Jump to content
  • advertisement_alt
  • advertisement_alt
  • advertisement_alt

கதவைத் திறக்கும் புதுடெல்லி


Recommended Posts

  • கருத்துக்கள உறவுகள்

கதவைத் திறக்கும் புதுடெல்லி

என்.கண்ணன்

  •  “தமிழ்த்தேசியக்கூட்டமைப்பிற்கானஇந்தியாவின்கதவுதிறப்பதற்குசீனாவும்தமிழகமும்அடிப்படையாகஅமைகின்றன”
  • “13ஆவது திருத்தச்சட்ட விடயத்தில் இந்தியா அழுத்தம் கொடுக்குமோ என்ற அச்சம் ஆட்சியாளர்களுக்கும், சிங்கள, பௌத்ததேசியவாதசக்திகளுக்கும்மேலோங்கி வருவதால், அதற்கு மாற்றான நகர்வாக சீனாவின் பக்கம் சாயமுனைகின்றனர்”

spacer.png

செப்ரெம்பர் 26ஆம் திகதி பிரதமர் மஹிந்தராஜபக்ஷதலைமையிலான குழுவினருடன் நடத்தியதை போன்றதொரு, மெய்நிகர் கலந்துரையாடலை, தமிழ்த் தேசியக் கூட்டமைப்புடன் நடத்துவதற்கு இந்தியா தயாராகி வருவதாக கூறப்படுகிறது. இந்தியத் தரப்பில் இருந்து தமிழ்த் தேசியக் கூட்டமைப்புக்கு இதுகுறித்த அழைப்பு விடுக்கப்பட்டுள்ளது என்பதை உறுதிப்படுத்தியிருக்கிறார் இரா.சம்பந்தன்.

அத்துடன், பேச்சுக்களுக்கான ஏற்பாடுகளை கொழும்பில் உள்ள இந்திய தூதரக அதிகாரிகள் மேற்கொண்டு வருகின்றனர் என்றும் அவர் கூறியிருக்கிறார். இந்த பேச்சுக்களுக்கான அழைப்பு புதுடெல்லியில் இருந்து தான் விடுக்கப்பட்டிருக்கிறது என்பது தான் கவனிக்கப்பட வேண்டிய விடயம்.

இந்தியப் பிரதமர் நரேந்திர மோடி இரண்டாவது தடவையாக கொழும்புக்கு வந்திருந்தபோது, தமிழ்த் தேசியக் கூட்டமைப்பை புதுடெல்லிக்கு வருமாறு அழைப்பு விடுத்திருந்தார். அதற்குப் பின்னர், பல்வேறுசந்தர்ப்பங்களில் புதுடெல்லிக்கு பயணம் செய்து இந்தியப் பிரதமர் மோடியுடன் கலந்துரையாடுவதற்கு தமிழ்த் தேசியக் கூட்டமைப்பு முயன்றது. கடந்த நவம்பர் மாதம் ஆட்சி மாற்றம் ஏற்பட்ட பின்னரும் கூட, கூட்டமைப்பு தீவிரமான முயற்சிகளை மேற்கொண்டது. அதற்கு சாதகமான பதில் கிடைப்பதற்குள்ளாகவே, கொரோனா தொற்று பரவல் ஏற்பட்டு விட்டது.

இதனால், கிட்டத்தட்ட எல்லா இராஜதந்திர முயற்சிகள்,  பேச்சுக்களும், குழம்பின. அதற்கு தமிழ்த் தேசியக் கூட்டமைப்பும் விதிவிலக்காக இருக்கவில்லை. கடந்த சில ஆண்டுகளாகவே, புதுடெல்லிக்கு செல்வதற்கு கூட்டமைப்பு மேற்கொண்ட முயற்சி வெற்றியளிக்கவில்லை என்பதே உண்மை. இப்போது திடீரென புதுடெல்லியின் பக்கத்தில் இருந்தே  கதவு திறந்து விடப்பட்டிருக்கிறது. இந்தியா இவ்வாறு கதவைத் திறந்திருப்பதற்கு இரண்டு விதமான காரணங்களை ஊகிக்க முடிகிறது.

முதலாவது- சீனா என்ற காரணி. இரண்டாவது தமிழகம்என்றகாரணி. இந்த இரண்டும், இந்திய மத்திய அரசுக்கு முக்கியமானவை.

இந்த இரண்டையும் கையாளுவதற்கான ஒரு தரப்பாக தமிழர் தரப்பை - குறிப்பாக தமிழ்த் தேசியக் கூட்டமைப்பை புதுடெல்லி தெரிவு செய்திருப்பதாகவே தெரிகிறது. அண்மைக்காலத்தில்தோன்றியஇரண்டுநகர்வுகளுக்குப் பின்னர், கொழும்பு கிட்டத்தட்ட புதுடெல்லிக்கு எதிரான நிலைப்பாட்டில் இருப்பது போல் தோன்றுகிறது. முதலாவது, பிரதமர் மஹிந்தராஜபக்ஷவுடனான மெய்நிகர் பேச்சுக்களில், இந்தியப் பிரதமர் நரேந்திர மோடி 13 ஆவது திருத்தச் சட்டத்தை நடைமுறைப்படுத்துமாறு வலியுறுத்தியது.

இரண்டாவது, சீன உயர்மட்டக் குழு கொழும்பு வந்து பேச்சுக்களை நடத்தியது.

இந்த இரண்டு விடயங்களுக்கும் பின்னர், இந்தியா  தொடர்பான கொழும்பின் நிலைப்பாட்டில் மாற்றங்கள் தென்படுகின்றன. 13 ஆவது திருத்தச் சட்டத்தை நடைமுறைப்படுத்துமாறு இந்தியப் பிரதமர் கூறியதை, அரசாங்கத்தில் அங்கம் வகிக்கும் அமைச்சர்களோ,  அல்லது சிங்கள பௌத்த தேசியவாத சக்திகளோ பெரும்பாலும் விரும்பவில்லை. அவர்கள் இதனை தங்கள் மீதான ஒரு தலையீடாக,  நாட்டின் இறைமையின் மீதான தலையீடாகவே பார்க்கிறார்கள். அவர்கள் இந்த விடயத்தில் இந்தியா சொல்வதை கேட்கும் நிலையில் இல்லை. 

அதனை வெளிப்படையாக எதிர்க்கிறார்கள் அல்லது ஒரு காதால் கேட்டு மறுகாதால், வெளியே விட்டுவிட்டு போகும் நிலைப்பாட்டில் இருக்கிறார்கள். 13ஆவது திருத்தச்சட்ட விடயத்தில் இந்தியா அழுத்தம் கொடுக்குமோ என்ற அச்சம் அவர்களுக்கு மேலோங்கி வருவதால், அதற்கு மாற்றான ஒரு நகர்வாக சீனாவின் பக்கம் சாய முனைந்தனர். அதுபோல,  அண்மையில் சீனாவில் இருந்து வந்த உயர்மட்ட குழு இலங்கை அரசாங்கத்துடன் நடத்தியிருக்கும் பேச்சுக்கள் மற்றும் எட்டப்பட்டுள்ள இணக்கப்பாடுகள், உறுதியளிக்கப்பட்டுள்ளஉதவிகள் என்பன, கொழும்பைஇந்தியாவின் பக்கத்தில் இருந்து சற்று நகர வைத்திருக்கின்றது,

இந்தியாவுக்கே முதலிடம்என்று கடந்த பல மாதங்களாக கூறிக் கொண்டிருந்த அரசாங்கத்திடம் இருந்து, சீனக் குழு வந்து சென்ற பின்னர், அவ்வாறான கருத்துக்கள் வெளியாவதை காண முடியவில்லை. இந்த அசைவு மாற்றங்களை இந்தியா உன்னிப்பாக அவதானித்துவருகிறது. அதனால் தான்,அதற்குமாற்றான நகர்வுகளை முன்னெடுக்கமுனைகிறது. தமிழ்த் தேசியக் கூட்டமைப்புக்கு விடுக்கப்பட்டுள்ள அழைப்பையும்கூட, இதன் ஒரு கட்டமாககுறிப்பிடலாம்.

தமிழ்த் தேசியக் கூட்டமைப்புடன் எப்போது, என்னனென்ன விடயங்கள் பேசப்படப் போகின்றன என்பது இந்தப் பத்தி எழுதப்படும் வரையில் உறுதியாகாவிடினும், 13 ஆவது திருத்த விவகாரம் அதில் முக்கிய பேசுபொருளாக இருக்கும் என்பதில் சந்தேகம் இல்லை. அதற்கு முக்கியமாக இரண்டு காரணங்கள் உள்ளன.

ஒன்று,  13 ஆவது திருத்தச் சட்டத்தை இல்லாமல் ஒழிக்கின்ற நகர்வுகள்கொழும்பில்தீவிரமாக முன்னெடுக்கப்படுகின்றன. இவ்வாறான நிலையில், அதனைப் பாதுகாக்க வேண்டும் என்று தமிழ்த் தேசியக் கூட்டமைப்பு உள்ளிட்ட தரப்புகள் இந்தியாவிடம் கோரிக்கைகளை முன்வைத்திருக்கின்றன. எனவே இந்த விவகாரம், பேச்சில் தவிர்க்கப்பட முடியாததாகவே இருக்கும். அதுபோல, இந்தியாவுக்கும் “13” முக்கியமானது. ஏனென்றால், இலங்கைத் தமிழர் பிரச்சினைக்கு “13” தான் தீர்வு என்றும்,அந்ததீர்வை, பெற்றுக் கொடுத்திருப்பதாகவும் இந்தியா நம்புகிறது. அல்லது தன்னைச் சுற்றியிருப்பவர்களை நம்ப வைக்கிறது.

அந்த 13ஆவது திருத்தம், இலங்கைஅரசியலமைப்பில்இருந்து பிடுங்கியெடுக்கப்படுமானால், இந்தியாவின் தீர்வு என்னஎன்றகேள்விஎழும் அது, “13” இற்கு அப்பாலும் செல்ல வேண்டிய நிலையையும்கூட உருவாக்கி விடலாம். இதனால்,இப்போதைக்கு எல்லோரது வாயையும் அடைப்பதற்கு இந்தியாவுக்கு “13” தேவைப்படுகிறது. எனவே, இந்த விவகாரத்தை மையப்படுத்தியே பேச்சுக்கள் அமைவது தவிர்க்க முடியாததாக  இருக்கும்.

இனி, இந்தியாஏன், கூட்டமைப்புடன் பேச அவசரப்படுகிறது என்பதற்கான இரண்டாவது காரணத்தைப்பார்க்கலாம். தமிழகத்தில் அடுத்த ஆண்டு சட்டசபைத் தேர்தல் நடக்கப் போகிறது. அதற்கான தயார்படுத்தல்கள் ஏற்கனவே தொடங்கி விட்டன.

அ.தி.மு.க. கூட்டணியில் பா.ஜ.க. தேர்தலை சந்திக்க தயாராகி வருகிறது. இந்தமுறை எப்படியாவது தமிழகத்தில் காலூன்றி விட வேண்டும் என்பதில் பிரதமர்மோடியின் அரசாங்கம் உறுதியாக இருக்கிறது. அதற்கான வீட்டு வேலைகள், ஆட்களை இழுக்கும் வேலைகள் ஏற்கனவே தொடங்கப்பட்டு விட்டன. இவ்வாறான நிலையில், தமிழகத்தில் எப்போதும் உணர்வுபூர்வமான விடயமாக இருக்கும் ஈழத் தமிழர் பிரச்சினையை கையில் எடுக்கத்திட்டமிடுகிறதுமோடிஅரசாங்கம். இலங்கைத்தமிழர்களுக்கு மோடி அரசாங்கம் என்னஉதவிகளைவழங்கியிருக்கிறதுஎன்பதை விளக்கும் ஒரு குறும்படம்தயாரிக்கப்பட்டுள்ளது.அது பிரசாரத்துக்காக பயன்படத்தப்படவுள்ளது.

2009 இறுதிப் போரில் காங்கிரசும், தி.மு.க.வும் தமிழர்களின்அழிவுகளை வேடிக்கை பார்த்தன, அதில் பங்காளிகளாக இருந்தன என்ற குற்றச்சாட்டு இருந்து வருகிறது. அதனைப் புதுப்பித்து, ஈழத்தமிழர் ஆதரவு மற்றும்அனுதாப அலையை தம்பக்கம் திருப்ப பா.ஜ.க அரசு முற்படுகிறது. அதற்கும் கூட, தமிழ்த் தேசியக் கூட்டமைப்புடனான சந்திப்பு கை கொடுக்கும். இந்த சந்திப்பு எப்படி, எந்தச் சூழலில் நடந்தாலும், அது தமிழ் மக்களுக்கு சாதகமானதாக இருக்குமோ- இல்லையோ, இந்தியாவுக்குஅதன் நலன்களை பாதுகாப்பதற்குஉதவும்என்பதில்சந்தேகமில்லை.

https://www.virakesari.lk/article/92923

 

Link to post
Share on other sites
  • கருத்துக்கள உறவுகள்

 

15 hours ago, கிருபன் said:

இலங்கைத்தமிழர்களுக்கு மோடி அரசாங்கம் என்னஉதவிகளைவழங்கியிருக்கிறதுஎன்பதை விளக்கும் ஒரு குறும்படம்தயாரிக்கப்பட்டுள்ளது.அது பிரசாரத்துக்காக பயன்படத்தப்படவுள்ளது.

ஆ நல்லது அடுத்த தைப்பொங்கலுக்கு அல்லது தீபாவளிகா வெளியில வருது?. 

15 hours ago, கிருபன் said:

இதனால்,இப்போதைக்கு எல்லோரது வாயையும் அடைப்பதற்கு இந்தியாவுக்கு “13” தேவைப்படுகிறது.

மோடியார் யாழ் வந்தபோது அவர் முதலமைச்சருடன் அதிக நேரம் ஒதுக்கப்படாமல் இருக்குமாறு பார்த்துக்கொண்டார்கள். இதே மோடியாருக்கு தமிழரின் தேவைகள் பற்றி விலாவாரியாக விண்ணப்பத்தையும்  முதலமைச்சர் கொடுத்த படம் வந்திருந்தது. இது நடந்து கனகாலம். இப்ப பழையபடி வேதாளம் .....

15 hours ago, கிருபன் said:

இந்த சந்திப்பு எப்படி, எந்தச் சூழலில் நடந்தாலும், அது தமிழ் மக்களுக்கு சாதகமானதாக இருக்குமோ- இல்லையோ, இந்தியாவுக்குஅதன் நலன்களை பாதுகாப்பதற்குஉதவும்என்பதில்சந்தேகமில்லை.

தமிழ் மக்களுக்கு ஒன்றும் வராமல் சிங்களமும் எங்கள் தலைமைகளும்  பார்த்துக்கொள்வார்கள். இந்தியாவின் நலனுக்கு ஒன்றும் சாதகமாக வராமல் சிங்களமும் சீனாவும் பார்த்துக்கொள்ளும். எங்கள் இனம்  பழைய மெதுவான மூங்கில் சித்திரவதை (Slow Bamboo Torture) பாணியில் மெதுவான அஸ்தமனத்தை நோக்கி நகரும்.

From the book Journey from Madras to Bombay (page 296) - ..a punishment well known in Ceylon to impale a criminal on a bamboo thus growing, which speedily makes its way through the body

https://books.google.com.au/books?id=7HMeAQAAIAAJ&pg=PA293&redir_esc=y&hl=en#v=onepage&q=bamboo&f=false

 

 

 

Link to post
Share on other sites
  • கருத்துக்கள உறவுகள்
16 hours ago, கிருபன் said:

செப்ரெம்பர் 26ஆம் திகதி பிரதமர் மஹிந்தராஜபக்ஷதலைமையிலான குழுவினருடன் நடத்தியதை போன்றதொரு, மெய்நிகர் கலந்துரையாடலை, தமிழ்த் தேசியக் கூட்டமைப்புடன் நடத்துவதற்கு இந்தியா தயாராகி வருவதாக கூறப்படுகிறது. இந்தியத் தரப்பில் இருந்து தமிழ்த் தேசியக் கூட்டமைப்புக்கு இதுகுறித்த அழைப்பு விடுக்கப்பட்டுள்ளது என்பதை உறுதிப்படுத்தியிருக்கிறார் இரா.சம்பந்தன்.

பேச்சு வார்த்தைக்குப் போவதாக இருந்தால் முந்திரிக் கொட்டை மாதிரி முன்னுக்குப் போகாமல் மற்றைய தமிழ்கட்சிகளையும் கூட்டிக் கொண்டு போகவேண்டும்.

Link to post
Share on other sites
  • கருத்துக்கள உறவுகள்
1 hour ago, ஈழப்பிரியன் said:

பேச்சு வார்த்தைக்குப் போவதாக இருந்தால் முந்திரிக் கொட்டை மாதிரி முன்னுக்குப் போகாமல் மற்றைய தமிழ்கட்சிகளையும் கூட்டிக் கொண்டு போகவேண்டும்.

டெல்லி வாலாக்கள் உண்மையான ஆர்வத்துடன் வருகினம் எண்டு நம்புறீங்களா?

இலங்கை தீவீல, இனபேதமில்லாமல், அணைவருமே உறுதியா நம்பும் ஒரே விசயம், இந்த டெல்லிக்காரர்களை நம்ப ஏலாது எண்டது தான்.

இவர்களுக்கு உண்மையான ஆர்வம் இல்லை, சும்மா புளுடா விடுவினம் அப்பப்ப என்று தானே, சிங்களவரும், சீனாக்காரரோடு, இவ்வளவு தூரம்.... அன்னியோன்யமா பழகுறான்.

எனக்கெண்டா, நம்ம பிரச்சணைப் பந்து இந்தியாவிடம் இல்லை. சீனாவிக்கும், அமேரிக்காவுக்கும் இடையில மாட்டிவிட்டது.

பொம்பியோ வந்து போக ஓரளவு தெரியும்.

ஜோ பிடன் வந்தா, இந்தியா உள்ள வரக்கூடிய நிலையில், வேற மாதிரி போகலாம்.

  • Like 2
Link to post
Share on other sites
  • கருத்துக்கள உறவுகள்

கதவை தயவு செய்து மூடிவிடுங்கள், உடல் நலத்திற்கு கேடு, நல்ல காத்தில்லை

சும்மா அடிக்கடி பூச்சாண்டி காட்டிக்கிட்டு, கிந்திய கொள்கை வகுப்பாளர்கள் மாறும் வரை ஒன்றுமே நடவாது, சிங்களத்துக்கு தெரியும் அவர்களின் பலவீனங்கள்

  • Like 2
Link to post
Share on other sites
  • கருத்துக்கள உறவுகள்
30 minutes ago, உடையார் said:

கதவை தயவு செய்து மூடிவிடுங்கள், உடல் நலத்திற்கு கேடு, நல்ல காத்தில்லை

சும்மா அடிக்கடி பூச்சாண்டி காட்டிக்கிட்டு, கிந்திய கொள்கை வகுப்பாளர்கள் மாறும் வரை ஒன்றுமே நடவாது, சிங்களத்துக்கு தெரியும் அவர்களின் பலவீனங்கள்

கொள்கையும் இல்லை, நாட்டுப்பற்றும் இல்லை.

தலைக்கு மேலே வெள்ளம் போக விட்டு பிறகு ஓடிப் பிடிக்க வெளிக்கிடுறது தான் இவயட வேலை.

இது தானே நேபால் கதை. இது தான் பூட்டான் கதை.... இது தான் மாலதீவு கதை.

இது தான் இலங்கை கதையும்.

  • Like 1
Link to post
Share on other sites
  • கருத்துக்கள உறவுகள்

இந்தியாவை நம்பி இன்னொரு முள்ளிவாய்க்காலுக்கு.......😏

 

மிக மோசமான போலித் தோற்றமொன்றை ஏற்படுத்த இப் போலி ஊடகங்கள் முனைகின்றன ☹️

இந்தியா எங்களுக்கு கதவைத் திறக்க வேண்டியதில்லை. எங்களைத்தேடி இந்தியா வரட்டும். 😡

அதற்கு முள்ளந்தண்டுள்ள, சுய புத்தியுள்ள அரசியல்வாதிகள் எமக்கு இருந்தாலே போதும் 😡

****

Edited by நியானி
அநாகரீகமான சொல்லாடல்
Link to post
Share on other sites
  • கருத்துக்கள உறவுகள்
43 minutes ago, Kapithan said:

மிக மோசமான போலித் தோற்றமொன்றை ஏற்படுத்த இப் போலி ஊடகங்கள் முனைகின்றன ☹️

இதை தான் பல தமிழ் ஊடகங்களில் காண்கிறோம்.ஓர் வசன செய்தியை ஆய்வு என்ற பெயரில் சீன, தமிழகம், சிங்களம், தமிழ் அரசியவாதிகள் என்ற பாத்திரங்களை இணைத்து எப்படி நீட்டுவது என்பதில் தான் இவர்களின் நிபுணத்துவம். இவர்கள் உண்மையான ஆய்வாளர்கள் என்றால் இதுவ்ரை இந்தியாவின் அணுகுமுறைகள் பற்றிய ஒரு ஆழ்ந்த ஆராய்ச்சி செய்து எழுதட்டும், அதை விடுத்தது பத்திரிகை பக்கங்களை நிரப்ப இதிகாசம் புனைவது தான் இவர்களின் வேலை.  

Link to post
Share on other sites
  • கருத்துக்கள உறவுகள்

வீரகேசரி மேல அப்படி கதை புனைய இவர் இப்ப இப்படி கதை விடுகிறார். சுத்த கோமாளிகள் 

"தமிழ்த் தேசியக் கூட்டமைப்புக்கும் இந்திய அரசுக்கும் இடையிலான பேச்சு தாமதமாகலாம் என்று தெரியவருகின்றது."

 

Link to post
Share on other sites
  • கருத்துக்கள உறவுகள்

கூட்டமைப்புத் தலைவர் சம்பந்தனுடன் இந்தியத் தூதுவர் கோபால் பாக்லே சந்திப்பு

 
sam-ihc.600.png
 51 Views

இலங்கைக்கான இந்தியத் தூதுவர் கோபால் பாக்லே, தமிழ்த் தேசியக் கூட்டமைப்பின் தலைவர் இரா.சம்பந்தனை இன்று சந்தித்துப் பேச்சுக்களை நடத்தியுள்ளார்.

இலங்கையில் இந்தியாவினால் முன்னெடுக்கப்பட்டுவரும் அபிவிருத்தி மற்றும் பொருளாதாரத் திட்டங்கள் குறித்து இதன்போது பேசப்பட்டதாகத் தெரிவிக்கப்படுகின்றது.

https://www.ilakku.org/கூட்டமைப்புத்-தலைவர்-சம்/

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • விவசாயிகள் போராட்டம் இன்று 7-வது நாள்: மத்திய அரசுடன் நாளை அடுத்த சுற்று பேச்சு   புதுடெல்லி,  மத்தியில் ஆளும் பா.ஜ.க. கூட்டணி அரசு 3 வேளாண் சட்டங்களை கடந்த செப்டம்பர் மாதம் கொண்டு வந்தது. இந்த சட்டங்களால் வேளாண் விளைபொருட்களுக்கு குறைந்தபட்ச ஆதரவு விலை வழங்கும் முறை ஒழிக்கப்பட்டு விடும்; நாட்டின் முதுகெலும்பான விவசாயமானது, பெரு நிறுவனங்கள் மயமாக மாறி விடும் என்று விவசாயிகள் பயப்படுகின்றனர்.  ஆனால் இந்த சட்டங்கள், விவசாயிகளுக்கு நன்மையைத்தான் செய்யும், புதிய வாய்ப்புகளையும், உரிமைகளையும் தரும், தொழில்நுட்பங்களை கொண்டு வரும் என்று மத்திய அரசு தொடர்ந்து கூறி வருகிறது. ஆனாலும், இந்த 3 சட்டங்களையும் திரும்பப்பெற்றாக வேண்டும் என்பது விவசாயிகளின் கோரிக்கையாக அமைந்துள்ளது. இதை வலியுறுத்தி அவர்கள் போராட்டங்களை நடத்தி வந்தனர். இந்த நிலையில் தங்கள் கோரிக்கையை வலியுறுத்தும் விதமாக பஞ்சாப், அரியானா, உத்தரபிரதேசம், மத்திய பிரதேசம், ராஜஸ்தான் என வட மாநிலங்களை சேர்ந்த பல்லாயிரக்கணக்கான விவசாயிகள் டெல்லி எல்லைகளை முற்றுகையிட்டு தொடர்ந்து 6-வது நாளாக நேற்று போராட்டம் நடத்தினர். கண்ணீர்ப்புகை குண்டுகளை வீசியும், தண்ணீரை பீய்ச்சியடித்தும் போராட்டக்காரர்கள் அசைந்து கொடுக்கவில்லை. இந்த நிலையில், விவசாயிகள் போராட்டம் குறித்து மூத்த மந்திரிகள் அமித் ஷா (உள்துறை), ராஜ்நாத் சிங் (ராணுவம்) நரேந்திரசிங் தோமர் (விவசாயம்), பியுஷ் கோயல் (ரெயில்வே, வர்த்தகம், தொழில்), பா.ஜ.க. தலைவர் ஜே.பி.நட்டா ஆகியோர் நேற்று காலை நீண்ட நேரம் ஆலோசனை நடத்தினர். அதைத் தொடர்ந்து டெல்லி விஞ்ஞான பவனில் பிற்பகலில் விவசாய சங்கங்களின் பிரதிநிதிகளுடன் மத்திய அரசு பேச்சுவார்த்தை நடத்துவதாக தகவல்கள் வெளியாகின. உடனே அந்த வளாகத்தில் பலத்த பாதுகாப்பு ஏற்பாடுகள் செய்யப்பட்டன. அதன்படி பிற்பகலில் 35 விவசாய சங்கங்களின் பிரதிநிதிகளை மத்திய அரசு அழைத்து நேரடி பேச்சு வார்த்தை நடத்தியது. இதில், விவசாய மந்திரி நரேந்திர சிங் தோமர், ரெயில்வே மந்திரி பியுஷ்கோயல், வர்த்தக ராஜாங்க மந்திரியும், பஞ்சாப் மாநிலத்தை சேர்ந்த எம்.பி.யுமான சோம் பர்காஷ் ஆகியோர் கலந்து கொண்டனர். 35 விவசாய அமைப்புகளின் பிரதிநிதிகள் பங்கேற்றனர். அவர்கள், பேச்சுவார்த்தையின்போது 3 விவசாய சட்டங்களையும் திரும்பப்பெற வேண்டும் என்ற கோரிக்கையை ஒருமனதாக வலியுறுத்தி கூறினர். 3 விவசாய சட்டங்கள் தொடர்பான பிரச்சினைகளை ஆராய்வதற்கு 5 உறுப்பினர்களை கொண்ட குழுவை அமைக்கலாம் என மத்திய அரசு தரப்பில் தெரிவிக்கப்பட்டது. ஆனால் இதை விவசாய சங்க பிரதிநிதிகள் ஏற்க மறுத்து விட்டனர். இதனால் 3 மணி நேரம் நடந்த பேச்சுவார்த்தையில் எந்த முடிவும் ஏற்படவில்லை. பேச்சுவார்த்தைக்கு பின்னர் விவசாய மந்திரி நரேந்திரசிங் தோமர் கூறுகையில், “நாங்கள் ஒரு சிறு குழுவை அமைக்க வேண்டும் என்று கூறினோம். ஆனால் அவர்களோ, அனைவருடனும் பேச்சுவார்த்தை நடத்த வேண்டும் என்றனர். அவர்கள் போராட்டத்தை முடிக்க வேண்டும், பேச்சுவார்த்தைக்கு வரவேண்டும் என விரும்புகிறோம். ஆனால் இது விவசாயிகளை பொறுத்தது” என குறிப்பிட்டார். 5 உறுப்பினர்கள் கொண்ட குழுவை அமைப்பதில் மத்திய அரசு உறுதியாக இருப்பதாகவும், இதுகுறித்து விவசாய அமைப்புகள் தீவிரமாக பரிசீலிக்க வேண்டும் என்றும் கேட்டுக்கொண்டுள்ளதாகவும் தகவல்கள் கூறுகின்றன. இருப்பினும் 3-ந் தேதி (நாளை) அடுத்த சுற்று பேச்சுவார்த்தைக்கு அரசு அழைப்பு விடுத்துள்ளதாக அதிகாரிகள் கூறினர். எனவே நாளை அடுத்த சுற்று பேச்சு வார்த்தை நடைபெறும் என அறிவிக்கப்பட்டுள்ளது. இதற்கு மத்தியில் விவசாயிகள் போராட்டம் இன்று 7-வது நாளாக நீடிக்கிறது. விவசாயிகள் உடனான பேச்சுவார்த்தையின் போது, புதிய வேளாண் சட்டங்களில் உள்ள குறிப்பிட்ட பிரச்சினைகளை கண்டறிந்து, அதுகுறித்து அரசின் பரிசீலனைக்கு  இன்று தெரிவிக்கும்படி விவசாய சங்கங்களின் பிரதிநிதிகளிடம் மத்திய அரசு தரப்பில் தெரிவிக்கப்பட்டது. அந்த பிரச்சினைகள் தொடர்பாக நாளை (வியாழக்கிழமை) நடைபெறும் அடுத்தகட்ட பேச்சுவார்த்தையின் போது விவாதிக்கப்படும் என்றும் தெரிவிக்கப்பட்டு உள்ளதாக மத்திய அரசு வெளியிட்டுள்ள அறிக்கையில் கூறப்பட்டு உள்ளது.   https://www.dailythanthi.com/News/TopNews/2020/12/02064517/No-Headway-In-Talks-With-Farmers-Next-Meeting-On-Thursday.vpf
    • இலங்கையை கடக்கவுள்ள புயல் – பொது மக்களுக்கு வளிமண்டலவியல் திணைக்களம் எச்சரிக்கை    12 Views தென் கிழக்கு வங்காள விரிகுடாவில்  உருவாகியுள்ள ஆழமான தாழமுக்கமானது ஒரு சூறாவளியாக மாறி பெரும்பாலும் இலங்கையைக் கடக்கக்கூடிய சாத்தியம் காணப்படுவதாக வளிமண்டலவியல் திணைக்களம் தெரிவித்துள்ளது. இதன் காரணமாக நாடு முழுவதும் மழை மற்றும் காற்று  அளவில் அதிகரிக்கும் என எதிர்வுகூறப்பட்டுள்ளது. தென் கிழக்கு வங்காள விரிகுடாவில்  உருவான தாழமுக்கம் ஒரு ஆழமான தாழமுக்கமாக வலுவடைந்து நேற்று இரவு 11.30 மணிக்கு திருகோணமலைக்கு தென்கிழக்காக ஏறத்தாழ 500 கி.மீ தூரத்தில் மையம் கொண்டுள்ளது. இத் தொகுதியானது அடுத்த 24 மணித்தியாலங்களில் ஒரு சூறாவளியாக வலுவடையக்கூடிய சாத்தியம் உயர்வாகக் காணப்படுவதாக வளிமண்டலவியல் திணைக்களம் வெளியிட்டுள்ள அறிக்கையில் தெரிவித்துள்ளது. வளிமண்டலவியல் திணைக்களம் வெளியிட்டுள்ள அறிக்கையில், “இந்த சூறாவளி பெரும்பாலும் மேற்கு – வடமேற்கு திசையில் நகரக்கூடிய சாத்தியம் காணப்படுவதுடன் மட்டக்களப்புக்கும் பருத்தித்துறைக்கும் இடையேயான இலங்கையின் கிழக்கு கரையை இன்று (புதன்கிழமை) மாலையில் அல்லது இரவில் கடக்கக்கூடிய சாத்தியம் காணப்படுகின்றது. வடக்கு, கிழக்கு, வடமத்திய, வடமேல், மத்திய மற்றும் சப்ரகமுவ மாகாணங்களில் இடையிடையே மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. சில இடங்களில் 200 மி.மீ க்கும் அதிகமான பலத்த மழைவீழ்ச்சி பதிவாகக்சூடும் என்பதோடு, நாட்டின் ஏனைய பிரதேசங்களில் அவ்வப்போது மழையோ அல்லது இடியுடன் கூடிய மழையோ பெய்யக்கூடிய சாத்தியம் காணப்படுகின்றது. சில இடங்களில் 100 மி.மீ க்கும் அதிகமான பலத்த மழைவீழ்ச்சி பதிவாகக் சூடும். வடக்கு, வடமத்திய, கிழக்கு, வடமேல், மேல், மத்திய மற்றும் சப்ரகமுவ மாகாணங்களில் அவ்வப்போது மணித்தியாலத்துக்கு 80-90 கிலோ மீற்றர் வரை அதிகரித்த வேகத்தில் பலத்த காற்று வீசக்கூடும். நாட்டின் ஏனைய பிரதேசங்களில் அவ்வப்போது மணித்தியாலத்துக்கு 60-70 கிலோ மீற்றர் வரை அதிகரித்த வேகத்தில் பலத்த காற்று வீசக்கூடும்” என்று தெரிவித்துள்ளது. மேலும் இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை பொது மக்கள் எடுத்துக்கொள்ள வேண்டும் என வளிமண்டலவியல் திணைக்களம் அறிவுறுத்தியுள்ளது.   https://www.ilakku.org/இலங்கையை-கடக்கவுள்ள-புயல/
    • கிழக்கில் அதிகரிக்கும் கொரோனா தொற்றாளர்களின் எண்ணிக்கை    18 Views கிழக்கு மாகாணத்தின் கொரோனா தொற்றாளர்களின் எண்ணிக்கை 257ஆக அதிகரித்துள்ளதாக கிழக்கு மாகாண சுகாதார பணிப்பாளர் டாக்டர் அழகையா லதாகரன் தெரிவித்துள்ளார். அக்கரைப்பற்று பிரதேசத்தில் 32பேரும் அட்டாளைச்சேனையில் 06பேரும் ஆலையடிவேப்பு பகுதியில் ஒருவரும் வாழைச்சேனை பகுதியில் 04பேரும் கொரோனா தொற்றாளர்களாக இனங்காணப்பட்டுள்ளதாகவும் அவர்  கூறியுள்ளார். இது குறித்து அவர் மேலும் தெரிவிக்கையில், அக்கரைப்பற்று பொதுச்சந்தையுடனும் பேலிகொட மீன்சந்தையுடனும் தொடர்புபட்டவர்கள் மற்றும் அவர்களுடன் தொடர்புகொண்டவர்களே அதிகளவில் இனங்காணப்பட்டுள்ளனர். இதுவரையில் கல்முனை பிராந்திய சுகாதார சேவைகள் பணிப்பாளர் பிரிவில் 138பேர்கொரோனா தொற்றாளர்களாக இனங்காணப்பட்டுள்ளதுடன் மட்டக்களப்பு மாவட்டத்தில் 92பேரும் அம்பாறை சுகாதார பிரிவில் 11பேரும் திருகோணமலை மாவட்டத்தில் 16பேரும் கொரோனா தொற்றாளர்களாக இனங்காணப்பட்டுள்ளனர். அக்கரைப்பற்று பொதுச்சந்தையுடன் தொடர்புபட்ட 109பேர் இதுவரையில் தொற்றாளர்களாக இனங்காணப்பட்டுள்ளனர். பொதுமக்கள் அக்கரைப்பற்று பொதுச்சந்தையுடன் தொடர்புபட்டவர்கள் தொடர்பான தகவல்களை பொதுச்சுகாதார பிரிவினருக்கு வழங்குமாறும் கொழும்பு உட்பட பிற இடங்களில் இருந்து வருகைதருவோர் தொடர்பிலும் பொதுமக்கள் விழிப்பாக இருந்து சுகாதார மற்றும் பாதுகாப்பு துறையினருக்கு தகவல்களை வழங்கவேண்டும்” என்றார்.   https://www.ilakku.org/கிழக்கில்-அதிகரிக்கும்-க/
    • மஹர சிறைச்சாலை மோதல்- பலியானோர் எண்ணிக்கை 11 ஆக அதிகரிப்பு    18 Views மஹர சிறைச்சாலையில் ஏற்பட்ட அமைதியின்மையைத் தொடர்ந்து ஏற்பட்ட மோதல் சம்பவத்தில் காயமடைந்த மேலும் இருவர் நேற்று உயிரிழந்தனர் என பொலிஸ் ஊடகப் பேச்சாளர் பிரதிப் பொலிஸ்மா அதிபர் அஜித் ரோஹண தெரிவித்துள்ளார். அதனடிப்படையில் மஹர சிறைச்சாலையில் ஏற்பட்ட மோதலால் உயிரிழந்தோரின் எண்ணிக்கை 11 ஆக அதிகரித்துள்ளது. சம்பவத்தில் காயமடைந்து ராகமை மருத்துமனையில் சிகிச்சை பெற்று வந்த இருவரே இவ்வாறு உயிரிழந்தனர். இச்சம்பவத்தில் 107 பேர் காயமடைந்து சிகிச்சை பெற்று வருகின்றனர்.   https://www.ilakku.org/மஹர-சிறைச்சாலை-மோதல்களில/
×
×
  • Create New...

Important Information

By using this site, you agree to our Terms of Use.