Jump to content
  • advertisement_alt
  • advertisement_alt
  • advertisement_alt

Recommended Posts

  • கருத்துக்கள உறவுகள்

பூமியை நெருங்கிய ராட்சச வால்நட்சத்திரம்.!

comet01-1594804548.jpg

டெல்லி: உலக விஞ்ஞானிகள் எல்லோரும் எதிர்பார்த்த நியோவைஸ் (NEOWISE) வால் நட்சத்திரம் தற்போது பூமிக்கு மிக அருகில் வந்து இருக்கிறது.

நியோவைஸ் (NEOWISE) வால் நட்சத்திரம் கடந்த இரண்டு மாதமாக சூரியன் அருகே சுற்றி வந்துவிட்டு, சூரிய ஒளியில், வெப்பத்தில் இருந்து தப்பித்து அசாத்திய பயணம் மேற்கொண்டது. தனது பயணத்தை அங்கேயே முடித்துக் கொள்ளாமல், நியோவைஸ் (NEOWISE) வால் நட்சத்திரம் அதன்பின் புதன் கிரகத்தை நோக்கி சென்றது.

இடையில் வெள்ளி கிரகத்தின் சுற்று பாதையை கடந்த நியோவைஸ் (NEOWISE) வால் நட்சத்திரம் தற்போது பூமியை நோக்கி வந்துள்ளது. இதன் அசாத்திய பயணத்தை நாமே இனி கண்கூடாக பார்க்க முடியும் என்கிறார்கள்.

பூமியை நெருங்கிவிட்டது

கடந்த 13 அல்லது 14ம் தேதிகளில் இந்த நியோவைஸ் (NEOWISE) வால் நட்சத்திரம் பூமியை நெருங்கும் என்று கணிக்கப்பட்டது. இந்த நிலையில் மிக சரியாக நேற்று காலை இந்த நியோவைஸ் (NEOWISE) வால் நட்சத்திரம் பூமியை நெருங்கியது. பூமிக்கு மிக அருகில் இது தற்போது கடந்து சென்று கொண்டு இருக்கிறது. இதை நம்முடைய வெறும் கண்களால் பார்க்க முடியும்.

எப்போது வரை

ஆகஸ்ட் மாதம் இறுதி வரை இதை காண முடியும். இரவு நேரங்களில் இதை எளிதாக பார்க்கப்படுகிறது. தினமும் மாலை நேரத்தில் 7 மணிக்கு பிறகு 20 நிமிடங்கள் வரை பார்க்க முடியும். சில இடங்களில் பைனாகுலர் வைத்து இதை பார்க்க முடியும். இந்தியாவில் இருந்தும் கூட இதை பார்க்க முடியும்.

பூமியில் விழாது

இந்த நியோவைஸ் (NEOWISE) வால் நட்சத்திரம் பூமியில் விழ வாய்ப்பு இல்லை. பூமியை கடந்து இந்த நியோவைஸ் (NEOWISE) வால் நட்சத்திரம் செல்லும். செவ்வாய் கிரகத்தை நோக்கி இந்த நியோவைஸ் (NEOWISE) வால் நட்சத்திரம் செல்லும் என்றது எதிர்பார்க்கப்படுகிறது. கடந்த மார்ச் மாதம் சூரியனுக்கு மிக அருகில் சி/2020 எப்3 (C/2020 F3) என்ற வால் நட்சத்திரம் கண்டுபிடிக்கப்பட்டது. அதன்பின் இதற்கு நியோவைஸ் (NEOWISE) என்று பெயர் வைக்கப்பட்டது.

வீடியோ வெளியிட்டது

தற்போது விண்வெளியில் இருக்கும் சர்வதேச ஸ்பேஸ் ஸ்டேஷன் இதை புகைப்படம் எடுத்துள்ளது. அதோடு பூமிக்கு அருகே நியோவைஸ் (NEOWISE) வால் நட்சத்திரம் கடந்து செல்லும் வீடியோவையும் இந்த ஸ்பேஸ் ஸ்டேஷன் வெளியிட்டு இருக்கிறது. முதலில் இது பூமியில் இருந்து 200 மில்லியன் கிலோ மீட்டர் தூரத்தில் இது கண்டுபிடிக்கப்பட்டது.

மிக பெரியது

 இந்த வால் நட்சத்திரம் வைஸ் (Wide-field Infrared Survey Explorer - WISE) எனப்படும் தொலைநோக்கி மூலம் கண்டுபிடிக்கப்பட்டது. இதனால் பூமிக்கு எந்த விதமான ஆபத்தும் கிடையாது. சூரிய ஒளியில் கூட அழியாத அளவிற்க்கு இது சக்தி வாய்ந்தது ஆகும். கடந்த 50 ஆண்டுகளில் கண்டுபிடிக்கப்பட்ட வால் நட்சத்திரங்களில் இதுதான் மிகவும் அதிக வெளிச்சம் கொண்ட வால் நட்சத்திரம் ஆகும் ஆகும்.

https://tamil.oneindia.com/news/delhi/neowise-comet-is-already-close-to-the-earth-and-you-can-see-it-391413.html

Edited by புரட்சிகர தமிழ்தேசியன்
பிழை திருத்தம்
Link to post
Share on other sites
  • கருத்துக்கள உறவுகள்

இப்போது பார்க்கத் தவறினால் இனி 6,800 வருடங்களின் பின்னரே இந்த வால் நட்சத்திரம் வரும்.!

107664220_2559887277557291_8904881361821

உலகம் முழுக்க தற்போது தெரிந்து கொண்டிருக்கும் NEOWISE எனும் வால் நட்சத்திரம் வடமேற்கு திசையில் ஜூலை 14 முதல் அடுத்த 20 நாட்களுக்கு சூரியன் மறைந்த பின் தென்படுவதாக வானியலாளர்கள் தெரிவித்துள்ளனர்.

இது ஒரு அபூர்வ நிகழ்வாகும். இதனை இன்னும் 6,800 ஆண்டுகளுக்கு பார்க்கவே முடியாது என்று நாசா தெரிவித்துள்ளது.

அதன் சுற்றுவட்டப்பாதை மிக நீளமானதால் 6800 வருடங்களின் பின்னர்தான் அதனை மீண்டும் காண முடியும்.

வானில் வடமேற்குப் திசையில் சூரியன் அஸ்தமனம் ஆன பின்னர் இந்த வால் நட்சத்திரம் தெரியும். இந்த வால் நட்சத்திரம் கடந்த ஜூலை 3 ஆம் திகதியில் இருந்து பூமிக்கு அருகே மிக வேகமாக வரும் என்று ஏற்கனவே நாசா விண்வெளி ஆராய்ச்சி நிறுவனம் தெரிவித்திருந்தது.

வெறும் கண்ணில் பார்க்கும்போது உங்களுக்கு அருகில் எங்கும் விளக்கு எரியக் கூடாது. வெளிச்சம் இருக்கக்கூடாது. சூரியன் அஸ்தமனம் ஆன பின்னர் சுமார் 20 முதல் 45 நிமிடங்கள் காத்திருந்து இந்த வால் நட்சத்திரத்தைக் காண வேண்டும்.
வெறும் கண்ணில் பார்க்கும்போது தெளிவாக தெரியாது. டெலஸ்கோப்பில் பார்க்கும்போது மிக தெளிவாக அதனை பார்க்க முடியும்.

இந்த வால் நட்சத்திரம் பாதி நீராலும், பாதி தூசுனாலும் ஆனது. 13 மில்லியன் ஒலிம்பிக் நீச்சல் குளத்தில் இருக்கும் தண்ணீர் அளவிற்கு இந்த நட்சத்திரத்தில் தண்ணீர் இருக்கும்.
இது பூமியில் இருந்து சுமார் 70 மில்லியன் மைல் தொலைவில் இருக்கிறது. ஒரு வினாடிக்கு 40 மைல் தூரத்திற்கு இது பயணிக்கும். இந்த நட்சத்திரத்தால் பூமிக்கு எந்த பாதிப்பும் இல்லை என்று விஞ்ஞானிகள் தெரிவித்துள்ளனர்.
நீங்களும் இன்னும் சில நாட்களுக்கு நவீன கமெராக்கள் அல்லது டெலஸ்கோப் மூலம் இதனை கண்டு ரசிக்க முடியும்.்

http://www.pagetamil.com/135856/

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.