ஹிட்லர் வளர்த்ததாகக் கூறப்படும் முதலை உயிரிழப்பு!

[தமிழ் சிறி]

ஹிட்லர் வளர்த்ததாகக் கூறப்படும் முதலை உயிரிழப்பு!

இரண்டாம் உலகப்போரின் போது ஹிட்லர் வளர்த்ததாகக் கூறப்படும் 84 வயதான முதலை ரஷ்யாவில் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன.

சார்ட்டன் என்று பெயரிடப்பட்ட குறித்த முதலை 1936ஆம் ஆண்டு மிசிசிப்பியில் இருந்து ஜேர்மனிக்கு கொண்டு வரப்பட்டது.

பின்னர் தலைநகர் பெர்லினில் வளர்க்கப்பட்டு வந்த குறித்த முதலை உலகப்போருக்குப் பின் ஹிட்லர் உயிரிழந்ததால் அங்கிருந்து 1946ஆம் ஆண்டு ரஷ்யாவுக்கு கொண்டு செல்லப்பட்டது.

எனினும் குறித்த முதலையை ஹிட்லர் வளர்த்தார் என்பதற்கு எந்த ஆதாரமும் இல்லை என ரஷ்யா கூறிவந்தது.

இந்தநிலையில் குறித்த முதலை மொஸ்கோவில் நீண்ட காலமாக வளர்க்கப்பட்டு வந்தது. ஹிட்லர் உயிரிழந்து 75 வருடங்கள் ஆன நிலையில் அவர் வளர்த்ததாகக் கூறப்படும் சார்ட்டனும் தனது 84வது வயதில் உயிரிழந்துள்ளது.

http://athavannews.com/ஹிட்லர்-வளர்த்ததாகக்-கூற/

[கிருபன்]

2 ஆவது உலகப்போர் குண்டு வெடிப்பில் உயிர் தப்பிய முதலை உயிரிழப்பு

ஜெர்மனியில் பெர்லின் நகரில் இரண்டாம் உலகப்போர் நடந்தபோது மேற்கொள்ளப்பட்ட குண்டு வீச்சில் உயிர் தப்பிய, 84 வயதுடைய முதலை ரஷ்ய தலைநகர் மொஷ்கோவில் உயிரிழந்துள்ளது.

இந்த முதலை ஹிட்லருக்கு சொந்தமானது என்று ஒரு காலத்தில் வதந்தி பரவியது.

"நேற்று காலை, எங்கள் மிசிசிப்பியைச் சேர்ந்த சாட்டர்ன் என்ற பெயருடை முதலை இறந்துவிட்டது. அதற்கு சுமார் 84 வயது, மிகவும் மரியாதைக்குரிய வயதில் முதலை இறந்துவிட்டதாக மிருகக்காட்சிசாலை அதிகாரிகள் தெரிவித்துள்ளனர்.

சாட்டர்ன் என்று பெயரிடப்பட்ட அந்த முதலை 1936 ஆம் ஆண்டு அமெரிக்காவில் மிசிசிப்பியில் இருந்து ஜெர்மனிக்கு கொண்டு வரப்பட்டது.

பின்னர் தலைநகர் பெர்லினில் வளர்க்கப்பட்டு வந்த அந்த முதலை உலகப்போருக்குப் பின் ஹிட்லர் இறந்து போனதால் அங்கிருந்து 1946 ஆம் ஆண்டளவில் ரஷ்யாவுக்கு கொண்டு செல்லப்பட்டது.

ஆனால் அந்த முதலையை ஹிட்லர் வளர்த்தார் என்பதற்கு எந்த ஆதாரமும் இல்லை என ரஷ்யா கூறிவந்தது.

பின்னர் அந்த முதலை மொஸ்கோவில் நீண்ட காலமாக வளர்க்கப்பட்டு வந்தது.

"சாட்டர்ன் என்ற முதலையை 74 ஆண்டுகளாக வளர்த்த பெருமை எங்களுக்கு உண்டு" என அந்த உயிரியல் பூங்கா நிர்வாகம் தெரிவித்துள்ளது.

உலகத்திலேயே மிகவும் வயதான முதலையாக சாட்டர்ன் இருந்திருக்கலாம். செர்பியாவில் பெல்கிரேட் உயிரியல் பூங்காவில் இருக்கும் மற்றொரு முஜா என்கிற ஆண் முதலையும் தனது 80 வயதுவரை வாழ்ந்து வருவதாக கூறப்படுகிறது.

 

https://www.virakesari.lk/article/82619