கமலா ஹாரிசை கடவுள் துர்க்கையாக ஒப்பிட்ட மருமகளுக்கு இந்து அமைப்புகள் கடும் எதிர்ப்பு

[உடையார் 2,372]

கமலா ஹாரிசை கடவுள் துர்க்கையாக ஒப்பிட்ட மருமகளுக்கு இந்து அமைப்புகள் கடும் எதிர்ப்பு

 

 

அமெரிக்காவில் துணை ஜனாதிபதி வேட்பாளர் கமலா ஹாரிசை கடவுள் துர்க்கை உடன் ஒப்பிட்ட அவரது மருமகளுக்கு இந்து அமைப்புகள் கடும் எதிர்ப்பு தெரிவித்து உள்ளன.
பதிவு: அக்டோபர் 20,  2020 16:39 PM
வாஷிங்டன்,

அமெரிக்காவில் வருகிற நவம்பர் மாதம் நடைபெறும் ஜனாதிபதி மற்றும் துணை ஜனாதிபதி தேர்தல்களில் குடியரசு கட்சி சார்பில் தற்போதைய ஜனாதிபதி டிரம்ப் மற்றும் துணை ஜனாதிபதி மைக் பென்ஸ் ஆகியோர் போட்டியிடுகின்றனர். ஜனாதிபதி தேர்தலில் ஜனநாயக கட்சி சார்பில் முன்னாள் துணை ஜனாதிபதி ஜோ பைடன் போட்டியிடுகிறார்.

ஜனநாயக கட்சியின் துணை ஜனாதிபதி வேட்பாளராக தமிழகத்தின் சென்னையை பூர்வீகமாக கொண்ட கமலா ஹாரிஸ் (வயது 55) போட்டியிடுகிறார்.  இவரது மருமகள் மீனா ஹாரிஸ் (வயது 35).  வழக்கறிஞராக உள்ளார்.  குழந்தைகளுக்கான புத்தகம் ஒன்றை எழுதியுள்ளார்.

இவர் வெளியிட்ட டுவிட்டர் பதிவு சர்ச்சை ஏற்படுத்தி உள்ளது.  அந்த பதிவில், கமலா ஹாரிசை கடவுள் துர்க்கை உடன் ஒப்பிட்டு படம் ஒன்றை வெளியிட்டு உள்ளார்.  அந்த படத்தில், கமலா ஹாரிஸ் கடவுள் துர்க்கையாக காட்சி அளிக்கிறார்.  மகிசாசுரன் ஆக அதிபர் டிரம்ப் காட்டப்பட்டு இருக்கிறார்.  அவரை ஹாரிஸ் குத்தி கொல்வது போன்று உள்ளது.

இதேபோன்று ஜனநாயக கட்சிக்கான அதிபர் வேட்பாளரான ஜோ பைடன், துர்க்கையின் வாகனம் ஆன சிங்கம் போன்று காட்டப்பட்டு இருக்கிறார்.

இந்த பதிவு வெளியிடப்பட்டு சற்று நேரத்தில் உடனடியாக நீக்கப்பட்டு விட்டது.  இதற்கு அமெரிக்காவில் உள்ள இந்து அமைப்புகள் அனைத்தும் கடும் எதிர்ப்பு தெரிவித்து உள்ளன.

இந்து அமெரிக்க தொண்டு நிறுவனத்தின் சுஹாக் சுக்லா டுவிட்டரில் வெளியிட்டுள்ள செய்தியில், பெண் கடவுளான அன்னை துர்க்கையின் முகவடிவம் மிகைப்படுத்தப்பட்டு இருப்பது, உலகம் முழுவதும் உள்ள பல இந்து மக்களை ஆழ்ந்த வேதனைக்கு உள்ளாக்கி இருக்கிறது என தெரிவித்து உள்ளார்.

இதேபோன்று இந்து அமெரிக்க அரசியல் செயற்குழு, அவதூறுக்கு எதிரான அமெரிக்க இந்துக்களுக்கான அமைப்பு உள்ளிட்டவையும் கண்டனம் தெரிவித்து உள்ளன.

கடந்த வார இறுதியில், நவராத்திரியை முன்னிட்டு ஜோ பைடன் மற்றும் கமலா ஹாரிஸ் ஆகியோர் அல்லவை அழிந்து நல்லவை வெற்றி பெறட்டும் என்று அமெரிக்காவில் வாழும் இந்து சமூகத்தினருக்கு வாழ்த்துகளை தெரிவித்து கொண்டனர்.

நவராத்திரி திருவிழாவை முன்னிட்டு கமலா ஹாரிஸ் தனது வாழ்த்து செய்தியில், நம்முடைய இந்து அமெரிக்க நண்பர்கள் மற்றும் அவர்களது குடும்பத்தினருக்கு மற்றும் நவராத்திரியை கொண்டாடும் அனைவருக்கும் மகிழ்ச்சியான விழாவாக அமைய வாழ்த்துகிறேன்.

நம்முடைய சமூகங்கள் மற்றும் அமெரிக்காவை அதன் நிலையிலிருந்து உயர்த்துவதற்கும், கட்டியெழுப்புவதற்கும் நாம் அனைவருக்கும் உத்வேகம் அளிக்கும் வகையில் இந்த விடுமுறை அமையட்டும் என்றும் அவர் பதிவிட்டார்.

 

https://www.dailythanthi.com/News/World/2020/10/20163911/Hindu-organizations-are-strongly-opposed-to-the-niece.vpf

 

 

[தமிழ் சிறி 13,450]

கமலா ஹரிஸ்.... பண்டி இறைச்சி சாப்பிடுகின்றவர். அவரை சரஸ்வதி பூசை நேரம், துர்க்கையுடன் ஒப்பிடுவது கண்டனத்துக்குரியது.

[குமாரசாமி 8,716]

1 hour ago, தமிழ் சிறி said:

கமலா ஹரிஸ்.... பண்டி இறைச்சி சாப்பிடுகின்றவர். அவரை சரஸ்வதி பூசை நேரம், துர்க்கையுடன் ஒப்பிடுவது கண்டனத்துக்குரியது.

சிறித்தம்பி இது ரூ மச்யா...

[Justin 1,279]

இது ஒரு நுணுக்கமான பிரிப்பு அரசியல் யுக்தி என்று இங்கே வசிப்பவர்களுக்குத் தெரிகிறது. 

1. அமெரிக்காவில் 1.2 மில்லியன் இந்திய வம்சாவளி வாக்காளர்கள் இருக்கிறார்கள். 2016 தேர்தல் படி, 138 மில்லியன் மொத்த வாக்காளர்கள், எனவே இந்த 1.2 மில்லியன் மிகக் கொஞ்சம். ஆனால் இம்முறை சில நூறு வாக்கு வித்தியாசங்களில் தான் அரச தலைவர், செனற், ஹவுஸ் என்பவற்றின் தெரிவு தங்கி நிற்கப்போகிறது. எனவே, மதில் மேல் பூனையாக இருக்கும் சில நூறு இந்திய அமெரிக்க வாக்குகளை தங்கள் பக்கம் இழுத்துக் கொள்ள ட்ரம்ப் குழு  களமிறங்கியிருக்கிறது.

2. அப்ப இந்த எதிர்ப்பில் இந்திய வம்சாவளி அமெரிக்கர்களின் பங்கு இல்லையா? நிச்சயமாக இருக்கிறது. 2016 இல் 80% ஆன இந்திய அமெரிக்கர்கள் ட்ரம்பை எதிர்த்து ஹிலறிக்கு வாக்களித்தனர். இந்த முறை அதை விட அதிக வீதமானோர் பைடனை ஆதரிக்கின்றனர் என்று அபிப்பிராய வாக்கெடுப்புகள் சில சொல்கின்றன.

வாக்குகளைப் பொறுத்த வரை, பத்துக்கும் நூறுக்கும் கூட உழைக்க வேண்டிய நிலையில் இருக்கும் ட்ரம்ப் இப்போது குறி வைத்திருப்பது அந்த அந்த <20% அமெரிக்க இந்திய வாக்குகளை. இந்த <20% இல் பெரும்பாலானோர் வலது சாரி, தீவிர கருத்துகள் கொண்ட மோடி பக்தர்கள்! 

3. மிகப் பெரும்பாலான இந்த மோடி வாலாக்கள் பின் வரும் குழுக்களுக்குள்ளும் அடங்குகின்றனர்:

முஸ்லிம் எதிர்ப்பாளர்கள், கறுப்பின மக்களை வெறுப்போர், பெண்களை சமனாக நடத்தாதோர், இப்படி ஒரு நீண்ட பிற்போக்கு மண்டிய விடயங்களை ஆதரிப்போர் தான் இந்த விசித்திரமான ட்ரம்ப் ஆதரவு இந்திய அமெரிக்கர்கள். 

4. ஏன் விசித்திரமான ட்ரம்ப் ஆதரவாளர்கள் என்கிறேன்? 
அதிகமான இந்தியர்கள் அமெரிக்காவினுள் நுழையப் பயன்படுத்தும் எச் விசாவை ட்ரம்ப் மிகவும் கடினமாக்கி, இப்போது தற்காலிகமாக நிறுத்தி வைத்து விட்டார்!
ட்ரம்பினால் ஊக்குவிக்கப் படும் வெள்ளையின மேலாண்மை வாதத்தினால் கறுப்பர்கள் , ஸ்பானியர்கள் மட்டுமல்ல பாதிக்கப் படுவது. ட்ரம்ப் அரச தலைவராகி சில மாதங்களில், ஒரு ட்ரம்ப் ஆதரவாளரால் கன்சாஸில் சுட்டுக் கொல்லப் பட்ட ஒரு இந்திய அமெரிக்கரே இதற்கு நல்ல உதாரணம். ஆனாலும், குந்தி இருக்கிற மரக்கிளையையே தறிக்கிற அளவுக்கு மோடி வாலாக்களின் வலது சாரித்தனம் புத்தியை மழுக்கி விட்டது!    

[Maruthankerny 2,131]

 

[goshan_che 1,903]

3 hours ago, Justin said:

இது ஒரு நுணுக்கமான பிரிப்பு அரசியல் யுக்தி என்று இங்கே வசிப்பவர்களுக்குத் தெரிகிறது. 

1. அமெரிக்காவில் 1.2 மில்லியன் இந்திய வம்சாவளி வாக்காளர்கள் இருக்கிறார்கள். 2016 தேர்தல் படி, 138 மில்லியன் மொத்த வாக்காளர்கள், எனவே இந்த 1.2 மில்லியன் மிகக் கொஞ்சம். ஆனால் இம்முறை சில நூறு வாக்கு வித்தியாசங்களில் தான் அரச தலைவர், செனற், ஹவுஸ் என்பவற்றின் தெரிவு தங்கி நிற்கப்போகிறது. எனவே, மதில் மேல் பூனையாக இருக்கும் சில நூறு இந்திய அமெரிக்க வாக்குகளை தங்கள் பக்கம் இழுத்துக் கொள்ள ட்ரம்ப் குழு  களமிறங்கியிருக்கிறது.

2. அப்ப இந்த எதிர்ப்பில் இந்திய வம்சாவளி அமெரிக்கர்களின் பங்கு இல்லையா? நிச்சயமாக இருக்கிறது. 2016 இல் 80% ஆன இந்திய அமெரிக்கர்கள் ட்ரம்பை எதிர்த்து ஹிலறிக்கு வாக்களித்தனர். இந்த முறை அதை விட அதிக வீதமானோர் பைடனை ஆதரிக்கின்றனர் என்று அபிப்பிராய வாக்கெடுப்புகள் சில சொல்கின்றன.

வாக்குகளைப் பொறுத்த வரை, பத்துக்கும் நூறுக்கும் கூட உழைக்க வேண்டிய நிலையில் இருக்கும் ட்ரம்ப் இப்போது குறி வைத்திருப்பது அந்த அந்த <20% அமெரிக்க இந்திய வாக்குகளை. இந்த <20% இல் பெரும்பாலானோர் வலது சாரி, தீவிர கருத்துகள் கொண்ட மோடி பக்தர்கள்! 

3. மிகப் பெரும்பாலான இந்த மோடி வாலாக்கள் பின் வரும் குழுக்களுக்குள்ளும் அடங்குகின்றனர்:

முஸ்லிம் எதிர்ப்பாளர்கள், கறுப்பின மக்களை வெறுப்போர், பெண்களை சமனாக நடத்தாதோர், இப்படி ஒரு நீண்ட பிற்போக்கு மண்டிய விடயங்களை ஆதரிப்போர் தான் இந்த விசித்திரமான ட்ரம்ப் ஆதரவு இந்திய அமெரிக்கர்கள். 

4. ஏன் விசித்திரமான ட்ரம்ப் ஆதரவாளர்கள் என்கிறேன்? 
அதிகமான இந்தியர்கள் அமெரிக்காவினுள் நுழையப் பயன்படுத்தும் எச் விசாவை ட்ரம்ப் மிகவும் கடினமாக்கி, இப்போது தற்காலிகமாக நிறுத்தி வைத்து விட்டார்!
ட்ரம்பினால் ஊக்குவிக்கப் படும் வெள்ளையின மேலாண்மை வாதத்தினால் கறுப்பர்கள் , ஸ்பானியர்கள் மட்டுமல்ல பாதிக்கப் படுவது. ட்ரம்ப் அரச தலைவராகி சில மாதங்களில், ஒரு ட்ரம்ப் ஆதரவாளரால் கன்சாஸில் சுட்டுக் கொல்லப் பட்ட ஒரு இந்திய அமெரிக்கரே இதற்கு நல்ல உதாரணம். ஆனாலும், குந்தி இருக்கிற மரக்கிளையையே தறிக்கிற அளவுக்கு மோடி வாலாக்களின் வலது சாரித்தனம் புத்தியை மழுக்கி விட்டது!    

இங்கேயும் இப்படி ஒரு விசித்திர கூட்டம் தெற்காசியர்கள், கறுப்பர்கள் பிரெக்சிற்றுக்கு வோட் போட்டது.

கேட்டால் ரொமேனியன் களவெடுக்கிறான் என்பார்கள்... கிரெடிட் கார்ட் என்ற பதத்தையே கெட்ட வார்த்தை போல ஆக்கியவர்கள் தாம் என்பதை இலகுவாக மறந்து விட்டு

இன்னும் ஒருவர், அவரே தமிழ் பிரென்சு பிரஜை. குடும்பமாக இங்கே வர முடிந்ததே ஐரோப்பிய யூனியன் சட்டத்தால்தான். இருப்பதும் அரச உதவியில் (கையில் காசுக்கு வேலை செய்வது வேறு கணக்கு).

“வெளியிலதான் போகவேணும் தம்பி, இவங்கள் எல்லாம் வந்து இந்த நாட்டை சுரண்டிறாங்கள்” என்றாரே பார்க்கலாம் . 

Edited October 20 by goshan_che

[Justin 1,279]

53 minutes ago, goshan_che said:

இங்கேயும் இப்படி ஒரு விசித்திர கூட்டம் தெற்காசியர்கள், கறுப்பர்கள் பிரெக்சிற்றுக்கு வோட் போட்டது.

கேட்டால் ரொமேனியன் களவெடுக்கிறான் என்பார்கள்... கிரெடிட் கார்ட் என்ற பதத்தையே கெட்ட வார்த்தை போல ஆக்கியவர்கள் தாம் என்பதை இலகுவாக மறந்து விட்டு

இன்னும் ஒருவர், அவரே தமிழ் பிரென்சு பிரஜை. குடும்பமாக இங்கே வர முடிந்ததே ஐரோப்பிய யூனியன் சட்டத்தால்தான். இருப்பதும் அரச உதவியில் (கையில் காசுக்கு வேலை செய்வது வேறு கணக்கு).

“வெளியிலதான் போகவேணும் தம்பி, இவங்கள் எல்லாம் வந்து இந்த நாட்டை சுரண்டிறாங்கள்” என்றாரே பார்க்கலாம் . 

கோசான், இது பற்றி உதயகுமார் என்ற கள உறவின் முன்னைய பதிவில் அறிந்தேன். இது ஆசியக் குடியேறிகளிடையே இருக்கும் ஒரு பொதுவான குணமோ என்று நான் யோசிப்பதுண்டு. புதிய குடிவரவாளராக வரும் போது தளர்வான குடிவரவுக் கொள்கை, உதவித் தொகை (இது அமெரிக்காவில் இல்லை), இவையெல்லாம் அனுபவிப்பர். குடிமகனாக வந்த அடுத்த நாளே கொடி பிடிக்கும் தீவிர கன்சவேர்டிவாக மாறி விடுவர். (எல்லாக் குடியேறிகளும் bleeding liberals ஆக இருக்க வேண்டுமென்ற எதிர்பார்ப்பு இல்லை!) 

ஆனால், அமெரிக்காவில் இத்தகைய கடும் போக்குடையோர் மிகச்சிறுபான்மையான இந்திய/இலங்கைக் குடியேறிகளே என்பதையும் குறிப்பிட வேண்டும்!  

[goshan_che 1,903]

8 minutes ago, Justin said:

கோசான், இது பற்றி உதயகுமார் என்ற கள உறவின் முன்னைய பதிவில் அறிந்தேன். இது ஆசியக் குடியேறிகளிடையே இருக்கும் ஒரு பொதுவான குணமோ என்று நான் யோசிப்பதுண்டு. புதிய குடிவரவாளராக வரும் போது தளர்வான குடிவரவுக் கொள்கை, உதவித் தொகை (இது அமெரிக்காவில் இல்லை), இவையெல்லாம் அனுபவிப்பர். குடிமகனாக வந்த அடுத்த நாளே கொடி பிடிக்கும் தீவிர கன்சவேர்டிவாக மாறி விடுவர். (எல்லாக் குடியேறிகளும் bleeding liberals ஆக இருக்க வேண்டுமென்ற எதிர்பார்ப்பு இல்லை!) 

ஆனால், அமெரிக்காவில் இத்தகைய கடும் போக்குடையோர் மிகச்சிறுபான்மையான இந்திய/இலங்கைக் குடியேறிகளே என்பதையும் குறிப்பிட வேண்டும்!  

குறுகிய சுயலநல நோக்கு என நினக்கிறேன். குடிவரவை கட்டுபடுத்த வேண்டும் என்ற அரசியல் நிலைப்பாட்டில் இருப்பது அவரவர் விருப்பம். ஒரு முன்னாள் குடியேறி கூட அந்த நிலைபாட்டில் இருக்கலாம். ஆனால் இவர்கள் சொல்லும் காரணங்கள்தான் மோசமானதாக, இனவாத கலப்பில், ஏழ்மையில் இருப்போரே எல்லா பிரச்சனைக்கும் காராணம் என்ற தொனியில் இருக்கும்.

இந்த சிந்தனையுடையோர் இங்கேயும் குறைவானோரே எனவே நானும் நம்புகிறேன்.

 

 

[கிருபன் 3,975]

2 hours ago, goshan_che said:

இங்கேயும் இப்படி ஒரு விசித்திர கூட்டம் தெற்காசியர்கள், கறுப்பர்கள் பிரெக்சிற்றுக்கு வோட் போட்டது.

நானும் பிரெக்சிற்றுக்குத்தான் வோட் போட்டேன்.

டேவிட் கமரோன் தேவையில்லாமல் referendum வைத்ததற்கு எதிர்ப்பைக் காட்டவும், எப்பவும் “வெல்லாத பக்கம்” வோட் போடவேண்டும் என்ற “கொள்கை”க்காகவும், கிழக்கு ஐரோப்பியர் போனால் இலண்டனில் வீடு விலை குறையலாம் என்ற நம்பிக்கையும் காரணங்கள். ஆனால் கிடைத்தது பொரிஸ் ஜோன்சனும், ஜேக்கப் ரீஸ்மொக்கும்

மீசையில் மண்படக்கூடாது என்பதற்காக வேலைத்தளத்தில் ஜேக்கப் ரீஸ்மொக்தான் எனது அரசியல் ஆசான் என்று சொல்லிவைத்துள்ளேன் எங்கள் கம்பனியில் COO ஆக இருந்தவர் பொரிஸ் வெல்ல முக்கிய பங்காற்றியவர் என்பதால் சிலர் திருப்பி ஒன்றும் சொல்லவில்லை. ஆனால் ஒரு இந்திய நண்பர் “கார்டியன் வாசிக்கும் நீ எப்படி பிரெக்சிற்க்கு வோட் பண்ணினாய்” என்று அடிக்கடி சிரிப்புடன் கேட்பார்