Jump to content

ஒரே தினம் நேரெதிர் உணர்வுகள்


Recommended Posts

  • கருத்துக்கள உறவுகள்

ஒரே தினம் நேரெதிர் உணர்வுகள்

DAFdAvQVwAAYmXm-1-300x186.jpgவிடுதலைப்புலிகளை பேரினவாத அரசுகள் பயங்கரவாதிகளாகவும் அந்த அமைப்பை பயங்கரவாத அமைப்பாகவுமே கருதுகின்றன. அந்த அடிப்படையில் அந்த அமைப்பு தடை செய்யப்பட்டது. விடுதலைப்புலிகள் 2009 ஆம் ஆண்டு உள்ளுர் மற்றும் சர்வதேச இராணுவ ஒருங்கிணைவு ஒன்றின் மூலம் ஆயுத ரீதியாக அடக்கப்பட்டார்கள். தோல்வியடையச் செய்யப்பட்டார்கள்.

பயங்கரவாதிகள் என வர்ணிக்கப்பட்டிருந்தாலும்கூட, இலங்கையை இரண்டாகப் பிரிப்பதற்காகவே அரச படைகளுடன் ஓர் ஆயுத மோதலில் ஈடுபட்டிருந்தார்கள் என்பதை மாறி மாறி ஆட்சிக்கு வந்த அரசுகள் ஏற்றுக்கொண்டிருந்தன. சர்வதேசமும் அதனை ஒப்புக்கொண்டிருந்தது. இதனால்தான் விடுதலைப்புலிகளைப் பயங்கரவாதிகள் என்ற அதேவேளை, பிரிவினைவாதிகள் என்றும் அழைத்தார்கள். குறிப்பிட்டார்கள்.

பயங்கரவாதிகள் என்றால் அவர்களுக்கு அரசியல் நோக்கம் இருக்க முடியாது. இலட்சியப் போக்கிற்கு அவர்களிடம் இடமில்லை பிரிவினைவாதிகள் என்றால் நிச்சயமாக அவர்களுக்கு ஒரு நோக்கம் இருக்கும். ஓர் அரசியல் இலக்கு இருக்கும். இதனை எவரும் மறுக்க முடியாது. இரண்டாவது வகையினராகவே விடுதலைப்புலிகள் திகழ்ந்தார்கள். உயர்ந்த இலட்சியமாக தமிழ் மக்களின் அரசியல் உரிமைகளை வென்றெடுக்க வேண்டும் என்ற அரசியல் நோக்கத்தைக் கொண்டிருந்தார்கள். அதனால்தான் அவர்களுடைய ஆயுதப் போராட்டம் வலிமை பெற்றிருந்தது. அரச படைகளைத் திக்குமுக்காடச் செய்யும் அளவுக்கு வீரம் செறிந்ததாக இருந்தது.

விடுதலைப்புலிகள் இராணுவ ரீதியாக மௌனிக்கப்படும் வரையில் இலங்கை இரண்டாகப் பிளவுபட்டிருந்தது. யுத்தத்தில் வெற்றி பெற்றதன் மூலம் நாட்டில் பிரிவினைவாதம் ஒழிக்கப்பட்டுவிட்டது. தனிநாட்டுக்கான ஆயுதப் போராட்டம் அல்லது யுத்தம் முடிவுக்குக் கொண்டு வரப்பட்டுவிட்டது என்று பெருமை பேசப்பட்டது. பிளவுபட்டுக் கிடந்த நாடு ஒரே நாடாக்கப்பட்டதாகக் கூறப்பட்டது. யுத்தத்தில் வெற்றி பெற்ற படையினர் நாட்டுக்கு சுதந்திரத்தைப் பெற்றுக்கொடுத்தார்கள் என்ற வகையில் அன்று ஜனாதிபதியாக இருந்த மகிந்த ராஜபக்ஷ தொக்கம் அனைத்து அரச தரப்பினர் மட்டுமல்லாமல் சிங்கள எதிரணியினரும்கூட மகிழ்ச்சி அடைந்திருந்தார்கள்.

பூகோள ரீதியாகப் பிளவுபட்டுக் கிடந்த நாடு, 2009 ஆம் ஆண்டு அரசு அடைந்த இராணுவ வெற்றியின் மூலம் நிலவழியில் ஐக்கியப்படுத்தப்பட்டது. யுத்தம் காரணமாக பிளவுபட்டிருந்த இனங்களுக்கிடையிலான ஐக்கியத்தை உருவாக்குவதற்கான நடவடிக்கைகள் அவசியம் என்பதை அன்றைய ஆட்சியாளர்கள் அடிக்கடி வலியுறுத்தினார்களே தவிர இதயசுத்தியுடன் அதற்கான முயற்சிகளில் அவர்கள் ஈடுபடவே இல்லை. இனங்களுக்கிடையிலான ஐக்கியம் என்பதும் நாட்டு மக்களிடையே நல்லிணக்கம் என்பதும் வேறும் பேச்சளவிலேயே இருந்தது

ஐக்கியம் உருவாகவில்லை யுத்தத்தினால் பாதிக்கப்பட்டு, உயிர், உடைமைகள் மட்டுமல்லாமல் உடலுறுப்புக்களையும் இழந்து அளவிட முடியாத துயரத்தில் தோய்ந்திருந்த அந்த மக்களை ஒன்று திரட்டி நடத்தப்பட்ட நிகழ்வகள் பலவற்றில் ஆரம்ப நிகழ்வாக யுத்தத்தில் கொல்லப்பட்ட இராணுவத்தினருக்கு, அவர்களது உயிர்த்தியாகத்திற்காக மௌன அஞ்சலி செலுத்தப்பட்டது. அந்த யுத்தத்தில் அகப்பட்டு பல்லாயிரக்கணக்கான பொதுமக்கள் உயிரிழந்திருந்த போதிலும், இந்த நிகழ்வுகள் எதிலுமே, அவர்கள் நினைவுகூரப்படவில்லை. அவர்களுடைய இழப்புக்காக அஞ்சலி செலுத்தப்படவுமில்லை.

விடுதலைப்புலிகளை இராணுவ ரீதியாக மௌனிக்கச் செய்த மே மாதம் 18 ஆம் திகதியை முள்ளிவாய்க்கால் இன அழிப்பு தினமாக, துயரம் தோய்ந்த நாளாகவே தமிழ் மக்கள் கருதினார்கள். கருதுகின்றார்கள். அந்த வகையிலேயே அதனை அவர்கள் நினைவகூருகின்றார்கள்.

ஆனால் அதே தினத்தை வெற்றி தினமாகக் கொண்டாடுகின்ற அரசு அந்த யுத்தத்தில் கொல்லப்பட்ட பொதுமக்களைக் கணக்கில் எடுக்கவே இல்லை. அங்கு பொதுமக்கள் எவரும் கொல்லப்பட்டதாக அவர்கள் காட்டிக் கொள்வதுமில்லை. அந்த இறுதி யுத்தத்தில் விடுதலைப்புலிகளே கொல்லப்பட்டார்கள். பொதுமக்கள் எவரும் கொல்லப்படவில்லை என்பதே ஆட்சியாளர்களின் நிலைப்பாடாக இருக்கின்றது.

யுத்தத்தில் வெற்றி பெற்றிருந்த ஜனாதிபதி மகிந்த ராஜபக்ஷவின் ஆட்சிக் காலத்தில் மட்டுமல்ல. அதற்குப் பின்னர் ஆட்சிப் பொறுப்பை ஏற்ற ஜனாதிபதி மைத்திரிபால சிறிசேனவின் ஆட்சியிலும்கூட இந்த நிலைப்பாடே கடைப்பிடிக்கப்பட்டது. இதனால் நாட்டில் இன ஐக்கியம் முன்னேற்றம் அடையவில்லை.

நிலைமாறுகால நீதியை நிலைநாட்டுவதற்காக விசேட வேலைத்திட்டம் ஒன்று அரசாங்கத்தினால் ஆரம்பிக்கப்பட்டிருந்த போதிலும், அதன் ஊடாகக்கூட இன ஐக்கியத்தை ஆட்சியாளர்களினால் வளர்க்க முடியவில்லை. அதற்காக ஆக்கபூர்வமான செயற்பாடுகளை அவர்கள் முன்னெடுக்கவில்லை. தேசிய ஒருமைப்பாட்டிற்கும் நல்லிணக்கத்திற்குமான அமைச்சு என்றோர் அமைச்சு உருவாக்கப்பட்டிருந்தது. அந்த அமைச்சினால் சில பல நடவடிக்கைகள் எடுக்கப்பட்டிருந்தன. ஆனால் உண்மையான இன ஐக்கியத்தை உருவாக்க முடியவில்லை.

முன்னாள் ஜனாதிபதி சந்திரிகா குமாரதுங்கவின் தலைமையில் தேசிய ஒருமைப்பாட்டிற்கும் நல்லிணக்கத்திற்குமான செயலகம் ஒன்றும் உருவாக்கப்பட்டு நல்லிணக்கச் செயற்பாடுகளுக்கான வேலைத்திட்டங்கள் முன்னெடுக்கப்பட்டன. அந்த வேலைத்திட்டங்களும்கூட இன ஐக்கியத்திற்கும் பாதிக்கப்பட்ட மக்களின் மன ஆற்றுகைக்கும் வழி சமைக்கத் தவறிவிட்டன.

நல்லாட்சி அரசாங்கத்தில் நிலைமைகள் ஓரளவு சீரடைந்திருந்தன. அதனை மறுக்க முடியாது. ஆனாலும், ஒரு யுத்தத்தின் பின்னர் பாதிக்கப்பட்ட மக்களுடைய மனங்களை ஆற்றுப்படுத்துவதற்கு உரிய வேலைத்திட்டங்கள் முன்னெடுக்கப்படவில்iலை. அத்தகைய வேலைத்திட்டங்களின் அவசியம் குறித்து சுட்டிக்காட்டப்பட்டு வலியுறுத்தப்பட்ட போதிலும், ஆட்சியாளர்கள் அது விடயத்தில் போதிய அக்கறை செலுத்தவில்லை. இதனால் அந்த மக்கள் அரசு மீதும் அந்த அரசு சார்ந்த பேரினத்தின் மீதும் உளவியல் ரீதியாக நம்பிக்கை வைத்துச் செயலாற்றக்கூடிய சூழல் உருவாகவில்லை.

ஜனநாயகத்தில் கசப்பான பாடம் அத்துடன் அரசியல் ரீதியாக, இயல்பான ஓர் உளவியல் நிலையில் அரசு மீதும் பேரின ஆட்சியாளர்கள், அரசியல்வாதிகள் மீதும் பாதிக்கப்பட்ட மக்கள் நம்பிக்கை வைத்துச் செயற்பட முடியாத நிலைமையே தொடர்ந்தது. இன்னும் தொடர்கின்றது. இந்த நிலைமையில்தான் பதினொரு வருடங்கள் கழிந்திருக்கின்றன.

ஆறு வருடங்களுக்கு முன்னர் இராணுவ மேலாதிக்கப் போக்கில் ஆட்சி செலுத்திய ஆட்சியாளர்களே இப்போது அதிகாரத்தைக் கைப்பற்றி இருக்கின்றார்கள். அன்று நிறைவேற்று அதிகாரத்தைக் கொண்டிருந்த ஜனாதிபதியாக இருந்தவர் இன்று பிரதமராகியிருக்கின்றார். அன்றை பாதுகாப்பு அமைச்சின் செயலாளர் பதவியை
அலங்கரித்தவர் இப்போது நிறைவேற்று அதிகாரம் கொண்ட ஜனாதிபதியாகத் தெரிவு செய்யப்பட்டிருக்கின்றார்.

இந்த அரசியல் மாற்றத்திற்கான தேர்தலில் சிங்கள பௌத்த மக்கள் ஒன்று திரண்டு தங்களுடைய சக்தியை வெளிப்படுத்தி உள்ளார்கள். பெரும்பான்மையினராகிய அந்த மக்களுடைய ஆதரவு மட்டுமே இந்த நாட்டில் ஆட்சி மாற்றத்தை உருவாக்குவதற்குப் போதுமானது என்ற கசப்பான பாடம் போதிக்கப்பட்டிருக்கின்றது.

ஜனநாயகம் என்பது சிறுபான்மையினருiடைய உரிமைகளை உறுதிப்படுத்துவதற்கான அடிப்படை கோட்பாடுகளைக் கொண்டது என்று கூறுவார்கள். ஆனால் இலங்கையின் 2019 ஆம் ஆண்டு ஜனாதிபதி தேர்தலானது, ஜனநாயகத்தின் சக்தியாகிய பெரும்பான்மையைப் பயன்படுத்தி சிறுபான்மையின மக்களை ஒடுக்க முடியும் என்பதை நிலைநிறுத்தி இருக்கின்றது.

ஏனெனில் சிங்கள பௌத்த மக்களின் பெரும்பான்மையான வாக்குகளின் மூலம் தெரிவு செய்யப்பட்டுள்ள ஜனாதிபதி கோத்தாபாயா ராஜபக்ஷ தன்னை அந்தப் பதவிக்குத் தெரிவு செய்த சிங்கள பௌத்த மக்களுக்கே முன்னுரிமை அளிக்கப்படும் என்று அழுத்திக் கூறியுள்ளார். அது மட்டுமல்ல. பெரும்பான்மை இன மக்களுக்கு முதன்மை நிலையும், முன்னுரிமையும் அளிக்கப்பட வேண்டும் என்பதை சிறுபான்மை இன மக்களும் ஏற்றுக்கொள்ள வேண்டும். ஏற்றுச் செயற்பட வேண்டும் என்பதையும் அவர் அதிகாரபூர்வமாக சுட்டிக்காட்டியிருக்கின்றார்.

பேரின அரசியல் போக்கைத் தொடர்வது மட்டுமல்ல. யுத்தத்தில் விடுதலைப்புலிகளை மௌனிக்கச் செய்ததன் மூலம் கிடைத்த வெற்றிவாத அரசியலை விட்ட இடத்தில் இருந்து தொடர்வதற்கும் அவர் முற்பட்டிருக்கின்றார்.

சிறுபான்மை இன மக்களின் இருப்பை எந்த வகையிலும் அங்கீகரிக்காத போக்கே வெற்றிவாத அரசியல் என்று ஏற்கனவே நிரூபிக்கப்பட்டிருக்கின்றது. யுத்தத்தில் வெற்றி பெற்ற ஜனாதிபதி மகிந்த ராஜபக்ஷ தலைமையிலான அரசாங்க காலத்தில் இது அப்பட்டமாக வெளிப்பட்டிருந்தது. ராஜபக்ஷக்கள் மீண்டும் 2019 ஆம் ஆண்டு ஆட்சி அதிகாரத்தைக் கைப்பற்றியதும் அவர்களுடைய அமைச்சரவையில் சிறுபான்மை இன அரசியல் கட்சிகளுக்கு காலாதி காலமாக அளிக்கப்பட்டு வந்த அளவில் இடம் அளிக்கப்படவில்லை. குறிப்பாக முஸ்லிம்களான எவருக்குமே அமைச்சுப் பதவி வழங்கப்படவில்லை. தமிழர்களைப் பொறுத்தமட்டில், மலையகக் கட்சிகளுக்கும் வடக்கில் ஈபிடிபி கட்சிக்கும் இடமளிக்கப்பட்டிருந்தது.

அப்பட்டமான அடக்குமுறை ஒற்றுமையானதொரு சமூகம், வளமானதொரு தேசம் என்ற மகுட வாசகத்துடன் இன ஐக்கியத்தையும் இனங்களுக்கிடையிலான நல்லிணக்கத்தையும் கட்டியெழுப்புவதற்காக நல்லாட்சி அரசாங்கத்தினால் முன்னெடுக்கப்பட்ட முயற்சிகள் ஆட்சி மாற்றத்தையடுத்து கிடப்பில் போடப்பட்டிருப்பதாகவே தெரிகின்றது.

பல்லின சமூகங்களிடையேயும் பல்வேறு மதங்களிடையேயும் விட்டுக் கொடுப்புடன் கூடிய பரஸ்பர புரிந்துணர்வு ஏற்படுத்தப்பட வேண்டும். அரசியலில் பல்லினத்தன்மை ஏற்றுக்கொள்ளப்பட வேண்டும். பல்லினத்தவர்களின் உரிமைகளும் மதிக்கப்பட வேண்டும். மறுக்கப்படக் கூடாது. அப்போதுதான் நாட்டில் உண்மையான ஐக்கியமும் நல்லிணக்கமும் ஏற்பட முடியும்.

ஆனால் ஆறு ஆண்டுகளின் பின்னர் மீண்டும் அதிகாரத்தைக் கைப்பற்றியுள்ள ராஜபக்ஷக்கள் சிங்கள பௌத்தத்திற்கும், இராணுவத்திற்கும் முன்னுரிமையையும் முதன்மை நிலையையும் அளிப்பதிலேயே கண்ணும் கருத்துமாகச் செயற்பட்டிருக்கின்றார்கள்.

யுத்தத்தில் வெற்றி பெற்ற 11 ஆம் ஆண்டு நினைவுதின வைபவத்தின்போது, நாடு இரண்டாகப் பிளவுபட்டிருந்ததைத் தெளிவாகக் காண முடிந்தது.. வடக்கு கிழக்குப் பிரதேச மக்கள் அந்தத் தினத்தை ஒரு துன்பியல் தினமாக துயரத்துடன் அனுட்டித்தார்கள்.

ஆனால் மே 19 ஆம் திகதி அந்த தினத்தை நாட்டின் தென்பகுதி மக்களும் அரசும் வெற்றி தினமாகக் கொண்டாடினார்கள். இந்த ஆண்டு மட்டுமல்ல. கடந்த 11 ஆண்டுகளாக இதுவே நடைபெற்று வருகின்றது என்பது உண்மைதான். ஆனால் இந்த வருடம் வழமையைவிட நாடு உணர்வு ரீதியாகவும் கொள்கை ரீதியாகவும் இந்த தினத்தில் ஆழமாகப் பிளவுபட்டுக் கிடந்ததையே காண முடிந்தது.

வடக்கு கிழக்கில் மே 18 ஆம் திகதியை முள்ளிவாய்க்கால் துயர தினமாக அனுட்டிப்பதற்கு அரசாங்கம் அனுமதிக்கவில்லை. குறிப்பாகத் தமிழ் அரசியல்வாதிகள் அந்த நினைவேந்தல் நிகழ்வுகளை நடத்துவதில் இருந்தும், அந்த நிகழ்வுகளில் பங்கேற்பதில் இருந்தும் பொலிசார் மற்றும் இராணுவத்தினரால் தடுக்கப்பட்டிருந்தார்கள். அதற்காக கொரோனா நோய்த்தொற்றுத் தடுப்புச் சட்டத்தைத் துணைக்குக் கையில் எடுத்துக் கொண்டார்கள். அந்தச் சட்டத்தைப் பயன்படுத்துவதற்கு அவர்களுக்கு அதிகாரமில்லை என்று சுட்டிக்காட்டியபோது, அரசியல்வாதிகள் நினைவேந்தல் நிகழ்வுகளில் பங்கேற்க அனுமதிக்கக் கூடாது என்பது மேலிடத்து உத்தரவு என்று பொலிசாரினால் பதிலளிக்கப்பட்டிருக்கின்றது.

ஒரே தினம் நேரெதிர் உணர்வுகள் முள்ளிவாய்க்கால் நினைவு தினத்தில் தடைகள் ஏற்படுத்தப்படுவது வழமையான நடவடிக்கையாகும். ஆனாலும் இராணுவ மேலாதிக்கச் சிந்தனைப் போக்கைக் கொண்ட ஜனாதிபதி கோத்தாபாயாவின் ஆட்சியில் மே 18 ஆம் திகதி பொலிசாரினால் கைக்கொள்ளப்பட்ட நடவடிக்கைகள் இனவாத சிந்தனையைத் தாண்டி, அப்பட்டமான அடக்குமுறைப் போக்கையே வெளிப்படுத்தி இருந்தன.

முள்ளிவாய்க்கால் நினைவேந்தல் தினம் என்பது மனித உரிமை மீறல்கள், சர்வதேச மனிதாபிமான சட்ட மீறல்கள், இனப்படுகொலைகள் என்பவற்றுக்கு நீதி கோருகின்ற ஒரு தினமாகும். இது வடக்கு கிழக்குப் பிரதேசம் மட்டுமல்ல. உலகெங்கும் பரந்து வாழ்கின்ற அனைத்து தமிழ் மக்களினதும் உள்ளக் கிடக்கையாகும். முள்ளிவாய்க்கால் பெருந்துயரத்திற்கு நீதி வேண்டும் நியாயம் வழங்கப்பட வேண்டும் என்ற அவர்களின் நிவாரண நீதிக்கான மன ஏக்கத்தையும், இதய தாகத்தையும் வெளிப்படுத்துகின்ற சந்தர்ப்ப தினமாகும்.

அந்த வகையிலேயே 2020 ஆம் ஆண்டும் மே 18 ஆம் திகதியைத் தமிழ் மக்கள் கெடுபிடிகளுக்கு மத்தியில் அனுட்டித்தார்கள். ஆனால் இந்த தினத்தை வெற்றி தினமாகக் குறித்துக் கொண்டாடுகின்ற அரச நிகழ்வு 19 ஆம் திகதி கொழும்பில் கொண்டாடப்பட்டது. ஒரே நாட்டில் முக்கியமான ஒரு தினம் நேரெதிர் உணர்வு போக்கில் அனுட்டிக்கப்பட்டிருக்கின்றது. தொடர்ச்சியாக அனுட்டிக்கப்பட்டு வருகின்றது. இந்த நிலைமை இன ஐக்கியத்தையோ அல்லது நாட்டில் ஒற்றுமையையோ நல்லிணக்கத்தையோ வளர்த்தெடுப்பதற்கு ஒருபோதும் வழிசமைக்காது.

விடுதலைப்புலிகளுக்கு எதிரான இறுதி யுத்தத்தில் அரச படைகள் அப்பட்டமான மனித உரிமை மீறல்களில் ஈடுபட்டார்கள், போர்க்குற்றச் செயல்களிலும் இன அழிப்புச்செயற்பாடுகளிலும் ஈடுபட்டார்கள் என்பது பொதுவான குற்றச்சாட்டு. தமிழ் மக்கள் மட்டுமல்லாமல் சர்வதேசமும் இந்தக் குற்றச்சாட்டைச் சுமத்தி உள்ளது. இதனை அரச படைகள் மறுத்திருக்கின்றன. அரசாங்கமும் அதனை அடியோடு மறுத்திருக்கின்றது. நிராகரித்திருக்கின்றது.

ஆனால் வழமையான நிராகரிப்பையும் கடந்து முள்ளிவாய்க்கால் யுத்தத்தில் அரச படைகள் அடைந்த வெற்றியை வெற்றி தினமாகக் கொண்டாடிய நிகழ்வில் உரையாற்றிய ஜனாதிபதி கோத்தாபாய ராஜபக்ஷ இராணுவத்தின் மீது அடிப்படையற்ற விதத்தில் குற்றம் சுமத்துவதை ஏற்க முடியாது என்பதை அழுத்தி உரைத்திருக்கின்றார். அது மட்டுமல்ல. எந்தவொரு நிறுவனமோ அல்லது அமைப்போ அதற்கான முயற்சிகளில் ஈடுபடுமானால், அந்த நிறுவனத்தில் இருந்தும் அமைப்பில் இருந்தும் இலங்கை விலகிக்கொள்ளும் என்று திட்டவட்டமாக அறிவித்துள்ளார்.

சிங்கள மொழியில் உரையாற்றிய அவர் திடீரென ஆங்கில மொழியில் இந்த விடயத்தைக் கூறியிருக்கின்றார். அந்த வகையில் இந்த அறிவித்தல் சாதாரண அரசியல் ரீதியான அறிவித்தல் அல்ல. இது ஆழமான கருத்துணர்வைக் கொண்ட அதிகாரபூர்வமானதொன்று என்பது வெளிச்சம் போட்டுக் காட்டப்பட்டிருக்கின்றது.

ஜனநாயகத்தில் இருந்து நழுவுகின்றதா….? இந்த சந்தர்ப்பத்தில் பதினொரு ஆண்டுகளாக முள்ளிவாய்க்கால் துயரத்திற்குப் பொறுப்பு கூற வேண்டிய கடப்பாட்டில் இருந்து அரசு தவறியிருக்கின்றது. தொடர்ச்சியாக அதனைத் தவிர்த்துப் புறந்தள்ளி வருகின்றது என்று மனித உரிமை அமைப்புக்களும், சர்வதேச மனித உரிமைச் செயற்பாட்டாளர்களாகிய யஸ்மின் சூகா, நவநீதம் பிள்ளை ஆகியோரும் சுட்டிக்காட்டி, அந்தப் பொறுப்பை அரசு நிறைவேற்ற வேண்டியதன் அவசியத்தை நினைவூட்டியுள்ளார்கள். கனடிய பிரதமர் ஜஸ்டின் ட்ரூடேயும் இந்தக் கருத்தை வலியுறுத்தியுள்ளார்.

இந்தக் கோரிக்கைகளுக்கும் அவர்களின் நிலைப்பாட்டிற்கும் பதிலளிக்கும் வகையிலேயே ஜனாதிபதி கோத்தாபாய ராஜபக்ஷவின் இராணுவ வெற்றிதினக் கொண்டாட்ட உரையில் தெரிவிக்கப்பட்டுள்ள கூற்று அமைந்திருக்கின்றது என கருத முடிகின்றது.

அதேவேளை, இராணுவத்தின் உரிமை மீறல்களுக்கும் போர்க்குற்றச் செயல்களுக்கும் பொறுப்பு கூற வேண்டும் என்ற இறுக்கமான நிலைப்பாட்டைக் கொண்டுள்ள ஐநா மன்றம், ஐநா மனித உரிமைகள் பேரவை என்பவற்றிற்கும் இலங்கை அரசாங்கத்தின் நிலைப்பாடு என்ன என்பதை வெளிப்படுத்தும் வகையில் ஜனாதிபதி கோத்தாபாய ரஜபக்ஷ இதனைக் கூறியிருக்கின்றார் என்பதையும் அனுமானிக்க முடிகின்றது.

அதேவேளை, இந்த வெற்றி தினக் கொண்டாட்டத்தைக் குறிக்கும் வகையில் பிரித்தானிய இலங்கை தூதரகத்தின் முன்னால் ஆர்ப்பாட்டத்தில் ஈடுபட்ட தமிழர்களை நோக்கி கழுத்தறுப்பேன் என்ற ரீதியில் சைகை மூலமாக அச்சுறுத்தியதாக மனித உரிமை மீறல் ரீதியில் குற்றம் சுமத்தப்பட்டிருந்த அந்தத் தூதரகத்தின் பாதுகாப்புப் பிரிவு அதிகாரியாகக் கடமையாற்றிய பிரிகேடியர் பிரியந்த பெர்னாண்டோ மேஜர் ஜெனரலாக ஜனாதிபதியினால் பதவி உயர்த்தப்பட்டிருக்கின்றார்.

வரலாற்றில் ஒருபோதும் இல்லாத வகையில் அவர் உட்பட 177 இராணுவத்தினருக்கு இந்தச் சந்தர்ப்பத்தில் பதவி உயர்வு வழங்கப்பட்டிருக்கின்றது. ஐந்து பேர் மேஜர் ஜெனரலாகவும், 4 பேர் பிரிகேடியர்களாகவும், 39 பேர் லெப்டினன் கேணல்களாகவும், 69 பேர் மேஜர்களாகவும் பதவி உயர்த்தப்பட்டிருக்கின்றார்கள்.

ஜனாதிபதி கோத்தாபாய ராஜபக்ஸ இராணுவமய சிந்தனை கொண்ட ஆட்சிப் போக்கைக் கொண்டவர் என்பது எல்லோருக்கும் தெரிந்த ஒரு விடயம். ஆனால் அவர் இலங்கையின் அதி உச்ச அதிகார பலம் கொண்ட பதவியாகிய நிறைவேற்று அதிகாரம் கொண்ட ஜனாதிபதியாக மக்களால் தெரிவு செய்யப்பட்டதையடுத்து, தனது ஆட்சிப் போக்கில் மிகவும் தீவிரத்தன்மையை வெளிப்படுத்தி இருப்பதையே காண முடிகின்றது.

ஜனநாயக விழுமியங்களுக்கு ஆசியாவில் பெயர் பெற்றிருக்கின்ற இலங்கை படிப்படியாக இராணுவ மயம் சார்ந்த ஆட்சியில் நழுவி சர்வாதிகாரத்தை நோக்கிச் செல்லத் தொடங்கிவிட்டதோ என்ற சந்தேகத்தை மேலும் உறுதிப்படுத்துகின்ற வகையிலேயே அவருடைய செயற்பாடுகள் அமைந்திருக்கின்றன.

பி.மாணிக்கவாசகம்

https://www.kuriyeedu.com/?p=257141

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • நாமெல்லாம் இதற்குள் வரமாட்டோம் ராசாக்கள்.........ஏதோ கடையில் கோப்பி குடிக்கும்போது ஒரு ஈரோ டிக்கட் வாங்கி சுரண்டிபோட்டு அங்கேயே வீசிப்போட்டு போறதுதான் அதிகம்......!  😂
    • ஆடுஜீவிதம் Review: எளிய மனிதனின் வாழ்வியல் போராட்டம் தரும் தாக்கம் என்ன?     கர்ப்பிணியான தனது மனைவி சைனு (அமலாபால்) மற்றும் தாயுடன் கேரளாவில் மகிழ்ச்சியுடன் எளிமமையாக வாழ்ந்து வருகிறார் நஜீப் (பிருத்விராஜ்). ஆற்றுமணல் அள்ளும் வேலை செய்து வாழ்க்கையை ஓட்டிவரும் அவர் குடும்ப கஷ்டத்துக்காக, வாழ்வதற்கு ஒரு நல்ல வீடு, மழை பெய்தால் ஒழுகாத சமையல்கட்டு, பிள்ளைகள் படிக்க நல்ல ஸ்கூல் என்ற சாதாரணமா கனவுகளை நிஜமாக்கும் முனைப்போடு வெளிநாடு செல்ல முடிவெடுக்கிறார். வீட்டை அடமானம் வைத்து ஏஜென்ட் மூலம் வளைகுடா நாட்டுக்குச் செல்கிறார். அங்கு என்ன நடந்தது? அங்கு அவருக்கு வேலை கிடைத்ததா? தகுந்த சம்பளம் கிடைத்ததா? அவருடைய வாழ்க்கை என்னவாக மாறுகிறது? அதிலிருந்து அவர் மீண்டாரா? இல்லையா? - இதுதான் ‘ஆடுஜீவிதம்' படத்தின் திரைக்கதை. மலையாள எழுத்தாளர் பென்யாமின் எழுதிய நாவலைத் தழுவி இயக்குநர் ப்ளஸ்ஸி இயக்கத்தில் வெளிவந்திருக்கும் திரைப்படம் 'ஆடுஜீவிதம்'. மலையாளம், தமிழ் உள்ளிட்ட பல்வேறு மொழிகளில் இந்தத் திரைப்படம் வெளியாகி உள்ளது. குடும்பக் கஷ்டத்தின் காரணமாக வளைகுடா நாடு சென்று ஏமாற்றப்பட்ட மனிதனின் கதையை சமரசம் எதுவுமின்றி வெள்ளித்திரையில் கொண்டு வந்ததற்காக இயக்குநரைப் பாராட்டலாம். குறிப்பாக, கேரளாவில் இருந்து அதிகமான எண்ணிக்கையில், வளைகுடா நாடுகளுக்குச் செல்லும் உடலுழைப்புத் தொழிலாளர்களின் குடும்பங்களுக்கு இந்தப் படம் நிச்சயம் ஆறுதலாக இருக்கும். நாவலை படம் ஆக்குவதில் உள்ள சிரமங்கள் தென்பட்டாலும், இதுவரை நமக்கு அறிமுகம் இல்லாத நிலப்பரப்பை இந்த சர்வைவல் டிராமா கண்முன் கொண்டு வந்திருக்கிறது. “எப்படியாவது கஷ்டப்பட்டு நான் கேட்ட காசைக் கொடு, அங்க போய் மூணே மாசத்துல சம்பாதித்துவிடலாம்" - போலி ஏஜென்ட்டுகளின் இந்த ஒற்றைப் பொய்தான், உலகம் முழுவதும் நஜீப்களை மீண்டும் மீண்டும் உருவாக்கிக் கொண்டே இருக்கிறது என்பதை இப்படம் நிறுவியிருக்கிறது. போலி ஏஜென்ட் ஸ்ரீகுமார் உலகின் எந்த மூலையில் இருந்தாலும், பக்தி பரவசத்துடன் ஊர் திருவிழாவுக்கு வந்துவிடும் நபர் எனக் காட்டியிருப்பது இயக்குநர் ப்ளஸ்ஸி டச். படத்தில் அந்த கேரக்டருக்கு ஒரு காட்சிதான். வேறு காட்சிகளே கிடையாது. படத்தின் முதல் பாதியை ப்ளஸ்ஸி காட்சிப்படுத்தியிருக்கும் விதம் அழகு. பாலைவனத்தில் நடக்கும் காட்சிகளையும், கேரளத்தின் காட்சிகளையும் இணைத்து கதை சொல்லிய விதம், சுட்டெரிக்கும் வெயிலில் பெய்யும் பனிக்கட்டி மழைபோல் குளிரூட்டுகிறது. இரண்டாம் பாதியில் வெகு நேரமாக பாலைவனத்தைப் பார்த்துக் கொண்டிருப்பதுதான் அயற்சியைத் தருகிறது. "பெரியோனே ரஹ்மானே" பாடல் முழுமையாக இல்லாதிருப்பது குறையாகத் தோன்றுகிறது. உலகம் முழுவதும் வேலைக்காக புலம்பெயரும் எவரும் தங்களது வாழ்க்கையுடன் சுலபமாக ஒப்பிட்டுக் கொள்ள இந்தப் படம் உதவும். அந்தவகையில், இயக்குநரின் இந்த முயற்சி நிச்சயம் பாராட்டுக்குரியது. இயக்குநரின் இந்த மெனக்கெடல்களுக்கு பெரிய ஒத்துழைப்பு வழங்கியிருக்கிறது, இந்தப்படத்தின் தொழில்நுட்பக் குழு. ஒளிப்பதிவு, பின்னணி இசை, ஒப்பனை, ஆடைகள், ஒலிப்பதிவு என படத்தில் வரும் அத்தனை தொழில்நுட்பக் கலைஞர்களின் உழைப்பும் பாராட்டுக்குரியது. படத்தின் தொடக்கம் முதலே கே.எஸ்.சுனிலின் கேமரா பார்வையாளர்களின் கண்களை அகல விரயச் செய்கிறது. பரந்து கிடக்கும் பாலைவனம், வெயில், கானல்நீர், ஒட்டகம், ஆடுகள், மலைக்குன்று என அனைத்து இடங்களிலும் கேமிரா ஜீவித்துக்கிடக்கிறது. இருளை விழுங்கிய நடுராத்திரி, கசராவில் (ஆட்டுப்பட்டி) ஆடுகளுக்கு வைக்கப்பட்டிருக்கும் தண்ணீரை தாகம் தணிக்க குடித்துவிட்டு கேமிரா இருக்கும் திசை நோக்கி பிருத்விராஜ் பார்க்கும் காட்சி, ஒட்டகம் ஒன்றின் கண்ணுக்குள் பிருத்விராஜ் தெரியும்படி காட்சிப்படுத்தியிருக்கும் காட்சியும் அருமை. இசையமைப்பாளர் ஏ.ஆர்.ரஹ்மானுக்கு இது மூன்றாவது மலையாளப் படம். படத்தின் டைட்டில் தொடங்கும்போது, ரஹ்மானின் புல்லாங்குழல் பாலைவன மணல்வெளியில் நம் மனங்களை இலகுவாக இழுத்துச் செல்கிறது. முதல் பாதியில் வரும் பாடல் அட்டகாசம். படம் முழுக்க அவ்வப்போது சின்ன சின்ன வரும் பாடல்கள் அதிகாலை நேரத்தில் தூரத்தில் கேட்கும் பங்கோசைக்கு இணையாக இருக்கிறது. ஆக்‌ஷன் காட்சிகள் எதுவும் இல்லாதபோதும், தப்பித்துச் செல்ல முயற்சிக்கும் காட்சிகளில் ஏ.ஆர்.ரஹ்மானின் பின்னணி இசைதான் வலு சேர்த்திருக்கிறது. ஸ்ரீகர் பிரசாத்தின் கட்ஸ் முதல் பாதியை கணகச்சிதமாக கத்தரித்திருக்கிறது. பிருத்விராஜ் கேரியரில் இந்தப் படம் மிகமுக்கிய திரைப்படமாக இருக்கும். படத்தில் அவரது கதாப்பாத்திரத்துக்கு நிறைய சேஞ்ச் ஓவர் வருகிறது. அப்படி வரும் எல்லா இடங்களிலும் பிருத்விராஜ் ஸ்கோர் செய்திருக்கிறார். குடிக்கவும், கழுவவும் தண்ணீர் இல்லாத கணங்களில் அவரது நடிப்பு கலங்கடித்து விடுகிறது. உயிர்வாழ வேண்டும் என்றால், கண்ணுக்கு எட்டிய தூரம் வரை விரிந்துக் கிடக்கும் பாலைவனத்தை நடந்து கடக்க வேண்டிய காட்சிகளில் பிருத்விராஜின் உடல்மொழி வியக்க வைக்கிறது. பிருத்விராஜ் உடன் வளைகுடா நாடு செல்லும் ஹக்கிம் (கே.ஆர்.கோகுல்) மற்றும் இப்ராஹிம் காத்ரியாக (ஜிம்மி ஜீன் லூயிஸ்) வருபவரும் தங்களது கதாப்பாத்திரங்களை சிறப்பாக செய்துள்ளனர். ஒட்டகமும், மயிலும் தனது அழகை நீண்ட கழுத்தில் ஒளித்து வைத்துக்கொள்ளும். அமலாபாலும் அப்படித்தான், தனது அழகு முழுவதையும் நடிப்பில் ஒளித்து வைத்திருக்கிறார். கேரளத்தின் பொலிவும், அழகும் மயக்கும். இந்தப் படத்தில் பிருத்விராஜ் அமலாபால் வரும் காட்சிகளும் அப்படித்தான், பார்வையாளர்களின் மனதில் பாசிப்போல படர்கிறது. பாலைவன சுடுமணலின் தகிப்பைக் குறைத்து ஆழமான ஆற்றுக்குள் மூழ்கி அள்ளி எடுத்துவரப்பட்ட மணலின் ஈரத்தையும், குளிர்ச்சியைக் கொண்டு வருகிறார் அமலாபால். எப்போதெல்லாம் தன்னுடைய ஞாபகம் வருகிறதோ, அப்போதெல்லாம் நிலாவைப் பார்த்துக் கொள்ளும் சொல்லும் காட்சி கவிதையாக தைக்கப்பட்டிருக்கிறது. விமான நிலையங்களின் பார்வையாளர் காத்திருப்பு வெளிகள் எப்போதும் கண்ணீரைச் சுமந்து நிற்பவை. வெளிநாடுகளுக்கு பிரிந்து செல்லும் உறவுகளை வழியனுப்ப வந்தவர்களின் கண்ணீர் அப்பகுதி முழுக்க நிரம்பியிருக்கும் காற்று முழுவதிலும் கரித்துக் கிடக்கும். அம்மாவும், அப்பாவும், கணவனும், மனைவியும், குழந்தைகளும் வெளிநாடு செல்லும் நபருக்கு தங்களது அன்பு முழுவதையும் ஒரு பெட்டிக்குள் அடைத்துக் கொடுத்துவிட்டு கனத்த மவுனத்துடன் வீடு திரும்பும் காட்சிகளைக் கடந்திருப்போம். அந்த வகையில், சென்ட் பாட்டிலும், கலர் டிவியும், கை நிறைய பணமும் இல்லாமல், வெளிநாட்டிலிருந்து உயிர் பிழைத்தால் போதும் என்று ஆயுள் உடன் திரும்பி வந்த ஒரு எளிய மனிதனின் வாழ்க்கைப் போராட்டத்தின் வலிகளின்தான் இந்த 'ஆடுஜீவிதம்'! ஆடுஜீவிதம் Review: எளிய மனிதனின் வாழ்வியல் போராட்டம் தரும் தாக்கம் என்ன? | aadujeevitham movie review - hindutamil.in
    • Simrith   / 2024 மார்ச் 28 , மு.ப. 10:49 - 0      - 67 அமெரிக்க துரித உணவு நிறுவனமான மக்டொனால்டின் உள்ளூர் உரிமை இனி தமது குடையின் கீழ் இல்லை என்று அபான்ஸ் தனியார் நிறுவனம் இன்று தெரிவித்துள்ளது. இன்று கொழும்பு பங்குச் சந்தைக்கு (CSE) அறிக்கையளித்த அபான்ஸ் பிஎல்சி, மெக்டொனால்டின் உள்ளூர் உரிமையானது, 2007 ஆம் ஆண்டின் கம்பனிகள் சட்டம் இல.7 இன் கீழ் இணைக்கப்பட்ட சர்வதேச உணவக அமைப்புகள் (பிரைவேட்) லிமிடெட் அடிப்பமையிலானது என்று சுட்டிக்காட்டியுள்ளது. அந்த நிறுவனத்தின் 98.73% பங்குகளை வைத்திருக்கும் ருசி பெஸ்டோன்ஜி, அபான்ஸ் பிஎல்சியின் நிர்வாக இயக்குனராகவும் உள்ளவர். “இன்டர்நேஷனல் ரெஸ்டாரன்ட் சிஸ்டம்ஸ் (பிரைவேட்) லிமிடெட், அபான்ஸ் பிஎல்சி அல்லது அதன் தாய் நிறுவனமான அபான்ஸ் ரீடெய்ல் ஹோல்டிங்ஸ் (பிரைவேட்) லிமிடெட் ஆகியவற்றின் துணை நிறுவனமோ அல்லது இணை நிறுவனமோ அல்ல. கூறப்பட்ட காரணத்தினால், இன்டர்நேஷனல் ரெஸ்டாரன்ட் சிஸ்டம்ஸ் (பிரைவேட்) லிமிடெட்டின் நிதிகள் அபான்ஸ் பிஎல்சியின் நிதிகளுடன் ஒருங்கிணைக்கப்படவில்லை,” என்று அபான்ஸ் தெளிவுபடுத்தியது. கொழும்பு பங்குச் சந்தையின் பட்டியலிடுதல் விதிகளின் 8வது பிரிவின் அடிப்படையில் மற்றும் நல்லாட்சிக்கான நோக்கங்களுக்காக இந்தத் தகவலை வழங்குவதாக Abans PLC தெரிவித்துள்ளது. Tamilmirror Online || McDonald’s எமது குடையின் கீழ் இல்லை: அபான்ஸ்
    • கொடுமையிலும் கொடுமை பாண்டவர் அணியில் தருமருக்கு (விஜயகாந்துக்கு) தம்பியாக (அருச்சுனனாக) அவதாரம் எடுத்தது 😂
    • 28 MAR, 2024 | 12:07 PM சிறுவர்களின் ஆபாசக் காணொளிகள் மற்றும் நிர்வாண புகைப்படங்களை இணையத்தில் பதிவேற்றுவது தொடர்பான முறைப்பாடுகளைப் வழங்குவதற்கு  புதிய முறைமையொன்றை  இன்று வியாழக்கிழமை (28) அறிமுகப்படுத்தவுள்ளதாகத்  தேசிய சிறுவர் பாதுகாப்பு அதிகார சபை தெரிவித்துள்ளது.  தேசிய சிறுவர் பாதுகாப்பு அதிகார சபையின் இணையத்தளத்தினூடாக இன்று முதல் இது தொடர்பான முறைப்பாடுகளைப் பதிவு செய்ய  சந்தர்ப்பம் வழங்கப்படும் என அதன் தலைவர் சிரேஷ்ட விரிவுரையாளர் உதயகுமார அமரசிங்க தெரிவித்துள்ளார்.   இதன் மூலம் பெறப்படும்  முறைப்பாடுகள்  நேரடியாக இங்கிலாந்தில் உள்ள "Internet Watch Foundation" க்பகு தெரிவிக்கப்படுவதுடன் அதனுடன் தொடர்புடைய ஆபாசமான காணொளிகள் மற்றும் நிர்வாண புகைப்படங்களை அகற்றுவதற்கு நடவடிக்கை எடுக்கப்படும் என குறிப்பிட்டுள்ளது.    மேலும், இந்த முறைப்பாடுகள் தொடர்பில் சம்பந்தப்பட்ட தரப்பினர் யார் என்பதைக் கண்டறிந்து, சர்வதேச  பொலிஸார் மூலமாகவும் சட்ட நடவடிக்கை எடுக்கப்படும்.    கடந்த காலங்களில் சிறுவர்களின் ஆபாசமான காணொளிகள் மற்றும் நிர்வாண புகைப்படங்கள் இணையத்தில் வெளியானமை தொடர்பில் பல முறைப்பாடுகள் கிடைத்துள்ளதாகத் தெரிவிக்கப்படுகின்றமை குறிப்பிடத்தக்கது .   ஆபாசப் படங்கள், நிர்வாணப் படங்கள் தொடர்பில் முறைப்பாடு வழங்க புதிய வழிமுறை | Virakesari.lk
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.