Jump to content

காணாமல் ஆக்கப்பட்டோருக்கான போராட்டத்துக்கு ஆதரவு கோரல்!


Recommended Posts

  • கருத்துக்கள உறவுகள்

காணாமல் ஆக்கப்பட்டோருக்கான போராட்டத்துக்கு ஆதரவு கோரல்!

DiDUTTcXkAApsIu-960x640.jpg?189db0&189db0

 

ஆகஸ்ட் 30ம் திகதியன்று, சர்வதேச காணாமல் ஆக்கப்பட்டோர் தினத்தை முன்னிட்டு வடக்கு – கிழக்கில் கவனயீர்ப்பு முன்னெடுக்கவுள்ள போராட்டங்களுக்கு ஆதரவு வழங்குமாறு வவுனியா மாவட்டக் காணாமல் ஆக்கப்பட்டோரின் சங்கத்தின் தலைவி சண்முகம் சரோஜினி தெரிவித்தார்.

வவுனியாவில் தமிழ் ஊடகவியலாளர் சங்கத்தில் நடைபெற்ற ஊடகவியலாளர் சந்திப்பின்போதே அவர் இவ்வாறு தெரிவித்தார். மேலும்,

“வடக்கில், யாழ். பஸ் நிலையத்தில் ஆரம்பமாகும் பேரணி, யாழ். மாவட்டச் செயலகம் வரை சென்று, அங்கு எ ஐ.நாவுக்குக் கையளிப்பதற்கான மகஜரை வழங்கவுள்ளோம்.

அதேபோன்று கிழக்கில் கல்லடி பாலத்தில் இருந்து காந்தி பூங்கா வரை சென்று அங்கும் மகஜரொன்று கையளிக்கவுள்ளோம்.

எமது போராட்டம் ஆரம்பிக்கப்பட்டு மூன்றரை வருடங்கள் முடிவடைந்துவிட்டது. இருந்தும் எமது பிள்ளைகளுக்கான முடிவுகள் இன்னும் கிடைக்கவில்லை.

இந்நிலையில் கட்சி பேதமின்றி எமது உறவுகளை கேட்டு நிற்கும் எமக்காக குரல் கொடுங்கள்” – என்றார்.

 

https://newuthayan.com/காணாமல்-ஆக்கப்பட்டோருக-4/

 
 
 

காணாமல் ஆக்கப்பட்டோருக்கான மாபெரும் போராட்டம் 30ம் திகதி நடைபெறவுள்ளது!

எதிர்வரும் 30.08.2020 அன்று சர்வதேச வலிந்து காணாமல் ஆக்கப்பட்டோர் தினத்தை முன்னிட்டு வடக்குக் கிழக்கில் இராணுவம் மற்றும் துணை இராணுவக் குழுவினரால் கைது செய்யப்பட்டும், கடத்தப்பட்டும் காணாமல் ஆக்கப்பட்டவர்கள் மற்றும் யுத்த முடிவில் சரணடைந்த மற்று உறவினர்களால் கையளிக்கப்பட்ட பின்னர் வலிந்து காணாமல் ஆக்கப்பட்டவர்களின் உறவுகளால் கவனயீர்ப்பு போராட்டம் ஒன்று முன்னெடுக்க திட்டமிடப்பட்டுள்ளது.

இந்த கவனயீர்ப்புப் போராட்டம் மற்றும் பேரணிகளுக்குத் தமிழ்த் தேசிய மக்கள் முன்னணி பூரண ஆதரவை அறிவித்துள்ளது.

மேற்படி போராட்டங்களுக்கு அனைத்து பொது அமைப்புக்களையும், பொது மக்களையும் ஆதரவு வழங்குமாறும் குறித்த கட்சியனரால் கோரப்பட்டுள்ளது.

 

https://newuthayan.com/காணாமல்-ஆக்கப்பட்டோருக-3/

Link to comment
Share on other sites

  • கருத்துக்கள உறவுகள்

காணாமல் ஆக்கப்பட்டோருக்கான போராட்டத்துக்கு விக்கினேஸ்வரன் அணியும் ஆதரவு!

 

 

InShot_20200824_142243730-960x960.jpg?189db0&189db0

வலிந்து காணாமல் ஆக்கப்பட்டோரின் சர்வதேச தினத்தன்று (30.08.2020) வடக்கு கிழக்கில் காணாமல் ஆக்கப்பட்டவர்களின் உறவுகளால் நடாத்தப்படும் கவனயீர்ப்புப் போராட்டம் மற்றும் பேரணிகளுக்கு தமிழ் மக்கள் தேசிய கூட்டணி முழுமையான ஆதரவைத் தெரிவித்துக் கொள்வதாக அறிவித்துள்ளது.

தமிழ் தேசிய மக்கள் தேசியக் கூட்டணியின் தலைவர் சி.வி.விக்னேஸ்வரன் விடுத்துள்ள செய்தியில்,

“பௌத்த சிங்கள பேரினவாத அரசாங்கம் நாட்டில் அசூர பலத்துடன் ஆட்சி அமைத்துள்ள நிலையில் தமிழ் மக்கள் தமக்கு எதிராக இழைக்கப்பட்ட இனப்படுகொலைக்கான நீதியைப் பெற்றுக்கொள்ளும் போராட்டங்களை தீவிரப்படுத்த வேண்டிய அவசியமான ஒரு நிலைமை  ஏற்பட்டுள்ளது. இந்த நிலையில், எதிர்வரும் 30ம் திகதி வலிந்து காணாமல் ஆக்கப்பட்டோர் சர்வதேச தின போராட்ட நிகழ்வுகள் முக்கியத்துவம் பெறுகின்றன. 

சர்வதேச சுயாதீன விசாரணை ஒன்று நடத்தப்படும்போது தான் வலிந்து காணாமல் ஆக்கப்பட்டவர்களுக்கான நீதி கிடைப்பது  சாத்தியமாகும். அதனால், சர்வதேச சுயாதீன விசாரணை ஒன்றுக்கான ஏற்பாடுகளை சாத்தியமான எல்லா வழிகளையும் பயன்படுத்தி மேற்கொள்ளுமாறு ஐ.நா மற்றும் சர்வதேச சமூகம்  ஆகியவற்றை வலியுறுத்தி நடத்தப்படும் இந்த போராட்டங்களில் பொது அமைப்புக்கள் மற்றும் பொது மக்களை முழுமையான ஆதரவு வழங்குமாறு அன்புடன் வேண்டிக் கொள்கின்றோம்.” – என்றார்.

https://newuthayan.com/காணாமல்-ஆக்கப்பட்டோருக-5/

 

Link to comment
Share on other sites

  • கருத்துக்கள உறவுகள்

போராட்டத்திற்கு ஆதரவு தருமாறு கோரிக்கை விடுக்கும் காணாமல் ஆக்கப்பட்டோரின் உறவுகள்

 

எமக்கான நீதியைப் பெறுவதற்கு சர்வதேசம் கூடிய கவனம் செலுத்த வேண்டும் என்பதை மக்களாகிய நீங்கள் சர்வதேசத்திற்கு உறுதிபடத் தெரிவிக்க எமது போராட்டத்துக்கு ஆதரவு தாருமாறு காணாமல் ஆக்கபட்டோரின் உறவுகள் கோரிக்கை விடுத்துள்ளனர். 

இது தொடர்பில் ஆக்கபட்டோரின் உறவுகள் ஊடகங்களுக்கு அனுப்பி வைத்துள்ள ஊடக அறிக்கையிலேயே மேற்கண்டவாறு குறிப்பிடப்பட்டுள்ளது.

அவ்வறிக்கையில் மேலும் குறிப்பிடப்பட்டுள்ளதாவது,

எதிர்வரும் 30 ஆம் திகதி (30/08/2020) சர்வதேச காணாமல் ஆக்கப்பட்டோர் தினமாகும். எமது உறவுகள் வலிந்து காணாமல் ஆக்கப்பட்டு 11 வருடங்கள் கடந்துவிட்டன.

உயிருடனே கையளிக்கப்பட்ட, சரணடைந்த,கடத்தப்பட்ட, கூட்டிச் செல்லப்பட்ட, கைது செய்யப்பட்ட எமது உறவுகளின் நிலையை அறிவதற்கும், அதற்கான நீதியைக் கேட்டும் காணாமல் ஆக்கப்பட்டவர்களின் உறவுகளாகிய நாம் 20.02.2017 இலிருந்து தொடர் கவனயீர்ப்பு போராட்டங்களை  கிளிநொச்சி, முல்லைத்தீவு, அம்பாறை ஆகிய மாவட்டங்களில் நடாத்தி வருகின்றோம்.

எமக்கான நீதியை நல்லாட்சி என்று கொண்டுவரப்பட்ட மைத்திரியின் அரசு வழங்கும் என்று சர்வதேசம் கண்மூடித்தனமாக நம்பியதால் 30/1 தீர்மானத்தை நிறைவேற்றவென கால நீடிப்புகளை வழங்கி இழுத்தடித்ததில் எம்முடன் போராடிய 72 உறவுகளை இழந்துவிட்டோம்.

தற்போதைய அரசாங்கம் பதவிக்கு வந்ததும் 30/1 தீர்மானத்துக்கு வழங்கிய அனுசரணையிலிருந்து விலகி தமிழர்களுக்கு நீதி வழங்கப் போவதில்லை என்பதைக் காட்டி விட்டது.

இந்நிலையில் எமக்கான நீதியைப் பெறுவதற்கு சர்வதேசம் கூடிய கவனம் செலுத்த வேண்டும் என்பதை மக்களாகிய நீங்கள் சர்வதேசத்திற்கு உறுதிபடத் தெரிவிக்க வேண்டிய தேவையுள்ளது.

எமது உறவுகள் “ ஒரு நாளாவது விடுதலைப் போராட்டத்துக்கு பங்களிப்புச் செய்திருந்தால் சரணடையுங்கள். புனர்வாழ்வளித்து விடுதலை செய்கிறோம்” என்று அரசு கூறியதை ஏற்று சரணடைந்ததால் காணாமல் ஆக்கப்பட்டவர்கள்.

உங்களின் உரிமைக்காக போராடுவதற்காக தமது இளமைக்காலத்தை அர்ப்பணித்தவர்களின் உறவுகளாகிய நாம் எமது பிள்ளைகளின் உயிருக்காகப் போராடி எமது உயிரையே விட்டுக்கொண்டு இருக்கின்றோம்.

எனவே எமக்கு நீதி கிடைப்பதற்காக சர்வதேச காணாமல் ஆக்கப்பட்டோர் தினமான எதிருவரும் ஞாயிற்றுக்கிழமை காலை 10 மணிக்கு யாழ்ப்பாணத்தில் மத்திய பேரூந்து நிலையம் முன்பாக ஆரம்பித்து கச்சேரியடி வரையில் செல்லும் பேரணியிலும், மட்டக்களப்பில் கல்லடிப் பாலத்திலிருந்து காந்தி பூங்கா வரை செல்லும் பேரணியிலும் கலந்து கொள்ளுமாறு உங்கள் அனைவரையும் இருகரம் கூப்பி வேண்டுகின்றோம்.

அன்றைய தினம் ஞாயிற்றுக்கிழமையாதலால் அனைத்துப் பாடசாலை மாணவர்கள், ஆசிரியர்கள், கல்வி சாரா ஊழியர்கள்,பல்கலைக்கழக மாணவர்கள், விரிவுரையாளர்கள், மதகுருமார்கள், பொது அமைப்புக்கள், சட்டத்தரணிகள்,வர்த்தகர்கள் ,வர்த்தக ஊழியர்கள், ஆட்டோ சாரதிகள், தனியார் போக்குவரத்துப் பணியாளர்கள், விளையாட்டு கழகங்கள், சனசமூகநிலையங்கள், அனைத்தத் தொழிற்சங்க அங்கத்தவர்கள், பொதுமக்கள் , தேசியத்தை அவாவும் அனைத்துக் கட்சிகளும் அவர்களுக்கு வாக்களித்த பெருமக்களும் எமக்கு ஆதரவு தந்து எமது போராட்டத்தை சர்வதேசத்திற்கு எடுத்துச் செல்ல வேண்டும் என அன்புரிமையுடன் கேட்டு நிற்கின்றோம். உங்கள் ஆதரவுடன் நாம் இலங்கை விவகாரத்தை சர்வதேச குற்றவியல் நீதிமன்றத்திற்கு கொண்டு செல்லுமாறு ஐநாவைக் கோருவதன் மூலமாக எமது உறவுகளுக்கான நீதியைப் பெறவேண்டும். நாமும் இறந்துபோகமுன் எமக்கான நீதி வேண்டும் இதுவே எமது கடைசி ஆசை என அதில் குறிப்பிடப்பட்டுள்ளது.

5.jpg
 

 

https://www.virakesari.lk/article/88695

Link to comment
Share on other sites

  • கருத்துக்கள உறவுகள்

காணாமல் ஆக்கப்பட்டோர் போராட்டத்திற்கு தமிழ் தேசியக் கூட்டமைப்பு ஆதரவு.

August 25, 2020

TNA1-1024x466.png

சர்வதேச காணாமல் ஆக்கப்பட்டோர் தினம் வடக்கு கிழக்கில் எதிர் வரும் 30 ஆம் திகதி  நினைவு கூறப்பட உள்ளதோடு, அன்றைய தினம் வடக்கு கிழக்கில் இடம் பெறவுள்ள போராட்டத்திற்கு தமிழ் தேசியக்கூட்டமைப்பு பூரண ஒத்துழைப்பை வழங்கும் என தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன் தெரிவித்தார்.
இவ்விடையம் தொடர்பாக அவர் மேலும் கருத்து தெரிவிக்கையில்,,,
எதிர் வரும் 30 ஆம் திகதி சர்வதேச காணாமல் ஆக்கப்பட்டோர் தினத்தை வடக்கு-கிழக்கில் 8 மாவட்டங்களை உள்ளடக்கி மாபெரும் கண்டன பேரணி ஒன்றை மேற்கொள்ள  வலிந்து காணாமல் ஆக்கப்பட்டோர் சங்கத்தினர் நடவடிக்கைகளை மேற்கொண்டுள்ளனர்.குறித்த போராட்டத்திற்கு தமிழ் தேசியக் கூட்டமைப்பு பூரண ஒத்துழைப்பை வழங்கும்.

ஒவ்வொரு வருடமும் சர்வதேச காணாமல் ஆக்கப்பட்டோர் தினத்தில் வடக்கு கிழக்கில் தமது உறவுகளை    நினைவு கூறுகின்றனர்.காணாமல் ஆக்கப்பட்ட தமது உறவுகள் கிடைப்பார்கள் என்ற நம்பிக்கையுடன் அவர்கள் போராட்டங்களை முன்னெடுத்து வருகின்றனர்.

ஆனால் இது வரை அவர்களின் போராட்டத்திற்கு எவ்வித பலனும் கிடைக்கவில்லை. எனவே காணாமல் ஆக்கப்பட்டவர்கள் தொடர்பில் அரசு உரிய நடவடிக்கைகளை முன்னெடுக்க வேண்டும்.
தீர்வு கிடைக்கும் என்று நம்பி உறவுகள் போராட்டங்களை வருடா வருடம் முன்னெடுக்கின்றனர். ஆனால் இது வரை உரிய பலன் கிடைக்கவில்லை.

எனவே நீதிக்காகவும், தமது உறவுகளுக்காகவும் எதிர் வரும் 30 ஆம் திகதி வடக்கு கிழக்கில் முன்னெடுக்கப்படுகின்ற போராட்டத்திற்கு தமிழ் தேசியக்கூட்டமைப்பு பூரண ஒத்துழைப்பை வழங்கும்.
-எனவே பொது அமைப்புக்களும்,தமது பூரண ஒத்துழைப்பை வழங்க வேண்டும்.என அவர் மேலும் தெரிவித்தார்.  #காணாமல்ஆக்கப்பட்டோர் #போராட்டத்திற்கு #தமிழ்தேசியக்கூட்டமைப்பு #ஆதரவு.
 

https://globaltamilnews.net/2020/149231/

 

Link to comment
Share on other sites

  • கருத்துக்கள உறவுகள்

நாமும் இறந்து போகும்முன் எமக்கான நீதிக்காக போராட வாருங்கள்

 

IMG-20200824-WA0043-960x720.jpg?189db0&189db0

எதிர்வரும் 2020.08.30ம் திகதி சர்வதேச காணாமல் ஆக்கப்பட்டோர் தினமானம் உலகளாவிய ரீதியில் பலராலும் அனுஷ்டிக்கப்படவுள்ளது. விசேடமாக தமிழ் மக்களுக்கு இந்நாள் துயரத்திலும் துயரமான நாளாகவே பார்க்கப்படுகின்றது.

இந்நாளை அனுஷ்டிக்கும் முகமாகவும், இலங்கையில் காணாமல் ஆக்கப்பட்டோர் தொடர்பில் சர்வதேசம் அதிகவனம் செலுத்தி உரிய தீர்வைப் பெற்றுக் கொடுப்பதற்கு இலங்கை அரசிற்கு அழுத்தம் கொடுக்க வேண்டும் என்பதை வலியுறுத்தியும் அன்றைய தினம் காலை 10.00 மணியளில் வடமாகாணம் தழுவிய ரீதியில் யாழ் மத்திய பேருந்து நிலையத்திற்கு முன்பாகவிருந்து யாழ் கச்சேரியடி வரையிலும், கிழக்கு மாகாணம் தழுவிய ரீதியில் மட்டக்களப்பு கல்லடிப் பாலத்தில் இருந்து காந்தி பூங்கா வரையிலுமாக மாபெரும் கவனயீர்ப்புக் கண்டன பேரணியினை வடக்கு கிழக்கு வலிந்து காணாமல் ஆக்கப்பட்டோரின் உறவுகளின் சங்கம் ஏற்பாடு செய்துள்ளதாக அச் சங்கத்தின் மட்டக்களப்பு மாவட்ட தலைவி அமலநாயகி தெரிவித்துள்ளார்.

சர்வதேச காணாமல் ஆக்கப்பட்டோர் தினத்தில் வடக்கு கிழக்கு வலிந்து காணாமல் ஆக்கப்பட்டோரின் உறவுகளின் சங்கத்தினால் ஏற்பாடு செய்யப்பட்டுள்ள பேரணி தொடர்பில் கருத்துத் தெரிவிக்கும் போதே அவர் இவ்வாறு தெரிவித்துள்ளார்.

இது தொடர்பில் அவர் தொடர்ந்து தெரிவிக்கையில்,

“எம்மால் ஏற்பாடு செய்யப்பட்டுள்ள இப்பேரணியில் அனைவரும் கலந்துகொண்டு காணாமல் ஆக்கப்பட்டோரின் உறவுகளுக்கு ஒத்துழைப்பு வழங்குவதுடன், அவர்களது அர்ப்பணிப்பில் பங்கெடுக்குமாறும் கேட்டுக்கொள்கின்றோம். அத்துடன் காணாமல் ஆக்கப்பட்ட உறவுகள் தொடர்பில் தற்போதைய அரசு எவ்விதமான கரிசனையும் கொள்ளாது என்பது அனைவரும் அறிந்த விடயம் அதனால் எமக்கான தீர்வினை சர்வதேசம் தலையீடு செய்து பெற்றுத் தருவதனை வலியுறுத்தும் முகமாக இப்பேரணியில் ஒன்றிணைந்து குரல்கொடுக்க வருமாறு அனைவரையும் தயவுடன் அழைக்கின்றோம்” என்றார்.

இது தொடர்பில் வலிந்து காணாமல் ஆக்கப்பட்ட உறவுகளின் சங்கம் விடுத்துள்ள அறிக்கையில் குறிப்பிட்டுள்ளதாவது,

“அன்பான உறவுகளே, வருகின்ற 2020.08.30ம் திகதி சர்வதேச காணாமல் ஆக்கப்பட்டோர் தினமாகும். எமது உறவுகள் வலிந்து காணாமல் ஆக்கப்பட்டு 11 வருடங்கள் கடந்து விட்டன. உயிருடனேயே கையளிக்கப்பட்ட, கடத்தப்பட்ட, கூட்டிச் செல்லப்பட்ட, கைது செய்யப்பட்ட எமது உறவுகளின் நிலைமையை அறிவதற்கும், அதற்கான நீதியைக் கேட்டும், காணாமல் ஆக்கப்பட்டோரின் உறவுகளாகிய நாம் 2017.02.20 இலிருந்து தொடர் கவனயீர்ப்புப் போராட்டங்களை கிளிநொச்சி, முல்லைத்தீவு, அம்பாறை ஆகிய மாவட்டங்களில் நடத்தி வருகின்றோம்.

எமக்கான நீதியை நல்லாட்சி என்று கொண்டு வரப்பட்ட மைத்திரியின் அரசு வழங்கும் என்று சர்வதேசம் கண்மூடித்தனமாக நம்பியதால் 30/1 தீர்மானத்தை நிறைவேற்றவென கால நீடிப்புகளை வழங்கி இழுத்தடித்ததில் எம்முடன் போராடிய 72 உறவுகளை இழந்துவிட்டோம். தற்போதைய அரசாங்கம் பதவிக்கு வந்ததும் 30/1 தீர்மானத்துக்கு வழங்கிய அனுசரணையில் இருந்து விலகி தமிழர்களுக்கு நீதி வழங்கப் போவதில்லை என்பதைக் காட்டிவிட்டது.

இந்நிலையில் எமக்கான நீதியைப் பெறுவதற்கு சர்வதேசம் கூடிய கவனம் செலுத்த வேண்டும் என்பதை மக்களாகிய நீங்கள் உறுதிபடத் தெரிவிக்க வேண்டிய தேவையுள்ளது. எம்முடைய உறவுகள் ‘ஒருநாளாவது விடுதலைப் போராட்டத்திற்குப் பங்களிப்புச் செய்திருந்தால் சரணடையுங்கள் புனர்வாழ்வளித்து விடுதலை செய்கின்றோம்’ என்று சிங்கள அரசு கூறியதை ஏற்று சரணடைந்ததால் காணாமல் ஆக்கப்பட்டவர்கள். உங்களின் உரிமைக்காகப் போராடுவதற்காக தங்களது இளமைக் காலத்தை அர்ப்பணித்தவர்களின் உறவுகளாகிய நாம் எமது பிள்ளைகளின் உயிருக்காகப் போராடி எமது உயிரையே விட்டுக் கொண்டிருக்கின்றோம்.

எனவே எமக்கு நீதி கிடைப்பதற்காக சர்வதேச காணாமல் ஆக்கப்பட்டோர் தினமான வருகின்ற ஞாயிற்றுக் கிழமை நடைபெறும் பேரணியிலும் கலந்து கொள்ளுமாறு உங்கள் அனைவரையும் இருகரம் கூப்பி வேண்டுகின்றோம்.

அன்றைய தினம் ஞாயிற்றுக் கிழமையாதலால் அனைத்துப் பாடசாலை மாணவர்கள், ஆசிரியர்கள், கல்விசார ஊழியர்கள், பல்கலைக்கழக மாணவர்கள், விரிவுரையாளர்கள், மதகுருமார்கள், பொது அமைப்புகள், சட்டத்தரணிகள், வர்த்தகர்கள், வர்த்தக ஊழியர்கள், ஆட்டோ சாரதிகள், தனியார் போக்குவரத்தப் பணியாளர்கள், விளையாட்டுக் கழகங்கள், சனசமூக நிலையங்கள், அனைத்துத் தொழிற்சங்க அங்கத்தவர்கள், பொதுமக்கள், தேசியத்தை அவாவும் அனைத்துக் கட்சிகளும், அவர்களுக்கு வாக்களித்த பெருமக்களும் எமக்கு ஆதரவு தந்து எமது போராட்டத்தை சர்வதேசத்திற்கு எடுத்துச் செல்ல வேண்டும் என அன்புரிமையுடன் கேட்டு நிற்கின்றோம்.

உங்கள் ஆதரவுடன் நாம் இலங்கை விவகாரத்தை சர்வதேச குற்றவியல் நீதிமன்றத்திற்குக் கொண்டு செல்லுமாறு ஐ.நாவைக் கோருவதன் மூலமாக எமது உறவுகளுக்கான நீதியை பெறவேண்டும். நாமும் இறந்து போகும்முன் எமக்கான நீதி வேண்டும் இதுவே எமது கடைசி ஆசை” என்றுள்ளது.

Link to comment
Share on other sites

  • கருத்துக்கள உறவுகள்

வலிந்து காணாமலாக்கப்பட்டவர்கள் என்பவர்கள் யார்? ஜனாதிபதி பிரதமர் அமைச்சர்கள் முதலில் புரிந்து கொள்ள வேண்டும். 

காணாமலாக்கப்பட்டோரின் உறவுகள் எதிர்வரும் 30 திகதி  நடாத்தவுள்ள கண்டன ஆர்ப்பாட்ட ஊர்வலத்துக்கு அனைத்து தமிழ் மக்களும் இன, மத பேதமின்றி கலந்து கொள்ளுமாறு இன்று 26 யாழ் ஊடக அமையத்தில் நடைபெற்ற ஊடகசந்திப்பின் போது சுரேஷ் பிறேமச்சந்திரன் அழைப்பு விடுத்துள்ளார்.

 

 

Link to comment
Share on other sites

  • கருத்துக்கள உறவுகள்

கிளிநொச்சியிலும் மாபெரும் போராட்டத்துக்கு அழைப்பு விடுப்பு!

North-East-Missing-Persons-Relations-Association.jpg?189db0&189db0

 

கிளிநொச்சி கந்தசுவாமி ஆலயம் முன்பாக முன்னெடுக்கப்படவுள்ள போராட்டத்திற்கு ஒத்துழைப்பு வழங்குமாறு வடக்கு கிழக்கு வலிந்து காணாமல் ஆக்கப்பட்டவர்களின் உறவுகளுக்கான அமைப்பு அழைப்பு விடுத்துள்ளது.

இந்தப் போராட்டம் எதிர்வரும் 30ம் திகதி நடைபெறவுள்ள நிலையில் போராட்டம் இடம்பெறும் நேரத்தில் ஒரு மணிநேர கதவடைப்பு செய்து தமது போராட்டத்திற்கு ஒத்துழைப்பு வழங்குமாறு அந்த அமைப்பு கோரிக்கை விடுத்துள்ளது.

கிளிநொச்சியில் இன்று (28) இடம்பெற்ற ஊடகவியலாளர் சந்திப்பின்போதே குறித்த அமைப்பினால் இவ்வாறு அழைப்பு விடுக்கப்பட்டுள்ளது. இதன்போது மேலும்,

“பல்வேறு சந்தர்ப்பங்களில் போராட்டங்களை முன்னெடுத்துவந்த எமது தாய்மார்கள், இலங்கை அரசாங்கத்தின் மீது நம்பிக்கை இழந்து நிற்கின்றனர். எமது பிள்ளைகளுக்கு என்ன நடந்தது என்று அறியாதவர்களாய் பல தாய்மார்கள் உயிரிழந்துள்ளனர்.

இவ்வாறான நிலையில் இலங்கை அரசாங்கத்தின் மீது நம்பிக்கை இழந்துள்ளோம். அதனாலேயே நாங்கள் சர்வதேசத்தை நம்பியுள்ளோம். சர்வதேசமே இலங்கை அரசாங்கத்தின் மீது விசாரணை மேற்கொண்டு எமக்கான நீதியை பெற்றுத்தர வேண்டும்.

சர்வதேசத்திடம் நீதி கேட்பதற்காக எதிர்வரும் 30ம் திகதி வடக்கு கிழக்கில் மாபெரும் போராட்டங்கள் ஏற்பாடு செய்யப்பட்டுள்ளன. குறித்த போராட்டங்களுக்கு வலுச்சேர்க்கும் வகையில் வர்த்தகர்கள், பொது அமைப்புக்கள், பல்கலைக்கழக மாணவர்கள் என பல்வேறு தரப்பினரும் எமக்கு ஒத்துழைப்பு வழங்க வேண்டும்.

கிளிநொச்சி கந்தசுவாமி ஆலயம் முன்பாக காலை 9.30 மணிக்கு பேரணி ஆரம்பமாகி பேருந்து நிலையம் வரை சென்று முடிவடையவுள்ளது. குறித்த நேரத்தில் ஒரு மணிநேரம் வர்த்தகர்கள் தமது கடைகளை மூடி எமக்கு ஒத்துழைப்பு வழங்க வேண்டும் என அழைக்கின்றோம்” – என்று தெரிவிக்கப்பட்டது.

https://newuthayan.com/கிளிநொச்சியிலும்-மாபெரு/

 

மன்னாரிலும் மாபெரும் கவனயீர்ப்பு போராட்டத்துக்கு அழைப்பு!

சர்வதேச காணாமல் ஆக்கப்பட்டோர் நாளான 31ம் திகதி வடக்கு, கிழக்கு தழுவிய மாபெரும் போராட்டங்களை முன்னெடுக்க வலிந்து காணாமல் ஆக்கபட்டோரின் உறவினர்களின் அமைப்பினால் ஒழுங்கு செய்யப்பட்டுள்ளது.

இதன்படி மன்னாரில் அன்றைய தினம் மன்னார் பிரதேச செயலகம் முன்னால் காலை காலை 10 மணி முதல் மதியம் 2 மணி வரை கவனயீர்ப்பு போராட்டம் முன்னெடுக்கப்படவுள்ளது.

இதேவேளை வடக்கில் யாழ்ப்பாணம், கிளிநொச்சி மற்றும் முல்லைத்தீவிலும் கவனயீர்ப்பு போராட்டங்கள் ஒழுங்கு செய்யப்பட்டுள்ளன.

கிழக்கில் மட்டக்களப்பு, திருகோணமலை மாவட்டங்களிலும் போராட்டங்கள் ஒழுங்கு செய்யப்பட்டுள்ளது.

அறிக்கை
 

https://newuthayan.com/மன்னாரிலும்-மாபெரும்-கவன/

Link to comment
Share on other sites

  • கருத்துக்கள உறவுகள்

நாம் இறப்பதற்கு முன்னதாகவேனும் எமது உறவுகளுக்கு நீதி வேண்டும் – வடக்கு கிழக்கு வலிந்து காணாமல் ஆக்கப்பட்டவர்களின் உறவுகளின் சங்கம்

leelavthi.jpg

 

நாம் இறப்பதற்கு முன்னதாகவேனும் எமது உறவுகளுக்கு நீதி வேண்டும். ஒவ்வொரு வீட்டிலும் உள்ளவர்கள் தமது உறவுகளை நினைத்தும்,  எமது ஏக்கத்தை உணர்ந்தவர்களாக அனைவரும் எமது போராட்டத்தில் கலந்து கொள்ள வேண்டும் என உரிமையுடன் கேட்டு நிற்கிறோம் என வடக்கு கிழக்கு வலிந்து காணாமல் ஆக்கப்பட்டவர்களின் உறவுகளின் சங்கம் விடுத்துள்ள அறிக்கையில் தெரிவித்துள்ளது.

அதன் முழு வடிவம் வருமாறு:

வடக்கு கிழக்கில்  வலிந்து காணாமல் ஆக்கப்பட்ட உறவுகளை தேடிய போராட்டம் அவர்களது உறவுகளால் கடந்த 2010 ஆம் ஆண்டில் ஆரம்பிக்கப்பட்டது. இலங்கை அரசால் குறித்த போராட்டத்துக்கு தீர்வு தரப்படாத நிலையில், காணாமல் ஆக்கப்பட்ட உறவுகளின் உறவுகள் இணைந்து கடந்த 2017 ஆம் ஆண்டு பெப்ரவரி 20 ஆம் திகதியில் இருந்து தொடர்போராட்டமாக ஆரம்பித்தோம். இந்த தொடர் போராட்டத்தின் மூலம் எமது நியாயமான கோரிக்கைகளையும் துன்பங்களையும் உலக நாடுகளுக்கு தெரியப்படுத்தி வருகிறோம்.

இந்த போராட்டம் வடக்கு கிழக்கு மாகாணங்களில் தொடர்சியாக முன்னெடுக்கப்பட்டு வருகின்ற போதும் , கடந்த 11 வருடங்களாக எமக்கான நீதி கிடைக்கவில்லை, மாறாக எமது போராட்டங்களை மழுங்கடிக்கக்கூடிய வகையிலான செயற்பாடுகளே தொடர்சியாக இடம்பெற்று வருகிறது.

புலனாய்வாளர்களின் தொடர்சியான விசாரணைகள் மற்றும் பல்வேறு அச்சுறுத்தல்கள் மத்தியிலும் நாம் எமது போராட்டத்தை தொடரும் இந்த நேரத்தில் எமது போராட்டத்தை சிதறடிக்கும் நோக்கோடும் பலர் செயற்படுவதனை காணக்கூடியதாக உள்ளது. எனவே மக்கள் இதனை சரியாக புரிந்து கொண்டு எமது போராட்டத்துக்கு வலுச்சேர்க்க வேண்டும்.

தொடர் போராட்டத்தின் மூலமே நாம் எமக்கான நீதியை பெற்றுக்கொள்ள முடியும். எமது கோரிக்கைகளை சர்வதேசத்துக்கு அழுத்திச் சொல்வதற்கு நாம் பலமாக அணிதிரள வேண்டும். எமக்குள் உள்ள கட்சி ரீதியான வேற்றுமைகளை இந்த சமயத்தில் அகற்றி பொதுவான எமது உறவுகளை தேடும் போராட்டத்தில் கலந்து கொள்ள அனைவரும் எம்முடன் இணைந்து கொள்ள வேண்டும்.

சர்வதேச காணாமல் ஆக்கப்பட்டவர்களின்  தினம் எதிர்வரும் 30 ஆம் திகதி ஞாயிற்றுக்கிழமை அனுஷ்டிக்கப்படுகிறது. அன்றைய தினத்தில் வடக்கிலும் கிழக்கிலும் வெளிநாடுகளிலும் போராட்டம் ஏற்பாடு செய்யப்பட்டுள்ளது.

யாழ்மாவட்டத்தில் காலை 10 மணிக்கு யாழ். பிரதான பேருந்து நிலையமுன்றலில் ஆரம்பிக்கும் போராட்டம் பேரணியாக யாழ் மாவட்டச்செயலகம் வரை செல்லவுள்ளது. , கிழக்கு மாவட்டத்தில் காலை 10 மணிக்கு கல்லடி பாலத்தில் ஆரம்பிக்கும் போராட்டம் பேரணியாக காந்தி பூங்காவரை செல்லவுள்ளது. இதற்கான ஏற்பாடுகளை வடக்கு கிழக்கு வலிந்து காணாமல் ஆக்கப்பட்டவர்களின் உறவுகளின் சங்கம் ஊடாக நாம் முன்னெடுத்து வருகிறோம். மேலும் வெளிநாடுகளில் இடம்பெறும் போராட்டங்களுக்கு எமது புலம்பெயர் உறவுகள் தமது ஆதரவை வழங்க வேண்டும் என கேட்டுக்கொள்கிறோம்.

தமது உறவுகளை தேடி தேடி ஏக்கத்துடன் இறந்த உயிர்கள் ஏராளம். இதுவரை 72 க்கு மேற்பட்ட உறவுகளை இழந்துள்ளோம். மீதமாகவுள்ள நாம் தொடர்சியாக போராடி வருகிறோம். நாம் இறப்பதற்கு முன்னதாகவேனும் எமது உறவுகளுக்கு நீதி வேண்டும். ஒவ்வொரு வீட்டிலும் தமது உறவுகளை நினைத்தும் ,  எமது ஏக்கத்தை உணர்ந்தவர்களாக அனைவரும் எமது போராட்டத்தில் கலந்து கொள்ள வேண்டும் என உரிமையுடன் கேட்டு நிற்கிறோம்.

ஆ.லீலாதேவி
செயலாளர்
வடக்கு கிழக்கு வலிந்து காணாமல் ஆக்கப்பட்டவர்களின் உறவுகளின் சங்கம்

 

http://www.ilakku.org/நாம்-இறப்பதற்கு-முன்னதாக/

Link to comment
Share on other sites

  • கருத்துக்கள உறவுகள்

நாளை வடக்கு – கிழக்கில் மாபெரும் போராட்டப் பேரணி!

received_285283048827716-960x679.jpeg?189db0&189db0

 

வடக்கு, கிழக்கில் கடந்த மூன்று ஆண்டுகளாக சுழற்சி முறையில் தொடர் போராட்டங்களை முன்னெடுத்துவரும் காணாமல் ஆக்கப்பட்டோரின் உறவினர்கள் வலிந்து காணாமல் ஆக்கப்பட்டோரின் சர்வதேச தினத்தை முன்னிட்டு நாளை (30) மாபெரும் கவனயீர்ப்பு போராட்டங்களை முன்னெடுக்கவுள்ளனர்.

வலிந்து காணாமல் ஆக்கப்பட்டோர் சர்வதேச தினத்தை முன்னிட்டு நாளை (30) பிரதானமாக வடக்கில் யாழ்ப்பாணம் பஸ் நிலையத்தில் இருந்து மாவட்ட செயலகம் வரையும், மட்டக்களப்பில் கல்லடிப் பாலத்தில் இருந்து காந்தி பூங்கா வரையும் காலை 10 மணி முதல் கவனயீர்ப்பு போராட்ட பேரணி முன்னெடுக்கப்படவுள்ளது.

இதில் கலந்துகொண்டு காணாமல் ஆக்கப்பட்டோருக்கான நீதி கோரிக்கைக்கு வலுச்சேர்க்குமாறு கோரிக்கை விடுக்கப்பட்டுள்ளது.

 

https://newuthayan.com/நாளை-வடக்கு-கிழக்கில்-மா/

அனைவரும் ஒன்றிணைந்து வாருங்கள்!

Thambirasa-Selvarani-Co-ordinator-of-the-Association-of-Missing-Persons-in-Ampara-District.jpg?189db0&189db0

 

பத்து வருடங்களாகியும் வலிந்து காணாமல் ஆக்கப்பட்டோரின் உறவுகளின் வருகையை எதிர்பார்த்து 72 இற்கும் அதிகமானவர்கள் மரணித்துள்ள நிலையிலும் தமக்கான தீர்வு வழங்கப்படவில்லை என அம்பாறை மாவட்ட வலிந்து காணாமல் ஆக்கப்பட்ட உறவுகளின் சங்க இணைப்பாளர் த.செல்வராணி தெரிவித்துள்ளார்.

அம்பாறை – கல்முனையில் இன்று (29) இடம்பெற்ற ஊடக சந்திப்பிலேயே அவர் மேற்கண்டவாறு குறிப்பிட்டார். மேலும்,

“உயிருடன் ஒப்படைக்கப்பட்ட எமது உறவுகளுக்கு என்ன நடந்தது என்பதை சர்வதேசம் எங்களுக்கு தெளிவுபடுத்த வேண்டும். வலிந்து காணாமல் ஆக்கப்பட்டோரின் உறவுகள் நாளை போராட்டம் ஒன்றினை வடக்கு கிழக்கில் மேற்கொள்ளவுள்ளனர்.

வடக்கு கிழக்கு மாகாணங்களில் காணாமல் ஆக்கப்பட்டோரின் உறவுகளின் இப்போராட்டத்தை குழப்புவதற்காக சில தரப்பினர் முயற்சிக்கிறார்கள்.

அம்பாறையில் பத்து வருடங்களாக நாங்கள் செயற்பட்டுவரும் நிலையில் இடம்பெறவுள்ள போராட்டத்தில் தங்களது பிள்ளைகள், தங்களது உறவுகளை இழந்தவர்கள் அனைவரும் பங்கேற்குமாறு கேட்டுக்கொள்கிறோம்” – என்றார்.

 

https://newuthayan.com/அனைவரும்-ஒன்றிணைந்து-வார/

தமிழ் அரசியல் கைதிகளை விடுவிக்க கோரி யாழில் போராட்டம்!

20200829_153054-960x540.jpg?189db0&189db0

 

சிறைகளில் நீண்டகாலமாக தடுத்துவைக்கப்பட்டுள்ள தமிழ் அரசியல் கைதிகளை விடுதலை செய்ய வலியுறுத்தி யாழில் இன்று (29) போராட்டமொன்று முன்னெடுக்கப்பட்டுள்ளது.

தமிழ் தேசிய மக்கள் முன்னணியின் ஏற்பாட்டில் யாழ்ப்பாணம் மத்திய பேருந்து நிலையத்திற்கு முன்பாக இன்று மாலை இந்தப் போராட்டம் முன்னெடுக்கப்பட்டது.

யாழ். மத்திய பேருந்து நிலையத்திற்கு முன்பாக ஒன்று திரண்ட தமிழ் தேசிய மக்கள் முன்னணியின் ஆதரவாளர்கள், சிறைகளில் தடுத்து வைத்துள்ள தமிழ் அரசியல் கைதிகளை விடுதலை செய்யுமாறு வலியுறுத்தி கோசங்களை எழுப்பினர்.

மேலும், போராட்டத்தில் ஈடுபட்டவர்கள் ‘விடுதலை செய் விடுதலை செய் அரசியல் கைதிகளை விடுதலை செய்’, ‘வன ஜீவராசிகள் திணைக்கள ஆக்கிரமிப்பை எதிர்ப்பது பயங்கரவாதமா?’, ‘கஞ்சா கடத்தலை தடுக்க முற்பட்ட உதயசிவம் பயங்கரவாதியா?’ போன்ற வாசகங்கள் எழுதிய பதாகைகளைத் தாங்கியவாறு போராட்டத்தில் ஈடுபட்டிருந்தனர்.

குறித்த போராட்டத்தில் தமிழ் தேசிய மக்கள் முன்னையின் தலைவரும் நாடாளுமன்ற உறுப்பினருமான கஜேந்திரகுமார் பொன்னம்பலம், நாடாளுமன்ற உறுப்பினர் செல்வராசா கஜேந்திரன், முன்னணியின் உள்ளுராட்சி சபை உறுப்பினர்கள் மற்றும் ஆதரவாளர்கள் கலந்துகொண்டனர்.

Link to comment
Share on other sites

  • கருத்துக்கள உறவுகள்

காணமல் ஆக்கப்பட்டோரின் உறவினர்கள் யாழ்ப்பாணத்தில் உணர்ச்சிகரமான போராட்டம்

1-3-2.png

வலிந்து காணாமல் ஆக்கப்பட்டவர்களின் உறவினர்கள் யாழ்ப்பாணத்தில் மாபெரும் கவனயீர்ப்பு போராட்டம் ஒன்றை நடத்தியுள்ளனர்.

உலகளாவிய ரீதியில் சர்வதேச காணாமலாக்கப்பட்டோர் தினம் இன்று அனுஷ்டிக்கப்படுகிண்றது அந்த வகையில், இன்று காலை 11 மணிக்கு வடக்கு கிழக்கில் மாபெரும் போராட்டத்திற்கு அழைப்பு விடுக்கப்பட்டிருந்தது.

அதற்கமைவாக வடமாகாணத்திற்கான மாபெரும் கவனயீர்ப்பு போராட்டம் யாழ்ப்பாணத்தில் நடைபெற்றது.

காணாமல் ஆக்கப்பட்டவர்களின் உறவினர்கள் கடந்த 2017 ம் ஆண்டு முதல் வடக்கு கிழக்கு எங்கும் தொடர் போராட்டங்களை நடத்தி வருகின்றனர்.

இந்நிலையில் தமக்கான நீதி இதுவரை கிடைக்காததனையடுத்து தமது உறவுகள் தொடர்பாக நீதி வழங்குமாறு சர்வதேசத்திடம் வலியுறுத்தி இன்று வடக்கு, கிழக்கில் பாரிய போராட்டங்கள் முன்னெடுக்கப்படுகின்றன.

அந்த வகையில் சர்வதேச காணாமல் ஆக்கப்பட்டோர் தினமாகிய இன்று வடக்கு மாகாணத்தின் யாழ்ப்பாணம், கிளிநொச்சி, முல்லைத்தீவு, வவுனியா, மன்னார் ஆகிய மாவட்டங்களைச் சேர்ந்த வலிந்து காணாமல் ஆக்கப்பட்டவர்களின் உறவினர்கள் யாழ்ப்பாணம் மத்திய பேருந்து நிலையத்திற்கு அண்மையில் சற்று முன்னர் மாபெரும் கவனயீர்ப்பு போராட்டம் ஒன்றை ஆரம்பித்து நடத்தினார்கள்.

http://www.ilakku.org/காணமல்-ஆக்கப்பட்டோரின்-உ/

Link to comment
Share on other sites

  • கருத்துக்கள உறவுகள்
On 26/8/2020 at 01:56, உடையார் said:

நாமும் இறந்து போகும்முன் எமக்கான நீதிக்காக போராட வாருங்கள்

மிகுந்த துயரமும் மனவேதனையும் தருகின்ற வரிகள்.  

தாய்மாரே உறவுகளே மன்னித்துவிடுங்கள். நாங்கள் இன்னும் பதவிகள் பட்டங்கள் அடைந்து  தமிழரா தெலுங்கரா மலையாளியா   வேடரா சிங்களவரா என்று   கண்டுபிடித்துவிட்டுத்தான் போராடுவோம். 

Link to comment
Share on other sites

  • கருத்துக்கள உறவுகள்

வடக்கு கிழக்கு வலிந்து காணாமல் ஆக்கப்பட்டவர்களின் அமைப்பின் ஏற்பாட்டில் கிளிநொச்சியில் மாபெரும் கவனயீர்ப்புப் பேரணி

வடக்கு கிழக்கு வலிந்து காணாமல் ஆக்கப்பட்டவர்களின் அமைப்பின் ஏற்பாட்டில் கிளிநொச்சியில் மாபெரும் கவனயீர்ப்புப் பேரணி முன்னெடுக்கப்பட்டது.வடக்கு கிழக்கு மாகாணம் தழுவிய ரீதியில் இன்று போராட்டங்கள் ஏற்பாடு செய்யப்பட்ட நிலையில், கிளிநொச்சி இடம்பெற்ற போராட்டத்தில் 500இற்கும் மேற்பட்ட மக்கள் கலந்து கொண்டிருந்ததுடன் பதாதைகளையும் ஏந்தியிருந்தனர்.இதேவேளை, கிளிநொச்சியில் இன்றைய திடம் இடம்பெற்ற போராட்டத்தில் மக்கள் பிரதிநிதிகள் எவரும் கலந்துகொண்டிருக்கவில்லை.

இந்தப் போராட்டத்தில் ஈடுபட்ட போராட்டக்காரர்கள் பேரணியாக ஏ-9 வீதியூடாக கிளிநொச்சி மாவட்டச் செயலகம் வரை சென்று, அங்கு கவனயீர்ப்பில் ஈடுபட்டதுடன் பல்வேறு கோசங்களையும் எழுப்பியிருந்தனர்.இதன்போது, ஐ.நா. மனித உரிமைகள் பேரவையின் ஆணையாளர் மைக்கேல் பச்லெட் ஜெரியாவிற்கு மகஜர் ஒன்றும் அனுப்பி வைக்கப்பட்டுள்ளது.குறித்த பேரணி, இன்று ஞாயிற்றுக்கிழமை காலை 10 மணியளவில் கிளிநொச்சி கந்தசுவாமி ஆலயம் முன்பாக ஆரம்பிக்கப்பட்டது.(15)123

 

 

http://www.samakalam.com/செய்திகள்/வடக்கு-கிழக்கு-வலிந்து-க-2/

Link to comment
Share on other sites

  • கருத்துக்கள உறவுகள்

மட்டகளப்பிலும் பேரணி சாணக்கியன் தலைமையில் பொலிசாரின் தடையையும் மீறி உத்வேகமாக நடந்தது.

மட்டகளப்புத்தானே என்று ஊடகங்கள் அதை செய்தியாகமல் விட்டதோ அல்லது, இங்கே இணத்தவர்கள் இணைக்காமல் விட்டார்களோ தெரியவில்லை. 

https://www.meenagam.com/?p=13374
 

597E1B0A-71B7-4DDE-BA77-56D0A47683E7.jpe

மட்டக்களப்பு நீதிமன்ற தடையினையும் மீறி பொலிஸாரின் தடையினையும் உடைத்து மட்டக்களப்பில் வலிந்து காணாமலாக்கப்பட்டவர்களின் உறவினர்களின் போராட்டம் உணர்வுபூர்வமாக நடைபெற்றது.

மட்டக்களப்பு கல்லடி பாலத்திற்கு அருகில் இருந்து சர்வதேச வலிந்து காணாமலாக்கப்பட்டோர் தினத்தினை முன்னிட்டு இன்று (ஞாயிற்றுக்கிழமை) காலை மாபெரும் பேரணிக்கு வடக்கு கிழக்கு மாகாண வலிந்து காணாமலாக்கப்பட்டோரின் உறவுகள் சங்கம் ஏற்பாடுகளை செய்திருந்தது.

இது தொடர்பாக மட்டக்களப்பு மாவட்ட வலிந்து காணாமலாக்கப்பட்டோர் உறவுகளினால் மட்டக்களப்பு பொலிஸார் மற்றும் சுகாதார பிரிவினருக்கு அறிவிக்கப்பட்டிருந்ததுடன் அனைவரும் சுகாதார நடைமுறைகளைப் பின்பற்றி பேரணியில் கலந்துகொள்வது எனவும் தீர்மானிக்கப்பட்டிருந்தது.

இந்நிலையில் மட்டக்களப்பு தலைமையக பொலிஸாரினால் குறித்த பேரணிக்கு மட்டக்களப்பு நீதவான் நீதிமன்று ஊடாக தடையுத்தரவு கோரப்பட்டு தடையுத்தரவு வழங்கப்பட்டுள்ளது.

இந்நிலையில், இன்று காலை கல்லடிப் பாலத்திற்கு அருகில் குறித்த பேரணியில் கலந்துகொள்ளச்சென்ற மக்களை அங்கிருந்து செல்லுமாறு மட்டக்களப்பு தலைமையக பொலிஸார் அச்சுறுத்தல்களை விடுத்தபோதிலும் கல்லடி பாலத்திற்கு அருகில் திரண்ட பெருமளவான மக்கள் ஊர்வலம் செல்ல முயற்சித்தபோதிலும் பொலிஸார் அவற்றினை தடுத்து நிறுத்தினர்.

இதன்போது, நீதிமன்ற தடையுத்தரவினை வாசித்துக் காட்டிய பொலிஸார் நீதிமன்ற தடையினை மீறி ஊர்வலம் சென்றால் கைதுசெய்யப்படுவார்கள் என எச்சரித்தனர்.

இங்கு கலந்துகொண்ட அம்பாறை மாவட்ட வலிந்து காணாமலாக்கப்பட்டோர் சங்கத்தின் தலைவி த.செல்வராணியை கைதுசெய்யும் முயற்சியை அங்குவந்திருந்த மக்கள் தெரிவித்த கடும் எதிர்ப்பு காரணமாக கைவிடப்பட்டது.

விடுதலைப்புலிகள் மீள் எழுச்சி பெறுவார்கள் என்று கூறி தமது போராட்டத்திற்கு தடையுத்தரவு வாங்கப்பட்டுள்ளதாகவும் விடுதலைப்புலிகளை அழித்ததாக மகிந்தராஜபகஷ கூறியுள்ள நிலையில் 60 வயதுக்கு மேற்பட்ட கிழவிகள் சேர்ந்தா விடுதலைப் புலிகளை மீள அமைக்கப்போகின்றோம் என்று பொலிஸாருடன் வாக்குவாதத்தில் ஈடுபட்ட அம்பாறை மாவட்ட வலிந்து காணாமல்ஆக்கப்பட்டோர் சங்கத்தின் தலைவி த.செல்வராணி தெரிவித்தார்.

நாங்கள் எங்களின் கைகளினால் வழங்கப்பட்ட பிள்ளைகளையும் கணவன்மாரையும் எங்களிடம் மீண்டும் ஒப்படையுங்கள் என்றே போராடுகின்றோம் எனவும் அவர் இதன்போது பொலிஸாரிடம் தெரிவித்தார்.

இதேநேரம், கலகம் அடக்கும் பொலிஸாரும் பெருமளவான பொலிஸாரும் கல்லடி பாலத்திற்கு அருகில் குவிக்கப்பட்டிருந்ததுடன் கல்லடி பாலத்திற்கு அருகில் இருந்த புனித செபஸ்தியார் ஆலயத்தில் வலிந்து காணாமலாக்கப்பட்டவர்களின் உறவினர்கள் ஒன்றுகூடியிருந்ததுடன் இதில் சிவில் அமைப்புகளின் பிரதிநிதிகள், மனித உரிமைகள் ஆர்வலர்கள், அரசியல்வாதிகள், இளைஞர் கழக உறுப்பினர்கள் என பெருந்திரளானோர் குறித்த தேவாலயப்பகுதியில் திரண்டிருந்தனர்.

இதன்போது, தேவாலய வாசல்கதவுகளை மூடப்பட்டதுடன் பேரணி செல்லாத வகையில் அப்பகுதியில் பொலிஸார் குவிக்கப்பட்டிருந்தனர்.

இந்நிலையில் அங்குவந்த தமிழ் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் இரா.சாணக்கியன் வலிந்து காணாமலாக்கப்பட்டவர்களின் உறவினர்களுடன் கலந்துரையாடினார். இதன்போது, உறவுகள் எந்த செயற்பாடுகளை மேற்கொண்டாலும் தன்னால் ஆதரவு வழங்கமுடியும் எனத் தெரிவித்தார்.

இதன்போது, தேவாலயத்தில் இருந்து மக்கள் பேரணியாக செல்லமுற்பட்டபோது பெருமளவான பொலிஸார் குவிக்கப்பட்டு தேவாலயத்தின் முன் வாயில் கதவு பொலிஸாரினால் மூடப்பட்டது. இதன்போது, நாடாளுமன்ற உறுப்பினர் சாணக்கியன் பொலிஸாருடன் கடுமையான வாய்த்தர்க்கத்தில் ஈடுபட்டதுடன் நீதிமன்ற தடையுத்தரவு மட்டக்களப்பு மாவட்ட வலிந்து காணாமலாக்கப்பட்டவர்களின் உறவினர்கள் சங்கத்தின் தலைவி அமலநாயகிக்குத்தான் வழங்கப்பட்டுள்ளது.

எனக்கு வழங்கப்படவில்லையெனத் தெரிவித்து பொலிஸாரையும் தள்ளியபடி வாயில் கதவினை வலுக்கட்டாயமாக திறந்து வலிந்து காணாமலாக்கப்பட்டவர்களின் உறவினர்களின் பேரணியை நடத்திச்சென்றார்.

இதன்போது, பல இடங்களில் பேரணியை பொலிஸார் தடுக்கமுற்பட்டபோதும் கலகமடக்கும் பொலிஸாரைக் கொண்டும் பேரணியை தடுக்கமுற்பட்டபோது பேரணி உணர்வெழுச்சியுடன் நடைபெற்றது.

மேலும், மட்டக்களப்பு பிரதான வீதி, புகையிரத வீதியுடாகச் சென்று தாண்டவன்வெளி சந்தி ஊடாக சென்று திருமலை வீதியுடாக காந்திபூங்கா வரை பேரணி சென்று அங்கு போராட்டம் இடம்பெற்றது.

விடுதலைப் புலிகளையும் கொரோனாவினையும் காரணம் காட்டி தமது போராட்டத்தினை மழுங்கடிக்கும் செயற்பாடுகளை இலங்கை அரசாங்கம் முன்னெடுத்துவருவதாக வலிந்து காணாமல்ஆக்கப்பட்டவர்களின் உறவினர்கள் தெரிவித்தனர்.

இதன்போது, ஐக்கிய நாடுகள் சபைக்கு வழங்கப்படுவதற்கான மகஜர் ஒன்று மட்டக்களப்பு மறை மாவட்ட குரு முதல்வர் ஏ.தேவதாசனிடம் வலிந்துகாணாமலாக்கப்பட்டோர் உறவுகளின் அமைப்பின் கிழக்கு மாகாண பிரதிநிதிகளினால் வழங்கிவைக்கப்பட்டது.

Link to comment
Share on other sites

  • கருத்துக்கள உறவுகள்

மட்டக்களப்பு நீதிமன்ற தடையினையும் மீறி வலிந்து காணாமல் ஆக்கப்பட்டவர்களின் உறவினர்கள் போராட்டம்

Batti-30-8-2020-2-696x392.jpg

 

மட்டக்களப்பு நீதிமன்ற தடையினையும் மீறி பொலிஸாரின் தடையினையும் உடைத்து மட்டக்களப்பில் வலிந்து காணாமல் ஆக்கப்பட்டவர்களின் உறவினர்களின் போராட்டம் உணர்வுபூர்வமாக நடைபெற்றது.

மட்டக்களப்பு கல்லடி பாலத்திற்கு அருகில் இருந்து சர்வதேச வலிந்து காணாமல்ஆக்கப்பட்டோர் தினத்தினை முன்னிட்டு இன்று காலை மாபெரும் பேரணிக்கு வடகிழக்கு மாகாண வலிந்து காணாமல்ஆக்கப்பட்டோர் உறவுகள் ஏற்பாடுகளை செய்திருந்தது.

இது தொடர்பில் மட்டக்களப்பு மாவட்ட வலிந்து காணாமல்ஆக்கப்பட்டோர் உறவுகளினால் மட்டக்களப்பு பொலிஸார் மற்றும் சுகாதார பிரிவினருக்கு அறிவிக்கப்பட்டிருந்ததுடன் அனைவரும் சுகாதார நடைமுறைகளை பின்பற்றி பேரணியில் கலந்துகொள்வது எனவும் தீர்மானிக்கப்பட்டிருந்தது.

இந்த நிலையில் மட்டக்களப்பு தலைமையக பொலிஸாரினால் குறித்த பேரணிக்கு மட்டக்களப்பு நீதிவான் நீதிமன்று ஊடாக தடையுத்தரவு கோரப்பட்டு தடையுத்தரவு வழங்கப்பட்டுள்ளது.

இன்று காலை கல்லடி பாலத்திற்கு அருகில் குறித்த பேரணியில் கலந்துகொள்ளச்சென்ற மக்களை அங்கிருந்து செல்லுமாறு மட்டக்களப்பு தலைமையக பொலிஸார் அச்சுறுத்தல்களை விடுத்தபோதிலும் கல்லடி பாலத்திற்கு அருகில் திரண்ட பெருமளவான மக்கள் ஊர்வலம் செல்ல முயற்சித்தபோதிலும் பொலிஸார் அவற்றினை தடுத்து நிறுத்தினர்.

Batti-30-8-2020-3.jpgஇதன்போது நீதிமன்ற தடையுத்தரவினை வாசித்து காட்டிய பொலிஸார் நீதிமன்ற தடையினை மீறி ஊர்வலம் சென்றால் கைதுசெய்யப்படுவார்கள் என எச்சரித்தனர்.

இங்கு கலந்துகொண்ட அம்பாறை மாவட்ட வலிந்து காணாமல்ஆக்கப்பட்டோர் சங்கத்தின் தலைவி த.செல்வராணியை கைதுசெய்யும் முயற்சியை அங்குவந்திருந்த மக்கள் தெரிவித்த கடும் எதிர்ப்பு காரணமாக கைவிடப்பட்டது.

Batti-30-8-2020-1.jpgவிடுதலைப்புலிகள் மீள் எழுச்சி பெறுவார்கள் என்று கூறி தமது போராட்டத்திற்கு தடையுத்தரவு வாங்கப்பட்டுள்ளதாகவும் விடுதலைப்புலிகளை அழித்ததாக மகிந்தராஜபகஸ் அவர்கள் கூறியுள்ள நிலையில் 60வயதுக்கு மேற்பட்ட கிழவிகள் சேர்ந்தா விடுதலைப்புலிகளை மீள அமைக்கப்போகின்றோம் என்று இங்கு பொலிஸாருடன் வாக்குவாதத்தில் ஈடுபட்ட அம்பாறை மாவட்ட வலிந்து காணாமல்ஆக்கப்பட்டோர் சங்கத்தின் தலைவி த.செல்வராணி தெரிவித்தார்.

நாங்கள் எங்களின் கைகளினால் வழங்கப்பட்ட பிள்ளைகளையும் கணவன் மாரையும் எங்களிடம் மீண்டும் ஒப்படையுங்கள் என்றே போராடுகின்றோம் எனவும் அவர் இதன்போது பொலிஸாரிடம் தெரிவித்தார்.

இதேநேரம் கலகம் அடக்கும் பொலிஸாரும் பெருமளவான பொலிஸாரும் கல்லடி பாலத்திற்கு அருகில் குவிக்கப்பட்டிருந்ததுடன் கல்லடி பாலத்திற்கு அருகில் இருந்த புனித செபஸ்தியார் ஆலயத்தில் வலிந்து காணாமல்ஆக்கப்பட்டவர்களின் உறவினர்கள் ஒன்றுகூடியிருந்ததுடன் இதில் சிவில் அமைப்புகளின் பிரதிநிதிகள்,மனித உரிமைகள் ஆர்வலர்கள்,அரசியல்வாதிகள,இளைஞர்கழக உறுப்பினர்கள் என பெருந்திரளானோர் குறித்த தேவாலயப்பகுதியில் திரண்டிருந்தனர்.

இதன்போது தேவாலய வாசல்கதவுகளை மூடிய பொலிஸார் அவர்கள் பேரணியை செல்லாத வகையில் அப்பகுதியில் பொலிஸார் குவிக்கப்பட்டிருந்தனர்.

இந்த நிலையில் அங்குவந்த தமிழ் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினர் இரா.சாணக்கியனம் வலிந்து காணாமல் ஆக்கப்பட்டவர்களின் உறவினர்களுடன் கலந்துரையாடினார்.இதன்போது உறவுகள் எந்த செயற்பாடுகளை மேற்கொண்டாலும் தன்னால் ஆதரவு வழங்கமுடியும் என தெரிவித்தார்.

இதன்போது தேவாலயத்தில் இருந்து மக்கள் பேரணியாக செல்லமுற்பட்டபோது பெருமளவான பொலிஸார் குவிக்கப்பட்டு தேவாலயத்தின் முன் வாயில் கதவு பொலிஸாரினால் மூடப்பட்டது.இதன்போது பாராளுமன்ற உறுப்பினர் சாணக்கியன் பொலிஸாருடன் கடுமையான வாய்த்தர்க்கத்தில் ஈடுபட்டதுடன் நீதிமன்ற தடையுத்தரவு மட்டக்களப்பு மாவட்ட வலிந்து காணாமல்ஆக்கப்பட்டவர்களின் உறவினர்கள் சங்கத்தின் தலைவி அமலநாயகிக்குத்தான் வழங்கப்பட்டுள்ளது.எனக்கு வழங்கப்படவில்லையென தெரிவித்து பொலிஸாரையும் தளியபடி வாயில் கதவினை வலுக்கட்டாயமாக திறந்து வலிந்து காணாமல்ஆக்கப்பட்டவர்களின் உறவினர்களின் பேரணியை நடாத்திச்சென்றார்.

இதன்போது பல இடங்களில் பேரணியை பொலிஸார் தடுக்கமுற்பட்டபோதும் கலகமடக்கும் பொலிஸாரைக்கொண்டும் பேரணியை தடுக்கமுற்பட்டபோது பேரணி உணர்வெழுச்சியுடன் நடைபெற்றது.

இதன்போது மட்டக்களப்பு பிரதான வீதியுடாக புகையிரத வீதியுடாக சென்று தாண்டவன்வெளி சந்தி ஊடாக சென்று திருமலை வீதியுடாக காந்திபூங்காவரையில் வந்த வலிந்து காணாமல்ஆக்கப்பட்டவர்களின் உறவினர்கள் அங்கு போராட்டத்தில் ஈடுபட்டனர்.

விடுதலைப்புலிகளையும் கொரனாவினையும் காரணம் காட்டி தமது போராட்டத்தினை மழுங்கடிக்கும் செயற்பாடுகளை இலங்கை அரசாங்கம் முன்னெடுத்துவருவதாக வலிந்து காணாமல்ஆக்கப்பட்டவர்களின் உறவினர்கள் இங்கு தெரிவித்தனர்.

இதன்போது ஐக்கிய நாடுகள் சபைக்கு வழங்கப்படுவதற்கான மகஜர் ஒன்று மட்டக்களப்பு மறை மாவட்ட குரு முதல்வர் ஏ.தேவதாசனிடம் வலிந்துகாணாமல்ஆக்கப்பட்டோர் உறவுகளின் அமைப்பின் கிழக்கு மாகாண பிரதிநிதிகளினால் வழங்கிவைக்கப்பட்டது.

இந்த கவன ஈர்ப்பு பேரணியில் மட்டக்களப்பு மாவட்ட தமிழ் தேசிய கூட்டமைப்பு பாராளுமன்ற உறுப்பினர்களான இரா.சாணக்கியன்,கோவிந்தன் கருணாகரம்,முன்னாள் பாராளுமன்ற உறுப்பினர்களான ஞா.சிறிநேசன்,சீ.யோகேஸ்வரன்,பா.அரியநேத்திரன்,தமிழ் தேசிய மக்கள் முன்னணியின் மட்டக்களப்பு மாவட்ட அமைப்பாளர் த.சுரேஸ்,மட்டக்களப்பு மாநகரசபை முதல்வர் தி.சரவணபவன் உட்பட பெருமளவானோர் கலந்துகொண்டனர்

http://www.ilakku.org/மட்டக்களப்பு-நீதிமன்ற-தட/

 

5 hours ago, goshan_che said:

மட்டகளப்பிலும் பேரணி சாணக்கியன் தலைமையில் பொலிசாரின் தடையையும் மீறி உத்வேகமாக நடந்தது.

மட்டகளப்புத்தானே என்று ஊடகங்கள் அதை செய்தியாகமல் விட்டதோ அல்லது, இங்கே இணத்தவர்கள் இணைக்காமல் விட்டார்களோ தெரியவில்லை. 

வாழைப்பழத்தில் ஊசி ஏற்றுவது மாதிரி பிரதேச வாத த்தை விதைக்க பார்க்கின்றீர்கள்🤔.

செய்தி யார் காண்கின்றார்களோ அதை இணைக்கலாம் தானே இப்படி ஒரு கருத்தை பதியாமல்🙏

Link to comment
Share on other sites

  • கருத்துக்கள உறவுகள்

திருமலையிலும் காணாமல் ஆக்கப்பட்டோருக்கான போராட்டம்!

sampanthan-pro.jpg?189db0&189db0

 

வலிந்து காணாமல் ஆக்கப்பட்டோர்கள் தினமான இன்று (30) காலை திருகோணமலையிலும் அமைதியான முறையில் கவனயீர்ப்பு போராட்டமொன்று முன்னெடுக்கப்பட்டது.

திருகோணமலையில் உள்ள ஆளுநர் செயலகத்துக்கு முன்பாக தங்களது உறவுகளுக்காக நீதி வேண்டி, வலிந்து காணாமல் ஆக்கப்பட்டவர்களின் உறவுகள் கவனயீர்ப்பில் ஈடுபட்டனர்.

இதில், காணாமல் ஆக்கப்பட்ட உறவுகளின் திருகோணமலை மாவட்ட சங்கத்தின் தலைவி உள்ளிட்ட பலரும் உறவுகளுக்காக தங்களது அமைதியான போராட்டத்தை முன்னெடுத்தனர்.

குறித்த போராட்ட இடத்துக்கு தமிழ் தேசிய கூட்டமைப்பின் தலைவர் இரா.சம்பந்தன் விரைந்து சென்று மக்களுடன் கலந்துரையாடலில் ஈடுபட்டுள்ளமையும் குறிப்பிடதக்கது.

  • IMG-20200830-WA0030-1-1024x768.jpg?189db
  • sampanthan-pro2.jpg?189db0&189db0
 
 

பொலிஸாரின் தடையை உடைத்தெறிந்து மட்டு’வில் உணர்வெழுச்சி போராட்டம்

Missing-Persons-Relations-Protest-Batticalao-5-720x480-1.jpg?189db0&189db0

 

மட்டக்களப்பு நீதிமன்றத் தடையினையும் மீறி பொலிஸார் போட்டிருந்த தடையையும் உடைத்தெறிந்து மட்டக்களப்பில் காணாமல் ஆக்கப்பட்டவர்களின் உறவினர்களால் மாபெரும் கவனயீர்ப்பு போராட்டம் பேரணி உணர்வுபூர்வமாக நடைபெற்றது.

வலிந்த காணாமல் ஆக்கப்பட்டோரின் சர்வதேச தினத்தினை முன்னிட்டு இன்று (30) காலை மாபெரும் பேரணிக்கு வடக்கு கிழக்கு மாகாண வலிந்து காணாமல் ஆக்கப்பட்டோரின் உறவுகள் சங்கம் ஏற்பாடு செய்திருந்தது.

இது தொடர்பாக மட்டக்களப்பு மாவட்ட வலிந்து காணாமலாக்கப்பட்டோரின் உறவுகளினால் மட்டக்களப்பு பொலிஸார் மற்றும் சுகாதாரப் பிரிவினருக்கு அறிவிக்கப்பட்டிருந்ததுடன் அனைவரும் சுகாதார நடைமுறைகளைப் பின்பற்றி பேரணியில் கலந்துகொள்வது எனவும் தீர்மானிக்கப்பட்டது.

இந்நிலையில் மட்டக்களப்பு தலைமையகப் பொலிஸாரினால் குறித்த பேரணிக்கு மட்டக்களப்பு நீதிவான் நீதிமன்று ஊடாக தடையுத்தரவு கோரப்பட்டு தடையுத்தரவு வழங்கப்பட்டுள்ளது.

இந்தசூழலில் பேரணி நடத்துவதற்காக இன்று காலை கல்லடிப் பாலத்திற்கு சென்ற மக்களை அங்கிருந்து திரும்பிச்செல்லுமாறு மட்டக்களப்பு தலைமையகப் பொலிஸார் கோரியதுடன் மக்கள் ஊர்வலம் செல்வதற்கு முயற்சித்தபோது அதனைத் தடுத்து நிறுத்தினர்.

இதன்போது, நீதிமன்ற தடையுத்தரவினை வாசித்துக் காட்டிய பொலிஸார் நீதிமன்ற தடையினை மீறி ஊர்வலம் சென்றால் கைதுசெய்யப்படுவீர்கள் என எச்சரித்தனர்.

இதேநேரம், கலகம் அடக்கும் பொலிஸாருடன் பெருமளவான பொலிஸார் கல்லடிப் பாலத்திற்கு அருகில் குவிக்கப்பட்டிருந்த நிலையில் பாலத்திற்கு அருகில் இருந்த புனித செபஸ்தியார் ஆலயத்தில் வலிந்து காணாமலாக்கப்பட்டவர்களின் உறவினர்கள் ஒன்றுகூடினர்.

இதில் சிவில் அமைப்புகளின் பிரதிநிதிகள், மனித உரிமைகள் ஆர்வலர்கள், அரசியல்வாதிகள், இளைஞர் கழக உறுப்பினர்கள் என பெருந்திரளானோர் திரண்டிருந்தனர்.

இதன்போது, தேவாலய வாசல்கதவுகள் மூடப்பட்டதுடன் பேரணி செல்லாத வகையில் அப்பகுதியில் பொலிஸார் குவிக்கப்பட்டிருந்தனர்.

இந்நிலையில் அங்குவந்த தமிழ் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் இரா.சாணக்கியன் மக்களுடன் கலந்துரையாடியதுடன் உறவுகள் எந்த செயற்பாடுகளை மேற்கொண்டாலும் தன்னால் ஆதரவு வழங்கமுடியும் எனத் தெரிவித்தார்.

இதையடுத்து பேரணியை முன்னெடுக்னத் தீர்மானித்து மக்கள் பேரணியாகச் செல்லமுற்பட்டபோது பெருமளவான பொலிஸார் தேவாலயத்தின் முன் வாயில் கதவை அடைத்தனர்.

இதன்போது, நாடாளுமன்ற உறுப்பினர் சாணக்கியன் பொலிஸாருடன் கடுமையான வாய்த்தர்க்கத்தில் ஈடுபட்ட நிலையில், பின்னர் பொலிஸாரையும் தள்ளியபடி வாயில் கதவினை வலுக்கட்டாயமாக திறந்து மக்களுடன் பேரணியை நடத்திச்சென்றார்.

இதன்போது, கலகமடக்கும் பொலிஸாரைக் கொண்டு பல இடங்களில் பேரணியை பொலிஸார் தடுக்கமுற்பட்டபோதும் பேரணி உணர்வெழுச்சியுடன் முன்னெடுக்கப்பட்டது.

குறித்த பேரணி, மட்டக்களப்பு பிரதான வீதி மற்றும் புகையிரத வீதியூடாகச் சென்று தாண்டவன்வெளி சந்தி, திருமலை வீதியுடாக காந்திபூங்கா வரை சென்றதுடன் அங்கு போராட்டம் இடம்பெற்றது.

இதன்போது, ஐக்கிய நாடுகள் சபைக்கு வழங்கப்படுவதற்கான மகஜர் ஒன்று மட்டக்களப்பு மறை மாவட்ட குரு முதல்வர் ஏ.தேவதாசனிடம் வலிந்து காணாமல் ஆக்கப்பட்டோர் உறவுகளின் அமைப்பின் கிழக்கு மாகாண பிரதிநிதிகளினால் வழங்கிவைக்கப்பட்டது.

இதன்போது கருத்துத் தெரிவித்த உறவினர்கள், “விடுதலைப் புலிகளையும் கொரோனாவினையும் காரணம் காட்டி எமது போராட்டத்தினை மழுங்கடிக்கும் செயற்பாடுகளை இலங்கை அரசாங்கம் முன்னெடுத்துவருகிறது.

விடுதலைப் புலிகளை அழித்ததாக மகிந்த ராஜபக்ஷ கூறியுள்ள நிலையில் 60 வயதுக்கு மேற்பட்ட கிழவிகள் சேர்ந்து விடுதலைப் புலிகளை மீள அமைக்கப்போகின்றோமா?

நாங்கள் எங்களின் கைகளினால் வழங்கப்பட்ட பிள்ளைகளையும் கணவன்மாரையும் எங்களிடம் மீண்டும் ஒப்படையுங்கள் என்றே போராடுகின்றோம்” என தெரிவித்தனர்.

  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
  • Missing-Persons-Relations-Protest-Battic
 
 

முல்லைத்தீவிலும் முன்னெடுக்கப்பட்டது போராட்டம்!

IMG_20200831_003309.jpg?189db0&189db0

 

வலிந்து காணாமல் ஆக்கப்பட்டவர்களுக்கு நீதி கோரி இன்று (30) முல்லைத்தீவில் கவனயீர்ப்பு போராட்டமொன்று முன்னெடுக்கப்பட்டது.

சர்வதேச காணாமலாக்கப்பட்டோர் தினமான இன்று வடக்கு – கிழக்கு மாகாணங்களில் பாரிய போராட்டங்கள் முன்னெடுக்கப்பட்டுள்ளன.

அந்த வகையில் இன்று காலை முல்லைத்தீவிலும் வலிந்து காணாமலாக்கப்பட்டவர்களின் உறவுகளினால் போராட்டம் முன்னெடுக்கப்பட்டது.

  • IMG_20200831_003321.jpg?189db0&189db0
  • IMG_20200831_003256.jpg?189db0&189db0
 
 
Link to comment
Share on other sites

  • கருத்துக்கள உறவுகள்

கிளிநொச்சியிலும் இடம்பெற்றது மாபெரும் போராட்டம்!

Missing-Persons-Relations-Protest-Kilinochchi-6-428x241-1.jpg?189db0&189db0

 

வடக்கு கிழக்கு வலிந்து காணாமல் ஆக்கப்பட்டவர்களின் அமைப்பின் ஏற்பாட்டில் கிளிநொச்சியிலும் இன்று (30) மாபெரும் கவனயீர்ப்புப் போராட்ட பேரணி முன்னெடுக்கப்பட்டது.

குறித்த பேரணி, இன்று காலை 10 மணியளவில் கிளிநொச்சி கந்தசுவாமி ஆலயம் முன்பாக ஆரம்பிக்கப்பட்டது.

இந்தப் போராட்டத்தில் ஈடுபட்ட போராட்டக்காரர்கள் பேரணியாக ஏ-9 வீதியூடாக கிளிநொச்சி மாவட்டச் செயலகம் வரை சென்று, அங்கு கவனயீர்ப்பில் ஈடுபட்டதுடன் பல்வேறு கோசங்களையும் எழுப்பியிருந்தனர்.

வடக்கு கிழக்கு மாகாணம் தழுவிய ரீதியில் இன்று போராட்டங்கள் ஏற்பாடு செய்யப்பட்ட நிலையில், கிளிநொச்சி இடம்பெற்ற போராட்டத்தில் 500இற்கும் மேற்பட்ட மக்கள் கலந்து கொண்டிருந்ததுடன் பதாதைகளையும் ஏந்தியிருந்தனர்.

இதேவேளை, கிளிநொச்சியில் இன்றைய திடம் இடம்பெற்ற போராட்டத்தில் மக்கள் பிரதிநிதிகள் எவரும் கலந்துகொண்டிருக்கவில்லை.

இதன்போது, ஐ.நா. மனித உரிமைகள் பேரவையின் ஆணையாளர் மைக்கேல் பச்லெட் ஜெரியாவிற்கு மகஜர் ஒன்றும் அனுப்பி வைக்கப்பட்டுள்ளது.

  • Missing-Persons-Relations-Protest-Kilino
  • Missing-Persons-Relations-Protest-Kilino
  • Missing-Persons-Relations-Protest-Kilino
  • Missing-Persons-Relations-Protest-Kilino
  • Missing-Persons-Relations-Protest-Kilino
  • Missing-Persons-Relations-Protest-Kilino
 
 

பிறிதொரு தரப்பால் யாழ் கிட்டு பூங்காவில் போராட்டம்!

a4.jpg?189db0&189db0

காணாமல் ஆக்கப்பட்டோரின் உறவினர்களான பிறிதொரு தகுதியினரின் ஏற்பாட்டில் சர்வதேச வலிந்து காணாமல் ஆக்கப்பட்டவர்களின் தினமான நேற்று (30) காலை 11 மணியளவில் யாழ்ப்பாணம் கிட்டுப் பூங்காவிலிருந்து போராட்ட பேரணி ஒன்று முன்னெடுக்கப்பட்டது.

இங்கு பேரணிக்கு முன்னதாக காணாமல் ஆக்கப்பட்டோருக்கு நீதிவேண்டி போராடும் போது உயிரிழந்த தாய் மற்றும் தந்தையருக்கு ஈகைச் சுடரேற்றி மலரஞ்சலியுடன் அகவணக்கம் செலுத்தப்பட்டது.

குறித்த பேரணியானது யாழ்ப்பாணம் நல்லூர் – கிட்டுப் பூங்காவில் இருந்து ஆரம்பமாகி முத்திரைச்சந்தியை அடைந்து அங்கிருந்து நல்லூர் ஆலயத்தை அடைந்து கோவில் வீதியூடாக நாவலர் வீதியை அடைந்து பின் ஐநாவின் வதிவிட அலுவலகத்தை சென்றடைந்தது.

இனவழிப்பு தொடர்பில் சர்வதேச விசாரணையே வேண்டும், உள்நாட்டு பொறிமுறையில் நம்பிக்கை இல்லை, ஐநாவே தலையிடு, எங்கே எங்கே உறவுகள் எங்கே?, ஐநா அமைதிப்படை வரவேண்டும், தமிழர் தேசம் அங்கீகரிக்கப்பட வேண்டும் போன்ற பல்வேறு கோஷங்கள் உறவுகளால் எழுப்பப்பட்டது.

அங்கு வலிந்து காணாமல் ஆக்கப்பட்டவர்களுக்கான பொறுப்புக் கூறல் மற்றும் நீதிக்கான அவசர தேவை கருதி யாழ்ப்பாணத்தில் அமைந்துள்ள ஐக்கிய நாடுகள் சபையின் வதிவிட ஒருங்கிணைப்பாளர் அலுவலகத்தினூடாக ஐக்கிய நாடுகள் சபையின் மனித உரிமைப் பேரவைக்கு அறிக்கையொன்றும் காணாமல் ஆக்கப்பட்ட உறவுகளால் சமர்ப்பிக்கப்பட்டது.

குறித்த போராட்டத்தில் தமி்ழ் தேசிய மக்கள் முன்னணியின் எம்பிகள் இருவர் பங்கேற்றிருந்தனர்.

இதேவேளை வடக்கின் பிரதான போராட்டமான மாபெரும் பேரணி யாழ் மத்திய பேருந்து நிலையத்தில் இருந்து காணாமல் ஆக்கப்பட்டோரின் உறவுகள் அமைப்பின் ஏற்பாட்டில் முன்னெடுக்கப்பட்டமை குறிப்பிடத்தக்கது.

  • a8.jpg?189db0&189db0
  • a11.jpg?189db0&189db0
  • a16.jpg?189db0&189db0
  • a1.jpg?189db0&189db0
  • a18.jpg?189db0&189db0
  • a6.jpg?189db0&189db0
  • a3.jpg?189db0&189db0
  • a2.jpg?189db0&189db0
  • a5-1.jpg?189db0&189db0
  • a4.jpg?189db0&189db0
 
 

 

Link to comment
Share on other sites

  • கருத்துக்கள உறவுகள்

தேர்தல் கற்றுக்கொடுத்த பாடம், ஐயா முதலே வந்து குந்திவிட்டார். 

Link to comment
Share on other sites

  • கருத்துக்கள உறவுகள்
4 hours ago, உடையார் said:

 

 

வாழைப்பழத்தில் ஊசி ஏற்றுவது மாதிரி பிரதேச வாத த்தை விதைக்க பார்க்கின்றீர்கள்🤔.

செய்தி யார் காண்கின்றார்களோ அதை இணைக்கலாம் தானே இப்படி ஒரு கருத்தை பதியாமல்🙏

இதில் எங்கே வாழைப்பழம்? நேரடியாகவே சொல்லியுள்ளேன்.

யாழ்பாணத்தில், வடக்கில் நடந்த நிகழ்வுகள் பற்றி இணைத்து 24 மணத்தியாலமும் ஒரு நினைவூட்டலும் தேவை பட்டிருக்கிறது மட்டகளப்பு நிகழ்வுகளை இணைக்க.

யாழ் செய்திகளை இணைத்த சமயம் ஒரு நிமிடம், மட்டகளப்பில் என்ன நடந்தது? அங்கேயும் காணாமல் ஆக்கப்பட்டோர் உளரே என நினைத்திருந்தால் - மீனகத்தை எட்டி பார்திருந்தால் அதையும் போட்டிருக்கலாம்.

ஆனால் அப்படி ஒரு நினைவு எழவில்லை? ஏன்? ஏன்னென்றால் இதுதான் unconscious bias. Unconscious Jaffna-centric attitude. 

இச்சையின்றிய யாழ்மையவாதம்.

இதை சுட்டிகாட்டினால் என்னை பிரதேசவாதி என்கிறீர்கள். 

யாழ் மையவாததுக்கு எதிராக எப்படி எழுகிறேனோ அப்படியே பிரதேசவாததுக்கும் எதிராக நான் எழுதியுள்ளேன். பழைய திரிகளை போய் பாருங்கள்.

தயவு செய்து உங்கள் தனிபட்ட சறுக்கல்களை மூடி மறைக்க பிரதேசவாதத்தை, தமிழ் தேசியத்தை ஒரு போர்வையாக்காதீர்கள்.

Link to comment
Share on other sites

  • கருத்துக்கள உறவுகள்
4 minutes ago, goshan_che said:

இதில் எங்கே வாழைப்பழம்? நேரடியாகவே சொல்லியுள்ளேன்.

யாழ்பாணத்தில், வடக்கில் நடந்த நிகழ்வுகள் பற்றி இணைத்து 24 மணத்தியாலமும் ஒரு நினைவூட்டலும் தேவை பட்டிருக்கிறது மட்டகளப்பு நிகழ்வுகளை இணைக்க.

யாழ் செய்திகளை இணைத்த சமயம் ஒரு நிமிடம், மட்டகளப்பில் என்ன நடந்தது? அங்கேயும் காணாமல் ஆக்கப்பட்டோர் உளரே என நினைத்திருந்தால் - மீனகத்தை எட்டி பார்திருந்தால் அதையும் போட்டிருக்கலாம்.

ஆனால் அப்படி ஒரு நினைவு எழவில்லை? ஏன்? ஏன்னென்றால் இதுதான் unconscious bias. Unconscious Jaffna-centric attitude. 

இச்சையின்றிய யாழ்மையவாதம்.

இதை சுட்டிகாட்டினால் என்னை பிரதேசவாதி என்கிறீர்கள். 

யாழ் மையவாததுக்கு எதிராக எப்படி எழுகிறேனோ அப்படியே பிரதேசவாததுக்கும் எதிராக நான் எழுதியுள்ளேன். பழைய திரிகளை போய் பாருங்கள்.

தயவு செய்து உங்கள் தனிபட்ட சறுக்கல்களை மூடி மறைக்க பிரதேசவாதத்தை, தமிழ் தேசியத்தை ஒரு போர்வையாக்காதீர்கள்.

நீங்கள் செய்வது அப்பட்டமான பிரதேசவாதம்தான் - எனென்றால் ஒன்றை விளங்கி கொள்ள முதல், இப்படி பதிகின்றீர்கள்.

கீழே உள்ள தளத்தில் போய் பாருங்கள்,

http://www.ilakku.org/

முதலில் போட்டது யாழில் நடந்த போராட்டம். அவற்களுக்கு மற்ற செய்திகள் போக முதல், யாழின் செய்தி கிடைத்திருக்கலாம். யாழின் செய்தி இணைத்தபின் எந்த செய்தியும் நான் இணைக்கவில்லை, நித்தா கொள்ள போய்விட்டேன்.

இதில் செய்திகள் இணைத்திருப்பது நானும் கிருபனும் - இப்ப சொல்லுங்கள் யாரை நினைத்து பதிவிட்டீர்கள் என்று.

இங்கு யாரும் பிரதேசத்தை வைத்து யாழில் செய்திகள் இணைப்பதில்லை.

நீங்கள்தான் இப்ப பல புதிய கோணங்களில் கிளறுகின்ற மாதிரி இருக்கு. 

நான் ஏதையும் மூடி மறைக்க தேவையில்லை, அப்படிப்பட்டவனுமில்லை

 நான் தந்து எடுத்து வளர்ப்பதும் மட்டகளப்பிலிருந்துதான்,  இன்னும் எடுக்க இருக்கின்றேன்.

கொரோணா கலத்தில் யாழ் இன்னுமொரு உறவுடன் இணைத்து உதவி செய்ததும் மட்டகளப்பிற்குதான், 02/09/20 நினைவுதினமாக சாப்பாடு கொடுக்கப்போவதும் மட்டகளப்பில்தான்....

ஒரு சிறு வட்டம்போட்டுவிட்டு எல்லாதையும் ஒரே மாதிரி எடை போடாதீர்கள்

 இந்த பிரதேச வாத த்தை கொஞ்சம் அடக்கி வாசியுங்கள், இப்ப சிதைந்து போயிருக்கு அதை இன்னும் சிதைக்க வேண்டாம், இப்படி நஞ்சூட்டி 🙏

 

 

Link to comment
Share on other sites

  • கருத்துக்கள உறவுகள்

காணாமல் போனோர் ஊர்வலங்களில் கலந்து கொண்ட உறவுகளுக்கு பாராட்டுக்கள்.

Link to comment
Share on other sites

  • கருத்துக்கள உறவுகள்

அதுசரி, இந்தப் போராட்டங்களில் கருணா அம்மானும், பிள்ளையானும், வியாழேந்திரனும், ஜெயனந்த மூர்த்தியும், டக்கிளஸும், அங்கஜனும் திலீபனும் செலுத்திய பங்களிப்பு என்ன? 

Link to comment
Share on other sites

  • கருத்துக்கள உறவுகள்

திருமலையில் இடம்பெற்ற நீதி கோரிய அமைதிப் போராட்டத்தில் சம்பந்தன் !

sampanthan-pro1.jpg

வலிந்து காணாமல் ஆக்கப்பட்டோர்கள் தினமான இன்று (ஞாயிற்றுக்கிழமை) திருகோணமலையிலும் அமைதியான முறையில் கவனயீர்ப்பு போராட்டமொன்று இடம்பெற்றது.

திருகோணமலையில் உள்ள ஆளுனர் செயலகத்துக்கு முன்பாக தங்களது உறவுகளுக்காக நீதி வேண்டி, வலிந்து காணாமல் ஆக்கப்பட்டவர்களின் உறவுகள் கவனயீர்ப்பில் ஈடுபட்டனர்.

இதில், காணாமல் ஆக்கப்பட்ட உறவுகளின் திருகோணமலை மாவட்ட சங்கத்தின் தலைவி உள்ளிட்ட பலரும் உறவுகளுக்காக தங்களது அமைதியான போராட்டத்தை முன்னெடுத்துள்ளனர்.

குறித்த அமைதிவழி இடத்துக்கு தமிழ் தேசிய கூட்டமைப்பின் தலைவர் இரா.சம்பந்தன் விரைந்து சென்று உரிய மக்களுடன் கலந்துரையாடலில் ஈடுபட்டமையும் குறிப்பிடதக்கது.

https://vanakkamlondon.com/world/srilanka/2020/08/82381/

Link to comment
Share on other sites

  • கருத்துக்கள உறவுகள்
6 minutes ago, ரஞ்சித் said:

அதுசரி, இந்தப் போராட்டங்களில் கருணா அம்மானும், பிள்ளையானும், வியாழேந்திரனும், ஜெயனந்த மூர்த்தியும், டக்கிளஸும், அங்கஜனும் திலீபனும் செலுத்திய பங்களிப்பு என்ன? 

அவைக்கு வாக்கு கேட்டவைக்கு.. போட்டவைக்கே வெளிச்சம். 

Link to comment
Share on other sites

2 hours ago, ரஞ்சித் said:

அதுசரி, இந்தப் போராட்டங்களில் கருணா அம்மானும், பிள்ளையானும், வியாழேந்திரனும், ஜெயனந்த மூர்த்தியும், டக்கிளஸும், அங்கஜனும் திலீபனும் செலுத்திய பங்களிப்பு என்ன? 

 

2 hours ago, nedukkalapoovan said:

அவைக்கு வாக்கு கேட்டவைக்கு.. போட்டவைக்கே வெளிச்சம். 

சாணக்கியனும் சம்பந்தனும் நிற்கிறார்கள். விக்னேஸ்வரனும் கஜேந்திரகுமாரும் நின்றதை காணவில்லையே?

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.