தேசத்தின் குரல் அன்ரன் பாலசிங்கம் அவர்களும் முன்னாள் பாராளுமன்ற உறுப்பினரும் ஜனாதிபதி சட்டத்தரணியுமான ஏபிரகாம் சுமந்திரன் அவர்களும் ஒரு தராசின் சம எடைகளா?

[விசுகு]

தேசத்தின் குரல் அன்ரன் பாலசிங்கம் அவர்களும் முன்னாள் பாராளுமன்ற உறுப்பினரும் ஜனாதிபதி சட்டத்தரணியுமான ஏபிரகாம் சுமந்திரன் அவர்களும் ஒரு தராசின் சம எடைகளா?
முன்னாள் பாராளுமன்ற உறுப்பினர் சிவஞானம் சிறீதரன் அவர்கள் அன்ரன் பாலசிங்கம் அவர்களுக்கு நிகரானவர்தான் சுமந்திரன் அவர்களும் என்ற பொருள்பட ஆற்றிய உரை தொடர்பாகத் தமிழ்த் தேசியப் பசுமை இயக்கத்தின் தலைவர் பொ.ஐங்கரநேசன் அவர்களிடம் டான் தொலைக்காட்சி வினவியபோது அவர் அளித்த பதிலின் காணொளி வடிவம்

 

 

 

[tulpen]

திரு .அன்ரன் பாலசிங்கத்தை சுமந்திரனோடு ஒப்பிட முடியாது என்பது எனது அபிப்பிராயம். அவர்  உயிரோடு இருந்திருந்தால் புலிகளின் அரசியல் துறை முன்யோசனையின்றி விட்ட  தவறுகளை தனது திறமையால் சரி செய்து முள்ளிவாய்க்கால்  அழிவை ஒரு வேளை அவர்  தடுத்து நிறுத்தி இருக்கும் சாத்தியக் கூறு இருந்திருக்கும் என்றே தான் நம்புகிறேன்.

சர்வதேசத்திற்கு முன்னால் பயங்கரவாத அமைப்பாக இருந்த விடுதலைப்புலிகளின் சார்பில் உலக ராஜதந்திரிகளை சந்தித்து,  விடுதலைப்புலிகளின் ஒரு சில சிக்கலான,  உலகத்தின் பார்வையில் அப்பட்டமான அரசியல் கொலைத்  தாக்குதல் நடவடிக்கைகளை சர்வதேச சமூகத்தின் முன்னால், சர்வதேச நாடுகளின் ராஜதந்திரிகள் முன்னால் நியாயப்படுத்துவத்தென்பது சுலபமான பணியன்று.   மிக மிக கடினமான பணி. அதை அவர் சிறப்பாக  இரண்டு  தசாப்தத்துக்கு  மேலாக செய்தார்.  அதை சுமந்திரன்  போன்றவர்களால் நிச்சயமாக அதைச்  செய்யமுடியாது.    

[Justin]

என்ன அர்த்தத்தில் சிறிதரன் இருவரும் ஒரே மாதிரி என்று கருதினார் என்று அவரிடம் தான் கேட்க வேண்டும்!  இருவரும் ஒன்றல்ல என்பதே என் அபிப்பிராயம். 

ஆனால், சொன்னதால் பாலசிங்கத்தை அவமதித்து விட்டார் என்று துள்ளுவதெல்லாம் ஓவரியாக்ஷன்! தேர்தல் நெருங்கி வரும் போது இப்படி துரும்பைத் தூக்கிப் பூதம் காட்டுகிற வேலைகள் அதிகரிக்கும். 

[nochchi]

3:30ஆவது நிமிடத்திலிருந்து கூறும் கருத்து மிக மிக உற்றுநோக்க வேண்டியது.இளைய தலைமுறைக்கு பாலா அண்ணா என்றால் யாரென்று சரியான புரிதல் இல்லாதநிலையில் ஓ சுமந்திரனைப் போன்ற ஒரு சராசரி அரசியல்வாதியா? என்ற வினாவே தோன்றும். 

[nunavilan]