Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

தற்கொலை எண்ணத்தை விரட்ட‘‘ஆமாம்.. எனக்கு கரோனா’’ என்று தைரியமாக சொல்லுங்கள்: மன இறுக்கத்தை போக்கும் மருத்துவர் தீபா


Recommended Posts

  • கருத்துக்கள உறவுகள்

தற்கொலை எண்ணத்தை விரட்ட‘‘ஆமாம்.. எனக்கு கரோனா’’ என்று தைரியமாக சொல்லுங்கள்: மன இறுக்கத்தை போக்கும் மருத்துவர் தீபா

suicidal-thoughts

கரோனா தொற்றுக்கு ஆளான சிலர் மன அழுத்தத்துக்கு ஆளாகி தற்கொலைக்கு துணியும் சம்பவங்கள் வேதனையைத் தருகின்றன. இதுகுறித்து, சென்னை அரும்பாக்கத்தில் உள்ள அரசு யோகா, இயற்கை மருத்துவக் கல்லூரி மற்றும் மருத்துவமனையின் உதவிப் பேராசிரியரும், துறைத் தலைவருமான டாக்டர் தீபா நம்மிடம் பேசினார். கரோனா சிறப்பு வார்டுகளில் நோயாளிகளுக்கு யோகா உள்ளிட்ட பயிற்சிகளை அளிப்பதுடன், அவர்களுக்கு இயற்கை மருந்துகளையும் வழங்கி வருகிறார் தீபா. அவருடன் உரையாடியதில் இருந்து..

கரோனா சிகிச்சையில் இருப்பவர்களில் 4 ஆயிரம் பேரை ஆற்றுப்படுத்தி இருக்கிறேன். அவர்களில் பலர் தங்களுக்கு கரோனா வந்ததை அவமானமாக, அசிங்கமாக நினைப்பதை உணரமுடிந்தது. அவர்களில் சிலர் தற்கொலை எண்ணத்தில் இருந்ததை கண்டுபிடித்து மீட்டிருக்கிறோம்.

கரோனாவால் பாதிக்கப்பட்ட அனைவருமே இறந்துவிடுவார்கள் என்ற தவறான எண்ணமும், தேவையற்ற பயமும் மக்களிடம் நிறைய இருக்கிறது. நான் கவுன்சலிங் கொடுத்த நபர் ஒருவர், ‘‘எனக்கு கரோனா இருப்பதாக வெளியில் தெரிந்தால் அசிங்கம். உறவினர்களுக்குத் தெரிந்தால் எங்கள் குடும்பத்தையே ஒதுக்கிவிடுவார்கள். இதையெல்லாம் நினைத்தால் தற்கொலை செய்துகொள்ளலாம் போல இருக்கிறது’’ என்றார்.

‘தங்கள் வீட்டு வாசலில் மாநகராட்சியினர் தகடு அடித்துவிடுவார்களே’ என்று நினைத்தே பலர் மன இறுக்கம் அடைகின்றனர். தனிமையில் இருப்பதும் கடும்மன அழுத்தத்தை கொடுக்கிறது. சிலர், சக நோயாளிகளைப் பார்த்து தங்களுக்கும் ஏதும் ஆகிவிடுமோ என்றுபதறுகின்றனர். அதனால், ‘எங்களை வீட்டுக்கு அனுப்புங்கள்.. எதுவானாலும் அங்கேயே நடக்கட்டும்’ என்று அடம்பிடிக்கின்றனர். எந்த அறிகுறியும் இல்லாமல் ‘ஏசிம்ப்டமேட்டிக்’ நிலையில் இருப்பவர்கள், ‘எனக்குதான் எதுவும் இல்லையே, எதற்காக அடைத்து வைத்திருக்கிறீர்கள்?’ என்று சண்டை பிடிக்கின்றனர். வயதானவர்கள் சிலர் வாய் திறந்து பேச, தலைநிமிர்ந்து மற்றவர்களைப் பார்க்கவே சங்கடப்படுகின்றனர்.

இத்தகைய மன அழுத்தத்தில் இருந்த ஒரு பெரியவரிடம் பேசியபோது, ‘‘என்னை யாரோ பிடித்து அழுத்துவதுபோல இருக்கிறது. அதனால் பாத்ரூமுக்கு போகவே பயமாக இருக்கிறது’’ என்றார். இதெல்லாம் நம் உடம்பின் செல்களுக்கு தேவையான ஆக்சிஜன் கிடைக்காததால் வரும் பிரச்சினை என்பதை புரியவைத்தேன். அவரது திருப்திக்காக படுக்கையை வேறு இடத்துக்கு மாற்றிக் கொடுத்ததும், தைரியமாகிவிட்டார்.

மனம்விட்டுப் பேசினாலே பாதி நோய் குணமாகிவிடும். பலர் அப்படி பேச மறுக்கின்றனர். உறவினர்களிடம் இருந்து போன் வந்தால்கூட எடுத்துப் பேச தயங்குகின்றனர். ‘உங்களுக்கு கரோனா வந்துவிட்டதாமே’ என்று போனில் கேட்பார்களோ என்ற பயம்.

அப்படி கேட்டால்தான் என்ன.. ‘‘ஆமாம், எனக்கு கரோனா வந்திருக்கிறது. சிகிச்சையில் இருக்கிறேன். சீக்கிரமே வீட்டுக்கு வந்துவிடுவேன்’’ என்று தைரியமாக சொல்லப் பழக வேண்டும். அப்போதுதான் மனக் குழப்பம், மன இறுக்கத்தில் இருந்து வெளியே வரமுடியும். தற்கொலை உள்ளிட்ட கெட்ட எண்ணங்கள் எழாமல் தடுக்க முடியும்.

அடுத்ததாக, தண்ணீர் குடிப்பது. நம் உடம்பில் தண்ணீர் அளவு சரியாக இருந்தால்தான் நோய் எதிர்ப்பு சக்தியும் சரியாக இருக்கும். தினமும் சராசரியாக 3 லிட்டர் தண்ணீர் குடிக்க வேண்டும் அப்போதுதான் உடற்சோர்வு ஏற்படாது. கழிவுகள் வெளியேறி புத்துணர்வு கிடைப்பதால் நமக்குள் நேர்மறையான எண்ணங்கள் பிறக்கும். இதுவே எந்த நோயையும் நம்மை அண்டவிடாது.

இன்னொரு முக்கிய விஷயம். கரோனா நோயாளிகளுக்கு உதவுவதற்காக வரும் உறவினர்கள் வார்டிலேயேதான் இருக்கின்றனர். ஆனால் அவர்களுக்கு தொற்று ஏற்படுவது இல்லை. எதிர்ப்பு சக்தி குறைவாக இருப்பவர்களை மட்டுமே கரோனா எளிதில் தொற்றுகிறது. எனவே, நோய் எதிர்ப்பு சக்தியை அதிகரித்துக் கொள்வோம். மன இறுக்கத்தை தவிர்ப்போம். கரோனா வந்தாலும் எதிர்கொண்டு சமாளிக்கப் பழகிக்கொள்வோம்.

இவ்வாறு அவர் கூறினார்.

https://www.hindutamil.in/news/tamilnadu/561517-suicidal-thoughts-2.html

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

×
×
  • Create New...

Important Information

By using this site, you agree to our Terms of Use.