தமிழ் தேசிய கூட்டமைப்பு இயதசுத்தியுடன் செயற்படவில்லை – அனந்தி

[உடையார்]

தமிழ் தேசிய கூட்டமைப்பு இயதசுத்தியுடன் செயற்படவில்லை – அனந்தி

 

சரணடைந்த விடுதலைப் புலிகளை கடந்த ஐந்து ஆண்டுகளில் விடுதலை செய்வதற்கு தமிழ் தேசியக் கூட்டமைப்பு முயற்சிக்கவில்லை என்று தமிழ் மக்கள் தேசிய கூட்டணியின் வேட்பாளர் அனந்தி சசிதரன் தெரிவித்தார்.

வட்டுக்கோட்டையில் நேற்று (27) நடைபெற்ற மக்கள் சந்திப்பில் இதனை தெரிவித்தார். மேலும்,

‘விடுதலைப் புலிகளின் அரசியல் பலமாக உருவாக்கப்பட்ட தமிழ் தேசியக் கூட்டமைப்பு, புலிகளின் மௌனிப்புக்கு பின்னர் நீதி கேட்கின்ற பயணத்தை அவர்களாகவே முன்னெடுத்திருக்க வேண்டும். விடுதலைப் புலிகளின் பேச்சுவார்த்தை எந்த இடத்தில் முடிக்கப்பட்டதோ அந்த இடத்தில் பேச்சுவார்த்தை ஆரம்பிக்கப்பட்டிருக்க வேண்டும். அதுவும் முடியவில்லை.

சரணடைந்த விடுதலைப் புலிகள், காணாமல் ஆக்கப்பட்டோருக்காகவே நான் அரசியலில் கால் பதித்தேன் ஆனால், கடந்த ஐந்து வருட காலத்தில் தமிழ் தேசியக் கூட்டமைப்பு இதயசுத்தியுடன் செயற்படவில்லை’ – என்றார்.

 

https://newuthayan.com/தமிழ்-தேசிய-கூட்டமைப்பு/

[vanangaamudi]

காலத்தின் தேவைகருதி புலிகள் தங்கள் அரசியல் பேரம்பேசும் சக்தியாக தமிழ் தேசிய கூட்டமைப்பை உருவாக்கிக் காட்டினார்கள். அவர்கள் கொண்டுவந்த அந்த தமிழ் இன அரசியல் ஒற்றுமையின் தாற்பரியத்தை சரியாக புரிந்துகொள்ளாத எமது அரசியல்வாதிகள் சுயலாபத்திற்கும் சிங்கள அரசுக்கு முண்டுகொடுக்கவும்  அந்த இணக்கப்பாட்டை சிதறடித்தார்கள்.

புலிகளின் இராணுவ பலம் உச்சம் தொட்டபோது கூட அவர்கள் அடைவேண்டிய இலக்கை அவர்களால் அடையமுடியாது போனதுதான் எமது சாபக்கேடு. அதுபோல் கூட்டமைப்பின் அரசியல் பலம் உச்சத்தை அடைந்த கடந்த சில வருடங்களில் அவ்வப்போது அமைந்த தீர்வுக்கான வாய்ப்புகளைத்   தீர்க்கதரிசனத்துடனும் சாணக்கியமாகவும் சரிவர பயன்படுத்தாமல் விட்ட அதன்  அரசியல்வாதிகள் தமிழ் இனத்துக்கு எதுவும் செய்யாமல் வாழாவெட்டியாய் இருந்து நாடாளுமன்றத்தை அலங்கரித்து திரும்பினார்கள்.

இப்போது அடுத்த தேர்தலில் வென்றபின் புதிய அரசுடன் இனப்பிரச்சினையை பேசுவதற்கு சர்வதேசத்தின் ஆதரவை பெறவேண்டும் என்கிறார்கள். புதிய அரசுடன் பேச என்ன இருக்கிறது. எந்த ஆட்சி வந்தாலும் அவர்கள் தீர்வு தரபோவதில்லை என்பதை இவர்கள் ஏன் உணர மறுக்கிறார்கள் அல்லது உணராதவர்கள் போல் நடிக்கிறார்கள். ஏற்கனவே  சர்வதேசத்துடன் பேசி முடித்து அவர்களின் ஆதரவை பெற்று அவர்களையும் ஆயத்தநிலையில்  வைக்கவில்லை என்றால் இவர்களிடம் தீர்வுக்கான  திட்டம் எதுவும் கைவசம் இல்லை என்றே கொள்ளலாம். இனப்பிரச்சினைக்கு தீர்ப்பை கொண்டுவரக்கூடிய எந்த தமிழ் அரசியல்வாதியும் இன்று எம் மத்தியில் இல்லை.

கடந்து போன உச்சங்கள் கூட்டமைப்புக்கு இனி மீண்டும் திரும்பாது. ஒவ்வொரு தமிழ் அணியும் தமக்கென அரசியல் திட்டங்களை முன் வைக்கின்றபோதும் தமிழின அரசியல் இணக்கப்பாட்டுக்கும் ஒற்றுமைக்கும் அவர்கள் வழங்கும் முக்கியத்துவம் பூச்சியம்தான். தமிழ் கட்சிகள் அனைத்தும் ஒரே பதாகையின் கீழ் ஒன்றுதிரண்டால் எமது பிரச்சினையில் 75 வீதம் தீர்ந்தது என்றே கொள்ளமுடியும்.

[Rajesh]

7 hours ago, உடையார் said:

சரணடைந்த விடுதலைப் புலிகளை கடந்த ஐந்து ஆண்டுகளில் விடுதலை செய்வதற்கு தமிழ் தேசியக் கூட்டமைப்பு முயற்சிக்கவில்லை என்று தமிழ் மக்கள் தேசிய கூட்டணியின் வேட்பாளர் அனந்தி சசிதரன் தெரிவித்தார்.

நீங்களும் அவங்க போலவோ? அல்லது வித்தியாசமா?
அதை சொல்லுங்க முதல்ல!