லங்கா பிரிமியர் லீக் (LPL) கிரிக்கெட் போட்டிகள்

[nunavilan 3,545]

லங்கா பிரிமியர் லீக் (LPL) கிரிக்கெட் போட்டிகள்

யாழ் அணியில் 3 தமிழ் வீரர்கள்!!!!

 

 

[கிருபன் 4,094]

லங்கன் பிரிமியர் லீக் : ஸ்டாலியன்ஸ் அணியில் இணையும் மூன்று வீரர்கள்

லங்கன் பிரிமியர் லீக் : ஸ்டாலியன்ஸ் அணியில் இணையும் மூன்று வீரர்கள்

லங்கன் பிரிமியர் லீகில் விளையாடவுள்ள அணிகளில் ஒன்றான யாழ்ப்பாண ஸ்டாலியன்ஸ் அணியின் (Jaffna Stallions) அறிமுகம் மற்றும் ஊடகவியலாளர் சந்திப்பு இன்றையதினம் யாழ்ப்பாணத்தில் இடம்பெற்றுள்ளது.

யாழ்ப்பாணத்தில் உள்ள தனியார் விருந்தினர் விடுதி ஒன்றில் யாழ்ப்பாண ஸ்டாலியன்ஸ் அணியின் இணைப்பாளர் G.வாகிசேன் தலைமையில் குறித்த நிகழ்வு இடம்பெற்றுள்ளது.

இதன்போது யாழ் மாவட்டத்தில் இருந்து தெரிவு செய்யப்பட்ட மூன்று வீரர்களின் அறிமுகமும் இடம்பெற்றிருந்தது.

யாழ்.பரியோவான் கல்லூரி மற்றும் யாழ்.மத்திய கல்லூரியின் வீரர்களான வி.வியஸ்காந்த், தி.டினோஷன் மற்றும் க.கபில்ராஜ் ஆகியோரே அணியில் இடம்பிடித்துள்ளனர். 

இன்று இடம்பெற்ற குறித்த நிகழ்வில் யாழ் மாவட்ட மேலதிக அரசாங்க அதிபர் ம.பிரதீபன், யாழ் மாநகர சபை முதல்வர் இ.ஆனல்ட் , யாழ் கிரிக்கெட் சம்மேளன தலைவர் நிசாந்தன் உள்ளிட்டவர்கள் கலந்து கொண்டிருந்தமை குறிப்பிடத்தக்கது.

 

https://www.virakesari.lk/article/92965

 

[nunavilan 3,545]

ஒன்றான வெற்றி : எனும் தொனிப் பொருளில் LPL பாடல் அறிமுகம்

 

இலங்கை பிரிமியர் லீக் (LPL) கிரிக்கெட் சுற்றுத் தொடர் பாடலின் பின்னணியிலுள்ள தொனிப்பொருள் இலங்கைக்கு கொண்டு வரும் துடிப்பான கிரிக்கெட் சூழலை சுற்றி வருகிறது. இலங்கையர்களைப் பொறுத்தவரையில் கிரிக்கெட் என்பது களத்தில் உள்ள வீரர்களைப் பற்றியது மட்டுமல்லாமல் அசராமல் நீண்டகால மிகைப்படுத்தலால் களத்தில் போட்டியிடுவதற்கு வீரர்களுக்கு உற்சாகமளிக்கும் ரசிகர்களைப் பற்றியதாகும்.

LPL தொனிப் பொருள் பாடலை மற்றும் இசையை சரிகமா இசைக்குழுவுடன் இணைந்து இலங்கை பாப் இரட்டையர்களான பாத்திய மற்றும் சந்தூஷ் (BNS) ஆகியோர் தயாரித்து பாடியுள்ளனர். இந்த பாடலுக்கு இசையமைக்க கிரிஷன் ஈ மற்றும் சந்தூஷ் வீரமனும் இசையமைக்க உதவியமை குறிப்பிடத்தக்கது. உலகளவில் அங்கீகாரம் பெற்ற ADK உடன் இணைந்து தமிழ் வரிகளை றோய் ஜெக்சன் பாடியுள்ளதுடன் தமிழ் கவி வரிகளை கே.சி. பிரகாஷ் எழுதியுள்ளார். இந்த பாடலின் ஆங்கில வரிகளை ரந்தீர் விதான எழுதியுள்ளதுடன் இளம் பாடகரும் இசையமைப்பாளருமான ஷியாம் டீன் பாடியுள்ளார். இந்த பாடலின் சிங்கள கவி வரிகளை யொஹான் அபேகோன் எழுதியுள்ளமை குறிப்பிடத்தக்கது.

இலங்கை கிரிக்கெட்டின் பிரதித் தலைவரும் மற்றும் LPL போட்டித் தொடரின் பணிப்பாளருமான ரவீன் விக்ரமரத்ன கூறுகையில் BNS தனது இசையின் மூலம் இலங்கையில் கிரிக்கெட்டின் உணர்வை வெளிப்படுத்தும் ஒரு அற்புதமான வேலையை செய்துள்ளனர். ரசிகர்கள் இதனை விரும்புவார்கள் என்று நான் நம்புகிறேன். இந்த அழகான விளக்கக் காட்சிகள் மூலம் அவர்கள் பிரமாண்டமாக LPLஐ இணைப்பார்கள். என தெரிவித்தார்.

உலகளாவிய கிரிக்கெட்டில் எமக்கு சொந்தமான இலச்சினையான லங்கா பிரிமியர் லீக் தொனிப் பொருள் பாடலை இயற்றக் கிடைத்தமை எங்களுக்கு ஒரு மரியாதையாகும். இந்த தனித்துவமான அனுபவத்தை எமது நாடு முழுவதிற்கும் கொண்டுசெல்ல வாய்ப்பளித்த இலங்கை கிரிக்கெட் மற்றும் IPG நிறுவனத்திற்கும் எங்களது வாழ்த்துக்களைத் தெரிவித்துக் கொள்கிறோம். என BNS தெரிவித்தனர்.

துபாயை தளமாகக் கொண்ட விளம்பரத்தாரரான IPGஇன் பிரதம நிறைவேற்று அதிகாரியான அனில் மோஹன் கூறுகையில் LPL என்பது கிரிக்கெட்டை பற்றியது மட்டுமல்ல இது கலாச்சாரத்தைப் பற்றியது, இது இங்குள்ள மக்களைப் பற்றியும் அவர்களின் அற்புதமான உத்வேகத்தைப் பற்றியதாகும். LPL இன் அத்தியாவசிய அம்சங்களை சுருக்கமாக இணைக்கும் இந்த அற்புதமான கலவையைக் கொண்டு வந்ததற்கு BNSக்கு நான் மிகவும் நன்றி தெரிவித்துக் கொள்கிறேன். என தெரிவித்தார். லங்கா பிரிமியர் லீக் போட்டித் தொடரின் போட்டிகள் எதிர்வரும் நவம்பர் மாதம் 21ஆம் திகதி முதல் டிசெம்பர் 13ஆம் திகதி வரை ஹம்பாந்தோட்டை மஹிந்த ராஜபக்ஷ சர்வதேச விளையாட்டரங்கிலும் கண்டி பல்லேகெல விளையாட்;டரங்களிலும் இடம்பெறுவதற்கான ஏற்பாடுகள் செய்யப்பட்டுள்ளன.

கொழும்பு, கண்டி, காலி, தம்புள்ளை, மற்றும் யாழ்ப்பாணம் ஆகிய ஐந்து பகுதிகளிலிருந்து 15 அணிகள் 23 போட்டிகளில் ஈடுபடவுள்ளமை குறிப்பிடத்தக்கது.

எதிர்வரும் 21ஆம் திகதி நடைபெறவுள்ள ஆரம்பப் போட்டியில் கொழும்பு அணி தம்புல்லை அணியை எதிர்கொள்ளவுள்ளது. மாலை 3.30க்கு நடைபெறவுள்ள ஆரம்ப நிகழ்வின் பின்னர் இரவு 7.30 மணிக்கு போட்டி ஆரம்பமாகும். இறுதிப் போட்டி டிசெம்பர் 13ஆம் திகதி இத்தொடரின் இறுதிப்போட்டி நடைபெறுவதோடு இறுதி நிகழ்வுகள் டிசெம்பர் 14ஆம் திகதி நடைபெறவுள்ளமை குறிப்பிடத்தக்கது. லங்கா பிரிமியர் லீக் கிரிக்கெட் போட்டித் தொடரின் இரண்டு அரையிறுதிப் போட்டிகள் மற்றும் இறுதிப் போட்டிகள் கண்டியில் நடைபெறும். கிறிஸ் கெய்ல், சயிட் அப்ரிடி, வஹாப் ரியாஸ், ஷொயெப் மலிக், கார்லோஸ் ப்ரைத்வைட், சமித் படேல், லசித் மாலிங்க, ஏஞ்சலோ மெத்யூஸ், லியாம் பிளங்கெட் மற்றும் பலர் அடங்கிய உலக நட்சத்திரங்கள் 15 கிரிக்கெட் களியாட்டங்களில் பங்குபற்றுவார்கள்.

 

http://tamil.adaderana.lk/news.php?nid=135824

[nunavilan 3,545]

 

JAFFNA STALLIONS அணியில் நிகழ்ந்த அ தி ர டி மா ற் ற ம்.. அப்போ இந்த முறை கப் ஜெயிக்குறது ஜப்னா ஸ்டாலியன்ஸ் தான் என இரசிகர்கள் கொண்டாட்டம் !

விளையாட்டு

 

லங்கா பிரிமியர் லீக் தொடரானது எதிர்வரும் 26ஆம் திகதி ஆரம்பமாகவுள்ள நிலையில் ஜப்னா ஸ்டாலியன்ஸ் அணியில் இடம்பெற்ற பாகிஸ்தான் வீரரான ஆசிப் அலி மற்றும் இங்கிலாந்து வீரரான டேவிட் மாலன் ஆகியோர் தேசிய அணியின் தொடர்களில் விளையாடுவதன் அடிப்படையில் லங்கா பிரிமியர் லீக் தொடரிலிருந்து விலகினர். கடந்த மாதம் நடைபெற்ற லங்கா பிரிமியர் லீக் இருபதுக்கு இருபது தொடரின் ஏலத்தில் ஜப்னா ஸ்டாலியன்ஸ் அணியில் மூன்று பாகிஸ்தான் வீரர்கள் இடம்பெற்றிருந்தனர்.

சொஹைப் மலிக், உஸ்மான் ஷின்வாரி மற்றும் ஆசிப் அலி ஆகிய வீரர்கள் இடம்பெற்றிருந்தனர். இந்நிலையில் பாகிஸ்தான் வீரரான ஆசிப் அலி தொடரிலிருந்து விலகியுள்ளார்.

மேலும் இங்கிலாந்து வீரரான டேவிட் மாலன் தென்னாபிரிக்க அணியுடனான தொடரில் விளையாடவுள்ளதன் அடிப்படையில் லங்கா பிரிமியர் லீக் தொடரிலிருந்து விலகியுள்ளார்.

இந்நிலையில் இவர்கள் இருவருக்கும் மாற்று வீரர்கள் இணைக்கப்பட்டுள்ளதுடன் மேலதிகமாக இரண்டு வீரர்களுடன் சேர்ந்து மொத்தமாக 4 புதிய வெளிநாட்டு வீரர்கள் ஜப்னா ஸ்டாலியன்ஸ் அணியில் இணைக்கப்பட்டுள்ளனர்.

இங்கிலாந்து அணி வீரர்களான ரவி பொப்பாரா மற்றும் டொம் மொரிஸ், தென்னாபிரிக்க அணி வீரர்களான கெயல் அபோட் மற்றும் டுவைன் ஒலிவெர் ஆகிய 4 வீரர்கள் புதிதாக ஜப்னா ஸ்டாலியன்ஸ் குழாமில் இணைக்கப்பட்டுள்ளனர்.

இந்த மாற்றத்தை தொடர்ந்து ஜப்னா ஸ்டாலியன்ஸ் அணியின் பந்துவசிசு வரிசை மிகவும் பலப்படுத்தப்பட்டுள்ளதன் அடிப்படையில் ஸ்டாலியன்ஸ் அணி கிண்ணத்தை கைப்பற்றும் என இரசிகர்கள் நம்பிக்கை வெளியிட்டுள்ளனர்.

https://viral48post.com/?p=800&fbclid=IwAR3JlT_2kQHc9UxTbJZZpgpy3mppb8dj-l8wBD6vRTj0pshAHLuuoAGX0ac

[nunavilan 3,545]

LPL T20 - இலங்கையில் இர்பான் பதான்!

 

எல்பிஎல் போட்டியில் பங்கேற்பதற்காக இந்திய முன்னாள் வீரர் இர்பான் பதான் இலங்கைக்குச் சென்றுள்ளார்.

எல்பிஎல் (Lanka Premier League) எனப்படும் இலங்கை பிரீமியர் லீக் டி20 போட்டி, ஆகஸ்ட் 28 முதல் செப்டம்பர் 20 வரை நடைபெறும் என இலங்கை கிரிக்கெட் வாரியம் முதலில் அறிவித்தது. பிறகு கொரோனா தொடர்பான நிர்வாகக் காரணங்களால் போட்டியை ஒத்திவைத்தது.

இந்நிலையில் நவம்பர் 26 முதல் டிசம்பர் 16 வரை இலங்கை பிரீமியர் லீக் டி20 போட்டி நடைபெறவுள்ளது. இரு மைதானங்களில் நடைபெறவுள்ள இந்தப் போட்டியில் 21 நாள்களில் 23 ஆட்டங்கள் நடைபெறவுள்ளன.

கொழும்பு, கண்டி, காலி, தம்புள்ளை, யாழ்ப்பாணம் என ஐந்து அணிகள் இப்போட்டியில் பங்கேற்கின்றன.

கண்டி டஸ்கர்ஸ் அணியில் இடம்பெற்றுள்ள முன்னாள் வீரர் இர்பான் பதான், இலங்கைக்குச் சென்றுள்ளார். இத்தகவலை ட்விட்டரில் அவர் தெரிவித்துள்ளார். மன்ப்ரீத் கோனி, கொழும்பு கிங்ஸ் அணிக்காக விளையாடும் மற்றொரு இந்தியர்.

வீரர்கள் இரு பிசிஆர் சோதனைகளுக்கு உட்படுத்தப்படுவார்கள். விமான நிலையத்தில் ஒரு சோதனையும் விடுதிக்குள் செல்லும்போது மற்றொரு சோதனையும் நடத்தப்படும். 3 நாள்களுக்குத் தனிமைப்படுத்தப்படுவார்கள். பரிசோதனைகளின் முடிவுகள் வந்த பிறகு வீரர்கள் சுயமாகப் பயிற்சிகளை மேற்கொள்ளலாம். ஆறாவது நாளன்று மற்றொரு பரிசோதனை மேற்கொள்ளப்படும். இதில் கொரோனா இல்லை என்று உறுதியான பிறகு ஏழாவது நாளிலிருந்து பயிற்சிகளை மேற்கொள்ளலாம் என இலங்கை கிரிக்கெட் தலைமைச் செயல் அதிகாரி ஆஷ்லே டி சில்வா கூறியுள்ளார்.

http://tamil.adaderana.lk/news.php?nid=136630

[சுவைப்பிரியன் 812]

On 25/10/2020 at 21:41, கிருபன் said:

லங்கன் பிரிமியர் லீக் : ஸ்டாலியன்ஸ் அணியில் இணையும் மூன்று வீரர்கள்

லங்கன் பிரிமியர் லீக் : ஸ்டாலியன்ஸ் அணியில் இணையும் மூன்று வீரர்கள்

லங்கன் பிரிமியர் லீகில் விளையாடவுள்ள அணிகளில் ஒன்றான யாழ்ப்பாண ஸ்டாலியன்ஸ் அணியின் (Jaffna Stallions) அறிமுகம் மற்றும் ஊடகவியலாளர் சந்திப்பு இன்றையதினம் யாழ்ப்பாணத்தில் இடம்பெற்றுள்ளது.

யாழ்ப்பாணத்தில் உள்ள தனியார் விருந்தினர் விடுதி ஒன்றில் யாழ்ப்பாண ஸ்டாலியன்ஸ் அணியின் இணைப்பாளர் G.வாகிசேன் தலைமையில் குறித்த நிகழ்வு இடம்பெற்றுள்ளது.

இதன்போது யாழ் மாவட்டத்தில் இருந்து தெரிவு செய்யப்பட்ட மூன்று வீரர்களின் அறிமுகமும் இடம்பெற்றிருந்தது.

யாழ்.பரியோவான் கல்லூரி மற்றும் யாழ்.மத்திய கல்லூரியின் வீரர்களான வி.வியஸ்காந்த், தி.டினோஷன் மற்றும் க.கபில்ராஜ் ஆகியோரே அணியில் இடம்பிடித்துள்ளனர். 

இன்று இடம்பெற்ற குறித்த நிகழ்வில் யாழ் மாவட்ட மேலதிக அரசாங்க அதிபர் ம.பிரதீபன், யாழ் மாநகர சபை முதல்வர் இ.ஆனல்ட் , யாழ் கிரிக்கெட் சம்மேளன தலைவர் நிசாந்தன் உள்ளிட்டவர்கள் கலந்து கொண்டிருந்தமை குறிப்பிடத்தக்கது.

 

https://www.virakesari.lk/article/92965

 

அந்ந 3 வீரர்களுக்கு வாழ்த்துக்களும் அவர்களது பெற்றோர்களுக்கு பாராட்டுக்களும்.

[புரட்சிகர தமிழ்தேசியன் 2,405]

தமிழ் வீரர்களுக்கு வாழ்த்துக்கள் ..

[பையன்26 1,151]

இந்த‌ கிரிக்கேட் விதிமுறை ஜ‌பிஎல்ல‌ த‌விற‌ அவ‌ர்க‌ளின் நாட்டு வீர‌ர்க‌ள் ம‌ற்ற‌ நாட்டு ரீ20 தொட‌ர்க‌ளில் விளையாட‌க் கூடாது , 

கோனி ம‌ற்றும் இம்ரான் பார்த்தான் இவ‌ர்க‌ளுக்கு எப்ப‌டி அனும‌தி கிடைச்ச‌து , இவ‌ர்க‌ள் இர‌ண்டு பேரும் இந்தியா அணிக்காக‌ விளையாடின‌வ‌ர்க‌ள்

[ஈழப்பிரியன் 2,815]

KT

219/3

CK

(20 ov, target 220)

219/7

Colombo King Won in Super Over.

Just now, ஈழப்பிரியன் said:

KT

219/3

CK

(20 ov, target 220)

219/7

Colombo King Won in Super Over.

 

KT

219/3

CK

(20 ov, target 220)

219/7

Colombo King Won in Super Over

[nunavilan 3,545]

 

 

LPL களத்தில் கிளிநொச்சி எக்ஸ்பிரஸ்: முயற்சி திருவினையாக்கும் என நிரூபித்த விஜயராஜ்

எழுத்தாளர் Bella Dalima    

•  

Colombo (News 1st) மக்களின் துயர் துடைப்பதற்காகவே ‘மக்கள் சக்தி இல்லங்கள் தோறும்’ செயற்றிட்டம் முன்னெடுக்கப்படுகிறது.

அந்தப் பயணத்தின் போது இலைமறை காயாக இருக்கும் திறமை வாய்ந்தவர்கள் அடையாளம் காணப்படுவது வழமை.

அவ்வாறு அடையாளம் காணப்பட்ட செபஸ்தியான்பிள்ளை விஜயராஜின் கதையே இது.

மக்கள் சக்தி இல்லங்கள் தொறும் செயற்றிட்டத்தின் மூலம் விஜயராஜ் அடையாளம் காணப்பட்டார்.

கிளிநொச்சியில் சுட்டெரிக்கும் வெயிலுக்கு மத்தியில் தகரங்களால் ஆன ஆறரை அடி அறைக்குள் கிரிக்கெட் போட்டியை ஆர்வத்துடன் பார்த்துக்கொண்டிருந்த ஒருவரை அன்று மக்கள் சக்தி குழுவினர் சந்தித்தனர்.

நான் போட்டியின் ஓட்ட விபரத்தை அறிவதற்காக அங்கே சென்றேன். விஜயராஜ் மலிங்கவின் பந்துவீச்சை ஆவலுடன் பார்த்துக்கொண்டிருந்தார். கிரிக்கெட் உங்களுக்கு மிகவும் பிடிக்குமா, என்று நான் அவரிடம் கேட்டேன். அப்போது தன்னாலும் வேகமாக பந்து வீச முடியும் என்று அவர் கூறினார்

என அன்றைய நிகழ்வை நினைவுகூர்ந்தார் சதுரங்க ராஜபக்ஸ. மக்கள் சக்தி குழுவினருடன் சதுரங்க ராஜபக்ஸவும் அங்கு சென்றிருந்தார்.

கிளிநொச்சியில் தாம் வாழுமிடத்தில் கிரிக்கெட் விளையாடுவதிலும் பந்து வீசுவதிலும் அலாதிப் பிரியம் கொண்டவராக இருந்தார் விஜயராஜ்.

2017 ஆம் ஆண்டு ஆகஸ்ட் 3 ஆம் திகதி விஜயராஜின் பந்துவீச்சை முதல் தடவையாக மக்கள் சக்தி குழுவினர் பார்த்தனர்.

அதனை அடுத்து நியூஸ்ஃபெஸ்டின் சிரேஷ்ட முகாமைத்துவத்தின் அழைப்பிற்கு அமைய, விஜயராஜ் கொழும்பிற்கு அழைத்துவரப்பட்டார்.

மக்கள் சக்தியூடாக நியூஸ்ஃபெஸ்டினால் அடையாளம் காணப்பட்டதன் பின்னர், முக்கிய கழகங்களில் இந்த வீரர் பயிற்சியினைப் பெற்ற போதிலும் சவால்களை எதிர்கொள்வதற்கும் தயாராகவே இருந்தார்.

சவால்களை முறியடித்து வெற்றிக்காக முன்னேறிக்கொண்டிருந்த விஜயராஜ், கடந்த கொரோனா முடக்க காலப்பகுதியில் தமது பந்துவீச்சு ஆற்றலை மேம்படுத்தும் நோக்கில் கொழும்பில் தாம் தங்கியிருந்த அறையிலேயே பயிற்சிகளையும் மேற்கொண்டார்.

கிளிநொச்சியில் சுட்டெரிக்கும் வெயிலில் வெறும் தரையில் பந்து வீசிய ‘கிளிநொச்சி எக்ஸ்பிரஸ்’ எனப்படும் விஜயராஜிற்கு LPL கிரிக்கெட் தொடரில் ஜஃப்னா ஸ்டாலியன்ஸ் (Jaffna Stallions) குழாத்தில் விளையாடும் அரிய வாய்ப்புக் கிட்டியது.

சர்வதேச தரத்திற்கு உயரும் முயற்சியின் முதற்கட்டமாகவே LPL களம் காண்கின்றார் விஜயராஜ்.

அன்று தொலைக்காட்சியில் கிரிக்கெட் போட்டியைப் பார்த்துக்கொண்டிருந்த விஜயராஜ் இன்று சர்வதேச கிரிக்கெட் வீரர்களுடன் போட்டியிடத் தயாராகி வருகின்றார்.

திசர பெரேரா, சொஹைப் மாலிக், அவிஷ்க பெர்னாண்டோ, தனஞ்சய டி சில்வா, சுரங்க லக்மால், பினுர பெர்னாண்டோ, கைல் அபொட், மினோத் பானுக்க, சரித் அசலங்க உள்ளிட்ட வீரர்களுடன் மக்கள் சக்தியின் விஜயராஜ் ஜஃப்னா ஸ்டாலியன்ஸ் குழாத்தில் இடம்பெற்றுள்ளார்.

இதேவேளை, இந்தக் குழாத்தில் யாழ். மாவட்ட வீரர்களான தெய்வேந்திரம் டினோஷன், கனகரத்தினம் கபில்ராஜ், விஜயகாந்த் வியாஷ்கான் ஆகியோரும் ஜஃப்னா ஸ்டாலியன்ஸ் குழாத்தில் இடம்பெற்றுள்ளமை குறிப்பிடத்தக்கது.

முயற்சி திருவினையாக்கும் என்பதை மக்கள் சக்தியின் விஜயராஜ் நிகழ்காலத்தில் நிரூபித்துள்ளார்.

https://www.newsfirst.lk/tamil/2020/11/27/lpl-களத்தில்-கிளிநொச்சி-எக்/?fbclid=IwAR1o4eya09BwsM-NXXYPFzk1ZSNpb_soM9lHwe3-Vi2wMymibMvN2SLq8bE

[nunavilan 3,545]

லங்கா பிரீமியர் லீக் – 4 புள்ளிகளோடு முதலிடத்தில் கொழும்பு கிங்ஸ் அணி!

     by : Dhackshala

http://athavannews.com/wp-content/uploads/2020/11/ANDRE-50-runs-scaled-1-720x450.jpg

லங்கா பிரீமியர் லீக் தொடரில் நேற்று இரவு இடம்பெற்ற போட்டியில் கொழும்பு கிங்ஸ் அணி 34 ஓட்டங்களினால் வெற்றி பெற்றது.

ஹம்பாந்தோட்டை சூரியவௌ மஹிந்த ராஜபக்ஷ மைதானத்தில் நடைபெற்ற இப்போட்டியில், கொழும்பு கிங்ஸ் மற்றும் காலி கிளேடியேடர்ஸ் ஆகிய அணிகள் பலப்பரீட்சை நடத்தின.

மழைக் காரணமாக 5 ஓவர்களுக்கு மட்டுப்படுத்தப்பட்ட இந்தப் போட்டியில், நாணய சுழற்சியில் வெற்றி பெற்ற காலி க்ளேடியேடர்ஸ் அணி, களத்தடுப்பை தெரிவு செய்தது.

இதன்படி முதலில் துடுப்பெடுத்தாடிய கொழும்பு கிங்ஸ் அணி 5 ஓவர்கள் நிறைவில் 1 விக்கெட்டினை இழந்து 96 ஓட்டங்களை பெற்றுக்கொண்டது.

இதனையடுத்து, 97 என்ற வெற்றி இலக்கோடு துடுப்பெடுத்தாடிய காலி அணி 5 ஓவர்கள் நிறைவில் 2 விக்கெட்டுக்களை இழந்து, 62 ஓட்டங்களை மாத்திமே பெற்றுக்கொண்டது.

இதனையடுத்து, கொழும்பு கிங்ஸ் அணி 34 ஓட்டங்களினால் வெற்றி பெற்றது.

இந்த வெற்றியின் மூலம் கொழும்பு கிங்ஸ் அணி புள்ளிப்பட்டியலில் 4 புள்ளிகளோடு முதலிடத்தில் உள்ளமை குறிப்பிடத்தக்கது.

லங்கா பிரீமியர் லீக் – 4 புள்ளிகளோடு முதலிடத்தில் கொழும்பு கிங்ஸ் அணி! | Athavan News

[Eppothum Thamizhan 316]

TEAM M W L T N/R PT NRR JAFFNA STALLIONS 2 2 0 0 0 4 1.8 2 COLOMBO KINGS 2 2 0 0 0 4 1.36 3 KANDY TUSKERS 3 1 2 0 0 2 0.423 4 DAMBULLA VIIKING 2 1 1 0 0 2 -2.09 5 GALLE GLADIATORS 3 0 3 0 0 0 -1.45

[தமிழ் சிறி 13,770]

யாழ் அணி.... 185 / 8.
அச்சுவேலி  பெரேரா...  68 ஓட்டம். 
மானிப்பாய் சில்வா... 65 ஓட்டம்.   

[உடையார் 2,699]

மத்தியூஸின் ஆட்டமிழப்பை யாழ்ப்பாண அணிக்கு பிறந்தநாள் விருந்தாக கொடுத்த வியாஸ்காந்த்!

 

யாழ்ப்பாண ஸ்டாலியன்ஸ் அணிக்கும், கொழும்பு கிங்க்ஸ் அணிக்கும் இடையில் இன்று(4) இடம்பெற்று முடிந்த எல்.பி.எல் போட்டியில் கொழும்பு கிங்க்ஸ் அணி 6 விக்கெட்டுக்கள் வித்தியாசத்தில் வெற்றி பெற்றது.

இந்தப் போட்டியில் யாழ்ப்பாண அணி சார்பாக அறிமுகமாகியிருந்தார் வியாஸ்காந்த். அவருக்கு நாளை(5) 19 ஆவது பிறந்தநாள்.

இன்றைய(4) போட்டியில் வலதுகை சுழற்பந்து வீச்சாளராக அவருக்கு நான்கு ஓவர்கள் வீசுவதற்கு வாய்ப்பளிக்கப்பட்டது. அந்த வகையில், தனது சுழல்பந்து வீச்சின் மூலம் கொழும்பு கிங்க்ஸ் அணியின் தலைவர் அஞ்சலோ மத்தியூஸை பிடி கொடுக்கச் செய்து ஆட்டமிழக்க வைத்தார்.

மேலும் தனக்கு கொடுக்கப்பட்ட நான்கு ஓவர்களில் மொத்தமாக 29 ரன்களை எதிரணிக்கு கொடுத்திருந்தார்.

இவை மட்டுமன்றி, துடுப்பாட்டத்திலும் சிறப்பான ஆட்டத்தை வெளிக்காட்டினார். கடைசி ஓவரில் கடைசி விக்கெட்டுக்காக இறங்கி, அன்றூ ரஸலின் பந்து வீச்சுக்கு தைரியமாக முகம் கொடுத்து தன் பங்குக்கு 3 ஓட்டங்களை அணிக்குப் பெற்றுக் கொடுத்தமையும் குறிப்பிடத்தக்கது.

 

https://newuthayan.com/மத்தியூஸின்-ஆட்டமிழப்பை/

கொழும்பிடம் வீழ்ந்தது யாழ்ப்பாணம் அணி!

 

லங்கா பிரீமியர் லீக் (எல்பிஎல்) தொடரின் 11வது போட்டியில் இன்று (04) யாழ்ப்பாணம் ஸ்ராலியன்ஸ் – கொழும்பு கிங்ஸ் அணிகள் மோதியிருந்தன.

இந்தப் போட்டியில் யாழ்ப்பாணத்தை 148 ஓட்டங்களுக்குள் சுறுட்டிய கொழும்பு 6 விக்கெட்களினால் வெற்றி பெற்றுள்ளது.

போட்டியில் முதலில் ஆடிய யாழ்ப்பாணம் அணி 20 ஓவர்கள் நிறைவில் 9 விக்கெட்களை இழந்து 148 ஓட்டங்களை பெற்றுக்கொண்டது.

அணிசார்பில் அதிகபட்சம் வனிது ஹசரங்க (41), அவிஷ்க பெர்னாண்டோ (26) ஓட்டங்களை பெற்றிருந்தனர். இதேவேளை இன்று அறிமுகமான விஜயகாந் விஜாஸ்காந்த் (3*) ஓட்டங்களை பெற்றார். பந்துவீச்சில் கைஸ் அஹமட் (24/3), அஞ்சலோ மத்தியூஸ் (27/2) விக்கெட்களை வீழ்த்தினர்.

வெற்றியிலக்கை நோக்கி ஆடிய கொழும்பு 19.2 ஓவர்களில் 4 விக்கெட்களை இழந்து வெற்றியை தமதாக்கினர். அணிசார்பில் அதிகபட்சம் தினேஷ் சந்திமால் 51 பந்துகளில் (68*), அன்ரு ரசல் (32) ஓட்டங்களை பெற்றனர். பந்துவீச்சில் வனிது ஹசரங்க (23/2) விக்கெட்களை கைப்பற்றினார்.

அத்துடன் வி.விஜாயஸ்காந்த் (29/1) விக்கெட்டை வீழ்த்தினார். இவரது இந்த விக்கெட் சிக்ஸசராக மாறுவதற்காக எல்லைக் கோட்டினை நெருங்கியவேளை அங்கு நின்றிருந்த சொஹைப் மலிக், பந்தை எல்லை கோட்டினை தாண்ட விடாமல் தடுத்து, வெளியே சென்று மீள உள்ளே வந்து அற்புதமாக பிடியெடுப்பு செய்து அஞ்சலோ மத்தியூஸின் விக்கெட்டை வீழ்த்த காரணமாக இருந்தார்.

• 

  https://newuthayan.com/யாழ்ப்பாணத்தை-148-ஓட்டங்கள/

   

[nunavilan 3,545]

கொழும்பு கிங்ஸை வீழ்த்தி கோல் க்ளடியேட்டர்ஸ் இறுதி போட்டிக்கு

 

எல்.பி.எல். முதலாவது அரையிறுதி போட்டியில் கோல் க்ளடியேட்டர்ஸ் அணி வெற்றி பெற்று இறுதி போட்டிக்கு தெரிவாகியுள்ளது.

கோல் க்ளடியேட்டர்ஸ் அணிக்கும், கொழும்பு கிங்ஸ் அணிக்குமான எல்.பி.எல். முதலாவது அரையிறுதி போட்டி இன்று ஹம்பாந்தோட்டை சர்வதேச கிரிக்கெட் விளையாட்டரங்கில் நடைபெற்றது.

நாணய சுழற்சியை வென்ற கோல் க்ளடியேட்டர்ஸ் அணி முதலில் பந்துவீச தீர்மானித்தது.

அதனடிப்படையில் முதலில் களமிறங்கிய கொழும்பு கிங்ஸ் அணி 20 ஓவர்கள் நிறைவில் 9 விக்கெட்களை இழந்து 150 ஓட்டங்களை பெற்றுக்கொண்டது.

முதலில் துடுப்பெடுத்தாடிய கொழும்பு கிங்ஸ் அணி சார்ப்பில் டேனியல் ட்ரமன்ட் 70 ஓட்டங்களை பெற்றுக்கொண்டார்.

பதிலுக்கு துடுப்பெடுத்தாடிய கோல் க்ளடியேட்டர்ஸ் அணி 19.5 ஓவர்கள் நிறைவில் 8 விக்கெட்களை இழந்து 151 ஓட்டங்களை பெற்று போட்டியில் வெற்றி பெற்றது.

அதனடிப்படையில் முதலாவது அணியாக கோல் க்ளடியேட்டர்ஸ் அணி இறுதி போட்டிக்கு தெரிவாகியுள்ளது.

நாளைய தினம் இரண்டாவது அரையிறுதி போட்டி ஜெப்னா ஸ்டாலியன் மற்றும் தம்புள்ள வைக்கிங் அணிகளுக்கு இடையில் இடம்பெறவுள்ளது

கொழும்பு கிங்ஸை வீழ்த்தி கோல் க்ளடியேட்டர்ஸ் இறுதி போட்டிக்கு (adaderana.lk)

[உடையார் 2,699]

வென்றது யாழ்ப்பாணம்; நுழைந்தது இறுதிப் போட்டிக்குள்

 

லங்கா பிரீமியர் லீக் (எல்பிஎல்) தொடரின் இரண்டாவது அரையிறுதி ஆட்டத்தில் இன்று (14) யாழ்ப்பாணம் ஸ்ராலியன்ஸ் – தம்புள்ளை வைகிங் அணிகள் மோதியிருந்தன.

இப்போட்டியில் 37 ஓட்டங்களினால் தம்புள்ளைை வெற்றி கொண்ட யாழ்ப்பாணம் அணி இறுதிப் போட்டிக்குள் நுழைந்துள்ளது. இதன்படி யாழ்ப்பாணம் – காலி அணிகள் இறுதியாட்டத்தில் மோதவுள்ளன.

போட்டியில் தம்புள்ளை அணிக்கு எதிராக முதலில் ஆடிய யாழ்ப்பாணம் அணி ஓட்டங்களை பெறுவதில் தடுமாறிய நிலையில் ஜோன்ஸ்ரன் சார்லஸின் அதிரடி ஆட்டத் துணையுடன் 20 ஓவர்களில் 9 விக்கெட்களை இழந்து 165 ஓட்டங்களை பெற்று, ஓரளவுக்கு பலமான இலக்கை நிர்ணயித்தது.

துடுப்பாட்டத்தில் ஜோன்ஸ்ரன் சார்லஸ் 56 பந்துகளில் (76), அவிஸ்க பெர்னாண்டோ (39) ஓட்டங்களை பெற்றனர். பந்துவீச்சில் மலிந்த புஸ்பகுமார (24/2) விக்கெட்களை வீழ்த்தினார்.

வெற்றியிலக்கை நோக்கி ஆடிய தம்புள்ளை அணி 19.1 ஓவரில் 128 ஓட்டங்களை பெற்று சகல விக்கெட்களையும் இழந்தது. துடுப்பாட்டத்தில் உபுல் தரங்க (33), ரமேஷ் மென்டிஸ் (26) ஓட்டங்களை பெற்றனர். பந்துவீச்சில் வனிது ஹசரங்க (15/3), சத்துரங்க டி சில்வா (0/1) விக்கெட்களை வீழ்த்தினர்.

• 
• 

• 

   

  https://newuthayan.com/யாழ்ப்பாணம்-தடுமாறுகிறத/

[உடையார் 2,699]

 

லங்கா பிரீமியர் லீக் கிண்ணம் யாழ்ப்பாணம் ஸ்ராலியன்ஸ் வசமானது

 

லங்கா பிரீமியர் லீக் இருபதுக்கு இருபது தொடரில் யாழ்ப்பாணம் ஸ்ராலியன்ஸ் அணி வெற்றிக் கிண்ணத்தைக் கைப்பற்றியுள்ளது.

இறுதிப் போட்டியில் காலி கிளாடியேற்றர்ஸ் மற்றும் யாழ்ப்பாணம் ஸ்ராலியன்ஸ் அணிகள் மோதியிருந்தன.

இந்தப் போட்டியில் நாணய சுழற்சியில் வெற்றிபெற்று முதலில் துடுப்பெடுத்தாடிய யாழ்ப்பாண அணி நிர்ணயிக்கப்பட்ட 20 ஓவர்கள் நிறைவில் ஆறு விக்கெட்டுகள் இழப்பிற்கு 188 ஓட்டங்களைப் பெற்றுக்கொண்டது.

அணிசார்பாக, சொய்ப் மலிக் 46 ஓட்டங்களையும், திசர பெரேரா ஆட்டமிழக்காமல் 39 ஓட்டங்களையும் தனஞ்சய டி சில்வா 33 ஓட்டங்களையும் பெற்றுக்கொண்டனர். பந்து வீச்சில் தனஞ்சய லக்சன் மூன்று விக்கெட்டுகளைக் கைப்பற்றினார்.

189 ஓட்டங்களை வெற்றியிலக்காகக் கொண்டு துடுப்பெடுத்தாடிய காலி அணி நிர்ணயிக்கப்பட்ட 20 ஓவர்கள் நிறைவில் ஒன்பது விக்கெட்டுகளை இழந்து 135 ஓட்டங்களைப் பெற்றுக்கொண்டது. இந்நிலையில் 53 ஓட்டங்களால் காலி அணி தோல்வியடைந்தது.

அணிசார்பாக, பானுக ராஜபக்ச 40 ஓட்டங்களையும் அசம் கான் 36 ஓட்டங்களையும் அதிகபட்சமாகப் பெற்றுக்கொண்டனர்.

பந்துவீச்சில், உஸ்மன் சின்வாரி மற்றும் சொய்ப் மலிக் ஆகியோர் தலா இரண்டு விக்கெட்டுகளைக் கைப்பற்றினர்.

போட்டியின் சிறப்பாட்டக்காரராக சொஹைப் மாலிக்கும், தொடரின் சிறந்த வீரராக வனிந்து ஹசரங்கவும் தெரிவாகினர்.

 

 

https://thinakkural.lk/article/98575

[பையன்26 1,151]

பின‌ல் விளையாட்டை பார்த்தேன் , விளையாட்டை ம‌கிந்தாவும் அவ‌னின் ம‌னைவியும் நேரில் வ‌ந்த‌தை தொலைக் காட்சியில் காட்டிச்சின‌ம் அப்ப‌டியே விளையாட்டை பார்ப்ப‌த‌ நிறுத்தி விட்டேன் , ஏனோ தெரிய‌ல‌ ம‌கிந்தான்ட‌ மூஞ்சைய‌ பார்த்தாலே வெறுப்புட‌ன் கூடிய‌ கோவ‌மும் வ‌ருது

[புலவர் 352]

Published:Today at 11 AMUpdated:Today at 11 AM

தமிழர்களை முன்னிலைப்படுத்திய ஜாஃப்னா அணி கோப்பையை வென்றது எப்படி!? #LPL2020

உ.ஸ்ரீ

LPL 2020 ( twitter.com/LPLT20 )

தமிழர்கள் வாழும் பகுதிகளில் எத்தனையோ திறமையான விளையாட்டு வீரர்கள் இருந்தும் அவர்கள் யாரும் பெரும்பாலும் வெளியுலகுக்கு அடையாளப்பட்டிருக்கவே மாட்டார்கள். அதை மாற்றி எழுதும் பொருட்டு, ஒரு ஈழத்தமிழ் வீரர் இந்த LPL-ல் ஒட்டுமொத்த உலகின் கவனத்தையும் ஈர்த்தார்.

நவம்பர் 26-ம் தேதி இலங்கையில் தொடங்கிய லங்கா ப்ரீமியர் லீகின் இறுதிப்போட்டியில் தமிழர்கள் வாழும் யாழ்ப்பாணத்தை மையமாக கொண்ட ஜாஃப்னா ஸ்டாலியன்ஸ் அணி சாம்பியன் பட்டத்தை வென்றிருக்கிறது.

கிரிக்கெட் விளையாடப்படும் எல்லா நாடுகளுமே தங்களுக்கென ஒரு ப்ரீமியர் லீக் போட்டிகளை ஆரம்பித்துவிட்டனர். ஐபிஎல், பிபிஎல் வரிசையில் இலங்கை கிரிக்கெட் வாரியமும் தங்களுக்கென ஒரு ப்ரீமியர் லீகை தொடங்கிவிட வேண்டும் என நீண்ட காலமாக முயற்சி செய்து வந்தது. 2012 ஆம் ஸ்ரீலங்கா ப்ரீமியர் லீக் என ஐபிஎல் போன்றே தொடங்கப்பட்டது. ஆனால், இது அவ்வளவு வெற்றிகரமாக அமையவில்லை. பொருளாதார காரணங்களால் SPL ஒரே சீசனோடு கைவிடப்பட்டது. இதன்பிறகு, ஆசியாவில் பாகிஸ்தான், பங்களாதேஷ் நாடுகள் கூட ப்ரீமியர் லீக் போட்டிகளை தொடங்கிவிட்டன. ஆனால், இலங்கையால் தங்களுக்கென ப்ரீமியர் லீகைத் தொடங்க முடியாமலேயே இருந்தது. கிட்டத்தட்ட 8 வருடங்களுக்கு பிறகு, மீண்டும் ப்ரீமியர் லீகைத் தொடங்குவதற்கான முயற்சிகள் எடுக்கப்பட்டு, இந்த ஆண்டு லங்கா ப்ரீமியர் லீக் அறிமுகப்படுத்தப்பட்டது. இதற்கிடையேதான் கொரோனா தொற்று வேகமெடுத்து எல்லாமும் முடங்க, லங்கா ப்ரீமியர் லீகுக்கும் ஏகப்பட்ட தடங்கல்கள் உண்டானது. ஏற்கெனவே குறிப்பிட்ட தேதிகள் தள்ளிவைக்கப்பட்டது, முக்கிய வீரர்களின் விலகல், க்வாரன்டீனிலிருந்த வீரர்களுக்கு கொரோனா என LPL-ஐ தொடங்குவதற்கு முன்பாகவே ஆயிரத்தெட்டு பிரச்சனைகள் எழுந்தன. எல்லாவற்றையும் தாண்டி ஒரு வழியாக LPL-லும் தொடங்கிவிட்டது.

 

LPL 2020 twitter.com/LPLT20

காலே, கண்டி, கொழும்பு, தம்புலா ஆகிய நகரங்களை மையப்படுத்திய அணிகளோடு தமிழர்கள் வாழும் வடகிழக்கு பகுதிகளை பிரதிநிதித்துவப்படுத்தும் வகையில் யாழ்ப்பாணத்தை மையமாகக் கொண்டு ஜாஃப்னா ஸ்டாலியன்ஸ் அணி உருவாக்கப்பட்டது. இதுவே மிகப்பெரிய முன்னெடுப்பாக பார்க்கப்பட்டது.

இலங்கை தேசிய அணியில் தமிழர்களுக்கு முறையாக இடம் அளிக்கப்படாத நிலையில் ஐபிஎல் போன்று தொடங்கப்படும் ஒரு ப்ரீமியர் லீகில் தமிழர்கள் வாழும் பகுதியை மையப்படுத்தி ஒரு அணி இருந்தது, உலகெங்கும் வாழும் இலங்கை தமிழர்களிடையே பெரும் வரவேற்பை பெற்றது. மேலும், இந்த அணியில் வடகிழக்கு பகுதியிலிருந்து மூன்று தமிழ் வீரர்களும் இடம்பெற்றிருந்தனர். தமிழகத்தை சேர்ந்த முன்னாள் வீரர் ஹேமங் பதானியும் ஜாஃப்னா அணியின் பயிற்சியாளர் குழுவில் இடம்பெற்றிருந்தார். கேப்டனாக திசாரா பெராரா நியமிக்கப்பட்டிருந்தார்.

 

ஒவ்வொரு அணியும் மற்ற நான்கு அணிகளோடும் தலா 2 போட்டிகளில் ஆட வேண்டும். லீக் போட்டிகளின் முடிவில் கடைசி இடத்தை பிடிக்கும் அணி வெளியேற்றப்பட்டு முதல் 4 அணிகள் அரையிறுதுக்கு தகுதிப்பெறும் வகையில் போட்டி முறை வடிவமைக்கப்பட்டிருந்தது.

கொழும்பு கிங்ஸுக்கும் கண்டி டஸ்கர்ஸுக்கும் நடைபெற்ற முதல் லீக் போட்டியே சூப்பர் ஓவர் வரை சென்றதால் லங்கா ப்ரீமியர் லீக் கிரிக்கெட் ரசிகர்களிடையே பெருத்த கவனத்தை பெற்றது.

லீக் போட்டிகள் முடிவில் 4 போட்டிகளை வென்றிருந்த ஜாஃப்னா அணி புள்ளிப்பட்டியலில் மூன்றாம் இடம் வகித்தது. அரையிறுதியில் தம்புலாவை 37 ரன்கள் வித்தியாசத்தில் வீழ்த்திவிட காலே க்ளாடியேட்டர்ஸுக்கு எதிரான இறுதிப்போட்டியில் ஆட ஜாஃப்னா தகுதிப்பெற்றது. இறுதிப்போட்டியில் சோயிப் மாலிக், டி சில்வா, பெராரா ஆகியோர் பொறுப்பாக ஆட அணியின் ஸ்கோர் 188 ஆனது. 189 ரன்கள் எடுத்தால் வெற்றி என்ற நிலையில் காலே க்ளாடியேட்டர்ஸால் 135 ரன்கள் மட்டுமே எடுக்க முடிந்தது. லங்கா ப்ரீமியர் லீகின் அறிமுக சீசனின் சாம்பியன் பட்டத்தை ஜாஃப்னா அணி கைப்பற்றியது. தொடர்நாயகன் விருது 17 விக்கெட்டுகளை வீழ்த்திய ஜாஃப்னா அணியின் வீரர் ஹசரங்காவுக்கு வழங்கப்பட்டது.

 

LPL 2020 twitter.com/jaffnalpl

ஜாஃப்னா அணியை பொறுத்தவரை தொடக்கமே பட்டாசாகத்தான் இருந்தது. முதல் 4 போட்டிகளில் நான்கையும் வென்று கெத்துக்காட்டியது ஜாஃப்னா. அவிஷ்கா ஃபெர்னாண்டோ, சோயிப் மாலிக், டி சில்வா, சார்லஸ், பெராரா என அணியின் எல்லா பேட்ஸ்மேன்களுமே நல்ல ஃபார்மில் இருந்தனர். குறிப்பாக, கேப்டன் திசாரா பெராராவை நீண்ட நாட்களுக்குப் பிறகு அதே அதிரடி சூறாவளியாக பார்க்க முடிந்தது. காலே அணிக்கு எதிராக 44 பந்துகளில் 8 பவுண்டரி 7 சிக்சர்களுடன் 97 ரன்கள் எடுத்து மிரட்டியிருப்பார்.

 

அதேபோட்டியில் பௌலிங்கில் 2 விக்கெட்டுகளையும் எடுத்து அட்டகாசப்படுத்தியிருப்பார். இந்தத் தொடர் முழுவதுமே இறுதிப்போட்டி உட்பட பல போட்டிகளில் திசாரா பெராரா தனது அதிரடியால் அணிக்கு பெரும் பக்கப்பலமாக இருந்தார். இறுதிப்போட்டியில் காலே க்ளாடியேட்டர்ஸுக்கு எதிராக கடைசிக்கட்டத்தில் இவர் 14 பந்துகளில் அடித்த 39 ரன்கள்தான் அணியின் ஸ்கோரை 188 ஆக உயர்த்துவதற்கு காரணமாக அமைந்தது. அதேமாதிரி, பௌலிங்கில் லெக் ஸ்பின்னர் வனிது ஹசரங்கா பெரிய துருப்புச்சீட்டாக இருந்தார். ஜாஃப்னா அணி ஆடிய 10 போட்டிகளிலும் ஹசரங்கா விக்கெட் வீழ்த்தியிருக்கிறார். குறிப்பாக, அரையிறுதியில் தம்புலா வைக்கிங்குக்கு எதிராக 15 ரன்களை மட்டுமே கொடுத்து 3 விக்கெட்களை வீழ்த்தியது மேட்ச் வின்னிங் ஸ்பெல்லாக அமைந்தது. மேலும், இறுதிப்போட்டியில் 4 ஓவர்கள் வீசி 18 ரன்கள் மட்டுமே கொடுத்து 1 விக்கெட் வீழ்த்தியதும் குறிப்பிடத்தக்கது. ஒட்டுமொத்த தொடரிலேயே ஹசரங்காவின் எக்கானமி மட்டும்தான் 6-க்கு கீழே இருந்தது.

 

விஜாஸ்காந்த் விஜய்காந்த் | LPL 2020 twitter.com/jaffnalpl

ஜாஃப்னா அணியின் வீரர்கள் ஒட்டுமொத்தமாக சிறப்பாக செயல்பட்டது, சாம்பியன் பட்டத்தை வென்றது என எல்லாவற்றையும் கடந்து இந்த லங்கா ப்ரீமியர் லீகும் ஜாஃப்னா அணியும் வேறு சில அற்புதங்களையும் செய்துள்ளனர். தமிழர்கள் வாழும் பகுதிகளில் எத்தனையோ திறமையான விளையாட்டு வீரர்கள் இருந்தும் அவர்கள் யாரும் பெரும்பாலும் வெளியுலகுக்கு அடையாளப்பட்டிருக்கவே மாட்டார்கள். ஏனெனில், இலங்கையின் தேசிய அணிகளில் இவர்களுக்கு ஒரு இடம் கூட கிடைக்காது. அதை மாற்றி எழுதும் பொருட்டு, ஒரு ஈழத்தமிழ் வீரர் இந்த LPL-ல் ஒட்டுமொத்த உலகின் கவனத்தையும் ஈர்த்தார்.

 

ஜாஃப்னா அணியின் கேப்டன் திசாரா பெராரா, 'ஒரு சில போட்டிகளை வென்ற பிறகு, பெஞ்ச்சில் இருக்கும் வீரர்களுக்கு வாய்ப்பு கொடுப்போம்' சீசன் தொடக்கத்திலேயே பேசியிருந்தார். அதேபோல முதல் 4 போட்டிகளையும் ஜாஃப்னா அணி வெல்ல பெஞ்சில் இருக்கும் வீரர்களுக்கு வாய்ப்பை கொடுத்தார் பெராரா. இப்படித்தான் அணிக்குள் வந்தார் ஈழத்தமிழரான விஜாஸ்காந்த் விஜய்காந்த். ஒரு விளையாட்டுப் போட்டியில் பங்கேற்று தொலைக்காட்சியில் தோன்றிய முதல் யாழ்ப்பாணத் தமிழர் இவர்தான்.

 

LPL 2020 twitter.com/LPLT20

கொழும்பு அணிக்கு எதிராக இவர் ஆடிய போட்டியில் 4 ஓவர்களை வீசி 29 ரன்களை கொடுத்து கொழும்பு அணியின் கேப்டன் மேத்யூஸின் விக்கெட்டை வீழ்த்தினார். லெக்ஸ்பின்னரான இவர் ரஸலுக்கு எதிராக வீசிய 4 பந்துகளில் ஒரு சிங்கிள் மட்டுமே கொடுத்து ஆச்சர்யப்படுத்தினார். விஜாஸை ஒட்டுமொத்த கிரிக்கெட் உலகமுமே அரவணைத்து பாராட்டியது. விக்கெட் பறிகொடுத்த மேத்யூஸே விஜாஸை வாழ்த்தி ட்விட்டர் பதிவை வெளியிட்டிருந்தார். விஜாஸ் பந்து வீசும் போது இலங்கை அணி வீரரும் சக ஜாஃப்னா வீரருமான ஹசரங்கா விஜாஸுக்கு அவ்வளவு அக்கறையாக அறிவுரைகளை கொடுத்து உற்சாகப்படுத்திக் கொண்டிருந்தார். இதுதான் லங்கா ப்ரீமியர் லீக் செய்த மிகப்பெரும் அற்புதம்.

 

ஜாஃப்னா அணி கோப்பையை வென்றதும், "ஜாஃப்னாவின் இந்த வெற்றி கிரிக்கெட்டில் மட்டுமல்ல, நம்முடைய தேசத்திலும் மிகப்பெரிய தாக்கத்தை ஏற்படுத்தும்" என மஹேலா ஜெயவர்த்தனே டீவிட் செய்திருந்தார். உண்மைதான், போரில் துன்புற்று புறக்கணிக்கப்பட்ட மக்களிலிருந்து எழுந்து வரும் வீரரை கைதூக்கி விட்டு அரவணைத்திருக்கிறது லங்கா ப்ரீமியர் லீக். தமிழர்கள் வாழும் பகுதியை மையப்படுத்திய ஒரு அணி இறுதிப்போட்டியில் வெல்ல வேண்டும் என இலங்கையின் பல பகுதிகளிலிருந்து சிங்கள ரசிகர்களும் கூட ஆர்வமாக போட்டியை காணும்படி செய்திருக்கிறது. இத்தனை ஆண்டு கால அரசியலாலும் அரசியல்வாதிகளாலும் ஏற்படுத்த முடியாத சிங்கள-தமிழர் ஒற்றுமையுணர்வை இந்த LPL-லும் ஜாஃப்னா அணியும் ஏற்படுத்தியிருக்கிறது. இதுதான் ஸ்போர்ட்ஸின் சக்தி..!

 

LPL 2020 twitter.com/LPLT20

ஜாஃப்னா அணி கோப்பையை வென்றதை அடுத்து அந்த அணியின் உரிமையாளர்கள் தமிழர்கள் வாழும் வடகிழக்கு பகுதிகளில் கிரிக்கெட்டை வளர்க்கும் விதத்தில் பயிற்சி மையங்களையும் மைதானங்களையும் உருவாக்கப்போவதாக அறிவித்திருக்கின்றனர். மேலும், அடுத்த சீசனில் இதே வடகிழக்கு பகுதியிலிருந்து இன்னொரு அணியும் உருவாக்கப்பட இருப்பதாகவும் தகவல்கள் வருகின்றன. அப்படி, நடந்தால் இன்னும் அதிகமான ஈழத்தமிழ் வீரர்கள் வெளிச்சம் பெறுவார்கள்.

வாழ்த்துக்கள் ஜாஃப்னா!

விகடன் பரிந்துரைக்கும் மற்ற கட்டுரைகள்...

•  
  

  அதிர்ச்சி, அவமானம், அசிங்கம்... கோலியா, ரவி சாஸ்திரியா... பிரச்னை யாரிடம்?! #AUSvIND

•  
  

  ஆத்திரங்கள் வருகிறது மக்களே... கோலி அண்ட் கோ-வின் பரிதாபக்கதைகள்! #AUSvIND

•  
  

  வஞ்சிக்கப்பட்டாரா முகமது அமீர்... ஸ்விங் மன்னனின் எழுச்சியும் வீழ்ச்சியும்! #Amir

•  
  

  கிங் கோலிக்கு வில்லனாய் வந்த ரஹானே... அடிலெய்ட் டெஸ்ட்டின் முதல் நாள் எப்படியிருந்தது?! #AUSvIND

•  
  

  பிங்க் பால், பகலிரவு டெஸ்ட், கிங் கோலி 74... அடிலெய்ட் டெஸ்ட்டின் முதல் நாள் மொமன்ட்ஸ்! #AUSvIND

•  
  

  சூப்பர் ஸ்மித்தா, கிங் கோலியா... அடிலெய்ட் பிங்க் டெஸ்ட்டில் என்ன ஸ்பெஷல்? #AUSvIND

 

•  

[nunavilan 3,545]

 

Jaffna Stallions அணியில் இடம்பிடித்த வட மாகாண வீரர்களுக்கு யாழில் உற்சாக வரவேற்பு