்டும் யாழ் போகும்போது , அலுவலகத்தின் அனுமதியுடன், மகளையும் அவ்வாகனத்தில் ஏற்றிச் சென்றதாக அவர் தெரிவித்திருந்தார்.

இருப்பினும், தென்னிலங்கை ஊடகங்கள், எழிலினி சுய தனிமைப்படுத்தலில் செல்லாதமை, ஹூல் அலுவலக வாகனத்தைப் பாவித்தமை பற்றித் தவறான செய்திகளை வெளியிட்டுப் பரபரப்பை ஏற்படுத்தியிருந்தன.

இன்றய அறிக்கையின் மூலம் ஆணையத் தலைவர் மஹிந்த தேசப்பிரிய சம்பவத்தின் பின்னணியைத் தெளிவுபடுத்தியுள்ளார்.

https://marumoli.com/பேரா-ஹூல்-சுய-தனிமைப்படு/

Share this post


Link to post
Share on other sites
20 hours ago, Kapithan said:

மனோகணேசன் அரசியல்வாதி. அரசியல்வாதிகளிடம் அதிகமாக எதிர்பார்ப்பது ஏமாற்றத்திலே முடியும். ☹️

மக்களின் எதிர்பார்ப்பை பூர்த்தி செய்வதுதானே அரசியல்வாதிகளின் வேலை 🤔😂

அது சரி . அது இலங்கை வாழ்  மக்களின் அபிலாசைகளை பூர்த்திசெய்வதாக அமைந்தால் போதும்.

Share this post


Link to post
Share on other sites
10 minutes ago, Vankalayan said:

அது சரி . அது இலங்கை வாழ்  மக்களின் அபிலாசைகளை பூர்த்திசெய்வதாக அமைந்தால் போதும்.

அடிக்கடி same side goal அடிக்கிறீரே goal post எந்தப் பக்கம் இருக்கிறது என்று கவனிப்பதில்லையா 😂

Share this post


Link to post
Share on other sites
47 minutes ago, Kapithan said:

அடிக்கடி same side goal அடிக்கிறீரே goal post எந்தப் பக்கம் இருக்கிறது என்று கவனிப்பதில்லையா 😂

அப்படி இல்லை. இலங்கை மக்களின் அபிலாஷை என்று எழுதினேன். கவனிக்கவும் இலங்கை.

Share this post


Link to post
Share on other sites
4 hours ago, Kapithan said:

goal post எந்தப் பக்கம் இருக்கிறது என்று கவனிப்பதில்லையா 😂

இரண்டு பக்கமும் இருக்கு தானே.

Share this post


Link to post
Share on other sites
5 hours ago, ஈழப்பிரியன் said:

இரண்டு பக்கமும் இருக்கு தானே.

தமிழர் சேம் சைட் கோல் போட்டே கம்பத்தை உடைத்துவிட்டோம் 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கொரோனா எதிரொலி: யாழ்.மாநகர சபைக்கு 20 மில்லியன் ரூபாய் வருமான இழப்பு கொரோனா வைரஸ் தாக்கத்தால் கடந்த இரு மாதங்களில் ஏற்பட்ட முடக்கம் காரணமாக, யாழ்.மாநகர சபைக்கு 20 மில்லியன் ரூபாய் வருமான இழப்பு ஏற்பட்டுள்ளதாக பதில் முதல்வர் து.ஈசன் தெரிவித்துள்ளார். யாழ்ப்பாணம் மாநகர சபையில் இன்று (வெள்ளிக்கிழமை) இடம்பெற்ற ஊடகவியலாளர் சந்திப்பிலேயே து.ஈசன் இவ்வாறு தெரிவித்துள்ளார். அவர் மேலும் தெரிவிக்கையில், “நாட்டில் ஏற்பட்ட கொரோனா தாக்கம் காரணமாக அனைத்து பகுதிகளிலும் ஊரடங்கு சட்டம் அமுல்படுத்தப்பட்டது. இதனால் எமது சபையின் எல்லைக்குட்பட்ட பொதுச் சந்தைகளும் வர்த்தக நிலையங்களும் பூட்டிடப்படடன. இதன் காரணமாக எமக்கு இரண்டு மாதங்களுக்கு 18 மில்லியன் ரூபாய் வருமான இழப்பு ஏற்பட்டுள்ளது. அத்துடன் வருமானம் இல்லாத நிலையிலும் வரவு- செலவுத்திட்டத்தில் ஒதுக்கப்பட்டிருந்த நிதிக்கு மேலதிகமாக கொரோனா தொற்றின் போது கிருமி தொற்று நீக்கல் மற்றும் சுகாதார சேவைகளை முன்னெடுக்க 2 மில்லியன் ரூபாய் நிதி ஒதுக்கீடு செய்யப்பட்டு செலவிடப்பட்டுள்ளது. அந்த வகையில் எமக்கு கொரோனா காலத்தில் ஏற்பட்டிருந்த இருமாத முடக்கநிலையில் மொத்தமாக 20 மில்லியன் ரூபாய் நிதி வருமான இழப்பு ஏற்பட்டுள்ளது. இதற்கு மேலதிகமாக எமது வரவு செலவுத்திட்டத்தில் 200 மில்லியன் ரூபாய் எதிர்பாக்கப்படாத வருமான இழப்பு ஏற்பட்டுள்ளது. அதில் குறிப்பாக உரிமம் மாற்றத்தினால் கிடைக்கும் 130 மில்லியன் ரூபாய் வருமான இழப்பு ஏற்பட்டுள்ளது. நல்லூர் ஆலய திருவிழா காலத்தில் கிடைக்கும் வருமானம் 20 மில்லியன் வரையான வருமானம் இழக்கப்படலாம். ஏனெனில் இம்முறை நல்லூர் ஆலய உற்சவம் நடைபெறுவதற்கான வாய்ப்புக்கள் குறைவாகவே உள்ளது.இவ்வாறு வேறு வருமானங்களான வரிகள், சந்தை குத்தகை இழப்புக்களும் ஏற்பட்டுள்ளன. யாழ்ப்பாணம் மாநகர சபையின் எல்லைக்கு உட்பட்ட சந்தைகளை குத்தகைக்கு எடுத்தவர்கள், வர்த்தகர்களுக்கு சில வரி விலக்குகளை சில நாட்களுக்கு வழங்க தீர்மானித்துள்ளோம். மேலும் தற்போது கழிவகற்றல் செயற்பாட்டிற்கு தனியாரின் உழவு இயந்திரங்களை பாவிப்பதை தற்காலிகமாக நிறுத்தியுள்ளோம். கழிவகற்றல் செயற்பாட்டிற்கு மாநகர சபையின் வாகனங்கள் மட்டுமே பயன்படுத்தப்பட்டு வருகின்றன.எனினும் நாம் திண்ம கழிவகற்றலை தொடர்ச்சியாக முன்னெடுத்து வருகின்றோம். தற்போது கடந்த சில நாட்களுக்கு முன்னர் யாழ்ப்பாணத்தில் பெய்த மலையின் காரணமாக டெங்கின் தாக்கம் மீண்டும் யாழ்ப்பாணத்தில் ஏற்பட்டுள்ளது. குறிப்பாக மாநகர எல்லைக்குள் சில நோயாளிகள் அடையாளம் காணப்பட்டுள்ளதாக அறியக் கிடைக்கின்றது. எனவே நாம் அது தொடர்பிலும் சுகாதார திணைக்களம், பிரதேச செயலகத்துடன் இணைந்து அதற்கான முன்னேற்பாடுகளை முன்னெடுக்கவுள்ளோம். சில பகுதிகளுக்கு இப்போதே புகையூட்டிடல்கள் இடம்பெறுகின்றன” என  தெரிவித்துள்ளார். http://athavannews.com/கொரோனா-எதிரொலி-யாழ்-மாநக/
    • நீதிமன்றினால் 50 ஆயிரம் ரூபாய் பெறுமதியான ஆள் பிணையில் விடுவிக்கப்பட்ட ஒருவரிடம் அந்த பணத்தினை நீதிமன்றில் செலுத்த வேண்டும் என கூறி 50 ஆயிரம் ரூபாயை சட்டத்தரணி ஒருவர் மோசடி செய்த சம்பவம் யாழ்ப்பாணத்தில் இடம்பெற்றுள்ளது. இச் சம்பவம் தொடர்பாக மேலும் தெரியவருவதாவது, யாழ்.மாவட்டத்திலுள்ள நீதவான் நீதிமன்றங்களில் ஒன்றின் நியாயதிக்கத்திற்கு உட்பட்ட பகுதியில் சிறு குற்றம் ஒன்றினை புரிந்தார் என கூலி தொழிலாளி ஒருவர் மன்றில் முற்படுத்தப்பட்டிருந்தார். அது தொடர்பில் விசாரணைகளை முன்னெடுத்த நீதவான் அந்நபரை 50 ஆயிரம் ரூபாய் ஆள் பிணையில் செல்வதற்கு அனுமதித்து வழக்கினை ஒத்திவைத்தார். அதனையடுத்து அவரது பிணை நடவடிக்கைகள் முடிவடைந்து மன்றினை விட்டு அந்நபர் வெளியேறிய போது அவரை மறித்த சட்டத்தரணி ஒருவர் 50 ஆயிரம் பிணையில் தானே விட்டது. அந்த பணத்தினை நீதிமன்றில் செலுத்த வேண்டும் என கூறி அவரிடமிருந்து 50 ஆயிரம் பணத்தினை மோசடியாக பெற்றுள்ளார். 50 ஆயிரம் ரூபாய் ஆள் பிணை அல்லது சொந்த பிணை என்பது அந்நபர் தனது தேசிய அடையாள அட்டை பிரதியை வழங்கி கையொப்பமிட்டு பிணையில் செல்ல முடியும். அதற்காக மன்றுக்கு 50 ஆயிரம் செலுத்துவதில்லை. இந்நிலையிலையே மன்றுக்கு காசு செலுத்த வேண்டும் என கூலி தொழிலாளியிடம் மோசடியாக பணத்தினை பெற்று குறித்த சட்டத்தரணி மோசடி புரிந்துள்ளார். இதேவேளை யாழில் பொலிஸாருடன் தொடர்பினை பேணும் சில சட்டத்தரணிகள் பொலிஸார் ஊடாக வழக்குகளை பெறும் சந்தர்ப்பங்களும் அதிகரித்து செல்வதாகவும் அது சட்டத்தரணிகளின் அறத்தை மீறிய செயல் எனவும் சக சட்டத்தரணிகள் கவலை தெரிவித்தனர். https://www.ibctamil.com/srilanka/80/144230
    • இந்த திரி முடிஞ்சிட்டுதா  இந்த திரியை வாசித்தலில் புரிந்தது; எங்கட சனத்திற்கு உசுப்பேற்ற யாரும் இருந்து கொண்டேயிருக்கோணும்🙂. விசிலடித்தான் குஞ்சுகளாகவேயிருந்து பழகிட்டோம்😛. இணையவனும், நுணாவும் சீமானிற்கு சப்போட் 😄 நிழலி இல்லை 😆 மோகன்🤔    
    • ஐயாயிரம் ரூபாவில் மோசடி; மூடிமறைக்க முயற்சிக்கும் முல்லைத்தீவு மாவட்ட செயலகம்? முல்லைத்தீவு மாவட்டத்தின் புதுக்குடியிருப்பு பிரதேச செயலகப் பிரிவுக்குட்பட்ட மந்துவில் மற்றும் மல்லிகைத்தீவு கிராம அலுவலர் பிரிவுகளின் கிராம அலுவலர் 5000 ரூபா மோசடியில் ஈடுபட்டதனை அண்மையில் வெளிக்கொண்டு வரப்பட்டது. இதன் பின்னணியில் கிராம அலுவலரின் நெருங்கிய உறவினர்களை கொண்டு விசாரணை குழு அமைக்கப்பட்டு விசாரணைகள் முன்னெடுக்கப்பட்டு வருகின்றமை கிராம அலுவலரின் மோசடியை மூடிமறைக்க முயற்சிக்கிறதா? முல்லைத்தீவு மாவட்ட செயலகம் என்ற சந்தேகத்தை ஏற்படுத்தியுள்ளது. நாட்டில் கொரோன வைரஸ் அச்சுறுத்தல் காரணமாக மக்கள் பாதிக்கப்பட்ட நிலமையில் அவர்களுக்காக வழங்கப்பட்ட 5000 ரூபா கொடுப்பனவில் 2000 ரூபா கொடுப்பனவு கொடுத்துவிட்டு மீதி 3000 ரூபா கொடுப்பனவு வழங்காது மோசடி செய்ததாகவும் அதன் பின்னர் குறித்த விடயம் ஊடகங்களில் வெளிவந்ததன் பின்னணியில் நிதிகள் மக்களுக்கு மீள வழங்கப்பட்டதோடு உயிரிழந்தவரின் பெயரில் கூட 5000 ரூபா மோசடி செய்யப்பட்டமை தொடர்பில் செய்திகள் வெளிக்கொண்டுவரப்பட்டிருந்தது. இதன் பின்னணியில் பிரதேச செயலகம் மற்றும் மாவட்ட செயலகங்கள் விசாரணைகளை நடாத்துவதாக தெரிவித்திருந்தன. இவ்வாறான நிலையில் முல்லைத்தீவு மாவட்ட செயலகத்தினால் உள்ளக கணக்காய்வு குழுவின் விசாரணை அறிக்கையை ஆதாரமாகக் கொண்டு விசாரணைகள் ஆரம்பிக்கப்பட்டுள்ளதாக தெரிவிக்கப்பட்டிருந்தது. இதற்கென முல்லைத்தீவு மாவட்ட செயலகத்தினால் முல்லைத்தீவு மாவட்ட செயலக பிரதம கணக்காளர் - ஜே.ரெஜினோல்ட் தலைமையில் விசேட குழு ஒன்றும் அமைக்கப்பட்டிருந்தது. இந்த குழுவில் முல்லைத்தீவு மாவட்ட செயலகத்தினுடைய பிரதம கணக்காளர் - ஜே .ரெஜினோல்ட் மற்றும் முல்லைத்தீவு கரைதுறைப்பற்று பிரதேச செயலகத்தினுடைய நிர்வாக உத்தியோகத்தர் செ .விமலேந்திரன் மற்றும் முல்லைத்தீவு ஒட்டுசுட்டான் பிரதேச செயலகத்தினுடைய உதவிப் பிரதேச செயலாளர் இ.றமேஷ் ஆகியோர் இந்த குழுவில் அங்கம் வகிகின்றனர். குறிப்பாக இந்த குழுவில் கிராம அலுவலருடைய நெருங்கிய உறவினர்களை கொண்டே இந்த குழு அமைக்கப்பட்டு இருக்கின்றது. எனவே இந்த குழுவின் விசாரணை அறிக்கைகள் எவ்வாறு நேர்மையாக இருக்கும் என்ற கேள்வி தற்போது எழுப்பப்பட்டிருக்கிறது. இந்தக் குழுவைச் சேர்ந்தவர்கள் நேற்றைய தினம் புதுக்குடியிருப்பு பிரதேச செயலகத்தில் விசாரணைகளை மேற்கொண்டிருந்தனர். இருப்பினும் இந்த குழு பொருத்தமற்றது எனவும் இதனை மாற்றியமைத்து இந்த விசாரணைகளை முன்னெடுக்க வேண்டும் இந்த நடவடிக்கை குறித்த மோசடியை மூடிமறைக்கவா எனவும் சமூக நலன்விரும்பிகள் கோரிக்கை விடுத்துள்ளனர். இதேவேளை திருகோணமலை மாவடடத்தில் அண்மையில் 5000 ரூபா கொடுப்பனவில் மோசடியில் ஈடுபட சமுர்த்தி உத்தியோகத்தர் ஒருவரும் கிராம அலுவலர் ஒருவரும் பணிநீக்கம் செய்யப்பட்டிருந்தமை குறிப்பிடத்தக்கது. https://www.ibctamil.com/srilanka/80/144242
    • தமிழ் தேசிய மக்கள் முன்னணியை சேர்ந்த 11 பேரையும் வீடுகளில் தனிமைப்படுத்த கோரி பொலிஸார் தாக்கல் செய்த வழக்கு நீதிமன்றினால் தள்ளுபடி செய்யப்பட்டுள்ளது. முள்ளிவாய்க்கால் நினைவேந்தல் வார கால பகுதியில் மக்களை ஒன்று கூட்டி நிகழ்வுகளை மேற்கொண்டமை, தனிமைப்படுத்தல் சட்டத்தை மீறியமை உள்ளிட்ட குற்றசாட்டுகளை முன்வைத்து கடந்த 17ஆம் திகதி பொலிஸார் யாழ்.நீதிமன்றில் வழக்கு தாக்கல் செய்தனர். அதன்போது, தமிழ் தேசிய மக்கள் முன்னணியின் தலைவர், செயலாளர் உட்பட பதினொரு பேரை எதிர்வரும் 14 நாட்களுக்கு வீடுகளில் தனிமைப்படுத்தி 14 நாட்களின் பின்னர் நீதிமன்றுக்கு அறிக்கை சமர்ப்பிக்குமாறு ஐந்து பிரதேச சுகாதார மருத்துவ அதிகாரிகளுக்கு யாழ்ப்பாண நீதிமன்ற நீதவான் ஏ.பீற்றர் போல் அன்றைய தினம் கட்டளையிட்டிருந்தார். மறுநாள் குறித்த கட்டளைக்கு எதிராக நகர்த்தல் பத்திரம்  ஒன்றை தாக்கல் செய்து, அந்த கட்டளையை மீள பெற வேண்டும் என மன்றிடம் கோரினார்கள். அன்றைய தினம் இரு தரப்பின் வாதங்களை அடுத்து,  தனிமைப்படுத்தலுக்கு உட்படுத்துமாறு கோரப்பட்டுள்ள 11 சந்தேகநபர்களுக்கும் நோய் அறிகுறிகள் உள்ளதாக மருத்துவ அறிக்கையை பொலிஸார் சமர்ப்பிக்கவில்லை. அதனால் நோய் அறிகுறி இல்லாதவர்களை வீடுகளில் தனிமைப்படுத்தினால் அவர்கள் மன உலைச்சலுக்கும் வேறு பல நோய்களுக்கும் உள்ளாகக் கூடும். அதனால் 11 பேரையும் தனிமைப்படுத்தும் கட்டளை, மன்றினால் மீளப்பெறப்படுகிறது என்று நீதவான் ஏ.பீற்றர் போல், மீளாய்வு விண்ணப்பம் மீது கட்டளை வழங்கினார். அதேவேளை வழக்கினை இன்றைய தினத்திற்கு ஒத்திவைத்தார். இந்நிலையில் குறித்த வழக்கு இன்றைய தினம் அழைக்கப்பட்ட போது, தமிழ் தேசிய மக்கள் முன்னணியினர் மன்றில் முன்னிலையானர்கள். அதனை அடுத்து நடைபெற்ற வழக்கு விசாரணையின்போது, குறித்த வழக்கினை தொடர்ந்து முன்னெடுத்து செல்ல ஏதுவான காரணிகள் இல்லாதமையால் வழக்கினை தள்ளுபடி செய்து, வழக்கில் குறிப்பிடப்பட்டுள்ள 11 பேரினையும் வழக்கில் இருந்து முற்றாக விடுவித்து விடுதலை செய்தார். http://athavannews.com/தமிழ்-தேசிய-மக்கள்-முன்ன-3/