• advertisement_alt
  • advertisement_alt
  • advertisement_alt
Sign in to follow this  
கிருபன்

சிலைகள் அவமதிப்பு: முதல்வர் எடுத்த இரும்பு முடிவு!

Recommended Posts

சிலைகள் அவமதிப்பு: முதல்வர் எடுத்த இரும்பு முடிவு!

spacer.png

 

தமிழகத்தில் உள்ள அனைத்து அரசியல் தலைவர்களின் சிலைகள் மற்றும் பொதுத் தலைவர்களின் சிலைகளுக்கு இரும்பு கம்பியால் பாதுகாப்பு வளையங்கள் அமைக்க பத்து நாட்கள் கெடு விதித்துள்ளது டிஜிபி அலுவலகம்.

சமீபநாட்களாக தமிழகத்தில் பெரியார், அம்பேத்கர், எம்.ஜி.ஆர் போன்ற அரசியல் கட்சித் தலைவர்கள் சிலையை அவமதித்து சட்டம் ஒழுங்குப் பிரச்சினையை சிலர் தொடர்ந்து செய்து வருகிறார்கள். பெரியாருக்கு காவி சாயம், எம்.ஜி.ஆருக்கு காவித் துண்டு என அணிவிக்கப்பட்டது சர்ச்சைகளையும் ஏற்படுத்தி வருகிறது.

 

இதுபோன்ற அருவருப்பான சம்பவங்கள் நடக்காமல் தடுத்து சட்டம் ஒழுங்கு பிரச்சினையை நிலைநாட்ட முதல்வர் எடப்பாடி பழனிசாமி காவல் துறை அதிகாரிகளிடம் ஆலோசித்திருக்கிறார். அப்போது, சிலைகளுக்கு போலீஸ் பாதுகாப்பு போடப்பட்டிருக்கிறதா என்று கேட்டுள்ளார். கொரோனா காலத்தில் சிலைகளுக்கு போலீஸ் பாதுகாப்பு போடுவது சிரமமாக இருக்கும். அதனால் தமிழகத்தில் பொது இடங்களில் உள்ள சிலைகளுக்கு அரசு செலவில் கூண்டு அமைத்துவிடலாம் என்று ஆலோசனைகளை கூறியுள்ளார்கள் காவல் துறை அதிகாரிகள். இதை முதல்வரும் ஏற்றுக் கொண்டிருக்கிறார்.

இதன் தொடர்ச்சியாக உளவுத் துறை அதிகாரிகள் மூலமாகத் தமிழகம் முழுவதும் அனைத்து மாவட்டங்களிலும் பொது இடங்கள் மற்றும் சொந்த இடங்களில் வைத்துள்ள சிலைகள் பட்டியல்களைச் சேகரித்து டிஜிபி அலுவலகத்துக்கு அனுப்பப்பட்டிருக்கிறது. இதையடுத்து, மூன்று நாட்களுக்கு முன்பு டிஜிபி அலுவலகத்திலிருந்து, அனைத்து மாவட்ட, மாநகராட்சி காவல்துறை அதிகாரிகளுக்கு அவசர சுற்றறிக்கை வந்துள்ளது. அதில், ‘தங்கள் மாவட்டம், மாநகரில் உள்ள அனைத்து சிலைகளுக்கும் இரும்புக் கம்பியால் பத்து நாட்களுக்குள் கூண்டுகள் அமைக்க வேண்டு. பத்து நாட்களுக்குள் இதை முடிக்க வேண்டும்” என அறிவுறுத்தப்பட்டுள்ளது.

இதையடுத்து தற்போது ஒவ்வொரு காவல் நிலைய இன்ஸ்பெக்டரும், அவரவர் எல்லைக்குட்பட்ட பகுதியில் உள்ள சிலைகளுக்கு இரும்பு கம்பியால் சிறையமைக்க அளவு எடுத்து வருகிறார்கள்.

 

https://minnambalam.com/politics/2020/07/30/11/statues-tamilnadu-will-got-security-edapadi-palanisamy-police

Share this post


Link to post
Share on other sites
22 minutes ago, கிருபன் said:

தமிழகத்தில் பொது இடங்களில் உள்ள சிலைகளுக்கு அரசு செலவில் கூண்டு அமைத்துவிடலாம் என்று ஆலோசனைகளை கூறியுள்ளார்கள் காவல் துறை அதிகாரிகள். இதை முதல்வரும் ஏற்றுக் கொண்டிருக்கிறார்.

அட ச்சே.. வேலை மினக்கெட்டு இன்னடா கைபுள்ளக்கு வீரம் வந்துடுச்சு .. அதென்ன இரும்பு முடிவு..? படிச்சு வந்தன் பாரு ..

IMG-20200730-124127.jpg

 

Share this post


Link to post
Share on other sites
16 minutes ago, புரட்சிகர தமிழ்தேசியன் said:

அட ச்சே.. வேலை மினக்கெட்டு இன்னடா கைபுள்ளக்கு வீரம் வந்துடுச்சு .. அதென்ன இரும்பு முடிவு..? படிச்சு வந்தன் பாரு ..

IMG-20200730-124127.jpg

 

எனக்கென்னவோ பழைய படம் ஒன்றில் என்.எஸ்.கே வீட்டுக்கு  ஓடு  மாத்தப் போவார், அதுக்கு முன் அவரது நண்பர் அந்த வீட்டு ஓட்டை  கல்லால் எறிந்து உடைத்து வைப்பார். அதுதான் நினைவுக்கு வருது.....!   😎

இரும்பு கம்பி கான்ராக்ட்டில் எவ்வளவு பணம் புழங்கும்.....!   

Share this post


Link to post
Share on other sites

தலைவர்கள் சிலைகளுக்கு இரும்பு கூண்டு அமைப்பதில் சிக்கல்!

spacer.png

 

தமிழகத்தில் உள்ள தலைவர்கள் சிலைகளுக்குப் பாதுகாப்பு கூண்டுகள் அமைப்பதற்குச் சிக்கல் ஏற்பட்டுள்ளதாகத் தகவல்கள் தெரிவிக்கின்றன.

பெரியார், அம்பேத்கர், அண்ணா, காமராஜர், எம்.ஜி.ஆர், பசும்பொன் முத்துராமலிங்கம், திருவள்ளுவர், விவேகானந்தர், மூப்பனார், கலைஞர் போன்ற தலைவர்களின் சிலைகள், அரசு அனுமதி பெற்றும், அனுமதியில்லாமலும், குக்கிராமங்கள் முதல் மாநகராட்சிகள் வரையில் சொந்த இடங்களிலும், அரசு இடங்களிலும் அமைக்கப்பட்டுள்ளது.

இந்நிலையில், ஒருசிலர் சிலையை வைத்து அரசியல் செய்து வருகிறார்கள். பெரியார் சிலையைச் சேதம் செய்வது, செருப்பு மாலை அணிவிப்பது, எம்.ஜி.ஆர் சிலைக்குக் காவி துணியை அணிவிப்பது போன்ற அநாகரிகமான செயல்களில் ஈடுபட்டு வருகின்றனர்.

 

சட்டம் ஒழுங்கு பிரச்சினையை உருவாக்கும் நோக்கத்தில் சிலர் இவ்வாறு செயல்படுவதால், சிலைகள் அவமதிக்கப்படுவதைத் தவிர்க்க போலீசார் பாதுகாப்புப் பணியில் ஈடுபட்டு வருகின்றனர்.

தமிழகத்தில் மொத்தம் 5,810 சிலைகள் உள்ளது. அதில் 1,915 சிலைகளுக்கு மட்டுமே போலீஸ் பாதுகாப்பு கொடுக்கப்பட்டு வருகிறது. இப்படி சிலைகளுக்கு போலீஸ் பாதுகாப்பு கொடுப்பதால் காவல்துறையினருக்கு மற்ற பணிகள் பாதிக்கப்படுகிறது. போலீஸ் பற்றாக்குறையால், முதல்வர் ஆலோசனைபடி சிலைகளுக்கு அரசு செலவில் இரும்பு கம்பியால் கூண்டுகள் அமைக்கலாம் என்று காவல்துறையினர் முடிவு செய்தனர். இதுகுறித்து மின்னம்பலத்தில், சிலைகள் அவமதிப்பு: முதல்வர் எடுத்த இரும்பு முடிவு! என்ற தலைப்பில் செய்தி வெளியிட்டிருந்தோம்.

முதல்வர் முடிவை அமல்படுத்தி, சிலைகளுக்கு இரும்பு பாதுகாப்பு கூண்டுகள் அமைக்க அளவெடுத்து வருவதை பார்த்த சில கட்சியினர், கடுமையான எதிர்ப்புகள் தெரிவித்து வருகிறார்கள். குறிப்பாக விடுதலை சிறுத்தைகள் கட்சியினரும், முக்குலத்தோர் சமூகத்தினரும் எதிர்ப்பு தெரிவித்துள்ளனர். இதனால் தற்போது கூண்டுகள் அமைக்கும் பணிகள் நிறுத்தி வைக்கப்பட்டுள்ளதாக காவல்துறை வட்டாரங்கள் தெரிவிக்கின்றன.

 

https://minnambalam.com/public/2020/08/03/37/Problem-in-setting-up-security-cage-for-statues-of-leaders

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this