Jump to content
  • advertisement_alt
  • advertisement_alt
  • advertisement_alt

பேரறிவாளனுக்கு 30 நாட்கள் பரோல்!


Recommended Posts

  • கருத்துக்கள உறவுகள்

பேரறிவாளனுக்கு 30 நாட்கள் பரோல்!

spacer.png

 

முன்னாள் பிரதமர் ராஜீவ் காந்தி கொலை வழக்கில் சிறையில் அடைக்கப்பட்டுள்ள பேரறிவாளனுக்கு 30 நாட்கள் பரோல் வழங்கி சென்னை உயர் நீதிமன்றம் உத்தரவிட்டுள்ளது.

சென்னை மத்திய சிறையில் அடைக்கப்பட்டுள்ள பேரறிவாளன் உடல் நலக் குறைவால் பாதிக்கப்பட்டு இருப்பதாலும், கொரோனா வைரஸ் தொற்று காலத்தைக் கருத்தில் கொண்டும் 90 நாட்கள் பரோல் வழங்கக் கோரி அவரது தாயார் அற்புதம்மாள் சென்னை உயர் நீதிமன்றத்தில் வழக்குத் தொடர்ந்திருந்தார்.

இந்த வழக்கு நீதிபதிகள் என்.கிருபாகரன் மற்றும் வேலுமணி அமர்வில் விசாரணையிலிருந்து வந்தது. ஏற்கனவே நடைபெற்ற விசாரணையின் போது பேரறிவாளனின் பரோல் மனுவை நிராகரித்து விட்டதாகத் தமிழக அரசும், சிறைத் துறையும் தெரிவித்தன.

மேலும் பேரறிவாளன் உடல்நிலை முழுமையாகப் புழல் மருத்துவமனையிலேயே தினசரி கவனிக்கப் படுவதாகவும், அவரது உடல் நிலையில் எந்த வித குறைபாடும் இல்லை என்றும் அரசு தரப்பில் பதில் மனுத் தாக்கல் செய்யப்பட்டது. அதில் சிறையில் கொரோனா பாதுகாப்பு நடவடிக்கைகளும் முழுமையாகப் பின்பற்றி வருவதாகவும் தெரிவிக்கப்பட்டது.

 

அதோடு ஏழு பேரையும் விடுதலை செய்யத் தீர்மானம் நிறைவேற்றி இருந்தாலும் சிறையில் இருக்கும் வரை சிறை விதிகளை கடைப்பிடிக்க வேண்டும் என்றும், இந்த வைரஸ் தொற்று காலத்தில் சிறையில் இருப்பதே பாதுகாப்பானது என்றும் அரசு தரப்பில் விளக்கம் அளிக்கப்பட்டது. பேரறிவாளனுக்குக் கடந்த முறை வழங்கப்பட்ட பரோல் ஜனவரி மாதம் தான் முடிந்ததால், இரண்டு ஆண்டுகளுக்குப் பிறகு தான் மீண்டும் பரோல் கேட்க முடியும் என்றும் தெரிவிக்கப்பட்டது.

இதற்கு அற்புதம்மாள் தரப்பில் ஆஜரான வழக்கறிஞர் சண்முகசுந்தரம், பேரறிவாளனின் தாய் தந்தை இருவரும் வயதானவர்கள் என்பதால் அவர்களைக் கவனித்துக் கொள்ள வேண்டிய அவசியம் இருப்பதாக வாதிட்டார். 7 பேரையும் விடுவிக்க ஆளுநருக்குப் பரிந்துரைத்த நிலையில், ராஜீவ்காந்தி கொலை வழக்கில் சர்வதேச தொடர்பு குறித்து விசாரிக்க அமைக்கப்பட்ட பன்னோக்கு விசாரணை முகமையைக் காரணம் காட்டி பரிந்துரையின் மீது எந்த முடிவும் எடுக்கப்படவில்லை என்று ஆளுநர் தரப்பில் தெரிவிக்கப்பட்டது என்றும் 7 பேரை விடுதலை செய்யப் பரிந்துரைத்த அரசு, பரோல் வழங்க மறுப்புத் தெரிவிக்கிறது. விடுதலை செய்ய முடிவெடுத்ததும், தற்போது பரோலுக்கு மறுப்புத் தெரிவிப்பதும் ஒரே தலைமையிலான அரசுதான் என்றும் அவர் வாதிட்டார்.

அப்போது, பரோல் விண்ணப்பங்கள் மீது இரண்டு வாரத்தில் முடிவெடுக்கச் சட்டத் திருத்தம் கொண்டு வரும்படி ஏற்கனவே பிறப்பித்த உத்தரவு மீது எடுக்கப்பட்ட நடவடிக்கை என்ன என்று தமிழக அரசுக்கு நீதிபதிகள் கேள்வி எழுப்பினர். அமைச்சரவை மாறியிருந்தாலும், விடுதலை தொடர்பாக முடிவெடுத்த அரசுகள் ஒன்றுதான் என்பதைச் சுட்டிக்காட்டிய நீதிபதிகள் வழக்கை ஒத்திவைத்தனர்.

இவ்வழக்கில் இன்று , பேரறிவாளனுக்கு 30 நாட்கள் பரோல் வழங்கி தமிழக அரசுக்கு நீதிபதிகள் உத்தரவு பிறப்பித்தனர். இந்த உத்தரவு கிடைத்த ஒரு வாரத்தில் நடவடிக்கை எடுத்து 30 நாட்கள் சிறை விடுப்பு வழங்க வேண்டும் என்றும் பேரறிவாளன் விடுப்பில் இருக்கும் காலங்களில் சிறைத்துறை விதிக்கும் நிபந்தனைகளை கடைப்பிடிக்க வேண்டும் எனவும் நீதிபதிகள் அறிவுறுத்தினர்.
 

https://minnambalam.com/public/2020/09/24/52/hc-has-granted-30-days-parole-to-life-prisoner-perarivalan

  • Like 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • இன்றைய காலகட்டத்தில் தமிழீழ விடுதலைப்போராட்டத்தின் முக்கிய விடையங்கள் தொடர்பான வரலாற்றுத்திரப்படங்களைத் தயாரிப்பது இயக்குவது வெளியிடுவது என்பன தவிர்க்கப்படல்வேண்டும் என்பது எனது எண்ணம் காரணம் அதை யார் படமாக்கினாலும் யானையைப் பார்த்த குருடர்களது கருத்தாகவெ முடியும். உங்களுக்குத் தெரிந்திருக்கலாம் மல்கம் எக்ஸ் எனும் திரைப்படம் அவர் இறந்த்துக்கு நீண்டகாலத்துக்குப் பின்பு வெளிவந்ததை. சும்மா ஆர்வக்கோளாறில படமாக்கும் விடையம் இல்லை தமிழீழ விடுதலைப் போராட்டம் தொடர்பான விடையங்கள். தேவையில்லாத விடையங்கள் எல்லாவற்றையும் அங்காங்கே தெளித்துவிட்டுப்போய்விடுவார்கள் படமெடுப்பவர் யார் எங்கிருந்து வருகிறார் எவர் பின்னால் நிற்கிறார் யார் பணம் கொடுக்கிறார் என்ன எது என எதுவுமே தெரியாது படம் எடுக்கக்கூடாது.
    • இந்த ragaa வும் தானும் ஒரு தேசத்தின் தூண் தான் என்று காட்ட விரும்பி இப்படி அலைந்து கொண்டு திரிகிறார்
    • மேன்மைமிகு ரதி அவர்களுக்கு, அங்கயன் என்பவரும் சேர்ந்தேதான் கடந்துபோன இருபதாவது அரசியல் அமைப்புத் திருத்தச் சட்டத்துக்கு வாக்களித்து மூன்றில் இரண்டு பெரும்பான்மையுடன் அதை நிறைவேற்றியுள்ளார். ஒரு அரசியல்வாதி எனப்படுபவர் நீண்டகால நோக்கு உடையவராக இருக்கவேண்டும் குறுகியகாலத்தில் அவர்வகிக்கும் பதவிகளால் அவரை அவரைச் சேர்ந்தவர்களை அல்லது தனது பரம்பரை ஆகியவற்றுக்கான சொத்துச்சேர்ப்பதற்காய் என்ன கழிசடைத்தனமும் செய்யலாம் என்பது தவறாக இருந்தாலும் அது காலப்போக்கில் சரிப்பண்ணப்படக்கூடியதாக இருக்கும் காரணம் சிறீலங்கா என்பது காலாகாலத்துக்கும் அங்கீகரிக்கபட்ட ஒரு நிர்வாகத்தையுடைய இறயாண்மையுடன் கூடியநாடு, அது நீண்டகாலமாக நிலைத்திருக்கும் பண்பையுடையது. இப்படியான சில்லறத்தனமான விடையங்கள் பெரிதாக எந்தவிதப் பிரச்சனையும் ஏற்படுத்தாது காலப்போக்கில் அதைச் சரிசெய்துவிடலாம். ஆனால் எதிர்காலம்பற்றிய திட்டமிடுதல் அதுதொடர்பான சட்டங்களை இயற்றுதல் ஆகியனவற்றுக்கு நீண்டதூரப்பார்வையும் குறைந்த அளவாவது கண்ணியமும் அரசியல் தூரநோக்கும் இருக்கவேண்டும். ஆனால் அங்கயன் இராமநாதன்  எனும் பொறுக்கித்தனமான குறுகிய வட்டத்தையே சிந்தித்து தன்னுடைய பணப்பையைக் காப்பாற்றவும் அதை இன்னமும் பெருப்பிக்கவும் ஒரு சுயநலம்கொண்ட அம்பாந்தோட்டயை வாழ்விடமாகக்கொண்ட ஒரு பொறுக்கிக்கூட்டத்துடன்சேர்ந்து இலங்கைத்தீவின் எதிர்காலத்துக்குக் கொள்ளிவைக்கும் ஒருவரை நீங்கள் உச்சிமுகர்ந்து மெச்சுவது தெருவில போகும் மனநோயாளிக்குக்கூட சலனத்தை ஏற்படுத்தும்.  ஒருசாண் வயிறை நிரப்பவும் மானத்தை மறைக்கவும் எவ்வளவு வேண்டும் கக்கூசு கழிவிச் சீவிச்சாலும் மானத்துடன் வாழும் எத்தனையோ கனவாஙளைக் கண்டு கடந்துபோன இனம் எமது இனம். ஆனால் அங்கயன், டக்ளஸ் சந்திரகுமார், விஜயகலா, ஆகியோருக்கு வரிந்துகட்டிக்கொண்டுவந்தால் எமக்கு அழுகலைக் கண்டதுபோல் குமட்டவே செய்யும். இது நீங்கள் உட்பட எந்த ஒரு தனிப்பட்ட தமிழனிலும் தவறில்லை , அது எங்கள் டிசைன் அப்படித்தான் போலைருக்கு.
    • இப்போ ராஜபக்சேக்களுக்கு தேவையான பெரும்பான்மை கிடைத்துவிட்டது. இனிப்பார்ப்போம் வடக்கில் எவ்வளவு அபிவிருத்தி அங்கஜன், டக்கியூடாக நடக்கிறதென்று!!
×
×
  • Create New...

Important Information

By using this site, you agree to our Terms of Use.