Jump to content
  • advertisement_alt
  • advertisement_alt
  • advertisement_alt

உலக மக்களுக்கு மகிழ்ச்சியான செய்தி; முதல் கொரோனா தடுப்பூசி கண்டுபிடிப்பு; 90 வீதம் பாதுகாப்பான செயல்திறன்


Recommended Posts

  • கருத்துக்கள உறவுகள்

உலக மக்களுக்கு மகிழ்ச்சியான செய்தி; முதல் கொரோனா தடுப்பூசி கண்டுபிடிப்பு; 90 வீதம் பாதுகாப்பான செயல்திறன்

%E0%AE%95%E0%AF%8A%E0%AE%B0%E0%AF%8B%E0%

அமெரிக்காவின் பைசர் மருந்தாக்க நிறுவனத்தின் கொரோனா வைரஸ் தபடுப்பூசி 90 சதவீதம் பேருக்கு கொரோனா வைரஸை தடுக்கும் ஆற்றலை வெளிப்படுத்தியுள்ளது.

இந்நிலையில் மேம்படுத்தப்படவுள்ள இந்தத் தடுப்பூசியை அவசர பயன்பாட்டுக்கு பயன்படுத்துவதற்கான அனுமதி கோரி விரைவில் விண்ணப்பிக்கப்படவுள்ளதாக ஃபைசர் தலைமை நிர்வாக அதிகாரி அல்பேர்ட் பவுர்லா விடுத்துள்ள அறிக்கையில் தெரிவித்துள்ளார்.

இது அறிவியலுக்கும், மனிதக் குலத்திற்கும் சிறப்பான ஒரு தினம் என இந்த தடுப்பு மருந்தை உருவாக்கிய பைசர் மற்றும் பயோஎன்டெக் நிறுவனம் தெரிவித்துள்ளது.

இந்த தடுப்பு மருந்து ஆறு நாடுகளில் 43 ஆயிரத்து 500 பேரிடம் பரிசோதிக்கப்பட்டது. மேலும் இது குறித்து எந்த பாதுகாப்பு அச்சங்களும் எழவில்லை எனவும் தெரிவிக்கப்பட்டுள்ளது.

உலகம் முழுவதும் 12-க்கும் மேலான கொரோனா வைரஸ் தடுப்பூசிகள் மூன்றாம் கட்ட மனிதப் பரிசோதனையில் உள்ளபோதும் சிறப்பான செயல்திறளை வெளிப்படுத்திய முதல் தடுப்பு மருந்து இதுதான்.

வைரஸின் மரபணு குறியீட்டை செலுத்தி நோய் எதிர்ப்புச் சக்தியை அதிகரிப்பது போன்ற முழு பரிசோதனை முறையை இது பயன்படுத்துகிறது.

மூன்று வாரங்களில் இரண்டு முறை இந்த மருந்தை எடுத்துக் கொள்ள நேரிடும். அமெரிக்கா, ஜேர்மனி, பிரேசில், ஆர்ஜெண்டினா, தென் ஆப்ரிக்கா மற்றும் துருக்கி ஆகிய நாடுகளில் நடத்தப்பட்ட சோதனைகளில் இரண்டாம் முறை இந்த மருந்தை எடுத்துக் கொண்ட பிறகு 90 சதவீதம் கொரோனா தொற்றிலிருந்து பாதுகாப்பு கிடைத்தது தெரியவந்தது

இந்த வருட முடிவிற்குள் 50 மில்லியன் டோஸ் மருந்துகளை விநியோகிக்க முடியும் என பைசர் நிறுவனம் நம்பிக்கை வெளியிட்டுள்ளது. மேலும் 2021ஆம் ஆண்டு இறுதிக்குள் 1.3 பில்லியன் சொட்டு; மருந்தை விநியோகிக்க முடியும் எனவும் தெரிவித்துள்ளது.

இருப்பினும் இந்த மருந்தைச் சேமித்து வைப்பதில் ஒரு சிறிய சிக்கல் உள்ளது. ஆம் இந்த மருந்தை மைனஸ் 80 டிகிரி செல்சியஸில் வைக்க வேண்டும்.

இந்த தடுப்பு மருந்து குறித்து கருத்து வெளியிட்ட பைசர் தலைமை நிர்வாக அதிகாரி அல்பேர்ட் பவுர்லாசர்வதேச சுகாதார நெருக்கடியை முடிவுக்குக் கொண்டு வர உலக மக்களுக்கு உதவும் ஒரு முக்கிய பாதையில் நாங்கள் முன்னேறிக் கொண்டிருக்கிறோம் எனக் கூறினார்.

இந்த கண்டுபிடிப்பு ஒரு மைல்கல் என பயோஎன்டெக் நிறுவனத்தை தோற்றுவித்தவர்களில் ஒருவரான உகர் சஹின் கருத்து வெளியிட்டுள்ளார்;

தற்போது வழங்கப்பட்டுள்ள தரவுகள் இறுதியான தரவுகள் அல்ல. இந்த தரவுகள் கொரோனா தொற்றால் பாதிக்கப்பட்ட 94 தன்னார்வலர்களை கொண்டு உருவாக்கப்பட்டுள்ளது. இந்த தடுப்பு மருந்தின் செயல்பாடு குறித்த விளக்கம் முழு முடிவுகளும் ஆராயப்பட்ட பிறகு மாற்றம் அடையலாம்.

பைசர் மற்றும் பயோஎன்டெக் நிறுவனங்கள், கண்காணிப்பாளர்களிடம் இந்த தடுப்பு மருந்தைக் கொண்டு செல்வதற்கான போதிய பாதுகாப்பு தகவல்களை நவம்பர் மாதத்தின் மூன்றாம் வாரத்தில் பெற்றிருக்கும்.

இருப்பினும் இந்த நிறுவனங்களின் அறிவிப்பு ஒரு முக்கிய முன்னேற்றமாகக் கருதப்படுகிறது. “இந்த செய்தி என்னை மனதார சந்தோசமடையச் செய்தது,” என்கிறார் ஒக்ஃபோர்ட் பல்கலைக்கழகத்தின் பேராசிரியர் பீட்டர் ஹார்பி கூறியுள்ளார்.

இந்த தடுப்பு மருந்து பரிசோதனை நம்பிக்கையளிப்பதாக உள்ளது. மருந்து தயாரானதும் ஆபத்தில் இருப்பவர்களுக்கு முதலில் வழங்கப்படும் என பிரிட்டனின் பிரதமர் அலுவலக செய்தி தொடர்பாளர் தெரிவித்துள்ளார்.

 

https://www.meenagam.com/உலக-மக்களுக்கு-மகிழ்ச்சி/

 

 

 

Link to post
Share on other sites
  • கருத்துக்கள உறவுகள்

எப்போது கிடைக்கும் கொரோனா வைரஸ் தடுப்பு மருந்து?

கொரோனா வைரசிற்கான முதலாவது தடுப்பு மருந்து  90வீதம்பயனளிக்ககூடியது என்பது ஆரம்ப கட்ட ஆய்வுகளின் மூலம் தெரியவந்துள்ளது .
முதலாவது தடுப்பு மருந்தினை உருவாக்கிய  பிபைஜர் பயோன்டெக் நிறுவனங்கள் இதனை விஞ்ஞானம் மற்றும் மனிதாபிமானத்திற்கான பெரும் வெற்றி என  தெரிவித்துள்ளன.

pfizer-300x164.jpg
ஆறு நாடுகளை சேர்ந்த 435000 பேரிடம்  இந்த மருந்தினை பரிசோதனை செய்தததில் என தெரிவித்துள்ள நிறுவனம் இந்த மருந்து குறித்து எந்த கரிசனை வெளியாகவில்லை எனவும்  தெரிவித்துள்ளன.

இந்த மிக முக்கியமான தகவலை தொடர்ந்து  எப்போது யாருக்கு இந்த மருந்து கிடைக்கும் என்ற எதிர்பார்ப்பு எழுந்துள்ளது.
குறிப்பிட்ட எண்ணிக்கையிலானவர்கள் மாத்திரமே இந்த வருடம் கொரோனா வைரஸ் மருந்தினை பெறுவார்கள் என பிபிசி தெரிவித்துள்ளது.
இது தொடர்பில் பிபிசி மேலும் தெரிவித்துள்ளதாவது
குறிப்பிட்ட எண்ணிக்கையிலானவர்களிற்கே இந்த வருடம் கொரோனா வைரஸ் மருந்து கிடைக்ககூடும்.
covid-vaccine-300x169.jpg
பிபைஜர் பயோன்டெக் நிறுவனங்கள் மருந்துகளை அவசரமாக பயன்படுத்துவதற்கான அனுமதியை பெறும் முயற்சிகள் நவம்பரில் இடம்பெறும் அதற்காக போதுமான தரவுகள் தயாரானவுடன் இந்த நடவடிக்கைகள் இடம்பெறும் என தெரிவித்துள்ளன.
இந்த மருந்துகளிற்காக அனுமதி வழங்கப்படும் வரை உலக நாடுகள் இந்த மருந்தினை பயன்படுத்த முடியாது.
இந்த வருட இறுதிக்குள் 50 மில்லியன் டோஸ் மருந்தினையும் அடுத்த வருட  இறுதிக்குள் 1.3 பில்லியனையும் தயாரிக்க முடியும் என இரு நிறுவனங்களும்  நம்பிக்கை வெளியிட்டுள்ளன.
கொரோனா வைரசினால் பாதிக்கப்பட்டுள்ள ஒவ்வொருவருக்கும் இரண்டுடோஸ் மருந்துகள் தேவை.
 
யாருக்கு கிடைக்கும்
vaccinearm-300x169.jpg
அனைவருக்கும் நேரடியாக இந்த மருந்துகள் கிடைக்கப்போவதில்லை ஒவ்வொரு நாடும் யாருக்கு முன்னுரிமை வழங்குவது என தீhமானிக்கவுள்ளன.
மருத்துவமனை பணியாளர்களுக்கும் சுகாதார பணியாளர்களுக்கும் முன்னுரிமை வழங்கப்படலாம் , அவர்கள் மிகவும் பலவீனமானவர்களுடன் பணியாற்றுவதே இதற்கு காரணம்.கொரோனா வைரசினால் அதிகளவு பாதிக்கப்படக்கூடிய முதியவர்களுடன்  பணியாற்றுபவர்களுக்கும் இந்த மருந்து கிடைக்கலாம்.
பிரித்தானியாவில் முதியவர்களுக்கும் அவர்களுடன் முதியோர் இல்லங்களில் பணியாற்றுபவர்களுக்கும் முன்னுரிமை வழங்கப்படலாம்.

அமெரிக்கா – ஜேர்மனி கூட்டு முயற்சியில் 90 வீதம் பலனளிக்கும் வைரஸ் தடுப்பூசி

  • கார்த்திகேசு குமாரதாஸன்

தொண்ணூறு வீதம் பலனளிக்கக் கூடிய நம்பிக்கையான வைரஸ் தடுப்பு மருந்து ஒன்று தயாராகிவிட்டதாக ஊடகங்களில் செய்திகள் வெளியாகி உள்ளன.

Pfizer-.jpgஅமெரிக்காவின் Pfizer மற்றும் ஜெர்மனியின் BioNTech ஆகிய இரண்டு முன்னணி மருந்துத் தயாரிப்பு நிறுவனங்களே உலகெங்கும் ஆவலுடன் எதிர்பார்க்கப்படும் புதிய வைரஸ் தடுப்பு மருந்து பற்றிய தகவல்களை இன்று வெளியிட்டுள்ளன.

“அறிவியல் மற்றும் மனிதகுல வரலாற்றில் இது ஒரு முக்கிய நாள்” என்று Pfizer மற்றும் BioNTech நிறுவனங்கள் இரண்டும் இன்றைய நாளைக் குறிப்பிட்டுள்ளன.

உலகெங்கும் இதுவரை பத்து லட்சம் உயிர்களைப் பலிகொண்ட “கோவிட் 19” என்னும் கொடிய வைரஸுக்கு நம்பிக்கையான மருந்தொன்று கண்டுபிடிக்கப்படிருப்பதான இன்றைய செய்தியை பதவிவிலகும் அமெரிக்க அதிபர் டொனால்ட் ட்ரம்பும் தேர்தலில் தெரிவான புதிய அதிபர் ஜோ பைடெனும் வரவேற்றுள்ளனர். செய்தி வெளியான கையோடு உலகெங்கும் பங்குச் சந்தைகள் திடீரென உயர்ச்சி கண்டுள்ளன.

புதிய தடுப்பு மருந்து ஆறு நாடுகளில் மொத்தம் 43 ஆயிரத்து 500 நோயாளிகளில் மூன்று கட்டங்களாகப் பரீட்சிக்கப்பட்டுள்ளது.ஆபத்தான எத்தகைய விளைவுகளும் இன்றி தொண்ணூறு வீதம் அது பலனளிப்பது அந்தப் பரிசோதனைகளில் உறுதிப்படுத்தப்பட்டிருப்பதாக அறிவிக்கப்பட்டுள்ளது.

அமெரிக்கா, ஜெர்மனி, ஆஜெந்தீனா, பிறேசில், தென்னாபிரிக்கா, துருக்கி ஆகிய நாடுகளில் பரீட்சார்த்தமாக தடுப்பூசியை இரண்டு தடவைகள் பெற்றுக்கொண்டோர் 90 வீதம் குணமடைந்து உடல் எதிர்ப்பு சக்தியைப் பெற்றிருப்பதை தரவுகள் வெளிப்படுத்தி உள்ளன என்று தெரிவிக்கப்படுகிறது.

புதிய இந்தத் தடுப்பூசியை மூன்று வார இடைவெளிக்குள் இரண்டு தடவைகள் ஏற்றிக் கொள்ள வேண்டும்.

நோய் எதிர்ப்பு வலுவுக்கு உடலைப் பயிற்றுவிக்கும் வகையில்( train the immune system)வைரஸின் மரபணு மூலங்களின் ஒரு பகுதியை(virus’s genetic code) உடலினுள் செலுத்துதல் என்ற அடிப்படையைக் கொண்டதே இந்தத் தடுப்பூசி என்றும் குறிப்பிடப்பட்டுள்ளது.

கொரோனா வைரஸஸுக்கான தடுப்பு மருந்துகளை மனிதர்களில் பரிசோதிக்கும் மூன்றாவது சோதனைகளை உலகெங்கும் பத்துக்கு மேற்பட்ட நிறுவனங்கள் ஏற்கனவே மேற்கொண்டுவருகின்றன.

ஒரு மருந்தை பயன்பாட்டுக்கு விடுவதற்கு முன்னரான Phase 3 எனப்படும் முக்கிய மூன்றாவது கட்டப் மனிதப் பரிசோதனையின் முடிவுகளையே Pfizer மற்றும் BioNTech நிறுவனங்கள் வெளியிட்டுள்ளன. புதிய மருந்தை சந்தைப்படுத்துவதற்கான அனுமதிக்கு இனி அவை விண்ணப்பிக்க முடியும்.

வைரஸின் இரண்டாவது அலை தீவிரமாகத் தாக்கிவருவதால் புதிய தடுப்பூசிக்கு மிக விரைவாக அனுமதியைப்பெற்று இந்த ஆண்டின் இறுதிக்குள் அதனைப் பாவனைக்கு விடும் பணிகளைத் தொடக்கத் திட்டமிடப்பட்டுள்ளது. ஜரோப்பிய ஒன்றிய நாடுகள் ஏற்கனவே 200 மில்லியன் தடுப்பூசிகளுக்கு முன் பதிவு செய்துள்ளன. உலக நாடுகள் பலவும் இதே போன்று மில்லியன் கணக்கான தடுப்பூசிகளுக்கு ஏற்கனவே ஓடர்களை வழங்கிவிட்டுக் காத்திருக்கின்றன.

இந்த நிலையில் புதிய தடுப்பூசி வெற்றிகரமாகச் சோதனை செய்யப்பட்டிருப்பது பற்றிய செய்தி உலகம் முழுவதும் கவனத்தைப் பெற்றுள்ளது.ஆயினும் தடுப்பூசியின் பக்க விளைவுகளை முழுமையாக அறிந்து கொள்வதற்கு நாட்கள் செல்லலாம் என்று சில நிபுணர்கள் கூறுகின்றனர்.

தடுப்பூசி வந்துவிட்டது என்ற தகவல் ஏற்கனவே நடைமுறையில் உள்ள சுயபாதுகாப்புக் கட்டுப்பாடுகளை மக்கள் தட்டிக்கழித்து மீறி நடப்பதற்கு வாய்ப்பளித்தால் அதன் விளைவுகள் பேராபத்தாகிவிடும் என்றும் மருத்துவ வட்டாரங்கள் எச்சரிக்கின்றன

https://thinakkural.lk/article/87707

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • என் உண்மையான எதிரிகள் இவர்கள்தான்- கோபப்பட்ட மேதகு வேலுப்பிள்ளை பிரபாகரன் தெய்வமென்று ஒரு உருவம் கொடுத்து, தங்கள் கடமையில் இருந்து விலகிவிடுவார்கள்   https://www.youtube.com/watch?v=7d-Zt6RlePM
    • மக்கள் மனங்களை வென்ற மாபெரும் தலைவர் அவர். அடக்குமுறைக்கு உட்படுத்தப்பட்ட வரலாற்றுப் பாரம்பரிய பின்னணியைக் கொண்ட ஓரினத்தின் விடுதலை வேட்கையின் குறியீடாகத் திகழ்ந்தவர். தமிழினம் உலகில் இருக்கும்வரை அவர் என்றும் நினைவுகூரப்படுவார்.
    • இதை அவர்கள் கட்டுறதுக்கு முதல் சொல்லி இருக்க வேண்டும். கட்டி முடித்து திறப்பு விழாவில் இதை தெரிவிப்பது இயலாமையின் வெளிப்பாடு. இருந்தாலும் எப்போதும் எதிர்மறையாக சிந்திக்காமல் நேர்மறையாகவும் சிந்திக்க பழகுவோம். அப்போதுதான் பிரச்சினைகளை தீர்க்கலாம். இல்லாவிட்டால் இதுவும் உங்களுக்கு பிரச்சினையாக மாறி விடும்.😜
    • வாட்சப்பில் வந்த பதிவு.  படலை இணையதளத்தில் எழுதபட்டிருக்கிறது. அதன் நடத்துனர் ஜேகேயின் ஆக்கம் என நினைக்கிறேன். பிகு: நிர்வாகத்துக்கு எந்த பிரதிபலனையும் எதிர்பாராமல் அதியுட்ச ஈகத்தை செய்தவர்களை பற்றிய ஆக்கம் என்பதால் இங்கே பதிகிறேன். வேறு பகுதி பொருத்தம் என்றால் அங்கு மாற்றி விடுங்கள். ————   மன்னிப்பாயா ------------ காலையில் ரயில் ஏறியதும் கேட்க ஆரம்பித்த பாடல் இது.  இன்னமும் கேட்டுக்கொண்டே இருக்கும் பாடல். "இங்குவந்து பிறந்தபின்னே இருந்த இடம் தெரியும் நாளை சென்றுவீழும் தேதி சொல்ல இங்கெவரால் முடியும்? வாழ்க்கை என்னும் பயணம். இதை மாற்றிடவா முடியும்?" தொண்ணூறுகளில் இந்தப் பாடலை முணுமுணுக்காமல் எவரும் வல்வை வெளியையோ, ஆசைப்பிள்ளை ஏற்றத்தையோ சைக்கிள் மிதித்து கடந்திருக்கமாட்டார்கள். அப்போது எம்மோடு மிக நெருக்கமாக இருந்த பாடலை இப்போது திரும்பவும் கேட்கையில் அந்த எதிர்க் காற்றும், ஆசைப்பிள்ளை ஏற்றத்தின் பளுவும் நம்மை மீண்டும் தாக்குகிறது. தானாகவே விக்கிராமதித்தியனின் வேதாளம் வந்து தோளில் உட்கார்ந்து கொள்ளுகிறது. விலகாமல் கூடவே இருந்து கேள்விகளைக் கேட்டுத் துளைக்கிறது. குப்புசாமி ஞானமணி. தமிழ்நாடு வேலூரைச்செர்ந்தவர். யார்? எவர்? என்று எனக்கு தெரியாது. "குட்டி” பற்றிய பதிவைப்பார்த்துவிட்டு "அடுத்த தலைமுறைகளுக்காக தம்முயிரை துறந்தவர்களை நினைக்க நினைக்க கண்ணீர் தன்னாலே கலங்கி வழிகிறது" என்று எழுதியிருந்தார். முகம்தெரியாத ஒரு மனுஷிக்காக வடிக்கும் கண்ணீர். அந்தப்பதிவை நான் எழுதி இரண்டரை வருடங்களுக்கு மேலாகிவிட்டது. அதற்கு பிறகு எத்தனையோ முறை படலையில் சிரித்திருக்கிறேன், அழுதிருக்கிறேன். கதைகள், கட்டுரைகள் எழுதியிருக்கிறேன். நூற்றுக்கணக்கில் எழுதியாயிற்று. இப்போது திடீரென்று இந்த முகம் காணாத மனிதர் நேற்று அதை வாசித்து அழுதிருக்கிறார். அவர் அப்படி அழுது கொண்டிருக்கையில், அதை எழுதிய நானோ இந்தவாரம் எதை எழுதலாம்? என்று யோசித்துக்கொண்டிருந்திருக்கிறேன். எழுதும்போது என்னோடு கூட இருந்த உணர்வு ஆழ்மனதுக்கு மீண்டும் திரும்பிப்போய்விட்டது. வாசித்தவருக்கு அதே ஆழ்மன உணர்வு நேற்றைக்கு வெளிப்பட்டிருக்கிறது. இந்த அபத்தம் புரிய கொஞ்சம் சலிப்பும் கூடவே வருகிறது. ஒருமுறை மாவீரர் தினத்துக்கு நண்பன் ஒருவனோடு சென்றுவிட்டு வீடு திரும்பும்போது, எனக்குத் தெரிந்த, முகம் அறிந்த, போரில் மரணித்தவர்களைப்பற்றி சொல்லிக் கொண்டுவந்தேன். அவர்களுக்கும் எனக்குமிடையிலான உறவு பற்றியும் சொன்னேன். நான் சொல்லும்போது அதில் ஒரு சின்னத்தனமான பெருமையும் இருந்தது. "பார்த்தியா இவரை எல்லாம் எனக்கு தெரியும்" என்கின்ற பெருமை. பேசாமல் எல்லாவற்றையும் கேட்டுக்கொண்டு வந்தவன், விடைபெறும்போது சாதாரணமாக சொன்னான். "எண்ட தம்பியும் இப்பிடித்தான் அடிபாடு ஒண்டில செத்திட்டான். வெளிய தெரிஞ்சா பிரச்சனை எண்டு ஒருத்தருக்கும் சொல்லுறதில்லை " பளார். மாவீரர் தினமன்று திருவுருவப் படங்களுக்கு அஞ்சலி நிகழ்வுகள் நடப்பதுண்டு. ஊரில் அப்போதெல்லாம் பிரமாண்டமாக நடக்கும். எல்லோருடைய படங்களும் எங்கேயோ ஏதோ ஒரு சந்தியிலாவது இருந்திருக்கும். இப்போது வெளிநாடுகளில் சிறிய அளவுகளில். இருபது முப்பது பேரின் படங்களை வைத்து செய்யப்படும் அஞ்சலிகள். கூட்டத்துக்கு வருகின்ற எல்லோரும் ஒவ்வொரு படங்களையும் உற்றுப்பார்த்துக்கொண்டு போவார்கள். அவற்றில் எதையோ  அவர்கள் தேடுவது போல இருக்கும். வேறொன்றுமில்லை. தம் பிள்ளையோ, அண்ணனோ, தம்பியோ, அக்காவோ, தங்கையோ அங்கே படங்களில் இருக்கிறார்களா? என்கின்ற தேடல். அனேகமாக அவர்கள் தேடும் படங்கள் இருக்காது. ஆனாலும் அழுவார்கள். அதற்கு அர்த்தங்கள் ஏராளம். எழுதி விளக்கக்கூடாது. முடியாதது. நான் அப்படியான சந்தர்ப்பங்களில் யாரைத் தேடுவேன்? அங்கிருந்த படங்களில் இருக்கும் எல்லோருமே எனக்காக இறந்தவர்களே. இல்லாதவர்களும் எனக்காக இறந்தவர்கள். என் நண்பனின் தம்பியும் எனக்காகத்தான் இறந்திருக்கிறான். பெயர் தெரியாது.  அவசரத்தில் அவனிடம் கேட்கவும் இல்லை. அவன் வீரவேங்கையா? 2ம் லெப்டினன்டா? லெப்டினன்டா? கப்டனா? ஒன்றுமே தெரியாது. ஒருவேளை அதற்கு மேலே என்றால் தெரிந்திருக்கும். இப்படி ஒருவர் இல்லை. இருவர் இல்லை. ஆயிரக்கணக்கில், நமக்காக இறந்தவர்கள். என் அப்பாவோடு நான் நிறைய சண்டை பிடிப்பேன். அம்மாவை ஏசியிருக்கிறேன். ஆனால் அவர்களுக்கு ஏதாவது ஒன்று என்றால் பதட்டப்படுவதும் நான்தான். மனைவி மீதான பாசமும் அப்படித்தான். சகோதரங்கள், நண்பர்கள் என்று எந்த உறவை எடுத்துக்கொண்டாலும் அவர்கள் மீது அபரிமிதமான பாசம் இருக்கிறது. அவர்களுக்காக என்னவெல்லாமோ செய்யத் தலைப்படுகிறோம். நாம் இடம்பெயர்ந்து வன்னியில் தங்கியிருந்தபோது எம்மை பாதுகாத்த குடும்பம் எனக்கு இன்றைக்கும் கடவுள் போன்றது. ஊருக்குப்போனால் அவர்கள் வீட்டில் தலைகாட்டாமல் திரும்புவதில்லை. என் சொந்த அக்கா அண்ணன் எல்லோருமே பிறப்பாலே எனக்கு உறவானவர்கள். மாவீரர்கள் எல்லோருமே இறப்பாலே உறவானவர்கள். இறந்து நம்மோடு கூடப்பிறந்தவர்கள். அவர்கள் மட்டுமல்ல. போரிலே காயப்பட்டு, காணாமல் போய், குடும்பங்களை தொலைத்து, உருக்குலைந்து, சின்னாபின்னப்பட்டு .... இதெல்லாமே நமக்காக செய்தவர்கள். எல்லோருமே நமக்கு உறவுதான். ஒரு பாடல் வரி ஞாபகம் வருகிறது. "யார் என்று அறியாமல் பேர் கூட தெரியாமல் இவனோடு ஒரு சொந்தம் உருவானதே" யோசித்துப்பார்க்கிறேன். ஒரு காதலன் காதலிக்கு சொல்லுகின்ற உச்சப்பட்ட வார்த்தை "நான் உனக்காக உயிரைக்கூட கொடுப்பேன்". எப்போவாவது கதைகளிலோ திரைப்படங்களிலோ இதைப்பார்க்கும்போது அபத்தமாக இருக்கும். எவன் இந்தக்காலத்தில் உயிரை எல்லாம் கொடுக்கப்போகிறான்? ஆனால் இவர்கள் எல்லோருமே எமக்காக உயிரைக்கொடுத்தவர்கள். இந்தச் சொந்தத்தை நாங்கள் இலகுவில் மறந்துவிடுகிறோம். பெற்றதாய்க்கு கூட தன் குழந்தைகளில் யாரோ ஒருவரிடம் அதிக பாசம் இருக்கும். அது இயல்பு. ஆனால் இவர்களிடம் அந்த சிந்தனையே இல்லை. எம்மை வைத்து அரசியல் செய்வார்களா? மறந்துவிடுவார்களா? தம் குடும்பம் என்னாகும்? எந்த யோசனையும் இல்லை. என் பெயர் கூட இவர்களுக்கு தெரியாது. ஆனால் உயிரைக் கொடுத்திருக்கிறார்கள். கோபம் வருகிறது. சேர்ட்டு கொலரைப்பிடித்து உலுக்கிக்கேட்கவேண்டும் போன்றிருக்கிறது. எதற்கு? நான் யார் உங்களுக்கு? எனக்காக ஏன் இப்படிப்போய் இறந்தீர்கள். உங்களை நாங்கள் அவனா? இவனா? என்கின்ற அரசியலுக்குள் அடக்கிவிடுகிறோம். உங்கள் பெயரைச்சொன்னால் சிக்கல் வந்துவிடும் என்று சீண்டாமல் இருக்கிறோம். இந்தக் கையாகாதவனுக்காக ஏன் இறந்தீர்கள்? இதை எழுதும்போதும் "இவன் ஏன் இதை எழுதுகிறான், இன்றைக்கு மாவீரர் தினம் இல்லையே, இதற்குள் ஏதாவது அரசியல் இருக்குமோ?" என்று யோசிக்கிறோம். நானே யோசிக்கிறேன். சும்மா இருந்துவிட்டு இப்போது மட்டும் என்ன திடீரென்று? என்றால், அதுதான் மனிதமனம். எப்போதோ இறந்த அன்னைக்காக திடீரென்று அழுபவர்களை கண்டிருக்கிறோம். அவர்களிடம் எதுக்கு திடீரென்று அம்மா ஞாபகம்? என்று கேட்கமுடியாது. அது எப்போதும் வரும். சிலவேளைகளில் எதுக்கு வேண்டாத வேலை? என்கின்ற கோழைத்தனத்தை மீறியும் வரும். அதுபோலத்தான் இதுவும். இதற்கெல்லாம் மாவீரர்வாரம் வேண்டியதில்லை. நம் மனத்துக்கு தர்க்கங்கள்  செய்யத்தெரியாது. சில கணங்களுக்காக உணர்ச்சிவசப்படவே முடியும். அது எக்கணத்திலும் நிகழும். நாம் அழும்போது உலகத்தில் இன்னொருவர் சிரித்துக்கொண்டே இருக்கிறார். சிரிக்கும்போது எங்கோ ஒருவீட்டில் ஒப்பாரி கேட்டுக்கொண்டே இருக்கும். இது நியதி. அவர்கள், இவர்கள், தவறு, சரி இதெல்லாமே அரசியல் சார்ந்தது. அது வேறு. அதெல்லாமே ஆராயப்படவேண்டியதுதான். ஆனால் எந்த அரசியல் பகடைக்குள்ளும் இவர்களை நாம் இட்டு துகிலுரிக்கக்கூடாது. அப்படி உரித்தாலும் உரிபடுவது நாமே ஒழிய அவர்கள் அல்ல. ஆனால் நாங்கள் இவர்களை கொஞ்சம் கொஞ்சமாக  எம்மோடு சேர்த்து இவர்களையும் துகிலுரிக்கவே முயலுகிறோம். இருக்கிறோம். மற்றவனை விட நாமே அதிகமாய் அதை செய்கிறோம். இதை படம் பிடிக்க சனல் 4 தேவையில்லை. தினம் தினம் எங்கள் வீடுகளிலேயே நிகழ்கிறது. நண்பர் குடும்பம் ஒன்று சென்றவாரம் இலங்கை சுற்றுலா சென்று திரும்பியது. சந்திரமௌலீச்சரம் உட்பட அத்தனை ஈச்சரங்களுக்கும் சென்று வந்தோம் என்று பெருமைப்பட்டுக்கொண்டார். யாழ்ப்பாணத்தில் ஆர்மிக்காரங்கள் கூட நல்லா தமிழ் கதைக்கிறாங்கள் என்றார். ஆனால் அவர் மகனால் தமிழ் பேசமுடியாது. என்ன ஒரு முரண்நகை இது. ஒருபுறம் நமக்காக, தமிழுக்காக உயிரை மாய்த்தவர்கள். இன்னொருபுறம் அவர்கள் யாருக்காக உயிரை மாய்த்தார்களோ அவர்கள் பரம்பரை தமிழை பயிலவில்லை. கொன்றவன் தமிழ் பயில்கிறான். அதுதான் இந்த முரண்நகைகளின் உச்சம். எம் நிர்வாணங்களை நிலைக் கண்ணாடி காட்டும்போது நமக்கே அவமானமாக இருக்கிறது. அவமானம் உச்சமாகி குற்ற உணர்ச்சி மேலோங்கினால் சிலர் தம்மைத்தாமே குத்தி இரத்தம் வரவைப்பார்கள். தனிமையை நாடுவார்கள். கோபம் வரும். கழிவிரக்கம் வரும். ஒவ்வொருவருக்கு ஒவ்வொரு வழி உண்டு. நமக்கு தெரிந்தது இப்படி எழுதுவது. இதெல்லாமே இயலாமையே. "Tuesdays with Morrie" என்ற புத்தகம் வாசிக்கும்போது இந்த இயலாமைக்கான மூலம் ஓரளவுக்கு தெளிவானது. அதிலே மொரி ஒரு கருத்து சொல்லுவார். "முதலில் நீ உன்னை மனப்பூர்வமாக மன்னிக்கப் பழகவேண்டும்" எம்மை நாம் மன்னிக்காவிட்டால் வாழ்க்கை நரகமாகிவிடும். மறப்பது வேறு. மன்னிப்பது வேறு. காலம் பலதை மறக்கடிக்கச்செய்யும். மறந்துபோவதால்தான் நாலு வேளையும் நமக்கு வயிறு செரிக்கிறது. ஆனால் மறப்பதைப் போன்றதொரு துரோகம் வேறொன்றுமில்லை.  மன்னிக்க வேண்டும். நம்மை. ஒருகணம் கண்ணைமூடி நாம் செய்த தவறுகளை மன்னிக்க முயன்றுபாருங்கள். இயலாது. நம்மை நாமே மன்னிப்பதென்பது சாதாரண விடயம் இல்லை. மன்னிப்பதற்கும் மன்னிக்கப்படுவதற்கும் தகுதிவேண்டும். அது மட்டும் முடியுமானால் நாமெல்லோருமே என்றைக்கோ நல்லவராகியிருப்போம். “மன்னிப்பவன் மனுஷன். மன்னிப்பு கேட்கத்தெரிந்தவன் பெரிய மனுஷன்” என்று விருமாண்டியில் ஒரு வசனம் வரும். இங்கே இருவருமே நாமாக இருக்கையில் நாம் எவ்வளவு பெரிய மனிதர்களாக இருக்கவேண்டும்?  அது முடியாமலேயே வாழ்க்கை முழுக்க குற்ற உணர்ச்சிகளோடு சுற்றித்திருந்து தம் வாழ்வையும் சூழவிருப்பவர் வாழ்வையும் துன்புறுத்துபவர்களே இங்கே அதிகம். தன்னை மன்னிக்க முடியாதபோது அது ஏற்படுத்தும் கோபமும் கழிவிரக்கமும் மற்றவர்கள் மீது திரும்புகிறது. அடுத்த பாடல் வருகிறது. “எம்மை நினைத்து யாரும் கலங்கக் கூடாது” மன்னிப்பாயா?
×
×
  • Create New...

Important Information

By using this site, you agree to our Terms of Use.