Jump to content
  • advertisement_alt
  • advertisement_alt
  • advertisement_alt

சொல்லி அழுதுவிட்டால் பாரம் குறையும்’ - மன அழுத்தம் நீங்க மருத்துவர் அறிவுரை


Recommended Posts

  • கருத்துக்கள உறவுகள்

சொல்லி அழுதுவிட்டால் பாரம் குறையும்’ - மன அழுத்தம் நீங்க மருத்துவர் அறிவுரை

tips-to-combat-depression  

கோவை

வயது வித்தியாசம், வசதி வாய்ப்புகள் என எதையும் பாராமல் பலரையும் ஆட்கொள்கிறது மன அழுத்தம். நாளாக நாளாக எண்ணங்களின் குவியல் அழுத்தமாக மாறி, சில நேரங்களில் தற்கொலை வரை கொண்டுபோய் நிறுத்துகிறது. அதற்கான சமீபத்திய உதாரணம், பிரபல பாலிவுட் நடிகர் சுஷாந்த் சிங் ராஜ்புத்.

தற்கொலை என்பது தனிமனிதச் செயல் என்றாலும், அவர்களைச் சார்ந்த குடும்பமும், சமூகமும் இதனால் பாதிக்கப்படுகிறது. இந்தியாவில் ஒரு லட்சம் மக்கள்தொகையை எடுத்துக்கொண்டால், அதில் ஆண்டுக்கு சராசரியாக 10 பேர் வரை தற்கொலை செய்துகொள்வதாக புள்ளிவிவரங்கள் தெரிவிக்கின்றன

காரணங்கள் என்ன?

கோவையைச் சேர்ந்த மூத்த மன நல மருத்துவர் என்.எஸ்.மோனியிடம் இதுகுறித்துப் பேசினோம்.

"இழப்பு, தோல்வி, வெறுப்பு, அவமானம், ஏமாற்றம், குற்ற உணர்வு, தன்மீது நம்பிக்கையின்மை போன்றவை தற்கொலை எண்ணத்துக்குக் காரணமாகின்றன. பக்குவப்படாத மனநிலையில் உள்ளவர்கள், உணர்ச்சிவயப்பட்டு முடிவு எடுப்பவர்கள், ஏமாற்றம் வந்தால் தாங்கிக்கொண்டு எதிர்நீச்சல் போடத் தெரியாதவர்கள் தற்கொலைக்குத் தூண்டப்படுகின்றனர். மன வருத்தம், மனச்சிதைவு, போதைப்பழக்கம் மற்றும் பொருளாதாரக் காரணங்களும் எண்ண மாற்றத்துக்கு வித்திடுகின்றன.

பல தற்கொலைகள் கணவன்-மனைவி, காதலன்-காதலி, பெற்றோர்-குழந்தை, மாமியர்-மருமகள், நண்பர்களுக்குள் பிரச்சினை என இருவர் சம்பந்தப்பட்டதாக இருக்கின்றன. இதுதவிர, முதியவர்கள் தற்கொலை செய்துகொள்ளும் சம்பவங்களும் நடைபெறுகின்றன. தற்கொலை எண்ணங்களைக் கொண்டிருப்பவர்கள் பெரும்பாலும் தனிமையில் வாடுபவர்களாகவும், அரவணைப்பு இல்லாதவர்களாகவும் இருக்கின்றனர்.

15930745811863.jpg மருத்துவர் என்.எஸ்.மோனி

திடீர் செயல் அல்ல

தற்கொலை என்பது முன்னெச்சரிக்கை இல்லாமல் திடீரென நடைபெறும் நிகழ்வு என்று கருதுகின்றனர். அது தவறு. தற்கொலை செய்துகொள்ளும் எண்ணங்களை உடையோர், அதை ஏதாவது ஒரு தருணத்தில் யாரிடமாவது வெளிப்படுத்துவார்கள். 'வாழ்க்கையே தேவையற்றது. செத்துப்போவதே நிம்மதி', 'நான் மற்றவர்களுக்குச் சுமையாக இருக்க வேண்டாம்' இதுபோன்ற வார்த்தைகள் மூலம் அவர்களிடம் அதிருப்தி வெளிப்படலாம். அந்த வார்த்தைகளை உதாசீனப்படுத்தமால் ஆறுதல் கூறி மனநல மருத்துவரிடம் ஆலோசனை பெறுவது அவசியம். அவ்வாறு அடையாளம் காணாமல் அலட்சியப்படுத்துவதாலேயே பல தற்கொலைகள் நிகழ்கின்றன. தற்கொலை செய்துகொள்ளும் அனைவரையும் மனநோயாளிகள் என்று கூற முடியாது. சில நேரங்களில் சந்தர்ப்ப சூழல், குழப்பம் போன்றவையும் தற்கொலைக்குத் தூண்டுகிறது.

மனம்விட்டுப் பேசுங்கள்

விரக்தியில் இருப்போர் தங்கள் மனதில் உள்ளவற்றை நம்பிக்கையான நபரிடம் பகிர்ந்துகொண்டாலே மனம் அமைதியாகிவிடும். மனக்குழப்பங்கள் வெளியேறினால்தான் வேதனை குறையும். சொல்லி அழுதுவிட்டால் துன்பம் தீரும் என்பார்கள். ஆனால், நாம் சொல்லி அழ ஏதுவான நபர்களுக்குதான் இங்கு பற்றாக்குறை. வேதனையைக் காதுகொடுத்துக் கேட்க பலர் தயாராக இல்லை.

அறிகுறிகளைக் கவனியுங்கள்

யாரிடமும் பேசாமல் தனிமையில் இருப்பது, எதற்கெடுத்தாலும் அழுவது, உணவு உண்பது குறைந்துபோவது, சரியான தூக்கம் இல்லாமல் இருப்பது இவையெல்லாம் பிரச்சினை இருப்பதற்கான அறிகுறிகள். இந்தச் சூழவில் நண்பர்கள், உறவினர்கள், மருத்துவர் என யாரேனும் ஒருவர் அவர்களின் மனக்குமுறலைக் காதுகொடுத்து முதலில் முழுமையாகக் கேட்க வேண்டும்" என்றார் மருத்துவர் என்.எஸ்.மோனி.

மருந்துகள் தீர்வாகுமா?

கடுமையான மன உளைச்சல், தூக்கமின்மை, விரக்தி போன்றவற்றால் பாதிக்கப்பட்டிருப்பவர்களை மருந்துகளால் குணப்படுத்த முடியுமா என அவரிடம் கேட்டதற்கு, "மூளையில் சுரக்கும் 'செரட்டோனின்' எனும் ரசாயனம் மன மகிழ்ச்சிக்கு வித்திடுகிறது. தற்கொலை செய்துகொள்பவர்களுக்கு இதன் சுரப்பு குறைவாக இருந்தது ஆய்வுகளில் கண்டறியப்பட்டது.

எனவே, மன அழுத்தத்தில் உள்ளவர்களுக்கு செரட்டோனின் அளவை அதிகரிக்க சில மருந்துகளை அளிக்கும்போது அந்த எண்ணங்கள் சற்று மட்டுப்படும். ஆனால், மருந்துகள் மட்டுமே தீர்வாகாது. தற்கொலைக்கு ஒருவர் முயல்கிறார் என்றாலே, அவர் உதவிக்காக அழுகிறார் என்று அர்த்தம். எனவே, தற்கொலை என்பது எந்தப் பிரச்சினைக்கும் தீர்வு அல்ல என்பதை அவர்களின் மனதில் பதிய வைக்க வேண்டும். அன்பும், அரவணைப்பும், தகுந்த ஆலோசனையுமே தீர்வை அளிக்கும்" என்றார்

https://www.hindutamil.in/news/tamilnadu/561098-tips-to-combat-depression-3.html

 

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • நாதமுனியர்..... குமாரசாமி அண்ணை, வேலை செய்யிற இடத்திலயும்... கன  பேரை மேய்ச்சும்...  அதுகளை எல்லாம் தள்ளி விட்டு, இந்தோனேசியாவிற்கு, போன வேகத்தை பார்க்க, ஆள்... கையில், குழந்தையுடன் தான்... வருவார் போலை, இருக்கு. 🙃 ஆள்... இங்கை.. வந்து, இறங்கட்டும், அதை... .  ✂️ "கட்" 🪓   பண்ணி விட்டுடுவம்.  🤣
    • "Let China sleep, for when she wakes, she will shake the world."  -Napoleon Bonaparte 200 வருடத்துக்கு முதல் நெப்போலியன் சொன்னான் அமைதியாக தூங்கிக்கொண்டிருக்கும் சீனாவை அப்படியே தூங்க விடுங்கள். அது எப்பொழுது முழித்து எழும்புகிறதோ அப்போது உலகம் தாங்காது என்றான்.சீனாவின் ரகன் இப்போது முழித்துக் கொண்டது.ஏனைய அதிகார பலம் மிக்க நாடுகளாய் இருந்தவர்கள் தூங்கிக் கொண்டார்கள்.மீண்டும் ஒரு பனிப் போர் ஆரம்பமாக இருக்கிறது. இந்து சமுத்திரத்தின் வாசலில் இருந்து இலங்கையோடு சேர்த்து இந்து சமுத்திரத்தின் குரல் வளையை இறுக்கப் பிடித்து விட்டது சீன கம்யூனிச பூதம். இனி இதிலிருந்து விடுபடுவதென்பது இலகுவல்ல.பண இராயதந்திரத்தின்(money diplomacy)மூலம் பல ஆசிய நாடுகளை வளைத்து விட்டது சீனத்து ரகன்.இந்தியா இப்போதாவது இலங்கையுடனான வெளி உறவுக்கு கொள்கைகளில் மாற்றதை கொண்டு வருமா கற்றுக்கொள்ளுமா என்பதை பொறுத்திருந்து தான் பார்க்க வேண்டும்.இந்திய வெளி உறவுக்கு கொள்கை  அயல் நாடுகளுடன் வலுவான வெளி உறவுகளை வளர்க்கவில்லை.மாறாக எதிரிகளையே சம்பாதித்தது மாத்திரம் இன்றி இந்து சமுத்திரத்தில் தனக்கு சாதகமாக ஈழத்து தமிழர்களின் தனி நாட்டுக்கு கோரிக்கையை ஏற்றுக்கொள்ள மறுத்து விட்டது. இந்தியாவுக்கு இது கூடவோர் பாதுகாப்பாக  நட்பு நாடக அமையும் என இந்தியா நினைக்காதது துர்பாக்கியமே.இந்தியா இப்போதாவது இலங்கையுடனான வெளி உறவுக்கு கொள்கைகளில் மாற்றதை கொண்டு வருமா கற்றுக்கொள்ளுமா என்பதை பொறுத்திருந்து தான் பார்க்க வேண்டும்.ஆசியாவின் மிகப் பெரிய பொருளாதாரத்தையும் இராணுவக் கட் டமைப்பையும் கொண்ட கம்யூனிஸ்ட் சீனாவை இந்தியாவும் அமெரிக்காவும் இலகுவில் கையாள முடியுமா என்பது கேள்விக்கு குறியே. அனைத்து வல்லரசுகளும் தங்கள் தங்கள் நலன் சார்ந்தே சிந்திக்கின்றன.ஒருவரை ஒருவர் பார்த்து நீ கருப்பு  "The pot calling the kettle black" என்பது போல் தான் இவர்கள் செயல் பாடுகள் அமைக்கின்றன. அமெரிக்கா சீனாவை ஒரு வேட்டைக்காரன் காரன் என்கிறது(China is a predator) சீனா அமெரிக்காவை பார்த்து இரட்டை வேஷம் போடுகிறார்கள் என்கிறது.சீன இராயதந்திரம் இன்று ஓர் புதிய உலக ஒழுங்கை இந்து சமுத்திரத்தில் இருந்து கொரோனா அரசியல் பொருளாதாரம் வரை ஓர் புதிய உலக ஒழுங்கை திறந்து விட்டிருக்கிறது.இதை தான் பல அரசியல் ஆய்வாளர்களும் சுட்டிக் காட்டுகின்றனர். கடல் சார்ந்த அதிகாரத்தை யார் கட்டுப்பாடில் வைத்திருக்கிறார்களோ அவர்களே புவிசார் அரசியல் இராயதந்திரத்தில் வெற்றியடைகிறான் என அரசியல் சாணக்கியர் சுட்டிக் காட்டுவர். இப்படி எல்லாம் இருந்த போதிலும் சீனா அமெரிக்காவை மிஞ்ச முடியுமா என்ற கண்ணோட்டத்தில் அமெரிக்க ஹவர்ட் பல்கலைக்கழகத்தின் பேராசிரியரும் அரசியல் விஞ்ஞானியுமாகிய Joseph Samuel Nye தனது பழைய உலகமும் புதிய கோட்ப்பாடுகளும்(The Old World’s New Roles) என்ற நூலிலே இந்த உதாரணத்தை சுட்டிக் காட்டுகிறார்.கிரேக்க பெரும் யுத்ததமான பெலோபொனேசியப் போர் என்பது கிரேக்க நகர அரசு அமைப்பு இரண்டரை ஆயிரம் ஆண்டுகளுக்கு முன்பு தன்னைத் தானே  அழித்துக் கொண்ட பெரும் மோதலாகும்.  அதற்கு என்ன காரணம்?  பெலோபொன்னேசியப் போரின் சிறந்த வரலாற்றாசிரியரான துசிடிடிஸ், ஏதென்ஸின் சக்தியின் எழுச்சி மற்றும் ஸ்பார்டாவில் அது உருவாக்கிய அச்சம் என்று கூறினார். ஆகவே அமெரிக்காவின் பொருளாதார இராணுவ பலத்தை இப்போதைக்கு சீனாவால் கடக்க முடியாதெனவும் சீனாவின் எழுச்சியானது பல ஏனைய சக்தி மிக்க நாடுகளுக்கு ஒர் வகைப் பயத்தை உண்டாக்கி இருக்கிறது என்று கூறினார்.இதேபோல் பத்தொன்பதாம் நூற்ராண்டில் பெரிய பிரித்தானியாயும் ஜெர்மனியும் தங்கள் வளர்ச்சியில் மாறி மாறியோர் அச்ச உணர்வோடு இருந்தனர். இந்து சமுத்திரத்தில் ஏற்பட்டிருக்கும் தனி நலன் சார்ந்த நாடுகளின் இந்த அதிகாரப் போட்டியானது ஈழத் தமிழர் அரசியலும் ஒரு மாற்றத்தை ஒரு பாதையும் திறந்து விட்டிருக்கிறது.இதை தமிழர் தலைமை எவ்வாறு புதிய உலக ஒழுங்குகளுக்கு ஏற்ப கையாளப் போகின்றது என்பதில் இருந்தே இதன் நகர்வும் முடிவும் தங்கி இருக்கிறது.இறுதியாக நெப்போலியன் சொன்னது போல் முழித்துக் கொண்ட சீனாவால் உலகம் ஆடிப் போய் தான் இருக்கிறது அந்தக் கொரோனாவோடு சேர்த்தே. பா.உதயன் ✍️  
    • பா.உ கோ.கருணாகரம் அவர்களின் முயற்சியில் கரடியனாறு கரடியன்குளம் மக்களின் காணி விடயத்திற்குத் தீர்வு! Dicksith   மட்டக்களப்பு கரடியனாறு கரடியன்குளம் பிரதேச மக்கள் காலாகாலமாக விவசாயம் மற்றும் குடியிருப்புகளை மேற்கொண்டு வந்த காணிகளை கரடியனாறு விவசாயப் பண்ணைக்குச் சொந்தமானது என அளவீடுகளை மேற்கொள்ளும் பணிகள் கடந்த செவ்வாய்க்கிழமை இடம்பெற்றது. பிரதேச மக்களின் வேண்டுகோளை அடுத்து பாராளுமன்ற உறுப்பினர் கோவிந்தன் கருணாகரம் அவர்களின் நேரடி களவிஜயத்தின் மூலம் அளவீட்டுப் பணிகள் தற்காலிகமாக நிறுத்தப்பட்டு ஏறாவூர்ப்பற்றுப் பிரதேச செயலாளரின் கவனத்திற்குக் கொண்டு வரப்பட்டு மக்களுடனான கலந்துரையாலொன்றும் ஏற்பாடு செய்யப்பட்டிருந்தது.அவ்வாறு ஒழுங்கு செய்யப்பட்ட கலந்துரையாடல் இன்றைய தினம் (29) கரடியனாறு கரடியன்குளம் பொதுக் கட்டிடத்தில் இடம்பெற்றது. இதன் போது பாராளுமன்ற உறுப்பினர் கோவிந்தன் கருணாகரம், கிழக்கு மாகாணசபையின் முன்னாள் பிரதித் தவிசாளர் பிரசன்னா இந்திரகுமார், ஏறாவூர்ப்பற்றுப் பிரதேச செயலாளர் வில்வரெட்ணம், விவசாயப் பண்ணை அதிகாரிகள், பிரதேச செயலக உத்தியோகத்தர்கள், பிரதேச விவசாயிகள் எனப் பலரும் கலந்து கொண்டிருந்தனர்.மேற்படி பிரதேசத்தில் காலாகாலமாக விவசாயம் மற்றும் குடியிருப்பு நடவடிக்கைகளை மேற்கொண்டு வருகின்ற மக்களிடம் உள்ள அக்காணிகளுக்கான உறுதிப்பத்திரம், சுவர்ணபூமி திட்டத்தினால் வழங்கப்பட்ட பத்திரங்கள் போன்ற ஆவணங்கள் தொடர்பில் ஆராயப்பட்டது. பின்னர் மேற்படி பிரதேசத்திலுள்ள காணிகள் விவசாயப் பண்ணைக்குரியனவே என்றும் இருப்பினும், மனிதாபிமான அடிப்படையில் தற்போது அவ்விடங்களில் உரிய பத்திரங்களுடன் விவசாய நடவடிக்கைகளை மேற்கொள்ளுபவர்களுக்கு அவர்களிடமுள்ள ஆவணங்களின் அடிப்படையில் அவர்களுக்கான உரிய காணிகள் சட்டமுறையில் வழங்கப்படும் என்றும் உறுதியளிக்கப்பட்டது. அனைத்திற்கும் மேலாக அளவீட்டு நடவடிக்கைகள் மேற்கொள்ளப்பட வேண்டியதன் அவசியம் பற்றிப் பிரதேச செயலாளரால் வலியுறுத்திக் கூறப்பட்டமையினையும் மக்கள் ஏற்றுக் கொண்டனர்.அதன் அடிப்படையில் அளவீட்டு நடவடிக்கைகளை மேற்கொள்ளும் போது உரிய காணிகளையுடையவர்கள் அவ்விடத்தில் பிரசன்னமாயிருந்து அளவீட்டு பணிகளுக்கு ஒத்துழைப்பு வழங்குவதோடு, அவர்களுக்கான காணிகளை உறுதிப்படுத்துமாறும் தெரிவிக்கப்பட்டது.இறுதியில் நீண்ட காலமாக தீர்க்கப்படாமல் இருந்த இவ்விடயத்தினை உரிய நடவடிக்கைகள் மூலம் தீர்வு பெற்றுத் தந்த பாராளுமன்ற உறுப்பினருக்கு பிரதேச மக்களினால் நன்றி தெரிவிக்கப்பட்டமையும் குறிப்பிடத்தக்கது.                 http://www.battinews.com/2020/10/blog-post_253.html
×
×
  • Create New...

Important Information

By using this site, you agree to our Terms of Use.