Sign in to follow this  
தமிழ் சிறி

காஸ்ஸெம் சோலேமானீ தாக்குதல் விவகாரம்: ட்ரம்புக்கு பிடியாணை- இன்டர்போலின் உதவியை நாடும் ஈரான்!

Recommended Posts

191218-donald-trump-mc-1226_0a601dcce09ac19c8dd6cc9f00b7606e.nbcnews-fp-1024-512-720x450.jpg

காஸ்ஸெம் சோலேமானீ தாக்குதல் விவகாரம்: ட்ரம்புக்கு பிடியாணை- இன்டர்போலின் உதவியை நாடும் ஈரான்!

ஈரானிய புரட்சி பாதுகாப்புப் படையின் குட்ஸ் படைப்பிரிவுத் தளபதி காஸ்ஸெம் சோலேமானீ (Qassem Soleimani) கொல்லப்பட்ட விவகாரத்தில், அமெரிக்க ஜனாதிபதி டொனால்ட் ட்ரம்ப்பை, கைதுசெய்ய ஈரான் பிடியாணை உத்தரவு பிறப்பித்துள்ளது.

மேலும், காஸ்ஸெம் சுலேமானீ மீதான ஆளில்லா விமான தாக்குதலை நடத்தியதாக நம்பப்படும் 30இற்கும் மேற்பட்டோரையும் தடுத்து வைக்க இன்டர்போலிடம் ஈரான் உதவி கோரியுள்ளது.

இதற்காக, பிரான்ஸின் லியோனைத் தளமாகக் கொண்ட சர்வதேச குற்றவியல் பொலிஸ் அமைப்பான இன்டர்போலின் உதவியையும் நாடியுள்ளது. எனினும், ஈரான் உதவி கோரியதற்கு இன்டர்போல் உடனடியாக பதிலளிக்கவில்லை.

ட்ரம்ப் கைது செய்யப்படும் அபாயத்தை எதிர்கொள்ளவில்லை என்றாலும், தற்போதைய சூழலில் இந்த விடயம் மிகப்பெரிய விடயமாக பார்க்கப்படுகின்றது.

ட்ரம்பிற்கும் மற்றவர்களுக்கும் ஈரான் ஒரு சிவப்பு அறிவிப்பை வெளியிடுமாறு கோரியதாக தெரிவிக்கப்பட்டுள்ளது. இது இன்டர்போலுக்கு வழங்கப்பட்ட மிக உயர்ந்த அளவிலான கைது கோரிக்கையை பிரதிபலிக்கிறது.

உள்ளூர் அதிகாரிகள் மூலம் கோரும் நாட்டின் சார்பாக கைது செய்ய முடியும் என்றாலும், இதில் சர்வதேச தலையீடு இருப்பதாக கூறப்படுகின்றது.

சந்தேக நபர்களை கைது செய்யவோ அல்லது ஒப்படைக்கவோ நாடுகளை கட்டாயப்படுத்த முடியாது. ஆனால் அரசாங்கத் தலைவர்களை அந்த இடத்திலேயே நிறுத்தி சந்தேக நபர்களின் பயணத்தை மட்டுப்படுத்தலாம்.

இது குறித்து தெஹ்ரான் வழக்கறிஞர் அலி அல்காசிமெர் கூறுகையில், ‘ஜெனரல் காஸ்ஸெம் சோலேமானீயைக் கொன்ற சம்பவத்தில் ட்ரம்ப் மற்றும் குற்றம் சாட்டிய 30இற்க்கும் மேற்பட்டோர் கொலை மற்றும் பயங்கரவாத குற்றச்சாட்டுகளை எதிர்கொள்கிறார்கள்’ என கூறினார்.

ஆனால், ஈரான் ஜனாதிபதியின் பதவிக்காலம் முடிவடைந்த பின்னரும் தனது வழக்கைத் தொடரும் என்று வலியுறுத்தினார்

இந்த கோரிக்கையைப் பெற்ற பிறகு, இன்டர்போல் குழு மூலம் சந்தித்து அதன் உறுப்பு நாடுகளுடன் தகவல்களைப் பகிர்ந்து கொள்ளலாமா வேண்டாமா என்று விவாதிக்கிறது. எந்தவொரு அறிவிப்பையும் பகிரங்கப்படுத்த இன்டர்போலுக்கு எந்தத் தேவையும் இல்லை. இருப்பினும் அதன் இணையதளத்தில் செய்திகள் வெளியிடப்படுகின்றன.

கடந்த ஜனவரி 3ஆம் திகதி பாக்தாத் சர்வதேச விமான நிலையத்தின் வீதியில் நிறுத்திவைக்கப்பட்டிருந்த மூத்த ஈரான், ஈராக் அதிகாரிகளின் கார்களை குறிவைத்து ஆளில்லா விமானங்கள் மூலமாக அமெரிக்கா ஏவுகணைத் தாக்குதலை நடத்தியது.

இதில், ஈரான் உயர்மட்டத் தளபதி காஸ்ஸெம் சோலேமானீ மற்றும் ஈராக்கின் ஹஷீத் அல்-ஷாபி இராணுவப் படையின் துணைத் தலைவர் அபு மஹ்தி அல்-முஹந்திஸ் உள்ளிட்ட முக்கிய அதிகாரிகள் 8 பேர் உயிரிழந்தனர். இவர்கள் அனைவரும் அமெரிக்காவின் கறுப்புப் பட்டியலில் இடம்பெற்றுள்ளவர்கள் ஆவர்.

ஜனாதிபதி டொனால்ட் ட்ரம்பின் வழிகாட்டுதலின் படி, ஈராக்கில் உள்ள அமெரிக்கர்களைப் பாதுகாக்கும் விதமான தற்காப்பு நடவடிக்கையாக இவர்கள் குறிவைக்கப்பட்டதாக பின்னர் அமெரிக்க இராணுவம் விளக்கம் அளித்தது.

http://athavannews.com/காஸ்ஸெம்-சுலேமானீ-தாக்கு/

Share this post


Link to post
Share on other sites

அமெரிக்க ஜனாதிபதி ட்ரம்பை கைது செய்ய பிடியாணை..!

ஈரானிய ஜெனரல் காசிம் சுலேமானியை ஆளில்லா விமானம் மூலம் தாக்குதல் நடத்திய குற்றச்சாட்டின் பேரில் அமெரிக்க ஜனாதிபதி டொனால்ட் ட்ரம்பை கைது செய்ய பிடியாணை பிறப்பித்துள்ளது ஈரான் அரசு.

மேலும் இதற்கு உடந்தையாக இருந்தவர்கள் என்று நம்பும் முப்பதிற்கும் மேற்பட்டவர்களையும் தடுத்து வைக்குமாறு இண்டர்போலிடம் கோரிக்கை விடுத்துள்ளது. 

fdfdfd.jpg
கடந்த திங்கட்கிழமை தெஹ்ரான் வழக்கறிஞரான அலி அல்காசிமர், அமெரிக்க அதிபர் டிரம்ப் மற்றும் 30 அமெரிக்கர்கள் மீது கொலை மற்றும் பயங்கரவாதக் குற்றச்சாட்டுகள் சுமத்தப்பட்டன.

அல்காசிமர் ட்ரம்பைத் தவிர வேறு யாரையும் அடையாளம் காட்டாத போதும் ஜனாதிபதிப் பதவி முடிவடைந்தாலும் இந்த வழக்குத் தொடரும் என்பதை வலியுறுத்தியுள்ளார்.
 

https://www.virakesari.lk/article/84825

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this