Jump to content

விஜய் சேதுபதியை நடிக்க வேண்டாம் என்று கூறும் சீனு ராமசாமி


Recommended Posts

  • கருத்துக்கள உறவுகள்

"முத்தையா முரளிதரன் என்றுமே தமிழர்" - கொண்டாடும் இலங்கை உறவுகள், டிரெண்டிங்கில் #ShameOnVijaySethupathi

  • ரஞ்சன் அருண் பிரசாத்
  • பிபிசி தமிழுக்காக, இலங்கை

இலங்கை முன்னாள் சுழற்பந்து வீச்சாளர் முத்தையா முரளிதரனின் வாழ்க்கை வரலாறை பிரதிபலிக்கும் வகையில் எடுக்கப்படும் "800" என்ற திரைப்படத்தில் தமிழகத்தைச் சேர்ந்த திரைப்பட நடிகர் விஜய் சேதுபதி நடிக்கிறார். இந்த படம் தொடர்பாக முத்தையா முரளிதனுக்கு எதிராகவும் அவரது கதாபாத்திரத்தில் நடிக்க ஒப்பந்தமாகியிருக்கும் விஜய் சேதுபதிக்கு எதிராகவும் ஆதரவாகவும் டிவிட்டர் உள்ளிட்ட சமூக ஊடகங்களில் பயனர்கள் பதிவிட்டு வருகிறார்கள்.

"800" திரைப்படத்தின் கதாநாயகனாக முத்தையா முரளிதரனின் கதாபாத்திரத்தில் விஜய் சேதுபதி நடிப்பது தொடர்பாக இந்தியா, இலங்கை உள்பட பல நாடுகளில் வாழும் தமிழர்கள் மத்தியில் மிக அதிகமாக பேசப்பட்டு வருகிறது.

இந்த சர்ச்சைகளுக்கு அப்பால், இலங்கை கிரிக்கெட் அணியை பிரதிநிதித்துவப்படுத்தி விளையாடிய முத்தையா முரளிதரன், உலக அளவில் சிறந்த சுழற்பந்து வீச்சாளர் என்ற பெருமையை பெற்ற ஒரு தமிழனாக விளங்கி வருகிறார்.

எனினும், முத்தையா முரளிதரன் பெரும்பாலான சந்தர்ப்பங்களில் சிங்கள மொழியில் பேசுகின்றமை, தமிழர்கள் மத்தியில் தொடர்ச்சியாக ஒரு அதிருப்தியை தோற்றுவித்திருந்தது.

அதுமாத்திரமன்றி, இலங்கையின் கடந்த கால அரசியல் நடவடிக்கைகளின்போது, முத்தையா முரளிதரன் மற்றும் அவரது குடும்பத்தினர், யுத்தத்தை நிறைவு செய்த மஹிந்த ராஜபக்ஷ தரப்பினருடன் சேர்ந்து பயணித்தமையும், ஈழத் தமிழர்கள் மத்தியில் அதிருப்தியை ஏற்படுத்தியதை அவதானிக்க முடிந்தது.

அத்துடன், 'நான் முதலில் இலங்கையன்... அதன் பின்னரே தமிழன்" என்று முத்தையா முரளிதரன் கூறிய கருத்து, அண்மையில் சமூக வலைதளங்களில் அதிகமாக பகிரப்பட்டதை அவதானிக்கலாம்.

முத்தையா முரளிதரனின் இந்த கருத்தானது, அண்மை காலமாக மீண்டும் ஒரு சர்ச்சையை சமூக வலைதளங்களில் தோற்றுவித்திருந்தது.

முத்தையா முரளிதரனால் வெளியிடப்பட்ட இந்த கருத்தை, விஜய் சேதுபதி தனது திரைப்படத்தில் கூறுவாரா? எனவும் சமூக வலைதள பயன்பாட்டாளர்கள் கேள்வி எழுப்பி வருகின்றனர். மேலும், டிவிட்டரில் #ShameOnVijaySethupathi என்ற பெயரில் லட்சக்கணக்கானோர் கருத்துகளை பதிவிட்டு இலங்கை தமிழருக்கு ஆதரவான உணர்வையும், எதிர்ப்பையும் பதிவிட்டு வருகிறார்கள். எனினும், விஜய் சேதுபதியோ முரளிதரனின் நேரடி தரப்போ இந்த விவகாரத்தில் இதுவரை கருத்து வெளியிடவில்லை. அதே நேரம், கடந்த வாரம் நடிகர் விஜய் சேதுபதி தமது ஃபேஸ்புக் பக்கத்தில், முத்தையா முரளிதனின் வரலாறு படத்தில் தானும் அங்கமாக இருப்பதில் பெருமைப்படுவதாக கூறியிருந்தார்.

Facebook பதிவை கடந்து செல்ல, 1

தகவல் இல்லை

மேலதிக விவரங்களைக் காண Facebookவெளியார் இணைய தளங்களின் உள்ளடக்கத்துக்கு பிபிசி பொறுப்பாகாது.

Facebook பதிவின் முடிவு, 1

இவ்வாறான சர்ச்சைகளின் பின்னணியில், முத்தையா முரளிதரனின் வாழ்க்கை வரலாற்றை எடுத்துரைக்கும் "800" திரைப்படத்தில் பணிகள் தொடங்கப்பட்டுள்ளன.

சுமார் 2 வருட காலத்திற்கு முன்னரே முத்தையா முரளிதரனின் வாழ்க்கையில் இடம்பெற்ற சுவாரஸ்யங்களை, பட தயாரிப்பு குழு பதிவு செய்து கொண்டதுடன், அந்த கால பகுதியிலிருந்தே திரைப்படத்திற்கான பணிகள் முன்னெடுக்கப்பட்டு வருவதாக முத்தையா முரளிதரனின் குடும்பத்தினர் பிபிசி தமிழிடம் கூறினர்.

இவ்வாறான பின்னணியில் இலங்கையில் உள்ள தமிழர்கள் மற்றும் சிங்களவர்கள் இந்த திரைப்படத்தை பற்றி எவ்வாறான நிலைப்பாடுகளை கொண்டுள்ளார்கள் என்பது குறித்து பிபிசி தமிழ் ஆராய்ந்தது.

படப்பதிவில் எது பிரச்சனையாகும்?

முத்தையா முரளிதரனின் வாழ்க்கை வரலாற்றில், அவரது சாதனைகள் மற்றும் அவரது வாழ்க்கை தொடர்பிலான விடயங்கள் உள்ளடங்கியிருந்தால், தாம் அதனை வரவேற்பதாக யாழ்ப்பாணம் பல்கலைக்கழகத்தின் மாணவர் ஜெயரட்ணம் துவாரகன் பிபிசி தமிழிடம் தெரிவித்தார்.

அதை விடுத்து, முத்தையா முரளிதரனின் வாழ்க்கை வரலாற்றில் ஈழத் தமிழர்களை தொடர்புபடுத்தி, தேவையற்ற விடயங்கள் உள்ளடக்கப்படுவதாக இருந்தால், ஈழத் தமிழர்கள் மத்தியில் அது மிகப்பெரிய சர்ச்சையை தோற்றுவிக்கும் என அவர் கூறுகிறார்.

ஈழப் போராட்டத்தின்போது முத்தையா முரளிதரன், ஈழப் போராட்டங்களை கொச்சைப்படுத்தி கருத்துக்களை வெளியிட்டிருந்ததாக அவர் குறிப்பிட்டார். அதனால், முத்தையா முரளிதரனின் வாழ்க்கை வரலாற்றை மாத்திரம் மையப்படுத்தி இந்த திரைபடம் எடுக்கப்படுவதாக இருந்தால், அதில் எந்தவித பிரச்சனைகளும் கிடையாது என கூறும் ஜெயரட்ணம் துவாரகன், ஈழத்தை மையப்படுத்தி படம் எடுக்கப்படுவதாக இருந்தால் அது பிரச்சனைக்குரிய விடயம் என குறிப்பிட்டார்.

இலங்கை கிரிக்கெட் அணியின் விளையாட்டு வீரர் ஒருவருடைய வாழ்க்கை வரலாறு படமாக்கப்படுகின்றது என்பதை எண்ணி பார்க்கும் போது அது மகிழ்ச்சி அளிக்கும் விடயம் என இலங்கை வானொலி அறிவிப்பாளர் எஸ்.சக்சிவர்ணன் பிபிசி தமிழுக்கு தெரிவித்தார்.

இந்த திரைப்படத்திற்கு விஜய் சேதுபதி தெரிவு செய்யப்பட்டுள்ளமையானது, மிகவும் சிறந்ததொரு விடயம் எனவும் அவர் கூறினார்.

தமிழர் எதிர்ப்பு ஏன் தீவிரமாகிறது?

முத்தையா முரளிதரனை, அனைவரும் ஒரு விளையாட்டு வீரராகவும், ஒரு சாதனையாளராகவுமே அவதானிப்பதாக கூறும் எஸ்.சக்சிவர்ணன், அவர் அந்த இடத்திற்கு எவ்வாறு வந்தார் என்பதை இளைய சமூகத்திற்கு இந்த திரைப்படத்தின் ஊடாக கூற வேண்டும் எனவும் குறிப்பிடுகின்றார்.

எஸ்.சக்சிவர்ணன்

பட மூலாதாரம், Saksivaran

 
படக்குறிப்பு,

எஸ்.சக்சிவர்ணன்

எனினும், இலங்கை அரசியலோடு முத்தையா முரளிதரன் பயணிக்கின்றமையினாலேயே, அவருக்கு தமிழர்கள் மத்தியில் ஒரு எதிர்ப்பு எழுந்துள்ளதாக எஸ்.சக்சிவர்ணன் தெரிவிக்கின்றார்.

முத்தையா முரளிதரன் பல்வேறு சந்தர்ப்பங்களில், தன்னை தமிழனாக அடையாளப்படுத்த தவறியமையும், தமிழர்கள் மத்தியில் அவருக்கு எதிர்ப்பு எழுவதற்கான காரணம் என அவர் சுட்டிக்காட்டுகின்றார்.

முத்தையா முரளிதரனை ஒரு விளையாட்டு வீரராக தமிழர்கள் விரும்பினாலும், இலங்கை அரசியல் மற்றும் தமிழர் என்ற அடையாளத்தை வெளிப்படுத்த பல இடங்களில் தவறியமையினாலேயே அவரை பெரும்பாலான தமிழர்கள் புறக்கணிக்க காரணமாக இருந்திருக்கலாம் எனவும் அவர் குறிப்பிடுகிறார்.

இலங்கை திரைப்பட துறையின் பதில்

இலங்கையின் அடையாளம், இலங்கை வரலாற்றின் ஒரு பகுதி என்ற முத்தையா முரளிதரனின் வாழ்க்கை வரலாற்றை திரைப்படமாக இலங்கையிலேயே எடுத்திருக்க வேண்டும் என இலங்கை திரைப்பட தயாரிப்பாளர் ரேணுகா பாலசூரிய பிபிசி தமிழிடம் தெரிவித்தார்.

ரேணுகா பாலசூரிய

பட மூலாதாரம், RENUKA BALASOORIYA

 
படக்குறிப்பு,

ரேணுகா பாலசூரிய

உலக விளையாட்டு ரசிகர்களினால் மிகவும் அன்புடன் பார்க்கக்கூடிய முத்தையா முரளிதரனின் வாழ்க்கை வரலாறு இந்தியாவில் படமாக்கப்படுவது குறித்து, தான் மகிழ்ச்சி அடைவதாகவும் அவர் கூறுகின்றார்.

பல 100 வருடங்கள் கடந்தும் இலங்கையில் இவ்வாறான சாதனை வீரர் ஒருவர் இருந்தார் என்பது இந்த திரைப்படத்தின் ஊடாக பதிவு செய்யப்படும் என அவர் குறிப்பிடுகின்றார்.

இதேவேளை, உலகிலுள்ள பலர் முத்தையா முரளிதரனை வீழ்த்துவதற்கு முயற்சித்த போதிலும், அவற்றையெல்லாம் கடந்து ஒரு சாதனை படைத்த வீரரின் வாழ்க்கை வரலாறு திரைப்படமாக்கப்படுவதை அறிந்து மகிழ்ச்சி அடைவதாக இலங்கை பிரபல திரைப்பட இயக்குநர் சோமரத்ன திஸாநாயக்க தெரிவிக்கின்றார்.

விளையாட்டு ரீதியாகவும், அறிவியல் ரீதியாகவும் அவரை வீழ்த்த முயற்சித்த போதிலும், அவர் அவற்றை எல்லாம் கடந்து 800 விக்கெட்களை கைப்பற்றியது என்பது மாபெரும் சாதனை என அவர் குறிப்பிடுகின்றார்.

அடுத்த தலைமுறையில் கூட முத்தையா முரளிதரனின் சாதனைகளை முறியடிக்க முடியுமா என்ற கேள்வி கூட எழுவதாக அவர் கூறுகிறார்.

முத்தையா முரளிதரனின் வாழ்க்கை வரலாறை இயக்குநராக இருந்து, தன்னால் எடுக்க முடியாது போனது குறித்து கவலை அடைவதாகவும் அவர் குறிப்பிடுகிறார்.

குடும்பத்தாரின் கருத்து

இவ்வாறான எதிர்ப்புகள் மற்றும் ஆதரவுகள் தொடர்ச்சியாக வெளிவந்து கொண்டிருந்த பின்னணியில், அவரது குடும்பத்தார் இந்த விடயத்தை எவ்வாறு பார்க்கின்றனர் என பிபிசி தமிழ் ஆராய்ந்தது.

முத்தையா முரளிதரன் மற்றும் அவரது குடும்ப தலைமுறைகள் அனைவரும் மலையகத்தில் பிறந்த, மலையக தமிழர்கள் (இந்திய வம்சாவளித் தமிழர்கள்) என்பதை எவராலும் மாற்ற முடியாது என முத்தையா முரளிதரனின் சகோதரரான முத்தையா பிரபாகரன் தெரிவிக்கின்றார்.

முத்தையா பிரபாகரன்

பட மூலாதாரம், MUTHIAH PRABHAKARAN

 
படக்குறிப்பு,

முத்தையா பிரபாகரன்

யார் எவ்வாறான கருத்துக்களை வெளியிட்டாலும், தனது சகோதரன் என்றும் தமிழனாகவே இருப்பார் எனவும் அவர் குறிப்பிடுகின்றார்.

சமூக வலைதளங்களில் கருத்துக்களை வெளியிடுவதற்கான உரிமை அனைவருக்கும் காணப்படுகின்ற போதிலும், சாதனை வீரனான தனது சகோதரன் தொடர்பில் சாதனை படைத்த எவரும் தேவையற்ற கருத்துக்களை வெளியிடுவதில்லை என அவர் கூறுகின்றார்.

முத்தையா முரளிதரன் தனது சொந்த முயற்சியில், எந்தவித பின்னணியும் இல்லாமல் இன்று உலகிலேயே தலை சிறந்த கிரிக்கெட் வீரராக பயணித்து வருவதாகவும் அவர் தெரிவிக்கின்றார்.

தனது சகோதரன் அரசியலில் எந்தவித பதவிகளையும் பெற்றுக்கொள்ளும் நோக்கில் மஹிந்த ராஜபக்ஷ மற்றும் கோட்டாபய ராஜபக்ஷ தரப்பிற்கு ஆதரவு வழங்கவில்லை எனவும், அவர் ஒரு சாதனை குடிமகனாகவே ஆதரவு வழங்கியிருந்தார் எனவும் அவரது சகோதரர் குறிப்பிடுகிறார்.

முத்தையா முரளிதரன் தமிழ் மொழி மூலமாகவே தனது கல்வியை பயின்றார் எனவும், தமிழ் கழகமொன்றின் ஊடாகவே கிரிக்கெட் பிரவேசத்தை அவர் பெற்றார் எனவும் முத்தையா பிரபாகரன் தெரிவிக்கின்றார்.

எனினும், தம்மை சுற்றியிருக்கும் பலரும் சிங்கள இனத்தைச் சேர்ந்தவர்கள் என்பதால், முத்தையா முரளிதரன் பெரும்பாலும் சிங்கள மொழியில் பேசுவார் என்ற போதிலும், அவர் என்றுமே தமிழ் மொழியை மறக்கவில்லை எனவும் அவர் சுட்டிக்காட்டினார்.

முத்தையா முரளிதரனின் வாழ்க்கை வரலாற்றை படமாக்க எடுக்கவுள்ளமை தொடர்பில் அவரது குடும்பத்தார் என்ற வகையில் அனைவரும் மகிழ்ச்சியுடன் இருப்பதாக முத்தையா முரளிதரனின் சகோதரரான முத்தையா பிரபாகரன் தெரிவிக்கின்றார்.

மிகுந்த எதிர்பார்ப்பை ஏற்படுத்தியிருக்கும் "800" படம், இலங்கை, இந்தியா, பிரிட்டன், ஆஸ்திரேலியா ஆகிய நாடுகளில் படமாக்கப்படவிருக்கிறது. 2021 ஆம் ஆண்டின் முற்பகுதியில் படப்பிடிப்பு தொடங்கி, 2021 ஆம் ஆண்டின் இறுதிக்குள் படம் திரைக்கு வரும் என எதிர்பார்க்கப்படுகிறது.

படத்தயாரிப்பு நிறுவனம் விளக்கம்

இதற்கிடையே, தற்போதைய சர்ச்சை தொடர்பாக "800" திரைப்பட தயாரிப்பு நிறுவனமான தார் (Dar) மோஷன் பிக்சர்ஸ் புதன்கிழமை அறிக்கை வெளியிட்டுள்ளது.

அதில், முத்தையா முரளிதனின் வாழ்க்கை வரலாறு படத்தில் விஜய் சேதுபதி நடிப்பது பல்வேறு வகையில் அரசியலாக்கப்பட்டு வருவதை அறிகிறோம். "800" திரைப்படம் முழுக்க ஒரு கிரிக்கெட் வீரரின் வாழக்கை சம்பந்தப்பட்ட படமே தவிர இதில் எந்த வித அரசியலும் கிடையாது. தமிழகத்தில் இருந்து தேயிலைத் தோட்ட கூலியாளர்களாக இலங்கைக்கு குடிபெயர்ந்த ஒரு சமூகத்தில் இருந்து வந்த முரளிதரன் எப்படி பல தடைகளைத் தாண்டி உலக அளவில் சிறந்த பந்து வீச்சாளராக உயர்ந்தார் என்பதுதான் இத்திரைப்படத்தின் கதையம்சம் என்று கூறப்பட்டுள்ளது.

மேலும், இளைய சமுதாயத்துக்கும் வருங்கால விளையாட்டு வீரர்களுக்கும் தங்கள் வாழ்க்கை பயணத்தில் எவ்வளவு தடைகள் வந்தாலும் அவற்றை கடந்து சாதிக்க முடியும் எனும் நம்பிக்கையை ஏற்படுத்தும் படமாக அது இருக்கும் என்று கூறியுள்ள தார் மோஷன்ஸ் நிறுவனம், ஈழத்தமிழர்களின் போராட்டத்தை சிறுமைப்படுத்தும் வகையிலான காட்சியமைப்புகள் அதில் இருக்காது என அதில் தெரிவிக்கப்பட்டுள்ளது.

இலங்கையைச் சேர்ந்த பல தமிழ் திரைத்துறையினர், கலைஞர்கள், தொழில்நுட்ப கலைஞர்கள் இந்த படத்தில் நடிக்கவிருப்பதாகவும் கலைஞர்களுக்கும் கலைக்கும் எல்லைகள் கிடையாது. எல்லைகளை கடந்து மக்களையும் மனிதத்தையும் இணைப்பதுதான் கலை. நாங்கள் அன்பையும், நம்பிக்கையையும் மட்டுமே விதைக்க விரும்புகிறோம் என்று தார் மோஷன் பிக்சர்ஸ் நிறுவனம் அறிக்கையில் கூறியுள்ளது.

https://www.bbc.com/tamil/54542846

Link to post
Share on other sites
  • Replies 215
  • Created
  • Last Reply

Top Posters In This Topic

Top Posters In This Topic

Popular Posts

முயற்சிக்கு வாழ்த்துக்கள் உடையார் அண்ணா  தாழ்மையான கருத்து அவற்றை கண்டும் காணாமல் போனால்  உங்களுக்கு நேரம் மிச்சம் என்பதுதான். ஆரோக்கியமான விவாதம் செய்யலாம்  நேரத்தை விராண்ட வாதங்களில் செலவு ச

எத்தனையோ தியாகிகள், சுதந்திரப் போராட்ட வீரர்கள், மேதைகள், காலத்தால் அழியாத கலைஞர்கள் என்று பல தெரிவுகள் இருக்க இந்தப் படத்தில் விஜய் சேதுபதி நடிக்க முடிவெடுத்திருப்பது எனக்கும் ஆச்சரியத்தைத் தந்துள்ளத

  • கருத்துக்கள உறவுகள்

அருமையான கருத்துகளை எல்லாரும் சொல்லியிருக்கிறீர்கள். மனோ கணேசன் அவர்களின் நேர் கொண்ட பார்வை அற்புதம்.

வி.சே இதையெல்லாம் உள்வாங்கி நல்ல முடிவை எடுப்பார் என  நம்புகிறேன். 

படம் வெளி வந்தால் பார்க்க ஆவலுடன் உள்ளேன்! 

Link to post
Share on other sites
  • கருத்துக்கள உறவுகள்

ரசல் பிரேமகுமாரன் ஆர்னோல்டு VS முத்தையா முரளிதரன்

ரசல் & முரளி இருவருமே தமிழர்கள் தான்.

ரசல் யாழ் வம்சாவளி தமிழர்.
முரளி இந்திய வம்சாவளி தமிழர்.

இருவரும் கிரிக்கட் விளையாட சென்றார்கள் கிரிக்கட் விளையாடினார்கள். அதில் முரளிதரன் மட்டும் விமர்சிக்கப்படுவதற்கு காரணம் அவரின் அபார வளர்ச்சியும் உளவியல் ரீதியிலான யாழ் மையவாத அரசியலுமேயாகும்.

சிங்கள இலட்சனை (அவர்கள் பார்வையில்) எல்லாம் ஒரு பிரச்சனையே கிடையாது, இலங்கை அரசின் இலட்சணையுடன் வரும் புத்தகத்தை படித்து சிங்கள இலட்சனைகளுடன் இருக்கும் கல்லூரிகளில் படித்து படிப்பில் வல்லவர்கள் என்று மார்தட்ட முடியும் என்றால் சிங்கள இலட்சனை அணிந்து விளையாடி கிரிக்கட்டில் சிறந்தவர் என்று முரளி மார்தட்டுவதில் என்னதான் பிரச்சனை உள்ளது ??

இத்தகைய பிரச்சனைகள் எல்லாம் ஒருவகை வாக்குவங்கி அரசியலாகவும் யாழ் மையவாத அரசியலாகவும் மட்டுமே இருக்கிறது. அதை தாண்டி எந்தவொரு தாத்பரியமும் ஆக்கபூர்வமான செயல்பாடும் இத்தகைய எதிர்ப்புகளில் இல்லை.

தமிழ் என்பதை முன்வைக்கும் எவருமே "தமிழராக அந்த அணியில் நீடித்து நின்று சாதனை புரிய" அவர் எவ்வளவு சவால்களை சந்தித்து வந்திருப்பார் அவற்றை எல்லாம் தாண்டி சாதித்த அவரை எப்படியெல்லாம் கொண்டாடவேண்டும் என்பதை சிந்திக்க மாட்டார்கள். அவ்வளவு தான் அவர்களின் தமிழ் பற்று..

இவர்கள் எல்லாம் முகநூல் கீபோர்ட் வீரர்கள். இத்தகையவர்களுக்கு தன்னை ஒரு முற்போக்காளன் போன்றும், கள வீரன் போன்றும் காட்டிக்கொள்ள முரளிதரன் தேவைப்படுகிறார் மற்றப்படி இவர்கள் அனைவரும் வீட்டுக்கு ஒருவர் வேண்டும் என்ற பொழுது ஓடி ஒழிந்தவர்கள் தான் ..

வெளிநாடுகளுக்கு ஓடிப்போய் ஆர்மி சுடுறான், நாட்டுக்கு போனால் இறந்துவிடுவேன் என்று கூறி அங்கு குடியுரிமை வாங்கியவன் எல்லாம் தியாகியாம், நாட்டிலையே வசித்து அதில் வரும் பிரச்சனைகளுக்கு ஏற்றது போல் அனுசரித்து சென்று சாதனை புரிந்தவர் துரோகியாம். இப்படி கூறுபவர்கள் யார் என்று பார்த்தால் இங்கு இருந்தால் இயக்கம் பிடிச்சிடும் எண்டு 50லட்சம் செலவழித்து வெளிநாடு போன வீர தியாகிகளாக இருக்கிறார்கள்.

அவரின் அரசியல் விமர்சனங்களும் கூற்றும் ஏற்றக்கொள்ள முடியாது என்று ஒரு கூட்டம் இருக்கிறது.. வெளியில் சிங்கள பேரினவாதம், தமிழ் தேசியம் என கூறி வாக்குகளை பெற்று பாராளுமன்றத்தில் இலங்கை சட்டத்திட்டங்களை மதித்து அவற்றிற்க்கு பங்கம் ஏற்படுத்தாது நடந்துகொள்வேன் என்று பதிவி ஏற்பதற்கு பதிலாக பாராளுமன்றத்தில் செய்யப்போவதை வெளிப்படயைாக கூறுபவர் எப்படி பிழையானவராவார் ?? ஆக அரசியல் விமர்சனமும் அர்த்தமற்றதேயாகும்

கொள்கையில் சாதித்தோம் என்று சொல்ல ஒரு விடையம் கூட இல்லாத காரணமே குறுகிய சிந்தனை கொண்ட கொள்கைவாதம் என்பதை உணராதவரை எதுவுமே இவர்களால் வசப்படாது.

 

நன்றி வினோத் பாலச்சந்திரன் முகனூல்

Link to post
Share on other sites
  • கருத்துக்கள உறவுகள்

சரியான போட்டி நடத்துங்கோ.

Link to post
Share on other sites
  • கருத்துக்கள உறவுகள்

யாழ்ப்பாணத்தாரின் கம்பன் கழகம்.. இவரை (முரளியை) கூட்டி வைச்சு விருது வழங்கிச்சே. 

அப்ப எல்லாம் அடக்கி வாசிச்சவை..

வன்னியில் தமிழீழ காவல்துறையினருடன் முரளி நிழற்படம் பிடித்த போது பாராட்டி மகிழ்ந்தவர்கள்..

இன்று..

முரளி என்றுமே தன்னை தமிழனாக அடையாளப்படுத்த விரும்பிய ஒருவர் அல்ல.

அவருக்கு விஜய் சேதுபதி திரை உருவம் கொடுப்பது.. விஜய் சேதுபதியின் பிழைப்பு. இதில் இனப்பற்றை எல்லாம் கலந்தடிக்கக் கூடாது.

விஜய் சேதுபதியாக உணர்ந்து ஏதாவது செய்தால் அன்றி.. அவரை வற்புறுத்த எம்மவர்களுக்கு எந்தத் தகுதியும் இல்லை. 

காரணம்.. போரின் போது மக்கள் சாகச் சாக.. கருணா நிதியின்..  மானாட மயிலாட பார்த்து நிதி சேர்த்துக் கொடுத்த ஈழப் புலம்பெயரிகள் பலர்.

  • Like 1
  • Thanks 1
Link to post
Share on other sites
  • கருத்துக்கள உறவுகள்

இள வயது முரளிதரனாக நடிக்க இளம் நடிகர் ரீஜே அருணாச்சலம் மறுப்பு; குவியும் பாராட்டு!

“முத்தையா முரளிதரனின் வாழ்க்கை வரலாற்றுப் படத்தில் இளவயது முரளிதரனாக நடிக்க படக்குழு என்னிடம் கேட்டது. எனது தாய் ஈழத்தில் பிறந்தவராதலால் அவர்கள் சொன்ன கதையில் சரியான அரசியல் இல்லை என நான் உணர்ந்தேன். ஆதலால் அப்படத்தில் நடிக்க நான் மறுத்தேன்” என்று தெரிவித்திருக்கிறார் அசுரன் படத்தின் மூலம் தமிழ் சினிமாவில் அறிமுகமான இளம் நடிகரும், பாடகருமான ரீஜே அருணாச்சலம்.

இலங்கை கிரிக்கெட் அணியின் நட்சத்திர சுழல்பந்து வீச்சாளரான முத்தையா முரளிதரனின் வாழ்க்கை வரலாற்றுப் படம் தொடர்பில் சமூக வலைத்தளங்களில் பல்வேறு தரப்பினரும் எதிர்ப்புகளை தெரிவித்து வரும் நிலையில், நடிகர் ரீஜே அப்படத்தில் நடிக்க மறுப்புத் தெரிவித்ததற்கு பாராட்டுகள் குவிந்த வண்ணம் உள்ளது.

இது தொடர்பில் அவர் மேலும் தெரிவித்ததாவது,

“நான் இந்தியாவில் இருந்த போது ‘800’ படக்குழு என்னை அணுகியது. நான் அவர்களின் அலுவலகத்திற்குச் சென்று கதையின் சில பகுதிகளைக் கேட்டேன். எனக்கு இளவயது முரளிதரனாக நடிக்க வாய்ப்பளிக்கப்பட்டது.

எனினும், ஈழத்தமிழர் பிரச்சினை பற்றிய சரியான அணுகுமுறை இப்படத்தில் இல்லை என எனக்குத் தோன்றியது. எனது தாய் ஈழத்தில் பிறந்தவர். ஆதலால் அந்த கதையின் பட அரசியலுக்குள் புகுந்து கொள்ள நான் விரும்பவில்லை. அதனால் மறுப்புத் தெரிவித்தேன்” என்றுள்ளார்.

teejay-arunachalam-20190408113659-41611.https://newuthayan.com/இள-வயது-முரளிதரனாக-நடிக்/

 
Link to post
Share on other sites
  • கருத்துக்கள உறவுகள்

பஞ்சாயத்துத் தலைவியை  சாதி காரணமாக கூட்டங்களில் தரையில் அமர வைத்து திருப்த்திபட்ட தமிழ்நாட்டுக்கு அவசியமான பிரச்சனை தான்

Link to post
Share on other sites
  • கருத்துக்கள உறவுகள்
2 minutes ago, விளங்க நினைப்பவன் said:

பஞ்சாயத்துத் தலைவியை  சாதி காரணமாக கூட்டங்களில் தரையில் அமர வைத்து திருப்த்திபட்ட தமிழ்நாட்டுக்கு அவசியமான பிரச்சனை தான்

இப்ப தமிழ்நாட்டு தமிழர்கள் தான் முத்தையா வெருளியின் பிரசினையை கொண்டு செல்கிறார்கள் என்று சொன்னதுக்கு நன்றி எங்கோ ஒரு மூலையில் நடந்த விடயத்தை இந்த விடயத்துடன் ஓட்ட வைக்கிறீர்கள் உங்கள் முயட்சி வெற்றி யடைய  வாழ்த்துக்கள் .

Link to post
Share on other sites
  • கருத்துக்கள உறவுகள்
3 hours ago, nedukkalapoovan said:

யாழ்ப்பாணத்தாரின் கம்பன் கழகம்.. இவரை (முரளியை) கூட்டி வைச்சு விருது வழங்கிச்சே. 

அப்ப எல்லாம் அடக்கி வாசிச்சவை..

வன்னியில் தமிழீழ காவல்துறையினருடன் முரளி நிழற்படம் பிடித்த போது பாராட்டி மகிழ்ந்தவர்கள்..

இன்று..

கருணா அம்மான் என அழைக்கப்படும்  வினாயகமூர்த்தி முரளிதரனையும்  ஒரு காலம் தலையில் வைத்து கொண்டாடினோம்.  
இன்று கொண்டாட முடியவில்லை.
உங்களால்.....??????
 

Link to post
Share on other sites
  • கருத்துக்கள உறவுகள்
3 hours ago, nedukkalapoovan said:

முரளி என்றுமே தன்னை தமிழனாக அடையாளப்படுத்த விரும்பிய ஒருவர் அல்ல.

அவர் பல இடங்களில் முதலில் நான் சிறிலங்கன் அப்புறம் தான் நான் தமிழன் என்கிறாரே இதன் அர்த்தம் என்ன சார்?

Link to post
Share on other sites
  • கருத்துக்கள உறவுகள்
4 hours ago, nedukkalapoovan said:

அவருக்கு விஜய் சேதுபதி திரை உருவம் கொடுப்பது.. விஜய் சேதுபதியின் பிழைப்பு. இதில் இனப்பற்றை எல்லாம் கலந்தடிக்கக் கூடாது.

2009 ம் ஆண்டுதான் எனக்கு மகிழ்ச்சிகரமான ஆண்டு என சொல்பவரின் வரலாறு உங்களுக்கு இனிக்கின்றதா சார்?

Bild

Link to post
Share on other sites
  • கருத்துக்கள உறவுகள்
4 hours ago, nedukkalapoovan said:

விஜய் சேதுபதியாக உணர்ந்து ஏதாவது செய்தால் அன்றி.. அவரை வற்புறுத்த எம்மவர்களுக்கு எந்தத் தகுதியும் இல்லை. 

காரணம்.. போரின் போது மக்கள் சாகச் சாக.. கருணா நிதியின்..  மானாட மயிலாட பார்த்து நிதி சேர்த்துக் கொடுத்த ஈழப் புலம்பெயரிகள் பலர்.

மானாட மயிலாட பார்த்துக்கொண்டாவது பணங்களையு உதவிகளையும் அள்ளி வழங்கி உணர்ச்சிகரமாக இருந்தனர்.இன்றும் தாயக ஏக்கங்களுடனேயே இருக்கின்றனர். உங்களைப்போல் விசா ஏக்கங்கள் இல்லை. விசாவிற்காக தாலி கட்டியவர்களும் அல்லர்.

ஆனால் அன்று தொடக்கம் இந்த நொடி வரைக்கும் புலிகளையே வசைபாடி வயிறு வளர்த்துக்கொண்டிருப்பவர்களை விட மானாட மயிலாடல்காரர் நேர்மை நியாயமானவர்கள்.

கடைசியாக தங்களுக்கு ஒரு வசனம். யாருமே  விஜய் சேதுபதிக்கு எதிரிகள் அல்ல. மாறாக ரசிகர்கள். விஜய் சேதுபதி தவறான ஒருவருக்கு  வேடம் கொடுத்து புனிதராக காட்டமுனையக்கூடாது என்பதுதான் அனைவரின் ஆதங்கம்.

⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂

கடைசியாக தங்களுக்கு ஒரு வசனம். யாருமே  விஜய் சேதுபதிக்கு எதிரிகள் அல்ல. மாறாக ரசிகர்கள். விஜய் சேதுபதி தவறான ஒருவருக்கு  வேடம் கொடுத்து ......முரளிதரனை  புனிதராக காட்டமுனையக்கூடாது என்பதுதான் அனைவரின் ஆதங்கம்.

Edited by குமாரசாமி
முரளிதரனை
  • Like 1
Link to post
Share on other sites
  • கருத்துக்கள உறவுகள்

இன்று இவரின் படம், நாளை கோத்த & மகியின் படம்.

தமிழனுக்கு பெருமை சேர்த்த ஏதிர் வீரசிங்கத்தை படமெடுக்கலாமே, பேராசிரியர் துரைராசா... இப்படி பலர்.

முரளி மட்டும்தான் தமிழருக்கு பொருமை சேர்ந்தாரா?

 பெருமையுடன் தமிழரை இழிவுபடுத்தியவர், உறவுகளை காணவில்லையென்று போராடும் மக்களை இவரைபோல் இழிவாக யாரும் இதுவரை பேசியதில்லை, தமிழராக இருந்திருந்தால் அந்த வலி புரிந்திருக்கும், இவன் சிங்களவனாக வாழ்ந்தவனாச்சே, இப்ப தலையில் தூக்கி கொண்டாட வேண்டும்...

Link to post
Share on other sites
  • கருத்துக்கள உறவுகள்

800 திரைப்படத்திலிருந்து விஜய் சேதுபதி விலக வேண்டும் வ கௌதமன்

 

 

Link to post
Share on other sites
  • கருத்துக்கள உறவுகள்

"சிங்களன்,ஹிந்திகாரர்,தெலுங்கர்,கூட்டணில,நீங்க யாரு.!?" எச்சரிக்கும் பாலமுருகன்

 

Link to post
Share on other sites
  • கருத்துக்கள உறவுகள்

“தமிழன பத்தி பேசாத.. தமிழ்நாட்டுல படத்த ஓடவே விடக்கூடாது..!!” | கொந்தளிக்கும் கலையரசி நடராஜன்

 

  • Haha 1
Link to post
Share on other sites
  • கருத்துக்கள உறவுகள்
Link to post
Share on other sites
3 hours ago, உடையார் said:

“தமிழன பத்தி பேசாத.. தமிழ்நாட்டுல படத்த ஓடவே விடக்கூடாது..!!” | கொந்தளிக்கும் கலையரசி நடராஜன்

 

என்ன இந்த அம்மணி, இந்தப் போடு போடுது..? 🤔:)

Link to post
Share on other sites
  • கருத்துக்கள உறவுகள்

தமிழ் மக்கள் செல்வனா.!? சிங்கள மக்கள் செல்வனா.!? இடும்பாவனம் கார்த்தி சராமரி கேள்வி | 800 | Ntk

 

Link to post
Share on other sites
  • கருத்துக்கள உறவுகள்

முரளிதரன் பயோபிக்கில் நடிப்பதா? வேண்டாமா? - விஜய் சேதுபதி ஆலோசிப்பதாக தகவல்

முரளிதரன் பயோபிக் குறித்து முக்கிய அறிவிப்பை நடிகர் விஜய் சேதுபதி ஓரிரு நாளில் அறிவிக்க திட்டமிட்டுள்ளதாக தகவல் வெளியாகி உள்ளது.

முரளிதரன் பயோபிக்கில் நடிப்பதா? வேண்டாமா? - விஜய் சேதுபதி ஆலோசிப்பதாக தகவல்
முரளிதரன், விஜய் சேதுபதி
இலங்கை கிரிக்கெட் அணியின் நட்சத்திர வீரரான முத்தையா முரளிதரனின் வாழ்க்கையை மையப்படுத்தி ‘800’ என்கிற படம் உருவாகவுள்ளது. ஸ்ரீபதி ரங்கசாமி இயக்கும் இந்த படத்தில் முத்தையா முரளிதரனாக விஜய் சேதுபதி நடிக்கிறார். இதற்கான அறிவிப்பு வெளியானதில் இருந்தே இப்படத்திற்கான எதிர்ப்பும் அதிகரித்தது. 

படத்தில் அரசியல் சார்ந்த காட்சிகள் இல்லை என 800 படத்தின் தயாரிப்பு நிறுவனம் ஏற்கனவே உறுதி அளித்தது. இருப்பினும் ஈழத்தமிழர்களுக்கு எதிரானவர்களுக்கு முத்தையா முரளிதரன் ஆதரவளித்தவர் என்பதால் படத்தில் நடிக்கும் முடிவை விஜய் சேதுபதி கைவிட வேண்டும் என இயக்குனர் பாரதிராஜா, சேரன் பாடலாசிரியர் வைரமுத்து, தாமரை உள்ளிட்டோர் கோரிக்கை வைத்திருந்தனர். 

800 பட போஸ்டர்

இந்நிலையில்,  800 திரைப்படத்தில் முத்தையா முரளிதரன் வேடத்தில் நடிக்க எதிர்ப்பு எழுந்துள்ளதால் நடிப்பதா? வேண்டாமா? என்பது குறித்து விஜய்சேதுபதி ஆலோசிக்க உள்ளதாகவும், ஒரிரு நாளில் இதுகுறித்து தனது முடிவை அவர் அறிவிக்க உள்ளதாகவும் தகவல் வெளியாகி உள்ளது.

https://cinema.maalaimalar.com/cinema/cinemanews/2020/10/16151322/1974916/vijay-sethupathi-decision-about-800-movie-in-2-days.vpf

விஜய் சேதுபதி படத்திற்கு குவியும் எதிர்ப்புகள் - முத்தையா முரளிதரன் திடீர் அறிக்கை

இலங்கை கிரிக்கெட் அணியின் நட்சத்திர வீரரான முத்தையா முரளிதரனின் வாழ்க்கையை மையப்படுத்தி ‘800’ என்கிற படம் உருவாகவுள்ளது. ஸ்ரீபதி ரங்கசாமி இயக்கும் இந்த படத்தில் முத்தையா முரளிதரனாக விஜய் சேதுபதி நடிக்கிறார். இதற்கான அறிவிப்பு வெளியானதில் இருந்தே இப்படத்திற்கான எதிர்ப்பும் அதிகரித்தது.

இந்நிலையில் கிரிக்கெட் வீரர் முத்தையா முரளிதரன் திடீர் அறிக்கை வெளியிட்டுள்ளார். அதில், இது நாள் வரை என் வாழ்க்கையில் பல சர்ச்சைகளை கடந்தே வந்துள்ளேன் அது விளையாட்டானாலும் சரி தனிப்பட்ட வாழ்க்கையானாலும் சரி, தற்போது எனது வாழ்க்கை வரலாற்று படமான திரைப்படத்தை சுற்றி பல்வேறு சர்ச்சைகள் விவாதங்கள் எழுந்துள்ள நிலையில் அதற்கான சில விளக்கங்களை கூற விரும்புகிறேன். என்னை பற்றிய திரைப்படம் எடுக்க நினைப்பதாக கூறி தயாரிப்பு நிறுவனம் என்னை அணுகியபோது முதலில் தயங்கினேன். பிறகு முத்தையா முரளிதரனாக நான் படைத்த சாதனைகள் என்னுடைய தனிப்பட்ட சாதனைகள் மட்டும் இல்லையென்பதாலும் இதற்கு பின்னால் எனது பெற்றோர்கள் என்னை வழிநடத்திய ஆசிரியர், எனது பயிற்சியாளர்கள் சக வீரர்கள் என பலராலும் உருவாக்கப்பட்டவன் என்பதாலும் அதற்கு காரணமானவர்களுக்கு ஒரு அங்கீகாரம் கிடைக்கும் என நினைத்துதான் இந்த திரைப்படத்தை உருவாக்க சம்மதித்தேன்.

இலங்கையில் தேயிலைத் தோட்ட கூலியாளர்களாக எங்கள் குடும்பம் தங்களது வாழ்க்கை பயணத்தை ஆரம்பித்தது. முப்பது வருடங்களுக்கு மேலாக நடைபெற்ற போரில் முதலாவதாக பாதிக்கப்பட்டது இந்திய வம்சாவழியான மலையக தமிழர்கள் தான். இலங்கை மண்ணில் எழுபதுகள் முதல் தமிழர்கள் மீது நடத்தப்பட்ட கலவரங்கள் முதற்கொண்டு , ஜே வி பி போராட்டத்தில் நடந்த வன்முறை , பின்னர் நடந்த தொடர் குண்டு வெடிப்புகள் என எனக்கு நினைவு தெரிந்த நாள் முதலே தொடர்ந்து கடுமையாக பாதிக்கப்பட்டிருக்கிறோம்.

என் ஏழு வயதில் எனது தந்தை வெட்டப்பட்டார், என் சொந்தங்களில் பலர் பலியாகினர், வாழ்வாதாரத்தை இழந்து பல முறை நடுத்தெருவில் நின்றிருக்கிறோம். ஆதலால் போர் நிகழும் இழப்பு அதனால் ஏற்படும் வலி என்ன என்பது எனக்கும் தெரியும். முப்பது வருடங்களுக்கு மேல் போர் சூழ்நிலையில் இருந்த நாடு இலங்கை. அதன் மத்தியிலேயேதான் எங்கள் வாழ்க்கை பயணம் நடைபெற்றது. இந்த சூழ்நிலையில் இருந்து எப்படி நான் கிரிக்கெட் அணியில் இடம்பெற்று சாதித்தேன் என்பது பற்றியான படம் தான் 800.

இது இப்போது பல்வேறு காரணங்களுக்குக்காக அரசியலாக்கி எதிர்ப்பு தெரிவிக்கப்பட்டு வருகிறது. அதற்கு காரணம் நான் பேசிய சில கருத்துகள் தவறாக திரித்து சொல்லப்பட்டதால் வந்த விளைவு தான். உதாரணமாக நான் 2009 ஆம் ஆண்டு தான் என் வாழ்க்கையில் மிக மகிழ்ச்சியான நாள் என்று 2019-ல் கூறியதை தமிழர்களை கொன்று குவித்த நாள்தான் முத்தையா முரளிதரன் வாழ்க்கையில் மகிழ்ச்சியான நாள் என திரித்து எழுதுகிறார்கள்.

முத்தையா முரளிதரன்

ஒரு சராசரி குடிமகனாக சிந்தித்துப் பாருங்கள் போர் சூழ்நிலையிலேயே இருந்த ஒரு நாட்டில் எங்கு எது நடக்கும் என்பது தெரியாது, என் பள்ளிகாலத்தில் என்னுடன் பள்ளியில் ஒன்றாக விளையாடிய மாணவன் மறு நாள் உயிருடன் இருக்க மாட்டார், வீட்டை விட்டு வெளியே சென்றவர்கள் வீடு திரும்பினால்தான் நிஜம். இப்படி பட்ட சூழ்நிலையில் போர் முடிவுற்றது ஒரு சராசரி மனிதனாக பாதுகாப்பாக உணர்வது மட்டுமல்லாமல் போர் நிறைவடைந்ததால் கடந்த பத்து வருடங்களாக இரண்டு பக்கமும் உயிரிழப்புகள் ஏதும் இல்லாமல் இருப்பதை மனதில் வைத்தே 2009 ஆம் ஆண்டு எனது வாழ்க்கையில் மகிழ்ச்சியான நாள் என்கிற கருத்தினைத் தெரிவித்தேன். ஒரு போதும் நான் அப்பாவி மக்களின் படுகொலைகளை ஆதரிக்கவும் இல்லை ஆதரிக்கவும் மாட்டேன்.

என்னை பொறுத்தவரையில் சிங்களர்கள் இருந்தாலும் மலையக தமிழர்கள் இருந்தாலும் ஈழத்தமிழர்கள் இருந்தாலும் அனைவரையும் ஒன்றாகவே பார்க்கிறேன். ஒரு மலையக தமிழன் நான் என் மலையக மக்களுக்கு செய்த உதவிகளை காட்டிலும் ஈழமக்களுக்கு செய்த உதவிகளே அதிகம். நான் இலங்கை அணியில் இடம்பெற்று சாதனை படைத்த காரணத்தினாலேயே என் மீது ஒரு தவறான பார்வை இருந்து வருகிறது. நான் இந்தியாவில் பிறந்து இருந்தால் நான் இந்திய அணியில் இடம்பெற முயற்சித்திருப்பேன். இலங்கை தமிழனாக பிறந்தது எனது தவறா?

இவை அனைத்தும் விடுத்து சிலர் அறியாமையாலும் சிலர் அரசியல் காரணத்திற்காகவும் என்னை தமிழ் இனத்திற்கு எதிரானவர் என்பது போல் சித்தரிப்பது வேதனையளிக்கிறது.

எவ்வளவு விளக்கமளித்தாலும் எதிர்ப்பாளர்கள் யாரையும் சமாதானப்படுத்த முடியாது என்றாலும் என்னைப் பற்றி ஒரு பக்கம் தவறான செய்திகள் மட்டுமே பகிரப்பட்டு வரும் நிலையில் நடுநிலையாளர்களுக்கும் பொது மக்களுக்கும் இவ்விளக்கத்தை அளிக்கிறேன்.

இவ்வாறு அறிக்கையில் கூறப்பட்டுள்ளது.

https://cinema.maalaimalar.com/cinema/cinemanews/2020/10/16163427/1974934/MuthiahMuralidaran-statement-about-800-movie.vpf

Link to post
Share on other sites
  • கருத்துக்கள உறவுகள்

இந்த முரளி - அந்த தாய்மார்கள் நீலிக் கண்ணீர் வடிக்கின்றார்களென்ப்பதைபற்றி வாயே திறக்கவில்லை இந்த அறிக்கையில் எப்படிப்பட்ட ஆள் இவர்

37 minutes ago, உடையார் said:

 

விஜய் சேதுபதி படத்திற்கு குவியும் எதிர்ப்புகள் - முத்தையா முரளிதரன் திடீர் அறிக்கை

 

இவ்வாறு அறிக்கையில் கூறப்பட்டுள்ளது.

https://cinema.maalaimalar.com/cinema/cinemanews/2020/10/16163427/1974934/MuthiahMuralidaran-statement-about-800-movie.vpf

 

Link to post
Share on other sites
  • கருத்துக்கள உறவுகள்

எப்படி திரித்து செய்தி வெளியிடுக்கின்றார்களென்று - முரளி செய்தியாளர்களை கூட்டி பகிரங்கமாக அப்பாவி தமிழ் மக்களின் படுகொலைகளை ஒரு போதும் நான் ஆதரித்தது இல்லையென்று கூற முடியுமா??? இலங்கை இரணுவத்தை கண்டித்து அறிக்கை விடமுடியுமா

 

இலங்கை தமிழனாக பிறந்தது என் தவறா...? முத்தையா முரளிதரன் வேதனை
 

இலங்கையைச் சேர்ந்த கிரிக்கெட் வீரர் முத்தையா முரளிதரனின் பாத்திரத்தில் விஜய் சேதுபதி நடித்து உருவாகியுள்ள 800 படம் தொடர்பாக தயாரிப்பு நிறுவனம் விளக்கமளித்துள்ள நிலையிலும் எதிர்ப்புகள் தொடர்ந்து வருகின்றன.


இலங்கை கிரிக்கெட் வீரர் முத்தையா முரளிதரனின் வாழ்க்கை வரலாற்று படமான 800 படத்தில் விஜய் சேதுபதி நடித்திருக்கிறார். இந்தப் படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர்கள் சமீபத்தில் வெளியிடப்பட்டன. இந்தப் படத்தில் முத்தையா முரளிதரன் பாத்திரத்தில் விஜய் சேதுபதி நடிக்கிறார்.

முரளிதரனின் குழந்தைப் பருவத்தில் துவங்கி, அவரது பந்து வீசும் முறை சர்ச்சையானது, அவர் 800 விக்கெட்டுகள் வீழ்த்தி சாதனை படைத்தது வரை பேசுகிறது இத்திரைப்படம்.
'800' படத்தின் ஒளிப்பதிவாளராக ஆர்.டி.ராஜசேகர், இசையமைப்பாளராக சாம் சி.எஸ் ஆகியோர் ஒப்பந்தம் செய்யப்பட்டுள்ளனர்.

முத்தையா முரளிதரன் பயோபிக்கைத் தவிர்க்கவும் என்று விஜய் சேதுபதிக்கு பாரதிராஜா வேண்டுகோள் விடுத்துள்ளார்.

முத்தையா முரளிதரன் பயோபிக்கில் விஜய் சேதுபதி நடிக்க ஒப்பந்தமாகியுள்ளார். 800 விக்கெட்டுகள் வீழ்த்தி சாதனை படைத்திருப்பதால், முத்தையா முரளிதரன் பயோபிக் கதைக்கு '800' எனத் தலைப்பிட்டுள்ளது படக்குழு.
முத்தையா முரளிதரன் பயோபிக்கில் விஜய் சேதுபதி நடிக்கக் கூடாது என்று இலங்கைத் தமிழர்கள் சார்பில் கடும் எதிர்ப்புக் கிளம்பியுள்ளது. தொடர்ச்சியாக சமூக வலைதளத்திலும் இந்த எதிர்ப்பு எதிரொலித்து வருகிறது.

இந்த நிலையில் முத்தையா முரளிதரன் கூறி உள்ளதாவது:- 

ஈழத்தமிழர்களுக்கு எதிரானவன் போல் என்னை சித்தரிக்க முயலுகிறார்கள். 800 திரைபடத்தை பல்வேறு காரணங்களுக்காக அரசியல் ஆக்குகிறார்கள். இலங்கை தமிழனாக பிறந்தது என் தவறா.

மலையகத் தமிழனான நான் ஈழத் தமிழர்களுக்காக எண்ணற்ற உதவிகளை செய்துள்ளேன். 2002ம் ஆண்டு எல்டிடிஇ கட்டுப்பாட்டில் இருந்த பகுதிக்கு சென்று ஈழத்தமிழர்களுக்கு உதவி செய்துள்ளேன்.

போர் முடிந்த பிறகு எனது அறக்கட்டளை மூலமாக ஈழத்தமிழ் மக்களுக்கு நான் செய்த உதவிகள் அதிகம்
எனது சாதனைகளை மக்கள் தெரிந்து கொள்ள வேண்டும் என்பதற்காகவே 800 திரைப்படத்தை எடுக்க சம்மதித்தேன்.

போர் முடிவுற்றதால் தான் 2009ம் ஆண்டை என் வாழ்வில் மிகவும் மகிழ்ச்சியான நாள் என்று கூறினேன். தமிழர்களை கொன்று குவித்த நாளை நான் மகிழ்ச்சியான நாளாக கூறியதாக அவதூறு பரப்புகிறார்கள். அப்பாவி தமிழ் மக்களின் படுகொலைகளை ஒரு போதும் நான் ஆதரித்தது இல்லை, ஆதரிக்கவும் மாட்டேன்
என கூறினார்

https://www.dailythanthi.com/News/TopNews/2020/10/16164001/SriLanka-Tamils-born-My-fault-muttiah-muralitharan.vpf

Link to post
Share on other sites
  • கருத்துக்கள உறவுகள்
0324789E-6FB2-4A5B-90D1-E1FC66A55F7F.jpeg
 

 

ஈழத்தில் நடந்த தமிழர் போராட்டம் இயக்க வடிவம் பெற்று பின்னர் ஒரு பகுதியில் ஆட்சி அமைத்து அதன் பின்னர் வல்லரசுகளின் ஆசியுடன் புலிகளுக்கு எதிரான ஒரு அநீதியான போராக மாறி, லட்சக்கணக்கானோர் இன அழித்தொழிப்புக்கு ஆளானதை அறிவோம். இந்த விசயத்தில் ஒரு வினோதம் பின்னர் நடந்தது - இந்த இன அழிப்புக்கான மொத்த பழியையும் புலிகளின் மீதே சுமத்துவது. இதை victim blaming என்பார்கள். தலித்துகள் கூலிங்கிளாசும் ஜீன்ஸும் அணிந்து வன்னியப் பெண்களை ஏமாற்றுகிறார்கள் என பாமக பேசுவதைப் போல. ஒரு பலாத்காரம் நடந்தால் ஒரு தரப்பினர் அந்த பெண் ஒழுக்கங்கெட்டவள் எனப் பேசுவதைப் போல. திட்டமிட்ட தாக்குதல் மூலம் ஒரு தரப்பு மக்களைக் கொன்று விட்டு அவர்களும் தான் கலவரத்தில் ஈடுபட்டார் என்பதைப் போல. யூதர்களை ஜெர்மனியில் நாஜிக்கள் அழித்தொழித்த போது ஒரு சாரார் - நாஜி அல்லாதோர் கூட - “இந்த யூதர்களும் சளைத்தவர்கள் அல்ல, அவர்களின் தன்னலமே இந்நிலைக்குக் காரணம் என பழியை மாற்றிப் போட்டார்கள்.

 இந்த பாதிக்கப்பட்டவர்களை பழிப்பதில் தமிழர்களும் ஒரு பகுதி ஈழத்தமிழர்களும் ஈடுபடுவதை அறிவோம். ஏன் இப்படி செய்கிறார்கள்?

 

இரண்டு காரணங்கள்:

 

1) “நாங்கள் அமைதியை விரும்புகிறோம்” - மணிரத்னம் போன்றோரின் படைப்புகளில் இப்படியான ஒரு தொனி வரும். இது ஒரு கார்ப்பரேட்வாத கதையாடல் - நவதாராளவாத பொருளாதாரம் கொழிப்பதற்கு அமைதி அவசியம். ஆனால் இந்த அமைதிக்குள் இருக்கும் போது தான் மக்கள் உங்கள் கண்முன்னால் பெருங்கூட்டமாய் அழிக்கப்பட்டதைப் பார்க்கிறீர்கள். அப்போது ஒரு நிம்மதியின்மை ஏற்படுகிறது - உற்பத்தி, நுகர்வு, துய்ப்பு என இருப்பதே அமைதி’. இதில் உள்ளார்ந்து உங்கள் நினைவுகள் சார்ந்த ஒரு நிம்மதியிழப்பு வரும் போது அப்பழியை பேசிப்பேசி பாதிக்கப்பட்டவர்கள் பால் போட்டு விடுவது. அநீதி இழைத்தவர்கள் மீது போடலாமே? முடியாது. அவர்களே உங்கள் முதலாளிகள். அவர்களே ஆளும் வர்க்கம். அவர்கள் நிம்மதியிழந்தால் உங்கள் நிம்மதியும் கெட்டு விடும் என அஞ்சுகிறீர்கள்.

 

அமைதியை விரும்புவோர் ஏன் அமைதிக்கு மிக அதிகமாய் குந்தகம் விளைவித்தோரை குற்றம் சாட்டுவதில்லை என்பதில் தான் உள்ளது இந்த பாசாங்கின் மையம்.

 

முரளிதரன் பேசும் போது, “முன்பு புலிகள் இருந்த போது பிரதான சாலை வழி போக  முடியாது, சிங்கள அரசியல் தலைவர்கள் மீது புலிகள் குண்டு போடுவார்கள், தாக்குவார்கள், அதனால் நாங்கள் சுற்றி வளைத்து பயணிக்க வேண்டி வந்தது, ஒருநாளும் நிம்மதி இருந்ததில்லை என்கிறார். ஆனால் எங்குமே அவர் சிங்கள ராணுவத்தினர்களும், சிங்கள பேரினவாதிகளும் செய்த கொடுங்குற்றங்களைப் பற்றிப் பேசுவதில்லை. எளியோருக்கும் வலியோருக்கும் இடையே சண்டை நடக்கும் போது எளியோரை ஆதரிக்க வேண்டும் என்பது உலக நியதி. இதில் தமிழர்-சிங்களவர் வித்தியாசம் கூட இரண்டாம் பட்சமே. முரளிதரனால் ஏன் அப்படி செய்ய முடியவில்லை என்றால் அவருக்கு சிங்கள அரசியல்வாதிகளின் ஆதரவு வேண்டும் என்பதால் அல்ல. அதற்கு அவர் அமைதியாக இருந்து விட்டுப் போகலாமே. அவர் அடிமனத்தில் இந்த எண்ணமே இருக்கிறது - அவருக்கு நிம்மதி வேண்டும் - உள்ளார்ந்த நிம்மதி - அதற்கு நினைவுகள் ஏற்படுத்தும் நிம்மதிழப்பு  அவருக்கு பெரும் தொந்தரவாகிறது. அதற்காகவே இப்படிப் பேசுகிறார்.

 

அடுத்து இலங்கையை பிரதிநுத்துவம் செய்த தமிழராக முரளிதரனுக்கு தன் தேசியம் சார்ந்த ஒரு பிரச்சனை ஏற்படுகிறது - அவருக்கு இலங்கை அரசு ஆரம்பத்திலிருந்தே எல்லா வித ஆதரவுகளையும், மரியாதையையும் கொடுக்கிறது. அவரது பந்து வீச்சு சட்டவிரோதமானது என சர்ச்சை வெடித்த போது இலங்கை கிரிக்கெட் வாரியம் கடைசி வரை அவருக்காக போராடியது. சிங்கள் ரசிகர்களும் அவருக்காக கைதட்டுகிறார்கள். அவர் இலங்கை தேசியவாதத்தை ஏற்கிறார். ஆனால் ஈழப்போராட்டம் அவருக்கு ஒரு முரணை, அதனாலான அகத்தொந்தரவை அளிக்கிறது. பிற தமிழர்களுக்கு வரலாற்றுரீதியாகவே இத்தகையை மரியாதையும் ஆதரவும் இலங்கை அரசால் ஏன் வழங்கப்படவில்லை என யோசிக்க அவர் தயாரில்லை. ஏனென்றால் அவரது தேசிய உணர்வை அது நொறுக்கி விடும். இலங்கை இறையாண்மை ஒருவித சிங்கள இறையாண்மை எனப் பார்க்க அவர் விரும்பவில்லை. “இவன்கள் ஏன் இப்படி தொந்தரவு கொடுக்கிறார்கள்?” என்றே அவரது மனம் சிந்திக்கும். அது ஏன் மாறாக சிந்திக்கவில்லை என்பதற்கு அடுத்து வருகிறேன்.

 

2) அரசியல் நீக்கம்:

அரசியல் நீக்கமானது நவதாராளாவாதத்தின் அடிப்படையான ஒரு கொள்கை, அது மக்களிடையே ஒரு பொது சுபாவமாகப் படிகிறது. நீங்கள் நமது பள்ளிக்கல்வியில் இருந்தே அரசியல்ரீதியான கருத்துக்களை எங்கும் பொது உரையாடல்களில் காண முடியாது. நமது பொழுதுபோக்கு நிகழ்ச்சிகளிலும் அரசியல் சித்தாந்த கருத்துக்கள் இராது. நான் கல்லூரியில் சமூகவியல் வகுப்புகளில் போய் அமர்வேன். அங்கு சமூகப் பிரச்சனைகள் சார்ந்து தீவிர விவாதங்கள் எழும் போது மாணவர்கள் இவற்றை அதிகமும் தமது தனிப்பட்ட கண்ணோட்டத்தில் இருந்தே நோக்குவதை, மிக மிக அரிதாகவே அரசியல் சார்ந்து, சித்தாந்தம் சார்ந்து யோசிப்பதைக் காண்கிறேன். ஏனென்றால் இந்த மாணவர்கள் தனியார் பள்ளிகளால் பயிற்றுவிக்கப்படுகிறார்கள். அங்கு மாணவர்கள் செய்தியைக் கூட வெறும் செய்தியாக, அரசியலற்றதாகவே பார்ப்பார்கள். அரசுப்பள்ளிகளும் ஒன்றும் மேலில்லை.

 

 ஏன் ஒரு சமூகம் அரசியலை யோசிக்க வேண்டும், ஏன் அரசியல் சார்ந்து ஒரு விசயத்தைப் பார்க்க வேண்டும்?

 

ஒரு சமூகம் குடிமை சமூகமாக மாற அது அதிகார அரசியலில் பங்கேற்க வேண்டும். அதிகார அரசியலுக்குள் வர அது சித்தாந்த அரசியலை ஏற்க வேண்டும். இல்லாவிடில் அது தொடர்ந்து சுரண்டப்படும், இனவாத அழிப்புக்கு ஆளாகும், இதை உணராமலே சதா கையேந்தும் நிலையில் இருக்கும், இதை உணராதிருக்கும்படி நவதாராளாவாதம் நுகர்வு வாழ்க்கையில் மக்களை அதிகமாய் தள்ளும்: நமது வேலைகள் நம்மை நமது இருப்பில் இருந்து அந்நியப்படுத்துகின்றன, வெறுமை தோன்றும். வெறுமை அதிகமாக நாம் குடி, கேளிக்கை, சினிமா என சீரழிவோம். அரசியல் பேச்சு எழும் போது இவர்கள் நம்மிடம் அரசியல் பேசினால் நிம்மதி போய் விடும், நிலையின்மை வரும், வறுமை ஏற்படும் என அச்சுறுத்துவார்கள். இவை பொய்ப்புரட்டு என யோசிக்கும் நிலையில் நாம் இருக்க மாட்டார்கள். நாம் ஒரு குடிமை சமூகமாக அல்ல நுகர்வு சமூகமாகவே எஞ்சுவோம்.

 

 தேர்தலின் போது பணம் வாங்கி வாக்களிக்கிறார்கள் என இம்மக்களை கேலி வேறு பண்ணுவோம். எல்லாவற்றையும் நுகர்வாக்கும் இந்த பொருளாதார அமைப்பே தேர்தலிலும் ஊழலைக் கொண்டு வருகிறது என நமக்குப் புரியாது. நான் அரசியலற்றவன், நடுநிலை என்று பேசிகிறவர்கள் இப்படியாக நுகர்வைத் தவிர எதுவும் முக்கியமில்லை என சிந்திக்கும் அப்பாவிகளே’. இவர்களே புலிகள் உள்ளிட்ட ஆயுதமேந்திய குழுக்களின் போராட்டத்தை ஆதரிக்காதவர்கள். ஏனென்றால் இவர்கள் என்றுமே அரசியல்மயப்பட்டதில்லை. வெள்ளைக்காரர்கள் இந்திய துணைக்கண்டத்தை ஆண்ட காலத்தில் இருந்தே இவர்கள் அப்படித்தான். வெள்ளையர்கள் நல்லவர்கள் என நம்புவதே நிம்மதியாக ஒரு காலத்தில் இங்கு இருந்தது. (வெள்ளையர்கள் இந்தியாவை சிறப்பாக ஆண்டார்கள் என்பதான வசனங்களை அடிக்கடி பெருமூச்செறிந்து சொல்வார்கள்.) வெள்ளையர் காலனியவாதத்தின் பிள்ளைகளான நம்மைப் போன்றே ஒரு பகுதி இலங்கைத் தமிழர்களும் இருந்தார்கள். அவர்கள் அரசியல் நீக்கத்தை விரும்பினார்கள். “சிங்களவாதத்துக்கு எதிரான போராட்டம் எங்கள் அன்றாட வாழ்க்கையை பாதித்தது, ‘நிம்மதியை ஒழித்தது, புலிகளால் நாங்கள் நிம்மதியிழந்தோம்.” எனக் கோரும் இவர்கள் வேறெந்த விதத்தில் (அஹிம்சையாகப்) போராடினார்கள்? தமிழர் சார்பான அரசியல் கட்சிகள் தோன்றின காலத்தில் இருந்தே அங்கு பிரச்சனைகள் இருந்தன. ஆனால் பேரினவாதத்துக்கு எதிராக ஒட்டுமொத்த மக்களும் திரண்டு தெருவுக்கு வந்தார்கள் என எந்த வரலாறும் அங்கு இல்லை.

 ஆயுதம் ஏந்திய, ஏந்தாத இந்த போராட்டங்களும், எதிர்ப்புகளும் தோன்றிய போதே தமிழர் சமூகம் இலங்கையில் தீவிரமாய் அரசியல்வயப்படுகிறது. எதற்குப் போராடணும், அமைதியாகப் போலாமே எனக் கேட்டவர்கள், இன்றும் கேட்பவர்கள் அரசியல்வயப்படுவதை, ஒரு குடிமை சமூகமாய் உருமாறுவதை விரும்பாதவர்கள். அவர்கள் பேரினவாதத்தால் தாம் ஒடுக்கப்படுவதை கண்மூடி ஏற்றுக்கொண்டே, எல்லா வன்முறைகளின் பழியையும் ஆயுதம் தரித்த போராளிகள் மீது போடுவதை வசதியாக கருதினார்கள். அவர்களே இன்றும் புலம்பெயர் தமிழர் மத்தியில் புல்லுருவிகளாய் இருக்கிறார்கள்.

 

நான் வலியுறுத்தி சொல்கிறேன் - நான் ஆயுதமேந்திய போராட்டத்தை ஆதரிக்கவில்லை. (வலியவனே அதில் ஜெயிக்க முடியும்.) ஈழத்தில் அது ஏற்பட்டு விட்டது. அதில் வெல்வதற்கான சக்தி புலிகளுக்கு இல்லை என்றதால் தோற்றார்கள், ஆனால் தோல்வியின் பக்கத்தில் நிற்பதே நீதி. இப்போது போய் அதன் மொத்த பழியையும் புலிகள் மிது போடுவது கயவாளித்தனம்.

 

புலிகள் ஆயுதமேந்திய போராட்டத்தை பெரும் இயக்கமாய் தோற்றுவித்திருக்காவிட்டால் அங்கு மக்கள் அமைதியாக, புன்னகை பூத்த படி வாழ்ந்திருப்பார்கள் என ஒரு தரப்பினர் நம்புகிறார்கள். இல்லை. சிறுபான்மைத் தமிழர்களை எதிரியாக்கிய ஒரு இனவாத அரசியல் அங்கு நீண்ட காலமாய் வாக்கரசியலாகி இருக்கிறது. அதைத் தக்க வைக்க அவர்கள் பல வித ஒடுக்குமுறைகளை அவிழ்த்து விட்டபடி இருந்திருப்பார்கள். எந்த அடிப்படை உரிமையும் இல்லாத அடிமைகளாக்கி நாயாய் நடத்தியிருப்பார்கள். புலிகளின் இயக்கம் இதில் ஒரு இடைநிறுத்தத்தை கொண்டு வந்தது, ஆனால் யுத்தம் வெடித்த போது சிங்களவர்கள் தம் நீண்ட காலத் திட்டத்தை நிறைவேற்றினார்கள். ரத்தத்தைக் காட்டி சிங்கள மக்களை இப்போதைக்கு அமைதிப்படுத்தி இருக்கிறார்கள். ஆனால் இனவாதத்தின் ரத்தவெறி சுலபத்தில் அடங்காது. அடுத்த அரை நூற்றாண்டில் அவர்களின் பெரும்பான்மைவாத அரசியலைப் பொறுத்து இந்தியாவில் உள்ள CAA போன்ற பல ஒடுக்குமுறைகள் அங்கும் சட்டரீதியாகவே நிகழும். எல்லா பேரினவாத அரசியலும் இறுதியில் ஜெர்மனியிலே போய் முடியும். தவிர்க்கவே முடியாது. அடுத்த அரை நூற்றாண்டுக்குள் இங்கு இஸ்லாமியரும் அங்கு தமிழர்களும் மீண்டும் குடியுரிமை இழப்பு, அடிப்படை உரிமைகள் இழப்பு போன்ற கொடுமைகளை பரவலாக - சட்டரீதியாக - சந்திப்பார்கள். இரண்டு நாடுகளிலும் தடுப்பு முகாம்கள் அன்றாட எதார்த்தமாகும். அப்போது இலங்கையில் பழிபோட (போராட) புலிகள் இருக்க மாட்டார்கள்

 

தமிழர்களுக்கு ஈழப்போரில் நடந்த உண்மை தெரியாது, அவர்கள் கற்பனை செய்து கண்ணீர் வடிக்கிறார்கள், போரின் போது எந்த அழுத்தத்தையும் கொடுக்கவில்லை, இப்போது ஒப்பாரி வைக்கிறார்கள் என்பதெல்லாம் அநியாயம். தமிழர்களில் ஒரு சிறிய தரப்பினர் மட்டுமே ஈழ ஆதரவு அரசியலை முன்னெடுக்கிறார்கள். ஆனால் கணிசமான தமிழர்கள் கடந்த அரை நூற்றாண்டாக அரசியல்வயப்படாமலே வெறும் நுகர்வு, சாதிய சமூகமாக இருந்து வருகிறார்கள். அவர்களே இப்போது பேஸ்புக்கிலும் முரளிதரனின் பாத்திரத்தில் விஜய் சேதுபதி ஏன் நடிக்கலாகாது, அது படைப்பு சுதந்திரம், சினிமாவை அரசியல்மயப்படுத்தக் கூடாது, தடை கோரும் அரசியல் பாசிசமாகும் என்றெல்லாம் அபத்தமாய் எழுதுகிறார்கள்.

இதற்கு என்னுடைய பதில் இது?

அப்படத்தின் படப்பிடிப்பை வன்முறை கொண்டு தடை செய்தாலோ, படவெளியீட்டை தடுத்தாலோ தான் தப்பு. ஆனால் அப்படம் எடுக்க வேண்டாம் எனக் கோருவதில் எந்த தப்பும் இல்லை

அரசியல் இல்லாத கலைப்படைப்பே இல்லை; எந்த படத்திலும் ஒரு மறைமுக பிரச்சாரம் உண்டு; இப்படம் நிச்சயமாய் சிங்களவர்-ஈழத்தமிழர் உறவை அரசியல்நீக்கம் செய்து ஒரு லா லா லா விக்கிரமன் பட பாணி உறவாக சித்தரிக்கவே வாய்ப்பதிகம். இல்லாவிடில் இரண்டு இனங்களுமே சம அளவில் பாதிக்கப்பட்ட ஒரு போர் என பொய்யை கட்டியெழுப்பி எனும் வரலாற்றில் வெள்ளையடித்து விடுவார்கள்.

 

 ஒரு சுத்தமான விளையாட்டுப் படமாக இதை எடுக்கக் கூடாதா

முரளிதரன் பாத்திரத்தில் தமிழ் பேசி விஜய் சேதுபதி நடித்தாலே அது அரசியல் படமாகி விடும். தவிர்க்கவே முடியாது. பாஜக கட்சியில் இருக்கிற ஒரு இஸ்லாமிய தலைவரைப் பற்றி படமெடுக்கிறார்கள் என வைப்போம். (அதில் மம்முட்டி நடிக்கிறார் என நினைப்போம்.) என்னவாகும்? அவர் இஸ்லாமியர் பற்றி பேசாமல் நடித்தாலே கூட அங்கு ஒரு இந்துத்துவ பிரச்சார அரசியல் ஏற்பட்டு விடும். தவிர்க்க முடியாது. ஒரே வழி இப்படத்தை நேரடியாய் சிங்களத்தில் எடுத்து வெளியிடுவது. படம் முழுக்க முரளிதரன் பாத்திரம் தமிழ் அடையாளமே அற்றவராக சிங்கள் மொழி மட்டுமே தெரிந்தவராகக் காட்டட்டும். முரளிதரன் பிறப்பால் சிங்களவர், மதத்தால் பௌத்தர் எனக் காட்டி விடுங்கள். பிரச்சனையே வராது. முடியாதில்லையா? அப்போது பிரச்சனை வரத்தான் செய்யும்.

 

பிரச்சனையை யாருமே கிளப்பவில்லை. ஒரு திறந்த புண்ணைப் போல அது ஏற்கனவே அங்கு இருக்கிறது. அதைப் பாருங்கள் எனக் கோருகிறோம். அதைப் பற்றி பேசுங்கள், இனவாதிகளை தொடர்ந்து எதிர்க்க இதை பயன்படுத்துங்கள் என்கிறோம்.

 

 800 படத்துக்கு எதிரான தீ பரவட்டும்!

http://thiruttusavi.blogspot.com/2020/10/800.html

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Tell a friend

    Love கருத்துக்களம்? Tell a friend!
  • Topics

  • Posts

    • யாழ் – கொழும்பு ரயில் சேவைகள் வழமைக்கு – முன்பதிவுகளையும் மேற்கொள்ள முடியும்    5 Views நாட்டில் ஏற்பட்டுள்ள கொரோனா வைரஸ் அச்சம் காரணமாக நிறுத்தப்பட்டிருந்த நீண்ட தூர ரயில் சேவைகள், நேற்று முதல் ஆரம்பிக்கப்பட்டுள்ளன. யாழ்ப்பாணத்தில் இருந்து இரண்டு ரயில்கள் நேற்று புறப்பட்டன. காங்கேசன்துறையில் இருந்து காலை 5.30 மணிக்கு புறப்பட்டு, யாழ்ப்பாணத்தில் இருந்து காலை 6.10 மணிக்கு புறப்படும் உத்தரதேவி கடுகதி ரயிலும் காங்கேசன்துறையில் இருந்து காலை 9 மணிக்கு புறப்பட்டு, யாழ்ப்பாணத்தில் இருந்து 9.45 மணிக்கு புறப்படும் யாழ்.தேவி ரயில் சேவையும் நேற்று ஆரம்பமாகின. அவ்வாறே கல்கிசையில் இருந்து காலை 5.55 மணிக்கும் கொழும்பிலிருந்து 6.35 மணிக்கும் புறப்படும் யாழ்.தேவி ரயிலும் முற்பகல் 11.50 மணிக்கு கொழும்பிலிருந்து புறப்படும் உத்தரதேவி ரயிலும் நேற்று சேவையை ஆரம்பித்தன. ஏனைய ரயில் சேவைகள் எதிர்வரும் 25ஆம் திகதி தொடக்கம் ஆரம்பிக்கப்படும். கொழும்பிலிருந்து புறப்படும் குளிரூட்டப்பட்ட ரயில் மற்றும் இரவு தபால் ரயில் உள்ளிட்ட அனைத்து ரயில் சேவைகளும் படிப்படியாக சேவைகளை ஆரம்பிக்கவுள்ளன. பொதுமக்கள் வழமைபோன்று ஆசனங்களை யாழ்ப்பாண ரயில் நிலையத்தில் முற்பதிவு செய்து கொள்ள முடியும். அத்தோடு உங்களுக்கு தேவையான ஏதாவது விவரங்களுக்கு 021- 222 2271 என்ற தொலைபேசி இலக்கங்களுக்கு தொடர்பை மேற்கொண்டு அறிந்துகொள்ள முடியும். பயணிகள் சுகாதார நடைமுறைகளை பின்பற்றி, ரயிலில் பயணத்தை மேற்கொள்ளுமாறு யாழ்ப்பாண ரயில் நிலைய அதிபர் ரி.பிரதீபன் தெரிவித்தார்.   https://www.ilakku.org/?p=39705    
    • நீதியின் தோல்வி – சர்வதேச மன்னிப்புச்சபை  29 Views தமிழ்தேசிய கூட்டமைப்பின் முன்னாள் நாடாளுமன்ற உறுப்பினர் ஜோசப் பரராஜசிங்கம் கொலை வழக்கிலிருந்து சிவசேனதுரை சந்திரகாந்தான் உட்பட நால்வரும் சட்டமா அதிபர் திணைக்களம் வழக்கை கைவிடுவதாக தெரிவித்த பின்னர் விடுதலை செய்யப்பட்டிருப்பது நீதியின் தோல்வி என சர்வதேச மன்னிப்புச்சபை தெரிவித்துள்ளது. ஜோசப் பரராஜசிங்கம் கொலை வழக்கு கைவிடப்பட்டமை யுத்தத்தின் போது இழைக்கப்பட்ட குற்றங்களிற்காக நீதியை வழங்குவதற்கு இலங்கை அதிகாரிகள் தவறியுள்ள இன்னுமொரு கவலை தரும் மைல்கல் என சர்வதேச மன்னிப்புச்சபை தெரிவித்துள்ளது. சர்வதேச மன்னிப்புச் சபையின் செயலாளர் நாயகத்தின் அலுவலகத்தின் இயக்குநர் டேவிட் கிரிவ்த்ஸ் இதனை தெரிவித்துள்ளார். இந்த கொலை வழக்கு குறித்த விசாரணைகளை மீள ஆரம்பிப்பது குறித்தஆர்வம் எதனையும் சட்டமா அதிபர் திணைக்களம் வெளிப்படுத்தவில்லை என அவர் தெரிவித்துள்ளார்.   https://www.ilakku.org/?p=39697
    • களுதாவளைப்பிள்ளையார் காவடிப்பாடல்  
    • இணைத்தலைமை குழுவில் இணையப்பேவதில்லை – சிறீலங்கா    17 Views எதிர்வரும் மார்ச் மாதம் ஆரம்பமாகவுள்ள ஐக்கிய நாடுகள் சபையின் மனித உரிமைகள் ஆணைக்குழுவில் சிறீலங்காவுக்கு எதிரான தீர்மானத்தை முன்வைப்பதற்கு பிரித்தானியா, மொன்ரோநீக்குரோ, வடமசடோனியா, கனடா மற்றும் ஜேர்மனி ஆகிய நாடுகள் திட்டமிட்டுள்ள நிலையில், அதில் இணைந்து கொள்ளப் போவதில்லை என சிறீலங்கா தெரிவித்துள்ளது. இது தொடர்பில் தமக்கு அழைப்பு விடுக்கப்பட்டதாகவும், ஆனால் தாம் அதனை நிராகரித்து விட்டதாகவும் சிறீலங்கா அரசு தெரிவித்துள்ளது. நாம் எதிர்க்கும் தீர்மானத்திற்கு ஆதரவாக நாம் இணைந்து கொள்வது அரசியலில் சவாலானது என சிறீலங்கா வெளிவிவகார அமைச்சின் செயலாளர் ஜெயநாத் கொலம்பகே தெரிவித்துள்ளார்.   https://www.ilakku.org/?p=39691 அரசுக்கு இம்முறை ஜெனிவா பெரும் சவாலாகவே இருக்கும் – ரோஹித போகொல்லாகம    6 Views ஜெனிவா பெரும் சவாலாக இருக்கப்போகிறது என்று முன்னாள் வெளிவிவகார அமைச்சர் ரோஹித போகொல்லாகம தெரிவித்துள்ளார். இது குறித்து அவர் மேலும் தெரிவிக்கையில்- “விடுதலைப் புலிகளுடனான தங்கள் தொடர்புகள் காரணமாக களங்கப்பட்ட பலர் ஜனநாயக ரீதியில் தெரிவு செய்யப்பட்ட அரசாங்கத்தை பலவீனப்படுத்துவதற்காக உள்நாட்டு, வெளிநாட்டு சக்திகளின் ஆதரவை பெற முயல்கின்றனர். ஐக்கிய நாடுகள் மனித உரிமை பேரவையி அமர்விற்கு முன்னதாக ஒருங்கிணைந்த முயற்சிகள் இடம்பெறுகின்றன. நான்கு தமிழ்க் கட்சிக் கூட்டணி சிவில் சமூகத்தவர்களின் ஆதரவுடன் இலங்கை தொடர்பான சர்வதேச பொறுப்புக் கூறும் பொறிமுறைக்கு வேண்டுகோள்விடுக்கப்பட்டுள்ளது. இதனை உரிய முறையில் எதிர்கொள்ள வேண்டும். பயங்கரவாத மரபு சார்ந்த இராணுவ வழிமுறைகள் மூலம் ஈழத்தை பெறுவதற்கான தங்களின் முயற்சியில் தோல்வியடைந்தவர்கள், நாட்டை இன அடிப்படையில் பிரிப்பதில் இன்னமும் நம்பிக்கொண்டுள்ளவர்கள் சர்வதேச தலையீட்டை கோருகின்றனர். சர்வதேச தலையீடுகள் குறித்து தீவிரமாக உள்ளவர்கள் பொறுப்புக் கூறும் விடயத்தை பயன்படுத்தி அரசியல்செய்யவேண்டாம். இலங்கை 2009 இல் யுத்தத்தை வெற்றிகரமாக முடிவிற்கு கொண்டு வந்துள்ளது. வேலுப்பிள்ளை பிரபாகரனை தமிழ் மக்களின் ஏகப்பிரதிநிதியாக ஏற்றுக்கொள்ளும் படி தமிழ்தேசிய கூட்டமைப்பை விடுதலைப் புலிகள் கட்டாயப்படுத்தியமையை அந்த கட்சி மறந்துவிட்டது. நந்திக்கடலில் விடுதலைப்புலிகளின் தலைவரின் தலையில் இராணுவம் துப்பாக்கி ரவையை செலுத்தும்வரை புலிகள் தாங்கள் தமிழ் மக்களின் ஏகப்பிரதிநிதிகள் என்பதை பயன்படுத்தினார்கள். புதிய தீர்மானம் கொண்டுவரப்படுவது நிச்சயம் என்பதால் இலங்கை மேலும் தாமதிக்காமல் நிலைமை குறித்து ஆராய்வது முக்கியமானது. இங்கிலாந்தின் நேஸ்பி பிரபு தெரிவித்துள்ள விடயங்களையும் விக்கிலீக்ஸில் வெளியாகியுள்ள விடயங்களையும் இலங்கை தனக்கு சார்பாக வாதிடுவதற்காக பயன்படுத்தவேண்டும். வன்னி போர்முனையில் யுத்தத்தை நடத்துவதற்கு பிரிட்டனும் பிரான்ஸ_ம் இணைந்து மேற்கொண்ட முயற்சிகள் அவர்கள் இந்த விடயத்தில் கொண்டுள்ள ஆர்வத்தை வெளிப்படுத்தின. 2013 இல் தமிழ்த் தேசியக் கூட்டமைப்பின் ஊடாக அரசியலுக்கு வந்த விக்னேஸ்வரன் அந்த கட்சியி லிருந்துவிலகியுள்ளபோதிலும் அவர் ஜெனிவா குறித்த பொது நிகழ்ச்சிநிரலின் அடிப் படையில் தமிழ்த் தேசியக் கூட்டமைப்புடனும் கஜேந்திரகுமார் பொன்னம்பலத்தின் தமிழ்த் தேசிய மக்கள் முன்னணியுடனும் இணைந்து செயற்படுகின்றார். ஜெனிவா பெரும் சவாலாகக் காணப்படப்போகின்றது. இலங்கை தொடர்பான பொறுப்புக்கூறலை விட மேற்குலக நாடுகளின் உண்மையான நலன்களும் நோக்கங்களும் பரந்துபட்டவை” என்றார்.   https://www.ilakku.org/?p=39700
    • ஸ்கொட்லாந்து அரசின் ராபர்ட் பர்ன்ஸ் மனிதாபிமான விருதுக்கு பரிந்துரைக்கப்பட்ட முதல் தமிழன் – டாக்டர் வரதராஜா  194 Views ஸ்கொட்லாந்தின் தேசியக் கவிஞர் ராபர்ட் பர்ன்ஸ் பெயரில் ஆண்டு தோறும் வழங்கப்படும் மனிதநேய விருதுக்கு ஈழத்து டாக்டர் வரதராஜா துரைராஜா உட்பட மூன்று பேர் 2021ஆம் ஆண்டிற்கான விருதிற்கு பரிந்துரை செய்யப்பட்டுள்ளனர். முள்ளிவாய்க்கால் இறுதிப் போரின் போது மூன்றரை இலட்சம் மக்கள் சுற்றி வளைக்கப்பட்டு தாக்கப்பட்ட போது, எந்தவித உதவிகளும் இல்லாத போது டாக்டர் வரதராஜா பணியாற்றி பலரின் உயிரைக் காப்பாற்றினார். அந்தத் தாக்குதல் பற்றி இங்கிலாந்தில் நடைபெற்ற நிகழ்ச்சிகளிலும், கனடா நாடாளுமன்ற உறுப்பினர்களிடமும் விளக்கிக் கூறி, எத்தகைய அவலம் அங்கு நடைபெற்றது என்பதை உலகத்திற்கு அவர் எடுத்துரைத்தார். இலங்கையின் திருகோணமலை மாவட்டத்தைச் சேர்ந்த தம்பலகாமம் என்ற சிறிய கிராமத்தைப் பிறப்பிடமாகக் கொண்ட புகழ்பெற்ற மருத்துவ கலாநிதி, வரதராஜா துரைராஜா அவர்களும் இந்த விருதிற்கு தெரிவாகி இருப்பது என்பது தமிழ் பேசும் ஒவ்வொருவருக்கும் மேலும் மனிதாபிமானத்தைப் போற்றும், அநீதிக்கு எதிராக போராடும் அனைவருக்கும் கிடைத்த வெற்றி என்றே சொல்லலாம். யுத்த வலயத்தில் பொது மக்களுடன் இரவும், பகலும் தங்கியிருந்து உழைத்து, அவசரகால முதலுதவி மற்றும் உயிர் காக்கும் அறுவைச் சிகிச்சைகளை மேற்கொண்ட சில மருத்துவர்களில் இவரும் ஒருவர். மட்டுப்படுத்தப்பட்ட மற்றும் குறைந்த மருத்துவப் பொருட்கள் மூலம் மருத்துவ கலாநிதி வரதராஜா மற்றும் அவரது ஊழியர்கள் ஆயிரக்கணக்கான உயிர்களைக் காப்பாற்றினர். யுத்தம் தீவிரமடைந்த போது, ஆரம்பத்தில் தனி ஒரு வைத்தியராக வாகரையில் மிகுந்த உயிர் அச்சுறுத்தலிலும் இரவும், பகலும் கடமையாற்றிய அவர், வாகரைப் பகுதியை இலங்கை அரச படைகள் கைப்பற்றிய பின்பு வன்னிக்குச் சென்று மீண்டும் சேவை புரிந்தார். இடம்பெயர்ந்த மக்களோடு மக்களாக சென்ற அவர், தொடர்ந்து தற்காலிக மருத்துவமனைகளை ஏற்படுத்தி தன்னுயிரையும் துச்சமென எண்ணி, யுத்தத்தினால் பாதிக்கப்பட்ட அப்பாவி மக்களுக்கு தன்னிகரற்ற சேவை புரிந்தார். யுத்தம் முடியும் வரை அவர் பொது மக்களுடன் இருந்தார். இறுதியில் அவரே காயமடைந்து அரசாங்கப் படைகளால் சிறைப்பிடிக்கப்பட்டார். உயிராபத்தை ஏற்படுத்திய காயங்களுடன் பல நாட்கள் சிகிச்சை அளிக்கப்படாது, விசாரணை என்ற பெயரில் சொல்லொணாத் துயரங்களை அனுபவித்தார். சர்வதேச அழுத்தம் காரணமாக சிறையில் இருந்து விடுவிக்கப்பட்ட அவர், இலங்கை அரசின் தொடர்ச்சியான உயிர் அச்சுறுத்தல் காரணமாக நாட்டை விட்டு வெளியேறி அமெரிக்காவிற்கு புலம்பெயர்ந்தார். அமெரிக்காவில் வாழ்ந்தாலும் தொடர்ந்தும் தமிழ் மக்களுக்காய் குரல் கொடுத்து வருகின்றார். இலங்கையில் தமிழ் மக்களுக்கு நிகழ்த்தப்பட்ட இனப்படுகொலைகளுக்கு சர்வதேச விசாரணை ஒன்றைக் கொரி ஜெனீவா, கனடா, ஜேர்மனி, லண்டன், தென்னாபிரிக்கா உட்பட பல நாடுகளுக்கும் சென்று குரல் கொடுத்து வருகின்றார். 2017ஆம் ஆண்டில் ஒட்டவாவில் மருத்துவ கலாநிதி திரு வரதராஜா துரைராஜா சிறப்புரையாற்றியதைத் தொடர்ந்து மறைந்த கனேடிய நாடாளுமன்ற உறுப்பினரும், மனித உரிமைகள் கண்காணிப்பளருமான பால் தேவர் அவர்கள் டாக்டர் வரதனை “ஒரு செல்வாக்கு மிக்க மனித உரிமைப் பாதுகாவலராக, முள்ளிவாய்க்கால் இனப்படுகொலை நிகழும் போது பல உயிர்களை காப்பாற்றியது மட்டுமல்லாமல், தனக்கு உயிராபத்து ஏற்பட்ட பொழுதும் அதைப் பொருட்படுத்தாமல் தொடர்ந்து மருத்துவத்தைக் கடைப்பிடித்தார்” என்று பாராட்டினார். ‘பாதுகாப்பு வலயத்திலிருந்து ஒரு குறிப்பு’ (‘Note From The No Fire Zone’) என்ற தலைப்பில் அவரது நினைவுக் குறிப்புகள் 2019 மே மாதம் வெளியிடப்பட்டது. அத்துடன் முள்ளிவாய்க்கால் அவலங்களை பிரதிபலிக்கும் வகையில் ‘பொய்யா விளக்கு’ என்ற ஆவணப்படமும் அவரது நடிப்பில் வெளியிடப்பட்டுள்ளது. அமெரிக்காவில் மீண்டும் தனது மருத்துவ பயிற்சியைத் தொடர முயற்சித்துக் கொண்டிருக்கும் அவர், மோதல் பகுதிகளில் பொது மக்கள் மற்றும் மருத்துவப் பணியாளர்களைப் பாதுகாப்பதற்காக விழிப்புணர்வை ஏற்படுத்துவதற்கும், உள்நாட்டுப் போரில் பாதிக்கப்ட்டவர்களுக்கு மனிதாபிமான உதவிகளை கொண்டு வருவதற்கும் தொடர்ந்து பாடுபட்டு வருகின்றார். இவ்விருது குறித்து மருத்துவ கலாநிதி திரு வரதராஜா அவர்கள் கருத்துத் தெரிவிக்கையில், “இந்த அற்புதமான விருதுக்கு நான் பரிந்துரைக்கப்பட்டதைக் கேட்டு நான் மிகவும் மகிழ்ச்சியடைகின்றேன். எனது மருத்துவ அனுபவங்களால் நான் ஒரு மனித உரிமை ஆர்வலர் ஆனேன். நான் ஒரு மருத்துவரான போது அடிப்படை வசதிகள் மறுக்கப்பட்ட மக்களுக்கு உதவ இந்த யுத்த வலயப் பகுதிகளில் பணியாற்ற விரும்பினேன். சமூகத்திற்கு நான் செய்த சேவைகளை அங்கீகரித்து எனக்கு வாக்களித்த அனைவருக்கும் எனது நன்றியைத் தெரிவித்துக் கொள்கிறேன்” எனத் தெரிவித்துள்ளார். இங்கிலாந்தில் மது அடிமைகளை மீட்கும் நாடகக் குழுவை நடத்தி வரும் மார்க் வில்லியம்ஸன், இங்கிலாந்து, கனடா உள்ளிட்ட நாடுகளில் புற்றுநோய் சிகிச்சை அளிப்பதோடு நிக்கரகுவா பல்கலைக்கழகத்தில் பேராசிரியராகவும் உள்ள டாக்டர் அலெக்ஸான்டர் பற்றர்சன் ஆகியோரும் இந்த விருதிற்கான இறுதிப் பரிந்துரைப் பட்டியலில் உள்ளனர். இம்மாதக் கடைசியில் விருது அறிவிக்கப்பட உள்ளது.   https://www.ilakku.org/?p=39679
×
×
  • Create New...

Important Information

By using this site, you agree to our Terms of Use.