திருமாவளவன் மன்னிப்பு கேட்க வேண்டும்: குஷ்பு

[கிருபன்]

திருமாவளவன் மன்னிப்பு கேட்க வேண்டும்: குஷ்பு

மின்னம்பலம்

 

விடுதலைச் சிறுத்தைகள் கட்சித் தலைவர் திருமாவளவன் மனுதர்மத்தை மேற்கோள் காட்டுவதாக கூறி அனைத்து பெண்களையும் இழிவுபடுத்தி விட்டதாக பாஜகவைச் சேர்ந்த நடிகை குஷ்பு கண்டனம் தெரிவித்துள்ளார்.

அண்மையில் பெரியார் வலைக்காட்சியின் கருத்தரங்கில் கலந்து கொண்டு பேசிய விடுதலை சிறுத்தைகள் கட்சி தலைவர் தொல் திருமாவளவன், "மனு தர்மத்தின் படி அனைத்து பெண்களும் கீழானவர்கள். அனைத்து பெண்களும் பரத்தையர் களாகவே படைக்கப்பட்டவர்கள். அவர்கள் பிராமண பெண்களாக இருந்தாலும் சரி கீழ்நிலை சாதிகளைச் சேர்ந்த பெண்களாக இருந்தாலும் சரி, மனு தர்மத்தின் படி அனைத்து பெண்களும் விபச்சாரிகள் என்ற அளவிலேயே பார்க்கப்படுகிறார்கள்" என்று பேசியிருந்தார்.

இந்த பேச்சு சமூக வலைதளங்களில் வீடியோவாக பரவியது. சமூகத்தளங்களில் இந்து அமைப்பினரும் வலதுசாரி சிந்தனை வாதிகளும் திருமாவளவனுக்கு கடும் கண்டனம் தெரிவித்து வருகிறார்கள்.

இந்த நிலையில் இன்று (அக்டோபர் 23 ) பாஜக தலைமை அலுவலகத்தில் செய்தியாளரை சந்தித்து நடிகை குஷ்பு,

 

"திருமாவளவன் மனு தர்மத்தைப் பற்றி தவறாக புரிந்து கொண்டு பேசுகிறார். அனைத்துப் பெண்களையும் கேவலப் படுத்தியுள்ளார். இதை திமுகவின் தலைவர் ,காங்கிரஸின் தலைவர் ஆகியோர் தட்டிக் கேட்க மாட்டார்களா? நான் காங்கிரசில் இருந்து விலகி பாஜகவில் சேர்ந்த போது நடிகை என கேவலப்படுத்தினார் காங்கிரஸ் தலைவர். நான் திமுகவிலும் இருந்திருக்கிறேன். அங்கே பெண்களுக்கு என்ன பாதுகாப்பு என்று எனக்கு தெரியும்.

திமுக, காங்கிரஸ் தலைவர்கள் திருமாவளவனை கண்டிப்பார்களா? கூட்டணி கட்சி தலைவர் என்று விட்டு விடுவார்களா? இந்த பிரச்சனை அரசியல், கட்சி இவற்றை எல்லாம் அப்பாற்பட்டு பெண்களுக்கு மரியாதை அளிப்பது தொடர்பானது. இந்த சர்ச்சையை திசை திருப்பும் விதமாக மனுதர்மம் எரிப்பு போராட்டத்தை திருமாவளவன் நடத்துகிறார்.

திருமாவளவன் தன் கருத்துக்கு மன்னிப்பு கேட்க வேண்டும். இல்லையென்றால் அடுத்த கட்ட முடிவு பற்றி நான் பிறகு தெரிவிப்பேன்" என்றார் குஷ்பு.

நீங்கள் மனுதர்மம் படித்துவிட்டீர்களா என்று செய்தியாளர்கள் கேட்டபோது நீங்கள் படித்துள்ளீர்களா என்று திருப்பிக் கேட்ட குஷ்பூ மனு தர்மத்தைப் பற்றி தவறாகப் புரிந்துகொண்டு திருமாவளவன் பேசிக் கொண்டிருக்கிறார் என்றும் குறிப்பிட்டார்.

 

https://minnambalam.com/politics/2020/10/23/35/kushboo-demand-apology-thirumavalavan-manudharma-women

[Nathamuni]

குஸ்பக்காவுக்கு தேவையில்லாத வேலை.🙄

[புரட்சிகர தமிழ்தேசியன்]

தேர்தல் வருகுது .. ஏதாவது குண்டக்க மண்டக்க கதைத்து கொண்டு இருந்தால்தான் ஊடகத்தில் பேர் வரும் ..இல்லை என்டா சனம் மறந்து போகும் .அரசியலில் இருப்பு முக்கியம் அல்லோ ..😊

[குமாரசாமி]

1 hour ago, Nathamuni said:

குஸ்பக்காவுக்கு தேவையில்லாத வேலை.🙄

அவ எப்பதான் தேவையான வேலை பாத்திருக்கிறாவு.....? 😎

[Nathamuni]

1 hour ago, குமாரசாமி said:

அவ எப்பதான் தேவையான வேலை பாத்திருக்கிறாவு.....? 😎

முந்தாநாத்து கட்டுமரம். நேத்து கை. இன்று தாமரை.

கட்சியை மாத்தினாலும், கட்டிக்கிட்டவரை மாத்தாதவரை ஓகேதான். 😎

[சுவைப்பிரியன்]

ஏதோ ஒன்டை மாத்த வேணும்.அது தான் மாத்துறா.

[குமாரசாமி]

2 hours ago, சுவைப்பிரியன் said:

ஏதோ ஒன்டை மாத்த வேணும்.அது தான் மாத்துறா.

யூ மீன் ஓடி ஆடி வேலை செய்த உடம்பு சும்மா இருக்காது...?