Jump to content
  • advertisement_alt
  • advertisement_alt
  • advertisement_alt

நியூசிலாந்து பிரதமராக மீண்டும் ஜெசிந்தா – இன்று நடந்த தேர்தலில் அமோக வெற்றி!


Recommended Posts

  • கருத்துக்கள உறவுகள்

நியூசிலாந்து பிரதமராக மீண்டும் ஜெசிந்தா – இன்று நடந்த தேர்தலில் அமோக வெற்றி!

114933893_80227ae1-900d-48fc-976c-8a669d9bd0ac-960x540.jpg?189db0&189db0

 

நியூசிலாந்தில் இன்று (17) இடம்பெற்ற பொதுத் தேர்தலில் தற்போது ஆட்சியில் உள்ள பிரதமர் ஜெசிந்தா அர்டன் மீண்டும் வெற்றி பெற்றுள்ளார்.

நடைபெற்று முடிந்த இந்த தேர்தலில் தொழிலாளர் கட்சி மற்றும் தேசிய கட்சி இரண்டுக்கும் இடையில் போட்டி நிலவிய நிலையில் தொழிலாளர் கட்சி 64 ஆசனங்களை பெற்று பெற்றியை தமதாக்கியது.

இதன்படி நியூசிலாந்தின் 40வது பிரதமராக 40 வயதுடைய ஜெசிந்தா இரண்டாவது முறையாக வெற்றி பெற்றுள்ளார்.

இதேவேளை தேசிய கட்சி 35 ஆசனங்களையும், ஏ.சி.ரி நியூசிலாந்து 10 ஆசனங்களையும், பச்சை கட்சி 10 ஆசனங்களையும், மோரி கட்சி ஒரு ஆசனத்தையும் கைப்பற்றியமை குறிப்பிடத்தக்கது.

https://newuthayan.com/நியூசிலாந்து-பிரதமராக-மீ/

 

 
 
 
  • Thanks 1
Link to post
Share on other sites
  • கருத்துக்கள உறவுகள்

நியூசிலாந்து பொதுத்தேர்தல்: பிரதமர் ஜெசிந்தா ஆர்டென் இரண்டாவது முறை வெற்றி

நியூசிலாந்து பொதுத்தேர்தல்: பிரதமர் ஜெசிந்தா ஆர்டென் இரண்டாவது முறை வெற்றி

 

வெலிங்டன்

நியூசிலாந்து பொதுத் தேர்தலில் ஆளும் கட்சியான ஜெசிந்தா ஆர்டெனின் தொழிலாளர் கட்சி 49.2 சதவீத வாக்குகளைப் பெற்றுள்ளது. மேலும், நாடாளுமன்றத்தில் மொத்தமுள்ள 120 இடங்களில் 64 இடங்களை ஆளும் கட்சி கைப்பற்றியுள்ளது. இதன் மூலம் நியூசிலாந்து தேர்தலில் ஜெசிந்தா ஆர்டென் மகத்தான வெற்றியைப் பெற்றுள்ளார்.


இந்த வெற்றியின் மூலம் நியூசிலாந்தின் பிரதமராக ஜெசிந்தா ஆர்டென் இரண்டாவது முறையாகப் பதவி ஏற்க உள்ளார்.

வெற்றி குறித்து ஜெசிந்தா கூறும்போது, அடுத்த மூன்று ஆண்டுகளில் நிறைய பணிகள் உள்ளன. கொரோனா நெருக்கடியிலிருந்து நாட்டைச் சிறப்பாகக் கட்டமைப்போம் என கூறி உள்ளார்.

தேர்தலில் வெற்றி பெற்ற ஜெசிந்தாவுக்குப் பல்வேறு தலைவர்கள் வாழ்த்துகளைத் தெரிவித்து வருகின்றனர்.

 

https://www.dailythanthi.com/News/TopNews/2020/10/17170851/New-Zealand-PM-Jacinda-Ardern-wins-second-term-in.vpf

Link to post
Share on other sites
  • கருத்துக்கள உறவுகள்

நியூசிலாந்து தேர்தலில் ஜசிந்தா ஆர்டன் பெற்ற மகத்தான வெற்றியின் பின்னணி

 
  • நியூசிலாந்து சிற்சபேசன்

Sitsabesan.jpgக்டோபர் 17ல் நடைபெற்ற நியூசிலாந்து பாராளுமன்றத் தேர்தலிலே லேபர் கட்சிக்கு மகத்தான வெற்றி கிடைத்திருக்கின்றது.

நியூசிலாந்து பாராளுமன்றத்துக்கான தேர்தல், செப்டெம்பர் 19ல் நடைபெறுவதாகத் திட்டமிடப்பட்டிருந்தது. கொரோனாத் தொற்றுப் பரவல் ஏற்பட்டதனால் தேர்தல் ஒத்திவைக்கப்பட்டது. தொற்றின் வீரியம் ஒப்பீட்டளவில் குறைவாகவே காணப்பட்டது. இருந்தாலும் நிச்சயமற்ற ஒரு சூழ்நிலை நிலவியது. அதனால் தேர்தல் பிரசாரங்களை மேற்கொள்வது பொருத்தமில்லை. வாக்களிப்பதற்கான இயல்பான சூழல் மக்களுக்குக் கிடைக்காது என்னும் அபிப்பிராயம் கட்சிகளிடையே ஏற்பட்டது. அதனாலேயே தேர்தல் ஒத்தி வைக்கப்பட்டது. இதற்கு முன்னரும் மூன்று தடவைகள் நியூசிலாந்தில் தேர்தல்கள் ஒத்திவைக்கப்பட்டுள்ளன. முதலாவது உலகமகாயுத்தம் காரணமாக 1917லும், உலகளாவிய பொருளாதார வீழ்ச்சி (கிரேட் டிப்ரெஷன்) காரணமாக 1934லும், இரண்டாவது உலகமகாயுத்தம் காரணமாக 1941லும் தேர்தல் ஒத்திவைக்கப்பட்டிருந்தன.

2020 பாராளுமன்றத் தேர்தலிலே, லேபர் கட்சி தனித்து ஆட்சி அமைக்கக்கூடிய மகத்தான வெற்றியைப் பெற்றிருக்கின்றது. கலப்பு அங்கத்தவர் விகிதாசாரப் பிரதிநிதித்துவத் தேர்தல் முறையை நியூசிலாந்து கொண்டதாகும். அஃது அறிமுகப்படுத்தப்பட்ட கடந்த 24 ஆண்டுகளில், கூட்டணிக் கட்சிகளின் ஆதரவுடனேயே ஆட்சி அமைக்க முடிந்திருக்கின்றது. அத்தகைய சூழலை, தற்போதைய தேர்தல் முடிவு மாற்றியிருக்கின்றது.

jacinda-ardern.600.pngகலப்பு அங்கத்தவர் விகிதாசாரப் பிரதிநிதித்துவத் தேர்தல் முறையில், இரண்டு பிரிவுகளில் பாராளுமன்ற அங்கத்தவர் தெரிவாகின்றனர். ஒன்று, தொகுதி முறையிலான தெரிவு. மற்றையது, பட்டியல் முறையிலான தெரிவு. நியூசிலாந்து பாராளுமன்றத்தில் 120 ஆசனங்கள் காணப்படுகின்றன. அதிலே 71 ஆசனங்கள் தொகுதிவாரியான தெரிவுக்கு உரியவையாகும். மீதமுள்ள 49 ஆசனங்கள், ஐந்து சதவிகிதத்துக்கு அதிகமான வாக்குகளைப் பெறுகின்ற கட்சிகளுக்குப் பகிர்ந்தளிக்கப்படுகின்றன.

ஒரு வாக்காளருக்கு இரண்டு வாக்குகள் உள்ளன. ஒரு வாக்கு, தொகுதிக்கான அங்கத்தவரைத் தெரிவு செய்வதற்கான வாக்காகும். இரண்டாவது வாக்கு, அங்கீகரிக்கப்பட்ட கட்சிக்கு அளிக்கப்படுகின்ற வாக்காகும்.

ஒவ்வொரு தொகுதியிலும் அதிக வாக்குகளைப் பெறுகின்றவரே, தொகுதி அங்கத்தவராகத் தெரிவாகின்றார்.

2-4.jpgகட்சிக்கு அளிக்கப்படுகின்ற வாக்குகளில், ஐந்து சதவிகிதத்துக்கு அதிகமான வாக்குகளைப் பெறுகின்ற கட்சிகளுக்கு, பட்டியல் வழியாக ஆசனங்கள் ஒதுக்கப்படுகின்றன. கட்சியின் கொள்கைகளுக்காக வழங்கப்படுகின்ற வாக்கு மூலமாகவே, பட்டியல் வழியான அங்கத்தவர்கள் தெரிவாகின்றனர். ஒவ்வொரு கட்சியும், பட்டியல் வழியாகத் தெரிவு செய்யப்படக்கூடிய அங்கத்தவர்களின் பட்டியலைத் தேர்தலுக்கு முன்னரே சமர்ப்பிக்கின்றன. அதனால், கட்சியின் பட்டியல் வழியாக யாரெல்லாம் தெரிவுசெய்யப்படக்கூடும் என்னும் பிரக்ஞையுடனே வாக்கு பெறப்படுகின்றது.

பொதுவாக மேற்கத்திய அரசியல்கட்சிகள் சித்தாந்த ரீதியிலே அமைந்தவையாகும். பாரம்பரியம், முதலாளித்துவம் போன்றவற்றை முதன்மைப்படுத்துகின்றவை வலதுசார் கட்சிகள் எனப்படுகின்றன. ஒடுக்கப்படுகின்ற மக்களின் குரலாகவே இடதுசார் கட்சிகள் அடையாளமாகின்றன. உலகின் பல்வேறு நாடுகளிலும் வலது மற்றும் இடதுசார் கட்சிகளும் மையவாத அரசியலிலேயே காணப்படுகின்றன. அதற்கு, நியூசிலாந்தின் இரண்டு பெரிய கட்சிகளான வலதுசார் நஷனல் கட்சியும், இடதுசார் லேபர் கட்சியும் விதிவிலக்கல்ல. பொருளாதாரக் கொள்கை, அடிப்படைக் கட்டுமான அபிவிருத்தி போன்ற விடயங்களிலே இரண்டு கட்சிகளும் ஒத்ததன்மைகளையே கொண்டிருக்கின்றன. வரிச்சுமை, வேலையற்றவர்களுக்கான உதவித்தொகை போன்ற விடயங்களிலேயே பெரிய கட்சிகளிடையே ஓரளவு வேறுபாட்டைக் காணலாம். சுற்றுச்சூழல் பாதுகாப்பு, காலநிலை மாற்றம் போன்ற விடயங்களில் இடதுசார் கிரீன் கட்சியே தீவிரமான கொள்கை நிலைப்பாட்டைக் கொண்டிருக்கின்றது.

3-4.jpg120 அங்கத்தவர்களைக் கொண்ட நியூசிலாந்து பாராளுமன்றத்திலே ஆட்சி அமைப்பதற்கு 60 அங்கத்தவர்களின் ஆதரவு தேவையாகும். 2017 பாராளுமன்றத் தேர்தலில் நஷனல் கட்சிக்கு 56 ஆசனங்களே கிடைத்தது. அதனுடைய கூட்டாளியான அக்ட் கட்சிக்கு ஒரு ஆசனமே கிடைத்தது. மறுவளத்தில், லேபர் கட்சிக்கு 46 ஆசனங்களே கிடைத்தது. அதனுடைய கூட்டாளியான கிரீன் கட்சிக்கு 8 ஆசனங்களே கிடைத்தன. அதனால் இரண்டு பெரிய கட்சிகளும் ஆட்சி அமைக்க முடியாத நிலை ஏற்பட்டது. ஒன்பது ஆசனங்களைக் கொண்டிருந்த நியூசிலாந்து வெஃஸ்ட் கட்சியே ஆட்சியைத் தீர்மானிக்கும் சக்தியாகியது. அதனாலேயே பாராளுமன்றப் பலத்தைக் கொண்டிராத லேபர் கட்சியினால் ஆட்சி அமைக்க முடிந்தது. ஜசிந்தா ஆர்டனால் மூன்று ஆண்டுகளுக்கு முன்னர் பிரதமராக முடிந்தது.

2020 தேர்தலிலே நிலைமை முற்றிலுமாக மாற்றமடைந்துள்ளது. லேபர் கட்சிக்கு 64 ஆசனங்கள் கிடைத்திருக்கின்றன. அதனால் தனித்து ஆட்சி அமைக்கும் பலம் கிடைத்திருக்கின்றது. ஆனாலும், கூட்டாளியான கிரீன் கட்சியை அரவணைத்த வகையிலேயே லேபர் கட்சி செயற்படுமெனக் கணிக்கப்படுகின்றது. மறுவளத்தில், நஷனல் கட்சி மிகப்பெரிய தோல்வியைச் சந்தித்திருக்கின்றது.

நியூசிலாந்துப் பாராளுமன்றத்தின் பதவிக்காலம் மூன்று ஆண்டுகளாகும். பொதுவாக ஆட்சியைப் பொறுப்பேற்கின்ற கட்சி, ஆகக் குறைந்தது இரண்டு பதவிக்காலத்துக்கேனும் தொடர்ந்து ஆட்சி செய்வதற்கான வாய்ப்பு அமைந்துவிடுகின்றது. அந்தவகையிலே 2017ல் ஆட்சிப்பீடமேறிய லேபர் கட்சி, தற்போதைய தேர்தலிலும் வெற்றிபெறுமெனப் பரவலாக எதிர்பார்க்கப்பட்டது. ஆனால், கலப்பு அங்கத்தவர் விகிதாசார தேர்தல் முறையிலே தனித்து ஆட்சியமைக்கக்கூடிய வெற்றி கிடைக்குமென எதிர்பார்க்கப்படவில்லை. கொரோனத் தொற்றை அரசு கையாள்கின்ற பாங்கே, லேபர் கட்சியின் மகத்தான வெற்றிக்குக் காரணமாகக் கருதப்படுகின்றது.

4-2.jpgஉலகளாவியரீதியில் கொரோனாத் தொற்று சவாலானதாகக் காணப்படுகின்றது. நியூசிலாந்தும் அதற்கு விதிவிலக்கல்ல. முதலாவது கொரோனாத் தொற்று நியூசிலாந்தில் பெப்ரவரியில் ஆரம்பமாகியது. கொரோனாத் தொற்றை அரசு கையாள்கின்ற பாங்கு, உள்நாட்டில் நம்பிக்கைகளை ஏற்படுத்தியது. துறைசார் வல்லுனர்களின் ஆலோசனைகளைப் பெறுவது, தீர ஆராய்ந்து துரிதமான தீர்மானங்களை மேற்கொள்வது, அவ்வாறான தீர்மானங்களை பொதுமக்களுக்கு புரியும்படி சொல்வது என்னும் மூன்று விடயப்பரப்பு வழியாகக் கொரோனாப் பேரிடரைக் கையாண்ட, ஜசிந்தா ஆர்டனின் தலைமைத்துவப் பண்பு பரவலான கவனத்தை ஈர்த்தது.

கொரோனாப் பேரிடருக்கு முன்னர் ஏற்பட்ட கிரைஸ்ட்சேர்ச் படுகொலை சம்பவமும், ஜசிந்தா ஆர்டனின் சாதுர்யமான தலைமைத்துவப் பண்புகளை வெளிப்படுத்தின.

தொடர்சியான சம்பாஷணைகள், கூட்டுத் தீர்மானங்கள், அரவணைக்கும் பாங்கு, எளிமையான உரையாடல்கள் என்பவையே ஜசிந்தா ஆர்டனின் தனித்துவமான தலைமைத்துவப் பண்புகளாகும். அதுவே, கட்சி வேறுபாடுகளைக் கடந்து நியூசிலாந்தை வழிநடத்தக்கூடிய நல்ல தலைவராக ஜசிந்தா ஆர்டனை 2020 பாராளுமன்றத் தேர்தல் முடிவு அடையாளப்படுத்தியுள்ளது

 

https://thinakkural.lk/article/81215

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • இருபதாவது திருத்தத்துக்கான வாக்கெடுப்பில் முஸ்லிம்  பாராளுமன்ற உறுப்பினர்கள் என்ன தீர்மானத்தினை மேற்கொள்ளப் போகின்றார்கள் ? எதிர்த்து வாக்களித்து பழக்கம் இல்லாத காரணத்தினால் இருபதுக்கும் ஆதரவளிப்பார்களா ? அல்லது ஏதாவது அதிசயம் நிகழ்வது போன்று எதிர்த்து வாக்களிப்பார்களா ? அல்லது எல்லோருக்கும் நல்லபிள்ளையாக நடுநிலை வகிப்பார்களா ? என்ற பலத்த எதிர்பார்ப்பு உள்ளது. குறிப்பாக இருபதாவது திருத்தத்தினை எதிர்த்து நீதிமன்றம் சென்ற முஸ்லிம்களின் பிரதிநிதியான முஸ்லிம் காங்கிரஸ் உறுப்பினர்களின் நிலைப்பாடு என்ன ? “இருபதாவது திருத்தமானது 1978 இல் ஜே.ஆர் ஜெயவர்தனவினால் கொண்டுவரப்பட்ட ஜனாதிபதியின் அதிகாரத்தை போன்றதுதானே ! இதனை ஏன் எதிர்க்க வேண்டும்” ? என்று சிலர் முட்டாள்தனமாக தர்க்கம் செய்கின்றனர். அன்று ஜே.ஆர் ஒரு சிவில் சமூகத்தை சேர்ந்த ஒரு அரசியல்வாதியாக இருந்தும் அந்த அதிகாரம் அவரை சர்வாதிகாரியாக்கியது. “போர் என்றால் போர், சமாதானம் என்றால் சமாதானம்” என்று சர்வாதிகாரப்போக்கில் செயல்பட்டார். ஜே.ஆரின் சர்வாதிகார செயல்பாடானது தமிழ் மக்களை அதிகம் பாதிப்படைய செய்ததுடன், பாரிய யுத்தம் ஒன்றுக்கு அவர்களை அழைத்துச் சென்றது. ஜே.ஆர் மட்டுமல்லாது அவருக்கு பின்பு ஆட்சி செய்த ஏனைய ஜனாதிபதிகளினது முழு கவனமும் தமிழ் மக்கள் மீது இருந்ததனால் சர்வாதிகாரத்தின் பிரதிபலிப்பினை முஸ்லிம்களால் உணர முடியவில்லை. ஆனால் 2010 க்கு பின்பு ஆட்சியாளர்களின் சர்வாதிகாரப் போக்கினை முஸ்லிம்களும் உணர தொடங்கினார்கள். அது மட்டுமல்லாது இன்று உள்ள நிலைப்பாடு முற்றிலும் மாறுபட்டது. அதாவது சர்வாதிகாரப் போக்குடைய முன்னாள் இராணுவ அதிகாரியின் கையில் இந்த அதிகாரம் செல்ல இருக்கின்றது. ஒரு சிவில் சமூகத்தை சேர்ந்தவர்களை சர்வாதிகாரியாக மாற்றிய அதி உச்ச அதிகாரமானது இராணுவ துறையை சார்ந்தவரின் கையில் சிக்கினால் நிலைமை என்னாகும் என்று நாங்கள் சிந்திக்க வேண்டும்.   அதிகாரம் குறைவாக இருக்கின்ற நிலையிலேயே சிவில் அதிகாரிகள் கடமை புரிகின்ற பதவிகளுக்கு முன்னாள் இராணுவ அதிகாரிகள் நியமிக்கப்பட்டு நாடு இராணுவ ஆட்சியை நோக்கி செல்கின்றது. இந்த நிலையில் இருபதாவது திருத்தத்துக்கு முஸ்லிம் எம்பிக்கள் ஆதரவு வழங்குவதானது இராணுவ ஆட்சிக்கு மகுடம் அணிவிப்பது போன்றதாகும். அதாவது முஸ்லிம்களுக்கெதிரான அத்தனை நடவடிக்கைகளையும் முழுமைப்படுத்துவதுடன், கிழக்கு மாகாணத்தில் தொல்பொருள் ஆராய்ச்சி என்ற போர்வையில் முஸ்லிம்களின் நிலங்களை இலகுவாக கையகப் படுத்திக்கொள்ள முடியும்.    முஸ்லிம் மக்களை பிழையாக வழிநடத்தும் நோக்கில், நாங்கள் இருபதுக்கு ஆதரவாக வாக்களித்தால் மட்டும் சமூகம் பாதுகாக்கப்படும் என்றும், வாக்களிக்காவிட்டால் அது சமூகத்துக்கு பாதிப்பாக அமையும் என்றும் எமது உறுப்பினர்கள் கூறுவார்களேயானால், அது திரைமறைவில் இடம்பெறுகின்ற பணப் பெட்டிகளின் பரிமாற்றத்தின் பிரதிபலிப்பே தவிர, வேறு ஒன்றுமில்லை. முகம்மத் இக்பால் சாய்ந்தமருது https://www.madawalaenews.com/2020/10/blog-post_509.html
    • alysha newman : தடியூன்றிப் பாய்தல்.....4.75 மீற்றர்.....!   🏌️‍♀️
    • அது ஒரு போதும் நடக்காது. இவர்கள் வைரஸ்மாதிரி எல்லா இடங்களிலும் பரவிவிட்டார்கள்.குக்கிராமத்திலும் ஒரு முஸ்லீமாவது இருக்கும். அதுவும் கோபக்கார முஸ்லீம்.
    • வணக்கம் வாத்தியார்.....! இந்த நிமிடம் நீயும் வளர்ந்துஎன்னைத் தாங்க ஏங்கினேன்அடுத்தக்கணமே குழந்தையாகஎன்றும் இருக்க வேண்டினேன்தோளில் ஆடும் தேனேதொட்டில் தான் பாதி வேளைசுவர் மீது கிறுக்கிடும் போது ரவிவர்மன் நீஇசையாக பல பல ஓசை செய்திடும்இராவணன் ஈடில்லா என் மகன்எனைத் தள்ளும் முன் குழி கன்னத்தில்என் சொர்க்கத்தை நான் கண்டேன் கண்ணேஎனைக் கிள்ளும் முன் விரல் மெத்தைக்குள்என் மொத்தத்தை நான் தந்தேன் கண்ணேஎன்னை விட்டு இரண்டு எட்டுthallip போனால் தவிக்கிறேன்மீண்டும் உன்னை அள்ளி எடுத்துகருவில் வைக்க நினைக்கிறேன்போகும் பாதை நீளம்கூரையாய் நீல வானம்பல நூறு மொழிகளில் பேசும்முதல் மேதை நீபசி என்றால் தாயிடம் தேடும்மானிட மர்மம் நீநான் கொள்ளும் கர்வம் நீகடல் ஐந்தாறு மலை ஐநூறுஇவை தாண்டித் தானே பெற்றேன் உன்னைஉடல் ஜவ்வாது பிணி ஒவ்வாதுபல நூறாண்டு நீ ஆள்வாய் மண்ணை--- கண்கள் நீயே ---
×
×
  • Create New...

Important Information

By using this site, you agree to our Terms of Use.