Jump to content
  • advertisement_alt
  • advertisement_alt
  • advertisement_alt

கனடியத் தமிழர் பேரவையின் ‘தமிழர் தெரு விழா 2020’


Recommended Posts

  • கருத்துக்கள உறவுகள்

கனடியத் தமிழர் பேரவையின் ‘தமிழர் தெரு விழா 2020’

August 28, 2020

1-1.png

 

னடியத் தமிழர் பேரவையால் ஒழுங்கு செய்யப்பட்டு கடந்த ஐந்து வருடங்களாக கோலாகலமாக நடாத்தப்பட்டு வந்த ‘தமிழர் தெரு விழா’ நிகழ்வு இவ்வாண்டு முற்றுமுழுதாக வித்தியாசமானதொரு முறையில் நடைபெறவிருக்கிறது என கனடியத் தமிழர் பேரவையின் நிர்வாக இயக்குநர் டன்ரன் துரைராஜா அறிவித்துள்ளார்.

இது தொடர்பில் அவர் மேலும் தெரிவித்திருப்பதாவது;

“கோவிட்19 நோய்த் தொற்றினைத் தவிர்க்குமுகமாக இம்முறை இவ்வாண்டிற்கான ‘ தமிழர் தெரு விழா 2020’ நிகழ்வானது இணையம் வழியாக கொண்டாடப்படவிருக்கிறது. கனடியத் தமிழர் பேரவையானது உலகம் முழுவதுமுள்ள பார்வையாளர்களை பல்வேறு நாட்டுக் கலைஞர்களுடன் இணைத்து புதுமையானதொரு முறையில் ‘தெருவிழா 2020’ கொண்டாட்டத்தை உங்கள் வீட்டிற்குள்ளேயே கொண்டுவருகிறது.

இதற்கமைய ‘ தமிழர் தெரு விழா 2020’ எதிர்வரும் சனிக்கிழமை ஒகஸ்ட் 29ஆம் திகதி காலை 10:30 மணிக்கு இணையத்தில் தொடங்கி வைக்கப்படும். அதன்பின், பல்வேறு கலைநிகழ்ச்சிகள் தொடர தெருவிழாவின் முதல் நாள் நிகழ்வுகள் பிற்பகல் 2:30 வரை நேரடி ஒளிபரப்பாக இணையத்தில் கொண்டுவரப்படும். அதேபோல இரண்டாம் நாள் நிகழ்வுகளும் ஞாயிற்றுக் கிழமை 30-08-2020 காலை 11:00 மணிக்கு ஆரம்பமாகி பிற்பகல் 2:30வரை தொடரும். இரண்டாவது தினத்தன்றும் பல்வேறு கலைநிகழ்ச்சிகள் பார்வையாளர்களை இணையம் வழியாகக் கவர்ந்திழுக்கும்.

 

1-2.png

 

கனடியத் தமிழர் பேரவை தரும் தெரு விழாவின் பெரும் சிறப்பே தமிழின் சிறப்புகளைச் சொல்லும் நிகழ்வுகளை தமிழர்களும், தமிழரல்லாதவர்களும் பிரமித்துப் பாராட்டும் வகையிலிருக்குமாறு மேடைக்குக் கொண்டு வருவதாகும். அவ்வகையில் இவ்வாண்டிற்கான சிறப்புப் பேச்சாளர்களாக இலங்கையிலிருந்து கம்பன் கழகத்தின் ‘கம்பவாரிதி’ ஜெயராஜ் அவர்களும் தமிழகத்திலிருந்து தமிழ்மக்களின் உரிமைக்காக குரல் கொடுத்துவரும் வணக்கத்துக்குரிய ஜெகத் காஸ்பர் அடிகளார் அவர்களும் கலந்து கொள்கிறார்கள். அத்துடன் இம்முறையும் தமிழ்பண்பாட்டை வெளிக்காட்டும் நடனங்கள் மற்றும் அனைவரையும் ரசிக்க வைக்கும் கலை கலாச்சார நிகழ்ச்சிகளுடன் மெல்லிசை நிகழ்ச்சிகளும் பார்வையாளர்களைக் கவரவிருக்கின்றன.

 

தெருவிழாவின் முதல்நாளான சனிக்கிழமை ‘மெகா ரியூனேர்ஸு’டைய இன்னிசை நிகழ்ச்சி பிற்பகல் 2:30வரை இசை ரசிகர்களை மெய்மறக்க வைக்கும். இரண்டாம் நாளான ஞாயிற்றுக்கிழமை ‘அக்னி இசைக்குழு’வின் இன்னிசை நிகழ்ச்சி பிற்பகல் 2:30 வரை தொடரும். வழக்கம் போல இம்முறையும் உங்கள் அபிமானத்திற்குரிய தமிழக, ஈழத்து, கனேடிய பாடகர்கள் தெருவிழா மேடையில் இணையவிருக்கிறார்கள்.

 

அதற்கமைய இவ்வாண்டு தமிழகத்திலிருந்து பின்னணிப் பாடகர்கள் மனோ, ஹரிசரண் ஆகியோருடன் ஈழத்துப்பாடகர்கள் ஜெயந்தன் கந்தப்பு, பிரதா கந்தப்பு மற்றும் கனடாவின் பாடகர்களான ‘சுப்பர் சிங்கர்’ புகழ் ஜெசிக்கா ஜூட் மற்றும் சின்மய் ஆகியோர் உங்களை தமது குரல்களால் மயக்க வருகிறார்கள். பிற நிகழ்ச்சிகள் வரிசையில் கனடிய இளங்கலைஞரான சுருதி பாலமுரளியின் இனிய இசை மற்றும் ஆதவன், சந்தியாவின் நகைச்சுவை என பல்வேறு மனங்கவர் நிகழ்ச்சிகள் உங்களுக்காகக் காத்துக் கொண்டிருக்கின்றன.

 

மேலும் இவ்வாண்டும் தமிழர் தெருவிழாவில் தமிழ் வளர்ச்சிக்கான பங்களிப்பும், தாயக உறவுகளுக்கான ஆதரவும் இருக்கும். இம்முறை ரொறன்ரோ பல்கலைக்கழகத்தில் தமிழ் இருக்கை ஒன்றை உருவாக்கும் முயற்சியும், ஈழத்தில் போரினால் பாதிக்கப்பட்ட தமிழ் உறவுகளின் பொருளாதார மேம்பாட்டுக்கான முயற்சிகளும் ‘ தமிழர் தெரு விழா2020’ கொண்டாட்டத்தில் மேற்கொள்ளப்படும் என்பதால் உங்கள் அனைவரதும் ஆதரவை கனடியத் தமிழர் பேரவை பணிவுடன் நாடி நிற்கிறது.

தமிழர் தெரு விழா 2020யின் புது அனுபவத்திற்கு நீங்கள் tamilfest.ca என்ற இணையத்தளத்தில் பார்த்து மகிழலாம். மேலும் உங்கள் Facebook மற்றும், Youtube ஊடாகவும் நிகழ்ச்சிகளை நேரலையாக கண்டு களிக்க முடியும். நிகழ்ச்சிகளுக்கான இணைப்புக்கள் கீழே இணைக்கப்பட்டுள்ளன.

 

Facebook : https://www.facebook.com/tamilfestTO/posts/2762400487418606

Youtube : https://youtu.be/su83yB0xl4s

உங்கள் கணணி, கைத்தொலைபேசி அனைத்திலும் தெருவிழா 2020 வந்து உங்களை எதிர்வரும் சனி ஞாயிறு தினங்கள் மகிழ்ச்சிக் கடலில் மூழ்கவைக்கப்போகிறது..

எதிர்வரும் ஒகஸ்ட் மாதம் 29 திகதியான சனிக்கிழமையும், 30ந் திகதியான ஞாயிற்றுக்கிழமையும் ஒரு புது அனுபவத்தின் ஊடாக தமிழையும் தமிழ்க் கலை கலாச்சாரத்தையும் உலகம்வாழ் தமிழர்களோடு இணையவழி இணைந்து நின்று கொண்டாட ‘தமிழர் தெருவிழா 2020’க்கு கனடியத் தமிழர் பேரவை உங்களை அன்புடன் அழைக்கிறது.”

 

http://thinakkural.lk/article/64957

Link to post
Share on other sites
  • கருத்துக்கள உறவுகள்

பேச ஆள்  கிடைக்கவில்லையோ...கம்பவாரிதி....இது எதற்கு..காசுப்பார்....இதுதான்...

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • 82 - 84 க்கு இடையில்தான் நாட்டுக்கு ஏதாவது செய்யவேண்டும் என்ற உந்துதலில் பலர் இயக்கங்களுக்கு அள்ளுப்பட்டார்கள். ஆனால் அப்போதும் புலிகள் பெரும் தொகையில் இயக்கத்திற்கு சேர்க்கவில்லை. இதனால்தான் உணர்வுமிக்க இளைஞர்கள் பலர் புளட், ரெலோ, ஈபிஆர்எல்எவ் போன்ற இயக்கங்களுக்கு போய் அந்த இயக்கங்கள் வீங்கின. உண்மையில் அந்தக் காலத்தில் இயக்கத்தின் கொள்கைகளைப் பிரித்தறியக் கூடிய தெளிவு மருதரைப் போல சிறுவர்களாக இருந்ததைப் போல இப்படிப் போனவர்களுக்கும் இருந்திருந்தால் தமிழீழம் எப்போதே கிடைத்திருக்கும்😃 மாற்றுக் கருத்துக்களை மதிப்பது எப்படி மதிக்கின்றார்கள் என்பதை யாழ் கள உரையாடல்களிலும், முகப்புத்தக உரையாடல்களிலும் சர்வசாதாரணமாகக் காணும்போதே ஆதாரம் காட்டு என்று கேட்கும் மருதரைப் பார்த்து சிரிக்கத்தான் முடியும்.
    • தமிழீழம் என்னும் உயரிய இலட்சியத்திற்காக தமது இன்னுயிரை இந்நாளில் ஈகம் செய்த வீரவேங்கைகளுக்கு எனது வீரவணக்கங்கள்!!! மாவீரர்கள் எந்த இலட்சியத்துக்காக தம்மை ஈகம் செய்தார்களோ அவ் இலட்சியத்தை அடையும் வரை ஓயாது அதற்காக உழைப்போம் என்று உறுதி கொள்வோம்.
    • அரபு நாடுகளின் கடைகளில் இருந்து அகற்றப்படும் பிரான்ஸ் நாட்டுப் பொருட்கள்; தீவிரமடையும் புறக்கணிப்பு   பரிஸிலிருந்து அருண் சண்முகலிங்கம் - பிரெஞ்சு நாட்டுப் பொருட்கள் ஒரு சில இஸ்லாமிய நாடுகளின் அங்காடிகளில் இருந்து நீக்கப்பட்டு வருகின்றன. அராப் நாட்டவர்கள் பிரெஞ்சுப் பொருட்களை தவிர்க்குமாறு சமூக வலைத்தளங்கள் ஊடாக கோரிக்கை விடுத்து வருகின்றனர். பிரான்சில் இஸ்லாமிய இறைத்தூதர் கேலிச்சித்திரம் தொடர்பான விடயம் தொடர்ந்து சூடுபிடித்த வண்ணமே உள்ளது. அதிபர் Emmnuel Macron கேலிச் சித்திரங்களை வரைவதை நிறுத்த வேண்டியதில்லை என அறிவித்ததை அடுத்து இஸ்லாமிய நாடுகளில் இந்த எதிர்ப்பு கிளம்பியுள்ளது. கட்டார் நாட்டில் நடைபெற இருந்த பிரெஞ்சுக்கலாச்சார விழா பின் போடப்பட்டுள்ளது. கட்டாரில் அல்மீரா, சூக் அல் பலாடி ஆகிய பல்பொருள் அங்காடிகள் பிரெஞ்சுப் பொருட்கள் விற்பனை செய்வதை நிறுத்தி உள்ளன. குவைத் நாட்டின் அங்காடிகளில் இருந்து பிரெஞ்சு உணவுப் பொருட்கள் நீக்கப்பட்டு வருவது சமூக வலைத்தளங்களில் பதிவிடப்பட்டுள்ளன. குவைத்திலுள்ள 60 வர்த்தக நிலையங்களில் பிரெஞ்சுப் பொருள்கள் விற்பனை செய்யப்பட மாட்டாது என அறிவிக்கப்பட்டுள்ளது. குவைத்திலுள்ள 450 பிரயாண முகவர்கள் பிரான்ஸ் நாட்டுக்கான விமானப் பயண முன்பதிவுகளை நிறுத்தியுள்ளனர். ஜோர்டான் நாட்டின் எதிர்க்கட்சி, பிரெஞ்சுப் பொருட்களை தவிர்க்குமாறு தமது நாட்டு மக்களிடம் வேண்டுகோள் விடுத்துள்ளது. பிரான்சில் இருந்து அதிகமான உணவு பொருட்களை இறக்குமதி செய்யும் வளைகுடா நாடுகள் தமது இறக்குமதிகள் தொடர்பாக நடவடிக்கை மேற்கொண்டால் பிரான்ஸ் நாட்டுக்கு பொருளாதார ரீதியாக பெரும் பொருளாதார நட்டம் ஏற்படும் எனத் தெரிவிக்கப்பட்டுள்ளது. http://www.jaffnamuslim.com/2020/10/blog-post_813.html  
×
×
  • Create New...

Important Information

By using this site, you agree to our Terms of Use.