Jump to content
  • advertisement_alt
  • advertisement_alt
  • advertisement_alt

பெண் நுளம்புகளுக்கு துரோகத்தனம் செய்யப்போகும் ஆண் நுளம்புகள்.


Recommended Posts

  • கருத்துக்கள உறவுகள்

துரோகத்தனம் செய்யப்போகும் ஆண் நுளம்புகள்.

The History of Humanity's Bloody War Against the Mosquito | WIRED

இலங்கையில் நுளம்பு, தமிழகத்தில் கொசு.

நித்திரையினை பறித்து, ரத்தத்தினை குடித்து, நோயினை தந்து போகும் ஒரு சிறு இயறகை  கொடுத்த உயிர்.

இந்த சிறிய உயிரினத்தினால், மலேரியா, டெங்கு, சிக்கின்குனியா, ஜிக்கா, மஞ்சள் காச்சல்  ஆகிய உயிர் பறிக்கும் நோய்கள் பரவுகின்றன. பல உயிர்களை காவு வாங்குகின்றன. பொருளாதார இழப்புகளும் கூடுதல் ஆக உள்ளன.

இப்போது ஒரு புதிய தந்திரம் ஒன்றினை பிரிட்டிஷ் மருந்து  மருந்து நிறுவனம் ஒன்று கண்டு பிடித்துள்ளது.

ஜெனெடிக்கலி மோடிஃபைட் என்றால்,  மரபணு மாற்றப்பட்ட என்று அர்த்தம்.

சில நுளம்புகளை ஆய்வு கூடத்தில் வளர்த்து, அவைகளின்  மரபணு மாற்றி, அதனை பெருக்கி, இன்று 750 மில்லியன் நுளம்புகளை சூழலில் விட, அமேரிக்க, புளோரிடா மாநிலத்தில் அனுமதியினை பெற்றுக்  கொண்டுள்ளது. 2021ல் இதனை நடைமுறைப்படுத்த அமெரிக்க மத்திய சூழலியல் துறையின் அனுமதியினை பெற்றுக்  கொண்டுள்ளது.

இந்த துரோக நுளம்புகள், சூழலில் உள்ள, நோய் பரப்பும், சாதாரண நுளம்புகளுடன் கலந்து, காதல் செய்து, நோயே பரப்பாத புதிய நுளம்புக் கூட்டத்தினை உருவாக்கும் என்று எதிர்பார்க்கின்றனர்.

மனிதனின் இந்த, மெகா திருட்டு மூளைக்கு இணையேது.

ஆனாலும், சூழலியல்காரர்கள், இது இயறகைக்கு மாறானது. வேறு பல பக்க விளைவுகளை உருவாக்கும் என்று எதிர்க்கின்றனர்.

ஜுராசிக் பார்க் போன்ற ஒரு நிகழ்வினை நியமாக்கும் என்று சொல்கின்றனர் அவர்கள்.

எதிர்காலத்தில், எவ்வித பூச்சி  நாசினி மருந்துக்கும் அடங்காத, மனிதனால் வெல்ல முடியாத ஒரு புதிய நுளம்பு வகைகளை உருவாக்குவதில் முடியும் என்று சொல்கின்றனர். அவை வேறு புதிய வகை நோய்களை காவக்  கூடும் என்கிறார்கள்.

பெண் நுளம்புகளே மனிதர்களை கடிக்கின்றன. மனித ரத்தத்தில் உள்ள புரதமே, அவர்களது முட்டை உருவாக்கத்துக்கு தேவையாக இருக்கின்றன. அவ்வாறு ரத்தம் குடிக்கும் போது, நன்றியுடன், எதையாவது திருப்பி கொடுக்கவேண்டுமே என்று, நோய் கிருமிகளை தந்து போகும், பெரு மனம் கொண்டவையாக உள்ளன அவை.

OX5034 என்ற பெயரில் உருவாகும் இந்த ஆண் மன்மத நுளம்புகள் சூழலில் உள்ள, பெண் நுளம்புகளை கவர்ந்து, அதனால் உருவாகும் முட்டைகளில் இருந்து வரும் பெண் நுளம்புகள், முட்டையிடும் பிராயத்துக்கு வருமுன்னரே, அவர்களது, அப்பாக்களின், துரோக புரத்தினால், மாண்டு விடும். ஆண் நுளம்புகள் தப்பும்.

இறுதியில், வம்சமே வளர முடியாதவாறு, பெண் நுளம்புகள் இல்லாமல் இந்த நுளம்பினம் அழியும், நோய்களும் இல்லாமல் போகும் என்கிறார்கள்.

 கடந்த ஆகஸ்ட் 18ம் திகதி செவ்வாய் அன்று, புளோரிடா மாநில நுளம்பு கட்டுப்பாட்டு ஆணையகமும் தமது அங்கீகாரத்தினை வழங்கி உள்ளனர்.

பூவுலகின் நண்பர்கள் என்னும் அமைப்பானது, மனிதரால், இயந்திர மயமாக்கப்படட ஒரு, உயிரினம், புளோரிடா மக்கள் மத்தியில் விதைக்கப்படப்போகின்றது. இது இயறகைக்கு மாறானது என்கிறது.

240,000 மக்கள் இந்த திட்டத்தினை எதிர்த்து, change.org  இணையத்தளத்தில் பதிவு செய்துள்ளார்கள்.

oxtec என்னும் இந்த பிரித்தானிய நிறுவனமோ, தாம் வெற்றிகரமாக இந்த வகை நுளம்புகளை ஒரு பில்லியன் அளவில், சூழலில் ஏற்கனவே விட்டு விட்டதாகவும், அதனால் சமூகத்துக்கு நன்மையே நடந்துள்ளதாகவும், பிரேசில் நாட்டில் தமது நடவடிக்கைகளை உதாரணமாக காட்டுகின்றனர்.

அதேவேளை, ஏரிகள், குளங்கள், குடடைகள், நீர்நிலைகள் நிறைந்த, புளோரிடா மாநிலத்தில், நுளம்பினால் பெரும் நோய் தொல்லைகளும், பொருளாதார செலவுகளும் உண்டாவதால், இந்த திட்டத்துக்கு அனுமதி வழக்கப்படுள்ளது.

புளோரிடா மாநிலத்தினை, தொடர்ந்து, டெக்சாஸ் மாநிலத்திலும் தமக்கு அனுமதி கிடைத்துள்ளதாக நிறுவனம் சொல்கின்றது.

நிறுவனத்தின் வருமானம், ஆபிரிக்கா, ஆசியா போன்ற கண்டங்களிலுள்ள நாடுகளிலேயே கிடைக்கும்.

இவர்களது ஆய்வுக்கு முக்கியகாரணம், மலேரியாவை ஒழிக்க, இரு உலக பெரும் பணக்கார்கள் பொருளாதாரவு கொடுப்பது தான்.

ஒருவர் பில் கேட்ஸ், அடுத்தவர் வாரன் பபேய்    

For Yarl, By Nathamuni.

Source: BBC.co.uk

Edited by Nathamuni
Link to post
Share on other sites
  • கருத்துக்கள உறவுகள்

கவர்ச்சியான தலையங்கம்😄  இதனால் வேறு நோய் நொடி கள்   வராமலிருந்தால் சரி . இயற்கையை குழப்புவது நன்மையளிக்காது .

Link to post
Share on other sites
  • கருத்துக்கள உறவுகள்

நாதம் இடைக்கிட இப்படி பிரயோசனமான வேலைகளும் செய்கிறீர்கள்.பதிவுக்கு நன்றி.

Link to post
Share on other sites
  • கருத்துக்கள உறவுகள்
9 hours ago, Nathamuni said:

OX5034 என்ற பெயரில் உருவாகும் இந்த ஆண் மன்மத நுளம்புகள் சூழலில் உள்ள, பெண் நுளம்புகளை கவர்ந்து, அதனால் உருவாகும் முட்டைகளில் இருந்து வரும் பெண் நுளம்புகள், முட்டையிடும் பிராயத்துக்கு வருமுன்னரே, அவர்களது, அப்பாக்களின், துரோக புரத்தினால், மாண்டு விடும். ஆண் நுளம்புகள் தப்பும்.

இறுதியில், வம்சமே வளர முடியாதவாறு, பெண் நுளம்புகள் இல்லாமல் இந்த நுளம்பினம் அழியும், நோய்களும் இல்லாமல் போகும் என்கிறார்கள்.

மனிச இனமே வம்சவிருத்தியில்லாமல் அழியப்போகுது......இதுக்கை நுளம்பு வேறை.😎

கழிவுநீர் கால்வாய்களையும்,மலசலகூடங்களையும் ஒழுங்காக கட்டியமைத்தாலே பாதி நோய்கள் வர வாய்ப்பில்லை ராஜா...😁

Link to post
Share on other sites
  • கருத்துக்கள உறவுகள்
21 minutes ago, குமாரசாமி said:

மனிச இனமே வம்சவிருத்தியில்லாமல் அழியப்போகுது......இதுக்கை நுளம்பு வேறை.😎

விசயம் என்னெண்டா, இயற்கையாக உள்ள ஆண் நுளம்புகள்.....

அவயள்... மூலமா வாற முட்டையள்....

அந்த பாரின் ரிட்டேன் மன்மதராசா வேணாம் கண்ணு..... நம்பாத கண்ணு...லோக்கல் மாமா இருக்கிறேன்ல....

பிரச்சணை அவ்வளவு சிம்பிள் இல்லை கண்டியளே.... 😎

Link to post
Share on other sites
  • கருத்துக்கள உறவுகள்
9 hours ago, நிலாமதி said:

கவர்ச்சியான தலையங்கம்😄  இதனால் வேறு நோய் நொடி கள்   வராமலிருந்தால் சரி . இயற்கையை குழப்புவது நன்மையளிக்காது .

நிலாமதி அக்கா....  இந்தத் தலையங்கத்துக்காகவே முழுக் கட்டுரையையும் வாசித்தேன். 😁

நன்றி, நாதம்ஸ். 🙃

Link to post
Share on other sites
  • கருத்துக்கள உறவுகள்

அட மூடமதிகொண்ட விஞ்ஞானிகளே! இந்தப் புதிய நுளம்புகள் மனிசரைக் கடிக்காது என்பதற்கு என்ன உத்தரவாதம்....? எங்கள் வனிதாமணிகளையும் கடித்துவிட்டால்.... வம்சவிருத்தி என்னாவது...?? எந்த மரத்தைச் சுற்றி விரதம் இருந்தாலும் பலன் கிடைக்காதே....!!😵

Link to post
Share on other sites
  • கருத்துக்கள உறவுகள்
Posted (edited)
4 hours ago, Paanch said:

அட மூடமதிகொண்ட விஞ்ஞானிகளே! இந்தப் புதிய நுளம்புகள் மனிசரைக் கடிக்காது என்பதற்கு என்ன உத்தரவாதம்....? எங்கள் வனிதாமணிகளையும் கடித்துவிட்டால்.... வம்சவிருத்தி என்னாவது...?? எந்த மரத்தைச் சுற்றி விரதம் இருந்தாலும் பலன் கிடைக்காதே....!!😵

பாஞ்சர், வடிவா வாசீக்கேல்லை போல கிடக்குது.

ஆம்பிள நுளம்புகள் ஊசி போடுவதில்லை. அவையளக்கு மனித சாதி.... ஒத்துவராது. கண்ணிலை காட்டப்படாது.... சாதித்தடிப்பு எண்டு சொல்லுங்கோவன்.

புதிய நுளம்புகள், ஒன்லி ஆம்பிளயள் கண்டியளே.

பொம்பிளயள் தான் ஊசி போடுறவயள்.

அவயள் ஊசியடிக்கிற வயசுக்கு வர முன்னம், சாக வைக்கிற வேலை தான் இப்ப நடக்கப்போகுது. 😎

 

Edited by Nathamuni
  • Like 1
Link to post
Share on other sites
  • கருத்துக்கள உறவுகள்
1 hour ago, Nathamuni said:

பாஞ்சர், வடிவா வாசீக்கேல்லை போல கிடக்குது.

ஆம்பிளயள் நுளம்புகள் ஊசி போடுவதில்லை. 

சோப்பு பவுடர் எல்லாம் முடிஞ்சுது முனிவரே வாங்க மறந்துவிட்டேன் அதுதான்.......

நுளம்பிலும் ஆம்பிளை நுளம்புகள் எவ்வளவு நல்லதுகள். பெண்களைப்போல் மனிசரை கடித்து நோகடிப்பதில்லை.😁 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • கொலைகளை யார் நியாயப்படுத்துகிறார்கள்? ஓர் இலக்கை அடைவாதத்திற்கு, கொலைகள் மட்டுமே தெரிவாகவும், கொள்கையாகவும் இருந்தது இல்லை என்பதே  நான் சொல்வது. அப்படி இருந்து இருந்தால், ஓர் எச்சரிக்கையா அல்லது அறிவித்தலுமின்றி, கொலைசெய்யப்பட்டவர்கள் தட்டுத்தடுமாறி சுதாகரிப்பதற்குள் கொலை செய்வதே நடைபெற்று இருக்கும், கொலையே ஓர் தெரிவாகவும் கொள்கையாகவும் இருக்கும் பொது. புலிகள் எவரின் மீதோ அப்படி நடந்து இருந்தால், சுட்டிக் காட்டவும். துரையப்பாவை பிரபாகரன் சுட்ட போது, தமிழ் புதிய புலிகள்  என்ற அமைப்பே இருந்தது. ஆயினும், அது செய்யப்பட்ட முறை தவறு. துரையப்பாக்கு எச்சரிக்காய்கள் விடுக்க பட்டு இருக்க வேண்டும்.   அனால், தர்மலிங்கம், ஆலால சுந்தரம் போன்றவர்களை, அமைப்பு அடிப்படையில் நாராக ஊன்றி விட்டு இருந்த போதும், டெலோ தனது RAW எசமானாரின் விசுவாசத்துக்காக சகோதர படு கொலை செய்தது, ஓர் அறிவித்தாலும் இன்றி. அதே   ஆலால சுந்தரம், புலிகளால் காலில் மட்டுமே சுடப்பட்டார், பல எச்சரிக்கைகளின்  பின்பு. இங்கே சுட்டது சரியா அல்லது பிழையா என்பது கேள்வி அல்ல. அதே போல, புலி உறுப்பினரின் சகோதரம் ஒருவர் சிறு திருட்டுகள் தொடர்ச்சியாக செய்த பொது, அந்த புலி உறுப்பினரே, ஓர் எச்சரிக்கையும் இன்றி, மிகவும் உக்கிரமாக அடித்து தண்டனை வழங்குமாறு பணிக்கப்பட்டார். அந்த புலி உறுப்பினர், அவரின் தம்பியை வீட்டிலேயே பூட்டி வைத்து விட்டு,  ஓலம் கேட்கும் வரையிலும் அடித்தார். தம்பி 10-11 மாதமாக எழும்ப முடியவில்லை. இதுவே ஓர் உதாரணம், புலிகள் இலக்கை அடைவதற்கு கொலை முதல் தெரிவு அல்ல. ஜனநாய நாடுகளிலும், இதுவே law fully administering death என்ற சட்டக் கோட்பாடு  இந்த அடிப்படையில் செய்யப்படுகிறது. அடிப்படையாக, ஓர் இலக்கை அடைவதற்கு, அதை நடைமுறைப்படுத்தும் தெரிவுகளை (கொலையோ அல்லது வேறு எதுவோ) மேற்கொள்வதற்கு விதிகள் விதிக்கப்பட்டு, அவை பின்பற்றப்பட வேண்டும்.          நான் முன்பே சொல்லி இருக்கிறேன், புலிகள் அவர்களை அறியாமலேயே நியாயாதிக்கத்தையும் (legitimacy), இயற்கை நீதியையும் (natural justice) பல படிகளில், மிகவும் சீரியஸ் ஆக எடுத்து கொண்டார்கள்.  
    • இன்று உண்மையான கல்வியின் அதிபதிக்கு பிறந்தநாள் !  ஆம் இந்தியர்களின் கல்விக்கு அதிபதியான லார்ட் மெக்கலே அவர்களின் பிறந்த நாள். அவரை நமக்கு ஒரு வில்லனாகத்தான் அறிமுகப்படுத்தினார்கள். “இந்தியாவின் பாரம்பரிய கல்வி முறையை சிதைத்து, வெள்ளைக்காரனுக்கு பியூன் வேலைப்பார்க்க ஆங்கிலத்தை கற்பித்த கயவன்” என்று தான் எனக்கும் அவர் அறிமுகம். அப்புறம் நானே யோசித்தேன்.  என் பாட்டியும் கொள்ளுப்பாட்டியும் எப்படி படித்த பெண்களாக முடிந்தது? அதுவும் பெண்கள் படிக்கவே கூடாது, குருக்குலக்கல்வி என்பது பிராமண மாணவர்களுக்கு மட்டும் தான் என்றிருந்த அந்தக் காலத்தில் இந்த பெண்கள் எப்படி கல்வி பெற்றார்கள்? என் குடும்பம் என்கிற குட்டி வட்டத்தை விட்டு வெளி உலகையும் நான் கவனிக்கிறேன்.... மோதிலால் நேரு எங்கு படித்தார்? வங்காளிகள் ஏன் இவ்வளவு அதிக நோபல் பரிசு வாங்குகிறார்கள்? இந்தியாவின் முதல் செக்யூலர் பள்ளி/ கல்லூரிகளை யார் துவக்கினார்கள்....? கல்வி மறுக்கப்பட்ட ரெட்டைமலையின் மகன் ஶ்ரீநிவாசன் எப்படி டிகிரி வாங்கினார்? இது போன்ற பல கேள்விகளுக்கு பதில் தான்: லார்ட் தாமஸ் பபிங்க்ட்டன் மெக்கலே. அவர் இங்கிலாந்து பாராளுமன்றத்திலேயே நிறவேற்றுமைக்கு எதிராக குரல் எழுப்பியவர். இந்தியாவிற்கு வந்த போதும் அதே செக்யூலர் மனப்பாண்மையை இங்கும் பரப்பியவர்.  அது வரை இந்தியாவில் கல்வி என்றால்: 1) வேத பாட சாலை 2) இஸ்லாமிய மதராசா 3) கிறுஸ்வ மிஷினரி இந்த மூன்றும் வெறும் மதக்கல்வியை மட்டுமே கற்பிக்கின்றன. இதற்கு இங்கிலாந்து அரசு செலவு செய்வது பொது மக்களுக்கு போய் சேரவில்லை. வெறும் மூடநம்பிக்கைகளை மட்டுமே வளர்க்கிறது...... என்று முதன் முதலில், ஆங்கிலம், கணிதம், அறிவியல், சமூகவியல், தாய் மொழி என்கிற ஐந்து வித பாடங்களை உள்ளடக்கிய பொது கல்வியை கொண்டு வந்தவர் மெக்கலே. இதற்கு அடுத்து அவர் எடுத்துக்கொண்ட பிராஜெக்ட் இன்னும் சிறப்பானது. அது வரை இஸ்லாமியருக்கு ஷரியா சட்டம், இந்துக்களுக்கு மனுச்மிருத்தி என்று இருந்த சட்டத்தை, அனைவருக்கும் ஆன “இந்தியன் பீனல் கோடு” IPC யை கொண்டு வந்தவர் இதே லார்ட் மெக்கலே தான். லார்டு மெக்கலே திருமணம் ஆகாதவர். அவருக்கு genetic சந்ததியினர் இல்லை. ஆனால் நாம் எல்லாம் அவருடைய memetic வாரிசுகள்! நமக்கெல்லாம் கல்வியையும், சட்டத்தையும் கொடுத்த நம் ஞானத்தலைவன்,  ஆம்பிளை சரஸ்வதி,  மாமனிதர் மெக்கலே! டாக்டர் ஷாலினி....
    • படித்தத்தைப் பகிர்தல் - வஞ்சகர்பால் நடந்தலைந்த காலில் புண்  
    • 2020 முட்டாள் ஓட்டுனர்கள்  
×
×
  • Create New...

Important Information

By using this site, you agree to our Terms of Use.