Jump to content
  • advertisement_alt
  • advertisement_alt
  • advertisement_alt

அதிமுக Vs பாஜக: யார் தலைமையில் கூட்டணி? தொடரும் சர்ச்சை


Recommended Posts

  • கருத்துக்கள உறவுகள்

அதிமுக Vs பாஜக: யார் தலைமையில் கூட்டணி? தொடரும் சர்ச்சை

 
பழனிச்சாமி - ஓபிஎஸ்

DIPR

தமிழ்நாட்டில் அடுத்த ஆண்டு நடைபெறவுள்ள சட்டமன்ற தேர்தல் கூட்டணி தலைமை தொடர்பாக மத்தியில் ஆளும் பாஜக ஒரு நிலைப்பாட்டிலும், மாநிலத்தில் ஆளும் அதிமுக வேறொரு நிலைப்பாட்டிலும் இருப்பதால், அந்த கூட்டணி தொடருமா என்ற குழப்பம் மீண்டும் எழுந்துள்ளது. 

தமிழகத்தில் எதிர்வரும் சட்டமன்ற தேர்தல் தொடர்பாக அவ்வப்போது அதிமுகவினரும், பாஜகவினரும் முரண்பட்ட கருத்துகளை வெளியிட்டு வருகிறார்கள். 

சில தினங்களுக்கு முன்பு, அதிமுகவில் அடுத்த முதல்வர் என்ற சர்ச்சை, சில அமைச்சர்கள் வெளியிட்ட கருத்தால் தீவிரமானது. இந்திய சுதந்திர தினம் சென்னையில் கொண்டாடப்பட்ட நிலையில், தேனியில் துணை முதல்வர் ஓ. பன்னீர்செல்வத்துக்கு ஆதரவாக "தமிழ்நாட்டின் நிரந்தர முதல்வர்" என சுவரொட்டி ஒட்டப்பட்டது அதிமுக வட்டாரத்தில் சலசலப்பை ஏற்படுத்தியது. 

மேலும், 'தமிழகத்தின் நிரந்தர முதல்வர் ஓ.பி.எஸ்.', 'ஜெயலலிதாவின் ஆசி பெற்ற ஒரே முதல்வர் ஓ.பி.எஸ்.', '2021-ல் தமிழக முதல்வர் ஓ.பி.எஸ்.', 'ஏழை எளியோரின் எளிய முதல்வர் ஓ.பி.எஸ்.', 'என்றென்றும் மக்களின் முதல்வர் ஓ.பி.எஸ்.' என்பது உள்ளிட்ட வாசகங்கள் அடங்கிய சுவரொட்டிகளும் பரவலாக ஒட்டப்பட்டிருந்தன. 

பெரியகுளத்தில் உள்ள ஓ.பன்னீர்செல்வத்தின் வீடு அமைந்துள்ள தெருவில் உள்ள சுவர்களிலும் இவை ஒட்டப்பட்டு இருந்தன. 

spacer.png

இதையடுத்து, அமைச்சர்கள் சிலர் ஓ.பன்னீர்செல்வத்துடனும், முதல்வர் எடப்பாடி பழனிச்சாமியுடனும் ஒரே நாளில் மூன்று முறை பேச்சுவார்த்தை நடத்தினர். பிறகு ஒரு வாரம் கழித்து நடந்த தேனி மாவட்ட நிர்வாகிகள் ஆலோசனை கூட்டத்தில், நடந்தவை நடந்தவையாக இருக்கட்டும். இனி நடப்பவை நல்லவையாக இருக்கும். தொண்டர்கள், நிர்வாகிகள் கட்சிக்கு மட்டுமே விசுவாசமாக இருக்க வேண்டும். தொண்டர்கள் எனக்கு விசுவாசமாக இருக்க வேண்டும் என நான் எண்ணியதே இல்லை. எண்ணம் தூய்மையாக இருக்க வேண்டும். எடுத்து வைக்கும் அடியும் தூய்மையாக இருக்க வேண்டும் என்று கூறி பிரச்னைக்கு முற்றுப்புள்ளி வைத்தார். 

முன்னதாக, சுதந்திர தின ஆண்டுக்கொண்டாட்டத்துக்கு மறுதினம் செய்தியாளர்களிடம் பேசிய பாஜக மூத்த தலைவர் பொன். ராதாகிருஷ்ணன், பாஜக அங்கம் வகிக்கும் ஆட்சிதான் தமிழகத்தில் உருவாகும் என்று கூறினார். இதேபோல, பாஜவினர் கைகாட்டுபவர்கள் தான் 2021ல் தமிழகத்தில் ஆட்சி கட்டிலில் அமர போகிறார்கள் என்று பாஜக தலைவர் எல்.முருகன் கூறினார். 

இதன் பிறகு, பாஜக வேட்பாளரை வெற்றி பெறச் செய்து சட்டசபைக்கு அனுப்பும் மாவட்ட தலைவருக்கு இனோவா கார் பரிசளிக்கப்படும் என்று மாநிலத்தலைவர் எல்.முருகன் அறிவித்தார். மேலும், தமிழ்நாட்டில் 6 மாதங்களில் ஆட்சி மாற்றம் ஏற்படும் என்று முருகன் கூறினார். 
 

spacer.png

இதனால் பாஜக, அதிமுக இடையே கூட்டணி அடுத்த தேர்தலில் தொடருமா என்ற சர்ச்சை தீவிரமானது. இருப்பினும், செய்தியாளர்களிடம் பேசும்போது, இரு கட்சிகளின் கூட்டணியும் தொடருகிறது என்று முருகன் பதில் அளித்தார். 

இந்த நிலையில், சட்டமன்ற தேர்தலில் யார் தலைமையில் கூட்டணி? என்பது குறித்து தஞ்சாவூரில் நடைபெற்ற கொரோனா தடுப்பு பணிகள் குறித்தும் மற்றும் அரசு வளர்ச்சி திட்டங்கள் தொடர்பான ஆலோசனை கூட்டத்தில் பங்கேற்ற பிறகு செய்தியாளர்களிடம் முதல்வர் பழனிச்சாமி பேசினார். 

spacer.png

அப்போது, கொரோனா தொற்று பாதிக்கப்பட்டு சிகிச்சை பெற்று வருபவர்களுக்கு அரசு கட்டணத்தை நிர்ணயித்துள்ளது. அதை விட அதிக வசூல் செய்வது தொடர்பாக அரசின்‌ கவனத்திற்குக் கொண்டு வந்தால், உரிய நடவடிக்கை எடுக்கப்படும்," என்று கூறினார். 

மேலும், "தென் மாநிலங்களில் இருக்கின்ற முதலமைச்சர்கள் ஒன்றாக இணைந்து, இந்த கோதாவரி - காவிரி இணைப்புத் திட்டத்தை நிறைவேற்ற முயற்சி செய்வோம் இந்த திட்டம் தொடர்பாக முதல்கட்ட பேச்சுவார்த்தையை மூன்று மாநில அரசுகளும் தொடங்கியுள்ளன" என அவர் தெரிவித்தார்.

சட்டமன்ற தேர்தலில் பாஜக தலைமையில் அதிமுக தேர்தலை எதிர்கொள்ளும் என்று பாஜக தலைவர்கள் பரவலான கருத்தை முன்வைப்பது பற்றி கேட்டபோது, "எம்ஜிஆர் காலம் தொடங்கி ஜெயலலிதா காலம் வரை அனைத்து சட்டமன்றம் மற்றும் நாடாளுமன்ற தேர்தல்களில் அதிமுக தலைமையில்தான் தேர்தலைச் சந்தித்து இருக்கிறோம். அந்த நிலைப்பாடு தொடரும், நடைபெற்று முடிந்த நாடாளுமன்றத் தேர்தலில் அதிமுக தலைமையில் தான் தேர்தல் நடைபெற்றது. ஆகவே, எந்த தேர்தல் வந்தாலும் எங்கள் கூட்டணியைப் பொருத்தவரை அதிமுகதான் தலைமை வகிக்கும்," என‌ முதல்வர் எடப்பாடி பழனிச்சாமி தெரிவித்தார். 

இதற்கிடையே, தமிழ்நாட்டில் மாநில அளவில் கட்சியை வலுப்படுத்தவும், அடுத்த சட்டமன்ற தேர்தலுக்கு முன்பாக முக்கிய பிரபலங்களை கட்சியில் சேர்க்கும் நடவடிக்கையில் மாநில பாஜக தலைவர்கள் ஈடுபாடு காட்டி வருகிறார்கள். கடந்த சில மாதங்களில், அதிமுகவில் இருந்து நீக்கப்பட்ட முன்னாள் எம்.பி. சசிகலா புஷ்பா, நயினார் நாகேந்திரன், திமுகவைச் சேர்ந்த துரைசாமி, கு.க. செல்வம், சில தினங்களுக்கு முன்பு முன்னாள் ஐபிஎஸ் அதிகாரி அண்ணாமலை உள்ளிட்டோர் பாஜகவில் சேர்ந்தனர். அவர்கள் அனைவரும் எதிர்வரும் சட்டமன்ற தேர்தலில் பாஜகதான் ஆட்சியை தீர்மானிக்கும் என்று பல இடங்களில் பேசி வருகிறார்கள். 

இந்த நிலையில், கூட்டணி தொடர்பாகவும், முதல்வர் பதவி தொடர்பாகவும் இரு தரப்பிலும் தொடர்ந்து வெளியிட்டு வரும் கருத்துகள், இரு கட்சி தொண்டர்களிடையே சலசலப்பையும் குழப்பத்தையும் ஏற்படுத்தி வருவதாக கருதப்படுகிறது.

https://www.bbc.com/tamil/india-53952837

 

 
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • கொலைகளை யார் நியாயப்படுத்துகிறார்கள்? ஓர் இலக்கை அடைவாதத்திற்கு, கொலைகள் மட்டுமே தெரிவாகவும், கொள்கையாகவும் இருந்தது இல்லை என்பதே  நான் சொல்வது. அப்படி இருந்து இருந்தால், ஓர் எச்சரிக்கையா அல்லது அறிவித்தலுமின்றி, கொலைசெய்யப்பட்டவர்கள் தட்டுத்தடுமாறி சுதாகரிப்பதற்குள் கொலை செய்வதே நடைபெற்று இருக்கும், கொலையே ஓர் தெரிவாகவும் கொள்கையாகவும் இருக்கும் பொது. புலிகள் எவரின் மீதோ அப்படி நடந்து இருந்தால், சுட்டிக் காட்டவும். துரையப்பாவை பிரபாகரன் சுட்ட போது, தமிழ் புதிய புலிகள்  என்ற அமைப்பே இருந்தது. ஆயினும், அது செய்யப்பட்ட முறை தவறு. துரையப்பாக்கு எச்சரிக்காய்கள் விடுக்க பட்டு இருக்க வேண்டும்.   அனால், தர்மலிங்கம், ஆலால சுந்தரம் போன்றவர்களை, அமைப்பு அடிப்படையில் நாராக ஊன்றி விட்டு இருந்த போதும், டெலோ தனது RAW எசமானாரின் விசுவாசத்துக்காக சகோதர படு கொலை செய்தது, ஓர் அறிவித்தாலும் இன்றி. அதே   ஆலால சுந்தரம், புலிகளால் காலில் மட்டுமே சுடப்பட்டார், பல எச்சரிக்கைகளின்  பின்பு. இங்கே சுட்டது சரியா அல்லது பிழையா என்பது கேள்வி அல்ல. அதே போல, புலி உறுப்பினரின் சகோதரம் ஒருவர் சிறு திருட்டுகள் தொடர்ச்சியாக செய்த பொது, அந்த புலி உறுப்பினரே, ஓர் எச்சரிக்கையும் இன்றி, மிகவும் உக்கிரமாக அடித்து தண்டனை வழங்குமாறு பணிக்கப்பட்டார். அந்த புலி உறுப்பினர், அவரின் தம்பியை வீட்டிலேயே பூட்டி வைத்து விட்டு,  ஓலம் கேட்கும் வரையிலும் அடித்தார். தம்பி 10-11 மாதமாக எழும்ப முடியவில்லை. இதுவே ஓர் உதாரணம், புலிகள் இலக்கை அடைவதற்கு கொலை முதல் தெரிவு அல்ல. ஜனநாய நாடுகளிலும், இதுவே law fully administering death என்ற சட்டக் கோட்பாடு  இந்த அடிப்படையில் செய்யப்படுகிறது. அடிப்படையாக, ஓர் இலக்கை அடைவதற்கு, அதை நடைமுறைப்படுத்தும் தெரிவுகளை (கொலையோ அல்லது வேறு எதுவோ) மேற்கொள்வதற்கு விதிகள் விதிக்கப்பட்டு, அவை பின்பற்றப்பட வேண்டும்.          நான் முன்பே சொல்லி இருக்கிறேன், புலிகள் அவர்களை அறியாமலேயே நியாயாதிக்கத்தையும் (legitimacy), இயற்கை நீதியையும் (natural justice) பல படிகளில், மிகவும் சீரியஸ் ஆக எடுத்து கொண்டார்கள்.  
    • இன்று உண்மையான கல்வியின் அதிபதிக்கு பிறந்தநாள் !  ஆம் இந்தியர்களின் கல்விக்கு அதிபதியான லார்ட் மெக்கலே அவர்களின் பிறந்த நாள். அவரை நமக்கு ஒரு வில்லனாகத்தான் அறிமுகப்படுத்தினார்கள். “இந்தியாவின் பாரம்பரிய கல்வி முறையை சிதைத்து, வெள்ளைக்காரனுக்கு பியூன் வேலைப்பார்க்க ஆங்கிலத்தை கற்பித்த கயவன்” என்று தான் எனக்கும் அவர் அறிமுகம். அப்புறம் நானே யோசித்தேன்.  என் பாட்டியும் கொள்ளுப்பாட்டியும் எப்படி படித்த பெண்களாக முடிந்தது? அதுவும் பெண்கள் படிக்கவே கூடாது, குருக்குலக்கல்வி என்பது பிராமண மாணவர்களுக்கு மட்டும் தான் என்றிருந்த அந்தக் காலத்தில் இந்த பெண்கள் எப்படி கல்வி பெற்றார்கள்? என் குடும்பம் என்கிற குட்டி வட்டத்தை விட்டு வெளி உலகையும் நான் கவனிக்கிறேன்.... மோதிலால் நேரு எங்கு படித்தார்? வங்காளிகள் ஏன் இவ்வளவு அதிக நோபல் பரிசு வாங்குகிறார்கள்? இந்தியாவின் முதல் செக்யூலர் பள்ளி/ கல்லூரிகளை யார் துவக்கினார்கள்....? கல்வி மறுக்கப்பட்ட ரெட்டைமலையின் மகன் ஶ்ரீநிவாசன் எப்படி டிகிரி வாங்கினார்? இது போன்ற பல கேள்விகளுக்கு பதில் தான்: லார்ட் தாமஸ் பபிங்க்ட்டன் மெக்கலே. அவர் இங்கிலாந்து பாராளுமன்றத்திலேயே நிறவேற்றுமைக்கு எதிராக குரல் எழுப்பியவர். இந்தியாவிற்கு வந்த போதும் அதே செக்யூலர் மனப்பாண்மையை இங்கும் பரப்பியவர்.  அது வரை இந்தியாவில் கல்வி என்றால்: 1) வேத பாட சாலை 2) இஸ்லாமிய மதராசா 3) கிறுஸ்வ மிஷினரி இந்த மூன்றும் வெறும் மதக்கல்வியை மட்டுமே கற்பிக்கின்றன. இதற்கு இங்கிலாந்து அரசு செலவு செய்வது பொது மக்களுக்கு போய் சேரவில்லை. வெறும் மூடநம்பிக்கைகளை மட்டுமே வளர்க்கிறது...... என்று முதன் முதலில், ஆங்கிலம், கணிதம், அறிவியல், சமூகவியல், தாய் மொழி என்கிற ஐந்து வித பாடங்களை உள்ளடக்கிய பொது கல்வியை கொண்டு வந்தவர் மெக்கலே. இதற்கு அடுத்து அவர் எடுத்துக்கொண்ட பிராஜெக்ட் இன்னும் சிறப்பானது. அது வரை இஸ்லாமியருக்கு ஷரியா சட்டம், இந்துக்களுக்கு மனுச்மிருத்தி என்று இருந்த சட்டத்தை, அனைவருக்கும் ஆன “இந்தியன் பீனல் கோடு” IPC யை கொண்டு வந்தவர் இதே லார்ட் மெக்கலே தான். லார்டு மெக்கலே திருமணம் ஆகாதவர். அவருக்கு genetic சந்ததியினர் இல்லை. ஆனால் நாம் எல்லாம் அவருடைய memetic வாரிசுகள்! நமக்கெல்லாம் கல்வியையும், சட்டத்தையும் கொடுத்த நம் ஞானத்தலைவன்,  ஆம்பிளை சரஸ்வதி,  மாமனிதர் மெக்கலே! டாக்டர் ஷாலினி....
    • படித்தத்தைப் பகிர்தல் - வஞ்சகர்பால் நடந்தலைந்த காலில் புண்  
    • 2020 முட்டாள் ஓட்டுனர்கள்  
    • மாகாணசபையை தங்கள் நலன் கருதி ரணில் பட்டாளம் காலவரையறையின்றி பின்போட வெளிக்கிட தனது சுயநலனுக்காக தமிழர்  தேசிய கூட்டமைப்பு தட்செயலாக விக்கினேச்வரன் தனித்து போட்டியிட்டு விஞ்சிவிடுவார் என நினைத்து அதட்கு ஆதரவு தெரிவித்து தனது தலையிலும் முழு தமிழரின் எதிர்காலத்திலும் மண்ணை அள்ளிப்போட்டது வரலாறு. இன்றைக்கு எந்த மாகாணசபையை தங்கள் அரிசியலுக்கு சரிவராது என பின்போட வெளிக்கிட்டார்களோ அதை மீண்டும் வேண்டி இந்தியாவின் அழைப்புக்கு காத்திருக்கிறார்கள் இந்த எல்லாம் வல்ல சாணக்கியர்கள். எனவே தனிய ராஜபக்ஷக்கள் மட்டும் இன்றைய நிலைக்கு காரணமில்லை. நாங்கள் நல்ல அடியெடுத்து கொடுக்க அவன் ஓடுகிறான் ஓட்டம். எரிச்சலில்லை நாங்கள்  என்ன சொன்னாலும் அவர்கள் எங்களை வென்ற சாணக்கியர் தான் என்பது கசப்பான உண்மை.
×
×
  • Create New...

Important Information

By using this site, you agree to our Terms of Use.