Jump to content

பூப்போலே உன் புன்னகையில்…


Recommended Posts

  • கருத்துக்கள உறவுகள்

பூப்போலே உன் புன்னகையில்…

குமரன் கிருஷ்ணன் செப்டம்பர் 27, 2020 

spacer.png

மரணத்தை வெல்லும் உரிமம் மானுடத்திற்கு இல்லை. இருப்பினும், மரணத்தின் கண்ணில் மண்ணைத் தூவிவிட்டு மாற்றுப்பாதையில், மாற்றுருவில் பயணிக்கும் வித்தையை இயற்கை இவ்வுலகிற்கு வரமாக்கியிருக்கிறது. ஆம்.  கலையின் ஏதேனும் ஒரு வடிவத்தை கற்றறிந்து அதை மற்ற உயிர்களின் உணர்வுகளுக்கு உணவாக அளிக்கும் ஆற்றல் பெற்ற எவரும் காலத்தின் மீதேறி கணக்கற்ற ஆண்டுகள் தங்கள் கலையின் வடிவில் வாழ்வதால் காலனை புறந்தள்ளும் வாய்ப்பு பெற்றவர்கள் ஆவர். எஸ்.பி.பி என்னும் குரலும் அதை வார்த்த அவர் ஜீவனும் அத்தகையதே.

யோசித்துப் பார்க்கிறேன்…காலத்தின் தூசு படிந்த நினைவின் நொடிகளை ஆங்காங்கே துடைத்து பளபளப்பாக்கிப் பார்க்கிறேன்…பெற்றோருடனோ உற்றோருடனோ கூட‌ ஏதோ ஒரு காரணத்தால் பேச இயலாமல் போன தினங்கள் கூட இருந்திருக்கின்றன. எஸ்.பி.பியின் குரல் செவியில் விழாத நாட்களை என்னால் கண்டுபிடிக்க இயலவில்லை. என் வயதின் ஆரம்ப காலங்கள் துவங்கி அந்தரங்க ஓரங்கள் வரை நிரம்பியிருக்கிறது அவரின் குரல். இளையராஜாவின் இசையில் மேல் நகரும் அவரின் குரலின் துணைகொண்டு என் குழந்தைப்பருவம் வரை என்னால் மீட்டெடுக்க முடிகிறது என்றால் என் நினைவு நங்கூரத்தின் பெரும்பகுதி அவரின் குரலினால் பலப்படுத்தப்பட்டவை என்றே பொருள்.

ஆறுபடை வீடுகளிலும் மொட்டை என்ற அப்பாவின் வேண்டுதலின்படி பிறந்ததாக கருதப்படும் நான், என் மூன்றாவது மொட்டைக்காக நான்காவது அகவையின் ஒரு அதிகாலைப் பொழுதில் அப்போதிருந்த திருவள்ளுவர் பேருந்து நிலையத்திற்கும் பெரியார் நிலையத்திற்கும் இடைப்பட்ட நுழைவாயிலின் முனையிலிருந்த‌ பெரிய தேநீர்கடை முன், அப்பாவின் அருகே, அம்மாவின் இடுப்பில் அமர்ந்திருந்தேன் – ‍ பழநி செல்லும் பேருந்தின் வருகைக்காக…”குறிஞ்சி மலரில் வழிந்த ரசத்தை” என்பது என் செவி கேட்டதாய் என் நினைவில் நிற்கும் முதல் பாடல். அந்த அதிகாலையே இப்பிறப்பில் நான் ஞாபகம் வைத்திருக்கும் முதல் காலை. என் பெற்றோருடன் நானிருந்த, எனக்குள் இருக்கும் முதல் பிம்பம். மொழி, இசை இவையேதும் அறிமுகமாயிராத ஒரு மழலை, நாற்பதாண்டுகள் கழிந்து ஒரு பொழுதை நினைவில் வைத்திருக்கும் பேற்றினையும், சாதனத்தையும் சாத்தியமாக்கியது அவர் குரல். அப்பாடலில் வரும் “அதுவரையில் நான் அனலில் மெழுகோ அலைகடலில் நான் அலையும் படகோ…”வில் எஸ்.பி.பி தந்த சங்கதியே இன்றும் அந்நினைவை புதுப்பித்துக் கொண்டே இருக்கிறது என்பதை நானறிவேன்.

spacer.png

 

இவரின் குரலை தமிழ்நாட்டின் இண்டு இடுக்குகளில் கொண்டு சேர்த்ததில் பெரும்பங்கு இலங்கை வானொலிக்கு உண்டு. அதுவரை கேட்டிராத வாத்தியங்களின் இசைக்கோர்வை செவியில் ஊடுருவ, பளிங்கில் நகரும் நீர் போல் அதன் மேல் தவழும் இவரின் குரலில் வந்த “நினைவெல்லாம் நித்யா”வின் “நிழல்கள்” தம் மீது படிய, தமிழகத்து மக்கள், தேனில் ஊறிய பலா தொட்ட நாவினை ஒத்த மகிழ்வில் நாட்களை கடந்த காலமது. ஞாயிறு பிற்பகல் வால்வு ரேடியோவில்  தவறாது ஒலிக்கும் “இது ஒரு பொன்மாலை பொழுது” வீடு நிரம்பிய மனிதர்களுடன் கேட்பதற்கும், வாசலில் “ஐஸ் ஐஸ் பால் ஐஸ்” என்று வெள்ளைநிற சிறு தள்ளுவண்டி வருவதற்கும் ஒரே நேரம் என்றான பல ஞாயிறுகளில், ஐஸ் குச்சியின் நுனியிலிருந்து வழியத்துவங்கும் பாலைப் பருகுவதும், வானம் எனக்கொரு போதி மரம் என்று எஸ்.பி.பி உருகுவதும் ஒன்றிணைந்த‌ அந்த ஞாயிறு நொடிகள்…அவரின் குரலிலேயே சொல்ல வேண்டுமானால், “உயிரே…உறவே…அந்தக் காலங்கள் வாராதோ…”

“நான் பேச வந்தேன் சொல்லத்தான் ஓர் வார்த்தை இல்லை”, “சமுத்ர ராஜ குமாரி”, “எங்கெங்கோ செல்லும் என் எண்ணங்கள்”, “சிரிச்சா கொல்லிமலை குயிலு”, “பொன்னென்பதோ பூவென்பதோ”, “பல்லவ நாட்டு ராஜகுமாரிக்கு”, “சின்னப்புறா ஒன்று”, “பூப்போலே உன் புன்னகையில்”, “ஒரு சின்னப் பறவை அன்னையைத் தேடி”, “அன்பு மேகமே இங்கு ஓடி வா”, “தாலாட்டு பிள்ளைக்கொரு தாலாட்டு” போன்ற அற்புதமான பாடல்களை தமிழகத்து வீதிகளில் தவழவிட்டுச் சென்றது இலங்கை வானொலி – ஆயிரக்கணக்கான வீடுகளில் லட்சக்கணக்கான மனங்களின் அதற்கான நினைவுகளையும் சேர்த்தே…

என்னுள்ளே இளைய‌ராஜா வழியே நிகழ்ந்த எஸ்.பி.பியின் ஊடுருவலின் ஆழம் எத்தகையது என்றால், நடுநிலை வகுப்பு முதல் கல்லூரி படிப்பு வரை, “இளைய நிலா”வையும் “இது ஒரு பொன்மாலை”யையும் கேட்காமல் நான் எந்தவொரு தேர்வுக்கும் வீட்டை விட்டுக் கிளம்பியதில்லை. தேர்வுக்குக் கிளம்பும் முன் அம்மா நெற்றியில் இடும் திருநீறும் இந்த இரண்டு பாடல்களும் ஒரே எடை கொண்டவை. நம்பிக்கை ஊட்டுவதும் ஒருமுகப்படுத்துவதும் கடவுளின் தன்மை என்றால் நெற்றியிலும் செவியிலும் அப்போது அவையே நிகழ்ந்தன.

spacer.png

 

“திருமுகம் வந்து பழகுமோ அறிமுகம் செய்து விலகுமோ விழிகளில் துளிகளில் வழியுமோ அது சுடுவதை தாங்க முடியுமோ” என்று சங்கீத ஜாதி முல்லையை நாமும் பாடிவிட முடியுமா என்று முயன்று பார்த்திராத இளைஞர் கூட்டம் எண்பதுகளில் குறைவு. இளவயதில் ஒரு முறை நண்பர் குழுவுடன் ஒரு “சோதனை” நிகழ்த்தினோம். மதுரை தெருக்களில் எங்கள் மாலை நேர உலாவில் எந்த வகையான பாடல்களை கேட்க நேர்கிறது என்று பார்க்கலாம் என்ற வேடிக்கையான சோதனை. அனைத்து மாசி வீதிகள், அதன் உள்ளடக்கிய தெருக்கள் என்று நாங்கள் நகர நகர எஸ்.பி.பி இல்லாத தெருவே இல்லை என்பதை நாங்கள் உணர்ந்தோம். மதுரை முழுவதும் அவர் வெவ்வேறு குரல்களில் வெவ்வேறு பாவனையில் ஒரே சமயத்தில் எங்கும் நிறைந்திருப்பது போலத் தோன்றியது எங்களுக்கு.

எஸ்.பி.பியின் குறுநகை வகைகள் குறித்து தனியே ஒரு புத்தகம் எழுதலாம். வரிகளுக்கு இடையில் சிரிப்பது என்பது பாடும் போது சாத்தியம். ஆனால் இவரோ வார்த்தைகளுக்கிடையில், இன்னும் சொல்லப்போனால் சொற்களுக்கு இடையில் கூட சிரிப்பை புகுத்தி ஆச்சரியமூட்டுபவர். “கம்பன் ஏமாந்தான்” துவங்கி இதை ஒரு “தனி இயக்கமாக” நடத்தி ரசிகர்களிடையே தன் அடையாளம் ஆக்கியவர் இவர். “வள்ளுவன் இளங்கோ பாரதி என்றொரு வரிசையை நான் கண்டேன்; அந்த வரிசையில் உள்ளவர் மட்டுமல்ல அட நானும் ஏமாந்தேன்…” கேளுங்கள்… வார்த்தைக்குள் சிரிப்பதன் தொடக்கம் அது. வாசமில்லா மலருக்கு வாருங்கள். “பாட்டுகொரு ராகம் ஏற்றி வரும் புலவா உனக்கேன் ஆசை நிலவவள் மேலே” கேளுங்கள்… இரண்டு வார்த்தைகளுக்கு இடையில் எப்படி இது நடக்கிறது என்று நம்மை யோசிக்க வைப்பதன் துவக்கம் இது. “இனிமை நிறைந்த உலகம் இருக்கு” என்பது துள்ளல் நிறைந்த வேகமான பாடல். இதில் கூட “கமலா கல்யாணி வசந்தா வந்தாளாம்” என்பதன் முடிவில் ஒலிக்கும் சிரிப்பு அவரால் எந்த தாளக்கட்டிலும் இதை செய்ய இயலும் என்பதை அன்றே நமக்கு உணர்த்தியது. சிரிப்பு என்றால் மகிழ்ச்சி மட்டும் தானா? துயரிலும் விரக்தியிலும் சிரிப்பு வாராதா என்ன? அத்தகைய சிரிப்பின் உணர்வை அற்புதமாக கடத்தியிருப்பார் “மலரே என்னென்ன கோலம்” பாடலில் விரக்தியின் சிரிப்பை சொல்லுக்குள்ளாகவே வைத்து விதவிதமாய் வெளிப்படுத்தியிருப்பார் இவர். தனிப்பட்ட முறையில் எனக்கு மிகவும் பிடித்தமானது “உன்னைக் கண்ட பின்பு தான்” என்னும் பாடலில் வரும் “பூப்பறிக்க போன நானும் இலை பறிக்கிறேன் இன்று பால் குடித்த பின்புதானே பல் துலக்கினேன்” என்ற வரிகளில் உச்சரிப்புக்குள்ளேயே மெல்லிய சிரிப்புடன் கலந்து நிற்கும் அவரின் குரல். இப்பாடல் முழுவதுமே பாடலின் பொருளுக்கேற்ப ஒரு மெல்லிய சிரிப்பை வரிகளின் கீழ் பரப்பியபடியே செல்லும் அவரின் நளினத்தை மரணம் கலைத்துவிட முடியாது.

அவரின் குறுநகைக்கு ஒரு புத்தகம் என்றால் சங்கதிகளுக்கு மற்றொரு புத்தகம் எழுத வேண்டும். “அவளொரு மேனகை”யில் வரும் “சிவரஞ்சனி…” கேட்ட பின் “மண்ணில் இந்த காதலின்றி”யெல்லாம்  தூசு என்று தோன்றும். ஒற்றை எழுத்தில் ஏற்ற இறக்கம் எப்படி வேண்டுமானாலும் காட்டலாம், எத்தகைய சங்கதியையும் வைத்து கர்நாடக இசையின் அடிப்படை கூட தெரியாத ரசிகனையும் பரவசப்படுத்தலாம் என்று காட்டியவர் இவர். “மூங்கிலிலே பாட்டிசைக்கும்” என்றொரு பாடல். அதில் “கற்பனைக்கு விதை தூவினாள்” என்பதில் “கு” என்னும் எழுத்துக்குள்ளேயே ஒரு குறும்பயணம் போய் வந்திருப்பார். “சின்ன பூங்கிளி சிந்தும் தேன்மொழி” என்றொரு அதிகம் அறியப்படாத ஒரு பாடல். “ஆசை தீர பேச வேண்டும் பூங்காதிலே ஆயுட்காலம் யாவும் உன்னை நீங்காமலே” என்றொரு மிகச் சாதாரண வரி. இதை எஸ்.பி.பி மெருகேற்றியிருக்கும் விதத்தை கவனியுங்கள். “கலைவாணியோ ராணியோ” என்றொரு பாடல். இதில் அவர் “பார்வை” என்ற சொல்லுக்குள் என்னவெல்லாம் செய்திருப்பார் என்பது மிக நுணுக்கமானது. 

spacer.png

 

மொழியின் பொருளை உணர்வில் ஏற்றுவதும் அந்த உணர்வை நம் செவியில் ஊற்றுவதும் அத்தனை எளிதானதல்ல. அதையும் ஆயிரமாயிரம் பாடல்களில் அன்றாட வேலை போல் அசால்டாக செய்து வந்தவர் அவர். “தீர்த்தக்கரையினிலே தெற்கு மூலையிலே”வில் வரும் “நானொருவன் மட்டிலும் பிரிவென்பதோர் நரகத்துழலுவதோ”வை பாரதி கேட்டிருந்தால் பரவசமடைந்து ஓடி வந்து எஸ்.பி.பியை ஆரத்தழுவியிருப்பார். “தொலைவு” என்பதன் பொருளை குரலில் காட்ட முடியுமா? இவரால் முடிந்திருக்கிறது. “நினைத்தால் எட்டாத தூரம்” என்னும் “மலரே என்னென்ன கோலம்” கேட்டுப் பாருங்கள். இவர் “எட்டாத தூரம்” என்பதில் புரியும் பிரிவின் தொலைவு. “நீளம்” புரிய வேண்டுமா…”நீளமான கண்களே நீண்டு வந்து தீண்டுதே” என்ற “கீதம் சங்கீதம்” பாடல் கேளுங்கள். “விடியல்” எப்படியிருக்கும் புரிய வேண்டுமா? “அதிகாலை நேரமே” கேட்கலாம். “வண்ணம் கொண்ட வெண்ணிலவே” என்பது அவரே இசையமைத்து பாடிய பிரபலமான பாடல். பிரிவின் உணர்வை மெல்ல மெல்ல ஏற்றும் வரிகள் இரண்டாம் சரணத்தின் இறுதி இரண்டு வரிகளில் அப்படியே சட்டென்று அதிலிருந்து மீண்டு வரும் உணர்வை தோற்றுவிக்கும். அதை அப்படியே பிரதிபலிக்கும் குரல், பாடல் துவக்கத்திலிருந்து “ஜீவன் வந்து சேரும் வரை தேகம் போல் நான் கிடப்பேன்” வரை ஒரு உணர்வையும், பின் சட்டென்றும் அதே சமயம் மென்மையாய் மாறும் “தேவி வந்து சேர்ந்து விட்டால் ஆவி கொண்டு நான் நடப்பேன்” என்று மாறியும் அற்புதமாய் வெளிப்படும். “நாணக்குடை நீ பிடித்தும் வேர் வரைக்கும் சாரல் மழை” என்று எழுதப்படும் காமம் கூட இவரின் குரல் வழியே சமூகத்தை அடையும் பொழுது ஆபாசமற்ற உடை உடுத்தியிருக்கும். நாம் எப்பேர்ப்பட்ட கொம்பனாக வேண்டுமானாலும் இருக்கலாம் அல்லது அத்தகைய நினைப்புடன் திரியலாம். ஆனால் “உச்சி வகுந்தெடுத்து” நம்மை அப்படியே தூக்கி அத்துவானக் காட்டில் போட்டு விட்டு போய்விடும் தன்மை வாய்ந்தது.

ஒரு பானை சோற்றுக்கு ஒரு சோறு பதம் என்பார்கள். இங்கு குறிப்பிட்டவை எல்லாம் ஒரு ஆயுள் முழுவதும் தேவைப்படும் சோற்றுக்கு ஒரு சோறு பதம்!.

சிறுநீர் கழிப்பதற்கும் புகைபிடிப்பதற்கும் நேரம் கொடுப்பதற்கென்றே சில பாடல்கள் படங்களில் வருவதுண்டு. அத்தகைய மசாலா பாடல்களில் கூட தன் முத்திரையை அழுத்தமாகப் பதித்தவர் எஸ்.பி.பி. “அப்பப்பா தித்திக்கும் உன் முத்தம்”, “சிங்காரி சரக்கு நல்ல சரக்கு”, “தேவை இந்த பாவை” என இவர், தொழில் என்பதை தாண்டி அதில் எத்தனை ஈடுபாடும் பக்தியும் கொண்டிருந்தார் என்பதற்கு இத்தகைய பாடல்களில் கூட அவர் எத்தகைய ஜாலம் காட்டியிருக்கிறார் என்பதில் விளங்கும். சிங்காரி சரக்கு பாடுவதற்கும் லிங்காஷ்டகம் உள்ளோடுவதற்கும் அவரிடம் இருந்த அர்ப்பணிப்பு ஒன்றே.

90களில் அவரின் குரல் இன்னும் உச்சமடைந்து ஏற்கெனவே தேனில் ஊறிய பலாவின் மீது சர்க்கரை பாகு ஊற்றியது போல் மாற்றமடைந்து வந்தது. “சொக்கனுக்கு வாச்ச சுந்தரியே”, “மயிலாடும் தோப்பில்”, “ஒரு மாலைச் சந்திரன் மலரைத் தேடுது” என நம்முள் மேலும் மேலும் கெட்டித்துக் கொண்டே வந்தார்…நான்கு வயதில் ஒரு அதிகாலையில் அறிமுகமான ஒரு குரல், என் பால்யத்தில் பதிந்து இளமையுடன் நடந்து வாழ்வின் நடுப்பகுதி வரை நாளும் பொழுதும் உடலின் ஒரு பகுதி போல் உடன் வந்திருக்கிறது. இனியும் வரும்.

இரண்டு தலைமுறைகள்…காலச்சக்கரம் எண்பதுகளிலேயே சுற்றிக் கொண்டிருக்காதா என்று அவர் ஏங்க வைத்த இரண்டு தலைமுறைகள்…எந்த வானொலி நிலையத்தில் அவரின் எந்தப் பாட்டு ஒலிக்கும் என்று காத்திருந்து கேட்ட இரண்டு தலைமுறைகள்…கணக்கற்ற முறை கேட்டு தேய்ந்து போன ஒலிநாடாக்களில் சில பத்திரமாய் உள்ளிருக்கும் பழைய பெட்டிகளுக்குள் ஒட்டிக் கொண்டிருக்கும் அவர் குரல் இரண்டு தலைமுறைகளுடன் நின்று விடாது. ஒரு பொத்தான் விசையில் கைபேசியில் அவரின் குரலை அடையக் கூடிய தொழில்நுட்பம் கைவரப்பெற்ற‌, அர்த்தமற்ற வேகத்தில் சுழலும் புதிய உலகில் சமீபத்தில் தோன்றிய மற்றும் இனி தோன்றப் போகும் அத்தனை புதிய தலைமுறைகளுக்கும் ஆசுவாசம் அளிக்கத் தவறப்போவதில்லை எஸ்.பி.பியின் குரல். 

நெருங்கியவர்கள் மறைவிற்கே “RIP” என்று போட்டுவிட்டு அடுத்த வேலையை பார்க்கப்போகும் இன்றைய வாழ்வியலில், கோடிக்கணக்கானவர்களின் மனதின் ஓரம் ஏதோ ஒன்றை இழந்ததைப் போன்ற உணர்வு ஒன்றை தன் குரலால் மட்டுமே ஒருவரால் தோற்றுவிக்க முடிந்திருக்கிறதென்றால், அந்த தாக்கத்தின் பெயரே எஸ்.பி.பி.

 

spacer.png

குறிப்பு:

இக்கட்டுரையில் குறிப்பிடப்பட்டுள்ள சில அரிய பாடல்களும் அவை இடம்பெற்ற படங்களும்:

  • குறிஞ்சி மலரில் வழிந்த – அழகே உன்னை ஆராதிக்கிறேன்
  • நான் பேச வந்தேன் சொல்லத்தான் ஓர் வார்த்தை இல்லை – பாலூட்டி வளர்த்த கிளி
  • சமுத்ர ராஜ குமாரி  – எங்கள் வாத்தியார்
  • எங்கெங்கோ செல்லும் என் எண்ணங்கள் – பட்டாக்கத்தி பைரவன் 
  • சிரிச்சா கொல்லிமலை குயிலு – ஜோதி
  • பொன்னென்பதோ பூவென்பதோ – அன்னப்பறவை
  • பல்லவ நாட்டு ராஜகுமாரிக்கு – இவள் ஒரு சீதை
  • சின்னப்புறா ஒன்று – அன்பே சங்கீதா
  • பூப்போலே உன் புன்னகையில் – கவரிமான்
  • ஒரு சின்னப் பறவை அன்னையைத் தேடி – மதனமாளிகை
  • அன்பு மேகமே இங்கு ஓடி வா – எங்கம்மா சபதம்
  • தாலாட்டு பிள்ளைக்கொரு தாலாட்டு –  அச்சாணி
  • உச்சி வகுந்தெடுத்து – ரோசாப்பூ ரவிக்கைகாரி
  • அவளொரு மேனகை  – நட்சத்திரம்
  • மூங்கிலிலே பாட்டிசைக்கும் – ராகம் தேடும் பல்லவி
  • மலரே என்னென்ன கோலம் – ஆட்டோ ராஜா
  • சின்ன பூங்கிளி சிந்தும் தேன்மொழி – பார்வதி என்னைப் பாரடி
  • சொக்கனுக்கு வாச்ச சுந்தரியே – காவல் கீதம்
  • கலைவாணியோ ராணியோ – வில்லுப்பாட்டுக்காரன்
  • உன்னைக் கண்ட பின்புதான் – சிகரம்
  • நாணக்குடை நீ பிடித்தும் வேர் வரைக்கும் சாரல் மழை – முத்தமிழே முத்தமிழே – ராமன் அப்துல்லா

 

https://solvanam.com/2020/09/27/பூப்போலே-உன்-புன்னகையில்/

Link to comment
Share on other sites

  • கருத்துக்கள உறவுகள்

  • குறிஞ்சி மலரில் வழிந்த – அழகே உன்னை ஆராதிக்கிறேன்
Link to comment
Share on other sites

  • கருத்துக்கள உறவுகள்

 

  • நான் பேச வந்தேன் சொல்லத்தான் ஓர் வார்த்தை இல்லை – பாலூட்டி வளர்த்த கிளி

 

  • சமுத்ர ராஜ குமாரி  – எங்கள் வாத்தியார்

 

எங்கெங்கோ செல்லும் என் எண்ணங்கள் – பட்டாக்கத்தி பைரவன்

 

  • சிரிச்சா கொல்லிமலை குயிலு – ஜோதி

 

Link to comment
Share on other sites

  • கருத்துக்கள உறவுகள்

  • பொன்னென்பதோ பூவென்பதோ – அன்னப்பறவை

  • பல்லவ நாட்டு ராஜகுமாரிக்கு – இவள் ஒரு சீதை

 

  • சின்னப்புறா ஒன்று – அன்பே சங்கீதா

 

Link to comment
Share on other sites

  • கருத்துக்கள உறவுகள்
  • பூப்போலே உன் புன்னகையில் – கவரிமான்

 

  • ஒரு சின்னப் பறவை அன்னையைத் தேடி – மதனமாளிகை

 

  • அன்பு மேகமே இங்கு ஓடி வா – எங்கம்மா சபதம்

 

  • தாலாட்டு பிள்ளைக்கொரு தாலாட்டு –  அச்சாணி

 

Link to comment
Share on other sites

  • கருத்துக்கள உறவுகள்

  • உச்சி வகுந்தெடுத்து – ரோசாப்பூ ரவிக்கைகாரி

 

 

 

  • அவளொரு மேனகை  – நட்சத்திரம்

 

 

  • மூங்கிலிலே பாட்டிசைக்கும் – ராகம் தேடும் பல்லவி

 

 

  • மலரே என்னென்ன கோலம் – ஆட்டோ ராஜா

 

  • சின்ன பூங்கிளி சிந்தும் தேன்மொழி – பார்வதி என்னைப் பாரடி

 

 

Link to comment
Share on other sites

  • கருத்துக்கள உறவுகள்
  • சொக்கனுக்கு வாச்ச சுந்தரியே – காவல் கீதம்

 

  • கலைவாணியோ ராணியோ – வில்லுப்பாட்டுக்காரன்

 

 

  • உன்னைக் கண்ட பின்புதான் – சிகரம்

https://youtu.be/R6Q61PMLzBQ

 

 

முத்தமிழே முத்தமிழே  – ராமன் அப்துல்லா

 

 

Link to comment
Share on other sites

  • கருத்துக்கள உறவுகள்

ஒவ்வொன்றும் மறக்க முடியாத பாடல்கள். 

கவரிமான், ‍ 8 வயதில் கெயிட்டி தியேட்டரில் பார்த்த படம். இன்னும் இந்தப்படம் மனதில் நிற்கின்றது.

80கள் மறுபடி திரும்பி வாராதா?

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • அமெரிக்கா ஏதோ ஒரு விதத்தில் பங்கு எடுக்கும், எடுக்க வேண்டிய நிலை, இஸ்ரேல் ஈரானுக்கு திருப்பி அடித்தால் . (மற்ற திரியில் சொன்னனது போல , இஸ்ரேல் க்கு தெரியும், அமெரிக்கா, மேற்கு பாதுகாப்புக்கு எப்போதும் வரும் என்று. அதை மேற்கும், மீண்டும், மீண்டும் சொல்லுகின்றன. இதுவே பங்கு எடுப்பது. அமெரிக்கா செய்வது, இஸ்ரேல் ஐ பாதுகாப்பத்தற்கு ஈரானின் ஏவுகணனைகளை தடுப்பது act of  war,)   ஈரானின் தூதரகம் மீதான இஸ்ரேல் இன் தாக்குதல் , மேற்கு, குறிப்பாக US க்கு தெரிந்து (அதன் மூலம் 5 கண்கள் உளவு நாடுகளுக்கு - 5 eyes intelligence community தெரிந்து), US ஆமோதித்து, அனுமதித்து  நடத்தப்பட்ட தாக்குதல். ஏனெனில், இஸ்ரேல் இப்படியானவற்றை அமெரிக்காவிடம் சொல்லாமல் செய்வதில்லை. மேலும், France க்கும்  உச அறிவித்து இருக்கும், ஏனெனில், சிரியா பிரான்ஸ் இன் காலனித்துவம்  கீழ் இருந்தது. மற்றது, பிரச்னை வந்தால் செக்யூரிட்டி கவுன்சில் இல் பிரான்ஸ் இந்த உதவி தேவை, ஆனால், இந்த காலனி என்பதே பிரதான  காரணம். இது செக்யூரிட்டி கவுன்சில் இல் எழுதப்படாத  விதி- காலனித்துவ அரசுகளே, முனைய காலணிகளின் இப்போதைய அரசுக்கள் சார்ந்த  விடயத்தில் முன்னுரிமை உள்ளது என்பது .  எனவே, மேற்கு ஆகக்குறைந்தது மறைமுக பங்குதாரர் (கனடா தூதரகத்தை காலி செய்தது அநேகமாக இந்த 5 eyes வழியாகத் தான் இருக்கும்) இஸ்ரேல் சொல்லியது தாக்குதலுக்கு மிகச் சிறிய நேரத்துக்கு முதல் என்று (வேண்டும் என்று) அமெரிக்கா கசிய விட்டு, சில செய்திகள் காவுகின்றன. அனால், தாக்குதலை இஸ்ரேல் 2 மாதமாக திட்டமிட்டது என்று பின் செய்து வந்தது.  கேக்கிறவன் கேணையனாக இருந்தால் ... என்ற அமெரிக்காவின் கதை. (அப்படி US  இடம் சொல்லாமல் இஸ்ரேல் செய்தது, Sinnai மீதான தாக்குதல், கைப்பற்றலும்  , ஆனால், அது பெரிய யுத்தத்தின் ஒரு பகுதி, Egypt முதல் தாக்கி இருந்தது). அமெரிக்காவுக்கு முதலே (ஏற்ற காலத்தில் ) தெரியும் என்றது, newyork times வெளியிட்டு உள்ள இன்னொரு செய்தியானா, அமெரிக்கா, இஸ்ரேல் அதிகாரிகள் ஈரானின் எதிர்பபை குறைத்து மதிப்பிட்டு விட்டார்கள் என்று அதிகாரிகள் அவர்களின் வாயால் சொன்னதாக என்ற செய்தியில்   இருந்து தெரிகிறது.   இதனால் தான் மேற்கு, ஈரானை தடுக்க முனைந்தது. முடியாமல் போக, அது தடுத்தது. un இன் பகுதி charter ஐ குழிதோண்டி புதைத்தன அமெரிக்காவும், அதன் வாலுகளும்.  இதை மேற்கு rule based என்று சொல்லும் என்று நினைக்கிறன்.  
    • மாவீரர்களுக்கு வீரவணக்கங்கள். . .
    • Published By: VISHNU   19 APR, 2024 | 02:01 AM (எம்.ஆர்.எம்.வசீம்) இலங்கைக்கு சொந்தமான கச்சதீவை பெற்றுக்கொள்ள இந்தியா சர்வதேச நீதிமன்றத்தை நாடுவதாக இந்திய பிரதமர் தெரிவித்திருக்கிறார். அவ்வாறானதொரு நிலை ஏற்பட்டால் அதற்கு முகம்கொடுப்பதற்கு நாங்களும் தயார். கச்சதீவு இலங்கைக்கு சொந்தமானது என்பதற்கு போதுமான ஆதாரங்கள் எம்மிடமிருக்கின்றன என இலங்கை மனித நேய கட்சியின் தலைவியும் பேராசிரியருமான சந்திமா விஜேகுணவர்த்தன தெரிவித்தார். இலங்கை மனிதநேய கட்சி தலைமையகத்தில் வியாழக்கிழமை (18) இடம்பெற்ற செய்தியாளர் சந்திப்பில் கலந்துகொண்டு கருத்து தெரிவிக்கையிலேயே இவ்வாறு தெரிவித்தார். இதுதொடர்பாக அவர் மேலும் தெரிவிக்கையில், இந்தியாவில் தேர்தல் சூடுபிடித்துள்ள நிலையில், தமிழ் நாட்டு மீனவர்களின் வாக்குகளை பெற்றுக்கொள்ளும் நோக்கில் அங்குள்ள அரசியல்வாதிகள் கச்சதீவு விவகாரத்தை கையில் எடுத்துக்கொண்டு பல்வேறு கருத்துக்களை தெரிவித்து வருகின்றனர். தேர்தல் காலம் வரும்போது இந்தியாவை பாெறுத்தவரை இது வழமையான விடயமாகும். இந்திய பிரதமரும் கச்சதீவு விடயமாக மிகவும் தீவிரமாக தேர்தல் மேடையில் உரையாற்றி இருக்கிறார். குறிப்பாக கச்சதீவு இந்தியாவுக்கு சொந்தமானது. அதனை இலங்கைக்கு வழங்கியது வரலாற்று தவறு. அதனால் கச்சதீவை இந்தியாவுக்கு மீண்டும் பெற்றுக்கொள்ள நடவடிக்கை எடுப்போம். முடியாவிட்டால் நெதர்லாந்தில் இருக்கும் சர்வதேச நீதிமன்றத்தை நாடுவோம் எனவும் இந்திய பிரதமர் தெரிவித்திருக்கிறார். 285 ஏக்கர் பரப்பளவைக்கொண்ட  கச்சதீவு இலங்கை,, இந்திய மீனவர்கள் கடற்றொழில் செய்வதற்கு அப்பால், இந்த பூமிக்குள் பல பெருமதிவாந்த வேறு விடயங்கள் இருக்கின்றன. அதனால்தான் இந்திய அரசியல்வாதிகள் கச்சதீவை எப்படியாவது தங்களுக்கு சொந்தமாக்கிக்கொள்ள முயற்சித்து வருகின்றனர். கச்சதீவு இலங்கைக்கு சொந்தமானது என்பதற்கு  தேவையான வரலாற்று ஆதாரங்கள் எம்மிடம் இருக்கின்றன.  அதனால் கச்சதீவை பெற்றுக்கொள்ள இந்தியா சர்வதேச நீதிமன்ற்ததை நாடுமாக இருந்தால், அதற்கு முகம்கொடுக்க நாங்களும் தயாராக வேண்டும். கச்சதீவு இலங்கைக்கு சொந்தமானது என்பதற்கான ஆதாரங்களை சர்வதேச நீதிமன்றத்துக்கு சமர்ப்பிக்க நடவடிக்கை எடுப்போம். கச்சதீவு விவகாரத்தால் இலங்கைக்கும் இந்தியாவுக்கும் இருந்துவரும் உறவில் பாதிப்பு ஏற்படக்கூடாது.இந்த விடயத்தில் இந்தியாவுடன் முரண்பட்டுக்கொள்ள நாங்கள் தயார் இல்லை. இந்தியா அயல் நாடாக இருந்துகொண்டு எமக்கு பாரிய உதவிகளை செய்துவருகிறது. குறிப்பாக கொவிட் காலத்தில் இந்திய அரசாங்கத்தின் உதவிகளை எங்களால் ஒருபோதும் மறந்துவிட முடியாது. அந்த நன்றி எப்போதும் எங்களிடம் இருக்கிறது. இருந்தாலும் கச்சதீவு விவகாரம் என்பது எமது உரிமை சார்ந்த விடயம். அதனை எங்களால் விட்டுக்கொடுக்க முடியாது. இந்திய அரசியல்வாதிகள் தங்களின் தேர்தல் பிரசாரத்திற்கே இந்த விடயத்தை கையில் எடுத்துக்கொள்கின்றனர். தேர்தல் முடிவடைந்த பின்னர் அந்த விடயத்தை மறந்துவிடுவார்கள் என்றார். https://www.virakesari.lk/article/181410
    • பட மூலாதாரம்,GETTY IMAGES 2 மணி நேரங்களுக்கு முன்னர் உலக அளவில் 840 மில்லியன் மக்கள் நாள்பட்ட சிறுநீரக கோளாறுகளால் பாதிக்கப்பட்டுள்ளதாக சமீபத்திய ஆய்வுகள் தெரிவிக்கின்றன என இந்தியன் சொசைட்டி ஆப் நெஃப்ராலஜி வெளியிட்டுள்ள இதழில் தெரிவிக்கப்பட்டுள்ளது. இதன் அர்த்தம் 10இல் ஒருவருக்கு சிறுநீரக நோய்கள் இருக்கின்றன. மேலும் சமீப காலங்களில் உயிர்களை கொள்ளும் 10 முக்கிய நோய்களில் 7வது இடத்தை பிடித்துள்ளது நாள்பட்ட சிறுநீரக நோய். இந்தியாவில் மட்டும் ஆண்டொன்றுக்கு 2 - 2.5 லட்சம் மக்கள் புதிதாக சிறுநீரக நோய்களால் பாதிக்கப்படுவதாக இந்தியன் சொசைட்டி ஆப் நெஃப்ராலஜி வெளியிட்டுள்ள இதழில் குறிப்பிடப்பட்டுள்ளது. அதேபோல் இந்தியாவில் உள்ள வயது வந்தோர் மக்கள்தொகையில் 8-10% பேர் நாள்பட்ட சிறுநீரக நோய்களால் பாதிக்கப்பட்டுள்ளதாக அந்த அமைப்பு கூறுகிறது. இதற்கு மிக முக்கிய காரணம் சிறுநீரகம் சார்நத நோய்களை ஆரம்ப கட்டத்தில் கண்டுபிடிக்க முடியாமல் போவதும், இவை அமைதியாக இருந்து தீவிர பிரச்னை ஏற்படும்போதே வெளியே தெரியவரும் என்பதுமே ஆகும் என்று கூறுகிறார் எம்ஜிஎம் ஹெல்த்கேர் மருத்துவமனையின் மூத்த சிறுநீரகவியல் மருத்துவர் மில்லி மேத்யூ.   பட மூலாதாரம்,GETTY IMAGES படக்குறிப்பு,பொதுவாகவே சிறுநீரகம் சார்ந்த பிரச்னைகளில் ஆரம்ப கட்டத்தில் அறிகுறிகள் தெரியாது என்கிறார் மருத்துவர் மில்லி மேத்யூ. சிறுநீரகத்தின் செயல்பாடு என்னென்ன? உடலின் மிக முக்கியமான உறுப்புகளில் வயிற்றுப்பகுதியில் அமைந்திருக்கும் சிறுநீரகமும் ஒன்று. சிறுநீரின் வழியாக கழிவுகளை வெளியேற்றுவதே இதன் பிரதான பணி. ரத்தத்தில் காணப்படும் கழிவுப்பொருட்கள், உடலுக்கு தேவையற்ற அளவுக்கு அதிகமான தாதுக்களை சிறுநீரின் வழியாக வெளியேற்றி தூய ரத்தத்தை உடல் முழுவதும் பரவ செய்கிறது சிறுநீரகம். ஆனால், நமது வாழ்க்கை முறை, உணவுமுறை, பழக்கவழக்கங்கள், மரபுவழி பிரச்னைகள், தேவையற்ற மாத்திரைகளை உட்கொள்வது, இதர உடல்நல கோளாறுகள் உள்ளிட்ட பல்வேறு காரணங்களால் இந்த உறுப்பு செயல்படுவதில் தடை ஏற்படுகிறது. அப்படி சிறுநீரகத்தின் பணியில் இடையூறு ஏற்பட்டு அதன் வழக்கமான கழிவகற்றல் பணியை சரியாக செய்யமுடியாமல் போகும்போதுதான் பல்வேறு சிறுநீரக கோளாறுகள் ஏற்படுகின்றன. இதில் மேலுமொரு அபாயம் என்னவெனில் இந்த கோளாறுகள் ஆரம்ப கட்டத்தில் எந்த விதமான அறிகுறியும் காட்டாமல் உங்களுக்குள் வந்து விடும். நாளாக நாளாக அதன் வீரியம் அதிகரிக்கும்போதே உங்களுக்கு அறிகுறிகள் தெரிய தொடங்கி, அதிலிருந்து மருத்துவ பரிசோதனைகள் மூலம், நீங்கள் எந்தளவுக்கு, எந்த விதமான நோயால் பாதிக்கப்பட்டுள்ளீர்கள் என்பதை கண்டறிய முடியும் என்று கூறுகிறார் மருத்துவர் மில்லி மேத்யூ. அப்படி என்ன மாதிரியான சிறுநீரகம் சார்ந்த நோய்கள் உங்களுக்கு ஏற்படலாம்? அதில் என்ன மாதிரியான அறிகுறிகள் தென்பட வாய்ப்புள்ளது? என்பதை அறிந்துக் கொள்ளலாம்.   பட மூலாதாரம்,GETTY IMAGES படக்குறிப்பு,நாள்பட்ட சிறுநீரக நோய்களை குணப்படுத்த முடியாவிட்டாலும், அவை தீவிரமடையாமல் தடுக்க முடியும். நாள்பட்ட சிறுநீரக நோய் (Chronic Kidney Disease) நாள்பட்ட சிறுநீரக நோய் என்பது நீண்ட நாட்களாக தொடர்ந்து வரும் சிறுநீரக கோளாறு ஆகும். இது அதிகம் சர்க்கரை நோய் மற்றும் உயர்ரத்த அழுத்தம் உள்ளவர்களுக்கே ஏற்படும். இதன் ஆரம்ப கட்டங்களில் எந்த விதமான அறிகுறிகளும் இருக்காது. இந்த வகை சிறுநீரக கோளாறுகள் சரி செய்ய முடியாதவை. முறையான மருத்துவ சிகிச்சை மூலம் இவை தீவிரமடையாமல் பார்த்துக் கொள்ள முடியும். அறிகுறிகள் குமட்டல் மற்றும் வாந்தி பசியின்மை கால் மற்றும் கணுக்கால் வீக்கம் மூச்சுத்திணறல் தூங்குவதில் சிரமம் அதிகமாக அல்லது குறைவாக சிறுநீர் கழித்தல்   பட மூலாதாரம்,GETTY IMAGES படக்குறிப்பு,சிறுநீரக கல் ஒன்றிரண்டு இருக்கும்போது அதன் அறிகுறிகள் வெளியே தெரியாது. சிறுநீரகத்தில் கல் சிறுநீரகத்தில் தேங்கும் உப்பு அல்லது தாதுக்களின் படிகங்களே சிறுநீரக கல் என்று அழைக்கப்படுகிறது. பொதுவாக ஓரிரண்டு கற்கள் உருவாகும்போது அறிகுறியோ அல்லது தீவிர பிரச்னையோ ஏற்படாது என்று குறிப்பிடும் மருத்துவர், அது தீவிரமடையவும் வாய்ப்புகள் உள்ளது என்று கூறுகிறார். தண்ணீர் குறைவாக குடித்தால், உடல் பருமன், மோசமான வாழ்க்கை முறை, உணவுமுறை உள்ளிட்டவற்றால் இந்த பிரச்னை ஏற்படுகிறது. அறிகுறிகள் சிறுநீர் கழிக்கும் போது வலி சிறுநீரில் ரத்தம் வெளியேறுதல் சிறுநீர் பாதையில் அடைப்பு ஏற்படுதல் கல் உள்ள இடத்தில் வலி   நீரிழிவு சிறுநீரக நோய் (Diabetes Nephropathy) பட மூலாதாரம்,GETTY IMAGES படக்குறிப்பு,உலகில் மூன்றில் ஒரு சர்க்கரை நோயாளிகள் சிறுநீரக கோளாறால் பாதிக்கப்படுகின்றனர். ஆய்வுத்தரவுகளின் படி சர்க்கரை நோய் உள்ள 3 பேரில் ஒருவருக்கு சிறுநீரக கோளாறு ஏற்படுகிறது. உலக அளவில் சிறுநீரக நோய்க்கான காரணிகளில் சர்க்கரை நோய் முதன்மையானதாக இருக்கிறது. அப்படி சர்க்கரை நோய் கட்டுப்பாட்டிற்குள் இல்லாதவர்களுக்கு இந்த நீரிழிவு சிறுநீரக நோய் ஏற்படுகிறது. அறிகுறிகள் கால்கள் வீக்கம் நுரையுடன் சிறுநீர் வெளியேறுதல் உடல் சோர்வு எடை குறைதல் உடல் அரிப்பு குமட்டல் மற்றும் வாந்தி   ஹைப்பர்டென்சிவ் நெஃப்ரோஸ்க்ளிரோசிஸ் (Hypertensive Nephrosclerosis) பட மூலாதாரம்,GETTY IMAGES படக்குறிப்பு,உயர் ரத்த அழுத்தம் உள்ளவர்களுக்கு சிறுநீரகம் பாதிக்கும் அபாயம் அதிகம் சர்க்கரை நோய்க்கு இணையாக சிறுநீரகத்தை பாதிக்கும் மற்றுமொரு பிரச்னை உயர் ரத்த அழுத்தம். உயர் ரத்த அழுத்தம் சிறுநீரகத்தில் உள்ள ரத்த குழாய்களை சேதமடைய செய்வதால் சிறுநீரகத்தின் செயல்பாடு பாதிக்கப்படுகிறது. இதனால் ரத்தத்தில் உள்ள தேவையற்ற கழிவுகளை வெளியேற்றுதல் மற்றும் கூடுதல் தாதுக்களை வெளியேற்றுதல் ஆகியவை பாதிப்படைகிறது. இதில் முக்கியமான விஷயம் என்னவென்றால் சிறுநீரகத்தின் செயல் பாதித்து தேவையற்ற திரவங்கள் ரத்த குழாய்களில் படிவதால், ரத்த அழுத்தம் மேலும் உயர்கிறது. அறிகுறிகள் குமட்டல் மற்றும் வாந்தி தலை சுற்றல் உடல் மந்தம் தலை வலி கழுத்து வலி   சிறுநீர் பாதைத் தொற்று பட மூலாதாரம்,GETTY IMAGES படக்குறிப்பு,சிறுநீர் பாதையில் ஏற்படும் தோற்று சிறுநீரகத்தையும் பாதிக்கும் அபாயம் உள்ளது. சிறுநீர் பாதைத் தொற்று என்பது சிறுநீரக கோளாறு இல்லை என்றாலும் கூட, அது சிறுநீரகத்தை பாதிக்கவும் வாய்ப்புள்ளது. சிறுநீர் பாதைத் தொற்று என்பது சிறுநீர் பாதையில் ஒட்டிக்கொள்ளும் நுண்ணுயிரிகள் பெருகி பாதிப்பை ஏற்படுத்துவது. இது கீழ்நிலையில் உள்ள சிறுநீர் பாதையிலேயே தங்கி விட்டால் சிறுநீரகத்திற்கு பாதிப்பு ஏற்பட வாய்ப்பு குறைவு. ஆனால், பெருகி மேல்நிலை பகுதிக்கு வந்துவிட்டால் சிறுநீரகத்திற்கு பாதிப்பு ஏற்படலாம். அறிகுறிகள் முதுகுப் பக்கத்தில் வலி காய்ச்சல் சிறுநீர் கழிக்கும்போது வலி அடிவயிற்றில் வலி சிறுநீரில் ரத்தம் குமட்டல் மற்றும் வாந்தி   பாலிசிஸ்டிக் சிறுநீரக நோய் பட மூலாதாரம்,GETTY IMAGES படக்குறிப்பு,சிறுநீரகத்தில் அதிகரிக்கும் நீர்க்கட்டிகள் அதை செயலிழக்க செய்யுமளவு ஆபத்தானது. பாலிசிஸ்டிக் சிறுநீரக நோய் என்பது உங்களது சிறுநீரகத்தில் ஏற்படும் நீர்க்கட்டிகளை குறிப்பது. நாளடைவில் இவை வளர்ந்து உங்களது சிறுநீரகத்தை செயலிழக்கும் நிலைக்கும் கொண்டு செல்லலாம். இவை பெரும்பாலும் மரபணு ரீதியாக ஏற்படக்கூடிய சிறுநீரக கோளாறாகும். அறிகுறிகள் மேல்வயிற்றில் வலி அடிவயிற்றின் பக்கவாட்டில் வலி முதுகில் வலி சிறுநீரில் ரத்தம் வெளியேறுதல் சிறுநீர் பாதையில் அடிக்கடி தொற்று ஏற்படுதல்   ஐஜிஏ நெஃப்ரோபதி (IgA Nephropathy) பட மூலாதாரம்,GETTY IMAGES படக்குறிப்பு,இந்த சிறுநீரக பிரச்சனையில் சிறுநீரில் ரத்தம் வெளியேறுவது நமக்கே தெரியாது. ஐஜிஏ நெஃப்ரோபதி என்பது பெரும்பாலும் சிறுவயதில் இளம்பருவத்தில் வரக்கூடிய ஒரு சிறுநீரக கோளாறு என்று கூறுகிறார் மருத்துவர் மில்லி மேத்யூ. இதில் சிறுநீர் வெளியேறும்போது ரத்தமும் இணைந்து வெளியாகும். இதை நாம் நேரடியாக பார்த்தால் கண்டறிவது கடினம். ஆனால், பரிசோதனையில் இதை கண்டறிய முடியும்.   பட மூலாதாரம்,GETTY IMAGES படக்குறிப்பு,சிறுநீரகத்தின் செயல்பாடு 100இலிருந்து 10% என்ற நிலைக்கு வரும்போது தான் சிறுநீரக செயலிழப்பின் அறிகுறிகள் தெரியும் சிறுநீரக செயலிழப்பு சிறுநீரக செயலிழப்பு ஏற்படுபவர்களுக்கு அதன் முற்றிய நிலையில் மட்டுமே அறிகுறிகள் தெரியும். குறிப்பாக அதில் 5 நிலைகள் உள்ளது. இதில் நான்காவது நிலை வரையிலும் கூட அறிகுறிகள் தென்படாமல் ஒருவர் நன்றாக இருப்பார். சிறுநீரகத்தின் செயல்பாடு 100இலிருந்து 10% என்ற நிலைக்கு வரும்போது தான் அறிகுறிகள் தெரியும். அந்த நிலையில் ஒரு சில பொதுவான அறிகுறிகள் தென்படும். அறிகுறிகள் பசியின்மை வாந்தி கடுமையான உடல் சோர்வு உடல் வீக்கம் தூக்கமின்மை உப்பசம் https://www.bbc.com/tamil/articles/c2e01gql070o
    • Published By: VISHNU   19 APR, 2024 | 02:19 AM (நா.தனுஜா) டயலொக் அக்ஸியாட்டா மற்றும் பார்டி எயார்டெல் லிமிடெட் ஆகிய நிறுவனங்கள் இலங்கையில் அவற்றின் செயற்பாடுகளை இணைந்து முன்னெடுப்பதற்கான ஒப்பந்தத்தில் கைச்சாத்திட்டுள்ளன.  இவ்வொப்பந்தத்தின் பிரகாரம் எயார்டெல் லங்காவின் 100 சதவீத பங்குகளை டயலொக் கொள்வனவு செய்யும் அதேவேளை, அதற்குப் பதிலாக இதுவரையில் மொத்தமாக விநியோகிக்கப்பட்ட பங்குகளில் 10.355 சதவீத பெறுமதியுடைய சாதாரண வாக்குரிமை பங்குகளை எயார்டெலுக்கு வழங்கும்.  இதுகுறித்து தெளிவுபடுத்தி நேற்றைய தினம் ஊடக அறிக்கையொன்றை வெளியிட்டிருக்கும் டயலொக் நிறுவனம், நாடளாவிய ரீதியில் தொலைத்தொடர்பு சேவையை மேம்படுத்துவதை இலக்காகக்கொண்டு முன்னெடுக்கப்படும் இந்த இணைப்புக்கு இலங்கை தொலைத்தொடர்பு ஒழுங்குபடுத்தல் ஆணைக்குழு அனுமதியளித்திருப்பதாகத் தெரிவித்துள்ளது.  அதுமாத்திரமன்றி இந்நடவடிக்கையானது போலியான தொலைத்தொடர்பு உட்கட்டமைப்பு செயன்முறைகளைக் கட்டுப்படுத்துவதற்கும், தொழில்நுட்பத்துறையில் ஒத்துழைப்பை வலுப்படுத்துவதற்கும், வேகமான வலையமைப்பு இணைப்பை விரிவுபடுத்துவதற்கும், செலவினங்களைக் குறைப்பதற்கும், செயற்பாட்டு வினைத்திறனை அதிகரிப்பதற்கும் உதவும் எனவும் டயலொக் நிறுவனம் நம்பிக்கை வெளியிட்டுள்ளது. https://www.virakesari.lk/article/181412
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.