Jump to content
  • advertisement_alt
  • advertisement_alt
  • advertisement_alt

கொரோனா வைரஸ்: வீட்டில் இருந்து பணியாற்றுவதை பலர் விரும்ப என்ன காரணம் ?


Recommended Posts

  • கருத்துக்கள உறவுகள்

கொரோனா வைரஸ்: வீட்டில் இருந்து பணியாற்றுவதை பலர் விரும்ப என்ன காரணம் ?

  • சாம் பிரோஃபிட் 
  • பிபிசி செய்தியாளர்
கொரோனா வைரஸ்:வீட்டில் இருந்து பணியாற்றுவதை பலர் விரும்ப என்ன காரணம் ?

Getty Images

உலகின் பல நாடுகளில் மார்ச் மாதம் கொரோனா ஊரடங்கு தொடங்கியபோது, பலர் தங்களுக்கு தேவையான தொழில்நுட்ப உபகரணங்களை அலுவலகத்தில் இருந்து எடுத்துக்கொண்டு தங்கள் வீட்டில் இருந்தே அலுவலக பணியை மேற்கொள்ள தொடங்கினர். 

படுக்கை அறை, சமையல் அறை சாப்பாடு மேஜை போன்றவற்றிற்கு நடுவில் அமர்ந்தபடி மில்லியன் கணக்கான மக்கள் தங்கள் அலுவலக பணியை புதிய வழியில் மேற்கொண்டு வருகின்றனர். 

ஜோன் வில்லியம்ஸ்

ஆனால் தற்போது உலகின் பல பகுதிகளில் ஊரடங்கு தளர்த்தப்பட்டு, ஊழியர்கள் தங்கள் அலுவலகங்களுக்கு திரும்பி சென்று பணியை மேற்கொள்ளலாம் என அறிவிப்புகள் வெளிவருகின்றன. ஆனால் உண்மையில் எத்தனை பேர் மீண்டும் அலுவலகம் சென்று பணியை தொடர தயாராக உள்ளனர்?

சமீபத்தில் எஸ்கென்சி நிறுவனம் நடத்திய ஆய்வில், பிரிட்டனில் வசிக்கும் 91% மக்கள் வீட்டில் இருந்து அலுவலகப் பணியை மேற்கொள்ள விரும்புகின்றனர் என்பது தெரியவந்தது. குறிப்பிட்ட நேரம் மட்டும் அலுவலகம் சென்றுவிட்டு, மற்ற நேரங்களில் வீட்டில் இருந்தே பணியாற்ற விரும்புவதாக பலரும் தெரிவித்துள்ளனர்.

ஏன் அலுவலக ஊழியர்கள் வீட்டில் இருந்து பணியாற்ற விரும்புகின்றனர்?

 

'ஊதிய உயர்வு பெற்றது போல உணர்கிறேன்'

 

ஜோன் வில்லியம்ஸ் என்ற 43 வயதுடைய மென்பொருள் மேம்பாட்டாளர், ''வீட்டில் இருந்து பணியாற்றுவதால் நிறைய பணம் சேமிக்க முடிந்தது. அலுவலக பணி தவிர வேறு பல பொழுதுபோக்குகளில் கவனம் செலுத்த நேரம் கிடைத்தது'' என்கிறார்.

நீராலி அமின்

''ஊரடங்கிற்கு முன்பு எனது வாகனத்திற்கான இரண்டு வார பெட்ரோல் செலவு மட்டும் 65 பவுண்டுகளாக இருந்தன. ஆனால் தற்போது பயணத்தில் செலவிடப்படும் நேரமும் மிச்சமானது, மார்ச் மாதம் முதல் காரில் பெட்ரோலை நிரப்பவே இல்லை'' என்கிறார் ஜோன் வில்லியம்ஸ். 

''உணவு விடுதிகளில் சென்று நான் செலவு செய்யும் பணமும் தற்போது மிச்சமாகியுள்ளது. புதிதாக ஊதிய உயர்வு எதுவும் இல்லாமலே, தற்போது நிறைய பணம் சேமிக்க முடிந்தது. இதுவரை 1600 பவுண்டுகள் சேமித்துள்ளேன். வாயுப்பு கிடைத்தால், பாதுகாப்பான நேரத்தில் சுற்றுலா பயணம் செல்ல திட்டமிட்டுள்ளேன்.'' என்கிறார்.

தற்போது ஊரடங்கு தளர்த்தப்பட்டு வரும் நேரத்திலும், ஜோன் தனது அலுவலகப் பணியை வீட்டிலிருந்தே மேற்கொள்ள அவர் பணிபுரியும் நிறுவனம் ஒப்புதல் அளித்துள்ளது. அனைத்து அலுவலகப் பணிகளும் இடையூரில்லாமல் சரியாக மேற்கொள்ளப்படுவதால், ஊழியர்களை மீண்டும் அலுவலகம் வரவழைக்கும் யோசனை தற்போது இல்லை என ஜோன் பணிபுரியும் நிறுவனம் தெரிவித்துள்ளது. 

 

''குடும்பத்தினருடன் நேரம் செலவழிக்க வாய்ப்புகிடைத்துள்ளது''

 

வாட்ஃபோர்டில் கணக்கராக பணிபுரிந்து வந்த நீராலி அமின், வீட்டில் இருந்து அலுவலக பணி மேற்கொள்வதால் தனது மகன்களுடன் நிறைய நேரம் செலவிட முடிகிறது என்கிறார். 
 

வீட்டில் இருந்தே அலுவலக பணியாற்றிக்கொண்டு, குழந்தைகளையும் கவனித்துக்கொள்வது மகிழ்ச்சி அளிக்கிறது என 39 வயதுடைய நிராலி கூறுகிறார். கணவன் மனைவி இருவரும் அலுவலகம் செல்வதால், தங்கள் குழந்தைகளுடன் நேரம் செலவழிக்க முடியாத சூழல் நிலவியது என்கிறார். 

''வீட்டில் பணியாற்றத் தொடங்கிய முதல் இரண்டு வாரம் சற்று கடினமாக இருந்தது, குழந்தைகள் உணவு உண்ணும் மேஜையில் அமர்ந்து படிக்க தொடங்கினர். எனவே போதிய இடம் இல்லாதது போல் உணர்ந்தேன்'' என்கிறார்.

கொரோனா ஊரடங்கிற்கு முன்பு இருந்ததை விட தற்போது தனக்கும் தான் குழந்தைகளுக்குமான உறவில் நெருக்கம் அதிகரித்துள்ளது என நிராலி கூறுகிறார். அவர்களின் தேவை என்ன என்பதை எல்லாம் தெரிந்துகொள்ள இதுவே சரியான நேரம் என்றும் நிராலி குறிப்பிடுகிறார். 

நிராலியின் கணவர் துஷர் படேலும் இந்த கருத்தை ஏற்றுக்கொள்கிறார். ''குடும்பமாக இணைந்து நேரம் செலவிட முடியாத நிலை இருந்தது, ஆனால் தற்போது குழந்தைகளுடன் விளையாடவும் அவர்களுக்கு பாடம் சொல்லிக்கொடுக்கவும் நேரம் கிடைத்துள்ளது என துஷர் கூறுகிறார்''. 

பல பெற்றோர்களை போல நிராலி மற்றும் துஷர் இருவருமே வீட்டில் இருந்து பணிபுரிகின்றனர். ஆனால் லண்டனில் ஊரடங்கு தளர்த்தப்பட்டு வருவதால், விரைவில் இவர்கள் அலுவலகம் திரும்ப வேண்டிய நிலை ஏற்படலாம். 

 

''எனது மனநிலையில் நல்ல முன்னேற்றம் ஏற்பட்டுள்ளது''

 

வீட்டில் இருந்து அலுவலகப் பணி மேற்கொள்ளும் சாரா தனது மனநிலையில் நல்ல முன்னேற்றம் இருப்பதாக கூறுகிறார்.

''எனது மனநிலையில் நல்ல முன்னேற்றம் ஏற்பட்டுள்ளது''


 

30 வயதுடைய சாரா அனிமேஷன் துறையில் பணிபுரிகிறார். அலுவலகத்தில் தான் பணியாற்றும்போது அவரை சுற்றி பலர் இருப்பதால், தனது கவனம் திசை திரும்பும் என்கிறார். ஆனால் தற்போது வீட்டில் இருந்து பணியாற்றுவதால் தனது வேலையில் நல்ல கவனம் செலுத்த முடிகிறது என்கிறார்.

அலுவலக பணியின்போது ஏற்படும் மன அழுத்தம் தற்போது இல்லவே இல்லை என்கிறார் சாரா. மேலும் அலுவலகத்தில் நாள் முழுவதும் பதற்றத்துடன் வேலை பார்க்க வேண்டிய நிலை இருக்கும். ஆனால் வீட்டில் அமைதியான சூழலில் பணியாற்றுவதால், குறிப்பிட்ட நேரத்திற்கு முன்பே பணியை முடிக்க முடிகிறது என்கிறார். மேலும் தனக்காக நேரம் செலவழிக்க முடிகிறது என்றும் அவர் கூறுகிறார். 

''அலுவலகத்தில் பணியாற்றும்போது எனது அனிமேஷனில் கவனம் செலுத்த முடியாத நிலை ஏற்பட்டாலும் நான் என்னை வற்புறுத்திக்கொண்டு எனது பணியை முடிப்பேன். ஆனால் வீட்டில் அந்த நிலை இல்லை, அனிமேஷனில் கவனம் செலுத்த முடியவில்லை என்றால் எனது கணவருடன் உரையாடுவேன், பூனையுடன் விளையாடுவேன், 10 நிமிடம் என்னை நானே திசை திருப்பி ஆசுவாசபடுத்திக்கொள்ள முடியும். பிறகு என் பணியை மீண்டும் தொடங்கும்போது முழுமையாக அதில் கவனம் செலுத்த முடிகிறது''. 

மேலும் ரயில் மூலம் அலுவலகம் செல்ல தான் செலவிட்டு வந்த 450 பவுன்களை மிச்சப்படுத்தியதால், தனக்கு இருந்த பொருளாதார நெருக்கடியும் தற்போது குறைந்துள்ளது என்கிறார் சாரா. 

தான் பணிபுரியும் அலுவலகத்தில், ஊழியர்கள் வீட்டில் இருந்து பணியாற்றுவதை விரும்பினால் அதையே தொடரலாம் என தன் அலுவலக மேலாளர் கூறியுள்ளதாக சாரா மகிழ்ச்சியுடன் தெரிவிக்கிறார். வீட்டில் இருந்து பணியாற்ற முழு சுதந்திரம் இருப்பதால், சாரா தனது கணவருடன் வேறு இடத்திற்கு குடிபெயர்ந்து தங்கள் அலுவலக பணியை தொடரவும் முயற்சித்து வருகின்றனர். 

 

''எனது வாடிக்கையாளர்கள் எனக்கு அளிக்கும் முக்கியத்துவத்தை தெரிந்துக்கொண்டேன்'' 

 

ஏரோபிக்ஸ் பயிற்சியாளரான லாரா, இரண்டு தாசாப்தங்களாக தனியார் நிறுவனம் ஒன்றில் பயிச்சியாளராக பணியாற்றி வந்தார். ஆனால் தற்போது உடற்பயிற்சி கூடங்கள் மூடியுள்ளதால், அவரது வாடிக்கையாளர்கள் ஆன்லைன் வகுப்புகள் மூலம் தன்னிடம் இருந்து ஆலோசனை பெறுவதாக லாரா கூறுகிறார். மேலும் வாடிக்கையாளர்கள் இவருக்கு அளிக்கும் முக்கியத்துத்தை புரிந்துக்கொண்டதால், மீண்டும் தான் பணிபுரிந்த இடத்திற்கு செல்ல விரும்பவில்லை என லாரா கூறுகிறார். 

தான் பணிபுரிந்து வந்த உடற்பயிற்சி கூடம் 20 ஆண்டுகளாக ஊதிய உயர்வே வழங்கவில்லை என லாரா கவலை தெரிவிக்கிறார். 

''தற்போது ஆன்லைன் வகுப்புகள் மேற்கொள்வதன் மூலம் போதிய வருமானம் ஈட்ட முடிகிறது. எனவே இன்னும் இரண்டு வாரங்களில் வலைத்தள பக்கம் தொடங்கவுள்ளேன். ஆன்லைன் வகுப்புகளை விரிவுபடுத்தவும் முயற்சி மேற்கொள்கிறேன்'' என சாரா நம்பிக்கை தெரிவித்தார்.

https://www.bbc.com/tamil/global-53657845

 

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • 😂 முரளிதரனாக படத்தில் நடிக்க போகிறார் என்பதிற்காக அவரை தெலுங்கன் என்றார்கள் இந்த படத்தில் அவர் நடிக்காவிட்டால் தெலுங்கன் என்பார்கள் தேசத்தின் தூண்கள்.
    • அரசுப்பள்ளி மாணவர்களுக்கு 7.5 விழுக்காடு இடஒதுக்கீடு வழங்கும் சட்டத்திற்கு ஆளுநர் உடனடியாக ஒப்புதல் அளிக்க வேண்டும் – சீமான் வலியுறுத்தல்   அரசுப்பள்ளி மாணவர்களுக்கு 7.5 விழுக்காடு இடஒதுக்கீடு வழங்கும் சட்டத்திற்கு ஆளுநர் உடனடியாக ஒப்புதல் அளிக்க வேண்டும் – சீமான் வலியுறுத்தல் மருத்துவ மாணவர் சேர்க்கையில் அரசுப்பள்ளி மாணவர்களுக்கு 7.5 விழுக்காடு இடஒதுக்கீடு வழங்கும் சட்டத்திற்கு ஆளுநர் பன்வாரிலால் புரோகித் ஒப்புதல் அளிக்காது காலந்தாழ்த்தி வருவது வன்மையான கண்டனத்திற்குரியது. மக்களால் தேர்வுசெய்யப்பட்ட ஒரு அமைச்சரவையின் முடிவை மக்களால் தேர்வுசெய்யப்படாது நியமனப்பதவி மூலம் அதிகாரம் பெற்றிருக்கும் ஆளுநர் தடுத்து முடக்குவது மக்களாட்சித் தத்துவத்தின் மகத்துவத்தையே தகர்க்கும் கொடுஞ்செயலாகும். நீட் தேர்வு நடைமுறைக்கு வந்த பிறகு, அரசுப்பள்ளி மாணவர்கள் மருத்துவம் பயிலத் தகுதி பெறுவது முற்றாக அற்றுப்போய்விட்டது மட்டுமின்றி, ஒவ்வொராண்டும் நீட் தேர்வினால் மனமுடைந்து தற்கொலை செய்துகொள்கிற மாணவச்செல்வங்களின் எண்ணிக்கையும் அதிகரித்து வருகிறது. இந்நிலையில், தமிழக மக்கள் அளித்த உணர்வு நெருக்கடியின் விளைவாக, அரசுப்பள்ளி மாணவர்களுக்கு 7.5 விழுக்காடு இடஒதுக்கீடு வழங்கக்கோரி தமிழகச் சட்டமன்றத்தில் தீர்மானம் இயற்றப்பட்டும் அதனை அங்கீகரிக்காது கள்ள மௌனம் சாதித்திடும் ஆளுநரின் எதேச்சதிகாரப்போக்கு மிகப்பெரும் சனநாயகப்படுகொலையாகும். ஏற்கனவே, ஏழு தமிழர் விடுதலை குறித்தான மாநில அரசின் முடிவிற்கு மாறாக, மௌனம் காத்து விடுதலைக்கோப்பில் கையெழுத்திட மறுத்து வரும் ஆளுநர், தற்போது மருத்துவ மாணவர் இடஒதுக்கீட்டிலும் காலதாமதம் செய்வதென்பது தமிழக மக்களின் உள்ளத்து உணர்வுகளை உரசிப் பார்ப்பதாக உள்ளது. கடந்த அக்டோபர் 5ஆம் தேதி தமிழக முதல்வரும், 20ஆம் தேதி 5 தமிழக அமைச்சர்களும் ஆளுநர் பன்வாரிலால் புரோகித்தை நேரில் சந்தித்து வலியுறுத்திய பிறகும்கூட, அதனைத் துளியும் மதியாது அலட்சியப்போக்குடன் காலம் தாழ்த்துவது எட்டுகோடி மக்களால் தேர்ந்தெடுக்கப்பட்ட ஓர் அரசாங்கத்தையே அவமதிக்கின்ற படுபாதகச்செயலாகும். இது மாநிலத்தன்னாட்சி மீதும், தமிழகத்தின் இறையாண்மையின் மீதும் மத்திய அரசு தொடுக்கும் மறைமுகப்போராகும். சமூக நீதியின் அரணாக விளங்கும் இட ஒதுக்கீட்டை எப்படியாவது ஒழித்துவிட வேண்டும் எனும் நோக்கத்தில் செயல்பட்டு வரும் மத்தியில் ஆளும் பாஜக அரசு, அதற்காகவே முற்பட்ட வகுப்பினருக்கு 10 விழுக்காடு இடஒதுக்கீட்டை அமல்படுத்தியது. மருத்துவ மேற்படிப்புகளுக்கான அகில இந்திய ஒதுக்கீட்டு இடங்களில் இதர பிற்படுத்தப்பட்ட வகுப்பினருக்கு இவ்வாண்டு இடங்களை ஒதுக்க மறுத்த மத்திய அரசு, வங்கிப் பணியாளர் தேர்வில், இதர பிற்படுத்தப்பட்டோர் , எஸ்.சி., மற்றும் எஸ்.டி., பிரிவினருக்கான இட ஒதுக்கீட்டிலிருந்து இடங்களை எடுத்து, முற்பட்ட பிரிவினருக்கு 10 விழுக்காடு இட ஒதுக்கீடு வழங்கி மிகப்பெரும் சமூக அநீதியை நிகழ்த்தியிருக்கிறது. இதுமட்டுமல்லாது, ஐ.ஐ.டி, ஐ.ஐ.எம் உள்ளிட்ட உயர் கல்வி நிறுவனங்களில் இடஒதுக்கீட்டுப் பிரிவில் போதிய மாணவர் சேர்க்கை இல்லை எனக் கூறி, நிரப்பபடாத அந்த இடங்களை முற்பட்ட பிரிவினரைக் கொண்டு நிரப்பி, சமூகநீதியைக் குழிதோண்டிப் புதைக்கும் வேலையை வீரியமாகச் செய்து வருகிறது. அதன் நீட்சியாகவே, தற்போது அரசுப்பள்ளி மாணவர்களுக்கான தமிழக அரசின் இடஒதுக்கீடு சட்டத்திற்கு ஒப்புதல் அளிக்க ஆளுநர் மூலம் மத்திய அரசு தடையை ஏற்படுத்தியிருக்கிறது. நீட் தேர்வு முடிவுகள் வெளிவந்து மற்ற மாநிலங்களில் மருத்துவப் படிப்பிற்கான மாணவர் சேர்க்கை நடைபெறத் தொடங்கியுள்ள நிலையில், தமிழகத்தில் இன்னும் மருத்துவக் கலந்தாய்வே நடைபெறாதது தமிழக மாணவர்கள் மற்றும் பெற்றோர்களிடையே கடும் மனஉளைச்சலையும், பெருங்குழப்பத்தையும் ஏற்படுத்தியிருக்கிறது. எனவே, தமிழக மாணவர்களின் எதிர்கால நலனைக் கருத்தில்கொண்டு, அரசுப்பள்ளி மாணவர்களுக்கான இட ஒதுக்கீட்டுக்கு இனியும் காலம் தாழ்த்தாது உடனடியாக ஒப்புதல் அளிக்க வேண்டும் எனத் தமிழக ஆளுநரை நாம் தமிழர் கட்சி சார்பாக வலியுறுத்துகிறேன். செந்தமிழன் சீமான் தலைமை ஒருங்கிணைப்பாளர் நாம் தமிழர் கட்சி https://www.naamtamilar.org/tn-governor-should-immediately-approve-7-5-reservation-for-government-school-students/  
    • ஸுப்ஹான மௌலித் - அஸ்ஸலாமு அலைக்க  
×
×
  • Create New...

Important Information

By using this site, you agree to our Terms of Use.