இறைவனிடம் கையேந்துங்கள்

உடையார் · November 9, 2020

அஹ்மது நபியின் அழகிய நூரால்
அகிலம் ஒளியாய் ஜொலிக்கும்
எண்ணத்தில் தவழும் அணையா தீபம்
ஏகாந்தான் அருளாய் அளித்தான்

1. நற்குணத்தின் தாயகம் நீங்கள்தான் என்றே
நாயனும் நவின்றான் அன்றே
இறையவன் மறைபோல் இனிதாங் குணமாம்
இரஸூல் நபியை படைத்தான்

2. ஆமினாவின் வயிற்றில் ஆற்றல்மிகும் அன்பாளன் அருட்சுடர் நேசரை அமைத்தான்
ரஹ்மத்துலில் ஆலமீன் ராஜரை போற்றி
ரஹ்மான் மறையில் புகழ்ந்தான்

3. அண்ணலே தாங்கள் அவனியில் வந்ததால் நிமலோன் நிலத்தினை அமைத்தான்
ஆதி நபி ஆதம் முதல் ஈஸா நபி வரையில்
ஆலத்தை அஹதோன் படைத்தான்

4. மங்களங்கள் பொங்கிடும் தங்கள் ஒளிமுகத்தை எங்கள் இரு கண்களால் காண
அங்கங்கள் தங்கமாய் இலங்கிடும் தங்களை
பங்கங்கள் நீங்கவே பார்க்கணும்

5. வஞ்சனைகள் சஞ்சலங்கள் வாகாய் நீங்கிடும் வாஞ்சை நபிகள் வந்த நாள்
அஞ்சிடும் நெஞ்சமும் தஞ்சமே தந்திடும் பிஞ்சு மனம் கொண்ட சிங்கம் பிறந்த நாள்

Edited November 9, 2020 by உடையார்

உடையார் · November 9, 2020

இயேசுவின் இருதயமே என்றும்; இரங்கிடும் அருள் மயமே
உந்தன் ஆசியும் அருளும் சேர்த்து வந்தால்
எங்கள் ஆனந்தம் நிலைபெறுமே - 2

1. இறைவனுக்கிதயம் உண்டு - அந்த
இதயத்தில் இரக்கம் உண்டு - 2 - என்றும்
இரங்கிடும் இறைவன் இருப்பதனால்
எங்கள் அனைவர்க்கும் மகிழ்ச்சி உண்டு - 2

2. கடவுளின் கருணை உண்டு அந்த
கருணைக்கும் உருவம் உண்டு -2
என்றும்; உருவத்தில் உதித்தேழும் உயிர் அதனால்
எங்கள் உள்ளத்தில் உவகை உண்டு

உடையார் · November 9, 2020

நம்புங்கள் செபியுங்கள் நல்லது நடக்கும்

துன்பங்களோ துயரங்களோ
சோதனையோ வேதனையோ
பதுவை புனிதர் பரிந்துரைப்பார்
எல்லாம் வல்லவர் நடத்தி வைப்பார்

மனச்சுமையோ பாரங்களோ
உடற்பிணியோ ஊனங்களோ
பதுவை புனிதர் பரிந்துரைப்பார்
எல்லாம் வல்லவர் நலம் தருவார்

வறியவரோ சிறியவரோ
முதியோரோ இளையோரோ
பதுவை புனிதர் பரிந்துரைப்பார்
எல்லாம் வல்லவர் அணைத்துக் கொள்வார்

உடையார் · November 9, 2020

துஞ்சலும் துஞ்சல் - நால்வர் அருளிய நமசிவாய பதிகங்கள் | சோலார் சாய் | சிவலோகம் | பக்தி டிவி

துஞ்சலும் துஞ்சல் இல்லாத போழ்தினும்
நெஞ்சகம் நைந்து நினைமின், நாள்தொறும்;
வஞ்சகம் அற்று அடி வாழ்த்த, வந்த கூற்று
அஞ்ச உதைத்தன, அஞ்சு எழுத்துமே.