சம்பந்தன் சமுகமளிக்காமையால் பாராளுமன்றக்குழு கூட்டம் இரத்து : வியாழனன்று கூடலாம்?

[கிருபன்]

சம்பந்தன் சமுகமளிக்காமையால் பாராளுமன்றக்குழு கூட்டம் இரத்து : வியாழனன்று கூடலாம்?

(ஆர்.ராம்)

தமிழ்த் தேசியக் கூட்டமைப்பின் தலைவரும் திருகோணமலை மாவட்ட பாராளுமன்ற உறுப்பினருமான இரா.சம்பந்தன் சமூகமளிக்காமையின் காரணமாக நேற்று கூடவிருந்த பாராளுமன்றக்கு குழு கூட்டம் இறுதி நேரத்தில் இரத்தானது.

அதேநேரம், எதிர்வரும் 24ஆம் திகதி வியாழக்கிழமை அன்று கூட்டமைப்பின் பாராளுமன்றக் குழுவை கூட்டடுவதற்கு எதிர்பார்ப்புக்கள் இருப்பதாக தெரியவருகின்றது.

எவ்வாறாயினும் அதற்கான உறுதிப்படுத்தப்பட்ட அறிவிப்புக்கள் இரா.சம்பந்தனிடத்திலிருந்து இன்னமும் கிடைக்கவில்லை என்றும் கூறப்பட்டுகின்றது.

இதேவேளை, இருபதாவது திருத்தச்சட்டம் சம்பந்தமாகவும் கூட்டமைப்பின் பாராளுமன்ற உறுப்பினர்கள் விரைவில் கலந்துரையாடவுள்ளதாகவும் தெரிவிக்கப்படுகின்றது.

எனினும் அண்மைய நாட்களில் வைத்திய ஆலோசனைகளின் பிரகாரம் இரா.சம்பந்தன் போதிய ஓய்வெடுக்க வேண்டியிருப்பதால் பல்வேறு சந்திப்புக்களையும் கலந்துரையாடல்களையும் தொடர்ச்சியாக இரத்துச் செய்து வருகின்றமை குறிப்பிடத்தக்கது.
 

https://www.virakesari.lk/article/90506

[puthalvan]

 

51 minutes ago, கிருபன் said:

எனினும் அண்மைய நாட்களில் வைத்திய ஆலோசனைகளின் பிரகாரம் இரா.சம்பந்தன் போதிய ஓய்வெடுக்க வேண்டியிருப்பதால் பல்வேறு சந்திப்புக்களையும் கலந்துரையாடல்களையும் தொடர்ச்சியாக இரத்துச் செய்து வருகின்றமை குறிப்பிடத்தக்கது.

வைத்தியர் சமபந்தனை தான் ஓய்வு எடுக்க சொல்லியுள்ளார். தமிழருடைய  பிரச்சனைகளும் சிங்கள அரசின் நகர்வுகளும்  ஓய்வு நிலைக்கு இன்னும் செல்லவில்லை. அலைபேசி ஊடாகவோ அல்லது Zoom/Skype/WhatsApp ஊடாகவோ கலந்து கொள்ள மாட்டாரா?. அவரால் அலைபேசியிலும் கலந்து கொள்ள முடியாத அளவுக்கு உடல் நிலை குன்றியிருந்தால் இன்னொருவரை தன்  சார்பில் பங்கு பற்ற வைக்க வேண்டும்.

கட்டை ஏறு மட்டும் கதிரையில் இருக்க விரும்புபவரும் அந்த விருப்பை தொடர்ந்து நிறைவேற்ற உதவும் வாக்காளர்கள், கட்சி தொண்டர்கள் எல்லோரும் இந்த கேடு கேட்ட முறைமையால் முழு சமூகத்தின் நிலையையும் குழி தோண்டி புதைகிண்றீர்கள். புலம் பெயர் நாடுகளிலும் எமது அமைப்புகளில் இதே கலாச்சாரம். இதனால் கடமைப்புகள் புதிய அணுகுமுறைகளை உள்வாங்கி காலத்திட்க்கு ஏட்ப முன்னேறமுடியாத நிலை. தாங்கள் கதிரையை விட்டு போகாமல் இருக்கிறதுக்கு இளைய தலைமுறை ஆர்வம் காட்டவில்லை என்ற நொண்டி சாட்டு வேறை.  

[vanangaamudi]

ஒரு வயோதிபருக்கு போதிய ஒய்வு எப்போது கிடைக்கும்? தனது பொறுப்புகள் கடமைகள் என்பவற்றில் இருந்து நிரந்தரமாக விலகினால் தான் அது கிடைக்கும். சம்பந்தன் ஐயா தனது இறுதி காலத்தை அமைதியாக கழிப்பது நல்லது.

[satan]

4 hours ago, கிருபன் said:

எனினும் அண்மைய நாட்களில் வைத்திய ஆலோசனைகளின் பிரகாரம் இரா.சம்பந்தன் போதிய ஓய்வெடுக்க வேண்டியிருப்பதால்

இன்று, நேற்றல்ல எப்போதுமே முக்கியமான காலங்களில் ஐயாவுக்கு வைத்தியசாலையும், ஆலோசனைகளும் தேவைப்படும். அதுவும் இது மிக முக்கியமான நேரம், சுமந்திரனின் பதவியை பறிப்பதை தடுக்கவோ, தள்ளிப்போடவோ படுத்திருப்பார். கள்ள மாடு நாடு உளவு நேரம் படுப்பதுபோல். இவரையும் சேர்த்து அனுப்பிவிடவேணும். 

[புரட்சிகர தமிழ்தேசியன்]

சம்பந்தர் ஐயா பூரண நலம் பெற்று பாராளுமன்ற குழு கூட்டத்தில் சமூகமளிக்க இறைவனை வேண்டுவம்.

[satan]

கோத்தாவிடம் சொன்னால், வைத்தியசாலையை பாராளுமன்றத்திற்கே மாற்றிவிடுவார். கொலைக் கைதிகளும் பாராளுமன்றத்திற்கு வரவேண்டும் என்பதற்காக அவர் சிறைச்சாலையையே பாராளுமன்றத்திற்கு மாற்றவில்லையா? ஐயாவுக்காக இதைச் செய்ய மாட்டாரா என்ன? 

[satan]

17 hours ago, கிருபன் said:

இரா.சம்பந்தன் சமூகமளிக்காமையின் காரணமாக நேற்று கூடவிருந்த பாராளுமன்றக்கு குழு கூட்டம் இறுதி நேரத்தில் இரத்தானது.

 

அதாவது; சுமந்திரனை கட்டுப்படுத்தும் எந்த நடவடிக்கையையும் சிங்களம் ஏற்றுக்கொள்ளாது, தடுக்கும். அதற்காக அவசர அவசரமாக ஏதோ ஒரு பேச்சுவார்த்தை நாடகத்தை சுமந்திரனோடு தொடங்கும்.  அவர் இல்லாமல் பேச்சுவார்த்தை தொடர   முடியாது தொடர்ந்தாலும்  வெற்றியளிக்காது எனும் மாயையை ஏற்படுத்துவார்கள். பின் என்ன? எதிர்பார்த்தது போல் எடுக்கவிருந்த நடவடிக்கை தள்ளிப்போகும், ஏற்பாட்டாளர்கள் பழிவாங்கப்படுவார்கள், ஓரம் கட்டப்படுவார்கள். சுமந்திரன் தன் ஆட்டத்தை தொடருவார். அது வரையும் ஐயாவுக்கு வைத்திய சாலையும், வைத்திய ஆலோசனைகளும் தொடரும்.