Jump to content

அமெரிக்காவில் மீண்டும் டொனால்டு டிரம்ப் ஆட்சியே தொடரும் - கருத்துகணிப்பில் தகவல்


Recommended Posts

  • கருத்துக்கள உறவுகள்

அமெரிக்காவில் மீண்டும் டொனால்டு டிரம்ப் ஆட்சியே தொடரும் - கருத்துகணிப்பில் தகவல்

அமெரிக்காவில் மீண்டும் டொனால்டு டிரம்ப் ஆட்சியே தொடரும் - கருத்துகணிப்பில் தகவல்

 

அமெரிக்காவில் தற்போதைய நெருக்கடியான சூழலில் ஜனாதிபதி டொனால்டு டிரம்ப் பின் தங்கினாலும், அவரே மறுபடியும் ஆட்சி அமைப்பார் என கருத்துகணிப்பு  முடிவுகளில் தெரியவந்துள்ளது.

எதிர்வரும் நவம்பர் 3 ஆம் தேதி அமெரிக்க மக்கள் தங்களின் புதிய ஜனாதிபதியை தேர்வு செய்வார்கள் அல்லது தற்போதைய ஜனாதிபதிக்கே இன்னொரு வாய்ப்பை வழங்குவார்கள்.


அமெரிக்காவில் ஜனாதிபதி தேர்தலுக்கு இன்னும் நூறு நாட்களே உள்ள நிலையில் ஜனாதிபதி டொனால்ட் டிரம்ப் கருத்துக் கணிப்புகளில் மோசமான நிலையில் உள்ளார். ஆனால் அவை அனைத்தையும் மீறி அவர் வெற்றி பெறுவார் என்றே கணிக்கப்படுகிறது.

2016 தேர்தலுக்கு முன்னர் இருந்ததை விட தற்போது டொனால்டு டிரம்பின் பிரச்சாரத்தில் மேலும் உற்சாகம் இருப்பதாக குடியரசுக் கட்சி தங்களது டுவிட்டரில் ஞாயிற்றுக்கிழமை பதிவிட்டுள்ளது.

ஆனால் மறுபுறம் ஜனநாயக கட்சி வேட்பாளர், ஜோ பிடென் பிரச்சாரத்தில் குறிப்பிடும்படியான உற்சாகத்தை உருவாக்க முடியவில்லை என கூறப்படுகிறது.<

2016 ஜனாதிபதித் தேர்தலுக்கு முன்னர் நடந்த பெரும்பான்மையான கருத்துக்கணிப்புகளில், டிரம்ப் தனது எதிராளியான ஹிலாரி கிளிண்டனுக்குப் பின்னால் இருந்தார்.ஆனால் பின்னர் வெற்றி பெற்றார் என்பதையும் அந்த அணி சுட்டிக்காட்டுகிறது.

புளோரிடா, அரிசோனா மற்றும் மிச்சிகன் ஆகிய மூன்று சவால் மிகுந்த மாகாணங்களில் பிடென் முந்தியிருப்பதாக சிஎன்என் ஞாயிற்றுக்கிழமை ஒரு கருத்துக் கணிப்பை வெளியிட்டுள்ளது.ஆனால் டிரம்ப் இந்த மூன்று மாகாணங்களையும் 2016 ல் வென்றிருந்தார்.

தேசிய அளவில் முன்னெடுக்கப்படும் கருத்துக்கணிப்புகளில், டிரம்ப் பல வாரங்களாக படெனுக்குப் பின்னால் இருக்கிறார். ஆனாலும், பொதுமக்களின் வாக்குகளைவிட மாகாண அளவில் தேர்வு செய்யப்படும் அந்த 270 உறுப்பினர்களே ஜனாதிபதி யார் என்பதை முடிவு செய்வார்கள் என்பது குறிப்பிடத்தக்கது.

 

https://www.dailythanthi.com/News/TopNews/2020/07/27085046/Biden-holds-daunting-lead-over-Trump-as-US-election.vpf

Link to comment
Share on other sites

  • கருத்துக்கள உறவுகள்
14 hours ago, உடையார் said:

அமெரிக்காவில் மீண்டும் டொனால்டு டிரம்ப் ஆட்சியே தொடரும் - கருத்துகணிப்பில் தகவல்

நியூசிலாந்துக்கு திரும்பி போக இருக்கிறேன் 

Link to comment
Share on other sites

  • கருத்துக்கள உறவுகள்
37 minutes ago, nilmini said:

நியூசிலாந்துக்கு திரும்பி போக இருக்கிறேன் 

பரவாயில்லை.
எங்கு போனாலும் யாழுடன் இணைந்திருங்கள்.

எனது ஜாதகத்திலும் வெளிநாட்டு போவதற்கான பலன் இருக்கென்று சாத்திரி சொல்லுறார் பாப்பம்.

Link to comment
Share on other sites

  • கருத்துக்கள உறவுகள்
18 minutes ago, ஈழப்பிரியன் said:

பரவாயில்லை.
எங்கு போனாலும் யாழுடன் இணைந்திருங்கள்.

எனது ஜாதகத்திலும் வெளிநாட்டு போவதற்கான பலன் இருக்கென்று சாத்திரி சொல்லுறார் பாப்பம்.

நிச்சயம் தொடர்ந்து யாழுடன் இணைந்திருப்பேன். சாத்திரத்தில் முழு நம்பிக்கை இல்லாவிட்டாலும் சில விடயங்கள் சொல்லி வச்ச மாதிரித்தான் நடக்குது. தற்போது  நிறைய கிரக மாற்றங்கள் நடக்கும்  காலகட்டம். நீங்கள் எங்கு இடம் மாறினாலும் நிம்மதியாகவும் சந்தோசமாகவும் இருக்க வேண்டுகிறேன்.
நியூசிலாந்து திரும்பி போகும் நோக்கத்துடனேயே 20 வருடங்களுக்கு முன்பு  இங்கு வந்தோம். பல காரணங்களால் போக முடியவில்லை. Auckland  இல் வீடு வாங்குவதற்கு உரிய வேலைகள் தொடங்கியாச்சு. யாழ் வீடும் வேலைகள் நடக்குது. இனி என்ன மாறி மாறி இரண்டு  இடத்துக்கும் சென்று ஆக வேண்டிய விஷயங்களை பார்க்கவேண்டியது தான் அண்ணா. ( யாழ் வீடு திருத்தும் என்ஜினீயர் பொடியன் நல்ல வேலைகாரன் போல இருக்கு. அவரின் விபரங்கள் உள்பெட்டியில் போடுகிறேன்.

Link to comment
Share on other sites

  • கருத்துக்கள உறவுகள்
5 minutes ago, nilmini said:

அண்ணா. ( யாழ் வீடு திருத்தும் என்ஜினீயர் பொடியன் நல்ல வேலைகாரன் போல இருக்கு. அவரின் விபரங்கள் உள்பெட்டியில் போடுகிறேன்.

நன்றி சகோதரி.
ஊருக்கு இப்ப போக இயலாது போல இருக்கு.

Link to comment
Share on other sites

  • கருத்துக்கள உறவுகள்
7 hours ago, nilmini said:

நியூசிலாந்துக்கு திரும்பி போக இருக்கிறேன் 

அங்குதான் இப்ப நல்ல ஆட்சி நடக்கின்றது😀 .  Yogini அக்காவை தெரியுமா, அவரும் வைத்தியர்தான் 

Link to comment
Share on other sites

  • கருத்துக்கள உறவுகள்
2 hours ago, உடையார் said:

அங்குதான் இப்ப நல்ல ஆட்சி நடக்கின்றது😀 .  Yogini அக்காவை தெரியுமா, அவரும் வைத்தியர்தான் 

நல்ல ஒரு நாடு. அதை விட்டுட்டு வர மனமில்லாமல் தான் இங்கு வந்தேன். மீண்டும் போவதையிட்டு மிகவும் மகிழ்ச்சி. யோகினியை  தெரியவில்லை. ஆனால் நெருங்கிய சொந்தங்கள், நண்பர்கள் என்று நிறைய பேர் இருக்கிறார்கள்.  1996 இல் இருந்து 2001 வரை எத்தனையோ எமது  தமிழ் இளைஞர்கள் Auckland  விமான நிலையத்தில்  வந்திறங்கி யாரும் இல்லமால் தவிக்கும்போது நாங்கள் அவர்களை அழைத்து வந்து, உபசரித்து, மற்ற இளைஞர்கள் இருக்கும் வீட்டில் கொண்டுபோய் சேர்த்து விடுவோம். அடிக்கடி அவர்கள் எல்லோரும் எமது வீட்டுக்கு வருவார்கள். சில குழப்பங்காசிகளும் இருந்தன. அப்போது English-Tamil மொழிபெயர்ப்பாளர்கள் இல்லை. நான் ஒரு unofficial Translator ஆக இருந்தேன். நிறைய பேருக்கு அகதி விண்ணப்பம் கோருவதற்கு statements நானே எழுதிக்கொடுத்தேன். மெடிக்கல் certificate அது எது என்று அவர்களை அழைத்துக்கொண்டு நாங்கள் எவ்வளோவாளோ உதவிகளை அந்த நேரத்தில் செய்து கொடுத்தோம். எனது husband spoken English  உம் படிப்பித்தார். . சில போராளிகளும் வேறு வேறு விடயமாக வந்து போவார்கள்.அதெல்லாம் ஒரு காலம்.  நான் 2017 ஆம் ஆண்டு 16 வருடங்களுக்கு பிறகு போனபோது நான் உதவி செய்த அனைவரும் வந்து பார்த்தார்கள். இப்படியாவது எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

Link to comment
Share on other sites

  • கருத்துக்கள உறவுகள்
8 hours ago, ஈழப்பிரியன் said:

நன்றி சகோதரி.
ஊருக்கு இப்ப போக இயலாது போல இருக்கு.

ஓமோம் அண்ணா  இப்ப கோரோனோ பிரச்சனையால் எங்கும் போக முடியாது. அது இல்லாவிட்டாலும் எமது நாட்டு நிலைமை தமிழ் மக்களுக்கு எப்பவுமே ஒரு நிச்சயமற்றது தான். அத்துடன் UK  இல் இருந்தால் பயணம் இலகு . இங்கிருந்துகொண்டு போவதென்றால் தூரம் கூடிப்போய்விட்டது. 

Link to comment
Share on other sites

  • கருத்துக்கள உறவுகள்
On 28/7/2020 at 04:50, nilmini said:

நல்ல ஒரு நாடு. அதை விட்டுட்டு வர மனமில்லாமல் தான் இங்கு வந்தேன். மீண்டும் போவதையிட்டு மிகவும் மகிழ்ச்சி. யோகினியை  தெரியவில்லை. ஆனால் நெருங்கிய சொந்தங்கள், நண்பர்கள் என்று நிறைய பேர் இருக்கிறார்கள்.  1996 இல் இருந்து 2001 வரை எத்தனையோ எமது  தமிழ் இளைஞர்கள் Auckland  விமான நிலையத்தில்  வந்திறங்கி யாரும் இல்லமால் தவிக்கும்போது நாங்கள் அவர்களை அழைத்து வந்து, உபசரித்து, மற்ற இளைஞர்கள் இருக்கும் வீட்டில் கொண்டுபோய் சேர்த்து விடுவோம். அடிக்கடி அவர்கள் எல்லோரும் எமது வீட்டுக்கு வருவார்கள். சில குழப்பங்காசிகளும் இருந்தன. அப்போது English-Tamil மொழிபெயர்ப்பாளர்கள் இல்லை. நான் ஒரு unofficial Translator ஆக இருந்தேன். நிறைய பேருக்கு அகதி விண்ணப்பம் கோருவதற்கு statements நானே எழுதிக்கொடுத்தேன். மெடிக்கல் certificate அது எது என்று அவர்களை அழைத்துக்கொண்டு நாங்கள் எவ்வளோவாளோ உதவிகளை அந்த நேரத்தில் செய்து கொடுத்தோம். எனது husband spoken English  உம் படிப்பித்தார். . சில போராளிகளும் வேறு வேறு விடயமாக வந்து போவார்கள்.அதெல்லாம் ஒரு காலம்.  நான் 2017 ஆம் ஆண்டு 16 வருடங்களுக்கு பிறகு போனபோது நான் உதவி செய்த அனைவரும் வந்து பார்த்தார்கள். இப்படியாவது எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

மனம் போல் வாழ்வு.
வாழ்த்துக்கள்.

Link to comment
Share on other sites

  • கருத்துக்கள உறவுகள்
On 27/7/2020 at 23:10, nilmini said:

நியூசிலாந்துக்கு திரும்பி போக இருக்கிறேன் 

வாழ்த்துக்கள் .. ட்ரம்ப் ஆட்சியில் இனி இருக்க ஏலாது என்ற தொனியில் சிரிப்பு குறி இட்டேன் .. மகிழ்ச்சி..💐

Link to comment
Share on other sites

  • கருத்துக்கள உறவுகள்
On 28/7/2020 at 04:50, nilmini said:

எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

நில்மினி நாம் ஒரு நல்ல படத்தை பார்த்துவிட்டோ அல்லது நல்லதொரு உணவை உண்டு விட்டு அடையும் சந்தோசம் ஒரு குறுகிய காலத்துக்கு தான் இருக்கும் ஆனால் நீங்கள் ஒரு உதவி மனிதர்களுக்கு செய்யும் போது அதனால் ஏற்படும் சந்தோசம் மனத்திருத்தி 
ஒரு காலமும் எம்மை விட்டு அகலாது.அன்பு தான் தெய்வம் அடுத்தவருக்கு உதவுவது தான் அன்பு.நீங்களும் தெய்வமாகலாம்.

Link to comment
Share on other sites

  • கருத்துக்கள உறவுகள்
On ‎28‎-‎07‎-‎2020 at 03:50, nilmini said:

நல்ல ஒரு நாடு. அதை விட்டுட்டு வர மனமில்லாமல் தான் இங்கு வந்தேன். மீண்டும் போவதையிட்டு மிகவும் மகிழ்ச்சி. யோகினியை  தெரியவில்லை. ஆனால் நெருங்கிய சொந்தங்கள், நண்பர்கள் என்று நிறைய பேர் இருக்கிறார்கள்.  1996 இல் இருந்து 2001 வரை எத்தனையோ எமது  தமிழ் இளைஞர்கள் Auckland  விமான நிலையத்தில்  வந்திறங்கி யாரும் இல்லமால் தவிக்கும்போது நாங்கள் அவர்களை அழைத்து வந்து, உபசரித்து, மற்ற இளைஞர்கள் இருக்கும் வீட்டில் கொண்டுபோய் சேர்த்து விடுவோம். அடிக்கடி அவர்கள் எல்லோரும் எமது வீட்டுக்கு வருவார்கள். சில குழப்பங்காசிகளும் இருந்தன. அப்போது English-Tamil மொழிபெயர்ப்பாளர்கள் இல்லை. நான் ஒரு unofficial Translator ஆக இருந்தேன். நிறைய பேருக்கு அகதி விண்ணப்பம் கோருவதற்கு statements நானே எழுதிக்கொடுத்தேன். மெடிக்கல் certificate அது எது என்று அவர்களை அழைத்துக்கொண்டு நாங்கள் எவ்வளோவாளோ உதவிகளை அந்த நேரத்தில் செய்து கொடுத்தோம். எனது husband spoken English  உம் படிப்பித்தார். . சில போராளிகளும் வேறு வேறு விடயமாக வந்து போவார்கள்.அதெல்லாம் ஒரு காலம்.  நான் 2017 ஆம் ஆண்டு 16 வருடங்களுக்கு பிறகு போனபோது நான் உதவி செய்த அனைவரும் வந்து பார்த்தார்கள். இப்படியாவது எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

ஊரில் போய் இருக்கும் ஐடியாவை கை விட்டு விட்டீர்களா ?
 

Link to comment
Share on other sites

  • கருத்துக்கள உறவுகள்
On 27/7/2020 at 05:37, உடையார் said:

அமெரிக்காவில் மீண்டும் டொனால்டு டிரம்ப் ஆட்சியே தொடரும் - கருத்துகணிப்பில் தகவல்

tenor.gif

Link to comment
Share on other sites

  • கருத்துக்கள உறவுகள்
21 hours ago, குமாரசாமி said:

மனம் போல் வாழ்வு.
வாழ்த்துக்கள்.

நன்றி குமாரசாமி அண்ணா. 

19 hours ago, புரட்சிகர தமிழ்தேசியன் said:

வாழ்த்துக்கள் .. ட்ரம்ப் ஆட்சியில் இனி இருக்க ஏலாது என்ற தொனியில் சிரிப்பு குறி இட்டேன் .. மகிழ்ச்சி..💐

சிரிப்பெல்லாம் பார்த்தேன் புரட்சி. சும்மாவே அமெரிக்கா மிகவும் பிஸியான நாடு. stress உம்  கூட. இந்தாள்  இன்னும் அறுக்குது . நற்புக்கு  நன்றி 

Link to comment
Share on other sites

  • கருத்துக்கள உறவுகள்
19 hours ago, uthayakumar said:

நில்மினி நாம் ஒரு நல்ல படத்தை பார்த்துவிட்டோ அல்லது நல்லதொரு உணவை உண்டு விட்டு அடையும் சந்தோசம் ஒரு குறுகிய காலத்துக்கு தான் இருக்கும் ஆனால் நீங்கள் ஒரு உதவி மனிதர்களுக்கு செய்யும் போது அதனால் ஏற்படும் சந்தோசம் மனத்திருத்தி 
ஒரு காலமும் எம்மை விட்டு அகலாது.அன்பு தான் தெய்வம் அடுத்தவருக்கு உதவுவது தான் அன்பு.நீங்களும் தெய்வமாகலாம்.

உங்கள் வாழ்த்துக்களுக்கு மிகவும் நன்றி உதயகுமார். உண்மைதான் எம்மை மட்டும் சார்ந்த சந்தோசங்கள் நீடிப்பதில்லை. அப்பப்போது வந்து போகும். அண்ணல் பிறரையும் முக்கியமாக  ஆதரவற்றவருக்கு, தேவையான நேரத்தில் சந்தோசப்படுத்தி அதனால் கிடைக்கும் சந்தோசம் பன்மடங்கானது. தேவையான நேரத்தில்தான் உதவி செய்யவேணும். காலங்கடந்த உதவிகள் பிரயோசனம் அற்றவை. அதுதான் எனது கொள்கை. தானம், தர்மம், பிறருக்காக ஒரு சில நேரங்களையாவது சிலவழித்தல் போன்றவற்றை நிறையபேர் நினைப்பதில்லை. தனக்குப்பின் தான் தானம் என்பதை பலர் தமது தேவைகள், ஆசைகளை கூட்டிக்கொண்டே  போவதால் அவர்களுக்கு தமது தேவைகளை நிறைவேற்றத்தான் பணமும் நேரமும் போதுமாக இருக்குது. 

Link to comment
Share on other sites

  • கருத்துக்கள உறவுகள்
17 hours ago, ரதி said:

ஊரில் போய் இருக்கும் ஐடியாவை கை விட்டு விட்டீர்களா ?
 

கைவிடவில்லை ரதி. வீட்டு திருத்த வேலைகள் மும்மரமாக நடக்குது. நியூசிலாந்துக்கு திரும்பிப்போவதற்கு சில காரணங்கள் இருக்கு . அத்துடன் ஈழத்தில் தமிழர்களின் நிலை இப்போதைக்கு கேள்விக்குறிதான். போய் தொடர்ந்து அங்கேயே இருக்க விருப்பமில்லை. யாழ்  மருத்துவ கல்லூரியில்  கொஞ்ச காலம் படிப்பித்துக்கொண்டு  ஒரு சமூக சேவை அமைப்புடன் இணைந்து சில திட்டங்கள் வைத்திருக்கிறேன். இவை எல்லாவற்றுக்கும் தொடர்ந்து பண வருவாய் இருக்க வேணும். நியூசிலாந்து அழகான அமைதியான இடம். நிறய வேண்டப்பட்டவர்களும் இருப்பதனால் அங்கிருந்துகொண்டு அடிக்கடி யாழ் போய் வருவதாக இருக்கிறேன். கடவுள்தான் வழி காட்டவேணும். 

Link to comment
Share on other sites

  • கருத்துக்கள உறவுகள்
30 minutes ago, nilmini said:

கைவிடவில்லை ரதி. வீட்டு திருத்த வேலைகள் மும்மரமாக நடக்குது. நியூசிலாந்துக்கு திரும்பிப்போவதற்கு சில காரணங்கள் இருக்கு . அத்துடன் ஈழத்தில் தமிழர்களின் நிலை இப்போதைக்கு கேள்விக்குறிதான். போய் தொடர்ந்து அங்கேயே இருக்க விருப்பமில்லை. யாழ்  மருத்துவ கல்லூரியில்  கொஞ்ச காலம் படிப்பித்துக்கொண்டு  ஒரு சமூக சேவை அமைப்புடன் இணைந்து சில திட்டங்கள் வைத்திருக்கிறேன். இவை எல்லாவற்றுக்கும் தொடர்ந்து பண வருவாய் இருக்க வேணும். நியூசிலாந்து அழகான அமைதியான இடம். நிறய வேண்டப்பட்டவர்களும் இருப்பதனால் அங்கிருந்துகொண்டு அடிக்கடி யாழ் போய் வருவதாக இருக்கிறேன். கடவுள்தான் வழி காட்டவேணும். 

சிறிலங்கா-அமெரிக்கா-நியூசிலாந்து.
ஏதோ கரவெட்டிக்கும் துன்னாலைக்கும் போய் வாற மாதிரி கதைக்கிறியள் 😁

Link to comment
Share on other sites

  • கருத்துக்கள உறவுகள்

 இடம் மாறினாலும் யாழ் களத்தையும் மறக்க வேண்டாம்.
 இங்கும்  உங்கள் சேவை எல்லோருக்கும் தேவை . உங்கள் எதிர்கால திட்ட்ங்கள் நிறைவேற வாழ்த்துக்கள் உடல் உள நலமோடு வாழ்க .

Link to comment
Share on other sites

  • கருத்துக்கள உறவுகள்
44 minutes ago, நிலாமதி said:

 இடம் மாறினாலும் யாழ் களத்தையும் மறக்க வேண்டாம்.
 இங்கும்  உங்கள் சேவை எல்லோருக்கும் தேவை . உங்கள் எதிர்கால திட்ட்ங்கள் நிறைவேற வாழ்த்துக்கள் உடல் உள நலமோடு வாழ்க .

வேலைகள் தலைக்கு மேல் போகும்போதும் மனம் கவலைப்படும்போதும் யாழ் தான் மனதுக்கு உற்சாகம் தரும். மறக்கவே முடியாது. எல்லாப்பதிவுகளுக்கும் பதில் போடாவிட்டாலும் பொதுவாக எல்லாமே வசித்து அறிந்து கொள்வேன். முக்கியமா நகைச்சுவையாக எழுதும் குமாரசாமி அண்ணா, ஈழப்பிரியன் அண்ணா , சிறி அவர்களது பதிவுகள் மனம் விட்டு சிரிக்க வைப்பவை. நிச்சயம் தொடர்ந்து எழுதுவேன். 

Link to comment
Share on other sites

  • கருத்துக்கள உறவுகள்
3 hours ago, nilmini said:

நியூசிலாந்துக்கு திரும்பிப்போவதற்கு சில காரணங்கள் இருக்கு

வணக்கம் நில்மினி.
நியூசிலாந்தில் எனது மனைவியின் மச்சான் பேரின்பநாயகம்(பேராசிரியராக இருக்கலாம்)என்பவரைத் தெரியுமா?

Link to comment
Share on other sites

  • கருத்துக்கள உறவுகள்
On 28/7/2020 at 04:50, nilmini said:

நல்ல ஒரு நாடு. அதை விட்டுட்டு வர மனமில்லாமல் தான் இங்கு வந்தேன். மீண்டும் போவதையிட்டு மிகவும் மகிழ்ச்சி. யோகினியை  தெரியவில்லை. ஆனால் நெருங்கிய சொந்தங்கள், நண்பர்கள் என்று நிறைய பேர் இருக்கிறார்கள்.  1996 இல் இருந்து 2001 வரை எத்தனையோ எமது  தமிழ் இளைஞர்கள் Auckland  விமான நிலையத்தில்  வந்திறங்கி யாரும் இல்லமால் தவிக்கும்போது நாங்கள் அவர்களை அழைத்து வந்து, உபசரித்து, மற்ற இளைஞர்கள் இருக்கும் வீட்டில் கொண்டுபோய் சேர்த்து விடுவோம். அடிக்கடி அவர்கள் எல்லோரும் எமது வீட்டுக்கு வருவார்கள். சில குழப்பங்காசிகளும் இருந்தன. அப்போது English-Tamil மொழிபெயர்ப்பாளர்கள் இல்லை. நான் ஒரு unofficial Translator ஆக இருந்தேன். நிறைய பேருக்கு அகதி விண்ணப்பம் கோருவதற்கு statements நானே எழுதிக்கொடுத்தேன். மெடிக்கல் certificate அது எது என்று அவர்களை அழைத்துக்கொண்டு நாங்கள் எவ்வளோவாளோ உதவிகளை அந்த நேரத்தில் செய்து கொடுத்தோம். எனது husband spoken English  உம் படிப்பித்தார். . சில போராளிகளும் வேறு வேறு விடயமாக வந்து போவார்கள்.அதெல்லாம் ஒரு காலம்.  நான் 2017 ஆம் ஆண்டு 16 வருடங்களுக்கு பிறகு போனபோது நான் உதவி செய்த அனைவரும் வந்து பார்த்தார்கள். இப்படியாவது எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

 

உங்களது எழுத்துக்களை  அடிக்கடி  வாசித்தாலும் 

உங்களது பதிவுகள் சார்ந்து

இன்றைய சூழ்நிலையில் (கொரோனா) அதிகம்  எழுதமுடியவில்லை

தொடர்ந்து  இணைந்திருங்கள்

Link to comment
Share on other sites

  • கருத்துக்கள உறவுகள்
15 hours ago, தமிழ் சிறி said:

tenor.gif

சரியாத்தான்  குத்தாட்டம் போடுறார் போல கிடக்கு 

Link to comment
Share on other sites

  • கருத்துக்கள உறவுகள்
17 hours ago, தமிழ் சிறி said:

tenor.gif

சிங்கனுக்கு தனியா ஆடிப் பழக்கமில்லையே?

Link to comment
Share on other sites

  • கருத்துக்கள உறவுகள்
On 27/7/2020 at 19:40, nilmini said:

நியூசிலாந்துக்கு திரும்பி போக இருக்கிறேன் 

 

On 28/7/2020 at 04:50, nilmini said:

நல்ல ஒரு நாடு. அதை விட்டுட்டு வர மனமில்லாமல் தான் இங்கு வந்தேன். மீண்டும் போவதையிட்டு மிகவும் மகிழ்ச்சி. யோகினியை  தெரியவில்லை. ஆனால் நெருங்கிய சொந்தங்கள், நண்பர்கள் என்று நிறைய பேர் இருக்கிறார்கள்.  1996 இல் இருந்து 2001 வரை எத்தனையோ எமது  தமிழ் இளைஞர்கள் Auckland  விமான நிலையத்தில்  வந்திறங்கி யாரும் இல்லமால் தவிக்கும்போது நாங்கள் அவர்களை அழைத்து வந்து, உபசரித்து, மற்ற இளைஞர்கள் இருக்கும் வீட்டில் கொண்டுபோய் சேர்த்து விடுவோம். அடிக்கடி அவர்கள் எல்லோரும் எமது வீட்டுக்கு வருவார்கள். சில குழப்பங்காசிகளும் இருந்தன. அப்போது English-Tamil மொழிபெயர்ப்பாளர்கள் இல்லை. நான் ஒரு unofficial Translator ஆக இருந்தேன். நிறைய பேருக்கு அகதி விண்ணப்பம் கோருவதற்கு statements நானே எழுதிக்கொடுத்தேன். மெடிக்கல் certificate அது எது என்று அவர்களை அழைத்துக்கொண்டு நாங்கள் எவ்வளோவாளோ உதவிகளை அந்த நேரத்தில் செய்து கொடுத்தோம். எனது husband spoken English  உம் படிப்பித்தார். . சில போராளிகளும் வேறு வேறு விடயமாக வந்து போவார்கள்.அதெல்லாம் ஒரு காலம்.  நான் 2017 ஆம் ஆண்டு 16 வருடங்களுக்கு பிறகு போனபோது நான் உதவி செய்த அனைவரும் வந்து பார்த்தார்கள். இப்படியாவது எமது மக்களுக்கு உதவ கிடைத்ததே என்று நினைத்து மிகவும் மகிழ்ச்சி.

நில்மினி, 
யாழ். களத்தில்... உலகில் தமிழர் வசிக்கும் நாடுகளில் எல்லாம் இருந்து,
அங்கத்தவர்கள்   கருத்து எழுத தினமும் வருகின்றார்கள்.
ஆனால்... நியூசிலாந்தில் இருந்து, ஒருவரும் வருவதில்லை என நினைக்கின்றேன்.

நீங்கள்... நியூசிலாந்துக்கு  சென்றால்,
ஒரு ஐந்து பேரையாவது... யாழ். களத்தில் இணைத்து விடும் படி வேண்டுகின்றேன். :)

மனிதர், தனக்குப் பிடித்தவற்றை  செய்யும் போதுதான்... மகிழ்ச்சியாக இருக்கும்.
அதே போல்... உங்களுக்குத் பிடித்த, நியூசிலாந்துக்கு செல்வது எமக்கும் மகிழ்ச்சியே.

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • 'உரையாடலின் அறுவடை' என்னும் இரா. இராகுலனின் இந்தக் கவிதையை 'அகழ்' இதழில் இன்று பார்த்தேன். பல வருடங்களின் முன்னர் ஒரு அயலவர் இருந்தார். இந்தியாவில் ஒரு காலத்தில் ஐஐடி ஒன்று மட்டுமே இருந்தது. அந்தக் காலத்தில் அவர் அந்த ஐஐடியில் படித்தவர் என்று சொன்னார். அவரிடம் அபாரமான நினைவாற்றலும், தர்க்க அறிவும் இருந்தன. இங்கு அவர் எவருடனும் பழகியதாகவோ, அவருடன் எவரும் பழகியதாகவோ தெரியவில்லை. அவருடன் கதைப்பது சிரமமான ஒரு விடயம் தான். அவர் சொல்லும் பல விடயங்கள் என் தலைக்கு மேலாலேயே போய்க் கொண்டிருந்தன. அதனாலேயே அவரை எல்லோரும் தவிர்த்தனர் போலும்.     நான் எப்போதும் அவருடன் ஏதாவது கதைக்க முற்படுவேன். அவர் அடிக்கடி சலித்துக் கொள்வார், நான் ஒரு போதும் அவரிடம் ஒரு கேள்வியும் கேட்பதில்லை என்று. அவர் சொல்லும் விடயங்கள் சுத்தமாகப் புரியாமல் இருக்கும் போது, நான் என்ன கேள்வியை கேட்பது? அவர் இப்பொழுது இங்கில்லை. இந்தப் பூமியிலேயே இல்லை. இன்று இந்தக் கவிதையை பார்த்த பொழுது அவரின் நினைவு வந்தது.  '....கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது....'  என்ற வரிகளில் அவர் தெரிந்தார். *************    உரையாடலின் அறுவடை (இரா. இராகுலன்) ------------------------- கேட்கும் கேள்விகளிலிருந்தும் அளிக்கும் பதில்களிலிருந்தும் கடைபிடிக்கும் மௌனத்திலிருந்தும் நமக்கிடையேயான தூரத்தை நாம் நிர்ணயித்துக்கொள்கிறோம் தொடர்ந்து எழுப்பும் கேள்விகள் உடைத்து உடைத்து உள் பார்க்கிறது தொடர்ந்து அளிக்கும் பதில்கள் உள் திறந்து திறந்து காண்பிக்கிறது தொடரும் மௌனம் இருவரிடமும் திறவுகோலை அளிக்கிறது பூட்டினால் திறக்கவும் திறந்தால் பூட்டவும் கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது https://akazhonline.com/?p=6797  
    • அவர் சிங்களத்துக்கு பஞ்சு துக்குபவர் இன்னும் அவருக்கு பெல் அடி கேட்கவில்லை போல் உள்ளது 😆
    • இருக்க‌லாம் பெருமாள் அண்ணா ஜெய‌ல‌லிதாவுக்கு க‌ருணாநிதிக்கு கோடி காசு அவ‌ங்க‌ட‌ கால் தூசுக்கு ச‌ம‌ம்..............ஜெய‌ல‌லிதா சொத்து குவிப்பு வ‌ழ‌க்கில் எத்த‌னை ஆயிர‌ம் கோடி  2ஜீ ஊழ‌லில் அக்கா க‌ணிமொழி அடிச்ச‌து எவ‌ள‌வு...............இப்ப‌ இருக்கும் முத‌ல‌மைச்ச‌ருக்கு தேர்த‌லுக்காக‌ 600 கோடி எங்கு இருந்து வ‌ந்த‌து என்ர‌  ம‌ன‌சில் வீர‌ப்ப‌ன் எப்ப‌வும்  என் குல‌சாமி🙏🙏🙏...................................
    • வீரப்பன் இறந்த பின்தான் அதிகஅளவான  இயற்கை வள சுரண்டல்கள் அந்த காடுகளில் நடைபெறுவதாக எங்கோ படித்த நினைவு .
    • பெரிய‌வ‌ரே தேர்த‌ல் ஆனைய‌ம் யாரின் க‌ட்டு பாட்டில் இருக்குது அன்மைக் கால‌மாய் இந்தியா அள‌வில் ந‌ட‌க்கும் ச‌ம்ப‌வ‌ங்க‌ளை காது கொடுத்து கேட்ப‌து இல்லையா பெரிய‌வ‌ரே..............இந்தியாவில் எத்த‌னையோ க‌ட்சியை உடைத்து அவ‌ர்க‌ளின் சின்ன‌த்தை புடுங்கி..............த‌மிழ் நாட்டை விட‌ வ‌ட‌ நாட்டில் வீஜேப்பின் அட்டூழிய‌ம் அதிக‌ம்..............நாம் த‌மிழ‌ர் க‌ட்சி ப‌ற்றி நான் எழுதின‌தில் சிறு பிழையும் இல்லை..............க‌ட்சி தொட‌ங்கின‌ கால‌த்தில் இருந்து க‌ட்சி பெடிய‌ங்க‌ளுட‌ன் அண்ண‌ன் சீமானுட‌ன் ப‌யணிக்கிறேன்...............................................
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.