• advertisement_alt
  • advertisement_alt
  • advertisement_alt
Sign in to follow this  
suvy

எடுக்கவோ ...... கோர்க்கவோ.

Recommended Posts

20200603-210213-1.jpg

 

                          எடுக்கவோ.....கோர்க்கவோ.

 

அரவக்கொடியோனின் அரண்மனைதனில் 

            பரவித் தொடுத்த முத்தாடை அணிந்து 

இரவியின் பெயருடை பானுமதியாள் 

           புரவித் தேருடை  மன்னனுடன் 

கரத்தில் தாயக் கட்டைகளோடு 

           உருட்டி ஆடுகின்றாள் சதுரங்கம்.

 

அங்கதேசத்து மன்னனாம் கர்ணன் 

           தங்கக் கவச  குண்டலத்துடன் பிறந்தோன் 

இங்கு மாமன்னன் துரியனைக் காணவந்தவன் 

            தங்கையனைய  மங்கை வேண்ட  ---   சதுர் 

அங்கம் ஆட  மஞ்சத்தில்  எழுந்தருளி  

             சிங்கம் போலவும்  வீற்றிருந்தனன்.

 

ஆட்ட  சுவாரசியத்தில் மலர்ந்திருந்தவள் 

              இட்ட  இலக்கங்கள் இல்லாமலாகி 

வாட்டமுடன் கட்டைகளை காளையிடம் தர ---  அவன் 

              கேட்ட  தானங்கள் கேட்டபடியே 

போட்டதுமே  வாய்த்தது  தானம் தருவோனுக்கு 

            நாட்டமுடன்  அவனும்  நயமுடன் ஆடினன்.

 

அன்னவனும் முறுவலுடன் காய்களை நகர்த்த ---  அவள் 

            மன்னவனும் அப்போதங்கே முன்னே தோன்றினன் 

இன்னவனும் பின்னேவந்த  மன்னவனைக் கண்டிலன் 

             வண்ணமகளும் உடனே வாரிச்சுருட்டி  எழுகையில் 

பின்னை இவள் தோற்றாளென கர்ணனும் எண்ணி  

               எண்ணியபடியே  சேலைத்தலைப்பையும் பற்றினன்.

 

கெத்தாகக் கைப்பிடித்த வேளை  முந்தானையில் 

               முத்துக்கள் அறுந்து சிதறித் தெறித்தோட  

கொத்தான தனபாரங்கள் சற்றே  தளர்ந்திட 

               சித்தினிப் பெண்ணே "நில் எங்கே ஓடுகின்றாய்" 

சத்தமுடன் வினவுகின்றான் குந்தியின் மைந்தன் --- சிதறிய 

               நித்திலங்களை எடுக்கவோ கோர்க்கவோ என்றனன் துரியன்.

 

குரல்வந்த திசையில்  அஸ்தினாபுரத்து வேந்தனும் 

               விரல் நடுக்கம் மேலிட அங்கதேசத்து அரசனும்  --- தாழ்ந்த 

சிரத்துடன் சிற்றிடையாளும் சிலையென  நிலைகுலைந்து 

               மரத்த மனத்துடன் மறுபுறம்  ஒதுங்கிநிற்க  

பெருத்த மனமுடையோன் முத்துக்கள் எடுக்க --- நாடு 

                இரந்த வள்ளல் வந்தவன் பாதம் தழுவினன்.

 

முத்துக்கள் பொறுக்க வெறுங்கரங்கள் போதும் 

முத்துக்கள் கோர்க்க நிதானமும் பொறுமையும் வேண்டும் --- விழி 

முத்துக்கள் சொரிய இருவரும் வர  மூவரும் --- இதழ் 

முத்துக்கள் சிதற சிரித்திடும் போதினிலே 

முத்துக்கள் போல பத்தினியும் நட்பும் கொண்டவன் 

முத்துக்கள் கோர்க்க முன்வருதல் தெய்வீகம்.......!

 

ஆக்கம் : சுவி .....!

ஓவியம் : கவி அருணாசலம்......!

 

                

 

 

 

            

 

 

  • Like 9
  • Thanks 1

Share this post


Link to post
Share on other sites

(கவி அருணாசலத்தின் படத்துக்காக எழுதிய கவிதை).

Share this post


Link to post
Share on other sites

சினிமா படத்தில் வந்த காட்சி நினைவுக்கு வந்த படியால் கவிதையை வாசித்தேன் ....உங்கள் தமிழுக்கு ஒரு சலாம்

Share this post


Link to post
Share on other sites
11 hours ago, suvy said:

முத்துக்கள் பொறுக்க வெறுங்கரங்கள் போதும் 

முத்துக்கள் கோர்க்க நிதானமும் பொறுமையும் வேண்டும் --- விழி 

முத்துக்கள் சொரிய இருவரும் வர  மூவரும் --- இதழ் 

முத்துக்கள் சிதற சிரித்திடும் போதினிலே 

முத்துக்கள் போல பத்தினியும் நட்பும் கொண்டவன் 

முத்துக்கள் கோர்க்க முன்வருதல் தெய்வீகம்.......!

 

 தமிழை எடுத்ததும் கோர்த்ததும் முத்து மாலையின் அழகு தான் அருமை சுவி 

Share this post


Link to post
Share on other sites
On 4/6/2020 at 09:39, putthan said:

சினிமா படத்தில் வந்த காட்சி நினைவுக்கு வந்த படியால் கவிதையை வாசித்தேன் ....உங்கள் தமிழுக்கு ஒரு சலாம்

 

On 4/6/2020 at 10:17, uthayakumar said:

 தமிழை எடுத்ததும் கோர்த்ததும் முத்து மாலையின் அழகு தான் அருமை சுவி 

வருகைக்கும் பதிவுக்கும் மிக்க நன்றி புத்ஸ் & உதயகுமார்......!   🌹

Share this post


Link to post
Share on other sites

நன்றி கு.சா.....!  🌹

Share this post


Link to post
Share on other sites

கவிதை நன்று👍🏾

கர்ணன் படத்தில் வந்த காட்சியை கவிதை நினைவுபடுத்தியது.

Share this post


Link to post
Share on other sites

எடுக்கவா .. கோர்க்கவா..? 

Edukk.jpg வாழ்த்துக்கள் தோழர்..💐

Share this post


Link to post
Share on other sites
On 7/6/2020 at 09:54, கிருபன் said:

கவிதை நன்று👍🏾

கர்ணன் படத்தில் வந்த காட்சியை கவிதை நினைவுபடுத்தியது.

 

On 7/6/2020 at 09:56, புரட்சிகர தமிழ்தேசியன் said:

எடுக்கவா .. கோர்க்கவா..? 

Edukk.jpg வாழ்த்துக்கள் தோழர்..💐

நன்றி கிருபன் & புரட்சி ....!

வருகைக்கும் கருத்துக்களுக்கும் மற்றும் இட்ட  புள்ளிகளுக்கும் நன்றிகள்......!  🌹

Share this post


Link to post
Share on other sites

அருமையான கவிதை, தமிழ் சொற்களை முத்துக்களாக கோர்த்துவிட்டீர்கள் சுவி

Share this post


Link to post
Share on other sites

மென்மேலும் தமிழ் முத்துக்களைக் கோர்த்து கவி மாலையாக்கி தாருங்கள் உங்கள் அழகு தமிழ் அருந்தி மகிழ ஆவலாய் உள்ளோம்.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • திருச்சி அதவத்தூரில் 9 ம் வகுப்பு மாணவி கொல்லப்பட்ட வழக்கு - 11 தனிப்படைகள் அமைப்பு திருச்சி அதவத்தூரில் 9 ம் வகுப்பு மாணவி கொல்லப்பட்ட வழக்கில் 11 தனிப்படைகள் அமைக்கப்பட்டு விசாரணை நடைபெற்று வருகிறது. பதிவு: ஜூலை 07,  2020 09:35 AM திருச்சி, திருச்சி அதவத்தூரில் 9 ம் வகுப்பு மாணவி கொல்லப்பட்ட வழக்கில் 11 தனிப்படைகள் அமைத்து குற்றவாளிகளை போலீசார் தேடி வருகின்றனர்.  மாவட்ட எஸ்.பி. ஜியா உல்ஹக் தலைமையில் 11 தனிப்படைகள் அமைத்து விசாரணை நடைபெற்று வருகிறது. 10-க்கும் மேற்பட்டவர்களைப் பிடித்து போலீசார்  விசாரித்து வருகின்றனர். வழக்கின் விவரம்: திருச்சி மாவட்டம், சோமரசம்பேட்டை அதவத்தூர் பாளையம் பகுதியை சேர்ந்தவர் பெரியசாமி. விவசாயி. இவருடைய மகள் கங்காதேவி (வயது 14). எட்டரை அரசு மேல்நிலைப்பள்ளியில் 9-ம் வகுப்பு படித்து வந்தாள். இந்தநிலையில், அந்த மாணவி நேற்று மதியம் 12 மணியளவில் சக தோழிகளுடன் விளையாடினாள்.  பின்னர் வீட்டுக்கு சென்ற அவள், வீட்டில் உள்ள குப்பைகளை எடுத்துக்கொண்டு முள்காட்டில் கொட்ட சென்றாள். அதன்பிறகு மாலை வரை வீடு திரும்பவில்லை. இதனால், அதிர்ச்சி அடைந்த பெற்றோர் மற்றும் உறவினர்கள் அவளை பல்வேறு இடங்களில் தேடினர். அப்போது குப்பை கொட்டச் சென்ற முள்காடு பகுதியில் சிறுமி, உடல் கருகிய நிலையில் பிணமாக கிடந்தாள். அவளை மர்ம நபர்கள் சிலர் மண்எண்ணெய் ஊற்றி எரித்து கொன்று இருக்கலாம் என்று கூறப்படுகிறது. இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்று விசாரணை நடத்தினர். அப்போது சிறுமி அணிந்திருந்த இரவு உடை கிழிந்திருந்தது. இடுப்புக்கு மேல் முழுவதும் எரிந்து போய் இருந்தது. பின்னர் சிறுமியின் உடலை போலீசார் மீட்க முயன்றபோது, கிராம மக்கள் ஒன்று திரண்டு இந்த சம்பவத்தில் ஈடுபட்ட மர்ம நபர்களை கைது செய்யும்வரை பிணத்தை எடுக்க விட மாட்டோம் என்று மறியலில் ஈடுபட்டதோடு ஆம்புலன்ஸ் கண்ணாடியை உடைத்தனர். அவர்களிடம் போலீஸ் அதிகாரிகள் பேச்சுவார்த்தை நடத்தி கண்டிப்பாக நடவடிக்கை எடுக்கப்படும் என்று தெரிவித்ததன்பேரில் சமாதானம் அடைந்தனர். பின்னர் சிறுமியின் உடலை போலீசார் மீட்டு பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். இதுகுறித்து போலீசார் கூறுகையில், சிறுமியின் உடல் பிரேத பரிசோதனைக்காக மருத்துவமனைக்கு அனுப்பி வைக்கப்பட்டுள்ளது. பிரேத பரிசோதனை அறிக்கை வந்தபிறகுதான் பாலியல் பலாத்காரம் செய்யப்பட்டாரா? என்பது தெரிய வரும். இந்த சம்பவத்தில் ஈடுபட்டவர்கள் யாராக இருந்தாலும் நடவடிக்கை எடுக்கப்படும் என்றனர். இந்த சம்பவத்தால் அந்த பகுதியில் பரபரப்பு நிலவி வருகிறது. அசம்பாவிதங்களை தடுக்கும்பொருட்டு அப்பகுதியில் போலீசார் பாதுகாப்பு பணியில் ஈடுபட்டு வருகின்றனர். கடந்த சில நாட்களுக்கு முன்புதான் புதுக்கோட்டை மாவட்டம், அரிமளம் பகுதியில் ஒரு சிறுமி பாலியல் பலாத்காரம் செய்யப்பட்டு கொடூரமாக கொலை செய்யப்பட்டார். தற்போது மற்றொரு மாணவி கொலை செய்யப்பட்டுள்ளது பொதுமக்களிடையே பெரும் அதிர்ச்சியை ஏற்படுத்தி உள்ளது.   https://www.dailythanthi.com/News/TopNews/2020/07/07093541/11-police-team-to-investigate-trichy-girl-killed-case.vpf
    • இந்தியாவில் கொரோனா பாதித்தவர்கள் எண்ணிக்கை 7 லட்சத்தை தாண்டியது இந்தியாவில் கொரோனா பாதித்தவர்கள் எண்ணிக்கை 7 லட்சத்தை தாண்டியது. பதிவு: ஜூலை 07,  2020 09:44 AM புதுடெல்லி, இந்தியாவில் மின்னல் வேகத்தில் கொரோனா தொற்று பரவி வருகிறது. கடந்த சில தினங்களாக இந்தியாவில் தினசரி பாதிப்பு சராசரியாக 20 ஆயிரத்தை தாண்டி பதிவாகி வருகிறது. இந்த நிலையில், கடந்த 24 மணி நேரத்தில் மட்டும் இந்தியாவில் 22,542 பேருக்கு கொரோனா தொற்று உறுதி செய்யப்பட்டுள்ளது. அதேபோல், 467 பேர் உயிரிழந்துள்ளனர். இதன் மூலம், இதுவரை கொரோனா தொற்றால் பாதிக்கப்பட்டவர்கள் எண்ணிக்கை 7,19,665- ஆக உயர்ந்துள்ளது. உயிரிழந்தவர்கள் எண்ணிக்கை 20,160 ஆக உயர்ந்துள்ளது. கொரோனாவில் இருந்து மீண்டவர்களின் எண்ணிக்கை 4,39, 948 ஆக உயர்ந்துள்ளது.  கொரோனா பாதிப்புடன் நாடு முழுவதும் 2,59, 557 பேர் சிகிச்சை பெற்று வருகின்றனர். ஜூலை 6 ஆம் தேதி வரை 1 கோடியே 2 லட்சம் மாதிரிகள் பரிசோதிக்கப்பட்டுள்ளதாக இந்திய மருத்துவ ஆராய்ச்சி கவுன்சில் தெரிவித்துள்ளது.   https://www.dailythanthi.com/News/TopNews/2020/07/07094452/India-covid-19-tally-crosses-7-laks.vpf