• advertisement_alt
  • advertisement_alt
  • advertisement_alt
Sign in to follow this  
உடையார்

கரோனா நோயாளிகள் ஒருவாரத்தில் குணமடைகின்றனர்; சித்த மருத்துவர்களை ஆரம்பத்திலேயே களமிறக்கியிருக்க வேண்டும்; மருத்துவர் வீரபாபு சிறப்புப் பேட்டி

Recommended Posts

கரோனா நோயாளிகள் ஒருவாரத்தில் குணமடைகின்றனர்; சித்த மருத்துவர்களை ஆரம்பத்திலேயே களமிறக்கியிருக்க வேண்டும்; மருத்துவர் வீரபாபு சிறப்புப் பேட்டி

siddha-docotor-about-curing-corona-patients சித்த மருத்துவர் வீரபாபு

தமிழகத்தில் ஜூன் 7-ம் தேதி நிலவரப்படி, 31 ஆயிரத்து 667 பேர் கரோனா தொற்றால் பாதிக்கப்பட்டுள்ளனர். இதில் சென்னையில் மட்டும் 22 ஆயிரத்து 149 பேர் கரோனா தொற்றால் பாதிக்கப்பட்டுள்ளனர். சென்னையில் கடந்த ஒருவார காலமாக தினந்தோறும் கரோனா தொற்றால் பாதிக்கப்படுபவர்களின் எண்ணிக்கை ஆயிரத்தைக் கடக்கிறது. தினந்தோறும் உயிரிழப்பவர்களின் எண்ணிக்கையிலும் சென்னையே முதலிடத்தில் உள்ளது.

கரோனா தொற்றின் தாக்கம் வீரியமடைந்து வரும் நிலையில், தமிழக அரசின் சார்பாக, சென்னையில் உள்ள ஜவஹர் பொறியியல் கல்லூரியில் கரோனா சிகிச்சைக்கென அமைக்கப்பட்டுள்ள 200 படுக்கைகளுடன் கூடிய சிறப்பு மையத்தில், சித்த மருத்துவம் மூலம் நோயாளிகள் ஒருவார காலத்தில் குணமடைவதாகக் கூறுகிறார் சித்த மருத்துவரும், கரோனா சிகிச்சைக்காக தமிழக அரசால் நியமிக்கப்பட்டுள்ள சிறப்பு மருத்துவருமான வீரபாபு.

தற்போது வரை இங்கு 60 நோயாளிகள் சிகிச்சை பெற்று வருகின்றனர். 30 வயது முதல் 70 வயது வரையிலான கரோனா நோயாளிகள் இங்கு சிகிச்சை பெற்று வருகின்றனர். கடந்த 3-ம் தேதிதான் இந்த மையம் ஆரம்பிக்கப்பட்டது. வரும் 10-ம் தேதி, அதாவது ஒருவார காலத்தில் நோய்த்தொற்றிலிருந்து முழுமையாக குணமடைந்து கிட்டத்தட்ட 25 பேர் வீடு திரும்ப உள்ளனர்.

சித்த மருத்துவம் மூலம் நோயாளிகளுக்கு என்னென்ன சிகிச்சைகள் வழங்கப்படுகின்றன என்பது குறித்து மருத்துவர் வீரபாபுவிடம் பேசினோம்.

கரோனா நோயாளிகளுக்கு சித்த மருத்துவம் மூலம் என்ன மாதிரியான சிகிச்சைகள் வழங்கப்படுகின்றன?

மத்திய அரசின் வழிகாட்டுதல்கள், சென்னை அண்ணா அரசு சித்த மருத்துவமனை, தாம்பரம் தேசிய சித்த மருத்துவமனை ஆகியவை இணைந்து உருவாக்கிய வழிகாட்டு நெறிமுறைகளின்படியே நோயாளிகளுக்கு சிகிச்சை வழங்கப்படுகின்றது. கரோனா நோயாளிகளுக்கு கபசுரக் குடிநீர் வழங்கப்படுகிறது. கபசுரக் குடிநீர் தொடர்ந்து 5 நாட்களுக்கு ஒருவேளை வழங்கப்படும். பின்னர் வாரம் இருமுறை அல்லது ஒருமுறை என அளவு குறைக்கப்படும்.

கபசுரக் குடிநீர் தவிர, நாங்கள் தயாரிக்கும் சிறப்பு மூலிகைத் தேநீரும் வழங்கப்படுகிறது. தேநீரில் சுக்கு, மிளகு, திப்பிலி, சித்தரட்டை, அதிமதுரம், மஞ்சள், ஓமம், கிராம்பு, கடுக்காய் ஆகியவற்றைக் குறிப்பிட்ட அளவில் கலந்து பொடியாக்கி, 400 மி.லி. தண்ணீரில் 10 கி. இந்தப் பொடியை கலந்து அந்த தண்ணீரை 100 மி.லி. அளவாக வற்றி இந்த சிறப்பு மூலிகைத் தேநீர் தயாரிக்கப்படுகிறது. இது நோயாளிகளுக்கு தினந்தோறும் இருமுறை வழங்கப்படுகிறது.

இதுதவிர, தாளிசாதி மாத்திரை காலை, இரவு என இருவேளைகள் வழங்கப்படுகின்றன.

இந்த சித்த மருத்துவ முறையால் கரோனா நோயாளிகளின் உடல்நிலையில் என்ன மாதிரியான மாற்றங்கள் தெரிகின்றன?

இந்த மருத்துவ முறை கரோனா தொற்றைத் தடுப்பதற்கு ஓரளவு பயனுள்ளதாக உள்ளது. சிகிச்சை முறையாக இதனைப் பயன்படுத்தும்போது நோயாளிகளுக்கு அதிக நோய் எதிர்ப்பு சக்தி கிடைக்கிறது. காய்ச்சல் அறிகுறிகளுடன் வந்தவர்கள் இப்போது காய்ச்சல் இல்லாமல் இருக்கின்றனர். கல்லீரலில் ஏற்கெனவே பிரச்சினை இருப்பவர்கள் இப்போது ஆரோக்கியமாக இருக்கிறார்கள்.

இங்குள்ள கரோனா நோயாளிகளில் நீரிழிவு நோய் உள்ளவர்களும் இருக்கிறார்கள். நீரிழிவு உள்ளிட்ட மற்ற நோய்கள் உள்ளவர்களுக்கு அதன் தன்மைக்கேற்ப கொடுக்கப்படும் மருந்துகளின் அளவு மாறுபடும். இங்கு அனுமதிக்கப்பட்டுள்ள 55 வயதுள்ள நோயாளி ஒருவருக்கு 'ரொமட்டாய்டு ஆர்த்ரிட்டீஸ்' இருக்கிறது. இங்கு அவருக்கு அளித்த சிகிச்சையின் மூலம் கரோனா மட்டுமல்லாமல் 'ஆர்த்ரிட்டீஸ்' பிரச்சினையிலிருந்தும் மெல்ல மெல்ல விடுபட்டு வருகிறார்.

நீரிழிவு நோயாளிகள், கல்லீரல் பிரச்சினை உள்ளவர்கள் என ஏற்கெனவே நாள்பட்ட நோயுள்ளவர்கள், முதியவர்கள் ஆகிய அதிக பாதிப்புள்ளவர்களை ஒரு வாரத்திலேயே குணப்படுத்தி வீட்டுக்கு அனுப்ப இருக்கிறோம்.

ஏற்கெனவே வேறுவித நோய்கள் இருப்பவர்களுக்கு கரோனா ஏற்படும்போது அவர்கள் உயிரிழப்பதற்கான சதவீதம் அதிகமாக இருக்கிறது என்பதையே புள்ளிவிவரங்கள் உணர்த்துகின்றன. இந்த சமயத்தில் திடீரென கரோனா நோயாளிகளுக்கு வென்டிலேட்டர் உள்ளிட்ட வசதிகள் தேவைப்படின் இங்கு அதற்கான வசதிகள் உண்டா? அவசர சமயத்தில் எப்படி சமாளிக்கிறீர்கள்?

இங்கு அனைத்து வித வசதிகளும் இருக்கின்றன. சித்த மருத்துவத்திற்கான அனைத்து வசதிகளும் இங்கு செய்யப்பட்டு இருக்கின்றன. அவசரத் தேவை ஏற்படும்போது கவனித்துக்கொள்வதற்கான அனைத்து மருத்துவத் தேவைகளும் நம்மிடம் கைவசம் இருக்கிறது. இந்த சிகிச்சை மையம் ஆரம்பிக்கப்பட்ட நாளிலிருந்து யாரும் தீவிர நிலைமைக்குச் செல்லவில்லை. அவசர சிகிச்சைகளும் தேவைப்படவில்லை. நன்றாகவே குணமடைந்து வருகின்றனர்.

1591617334751.jpg

மற்ற மருத்துவமனைகளில் வழங்கப்படும் சிகிச்சை முறைக்கும் சித்த மருத்துவ முறைக்கும் இடையிலான வித்தியாசங்கள் என்ன?

மற்ற மருத்துவமனைகளில் "நாம் மருத்துவமனைக்கு வந்திருக்கிறோம். நமக்கு நோய் இருக்கிறது" என்றுதான் நோயாளிகள் உணர்வார்கள். ஆனால், இங்கு ஆரோக்கியத்தைப் பெருக்கிக்கொள்ள வருவதுபோன்று மனதளவில் உணருகின்றனர். அப்படியான சூழ்நிலை இங்கு இருக்கிறது.

அவர்களுக்குள் பயம், பதற்றம், இறுக்கம் என எதுவும் இருக்காது. இவை மற்ற மருத்துவமனைகளில் நோயாளிகளிடையே இருக்கும். இங்கு காலையில் நடைப்பயிற்சி செய்யலாம். அரச மரத்தடியில் அமர்ந்து காற்று வாங்கலாம். சூரிய ஒளி சிகிச்சை எடுத்துக்கொள்ளலாம். பதற்றம் இல்லாமல் நல்ல நிலையில் வைத்திருப்பதால் நோய் எதிர்ப்பு சக்தி குறையாமல் அதிகரிக்கும். மூலிகை ஆவி பிடிக்கலாம்.

மூலிகை சார்ந்த நல்ல உணவுகள் இங்கு வழங்கப்படுகின்றன. சத்தான உனவுகளுடன் வாய்ப்பு கிடைக்கும்போதெல்லாம் மூலிகை சேர்க்கப்படுகிறது. உதாரணமாக, தூதுவளை தோசை, கறிவேப்பிலை இட்லி, வேப்பம்பூ ரசம், கற்பூரவல்லி ரசம், தூதுவளை சூப், நவதானிய சுண்டல் உள்ளிட்டவை வழங்கப்படுகின்றன.

பெரும்பாலான மக்கள் அலோபதி மருத்துவத்தையே நம்புகின்றனர். சித்த மருத்துவம் குறித்து பல சமயங்களில் விமர்சனங்கள் எழுந்ததுண்டு. அப்படியிருக்கையை கரோனா போன்ற பெருந்தொற்றை இந்த சிகிச்சை முறையால் வெல்ல முடியும் என நினைக்கிறீர்களா?

நிச்சயமாக, மக்கள் இதனை நம்ப ஆரம்பித்திருக்கின்றனர். ஆரம்பத்தில் 5 நோயாளிகள் மட்டும்தான் அரசின் மூலமாக இந்த மையத்திற்கு வந்தனர். இப்போது 60 நோயாளிகள் உள்ளனர். கரோனா பரிசோதனை செய்யப்பட்ட சான்றிதழுடன் வந்தால் அவர்களை இங்கு அனுமதித்துக்கொள்கிறோம். அவர்கள் குறித்த தகவல்களை தினந்தோறும் மாநகராட்சிக்குத் தெரியப்படுத்துகிறோம்.

வரும் 10-ம் தேதி, 70 வயதுள்ளவர்கள் வரை குணமடைந்து வீடு திரும்பும்போது மக்களுக்கு சித்த மருத்துவம் மீதிருந்த தவறான எண்ணங்கள் படிப்படியாக மாறும். சிறுநீரகம், கல்லீரல் பிரச்சினை உள்ளவர்கள், நீரிழிவு நோயுள்ளவர்கள் ஒருவாரத்தில் குணமடைந்து செல்லவிருக்கின்றனர். அவர்கள் குணமடைந்து வீடு திரும்புவதைப் பார்க்கும்போது அரசின் கவனம் எங்கள் பக்கம் திரும்பும் என்ற நம்பிக்கை உள்ளது.

இதுவரை எங்களுக்கு வாய்ப்பு கிடைக்கவில்லை. சித்த மருத்துவத்தை நிரூபிப்பதற்கான வாய்ப்பு இப்போதுதான் எங்களுக்குக் கிடைத்திருக்கிறது. பல பிரச்சினைகளுடன் வந்தவர்கள் குணமாகிச் செல்லும்போது இதனைப் பின்பற்றுவதில் தவறில்லையே.

ஏற்கெனவே புழல் சிறையில் 25 பேருக்குக் கரோனா பாதிப்பு ஏற்பட்டது. அவர்கள் அனைவருக்கும் நேரடியாக சென்று சித்த மருத்துவத்தைத்தான் வழங்கினோம். அவர்கள் அனைவரும் நலமாக இருக்கின்றனர். நன்றாக குணமடைந்து வருகின்றனர். சித்த மருத்துவத்திற்கு மிகுந்த வரவேற்பு கிடைத்திருக்கிறது.

சென்னையில் கரோனா தாக்கம் நாளுக்கு நாள் அதிகரித்து வருகிறது. இதனை சித்த மருத்துவத்தின் மூலம் கட்டுப்படுத்த முடியும் என நம்புகிறீர்களா?

மார்ச் மாதம் முதல் கட்ட ஊரடங்கு உத்தரவு அமலானபோதே சித்த மருத்துவர்களைக் களத்தில் இறக்கியிருந்தால் இந்த அளவுக்கு அதிகமாகியிருக்காது. அரசு அதனைச் செய்திருக்க வேண்டும். சிறப்பு அதிகாரியாக ராதாகிருஷ்ணன் ஐஏஎஸ் நியமிக்கப்பட்ட பின்புதான் சித்த மருத்துவத்திற்கு இந்த முக்கியத்துவம் கிடைத்திருக்கிறது. அதுவரை அரசு, சித்த மருத்துவர்களைக் கண்டுகொள்ளவே இல்லை.

கோயம்பேடு 127-வது வார்டில் சித்த மருத்துவ சிகிச்சையின் மூலம் தொற்றைக் கட்டுப்படுத்த அரசு அனுமதி வழங்கியது. அப்பகுதியை ஒரு வாரம் கவனித்துக்கொண்டதற்கு பின்னர் கடந்த 15 நாட்களாக புதிய தொற்றுகள் இல்லை. ஏதாவது வெளியில் இருந்து 1-2 புதிய தொற்றாளர்கள்தான் உள்ளனர். அங்கு கபசுரக் குடிநீர், சிறப்பு மூலிகைத் தேநீரை மக்களுக்கு அதிகப்படியாக வழங்கினோம்.

சித்த மருத்துவம் மூலம் தொற்றைக் கட்டுப்படுத்த முடியும் என இப்படி படிப்படியாக நிரூபிக்கும்போது அரசு எங்களை நம்பும்.

கரோனா தொற்றைக் கட்டுப்படுத்த மக்கள் முதன்மையாக என்னென்ன கடைப்டிக்க வேண்டும் என நினைக்கிறீர்கள்?

கரோனா அல்லாதவர்களும் வீடுகளிலேயே 5 கிராம் கபசுரப் பொடியை 250 மி.லி. கலந்து அதனை 50-60 மி.லி.யாக வற்றியவுடன் வடிகட்டிக் குடிக்கலாம். முதல் வாரம் தினந்தோறும் ஒரு வேளை அருந்தலாம். அதன்பின்னர் வாரம் ஒருமுறை அல்லது இரண்டு முறை என அருந்தலாம். 5 வயதுக்குள் உள்ள குழந்தைகளுக்கு மட்டும் மருத்துவர்களின் ஆலோசனைப்படியே வழங்க வேண்டும்.

ஓரளவு கல்வியறிவு உள்ளவர்களுக்கு விழிப்புணர்வு சென்று சேர்ந்திருக்கிறது. குடிசைப் பகுதிகளில் மக்களுக்கு அரசு இன்னும் விளக்கி சொல்ல வேண்டும். கரோனா நோயாளி உள்ளவர்களின் வீடுகளில் இருப்பவர்கள் ஏற்கெனவே கைகளை அடிக்கடி கழுவுதல், இருவேளை குளித்தல் உள்ளிட்ட சுய சுத்தத்தைக் கடைப்பிடித்திருந்தால் நிச்சயமாக அவர்களுக்கு கரோனா பரவாது. அதற்கான உதாரணங்களும் உள்ளன. குடிசைப் பகுதிகளில் இதற்கான சாத்தியக்கூறுகள் இல்லை. தண்ணீர் பிரச்சினை இருக்கும், அவர்களின் சுற்றுப்புறங்களும் தூய்மையாக இருப்பதில்லை. எனவே இந்தப் பகுதிகளில் அரசு அதிக கவனம் செலுத்த வேண்டும்.

https://www.hindutamil.in/news/tamilnadu/558451-siddha-docotor-about-curing-corona-patients-7.html

 

 

 

Share this post


Link to post
Share on other sites
Country,
Other
Total
Cases
New
Cases
Total
Deaths
New
Deaths
Total
Recovered
Active
Cases
Serious,
Critical
Tot Cases/
1M pop
Deaths/
1M pop
Total
Tests
Tests/
1M pop
Population
  World 7,597,426 +13,518 423,846 +760 3,841,943 3,331,637 53,906 975 54.4      
1 USA 2,089,701   116,034    816,086 1,157,581 16,827 6,315 351 23,073,470 69,729 330,901,704
2 Brazil 805,649   41,058    396,692 367,899 8,318 3,792 193 1,364,423 6,421 212,479,860
3 Russia 502,436   6,532    261,150 234,754 2,300 3,443 45 13,875,097 95,080 145,931,382
4 India 298,283   8,501    146,972 142,810 8,944 216 6 5,363,445 3,889 1,379,270,740
5 UK 291,409   41,279    N/A N/A 516 4,294 608 6,240,801 91,956 67,867,577
6 Spain 289,787   27,136    N/A N/A 617 6,198 580 4,465,338 95,507 46,753,887
7 Italy 236,142   34,167    171,338 30,637 236 3,905 565 4,443,821 73,493 60,466,117
8 Peru 214,788   6,109    102,429 106,250 1,065 6,519 185 1,282,478 38,927 32,946,025
9 Germany 186,795   8,851    171,600 6,344 462 2,230 106 4,694,147 56,036

 

நான்காவது இடத்தில் இந்தியா.

Share this post


Link to post
Share on other sites

கடந்த மார்கழிமாதத்தில் பரவத்தொடங்கிய கொரோணா பரவல் உலகநாடுகள் அனைத்துக்கும் பரவி இப்போது இந்தியாவைப் பதம் பார்க்க வெளிக்கிட்டிருக்கு.

மேற்குலக நாடுகள் உட்பட ஏனைய நாடுகளுக்குப் பரவும்போதே இந்தியாவின் பொருளாதாரத்தில் மிகப்பெரும் அடி வீழ்ந்துவிட்டது, அப்போதே இந்தியா தலையெடுக்க முடியாத நிலையிலேயே இருந்தாலும் அதிகாரவர்க்கமும்  அரசியல்வாதிகளும் இதெல்லாம் சும்ம எனப் பீலா விட்டுக்கொண்டிருந்தார்கள்.

அவர்கள் அதோடு விடவில்லை சட்டிபானையைத் தட்டுவதும் கொரோணாத் தீபாவழி கொண்டாடியும் கொண்டிருந்தார்கள்

ஆனால் இப்போதுதான் உண்மையான ஆட்டம் ஆரம்பம். போதாக்குறைக்கு சீனாக்காரனும் வேணாம் அழுதிடுவன் என இந்தியா சொல்லுமளவுக்கு அலப்பறை செய்கிறான். 

அடுத வல்லரசுக் கனவு இப்போது முற்றிலுமாகத் தகர்ந்துபோய்விட்டது. 

ஒரு விடையத்தைக் கவனித்தீர்களா முள்ளிவாய்க்காலுக்குப் பின்னரான ஒவ்வொரு மே மாதத்திலும்  சிறீலங்காவில்  சிங்களம் கையக் கசக்கிக்கொண்டு நிற்கும்படியாக ஏதாவது நடப்பதை. 

அது இப்போது தமிழர் விரோத தேசம் இந்தியாவையும் விட்டுவைக்கவில்லை

இது முள்ளிவாய்க்கால் மாதத்திலிருந்து ஆரம்பித்து எதிர்வரும் மாவீரர் நாள் வரைக்கும் தொடர்ந்தால் நல்லம் என்பது எனது கணிப்பு.

அறம் நின்று கொல்லும் 
அது வேலுப்பிள்ளை பிரபாகரன் எனும் தனிமனிதன் செய்த தவத்தின் பயனான அறம். 
 

Share this post


Link to post
Share on other sites

மருத்துவ அதிசயம்; 5 நாட்களில் நலமடையும் கரோனா நோயாளிகள்; சித்த மருத்துவத்தை அனுமதிக்க வேண்டும்; அன்புமணி

anbumani-urges-to-give-siddha-treatment-to-corona-patients அன்புமணி: கோப்புப்படம்

சென்னை

நோயாளிகள் 5 நாட்களில் குணமடைவதால், கரோனா மையங்களில் சித்த மருத்துவத்தை அனுமதிக்க வேண்டும் என, பாமக இளைஞரணித் தலைவரும் மாநிலங்களவை உறுப்பினருமான அன்புமணி ராமதாஸ் வலியுறுத்தியுள்ளார்.

இது தொடர்பாக, அன்புமணி ராமதாஸ் இன்று (ஜூன் 18) வெளியிட்ட அறிக்கை:

கரோனா வைரஸ் நோயை சித்த மருத்துவத்தின் மூலம் 5 நாட்களில் நலமாக்கி சாதனை படைத்து இருப்பதாகவும், கரோனா மையங்களைத் தங்களின் கட்டுப்பாட்டில் ஒப்படைத்தால் குறுகிய காலத்தில் நோயாளிகளைக் குணப்படுத்திக் காட்டுவதாகவும் சென்னை தாம்பரத்தில் உள்ள தேசிய சித்த மருத்துவ நிறுவனம் தெரிவித்திருக்கிறது. இது அரசு பரிசீலிக்கப்பட வேண்டிய யோசனையாகவே தோன்றுகிறது.

தாம்பரத்தில் செயல்பட்டு வரும் தேசிய சித்த மருத்துவ நிறுவனம், சித்த மருத்துவத்தில் ஏராளமான ஆராய்ச்சிகளை மேற்கொண்டு வருகிறது. அதில் கிடைத்த அனுபவத்தின் அடிப்படையில் கரோனாவால் பாதிக்கப்பட்ட 160 பேரை 5 நாட்களில் நலமாக்கி இருப்பதாக அந்நிறுவனத்தின் இயக்குநர் மீனாகுமாரி தெரிவித்திருக்கிறார்.

சித்த மருத்துவ நிறுவனத்தில் மேற்கொள்ளப்பட்ட ஆராய்ச்சிகளின் மூலம் மொத்தம் 3 வகையான சித்த மருந்துக் கலவைகளை உருவாக்கி இருப்பதாகவும், அவற்றை கரோனா தடுப்பு மருந்தாகவும் பயன்படுத்தலாம்; கரோனாவைக் குணப்படுத்தும் மருந்தாகவும் பயன்படுத்தலாம் என்றும் அவர் தெரிவித்திருக்கிறார். அம்மருந்துகளைப் பயன்படுத்தியதில் இரு மருத்துவமனைகளில் மருத்துவம் பெற்று வந்த 160 பேரும், புழல் சிறையில் பாதிக்கப்பட்டிருந்த 23 கைதிகளும் இதுவரை இல்லாத வகையில் 5 நாட்களில் குணமடைந்துள்ளனர். இது ஒரு மருத்துவ அதிசயம் என்றால் மிகையில்லை.

தேசிய சித்த மருத்துவ நிறுவனம் பாமகவின் முயற்சியால் தமிழகத்திற்கு கிடைத்த வரப்பிரசாதம் ஆகும். மத்திய சுகாதாரத்துறை அமைச்சராக நான் பதவி வகித்தபோதுதான் தேசிய சித்த மருத்துவ நிறுவனம் திறக்கப்பட்டு பயன்பாட்டுக்குக் கொண்டு வரப்பட்டது.

2009-ம் ஆண்டில் தமிழகத்தில் பரவிய பன்றிக் காய்ச்சலை தேசிய சித்த மருத்துவ நிறுவனம் தயாரித்து வழங்கிய கபசுரக் குடிநீர் தான் பெருமளவில் கட்டுப்படுத்தியது. 2012-ம் ஆண்டில் தமிழகம் முழுவதும் டெங்குக் காய்ச்சல் பரவியபோது, அதைக் குணப்படுத்த தேசிய சித்த மருத்துவ நிறுவனம் தயாரித்த நிலவேம்புக் குடிநீரை காய்ச்சிக் குடிக்கும்படி அப்போதைய முதல்வர் ஜெயலலிதா கேட்டுக் கொண்டார். அந்த வகையில் பார்க்கும்போது தேசிய சித்த மருத்துவ நிறுவனத்தின் இந்த அறிவிப்பு தமிழக அரசு கண்டுகொள்ளாமல் கடந்து போகக்கூடிய ஒன்றல்ல. மாறாகக் கவனத்தில் கொண்டு பரிசீலிக்கப்பட வேண்டிய ஒன்றாகும்.

சென்னையில் நேற்றைய நிலவரப்படி 35 ஆயிரத்து 556 பேர் கரோனா வைரஸ் நோயால் பாதிக்கப்பட்டுள்ளனர். அவர்களில் குணமடைந்தவர்கள் தவிர 16 ஆயிரத்து 67 பேர் இன்னும் மருத்துவமனையில் தங்கி மருத்துவம் பெற்று வருகின்றனர்.

அரசு மருத்துவமனைகள் மற்றும் கரோனா மையங்களில் நவீன மருத்துவத்துடன் கபசுரக் குடிநீர் உள்ளிட்ட சித்த மருந்துகளையும் இணைத்துதான் சிகிச்சை அளிக்கப்பட்டு வருகிறது. எனினும், இந்த முறையில் ஒருவர் குணமடைய சராசரியாக 14 நாட்கள் ஆகின்றன. ஆனால், சித்த மருத்துவ முறையில் 5 நாட்களில் நோயாளிகள் குணமடைவது உறுதி செய்யப்பட்டுள்ள நிலையில், அந்த முறையை கடைப்பிடிப்பதன் மூலம் சென்னையில் கரோனாவால் பாதிக்கப்பட்டுள்ள நோயர்களை விரைவாகக் குணப்படுத்தி, சென்னையை கரோனா வைரஸ் நோய் இல்லாத நகரமாக மாற்ற முடியும்.

சீனா கரோனா வைரஸ் நோயால் மிக மோசமாகப் பாதிக்கப்பட்டிருந்த நிலையில், அதிலிருந்து விரைவாக மீண்டு வருவதற்கு துணை நின்றது பாரம்பரிய சீன மருத்துவ முறைதான். சென்னையில் இப்போதும் சில கரோனா மையங்களில் சித்த மருத்துவம் வழங்கப்படுகிறது. அந்த மையங்களில் உள்ளவர்கள் மற்ற மையங்களில் உள்ளவர்களை விட விரைவாக குணமடைந்து வீடு திரும்புகின்றனர். கரோனா மையங்களில் சித்த மருத்துவம் எடுத்துக் கொள்ள விருப்பமா? என்று பாதிக்கப்பட்ட நோயாளிகளிடம் மருத்துவர்கள் கேட்டபோது, பெரும்பான்மையினர் அதற்கு ஆர்வத்துடன் விருப்பம் தெரிவித்துள்ளனர்.

கரோனா வைரஸ் நோய்க்கு இன்னும் மருந்து கண்டுபிடிக்கப்படாத நிலையில், கிடைக்கும் வாய்ப்புகள் அனைத்தையும் பயன்படுத்திக் கொள்ள வேண்டும். கரோனா நோய்க்கு தாம்பரம் சித்த மருத்துவ நிறுவனம் கண்டுபிடித்துள்ள சிகிச்சை முறை நிரூபிக்கப்பட்டது என்பதால் அதைப் பயன்படுத்தி, அதிக எண்ணிக்கையிலான மக்களை விரைவாகக் குணப்படுத்த வேண்டும். இந்த சிகிச்சை முறை வெற்றி பெற்றால் உலக அளவில் தமிழர்களின் மருத்துவ முறைக்கு பெரும் புகழும், அங்கீகாரமும் கிடைக்கும்.

எனவே, தமிழ்நாட்டில் கரோனா வைரஸ் நோயால் பாதிக்கப்பட்டவர்களைக் குணப்படுத்துவதில் தேசிய சித்த மருத்துவ நிறுவனத்தையும் தமிழக அரசு இணைத்துக் கொள்ள வேண்டும். அந்த நிறுவனம் கோருவதைப் போல அனைத்து கரோனா மையங்களையும் சித்த மருத்துவத்திற்காக தேசிய சித்த மருத்துவ நிறுவனத்திடம் ஒப்படைக்கத் தேவையில்லை. மாறாக, முதலில் சில ஆயிரம் படுக்கைகளை ஒப்படைக்கலாம்; அதன்பின் மருத்துவம் அளிப்பதில் ஏற்படும் முன்னேற்றம், நோயாளிகளின் விருப்பம் ஆகியவற்றைப் பொறுத்து இந்த எண்ணிக்கையை அதிகரிக்கலாம்.

கரோனாவை நலமாக்குவதில் சித்த மருத்துவம் குறிப்பிடத்தக்க பங்காற்றும் நிலையில் அதைப் பயன்படுத்திக் கொள்ள அரசு முன்வர வேண்டும்"

இவ்வாறு அன்புமணி தெரிவித்துள்ளார்.

 

https://www.hindutamil.in/news/tamilnadu/559963-anbumani-urges-to-give-siddha-treatment-to-corona-patients-2.html

Share this post


Link to post
Share on other sites
4 hours ago, உடையார் said:

மருத்துவ அதிசயம்; 5 நாட்களில் நலமடையும் கரோனா நோயாளிகள்; சித்த மருத்துவத்தை அனுமதிக்க வேண்டும்; அன்புமணி

அதிரடி கெமிக்கல் மருந்துகளாலையே கொரோனாவை கட்டுப்படுத்த முடியேல்லையாம். ஆமை வேக சித்தமருத்துவம் வேலை செய்ய வெளிக்கிட உலகம் அழிஞ்சு போயிடும்.

  • Haha 1

Share this post


Link to post
Share on other sites

சித்த மருத்துவத்தால் 5 நாட்களில் குணமடையும் கரோனா நோயாளிகள்: அனைத்து மையங்களுக்கும் சிகிச்சையை விரிவுபடுத்த அரசு முடிவு

siddha-medicine-for-coronavirus  

சென்னை

சித்த மருத்துவ சிகிச்சை பெறும் கரோனா நோயாளிகள் 5 நாட்களில் குணமடைந்து விடுகின்றனர். அதனால் அனைத்து கரோனா சிகிச்சைமையங்களிலும் சித்த மருத்துவ சிகிச்சை முறையை விரிவுபடுத்த தமிழக அரசு முடிவு செய்துள்ளது.

சென்னையில் கரோனா வைரஸ் தொற்றால் பாதிக்கப்படுவோரின் எண்ணிக்கை தொடர்ந்து அதிகரித்து வருகிறது. 17-ம் தேதி நிலவரப்படி சென்னையில் மொத்தம் 35 ஆயிரத்து 565 பேர் பாதிக்கப்பட்டுள்ளனர். தமிழகம் முழுவதும் பாதிக்கப்பட்ட 50 ஆயிரத்து 193 பேரில், சென்னையில் மட்டும் 71 சதவீதம் நோயாளிகள் கண்டறியப்பட்டுள்ளனர். சென்னையில் இதுவரை 19 ஆயிரத்து 27 பேர் குணமடைந்துள்ளனர். 461 பேர் சிகிச்சை பெற்று வருகின்றனர். 16 ஆயிரத்து 67 பேர் சிகிச்சை பெற்று வருகின்றனர்.

இவர்களில் பாதிப்பு அதிகமாக உள்ளவர்கள் 3 அரசு மருத்துவமனைகள் மற்றும் அயனாவரத்தில் உள்ள இஎஸ்ஐ மருத்துவமனையில் அனுமதிக்கப்பட்டுள்ளனர். லேசான அறிகுறி மற்றும் அறிகுறி இல்லாத, ஆனால் கரோனா தொற்று உள்ளவர்கள், மாநகராட்சி சார்பில் 18 இடங்களில் அமைக்கப்பட்டுள்ள கரோனா சிகிச்சை மையங்களில் சேர்க்கப்பட்டுள்ளனர். இவர்கள் அனைவருக்கும் அலோபதி மருத்துவ கிசிச்சை வழங்கப்பட்டு வருகிறது.

இதனிடையே மாநகராட்சி சார்பில் வளசரவாக்கத்தில் இயங்கி வரும் சிகிச்சை மையம் மற்றும் புழல் சிறையில் கரோனாவால் பாதிக்கப்பட்டோருக்கு தேசிய சித்த மருத்துவ நிறுவனம் சார்பில்சித்த மருத்துவ சிகிச்சை வழங்கப்பட்டது. இதில் 7 நாட்களுக்குள்ளாகவே அனைவரும் குணமடைந்துள்ளனர். அவ்வாறு இதுவரை 183 பேர் குணமடைந்துள்ளனர். இந்நிலையில் சென்னையில் இயங்கிவரும் அனைத்து கரோனா சிகிச்சை மையங்களிலும் சித்த மருத்துவ சிகிச்சை அளிக்கலாம் என தேசிய சித்த மருத்துவ நிறுவனம் தமிழக அரசுக்கு பரிந்துரை செய்துள்ளது.

இதுதொடர்பாக தேசிய சித்த மருத்துவ நிறுவன இயக்குநர் ஆர்.மீனாகுமாரி கூறியதாவது:

கரோனாவுக்கு வழங்கப்படும் சித்த மருந்துகளுக்கான மூலப்பொருட்கள் அனைத்தும் உள்ளூரிலேயே கிடைக்கக்கூடியது என்பதால், தட்டுப்பாடின்றி மலிவாக கிடைக்கும். இந்த சிகிச்சை மூலம்கரோனா நோயாளிகள் 5 முதல்7 நாட்களுக்குள் குணமாகிவிடுகின்றனர். அதனால் சென்னையில் உள்ள அனைத்து கரோனா சிகிச்சை மையங்களிலும் ஏற்கெனவே சித்த மருந்துகள் வழங்கப்பட்டு வந்தாலும், கூடுதலாக சில சித்த மருந்துகளை வழங்கி சித்த மருத்துவ சிகிச்சை அளிக்க அரசுக்கு தெரிவித்திருக்கிறோம்.

அது தொடர்பான ஆலோசனை கூட்டமும் நடைபெற்றது. அதில் கரோனா நோயாளிகள் அனைவருக்கும் சித்த மருத்துவ கிசிச்சை அளிப்பது என தமிழக அரசு முடிவு செய்துள்ளது எத்தகைய சித்த மருந்துகளை வழங்கலாம் எனவும் ஆலோசனை கூட்டத்தில் முடிவு செய்யப்பட்டுள்ளது.

https://www.hindutamil.in/news/tamilnadu/560094-siddha-medicine-for-coronavirus-1.html

 

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • யாழ்ப்பாணத்தில்.... பிரமாண்டமான, பௌத்த மாநாடும் நடத்தியவர். இப்ப ஒரு ஆமத்துறு தான்... இவருடைய பதவிக்கும்,  ஆப்பு அடிச்சு விட்டிருக்குது.  😁😄
    • பதினொரு வயதில்... கின்னஸ் சாதனை படைத்த சிறுமிக்கு வாழ்த்துக்கள்.
    • மூணாறு நிலச்சரிவில் புதையுண்ட தமிழர்களை மீட்பதில் தாமதம் ஏன்?- சீமான் கேள்வி கேரள மாநிலம் மூணாறு நிலச்சரிவில் புதையுண்ட தமிழர்களை மீட்பதில் தாமதம் ஏன்?- சீமான் கேள்வி | நாம் தமிழர் கட்சி கேரள மாநிலத்தில் தமிழர்கள் பெரும்பான்மையாக வசிக்கக் கூடிய இடுக்கி மாவட்டத்தில் உள்ள சுற்றுலாத்தலமான மூணாறில் உள்ள தேயிலைத் தோட்டங்களில் பணியாற்றிய 23 தமிழ்க் குடும்பங்களைச் சேர்ந்த 80க்கும் மேற்பட்டோர் பெருமழை காரணமாக, கடந்த 07-08-2020 அன்று அதிகாலையில் ஏற்பட்ட நிலச்சரிவினால் உறங்கிகொண்டிருந்தபோதே வீடுகளோடு புதையுண்டு அதில் பலரும் உயிரிழந்தனர் என்ற செய்தி கடும் அதிர்ச்சியையும் சொல்லொணாத் துயரத்தைத் தருகிற அதே வேளையில் இதுவரை 49 பேரின் உடல்கள் மட்டுமே மீட்கப்பட்டுள்ளது; இன்னும் பலரது நிலை என்னவென்றே தெரியாமல் இருப்பதுதான் மிகுந்த துயரத்தையும், மன வேதனையையும் அளிக்கிறது. நிலச்சரிவு ஏற்பட்ட ராஜமலை – பெட்டிமுடி மட்டுமின்றி இடுக்கி மாவட்டத்தில் உள்ள மக்களில் ஏறத்தாழ 70 விழுக்காட்டினர் தமிழர்கள்.  குறிப்பாக நூற்றாண்டு காலமாகத் தேயிலைத் தோட்டங்களைத் தங்கள் குருதியால் நனைத்து வளர்த்தவர்களின் வாழ்க்கை தரம் மட்டும் எவ்வித முன்னேற்றமும் இல்லாமல் இன்னும் நூற்றாண்டு காலம் பின்தங்கியே இருக்கிறது. இந்நிலையில் தற்போது ஏற்பட்ட இந்த இயற்கை பேரழிவு அவர்களின் ஒட்டுமொத்த எதிர்காலத்தையும் அழித்துவிட்டது. இதே கேரள மாநிலத்தில், கடந்த 08.08.2020 அன்று கோழிக்கோட்டில் நடந்த விமான விபத்தில் 19 பேர் உயிரிழந்துள்ளார்கள். பலர் படுகாயமடைந்துள்ளனர். இந்த மிகவும் கொடுமையான துயர நிகழ்விற்கு நம்முடைய ஆறுதலையும் தெரிவித்து இருந்தோம். விமான விபத்தில் சிக்கியவர்களை மீட்பதில் மத்திய, மாநில அரசுகள் மின்னல் வேகத்தில் செயல்பட்டு பலரது உயிரை காப்பற்றியதை வரவேற்கிறேன். ஆனால், இந்த இரண்டு விபத்துகளையும் கேரள அரசு மற்றும் மத்திய அரசுகள் கையாண்ட முறையிலும் துயர்துடைப்புப் பணிகளிலும் பாகுபாடு இருப்பதாகவே எண்ணத்தோன்றுகிறது. கேரள முதல்வர், விமான விபத்திற்கு அமைச்சர் தலைமையில் மீட்பு குழு ஒன்றை அமைக்கிறார். இந்திய பிரதமர் மற்றும் மத்திய அமைச்சர்கள் கேரள முதல்வருடன் தொடர்புகொண்டு மீட்புபணிகள் விரைந்து நடைபெறுவதை உறுதி செய்ததுடன் தேவையான உதவிகள் புரிய மத்திய பேரிடர் மீட்பு படையையும் உடனடியாக அனுப்பி மீட்புப் பணியைத் துரிதப்படுத்தினர். மத்திய அமைச்சர் நேரில் சென்று பார்வையிட்டார். ஆனால் அதே வேளையில் அதைவிட அதிக உயிரிழப்புகள் நிகழ்ந்த துயர நிகழ்வில் சிக்குண்டவர்களை மீட்க இத்தகைய வேகத்துடன் மத்திய-மாநில அரசுகள் செயல்படவில்லையோ என்ற ஐயம் உலகெங்கும் வாழும் தமிழர்கள் மத்தியில் எழுந்துள்ளது. விமான விபத்தில் இறந்தவர்களுக்கு  கேரள அரசு தலா 10 இலட்சம் ரூபாய் இழப்பீடு அறிவித்துள்ளது. ஆனால், அதே கேரள அரசு நிலச்சரிவில் குடும்பத்தோடு மடிந்த தமிழர்களுக்கு தலா 5 இலட்சம் ரூபாய் மட்டுமே அறிவித்துள்ளது. விமான விபத்தில் காயமடைந்து சிகிச்சை பெறுவோரை கேரள முதல்வர், அமைச்சர்கள், அரசு அதிகாரிகள் உடனடியாக கோழிக்கோடு மருத்துவமனைக்கு நேரில் சென்று பார்வையிட்டனர். ஆனால், மூணாறில் சிகிச்சைப் பெற்று வரும் தமிழர்களைப் பார்க்க யாரும் செல்லவில்லை. மத்திய பாஜக அரசு தமிழர்கள் பாதிக்கப்படும்போது பாரா முகத்துடன் நடந்துகொள்வது புதிதல்ல; வெள்ளம், மழை, புயல் என்று தமிழர்கள் எத்தகைய துயர துன்பத்திற்கு ஆளானாலும் அலட்சிய போக்குடன் நடந்துகொள்வது வாடிக்கையானதே ஆனால் சமத்துவம், சகோதரத்துவம் என்று பேசக்கூடிய பொதுவுடைமை கட்சியினைச் சார்ந்த கேரள முதலமைச்சர் ஐயா பினராயி விஜயனின் ஆட்சியிலும் அதே போல் நிகழ்கிறதோ என்ற சந்தேகம் வருவதைத் தடுக்கமுடியவில்லை. எனவே மத்திய-மாநில அரசுகள், 1. தமிழர்களுக்கு எழுந்துள்ள ஐயங்களுக்கும், குற்றச்சாட்டுகளுக்கும் இனியும் இடங்கொடுக்காமல் மீட்புப் பணிகளை விரைவுபடுத்த  உடனடியாக நடவடிக்கை எடுக்க வேண்டும். 2. நிலச்சரிவில் சிக்குண்டு மருத்துவமனைகளில் சிகிச்சை பெற்று வருபவர்களுக்கு உரிய சிகிச்சை வழங்க வேண்டும். இறந்தவர்களின் குடும்பங்களுக்கும், காயமடைந்தவர்களுக்கும் அதிகபட்ச இழப்பீட்டையும் உரிய துயர் துடைப்பு உதவிகளையும் வழங்க வேண்டும். 3.இறந்தவர்களின் உடல்களை முறையாக நல்லடக்கம் செய்ய அவர்களது உறவினர்களிடம் வழங்க வேண்டும் என்றும், அவ்வாறு வழங்க தவறிய அதிகாரிகள் மீது உரிய நடவடிக்கை எடுக்க வேண்டும். 4. வீடு உட்பட அனைத்து  உடைமைகளையும், உறவுகளையும் இழந்து கையறு நிலையில் நிற்பவர்களுக்கு உடனடியாக மறுவாழ்விற்கான நிரந்தர மாற்று ஏற்பாடுகளைச் செய்து தரவேண்டும். 5. அதிக வேலை வாங்குவதற்காகத் தேயிலை தோட்டம் அமைந்துள்ள மலைச்சரிவுகளிலேயே தொழிலாளர்களுக்குப் பாதுகாப்பற்ற முறையில் குடியிருப்புகளை அமைத்து தந்துள்ள தேயிலை தோட்ட நிர்வாகங்கள் மீது சட்டப்படி நடவடிக்கை எடுத்து, உடனடியாகப் பாதுகாப்பான மாற்று குடியிருப்புகள் வழங்கப்படுவதை உறுதி செய்ய வேண்டும். மேலும் தமிழக அரசு, மூணாறு தேயிலைத் தோட்ட நிலச்சரிவு மீட்பு மற்றும் துயர் துடைப்புப் பணிகளில் கேரள மற்றும் மத்திய அரசுகளோடு தொடர்புகொண்டு அவர்களது செயல்பாடுகளைத் தொடர்ந்து கண்காணிப்பதுடன், உடனடியாகத் தேவையான உதவிகளையும் செய்ய வேண்டும் எனவும், வெளி மாநிலங்கள் மற்றும் வெளி நாடுகளில் பணிபுரியும் தமிழர்களின் பாதுகாப்பினை உறுதி செய்ய உடனடியாகத் தமிழக அரசு தனி அமைச்சகத்தை அமைக்க வேண்டும் எனவும் நாம் தமிழர் கட்சி சார்பாக வலியுறுத்திக் கேட்டுக்கொள்கிறேன். – செந்தமிழன் சீமான் தலைமை ஒருங்கிணைப்பாளர் நாம் தமிழர் கட்சி https://www.naamtamilar.org/seeman-questions-why-delay-in-rescuing-tamil-victims-of-the-munnar-landslide-tragedy/  
    • லெப். கேணல் விக்கீஸ்வரன்     ஆளுமை, பணிவு, வேகம், செயற்றிறன், துணிவு குறிப்பறிந்து பணி செய்யும் ஆற்றல் மிக்க ஒரு விடுதலை வீரன். லெப். கேணல் விக்கீஸ்வரனின் வீரவணக்க நிகழ்வில் செ.யோ.யோகி அவர்கள் ஆற்றிய உரையிலிருந்து… இவர் 1991 இன் இறுதிப் பகுதியில் விடுதலைப் புலிகள் அமைப்பில் இணைந்தார். 1992, 1993 ஆம் ஆண்டுகளில் பயிற்சி ஆசிரியராகப் பணிபுரிந்தார். 1994 இல் இருந்து 1996 வரை எதிரி பற்றிய தகவல் சேகரிப்பில் ஈடுபட்டார். இவர் பெரும்பாலும் களநிர்வாகப் பொறுப்பாளராகவும் பின்னணி ஒழுங்கிணைப்பாளருமாக இருந்தார். 2000 ஆம் ஆண்டு மீள இணைந்தோரின் (4.1) படையணிக்குப் பொறுப்பாக இருந்தார். இதேயாண்டு உமையாள்புரம் பகுதியில் இடம்பெற்ற 21 காப்பரண்கள் மீதான தாக்குதலின் போது 4.1 படையணி, இம்ரான் பாண்டியன் படையணி, சிறுத்தைப் படையணி, எல்லைப் படையணி ஆகியவற்றிற்குப் பொறுப்பாக இருந்தார். இதேயாண்டு பளையைக் கைப்பற்றிய அணிக்குப் பொறுப்பாக இருந்தார். மீள இணைந்தோரின் படையணி, சோதியா படையணி ஆகியவற்றிற்குப் பொறுப்பாக இருந்து கைதடி, தச்சன்காட்டுப் பகுதிகளை கைப்பற்றும் தாக்குதல்களிலும் 4.1 படையணி, மாலதி படையணி, எல்லைப் படையணி ஆகியவற்றிற்குப் பொறுப்பாக இருந்து சாவகச்சேரியைக் கைப்பற்றும் தாக்குதலிலும் பங்குகொண்டார். 2001 இல் 82 மி.மீ மோட்டார் ஒருங்கிணைப்பாளராக இருந்தார். அதேவேளை தீச்சுவாலை நடவடிக்கையின்போது முறியடிப்பு நடவடிக்கைக்குப் பொறுப்பாக இருந்தார். 23.04.2008 முகமாலை முறியடிப்புச் சமரில் முறியடிப்பு அணிக்கும் 02 ஆம் கோட்டில் நின்ற அணிக்கும் பொறுப்பாக இருந்தார். 08.05.1971 இல் வவுனியா மாவட்டத்தில் பிறந்த சதாசிவம் சதானந்தன் (விக்கீசு) ஜீவனா (போராளி) மண இணையருக்கு பவித்திரன், யாழன்பன், கோவரசன் என மூன்று பிள்ளைகள் உள்ளன. கீழே தரப்பட்டுள்ள நிகழ்ச்சிகள் அவரது பன்முக ஆற்றலை வெளிப்படுத்துகின்றன. குடாரப்பில் கரையிறங்கிய அணியோடு பளையூடாகச் சென்று இணைவதில் தடையேற்பட்டபோது கேணல் தீபனின் பணிப்புக்கமைய மிகக் குறைந்தளவு போராளிகளுடன் வாழ்வா சாவா என்ற போராட்டத்திடையே உறுதியாக நின்று பளையில் எதிரியின் எதிர்ப்பை முறியடித்து அணிகளின் இணைவுக்கு வழிசமைத்தார். 25.04.2001 தீச்சுவாலை நடவடிக்கைக்கு முன்பாக அந்த வெற்றிக்குக் காரணமாக இருந்தவற்றுள் ஒன்றான வலுவான காப்பரண்களைக் குறுகிய காலத்தில் பணியாளர்களைக்கொண்டு சிறப்பாக அமைத்து முடித்தார். மேலும் அவரோடு நின்ற பணியாளர்கள் அவரின் நடத்தையால் ஈர்க்கப்பட்டு அந்தச் சமரில் நேரடியாகக் கலந்து குறிப்பிடத்தக்க அளவில் பங்காற்றினர். இது அவரது பொறியாண்மை ஆற்றலையும், ஆளுமையையும் வெளிப்படுத்திய ஒரு நிகழ்ச்சியாகும். 11.08.2006 முகமாலையில் இடம்பெற்ற சமரில் கிளாலிக் கரையூடு முன்னேறிய எமது அணியினரை எதிரி சுற்றிவளைத்து எமது உடைப்புப் பகுதியை மூடும் நிலை உருவாகியது. அப்போது கேணல் தீபனின் பணிப்புக்கமைய அணியோடு சென்ற விக்கீசு அவர்களோடு இணைந்து கிளாலி உடைப்பு மூலையில் 150 மீற்றர் கரைப்பக்கமும் கிளாலி முகமாலைக் கோட்டிலும் நிலையமைத்து நின்றார். எதிரியின் தாக்குதலால் இந்த நிலையின் நீளம் குறுகியபோதும் அணியினர் எல்லோரும் வெளியேறும் வரை எதிரி அந்தப் பகுதியை மூடாது தடுத்து நின்றார். 11.10.2006 முகமாலையில் இடம்பெற்ற எதிரியின் வலிந்த தாக்குதலின்போது களநிர்வாகத்தைப் பொறுப்பெடுத்து இரண்டாவது கோட்டிற்கான காப்பரண்களை விரைவாக அமைத்ததுடன் சமரின் ஒரு கட்டத்தில் இரண்டாவது கோட்டுச் சமரையும் வழிநடத்தி எதிரிக்குப் பாரிய இழப்பினை ஏற்படுத்தினார். 23.04.2008 அன்று முகமாலையில் இடம்பெற்ற வலிந்ததாக்குதல் முறியடிப்புச் சமரின்போது, இறுதியாக மீட்டகப்பட்ட NP08 நிலைக்கு அவரோடு நின்ற வடிவரசனுடன் ஆறு போராளிகளை அனுப்பி பின்பு அங்கு வந்த நித்திலனின் அணியுடன் இணைந்து அந்தக் காப்பரணை மீட்கும் பணியை நிறைவாகச் செய்தார். லெப்.கேணல் விக்கீசு ஆளுமை, பணிவு, வேகம், செயற்றிறன், துணிவு குறிப்பறிந்து பணி செய்யும் ஆற்றல் மிக்க ஒரு விடுதலை வீரன். 10.08.2008 அன்று வீரச்சாவடைந்தார். “புலிகளின் தாகம் தமிழீழத் தாயகம்” தகவல்: பிரிகேடியர் தீபன் நினைவுரை: செ.யோ.யோகி (2008). தொகுப்பு: சமராய்வு மையம், தமிழீழ விடுதலைப் புலிகள், தமிழீழம். https://thesakkatru.com/commander-lieutenant-colonel-vickieswaran/  
    • இலங்கை தமிழரசு கட்சியின் தலைமை பதவியை சி.சிறீதரனுக்கு வழங்கினால் அதனை தான் ஆதரிப்பேன் என தமிழ் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார். அவுஸ்திரேலியா ஊடகம் ஒன்றுக்கு வழங்கிய செவ்வியிலேயே அவர் இதனை கூறியுள்ளார். தொடர்ந்தும் பேசிய அவர், “கட்சிக்கு எதிரான நான் நடந்துகொள்பவன் அல்ல. எனினும், சக வேட்பாளர்கள் எனக்கு எதிராக பரப்புரை செய்தார்கள். நான் ஒருபோதும் அப்படி செய்யவில்லை. எனக்கு ஆதரவாக சிறீதரன் மட்டுமே இருந்தார். இதனால் இறுதியில் அவருக்கு எதிராகவும் பரப்புரை செய்தார்கள். இறுதியில் நானும், சிறீதரனுமே வெற்றிபெற்றோம். எமக்கு எதிராக சதி செய்தவர்கள் தோல்வியடைந்தார்கள். மக்கள் தீர்ப்பின்படி சிறீதரனும், நானும் வெற்றிபெற்றிருக்காவிட்டால், கட்சி இன்னும் அவமானமான நிலைக்கு தள்ளப்பட்டிருக்கும். ஓர் ஆசனத்தை பெறவேண்டிய நிலைக்கு தள்ளப்பட்டிருக்கும். இதேவேளை, கட்சி மறுசீரமைக்கப்படும்போது அனைவரும் விரும்பி தலைமை பதவியை வழங்கினால் அதனை ஏற்றுக்கொள்வேன் என சிறீதரன் கூறியுள்ளார். தனக்கு அந்த பதவியை தருமாரு அவர் கோரவில்லை. அவ்வாறு சிறீதரனுக்கு தலைமை பதவி வழங்கினால் அதற்கு நான் ஆதரவு வழங்குவேன். மேலும் தேசியப்பட்டியல் அறிவிப்பு முடிவு செய்யப்பட்டுள்ளது. அதில் இழுபறி ஏதும் இல்லையென” அவர் மேலும் கூறியுள்ளார். https://www.tamilwin.com/politics/01/253237?ref=home-latest