வெளிநாட்டு கொள்கையில் நடுநிலை தவறினால் மிகப் பெரிய பின் விளைவுகள் ஏற்படும்.! சம்பந்தன் சுட்டிக்காட்டு.!

[புரட்சிகர தமிழ்தேசியன் 2,432]

வெளிநாட்டு கொள்கையில் நடுநிலை தவறினால் மிகப் பெரிய பின் விளைவுகள் ஏற்படும்.! சம்பந்தன் சுட்டிக்காட்டு.!

 

ஜனாதிபதி கோட்டாபய ராஜபக்ச தலைமையிலான இலங்கை அரசு, அனைத்து நாடுகளுடனும் இணைந்து பயணிக்கக்கூடியவாறு புதிதாக - பக்கச்சார்பில்லாமல் சமாந்தரமான கொள்கைகளை வகுத்துக் கருமங்களை முன்னெடுக்க வேண்டும். இந்தக் கடமையிலிருந்து தவறினால் பாரிய பின்விளைவுகளை இலங்கை சந்திக்க வேண்டி வரும்."

- இவ்வாறு எச்சரிக்கை விடுத்தார் தமிழ்த் தேசியக் கூட்டமைப்பின் தலைவர் இரா.சம்பந்தன்.

உத்தியோகபூர்வ பயணம் மேற்கொண்டு இலங்கை வந்திருந்த அமெரிக்க இராஜாங்கச் செயலாளர் மைக் பொம்பியா, 'நிலையான வளர்ச்சியுடன் இலங்கை மக்களுக்கு இறையாண்மையும் சுதந்திரமும் இருக்க வேண்டும் என்று அமெரிக்கா விரும்புகின்றது.

ஒரு நட்பு நாடாக அமெரிக்கா அதைச் சரியாக வழங்குகின்றது என்று நாங்கள் நினைக்கின்றோம். ஆனால், சீனா ஆக்கிரமிப்பு நோக்கத்தைக் கொண்டுள்ளது. இலங்கையைச் சீனா வேட்டையாடி வருகின்றது. அந்த நாடு நிலத்திலும் கடலிலும் இறையாண்மையை மீறி வருகின்றது' என்று கொழும்பில் நேற்றுமுன்தினம் நடைபெற்ற ஊடகவியலாளர் சந்திப்பில் தெரிவித்திருந்தார்.

இது தொடர்பில் இரா.சம்பந்தனிடம் வினவியபோதே அவர் மேற்கண்டவாறு கூறினார்.

அவர் மேலும் தெரிவித்ததாவது:-

"சீனாவுக்கும் இலங்கைக்கும் இடையில் பலவிதமான கருமங்கள் சம்பந்தமாக சமீப காலத்தில் ஏற்பட்ட தொடர்புகள் யாவரும் அறிந்ததே.

கடல் பாதை மற்றும் உள்நாட்டுப் அபிவிருத்திப் பணிகளில் சீனாவின் பங்களிப்பு வேரூன்றிக் காணப்படுகின்றது.

இந்த விடயம் தொடர்பாக இந்தியா, அமெரிக்கா உள்ளிட்ட ஏனைய நாடுகள் தெரிவிக்கும் விமர்சனக் கருத்துக்களை நாங்கள் மதிப்பீடு செய்ய வேண்டும்.

இதையெல்லாவற்றையும் உணர்ந்து ஜனாதிபதி கோட்டாபய ராஜபக்ச தலைமையிலான இலங்கை அரசு, அனைத்து நாடுகளுடனும் இணைந்து பயணிக்கக்கூடியவாறு புதிதாக - பக்கச்சார்பில்லாமல் சமாந்தரமான கொள்கைகளை வகுத்துக் கருமங்களை முன்னெடுக்க வேண்டும். இது இலங்கை அரசின் பிரதான கடமை.

இந்தக் கடமையிலிருந்து தவறினால் பாரிய பின் விளைவுகளை இலங்கை சந்திக்க வேண்டி வரும்" - என்றார்.

http://aruvi.com/article/tam/2020/10/30/18615/

[puthalvan 106]

2 minutes ago, புரட்சிகர தமிழ்தேசியன் said:

பாரிய பின் விளைவுகளை இலங்கை சந்திக்க வேண்டி வரும்

அவர்கள்  இருக்கட்டும். இந்த விடயத்தில் உங்கள் தந்திரோபாயம் தான் என்ன?. சும்மா அவங்களை வெருடிக்கொண்டிருப்பதை விட்டு எண்கள் நலன்களை எவ்வாறு முன்நகர்த்துவது என்பது பற்றி சிந்தித்து நகர்வுகளை மேற்கொள்ளவேண்டும். 

[அக்னியஷ்த்ரா 717]

6 minutes ago, puthalvan said:

அவர்கள்  இருக்கட்டும். இந்த விடயத்தில் உங்கள் தந்திரோபாயம் தான் என்ன?. சும்மா அவங்களை வெருடிக்கொண்டிருப்பதை விட்டு எண்கள் நலன்களை எவ்வாறு முன்நகர்த்துவது என்பது பற்றி சிந்தித்து நகர்வுகளை மேற்கொள்ளவேண்டும். 

இருந்தா சொல்லமாட்டோமா , நாங்க என்ன வஞ்சகக்காரர்களா வச்சிக்கிட்டு இல்லைங்கிறதுக்கு 
இம்முறை பதவிகளை பெற்றுக்கொண்டு மக்களுக்கு சேவை செய்யப்போகிறோம் என்று அறிக்கை விட்டு பார்த்தோம் , சண்டாளர்கள் திரும்பியே பார்க்கிறானுகள் இல்லை, 20 இலாவது இரண்டுகோடியை வாங்கி டிக்கிக்கு கீழே அமத்திக்கொண்டு அரசியல் செய்வமென்று பார்த்தல் எங்கடை தேங்காப்பூக்கள் எங்களுக்கு முன்னாடியே டீலை பேசி எங்கடை  மூஞ்சியில் செருப்பால் அடித்துபோட்டினம், எங்கடை முதலாளிக்கு வேறு கொரோனா காட்டு காட்டு என்று காட்டுவதால் வருமானம் பெருசா இல்ல , இந்தமுறை பாராளுமன்ற தேர்தலிலும் பருப்பு அதிகமாக தின்றதால் முதலாளி எங்களை கழட்டி விட்டாலும் விட்டுடுவார், அபிவிருத்தி அரசியல் என்று வெளிக்கிட்ட கிராதகர்கள் எங்களை மாதிரி வெறும் வாயால் வடை சுடும் கேசுகளால இருக்கும் என்று பார்த்தால் விசயக்காரனுவளாக  இருக்கிறானுகள், என்ன செய்யுறதெண்டே தெரியலை 
போம்பியோவை வைத்துதான் கொஞ்சம் இருமியாவது நாங்கள் இருக்கிறதை காட்டவேணும்     

[Elugnajiru 535]

சிறீ லஙா எனும் ஒரு நாட்டின் வெளிநாட்டுக்கொள்கைக்கு பங்கம் விளைந்தால் பயங்கர அதிபயங்கர விளைவுகள் வந்துவிட்டுப்போகட்டும் அதுக்கு ஏன் இவர் குத்தி முறியுறார். தமிழர்களைப் பொறுத்தமட்டில் அது அவர்களது நாடு. அப்படி ஏதாவது நடந்தால் அதில் குளிர்காய்வதை விட்டு நாம் ஏன் கவலைப்படவேண்டும்.

சம்பந்தர் மேதின ஊர்வலத்தில ஏந்திய சிங்கக்கொடியை இன்னமும் கீழிறக்கி விடவில்லை. அவருக்குத் தெரியும் தான் கட்டையில போறமட்டும் தமிழர்கள் தன்னைத் தரையில் இறக்கிவிடமாட்டினம் என.

[satan 552]

சம்பந்தனை பார்க்க பாவமாயிருக்கு. எச்சரிக்கிறார், கெஞ்சுகிறார், பயமுறுத்துகிறார், முட்டு கொடுக்கிறார், உறுதி மொழி வழங்குகிறார் ஒன்றுக்கும் மசிய மாட்டானுகளாம்.

[பெருமாள் 2,362]

34 minutes ago, satan said:

சம்பந்தனை பார்க்க பாவமாயிருக்கு. எச்சரிக்கிறார், கெஞ்சுகிறார், பயமுறுத்துகிறார், முட்டு கொடுக்கிறார், உறுதி மொழி வழங்குகிறார் ஒன்றுக்கும் மசிய மாட்டானுகளாம்.

கிண்ணியா விடயத்தில் ஊமையாய் இருந்ததுக்கு பரிசாக கிடைத்த  கொழும்பு வீட்டை திரும்பவும் அரசு கையகப்படுத்த போகுது என்றால் காணும் கிழவர் வெக்கம் மானம் சூடு சொரணை எல்லாத்தையும் காத்தில்  பறக்க  விட்டு விட்டு கோத்தாவின் காலில் விழுந்து கிடக்கும் .