இன்று சித்திரவதைக்கு ஆளானோருக்கான சர்வதேச ஆதரவு நாள் - Jun 26 (International Day in Support of Torture Victims)

[nunavilan]

இன்று சித்திரவதைக்கு ஆளானோருக்கான சர்வதேச ஆதரவு நாள் - Jun 26 (International Day in Support of Torture Victims).

இலங்கையில் தமிழர் எவ்வாறு சித்திரவதை செய்யப்பட்டார்கள் / செய்யப்படுகிறார்கள் என்பதைக் காட்ட ஒரு பானை சோற்றுக்கு ஒரு சோறு பதம் என்பதைப் போல இந்தக் காணொளியில் கொடுக்கப்படும் வாக்குமூலங்களைக் கருதலாம்.

பெற்றோலில் நனைக்கப்பட்ட பையைத் தலையில் கட்டி அடித்து உதைக்கப்பட்ட ஆண்.

காலைத் தலைகீழாகக் கட்டி தொங்கவிட்டு அடித்து சித்திரவதை செய்து, பாலியலில் ஈடுபட வைக்கப்பட்ட ஒருவர்.

4/5 ஆண்களால் ஒவ்வொரு இரவிலும் பாலியல் வல்லுறவுக்குட்படுத்தப்பட்டு வயர், மின்சாரத்தால் சுட்டு சித்திரவதை செய்யப்பட்ட பெண்.

வெள்ளைவானில் கடத்தப்பட்டு 4/5 படையினர் உட்பட ஆண்களால் பாலியல் வல்லுறவுக்கு உட்படுத்தப்பட்டு முதுகில் சூடான இரும்புக் கம்பியினால் தாக்கப்பட்ட பெண்.

முதுகில் மோசமான தழும்புகளோடுள்ள ஆண்.

இவை அனைத்தும் எண்ணிலடங்கா ஈழத்தமிழருக்கு இழைக்கப்பட்ட அநீதிகளின் ஒரு சிறு பகுதியாகும்.

இலங்கைப் போரின் இறுதி கட்டங்களில் இடம்பெற்ற போர்க்குற்றங்களை விசாரித்து அறிக்கை சமர்ப்பிக்க ஐநாவினால் நிபுணர் குழு ஒன்று நியமிக்கப்பட்டு அதில் பலர் சாட்சியமளித்தனர்.

அதன் உறுப்பினராகவும், மனித உரிமை ஆர்வலர் மற்றும் முன்னணி வழக்கறிஞராகவும் உள்ள யாஸ்மின் சூக்கா அவர்கள் கூறுகையில் :

வெவ்வேறு இடங்களில், ஒருவருக்கொருவர் எந்த சம்பந்தமும் இல்லாதவர்களிடம் இருந்து பெறப்பட்ட வாக்குமூலங்கள், இலங்கையில் தமிழர் திட்டமிட்டு தொடர்ச்சியாக சித்திரவதை செய்யப்பட்டார்கள் என்பதைக் காட்டுவதாகக் கூறியுள்ளார்.

யாஸ்மின் சூக்கா அவர்களது தலைமையில் அனைத்துலக உண்மை மற்றும் நீதிக்கான அமைப்பு சித்திரவதைக்குள்ளாக்கப்பட்ட மற்றும் காணாமல் ஆக்கப்பட்ட தமிழர்கள் மற்றும் மனித உரிமை மீறல் தொடர்பான விபரங்களைத் தொடர்ந்து வெளியிட்டு வருகிறது.

An Unfinished War : Torture and Sexual Violence in Sri Lanka 2009-2014 அறிக்கையாக சாட்சியங்களோடு வெளியிடப்பட்டு, Walesல் மனித உரிமை கூட்டத்திலும் சமர்ப்பிக்கப்பட்டது.

இவை அனைத்துக்குமான நீதி பெறப்படாதவரை எமது காயங்கள் ஆறப்போவதில்லை.