வல்வெட்டித்துறை இளைஞர் படகு விபத்தில் கனடாவில் பலி

[கிருபன்]

வல்வெட்டித்துறை இளைஞர் படகு விபத்தில் கனடாவில் பலி

September 4, 2020

 

கனடா ரொரன்ரோவில் வூட்பைன் பீச்சில் நேற்று வியாழக்கிழமை மதியம் 12:30 மணியளவில் படகு ஒன்று விபத்துக்கு உள்ளான போது வல்வெட்டித்துறை தீருவிலையைச் சேர்ந்த இலங்கைகொன் பல்லவநம்பி (46வயது) என்பவர் மிகவும் பரிதாபமாக பலியாகியுள்ளார்.

இவர் 3 பிள்ளைகளின் தந்தை எனவும் அறியப்படுகிறது. இச்சம்பவத்தின் போது 7 தமிழர்கள் இருந்ததாக தெரிவிக்கப்படுகின்றது. இதில் மூவர் காயங்களுடன் மருத்துவமனையில் அனுமதிக்கப்பட்டுள்ளனர். ஏனைய மூவர் படகிலிருந்து தூக்கியெறியப்பட்டு நீந்தி கரைசேர்ந்துள்ளனர்.

 

சம்பவம் நடைபெற்றதும் உடனடியாக பொலிஸாரும், மருத்துவ அவசரஉதவியும் சம்பவம் நடைபெற்ற இடத்திற்கு சென்றதாகவும், மேலும் செய்திகள் தெரிவிக்கின்றன. படகு கரையிலிருந்து புறப்பட்டு 5 நிமிட இடைவெளியிலேயே இந்த விபத்து நடைபெற்றதாகவும் படகின் அதிவேகமே விபத்துக்கான காரணமென விபத்தினை பார்வையிட்ட பொதுமக்கள் தெரிவித்தனர். இதேவேளை ரொரன்ரோ பொலிஸார் தொடர்ந்து விசாரணை மேற்கொண்டு வருகின்றனர்.

 

http://thinakkural.lk/article/66283

 

[பெருமாள்]

கண்ணீர் அஞ்சலிகள் .

[உடையார்]

கண்ணீர் அஞ்சலிகள் 

[குமாரசாமி]

ஆழ்ந்த அனுதாபங்கள்.
 

[தமிழரசு]

தாயிற்கு ஒரே பிள்ளை, சிறு வயதிலே தந்தையில்லாமல் வளர்ந்தவர், மிக நல்ல குணம் உள்ளவர். 

ஆழ்ந்த அனுதாபங்கள்.

[nunavilan]

ஆழ்ந்த அனுதாபங்கள்.

[suvy]

ஆழ்ந்த அனுதாபங்கள்......!  

[நிழலி]

என் மிக நெருக்கமான நண்பனது மச்சான் தான் இறந்தவர். படகின் மோட்டாரில் ஏதோ பிரச்சனை இருந்திருக்கின்றது. ஸ்ரார்ட் பண்ணியவுடனே அதி வேகமாக புறப்பட்டுள்ளது. படகை இயக்கியவரது சொந்த படகு என்பதால் நல்ல பரிச்சயமானவர். ஆயினும் அவராலும் கட்டுப்படுத்த முடியவில்லை. படகைச் செலுத்தியவர் படுகாயமடைந்து உள்ளார், ஆனால் உயிருக்கு ஆபத்தில்லையாம். 

படகு வேகமாக பாறையில் மோதிய போது இறந்தவரது நெஞ்சில் பலமான அடி ஏற்பட்டு இருக்கு. அதனால் தான் இறந்திருக்கலாம். நேற்று முந்தினம் தான் அவர் தன் 47 ஆவது பிறந்த தினத்தை கொண்டாடியிருக்கின்றார். 15,11,8 வயதுகளில் பிள்ளைகள் உள்ளனர் என்கின்றனர்.

இறந்தவரை சிறு வயதில் கண்டிருக்கின்றேன். கொழும்பில் இருக்கும் போது என் நண்பனது வீட்டில் இருந்து தான் பாடசாலைக்கு சென்றவர். சரியாக 3 தினங்களுக்கு முன்னர் எம் வட்ஸப் குறுப்பில் என் நண்பன் இவரது படத்தை போட்டு "இவனை நினைவிருக்கின்றதா" எனக் கேட்டு இருந்தான். இரண்டு நாட்களில் இறப்பு செய்தி வருகின்றது. 

கிருபனுக்கும் பெருமாளுக்கும் இவரைத் தெரிந்து இருக்கும் என நினைக்கின்றேன்.

[யாயினி]

ஆழ்ந்த அனுதாபங்கள்.

[ஈழப்பிரியன்]

ஆழ்ந்த அனுதாபங்கள்.

[தமிழினி]

ஆழ்ந்த அனுதாபங்கள்!

 

[Eppothum Thamizhan]

ஆழ்ந்த அனுதாபங்கள்!!

[nilmini]

சில இறப்புக்கள் மிகவும் அவலமும் அகாலமும் . மிஞ்சி உள்ளவர்களுக்கு கடவுள் தான்  துணை 

[ஏராளன்]

கண்ணீரஞ்சலிகள்.

[தமிழினி]

அவர்கள் சென்ற படகு பாறைகளில் மோதுவதற்கு முன்பும் அதன் பின்பும் எடுக்கப்பட்ட வீடியோ

https://www.cp24.com/video?clipId=2028646&jwsource=cl

[ரதி]

ஆத்மா சாந்தியடையட்டும்...அவருடைய பேரே வித்தியாசமாய் இருக்கிறது ...அவர் பல்லவர் என்று சொல்லி கொஞ்ச பேர் வர போயினம் 
 

[ஈழப்பிரியன்]

1 hour ago, தமிழினி said:

அவர்கள் சென்ற படகு பாறைகளில் மோதுவதற்கு முன்பும் அதன் பின்பும் எடுக்கப்பட்ட வீடியோ

https://www.cp24.com/video?clipId=2028646&jwsource=cl

காணெளி இணைப்புக்கு நன்றி தமிழினி.
இன்னும் கொஞ்சம் விலகி வந்திருந்தால் குளித்துக் கொண்டிருந்தவர்களை பதம் பார்த்திருக்கும்.

[nunavilan]

ஆழ்ந்த அனுதாபங்கள்.

[alvayan]

ஆழ்ந்த அனுதாபங்கள்.