Jump to content
  • advertisement_alt
  • advertisement_alt
  • advertisement_alt

ஈழ‌ ப‌ற்றாள‌ர் மாமா சாகுல் அமீது ஆழ்ந்த‌ இர‌ங்க‌ல்


Recommended Posts

  • கருத்துக்கள உறவுகள்

 எம் த‌லைவ‌ரை ஆத‌ரிச்ச‌ கார‌ண‌த்துக்கா  17மாத‌ம் சிறை வாழ்க்கையை அனுப‌வித்த‌வ‌ர் 2002ம் ஆண்டு , எல்லாரும் அன்போடு மாமா என்று அழைக்கும் மாமா எம்மோடு இல்லை என்று நினைக்கும் போது க‌ண்ணீர் ஆறா ஓடுது 😢😓 ,

மாமாவுக்கு ஆழ்ந்த‌ இர‌ங்க‌ல்
மாமாவின் ஆத்மா சாதி அடைய‌ க‌ட‌வுளை பிராத்திப்போம் 🙏🙏🙏

 

Link to post
Share on other sites
  • கருத்துக்கள உறவுகள்

அண்ணன் சாகுலுக்கு அஞ்சலிகள்.
ஆத்மா சாந்தியடையட்டும்

Link to post
Share on other sites
  • கருத்துக்கள உறவுகள்

ஆழ்ந்த இரங்கல்கள் 🙏

Link to post
Share on other sites
  • கருத்துக்கள உறவுகள்

ஆழ்ந்த இரங்கல்கள் 

Link to post
Share on other sites
  • கருத்துக்கள உறவுகள்

அஞ்சலிகள்,ஆத்மா சாந்தியடையட்டும்

Link to post
Share on other sites
  • கருத்துக்கள உறவுகள்

என்னை தனியேவிட்டு எங்கே சென்றீர்கள் மாமா? – சீமான்

என்னை தனியேவிட்டு எங்கே சென்றீர்கள் மாமா? - சீமான்

 

என்னை தனியேவிட்டு எங்கே சென்றீர்கள் என் தாய் மாமனே?

மாமா!

உங்களது பிரிவு மாபெரும் இருட்டுக்குள் என்னை தள்ளிவிட்டிருக்கிறது. என் வாழ்நாளின் பல தருணங்களில் சொல்வழியே, செயல்வழியே நம்பிக்கை அளித்து வழிநடத்திய நீங்கள் நட்ட நடுவழியில் தவிக்கவிட்டு எங்கே சென்றீர்கள் மாமா?

நீங்கள் இல்லாத இவ்வாழ்வினை எப்படி வாழப்போகிறேன்?

என் வாழ்வின் அனைத்துப்பொழுதுகளிலும் நீங்கள்தானே மாமா நிறைந்து இருக்கிறீர்கள்! உங்களைப் போன்று என்னை உணர்ந்தவர் யாருண்டு மாமா?

நான் மேடையேறியப் பொழுதுகளிலிருந்து உங்கள் விரல் பிடித்துதானே மாமா நான் வழிநடந்திருக்கிறேன்!

என் வாழ்க்கையின் எல்லாவித ஏற்றத்தாழ்வுகளிலும் கூடவே இருந்திருக்கிறீர்கள்!

எனது சுக துக்கங்களில் பங்கெடுத்திருக்கிறீர்கள்!

நீங்கள் பொருளாதாரத்தில் உயர்ந்திருந்த பொழுதில், ‘நான் இருக்கிறேன் மருமகனே!’ என நம்பிக்கை அளித்திருக்கிறீர்கள்! பொருளாதாரத்தில் வீழ்ந்த காலக்கட்டத்திலும் “எப்படியாவது தேறி வந்து விடுவேன் மருமகனே! நீ துணிந்து நில்” என ஒவ்வொரு நொடியும் தேறுதல் வார்த்தைகள் பேசி கண்ணின் இமை போல என்னை காத்திருக்கிறீர்கள்!

நாம் தமிழர் என்கின்ற இந்த மாபெரும் இயக்கத்தை உருவாக்க நாம் முடிவு செய்தபோது, நீங்கள் தானே மாமா எனக்கு முதுகெலும்பாய் மாறி நின்றீர்கள்! இப்போது என்னைவிட்டு எங்கே சென்றீர்கள் மாமா?

ஈழ விடுதலைக்களத்தில், தமிழ்த்தேசியப் பயணத்தில் எண்ணற்றோர் சமரசமடைந்து மெளனித்தபோதும் நீங்கள் என்னோடு இருந்து நாம் செல்கின்ற திசை சரியென உலகுக்கு உணர்த்தினீர்களே மாமா! உளவியல் பலமாய், உற்ற துணையாய் எப்போதும் இருந்தீர்களே மாமா! இப்போது எங்கே சென்றீர்கள்?

இனத்திற்காக பொல்லாத பொடா சட்டத்தின் கீழ் ஒன்றரை ஆண்டுகளுக்கு மேலாகச் சிறைவாசம்! இனமான பணிகளுக்கென எவர் வந்தாலும் அள்ளி அள்ளிக்கொடுத்த வள்ளலைப் போன்ற வாழ்க்கை என எந்த சூழ்நிலையிலும் தமிழினத்தையும், தமிழ் மொழியையும் பற்றி சிந்திக்காமல் நீங்கள் இருந்ததில்லையே மாமா!

இப்போது என்னை மட்டும் தனியே விட்டு தூரம் போய்விட்டீர்களே மாமா!

நோயுற்ற பொழுதுகளிலும்கூட மருத்துவமனையிலிருந்து அலைபேசி வழியாக காணொளி அழைப்பு பேசியபோது வலது கரம் உயர்த்தி நம்பிக்கையோடு புன்னகைத்தீர்களே மாமா! அந்தப் புன்னகையை இனி நான் எங்கு காண்பேன்?

எப்படியும் நீங்கள் திரும்பி வந்து விடுவீர்கள் என்றுதானே நான் காத்திருந்தேன்! இப்படி என்னை ஏமாற்றிவிட்டு சென்றீர்களே மாமா!

உங்கள் மருமகனை முதல்முறையாக காத்திருக்க வைத்துவிட்டு, தாயற்றப் பிள்ளை போல தவிக்க விட்டுவிட்டு எங்கே சென்றீர்கள்‌ மாமா?

போராட்டமென்றதும் முதல் ஆளாய் களத்தில் நிற்பீர்களே! இனி எங்கு உங்களைக் காண்பேன்?

‘மருமகனே’ எனும் அந்தக் குரலை இனி எப்படி கேட்பேன்?

‘இறுதிவரை களத்தில் நிற்போம் மருமகனே!’ என நெஞ்சார சொல்வீர்களே! இப்படி பாதியிலேயே விட்டுவிட்டு போய்விட்டீர்களே மாமா?

‘மருமகனே’ என நீங்கள் அழைக்கும்போதெல்லாம் உங்கள் அன்பின் நிழல்பட்டு சிலிர்த்திருக்கிறேனே மாமா! அதுவெல்லாம் கனவாய் காற்றில் கரைந்துவிடுமா மாமா?

தனியே கண்கலங்கி துடிக்கிறேன் மாமா! தேற்ற நீங்கள் இல்லை!

மனம் கலங்கி நான் தவித்த பொழுதுகளிலெல்லாம் ஆறுதல் வார்த்தைகளால் நெஞ்சம் நிறைத்து தேற்றுவீர்களே மாமா! இப்போது நீங்கள் அழுகையைத் தந்து மீள முடியாத் துயரில் ஆழ்த்தி சென்றுவிட்டீர்களே மாமா!

பொங்கிவரும் என் கண்ணீரின் ஊடே எந்த இலட்சியத்திற்காக இவ்வாழ்வில் நமது கரங்கள் ஒன்று சேர்ந்ததோ? அந்த இலட்சியம் வெல்ல நான் உயிர் உள்ளவரை உழைப்பேன் என உங்கள் பேரன்பு முகம் நினைத்து உறுதி ஏற்கிறேன் மாமா!

நீங்கள் சுவாசித்த காற்று இன்னும் இந்த மண்ணில்தான் உலவிக் கொண்டிருக்கிறது என்ற நம்பிக்கையோடு, எமது உணர்வாக, எமது விடுதலை கனவாக நிறைந்திருந்து நீங்கள் என்னை வழி நடத்துவீர்கள் என நான் உறுதியாக நம்புகிறேன் மாமா.

மீளாத் துயருடன்
உங்கள் மருமகன்

செந்தமிழன் சீமான்.

https://www.naamtamilar.org/seeman-sends-condolence-message-to-tamil-mulakkam-sahul-hameed/

Link to post
Share on other sites
  • கருத்துக்கள உறவுகள்

தமிழ் முழக்கம் சாகுல் ஹமீத் அவர்களுக்கு.. புகழஞ்சலியும் இரங்கலும். 

Link to post
Share on other sites
  • கருத்துக்கள உறவுகள்

ஆழ்ந்த இரங்கல்கள்..

Link to post
Share on other sites
  • கருத்துக்கள உறவுகள்

, ஆழ்ந்த அனுதாபங்கள், அஞ்சலியும் உரித்தாகட்டும்.✍️🙏

Link to post
Share on other sites
  • கருத்துக்கள உறுப்பினர்கள்

ஆழ்ந்த அனுதாபங்கள்

Link to post
Share on other sites
  • கருத்துக்கள உறவுகள்

சாகுல் அமீது: தவிக்க விட்ட தாய்மாமன் - கதறி அழுத சீமான்

spacer.png

 

நாம் தமிழர் கட்சியின் மாநில ஒருங்கிணைப்பாளரும், தமிழ் தேசிய அரசியலில் கடந்த 25 ஆண்டுகளாக இயங்கி வந்தவருமான தமிழ் முழக்கம் சாகுல் அமீது கொரோனா தொற்று காரணமாக செப்டம்பர் 19 ஆம் தேதி சென்னை தனியார் மருத்துவமனையில் காலமானார்.

அவரது மறைவு அவரது குடும்பத்தினருக்கு மட்டுமின்றி., நாம் தமிழர் கட்சியினருக்கு மட்டுமன்றி கட்சி பேதமின்றி தமிழ் தேசிய அரசியல் தளத்தில் இயங்கிவரும் பல்வேறு தரப்பினருக்கும் பெரும் அதிர்ச்சியை ஏற்படுத்தியுள்ளது.

இப்போதைய மயிலாடுதுறை மாவட்டத்தைச் சேர்ந்த சாகுல் அமீது தனது உழைப்பால் சிறந்த தொழிலதிபராக விளங்கியவர். தான் தொழிலில் ஈட்டிய பணத்தை எல்லாம் தமிழ் தேசிய அரசியலுக்கு தயங்காமல் செலவிட்டவர்.

விடுதலைப் புலிகள் தலைவர் பிரபாகரன் 2002 ஆம் ஆண்டு ஏப்ரல் 10 ஆம் தேதி உலக ஊடகங்களை சந்தித்தார். அந்த செய்தியாளர் சந்திப்பு குறித்த புத்தகத்தின் திறனாய்வுக் கூட்டத்தை சென்னை ஆனந்த் தியேட்டர் வளாகத்தில் தனது தமிழ் முழக்கம் இயக்கம் சார்பாக நடத்தினார் சாகுல் ஹமீது. அதுவரை தமிழ் முழக்கம் சாகுல் அமீது என அறியப்பட்டவர் அதன் பின் பொடா சாகுல் அமீது ஆனார்.

ஜெயலலிதா ஆட்சியில் அந்தப் புத்தகத் திறனாய்வுக் கூட்டத்துக்காக பொடா சட்டத்தின் கீழ் கைது செய்யப்பட்ட சாகுல் அமீது 17 மாதங்கள் சிறையில் அடைக்கப்பட்டார். அந்த காலகட்டத்தில் அவரது தொழில் கடுமையாக பாதிக்கப்பட்டபோதும், சிறையில் இருந்து வெளியே வந்து மீண்டும் தன் தொழிலையும் தமிழ் தேசிய அரசியலையும் கட்டியெழுப்பினார். பழ.நெடுமாறனின் ஈழப்பயணம் குறித்த ‘மண் சிவந்தால்’ புத்தகத்தை விநியோகிப்பதற்காக பொறுப்பேற்று தன் தமிழ் முழக்கம் அலுவலகத்தில் வைத்திருந்தபோது அதற்காக ஒரு தேசியப் பாதுகாப்பு வழக்கை எதிர்கொண்டு ,மீண்டும் சிறை சென்றார் சாகுல் அமீது.

spacer.png

 

2009 ஈழப் போருக்கு முன்பிருந்தே ஈழத் தமிழர் விடுதலை தொடர்பாக பெரும் ஈடுபாடு கொண்டிருந்தவர் சாகுல் அமீது. இந்த அடிப்படையில் கட்சி வேறுபாடு கடந்து பலருக்கும் உதவியர். சீமானிடம் தனிப்பட்ட முறையில் அன்பு செலுத்தியவர், தான் நடத்துகிற பல்வேறு நிகழ்ச்சிகளுக்கு சீமானை அழைத்தார். சமூக நல்லிணக்கத்தை முன்னெடுக்கும் வகையில் சீமானை தன் மருமகன் என்றும் தான் சீமானுக்கு தாய்மாமன் என்றும் கூறிய சாகுல் அமீது அப்படியே சீமானை அழைத்தும் வந்தார். சீமானும் சாகுல் அமீதுவை அன்புத் தாய்மாமன் என்றே அழைப்பார்.

நாம் தமிழர் கட்சியின் நாகை மாவட்டச் செயலாளர் கட்டப்பிள்ளை அப்புவிடம் பேசினோம்.

“சாகுல் அய்யா செப்டம்பர் முதல் வாரம் வரை நாகை மாவட்டத்தில் பல்வேறு இடங்களில் கட்சி நிகழ்ச்சிகளில் கலந்துகொண்டிருந்தார். புதிய கல்விக்கொள்கை எதிர்ப்புப் போராட்டம், சுற்றுச் சூழல் வரைவு அறிக்கைக்கு எதிரான போராட்டம் ஆகியவற்றை நாகை மண்டலத்தில் தீவிரமாக முன்னெடுத்தார். அப்போது கூட உடம்பைப் பார்த்துக் கொள்ளுங்கள் என்று கூறினோம். நம்மையெல்லாம் கொரோனா ஒன்றும் செய்யாதுடா என்று சிரித்துக் கொண்டே கூறினார். ஆனால் சென்னை சென்ற சில நாட்களில் அவர் உடல் நலம் குன்றி ஒரு மருத்துவமனையில் சேர்க்கப்பட்டார். இந்த நிலையில்தான் எங்களை விட்டுப் போய்விட்டார்”என்றார்.

தனியார் மருத்துவமனையில் இருந்து சாகுல் அமீதுவின் உடல் அவரது குடும்பத்தினரிடமும், கட்சியினரிடமும் ஒப்படைக்கப்பட்டது. அவரது உடலில் நாம் தமிழர் கட்சியின் புலிக்கொடியை போர்த்தி, வீரவணக்கம் செலுத்தினர்.

spacer.png

ராயப்பேட்டை பள்ளிவாசலில் நல்லடக்கத்துக்காக சாகுல் அமீது உடல் கொண்டுவரப்பட்டது. அங்கே சென்ற சீமான் தலையில் அடித்துக் கொண்டு ஓவென ஓலமிட்டுக் கதறி அழுதார். ஐயோ...மாமா... ஐயோ மாமா என்று சீமான் கதறிய கதறல் அனைவரையும் உலுக்கியது.

தொழிலதிபராக இருந்து பல்வேறு தமிழ் தேசிய நிகழ்வுகளுக்குப் புரவலராக விளங்கிய சாகுல் அமீது சமீபத்திய ஊரடங்கால் தொழில் பாதிக்கப்பட்டு கொரோனா சிகிச்சைக்குக் கூட போதிய தொகை இல்லாமல் கட்சி மூலம் நிதி திரட்டப்பட வேண்டிய நிலைக்கு ஆளானார் என்பதுதான் கொடுமை.
 

 

https://minnambalam.com/politics/2020/09/20/43/tamil-muzhakkam-sahul-hameed-nam-tamilar-passed -away-seeman-crying

  • Like 1
Link to post
Share on other sites
  • கருத்துக்கள உறவுகள்
2 hours ago, கிருபன் said:

தொழிலதிபராக இருந்து பல்வேறு தமிழ் தேசிய நிகழ்வுகளுக்குப் புரவலராக விளங்கிய சாகுல் அமீது சமீபத்திய ஊரடங்கால் தொழில் பாதிக்கப்பட்டு கொரோனா சிகிச்சைக்குக் கூட போதிய தொகை இல்லாமல் கட்சி மூலம் நிதி திரட்டப்பட வேண்டிய நிலைக்கு ஆளானார் என்பதுதான் கொடுமை.

ஊழல் இலஞ்சம் போன்றவற்றில் மூழ்கி திளைக்கும் நாடுகளில் நேர்மையாய் வாழ்ந்தால் பிச்சைதான் எடுக்க வேண்டும் என்பதற்கு நல்லதொரு செய்தி.
நாம்தமிழர் கட்சியும் அதன் உறுப்பினர்களும் நேர்மையானவர்கள் என்பதற்கு இதைவிட வேறு என்ன சான்று வேண்டும். நல்லதுக்கு காலமில்லை என்பது சரியாகவே இருக்கின்றது.

திமுக,அதிமுக போல் செல்வச்செழிப்புடன் எல்லோரும் வாழமுடியுமா என்ன? 😎

Link to post
Share on other sites
  • கருத்துக்கள உறவுகள்
2 hours ago, குமாரசாமி said:

ஊழல் இலஞ்சம் போன்றவற்றில் மூழ்கி திளைக்கும் நாடுகளில் நேர்மையாய் வாழ்ந்தால் பிச்சைதான் எடுக்க வேண்டும் என்பதற்கு நல்லதொரு செய்தி.
நாம்தமிழர் கட்சியும் அதன் உறுப்பினர்களும் நேர்மையானவர்கள் என்பதற்கு இதைவிட வேறு என்ன சான்று வேண்டும். நல்லதுக்கு காலமில்லை என்பது சரியாகவே இருக்கின்றது.

திமுக,அதிமுக போல் செல்வச்செழிப்புடன் எல்லோரும் வாழமுடியுமா என்ன? 😎

நான் நினைத்து இருந்தேன் கூடிய‌ விரைவில் குன‌ம் ஆகி வீடுட்டுக்கு வ‌ந்துடுவார் என்று , மாமாவின் இற‌ந்த‌ செய்தி கேட்டு க‌ண் க‌ல‌ங்கி அழுது விட்டேன் ,

சாகுல் அமீது மாமா கொரோனாவால் பாதிக்க‌ ப‌ட்டு உள்ளார் உத‌வி வேனும் என்று வெளிப்ப‌டையாய் கேட்டு இருந்தின‌ம் ,  பேசுக்குள் காசு இருந்தும் சிறு உத‌வி கூட‌ செய்ய‌ வில்லையே என்று நினைத்து நேற்று மிக‌வும் வ‌ருத்த‌ ப‌ட்டேன் தாத்தா , 

போன‌ மாச‌ம் நீட் தேர்வுக்கு எதிரா செய்த‌ ஆர்பாட்ட‌த்தின் போது தான் சாகுல் அமீது மாமாவுக்கு கொரோனா வ‌ந்த‌து , க‌ட்சி பெடிய‌ங்க‌ளிட்டை தான் சீக்கிர‌ம் மீண்டு வ‌ருவேன் என்று சொன்ன‌வ‌ர் க‌ட‌சியில் எங்க‌ளை க‌ண்ணீரில் மூழ்க‌ விட்டு போய் விட்டார் ,

எம் போராட்ட‌த்தை ஆத‌ரிச்ச‌ கார‌ண‌த்துக்காக‌ ப‌ல‌த‌‌ இழ‌ந்தவ‌ர் , 17 மாத‌ம் சிறை வாழ்க்கை அனுப‌வித்தார் ,  சிறை வாழ்க்கையில் சாகுல் அமீது மாமாவின் தொழிலையும் பாதிச்ச‌து ,

நாம் த‌மிழ‌ர் க‌ட்சிக்கு கோடி கோடியாய் ப‌ண‌ம் வ‌ருது என்று புர‌ளிய‌ கில‌ப்பி விடுப‌வ‌ர்க‌ள் இனி வாயை அட‌க்கி வாசிக்க‌னும் , 

ஜ‌யா கலைக்கோட்டுதயத்துக்கு அடுத்த‌தாய் நான் பெரிதும் நேசித்த‌து சாகுல் அமீது மாமாவை தான் , 

சாகுல் அமீது மாமாவை ம‌ன‌தில் வைத்து இந்த‌ கொரோனா கால‌த்தில் ம‌ற்ற‌வ‌ர்க‌ள் விழிப்புண‌ர்வுட‌ன் இருக்க‌ வேனும் கொரோனா எப்ப‌ எங்கை எப்ப‌டி வ‌ரும் என்று யாருக்கும் தெரியாது , அதுவும் த‌மிழ் நாட்டில் மிக‌வும் க‌வ‌ணமாக‌  இருக்க‌னும் ,

Edited by பையன்26
Link to post
Share on other sites
  • கருத்துக்கள உறவுகள்
10 hours ago, குமாரசாமி said:

ஊழல் இலஞ்சம் போன்றவற்றில் மூழ்கி திளைக்கும் நாடுகளில் நேர்மையாய் வாழ்ந்தால் பிச்சைதான் எடுக்க வேண்டும் என்பதற்கு நல்லதொரு செய்தி.
நாம்தமிழர் கட்சியும் அதன் உறுப்பினர்களும் நேர்மையானவர்கள் என்பதற்கு இதைவிட வேறு என்ன சான்று வேண்டும். நல்லதுக்கு காலமில்லை என்பது சரியாகவே இருக்கின்றது.

திமுக,அதிமுக போல் செல்வச்செழிப்புடன் எல்லோரும் வாழமுடியுமா என்ன? 😎

உங்கள் தலைவர் தான் பதுக்கி வைத்திருக்கும் காசை கொடுத்தாவது காப்பாற்றி இருக்கலாம் அல்லது மாமாட உயிர் பெரிசு என்று நினைத்திருந்தால் வீட்டை வித்தாவது காசை கொடுத்திருக்கலாம் 

Link to post
Share on other sites
  • கருத்துக்கள உறவுகள்
58 minutes ago, ரதி said:

உங்கள் தலைவர் தான் பதுக்கி வைத்திருக்கும் காசை கொடுத்தாவது காப்பாற்றி இருக்கலாம் அல்லது மாமாட உயிர் பெரிசு என்று நினைத்திருந்தால் வீட்டை வித்தாவது காசை கொடுத்திருக்கலாம் 

வாடகை வீட்டை எப்படியம்மா விற்பது?
எங்களுக்கும் சொல்லித் தாங்கோவன்.

Link to post
Share on other sites
  • கருத்துக்கள உறவுகள்
1 hour ago, ரதி said:

உங்கள் தலைவர் தான் பதுக்கி வைத்திருக்கும் காசை கொடுத்தாவது காப்பாற்றி இருக்கலாம் அல்லது மாமாட உயிர் பெரிசு என்று நினைத்திருந்தால் வீட்டை வித்தாவது காசை கொடுத்திருக்கலாம் 

நான் நாம் தமிழர் கட்சியின் ஆதரவாளன். அவர்களின் தமிழ்நாடு சம்பந்தப்பட்ட கொள்கைகள் பிடித்திருக்கு. அவர்களின் எதிர்கால திட்டங்கள் பிடித்திருக்கு.பசுமைவாத கொள்கைகள் பிடித்திருக்கு.
நாளைக்கு சீமான் போய் இன்னொருவர் சீமானின் இடத்துக்கு வந்தாலும் கொள்கைகள் மாறாதவரை நாம் தமிழர் கட்சிக்குத்தான் என் ஆதரவு.
மற்றும் படி எமக்கு தலைவர் என்றால் தேசியத்தலைவர் பிரபாகரன் மட்டுமே.உலகெங்கும் அவர் மீது மதிப்பும் மரியாதையும் மரியாதையும் கூடிக்கொண்டு போகின்றதே தவிர......

 

Link to post
Share on other sites
  • கருத்துக்கள உறவுகள்
2 hours ago, ரதி said:

 

இதை ஒரு விளம்பரம் என எடுத்துக்கொண்டால்......
கலைஞர் பேசிய மேடை பேச்சுக்கள் உட்பட அனைத்துமே விளம்பரங்கள் தான்.....

 

Link to post
Share on other sites
  • கருத்துக்கள உறவுகள்
23 hours ago, ஈழப்பிரியன் said:

வாடகை வீட்டை எப்படியம்மா விற்பது?
எங்களுக்கும் சொல்லித் தாங்கோவன்.

ஸ்ஸ்ஸ்ஸ் சீமானுக்கு ஒரு சொந்த வீடு கூட இல்லையா...தம்பிமார் சேர்த்து குடுக்கிற காசை சும்மா சாக்கு மாடு மாதிரி இருந்து கொண்டு குடி ,பொம்பிளையல் என்று செலவழிக்காமல் ஒரு வீட்டை வாங்க சொல்லுங்கோ 
உண்மையாகவே அவருக்கு இறந்தவர் மீது பாசம் இருந்திருந்தால் கடன் பட்டாவது அவரை காப்பாற்றி இருப்பார்...அவரது இறப்பை  இவரது அரசியலுக்கு பயன்படுத்துவார் 
 

21 hours ago, குமாரசாமி said:

இதை ஒரு விளம்பரம் என எடுத்துக்கொண்டால்......
கலைஞர் பேசிய மேடை பேச்சுக்கள் உட்பட அனைத்துமே விளம்பரங்கள் தான்.....

 

அண்ணா , சீமானுக்கு எதிராய் எழுதினால் கருணாநிதியையோ ,ஜெயையோ ஆதரிக்கிறேன் என்று அர்த்தமா 

 

Link to post
Share on other sites
  • கருத்துக்கள உறவுகள்
1 hour ago, ரதி said:

ஸ்ஸ்ஸ்ஸ் சீமானுக்கு ஒரு சொந்த வீடு கூட இல்லையா...தம்பிமார் சேர்த்து குடுக்கிற காசை சும்மா சாக்கு மாடு மாதிரி இருந்து கொண்டு குடி ,பொம்பிளையல் என்று செலவழிக்காமல் ஒரு வீட்டை வாங்க சொல்லுங்கோ 
உண்மையாகவே அவருக்கு இறந்தவர் மீது பாசம் இருந்திருந்தால் கடன் பட்டாவது அவரை காப்பாற்றி இருப்பார்...அவரது இறப்பை  இவரது அரசியலுக்கு பயன்படுத்துவார் 

 

அண்ணா , சீமானுக்கு எதிராய் எழுதினால் கருணாநிதியையோ ,ஜெயையோ ஆதரிக்கிறேன் என்று அர்த்தமா 

 

அப்ப நீங்கள் நடுநிலைவாதிகள்!! :cool:
ஐ மீன் நடுச்சென்ரர் ஆக்கள்.  😁

Link to post
Share on other sites
  • கருத்துக்கள உறவுகள்

பிரபாகரன் போராட போனால் 
அவன் மனைவி பிள்ளைகள் எல்லாம் கரும்புலியா போகணும் 

கருத்து குஞ்சுகள் காலுக்கு மேல் கால்போட்டு கொண்டு 
கருத்து எழுதுவார்கள் அதன் படி அவர்கள் நடந்து கொள்ள வேண்டும்.

காறி துப்பினால் டிஜிட்டல் வழியா கொண்டு சேர்க்காதா 
என்றுதான் எண்ண தோன்றுகிறது 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • மன்னார் நானாட்டானில் மற்றொரு தொகுதி தொல்லியல் எச்சங்கள் மீட்பு.!   மன்னார் மாவட்டம் நானாட்டான் பிரதேசச் செயலாளர் பிரிவுக்குற்பட்ட பள்ளங்கோட்டை கிராம அலுவலகர் பிரிவில் உள்ள புறண்டிவெளிக் கிராமத்தில் உள்ள புறண்டி வெளி குளக்கட்டுக்கு அருகாமையில் உள்ள மேட்டு நிலப்பகுதி விவசாய நடவடிக்கைக்காக துப்பரவு பணியில் ஈடுபட்ட போது புரதான பொருட்கள் சில கண்டு பிடிக்கப்பட்டு நானாட்டான் பிரதேச செயலாளர் எஸ்.சிறீஸ்கந்தகுமாரிடம் ஒப்படைக்கப்பட்டுள்ளன. கடந்த ஞாயிற்றுக்கிழமை விவசாய நடவடிக்கைக்காக துப்பரவுப்பணியில் ஈடுபட்ட விவசாயிகள் 2 கத்தி வடிவிலான வெட்டும் உபகரணத்தையும், உயிர்ச் சுவடி கவாட்டி கடல் வாழ் உயிரினம் சிற்பி வடிவிலானது மற்றும் உலோகத்துண்டுகள், மட்பாண்ட எச்சங்கள் என்பன காணப்பட்டுள்ளதையடுத்து பிரதானமாகக் காணப்பட்ட நான்கு பொருட்களையும் மீட்டு குறித்த தினத்தில் நானாட்டான் பிரதேசச் செயலாளர் எம். சிறிஸ்கந்தகுமாரிடம் ஒப்படைத்துள்ளனர். குறித்த பொருட்கள் தொடர்பாக மன்னார் தொல்பொருள் தினைக்களத்திற்கு பிரதேசச் செயலாளரினால் வழங்கப்பட்ட தகவலையடுத்து குறித்த திணைக்களத்தினர் திங்கட்கிழமை மாலை நானாட்டான் பிரதேசச் செயலகத்தில் குறித்த பொருட்களை பார்வையிட்டுள்ளதுடன் அதை பெற்றுக்கொள்வதற்கான நடவடிக்கை மற்றும் குறித்த பொருட்கள் தொடர்பாக ஆராய்ந்து வருவதாகவும் பிரதேச செயலாளர் தெரிவித்தார். இதே வேளை நானாட்டான் பிரதேச பகுதியில் கடந்த மாதம் மீன் மற்றும் வாள் சின்னங்கள் பொறிக்கப்பட்ட ஆயிரக்கணக்கான நாணயங்கள் மீட்கப்பட்டிருந்தமையும் குறிப்பிடத்தக்கது. http://aruvi.com/article/tam/2020/10/21/18222 டிஸ்கி :  பழைய மன்னார்ஸ்தான் , மகேந்திரன் பல் என்டு ஆரம்பிப்பதற்குள் ஆராய்ச்சிய முடிங்கப்பா ..👍
    • படித்தத்தைப் பகிர்தல் - மழை தந்த புலவர்  
    • யாழ். பல்கலைக்கழக கலைப்பீட மோதல் – விசாரணைகள் ஆரம்பம்! October 21, 2020   யாழ்ப்பாணப் பல்கலைக்கழக கலைப்பீட மாணவர்களிடையே கடந்த 8 ஆம் திகதி இடம்பெற்ற மோதல் சம்பவம் குறித்து, விசாரணைகளை மேற்கொள்வதற்காக நியமிக்கப்பட்ட தனி நபர் ஆயத்தின் விசாரணைகள் நாளை 21 ஆம் திகதி, புதன்கிழமை ஆரம்பிக்கப்படவுள்ளன. கடந்த 8 ஆம் திகதி கலைப்பீடத்தின் இரண்டாம், மூன்றாம் வருட மாணவர்களுக்கிடையில் ஏற்பட்ட தகறாறு முற்றி மோதலாகியிருந்தது. அன்று மாலை வளாகத்தினுள் இடம்பெற்ற மோதலின் போது சமரசம் செய்ய முற்பட்ட பல்கலைக்கழகத் துணைவேந்தர் உட்பட அதிகாரிகளுடன் முரண்பட்டுக் கொண்ட மூன்றாம் வருட மாணவர்கள், துணைவேந்தர் மற்றும் பாதுகாப்பு அதிகாரிகள் தம்மைத் தாக்கியதாக ஊடகங்களுக்குத் தெரிவித்திருந்தனர். எனினும், உடனடியாகவே மாணவர்கள் மத்தியில் பேசிய துணைவேந்தர், தான் உட்பட அனைவரையும் விசாரணை செய்யும் வகையில் சம்பவம் குறித்து விசாரிப்பதற்குச் சுயாதீன விசாரணைக்குழு ஒன்று அமைக்கப்படும் என்று வாக்குறுதி வழங்கியதை அடுத்து மாணவர்கள் அன்றிரவு கலைந்து சென்றிருந்தனர். மறுநாள், 9 ஆம் திகதி கூடிய பல்கலைக்கழகப் பேரவை, வணிக முகாமைத்துவ பீடத்தின் முன்னாள் பீடாதிபதி பேராசிரியர் மா. நடராஜசுந்தரத்தை விசாரணையாளராகக் கொண்டு தனிநபர் விசாரணை ஆயம் ஒன்றினை நியமித்திருந்தது. இதனிடையே, பல்கலைக்கழகத்துக்கும், அதன் துணைவேந்தருக்கும் அபகீர்த்தியை ஏற்படுத்தும் வகையில் நடந்து கொண்ட – மோதல் சம்பவங்களுடன் தொடர்புடைய மாணவர்கள் அனைவரையும் விசாரணைக்குட்படுத்தப்பட வேண்டும் என்றும், அதுவரை சம்பந்தப்பட்டவர்கள் வளாகத்தினுள் நுழைவதற்குத் தடை விதிக்கப்பட வேண்டும் என்றும் கோரிக்கைகளை முன்வைத்து கலைப்பீட விரிவுரையாளர்கள் அனைவரும் விரிவுரைகளைப் புறக்கணிக்கப் போவதாக கலைப்பீடச் சபை ஏகமனதாக முடிவு செய்து அறிவித்தது. இதனை அடுத்து, மோதல் சம்பவங்களுடன் தொடர்புடைய மாணவர்கள் என நிர்வாகத்தினால் இனங்காணப்பட்ட 21 மாணவர்கள் வளாகத்தினுள் நுழைவதற்குத் தடை விதிக்கப்பட்டது. அதன் பின் கடந்த 12 ஆம் திகதி, திங்கட்கிழமை முதல் கலைப்பீட விரிவுரைகள் வழமைக்குத் திரும்பின. விசாரணைக்கென நியமிக்கப்பட்ட பேராசிரியர் மா. நடராஜசுந்தரம் சத்திர சிகிச்சை ஒன்றுக்கு உட்பட்டிருந்ததனால், விசாரணையில் தாமதம் ஏற்பட்டிருந்தது. எனினும் இன்று  முதல் விசாரணைகள் முழு வீச்சில் இடம்பெறும் என சம்பந்தப்பட்ட வட்டாரங்கள் தெரிவித்துள்ளன. முதற் கட்டமாக சம்பவ தினத்தன்று, தாக்குதலுக்கு உள்ளாகிய விரிவுரையாளர்கள் மற்றும் பாதுகாப்புப் பணியாளர்கள் உட்பட அதிகாரிகளும் இன்று சாட்சியமளிக்கவுள்ளனர்.     https://www.ilakku.org/யாழ்-பல்கலைக்கழக-கலைப்ப/
    • நீ என்பது எதுவரை எதுவரை நான் என்பது எதுவரை எதுவரை நாம் என்பதும் அதுவரை அதுவரை தான்  வாழ்வென்பது ஒரு முறை ஒரு முறை  சாவேன்பதும் ஒரு முறை ஒரு முறை  காதல் வரும் ஒரு முறை ஒரு முறை தான்  நீயா பேசியது.. என் அன்பே நீயா பேசியது தீயை வீசியது என் அன்பே தீயை வீசியது கண்களிலே உன் கண்களிலே  பொய் காதல் நாடகம் ஏனடி அன்பினிலே மெய் அன்பினிலே  ஓர் ஊமை காதலன் நானடி  நீயா பேசியது.... நீயா பேசியது.... நீயா பேசியது.... நீயா பேசியது.... நீ என்பது எதுவரை எதுவரை நான் என்பது எதுவரை? எதுவரை நாம் என்பதும் அதுவரை அதுவரை தான்  வாழ்வென்பது ஒரு முறை ஒரு முறை  சாவேன்பதும் ஒரு முறை ஒரு முறை  காதல் வரும் ஒரு முறை ஒரு முறை தான்  ஏதோ நான் இருந்தேன்  என்னுள்ளே காற்றாய் நீ கிடைத்தாய்  காற்றை மொழி பெயர்த்தேன்  அன்பே சொல் மூச்சை ஏன் பறித்தாய் இரவிங்கே பகல் இங்கே தொடு வானம் போனது எங்கே உடல் இங்கே உயிர் இங்கே தடுமாறும் ஆவி எங்கே ? உருகினேன் நான் உருகினேன் இன்று உயிரில் பாதி கருகினேன்  நீயா பேசியது என் அன்பே நீயா பேசியது வேரில் நான் அழுதேன் என் பூவோ சோகம் உணரவில்லை  வேஷம் தரிக்கவில்லை முன் நாளில் காதல் பழக்கமில்லை  உனக்கென்றே உயிர் கொண்டேன்  அதில் ஏதும் மாற்றம் இல்லை  பிரிவென்றால் உறவு உண்டு  அதனாலே வாட்டம் இல்லை  மறைப்பதால் நீ மறைப்பதால்  என் காதல் மாய்ந்து போகுமா நீயா பேசியது.. என் அன்பே நீயா பேசியது தீயை வீசியது என் அன்பே தீயை வீசியது கண்களிலே உன் கண்களிலே  பொய் காதல் நாடகம் ஏனடி அன்பினிலே மெய் அன்பினிலே  ஓர் ஊமை காதலன் நானடி  நீயா பேசியது.... நீயா பேசியது....    
×
×
  • Create New...

Important Information

By using this site, you agree to our Terms of Use.